 |
|
|
İran Ordusu ABŞ və İsrail bazalarına qarşı ən gərgin əməliyyat başlayıb.
“Qafqazinfo” xəbər verir ki, bu barədə İran İnqilab Keşikçiləri Korpusunun (SEPAH) İran dövlət televiziyasında yayımlanan 30 nömrəli bəyanatında deyilir.
SEPAH “Əsl vəd 4” əməliyyatının 37-ci dalğasının hücumların başlanğıcından bəri ən ağır və gərgin mərhələ olduğunu açıqlayıb:
“Təl-Əvivin cənubundakı peyk rabitə mərkəzi, Qərbi Qüds və Hayfadakı hərbi mərkəzlər, Ərbildəki ABŞ hədəfləri və bölgədəki 5-ci Dəniz Donanması ikinci dəfə hədəfə alınıb. 37-ci əməliyyat hücumların başlanğıcından bəri ən ağır və gərgin əməliyyat oldu”.
Bildirilib ki, əməliyyat 3 saatdan çox davam edib və bu müddət ərzində iki tonluq ballistik döyüş başlığı ilə təchiz edilmiş “Xorrəmşəhr” raketindən istifadə edilib.
Rusiyanın İrandakı konsulluğuna avia-zərbə endirilib.
Gununsesi.info xəbər verir ki, bu barədə Rusiyanın Xarici İşlər Nazirliyinin sözçüsü Mariya Zaxarova məlumat verib.
Onun sözlərinə görə, 8 martda Rusiyanın İsfahandakı konsulluq binasına avia-zərbə endirilib. Nəticədə bir neçə nəfərin yüngül xəsarətlər alıb./Teleqraf
İran ordusu İraqın Ərbil şəhəri yaxınlığındakı ABŞ-nin hərbi bazasına PUA və raketlərdən istifadə etməklə hücuma keçib. Bağdad hava limanı yaxınlığındakı ABŞ-nin diplomatik obyekti də hücuma məruz qalıb.
Gununsesi.info xəbər verir ki, bu barədə “Reuters” agentliyi mənbələrinə istinadən məlumat yayıb.
Məlumata görə, diplomatik obyektə edilən hücum “C-RAM” hava hücumundan müdafiə sistemləri tərəfindən zərərsizləşdirilib.
ABŞ hərbi bazasına endirilən zərbələrin nəticələri barədə hələlik açıqlama verilməyib.
ABŞ-İsrail hücumlarının hədəfi olan İranın paytaxtı Tehranda yeni partlayışlar baş verib.
Gununsesi.info xəbər verir ki, partlayışlardan sonra şəhərin müxtəlif yerlərindən qatı tüstü qalxıb.
Tehranda hava hücumundan müdafiə sistemləri işə salınıb və təyyarələrin səsləri eşidilməyə davam edir.
Mediatv.az xəbər verir ki, satış paketinə 12 min “BLU-110” hava bombası, həmçinin logistika və dəstək xidmətləri daxildir.
Dövlət katibi Marko Rubio bildirib ki, müqavilənin dərhal təsdiqlənməsi fövqəladə vəziyyət səbəbindən zəruridir və bu addım ABŞ-nin milli təhlükəsizliyinə töhfə verir. O qeyd edib ki, Konqresin mövqeyi bu hallarda tələb olunmur.
Rəsmi açıqlamada bildirilir ki, satış İsrailin mövcud və gələcək təhdidlərə qarşı müdafiə qabiliyyətini artırmaq və Yaxın Şərqdə regional balansı təmin etmək məqsədini daşıyır.
ABŞ “USS George H.W. Bush” aviadaşıyıcısının başçılıq etdiyi üçüncü zərbə qrupunu Yaxın Şərqə göndərməyə hazırlaşır.
Gununsesi.info xəbər verir ki, bu barədə “Fox News” telekanalı məlumat yayıb.
“Üçüncü aviadaşıyıcı zərbə qrupu Atlantik okeanını keçməyə və İrana qarşı müharibəyə qoşulmağa hazırlaşır. “USS George H.W. Bush” aviadaşıyıcısının yerdəyişməsinin yaxın zamanda baş tutacağı gözlənilir”, – telekanalın məlumatında deyilir.
Qeyd edək ki, hazırda ABŞ Hərbi Dəniz Qüvvələrinin “USS Abraham Lincoln” aviadaşıyıcısı İrana qarşı hərbi əməliyyatların aparıldığı bölgədədir. İkinci aviadaşıyıcı – “USS Gerald R. Ford” isə Qırmızı dənizdədir.
İsrail Ordusu İran ərazisindən növbəti raket buraxılışılarını aşkarladığını və onları zərərsizləşdirməyə başladığını bildirib.
Bu barədə İsrail Ordusunun Mətbuat xidməti açıqlama verib.
"İsrailin Müdafiə Ordusu İrandan İsrail Dövləti ərazisinə raket atışını aşkar edib", - bəyanatda deyilir.
Nazirlik əlavə edib ki, hava hücumundan müdafiə sistemləri təhlükələrin qarşısını almaq üçün işləyir.