Azərbaycanda ağır yaralı hərbçilərə əlil əsgər statusunun verilməsindən imtina adi haldır. Yüzlərlə ağır yaralanmış Qarabağ müharibəsi əlillik dərəcəsinin təyin edilməsin nail ola bilmir. Amma elə olur ki, Əmək və Əhalinin Sosial Müdafiəsi Nazirliyi qanunla verdiyi əlil statusunu geri alır.

2021-ci il iyunun 25-də Qarabağda ağır yaralanan əsgər Fuad Mahir oğlu Həsənov uzun müayinə və müalicələrdən, sümüklərin düzgün bitişməməsindən və cərrahiyyə əməliyyatından sonra 5 illik etibarlılıq müddəti göstərilən üçüncü dərəcəli əlillik dərəcəsi alıb.

Belə ki, həkimlər düşmən mərmisinin qopması nəticəsində onun sağ ayağının zədələndiyini qeyd edib.

Ayaq damarları atrofiyaya uğrayıb, yara, posttravatik artroz başlayıb, yəni ayaqlar öz vəzifəsini yerinə yetirə bilmir.

Əlilə verilən sənəddə yüngül işlərdə işləməyin mümkünlüyü qeyd edilirdi.

Həsənov iki il ərzində aldığı müavinətlə yaşa bilib, normal iş həyatına qayıtması üçün ayağının normal hərəkət qabiliyyətinin bərpasına və ailəsini dolandırmaq üçün pul qazana biləcəyinə ümid edib.

25 may 2023-cü il tarixində isə Tibbi-Sosial Ekspertiza və Reabilitasiya üzrə Dövlət Agentliyinin həmin komissiyası bədəndə əvvəllər müəyyən edilmiş xəsarətləri təsdiqləyrək Həsənovu əlillik dərəcəsindən məhrum edib.

Səbəb isə belə göstərilir: komissiyanın qoyduğu diaqnoz əlilliyə səbəb olmur.

“Sağlam əlil” Fuad Həsənov kömək üçün “Turan”a müraciət edib.

Dövlət Agentliyinin mətbuat xidmətinin rəhbəri Tural Qurbanov Həsənovun işi ilə tanış olduqdan sonra qurumun rəsmi rəyini “Turan”a göndərəcəyini vəd edib.

Bir həftəlik susqunluqdan sonra “rəy bu gün olacaq” deyə söz verdi, amma yenə dediyini yerinə yetirmədi.

Bizə məlum olmayan səbəblərdən Əmək və Əhalinin Sosial Müdafiəsi Nazirliyi yanında Tibbi-Sosial Ekspertiza və Reabilitasiya üzrə Dövlət Agentliyi əsgərə əvvəllər verilmiş əlillik dərəcəsindən imtina qərarını şərh etməkdən imtina edir.

Belə ki, Dövlət Agentliyi Fuad Həsənova 5 il müddətinə təyin edilmiş əlilliyin iki ildən sonra ləğv edilməsinə aydınlıq gətirməyib.

Mətbuat həmçinin qarnından yaralanan əsgər Davud Bağırzadə ilə bağlı da oxşar vəzyyətin olduğunu yazıb. Ona verilən rəydə bildirilir ki, mərminin partlaması nəticəsində nazik bağırsağına dəyən ziyan əlillik dərəcəsinin verilməsinə səbəb olan fəsadlar yaratmır.

“Qarabağ Müharibəsi Əlilləri” ictimai birliyinin sədri Rey Kərimoğlu “Turan”a müsahibəsində veteranlara əlil statusunun verilməsində problemlərin olması ilə razılaşıb, buna səbəb qanunvericiliyin mükəmməl olmamasıdır.

“2015-ci ildə Milli Məclis və Nazirlər Kabineti əlillik meyarları haqqında müddəaya 413 saylı əlavələr qəbul edib. Sonra 90 xəstəlik əlillik təyin olunan xəstəliklər siyahısından çıxarılır. Sonra xəstəliklərin siyahısı yenidən genişləndirildi. Amma problem gördüyümüz kimi qalır”, – deyə Rey Kərimoğlu bildirib.

Dərhal qeyd edim ki, bu, MİDA-nın onlayn mənzil satışı deyil
Sabah, 8 avqust saat 11.00-da valideynlərin uşaq bağçalarında onlayn növbə tutması prosesinə start veriləcək.
Məlum olduğu kimi Elm və Təhsil Nazirliyi artıq 2-ci ildir ki, bağçalara qəbulu elektron formada təşkil edir.
Ötən bir həftə ərzində valideynlər ETN-nin bağçalara qəbulla bağlı www.bq.edu.az resursunda qeydiyyatdan keçiblər. Qeydiyyatdan keçmək hələ növbə tutmaq hesab olunmur.
Məhz sabah əsas məsələ, bağçalara qəbulla bağlı onlayn növbə tutulması mərhələsi başlayır.
Bir valideyn maksimum 3 bağça seçə bilər.
Prinsip belədir ki, kim bu sistemə birinci daxil olub, siyahıdakı bağçanı seçə biləcəksə onun uşağının bu bağçaya düşmə şansı daha çox olacaq.
Yəni, MİDA sistemində olduğu kimi, burada da kim İT-dən daha cəld və çevik istifadə edə bilirsə onun şansı daha yüksək olacaq, növbə siyahısındakı yeri daha yuxarıda olacaq.
Xatırladıram ki, növbə siyahısında başda olmaq da hələ bağça seçmək anlamına gəlmir.
Qaydalara görə ilk öncə müəyyən qanuni üstünlüklərə malik olan vadieynlərin uşaqları bağçalara qəbul ediləcək. Ondan sonra isə həmin onlayn növbə siyahısı əsasında qəbul apatrılacaq.
Mövcud növbələrin boş yer olduğu halda sorğuya çevrilməsi prosesi isə minimum 5 gündən sonra həyata keçiriləcək.
Əlbəttə, onlayn proses korrupsiya və rüşvət risklərinin minimuma endirilməsi üçün mühüm əhəmiyyət kəsb edir.
Bağçalara qəbul Bakı şəhər İcra Hakimiyyətlərinin nəzarətindıə olduğu zaman bu sahədə xeyli neqativlər formalaşmışdı.
Təqdirəlayiqdir ki, ETN bağçalara, 1-ci siniflərə, hazırlıq qruplarına qəbulla bağlı bir sıra rəqəmsal həllər yaradıb və effektiv də tətbiq edilir.
Bununla belə, İT bacarıqlarla bağlı bir çox valideynlərin seçim imkanlarının da öncədən məhdud olması müəyyən riskləri yaradır.
Odur ki, ETN-nin, Təhsil Sisteminin İnformasiyalaşdırması İdarəsinin bu risklərin minimuma endirilməsi üçün, valideynlərə bərabər imkanların yaradılması üçün, şəffaflığın və informasiya açıqlığının, ictimai nəzarət imkanlarının yaradılması üçün əlavə tədbirlər görməsi də faydalı olardı.
Osman Gunduz
Teref.az

Naxçıvanda Fövqəladə Hallar Nazirliyindən (FHN) əmək stajı ilə təqaüdə çıxmış bir qrup şəxsin pensiyası ləğv olunub. Bu qrupa 2013 və 2017-ci illər arasında təqaüdə çıxan 47 nəfər daxildir. Teref.az yazır ki, bu haqda “Gündəlik Naxçıvan”a təqaüdü kəsilmiş əməkdaşlar məlumat verib. Onlar deyir ki, Naxçıvanın ƏƏSM Nazrliyi təqaüdlərin dayandırılması ilə bağlı onlara tutarlı səbəb göstərməkdən imtina edir.
Şikayətçilərdən Yusif Tağıyev deyir ki, təqaüdü kəsilənlərin əksəriyyəti 1-ci Qarabağ müharibəsi veteranıdır:
“2017-ci ilin fevral ayı mən Şərur rayon FHN–dən xıdmət kecmənin tələblərinə uyğun öz xıdmətımı başa vurdum. Sənədlərimi DSMF-yə təqadim etdim və son 24 ayın hesabına görə mənə pensiya təyin edildi. 2023-cü ıl ıyul ayına qədər pensıyamı alırdım. İyulun 5-də Şərur rayon DSMF-dan bıldırdılər kı, sızın pensıyanız ləğv olunub. Digər yoldaşlarla da əlaqə saxladım. Onlara da eyni məzmunlu məktub gəlib. Bizlərdən çoxunun 25 ildən artıq iş stajımız var. Çoxları 10 ildir ki, pensiya alırdı”.
FHM-in digər keçmiş əməkdaşı M. Babayev deyir ki, şikayət üçün yığışıb Naxçıvan DSMF-ə getsələr də heç bir nəticəsi olmayıb:
“2015-cü ildə staja görə təqaüdə çıxmışam. 10 ildən artıqdır ki, pensiya alıram. İndi pensiyamızı kəsiblər. Pensiyamızın kəsilməsinin səbəbini isə açıqlayan yoxdur. Şikayətə gedəndə bizi fondun rəhbəri bizi qəbul etdi. Dedi ki, Bakıdan gələn yoxlamanın göstərişi ilə təqaüdlər ləğv olunub. Guya o vaxt bizlərə səhv təyinat verilib. Ləğv olunma ilə bağlı qərarı tələb etsək də, bizə verməkdən imtina etdilər. İndi əlimizdə əsas yoxdur ki, məhkəməyə şikayət edə bilək. Nə edəcəyimizi bilmirik. Mənim evdə ankoloji xəstəm var və onun dərmanlarını aldığım təqaüdlə çatdırırdım. İndi necə olacaq, bilmirəm”.
Keçmiş FHN əməkdaşları prezidnt İlham Əliyevə müraciət edərək, təqaüdlərinin bərpa olunmasında onlara yardımçı olmasını xahiş edirlər.
Teref.az

İstehsalatda baş vermiş bədbəxt hadisə və ya peşə xəstəliyi nəticəsində işçilərə dəymiş ziyanın əvəzi hansı hallarda ödənilir?
1. İstehsalatda baş vermiş bədbəxt hadisədə və ya peşə xəstəliyində təqsirli (tam,qismən) olan işəgötürən: işçiyə xəsarət yetirilməsi və ya sağlamlığının başqa şəkildə korlanması ilə əlaqədar dəymiş zərərin, müalicə olunması üçün çəkdiyi xərclərin, müavinətlər verilməsi ilə əlaqədar çəkilən xərcləri, eləcə də AR-nın Mülki Məcəlləsi ilə müəyyən edilmiş və sair xərclərin əvəzini bütövlükdə ödəməlidir.
2. İşəgötürənin təqsiri üzündən baş vermiş istehsalat qəzası və yaxud peşə xəstəliyi ilə əlaqədar həlak olmuş işçilərin ailə üzvlərinə və himayəsində olan digər şəxslərə qanun-lə müəyyən edilmiş qaydada dəymiş zərərə görə müvafiq ödənclər ödənilməlidir.
3. Aşağıdakı şərtlərin eyni zamanda hər üçü olduqda, işəgötürənin işçi qarşısında qəsdən və ya ehtiyatsızlıqla vurduqları ziyana görə maddi məsuliyyəti yaranır:
3.2. ziyanın həqiqətən vurulduğu aşkar olduqda;
3.2.təqsirkarın əməli, yəni hərəkəti və ya hərəkətsizliyi qanuna zidd olduqda;
3.3. təqsirkarın qanunazidd əməli ilə bu əməlin nəticəsi arasında səbəbli əlaqə olduqda.
4. İstehsalatda bədbəxt hadisələr təhqiq edilərkən aşağıdakı hallar istehsalatda baş vermiş bədbəxt hadisə kimi rəsmiləşdirilmir və uçota alınmır:
5. Təbii ölüm, özünə qəsd, intihar hadisələri, həmçinin cinayət törədərkən, şəxsi məqsədi üçün hər hansı işlə məşğul olarkən, suda çimərkən, balıq ovlayarkən (əgər bu əmək fəaliyyəti ilə bağlı deyilsə), işçilərin özlərinin təşəbbüsləri ilə nahar fasilələrində və ya işdən sonra idman tədbirləri keçirərkən işçilərin xəsarət alması və ya ölümü, texniki spirtlərin, narkotik vasitələrin, psixotrop və sair pozulması və fikir dalğınlığı nəticəsində baş vermiş bədbəxt hadisələr.
Azər Quliyev,hüquqşunas
Teref.az

“Azərlotoreya” dövlət səviyyəsində fırıldaqla, vətəndaşları aldatmaq və soymaqla məşğuldur və maləsəf ki, “Azərlotoreya”nın bütün bu hoqqabazlığına eyni səviyyədə – yəni DÖVLƏT SƏVİYYƏSİNDƏ susmaqla məşğuldurlar”.

Bu açıqlama ilə dia.az saytının baş redaktoru Məhəmməd Ərsoy özünün “facebook” səhifəsində çıxış edib.

Baş redaktor daha sonra fikrinə belə davam edib: “Elə buna görə də bu gün yetim kasıbın ciblərinin küncündəki son qəpik-quruş da açıq şəkildə “Azərlotoreya” tərəfindən QARƏT OLUNUR və buna da hüquqi don geyindirilir.

“Azərlotoreya”nın dövlət himayəsində olduğunu sübutlayan məqamlar yetərincədir. Məlumdur ki, Azərbaycanda QUMAR rəsmən qadağan olunub və onun bütün formalarına Azərbaycan qanunları ilə CƏZA müəyyən olunub. “Azərlotoreya”nın təşkil etdiyi bütün işləklərin də adı QUMARDIR… bunun əksini kimsə sübut edə bilməz.

Amma buna rəğmən bu gün “Azərlotoreya” nəninki Azərbaycanda açıq fəaliyyətdədir, hətta DÖVLƏT TELEVİZİYASI qarışıq, bütün radio-televiziyalarda, KİV-lərdə açıq şəkildə reklam və təbliğ olunur.

BUNA NƏ DEYƏ BİLƏRİK?

Təbii ki, bunun da bir adı var: HİMAYƏ OLUNAN QUMAR BİZNESİ…

Himayədar isə maləsəf, DÖVLƏT adından çıxış edirmiş kimi görünən bir qrup işbaz məmurdur. Hər halda bu faktın nəhayətdə gərəkən qurumların da diqqətini cəlb edəcəyinə ümid etməkdəyik. Çünki başqa yolumuz yoxdur…

Şəxsən mənə görə, “Azərlotoreya” camaatımız üçün narkotikdən daha təhlükəlidir…”

Məsələ ilə bağlı bütün maraqlı tərəflərin mövqelərini işıqlandırmağa hazırıq…

İstənilən şəxs MyGov-a daxil olub "Sorğulanmış məlumatlarım" bölməsini seçəndə görəcək ki, xeyli sayda dövlət və özəl qurum, banklar sizdən xəbərsiz fərdi məlumatlarınıza baxıb.
Bəzən isə burada hətta sizin şəxsi məlumatlarınıza baxanların uzun bir siyahılarını görə biləcəksiniz.
Hərdən mən özüm təəccüblənirəm ki, banklarda olanlar gecə-gündüz bilmədən, dövlət sistemlərində olan bu şəxsi məlumatları necə və nə üçün toplayırlar.
Hansı ki, vətəndaşın razılığı olmadan bu, qanunsuzdur.
Proses adətən belə baş verir.
Qurumlar, banklar da bilir ki, vətəndaşın hansısa bir razılığı olmadan bunu etmək qanunsuzdur və onu məhkəmə gözləyə bilər.
Odur ki , vətəndaş nə zamansa identifikasiya olunmadan, adi bir loginlə harasa daxil olub xidməti almaqla bağlı nəyisə təsdiqləyəndə, qurumlar, banklar dərhal, heç vətəndaşın xəbəri olmadan da fərdi məlumatlarına baxmaq razılığı da alırlar.
Bunlar hamısı yolverilməzdir.
Uzun müddətdir ki, proses bu qaydada davam edir.
İndi isə bunun qarşısını almaq üçün bildiyim qədər İnnovasiya və Rəqəmsal İnkişaf Agentliyi yeni bir mexanizm hazırlayıb.
Qurum bir neçə hökumət portalını özündə birləşdirən Super Portal və onun əsasında mobil Rəqəmsal Cüzdan da hazırlayır.
Hansı ki, burada vətəndaşın şəxsi kabineti nəzərdə tutulub və elə burada da, qurumlardan bildirişlər almaq, sorğulanmış məlumatlarına münasibət bildirmək imkanı yaradılıb.
Bu prosesdə SİMA rəqəmsal imzadan istifadə imkanı da nəzərdə tutulub.
Artıq vətəndaşın razılığı olmadan, hansısa bank və ya qurum onun fərdi məlumatlarına baxa bilməyəcək.
Yeri gəlmişkən, Super Portalda və Cüzdanda olan bir çox məlumatlar da artıq sadəcə məlumat deyil, data əsaslı "rəqəmsal sənəd" statusuna malik olacaq.
Xatırladıram ki, bir neçə il öncə Avropada fərdi məlumatların qorunması ilə bağlı tam yeni standartlar hazırlanıb.
RİNN açıqlama verib ki, bu standartlar əsasında "Fərdi məlumatlar haqqında" yeni qanun layihəsi də hazırlayıb və hökumətə təqdim edib.
Hələlik bu yeni layihədən xəbər yoxdur.
Osman Gunduz
Teref.az

Mənzil İnşaatı Dövlət Agentliyinin (MİDA) mənzilləri daşınmaz əmlak bazarına daxil olduğu müddət ərzində bazarda qiymətlərin xeyli artdığına baxmayaraq, “sosial mənzillər”in dəyəri demək olar sabit qalıb.

Bunu “Report”a açıqlamasında daşınmaz əmlak üzrə ekspert Nüsrət İbrahimov deyib.

“2016-cı ildən bəri mənzil bazarında qiymətlər xeyli artıb. O vaxt Yasamalda mənzilin bir kvadratmetri 850 manat idisə, indi iki min manat ətrafındadır. “Sosial mənzil”in ümumi dəyəri isə təqribən 4 000-5 000 manat artıb”, - N.İbrahimov qeyd edib.

Ekspert vurğulayıb ki, Bakıda köhnə tikili binalarda mənzillərin kvadratmetri hazırda 1 500 manat təşkil edir. Eyni ünvanda kiçik sahəli evlərdə isə qiymət 2 min manatdır. Yeddi ilə qiymətlər iki dəfədən də çox artıb:

“Qiymətlərin artımı ölkədə və dünyada baş verən proseslərlə bağlıdır”.

O qeyd edib ki, MİDA-nın satışa çıxardığı evlər sosial təminatlıdır və bu səbəbdən güzəştli qiymətlərlə satılır:

“Bu mənzillər aztəminatlı ailələr üçün nəzərdə tutulub. Nəzərə alaq ki, bu gün əmlak bazarında satılan evlərin təxminən 90%-dən çoxu ipoteka krediti hesabına satılır. Lakin aztəminatlı ailələrin orta aylıq gəliri bu kreditlər üzrə şərtlərə cavab vermədiyi üçün onlar MİDA-nın satışa çıxardığı mənzillərə üz tuturlar. Son nəticədə həmin kateqoriyaya aid olan ailələrin mənzil problemi həll olunur.

İkinci tərəfdən isə müəyyən müddətdən sonra “sosial evlər” təkrar bazara daxil olaraq daha baha qiymətə satılaraq təklifi qaldırırlar. Azərbaycanda xüsusən də Bakı şəhərində əhalinin artım tempi bir ilə 1% təşkil edir. Bu səbəbdən “sosial mənzillər” bazarın tələbini tamamlayır. Beləliklə bazarda zaman-zaman tələb-təklif balansının normallaşdığını müşahidə edirik”.


Əmlak eksperti Ramil Osmanlı bildirib ki, hazırda ipoteka kreditləri hesabına satılan mənzillər ümumi daşınmaz əmlak bazarının 7%-ni təşkil edir:

“MİDA-nın təklif etdiyi mənzillərin bazar payı heç 1% belə deyil. Düşünmürəm ki, daşınmaz əmlak bazarında böyük bir kütlə oturub gözləyir ki, “sosial evlər” satışa çıxarılsın. Qiymət fərqi belə olsa da mənzil alıcılarının sırf MİDA-dan mənzil almaq üçün gözləmələrini demək olmaz. Çünki, faktiki olaraq MİDA-nın xətti ilə mənzil almaq imkanları əlçatan görünsə də, qeyd olunan kateqoriyaya uyğun olan insanların sayı azdır”.

“Azərbaycan Rieltorlar Assosiasiyası” İctimai Birliyinin icraçı direktoru Elnur Azadov açıqlamasında bildirib ki, MİDA-nın ildə bir və ya iki dəfə satışa çıxardığı mənzillərin bazarda payı azdır:

“Onların satışa çıxardığı mənzilləri iki yolla əldə etmək olur - nağd və ya ipoteka krediti ilə. “Sosial evlər” nisbətən ucuz olduğu üçün onları əldə etmək hüququna malik olan bəzi insanlar bu mənzilləri nağd şəkildə almağa çalışırlar ki, bir müddət keçəndən sonra onları bazarda 10-15% bahasına satsınlar. Lakin satışa çıxarılan mənzillərin sayı az olduğu üçün bazara elə də təsiri olmur. Bu, yalnız fərdi olaraq həmin yaşayış kompleksində mənzil almaq istəyən vətəndaşlara cüzi təsir edə bilər”.

Müqayisə üçün qeyd edək ki, hazırda MİDA-nın satışa çıxardığı üç otaqlı, ümumi sahəsi 87 kvadratmetr olan mənzilin bir kvadratmetri 750 manatdan başlayır. Həmin ərazidə yeni tikili binalarda mənzilin bir kvadratmetri isə 1900-2100 manat ətrafında dəyişir.

Xatırladaq ki, güzəştlə mənzil əldə etmək hüququna malik olan şəxslər aşağıdakılardır:

Yaşı 35-dən çox olmayan gənc ailə üzvləri: şəhid, Vətən müharibəsi qəhrəmanının, Azərbaycan Milli Qəhrəmanının övladları, məcburi köçkün və ya ona bərabər tutulan şəxs, ən azı üç il dövlət ümumi təhsil müəssisəsində müəllim işləyən şəxs, fəlsəfə doktoru elmi dərəcəsi olan şəxs, idman sahəsində xüsusi xidmətləri olan şəxs, ən azı beş il jurnalist işləyən və Media Reyestrinə daxil edilmiş şəxs,

Yaşından və ailə vəziyyətindən asılı olmayaraq digər şəxslər: şəhid ailəsinin üzvü (əri, arvadı), Vətən müharibəsinin qəhrəmanı (özü, əri, arvadı), Azərbaycanın Milli Qəhrəmanı (özü, əri, arvadı), elmlər doktoru elmi dərəcəsi olan şəxs, ən azı 15 il dövlət qulluğunda qulluq edən, o cümlədən dövlət qulluğunun xüsusi növündə xidmət keçən şəxs, ən azı üç il hərbi xidmətdə olan, həmçinin ehtiyata və istefaya buraxılmış Azərbaycanın hərbi qulluqçuları, ən azı üç il daxili işlər orqanlarında xidmət keçən xüsusi rütbəsi olan şəxs, ən azı üç il elmi vəzifədə işləyən elmi işçilər, ən azı 15 il dövlət ümumi təhsil müəssisəsində müəllim işləyən şəxs, ən azı 15 il jurnalist işləyən və Media Reyestrinə daxil edilmiş şəxs.