 |
|
|
Livan ərazisindən “Hizbullah” təşkilatı tərəfindən İsrailin şimalına onlarla raket atılıb.
Qeyd olunub ki, mərmilərin sayı 50-ni keçib, onlardan ən azı 30-u bir dəqiqə ərzində atılıb.
İsrailin atəşə məruz qalan bölgələrində hava həyəcanı elan edilib.
İsrail Müdafiə Qüvvələrinin (IDF) nümayəndələri etiraf ediblər ki, 40-a yaxın raket İsrail ərazisinə çatıb. İddialara görə, onlar səhra ərazisinə düşüblər, xəsarət alan olmayıb.
Mənbə: ren.tv
ABŞ hələ də İranın İsrailə qarşı mümkün cavab zərbəsinin cümə günü, aprelin 12-də baş verə biləcəyini təsdiqləyən məlumata malik deyil.
Bu barədə Ağ Evin Milli Təhlükəsizlik Şurasının nümayəndəsi "Əl-Cəzirə" telekanalına məlumat verib.
"Biz vəziyyəti izləməyə davam edirik və İranın bu gün İsrailə zərbə endirəcəyi ilə bağlı xəbərlər təsdiqlənə bilməz", - Milli Təhlükəsizlik Şurasının sözçüsü bildirib. Onun sözlərinə görə, ABŞ İsrailin təhlükəsizliyinə güclü dəstək verir.
Qeyd edək ki, aprelin 12-də "The Wall Street Journal" İranın cavab zərbəsinin yaxın 24-48 saat ərzində baş verə biləcəyini bildirib. Nəşrin məlumatına görə, İsrail İrandan şimal və ya cənubdan birbaşa hücuma hazırlaşır. Eyni zamanda, qəzetin qeyd edib ki, Tehran hələlik yekun qərarını verməyib.
Öz növbəsində, "Axios" portalı mənbələrinə istinadən xəbər verib ki, İslam Respublikasının xarici işlər naziri Hüseyn Əmir Abdullahian alman həmkarı Annalena Berboka deyib ki, İran gərginliyin artmasına səbəb olmamaq üçün atəşə məhdud şəkildə cavab verəcək.
Emin Hüseynov Aİ-nin komitə üzvlərinə minatəmizləmə əməliyyatları barədə məlumat verib
Avropa İttifaqının (Aİ) Siyasi və Təhlükəsizlik Komitəsinin üzvləri işğaldan azad olunmuş Ağdam və Füzuli şəhərlərinə səfər ediblər.
İqtisadiyyat.az xəbər verir ki, bununla bağlı Azərbaycan Rrezidentinin Ağdam, Füzuli və Xocavənd rayonları üzrə xüsusi nümayəndəsi Emin Hüseynov “X” səhifəsində paylaşım edib.
Komitə üzvlərinə ərazilərdə həyata keçirilən tikinti-quruculuq işləri və minatəmizləmə əməliyyatları barədə məlumat verilib.
İsrail Müdafiə Qüvvələri Qəzza zolağının cənubundakı Rəfahdakı təşkilatın hərbi qanadının maliyyələşdirilməsindən məsul olan Fələstinin radikal HƏMAS hərəkatının üzvünü məhv edib.
“Report” xəbər verir ki, bu barədə İsrail ordusunun mətbuat xidməti məlumat yayıb.
Qeyd olunub ki, ordu ŞABAK-ın (Ümumi Təhlükəsizlik Xidməti - Qeyd) dəstəyi ilə terrorçu Naser Yaqub Cabberı zərərsizləşdirib.
HƏMAS-ın hərbi qanadındakı fəaliyyətinin bir hissəsi olaraq, o, təşkilatın Rəfahdakı hərbi fəaliyyətinin böyük hissəsinin maliyyələşdirilməsinə cavabdeh idi.
Keçən dekabrda o, hərbi fəaliyyətlər üçün HƏMAS-a yüz minlərlə dollar köçürüb.
Fransa donanması ölkəni "məhv etmək" iddiasında olanlara qarşı dənizdə "yüksək intensivlikli müharibə" üçün hazırlaşmağa başlayacaq.
Qaynarinfo xəbər verir ki, bu barədə "Politico"ya Fransa aviadaşıyıcılarının döyüş qrupunun komandiri kontr-admiral Jak Mallard bildirib.
"Dəniz döyüşləri getdikcə daha çox ehtimal olunur. Biz istədiyimiz kimi etməkdə kifayət qədər azad olduğumuz dünyadan özümüzü daha müntəzəm olaraq təhlükə hiss etdiyimiz dünyaya keçirik. Biz indi digər missiyalara, xüsusən də yüksək intensivlikli müharibə adlandırdığımız missiyalara hazırlaşırıq", deyə kontr-admiral vurğulayıb.
Onun sözlərinə görə, sözügedən missiyalar çərçivəsində fransız dənizçiləri "bizi məhv etmək istəyənlərə" müqavimət göstərməyi öyrənirlər.
Nəşrin məlumatına görə, Fransa Avropa İttifaqının yeganə ölkəsidir ki, nüvə silahı daşıyan "Şarl de Qoll" nüvə təyyarədaşıyan gəmisinə malikdir. Bu, nüvə sualtı qayıqları, freqatlar və "Rafale" qırıcı təyyarələrindən ibarət daha geniş daşıyıcı döyüş qrupunun flaqmanıdır.
Fransanın döyüş gəmiləri qrupunun yaxın günlərdə Aralıq dənizində missiyaya başlayacağı gözlənilir.
"Rusiyanın Ukraynaya qarşı müharibəsinin Qara dənizə sıçraması və İranın dəstəklədiyi husi üsyançılarının Qırmızı dənizdə döyüş gəmilərinə və ticarət gəmilərinə amansız hücum etməsi ilə Qərb donanmalarını getdikcə daha çox maneəsiz rəqiblərlə yeni mühitə uyğunlaşdırır. Qarşımızdakı rəqin qeyri-qanuni ticarətlə məşğul olmaq, balıq oğurlamaq, bizi izləmək və ya müşahidə etmək istəyən biri deyil, bizi məhv etmək istəyən biridir", deyə Jak Mallard bildirib.
Aqil Rüstəmzadə: “Bu silahlar regionda hazırki güc balansında əhəmiyyətli dəyişikliyə səbəb olmayacaq”
“Fransanın hər kəsin əldə etmək istədiyi hərbi texnikası var, amma biz onu Ermənistana veririk”. Bunu Fransanın Ermənistandakı səfiri Olivier Decotigny özünün X səhifəsində yazıb. Diplomat tvitinə “Politico” jurnalında “Thales” şirkəti tərəfindən istehsal olunan radarlar haqqında məqaləni də əlavə edib.
Bu məqalədə şirkətin 2008-ci ildən bu yana dünyanın 32 ölkəsinə 200 (təkcə 2023-cü ildə 40) GM radarı satdığı bildirilir. Həmçinin qeyd olunur ki, ötən aylarda Paris Ermənistana üç, Moldovaya isə bir sistem GM200 satıb. Moldova Aİ-nin Avropa Sülh Fondu tərəfindən maliyyələşdirilən daha bir radar almağa hazırlaşır.
Xatırladaq ki, Ermənistan və Fransa ötən il oktyabrın 23-də hərbi əməkdaşlıq haqqında saziş imzalayıblar. Bundan cəmi 5 ay sonra – fevralda Fransa silahlı qüvvələr naziri Ermənistanın müdafiə texnikasının ilk partiyasını aldığını bəyan edib.
Sazişə görə, Ermənistan Fransanın “Thales” müdafiə qrupundan üç “Ground Master 200” (GM200) radar sistemi, eləcə də digər növ hərbi texnika və sursat alacaq. Bu radar sistemi PUA, helikopter, qanadlı raketlər kimi təhlükələri aşkar etmək və izləmək qabiliyyətinə malikdir.
Müdafiə nazirləri, həmçinin “Mistral” qısa mənzilli hava hücumundan müdafiə raketlərinin alınması ilə bağlı niyyət memorandumu imzalayıblar. Fransanın müdafiə naziri silahların müdafiə xarakteri daşıdığını qeyd edib:
“Bu, öz təbiətinə görə yalnız Ermənistan ərazisinə təcavüz olduqda və əksər hallarda mülki əhali hücum altında olanda müdafiəni həyata keçirən silah sistemidir. Ermənistan özünü müdafiə etməli və xalqını qoruya bilməlidir. Fransa Ermənistanın qurudan müdafiə qüvvələrinə təlim keçəcək, ordunun islahatı və modernləşdirilməsinə dəstək verəcək”.
Paris dəfələrlə bəyan edib ki, Ermənistana ancaq müdafiə ləvazimatları verir. İrəvanda erməni həmkarı Suren Papikyanla keçirdiyi birgə mətbuat konfransında Sebastyan Lekornu bu regionda prioritet məsələnin həm əhalinin, həm də sərhədlərin qorunması olduğunu bəyan edib. O, vurğulayıb ki, heç kim Ermənistan ordusunun müdafiə imkanlarını artırmasına və hərbi qüvvələrini gücləndirdiyinə görə tənqid edə bilməz. “Bizim səylərimiz sizə özünüzü ən yaxşı şəkildə müdafiə etməyə imkan verəcək”, – Lekornu vurğulamışdı.
Ötən ilin sonunda Paris Fransanın “Arquus” şirkətinin istehsalı olan 24 “Bastion” zirehli maşınının Ermənistana gətirildiyini, daha 26-nın isə sonradan gətiriləcəyini, hazırda istehsalda olduğunu açıqlayıb.
Azərbaycan Ermənistana silah göndərişlərini qətiyyətlə pisləyib və bəyan edib ki, müəyyən edilmiş hərbi texnikanın ötürülməsi Ermənistanın hərbi potensialının güclənməsinə və regionda dağıdıcı əməliyyatlara xidmət edir. Rusiya Xarici İşlər Nazirliyinin rəsmi nümayəndəsi Mariya Zaxarova da Parisin İrəvana yararsız silahlar göndərdiyini bildirib.
Hərbi ekspert Aqil Rüstəmzadə Pressklub.az-a açıqlamasında Azərbaycan və Ermənistanın son illərdə aldığı silahların regionda hazırki güc balansında əhəmiyyətli dəyişikliyə səbəb olmayacağını deyir.
“Nəzərə almaq lazımdır ki, Azərbaycan Ermənistanla müharibədən güclü ordu hesabına qalib çıxıb və hazırda silahlı qüvvələrini gücləndirir. İstər 44 günlük müharibədə, istərsə də ötən ilin sentyabrında həyata keçirilən antiterror əməliyyatında Ermənistan ordusu böyük həcmdə texnika, canlı qüvvə itkisinə məruz qalıb, onun müdafiə qabiliyyəti sarsılıb. İrəvana ordunun döyüş qabiliyyətini bərpa etmək üçün uzun illər və milyardlarla dollar pul lazım olacaq”.
Ekspert qeyd edir ki, Ermənistanın hazırda aldığı silahlar az miqdardadır, artilleriya sistemləri, radarlar və gecəgörmə cihazlarından ibarətdir, bu da ordunun ehtiyaclarının kiçik bir hissəsini ödəyə bilər. “Onların əldə etdikləri hərbi-texniki vasitələr Azərbaycan ordusuna hər hansı çətinliklər yarada bilməz”, – o əlavə edib.
Azərbaycana gəldikdə, A.Rüstəmzadə bildirir ki, hazırda ordunun döyüş qabiliyyəti artırılır, İsraildən ən müasir silah sistemləri, yüksək dəqiqliyə malik vasitələr alınır:
“Sonuncu dəfə Türkiyədən çox geniş imkanları olan, ən uğurlu ağır zərbə dronu “Akıncı” alınıb. Bundan başqa, Serbiyadan 48 ədəd özüyeriyən artilleriya qurğuları əldə olunub. Ermənistanla Azərbaycan arasında silahlanma nisbətini nəzərə almağa belə dəyməz. Ermənistan ordusu olduqca zəif, müharibədəki ağır məğlubiyyətdən sonra hələ də özünə gəlməmiş ordudur”.
pressklub
Rusiya ordusu Odessaya raket zərbələri endirib.
Bu barədə UNİAN xəbər yayıb.
Tələfat barədə məlumat yoxdur.
İsrail aviasiyasının Qəzzaya aviazərbələri nəticəsində HAMAS lideri İsmail Haniyənin üç oğlu həlak olub.
APA-nın "Israel Hayom" nəşrinə istinadən xəbərinə görə, bu barədə məlumat artıq təsdiqlənib.
Lakin əməliyyatın təfərrüatları açıqlanmır.
Bu arada, İsrail hökuməti ABŞ-nin planına uyğun olaraq, 150 min fələstinlinin Qəzzanın şimalına qayıtmasına razılıq verib.
Rusiya Zaporojye atom elektrik stansiyasına endirilən zərbələrə görə Ukraynaya qarşı sanksiyalar tətbiq etməlidir .
32gun.az RİA Novosti-yə istinadən bildirir ki, bu fikri “Biz Rusiya ilə birlikdəyik” Zaporojye ictimai hərəkatının rəhbəri Vladimir Roqov deyib .
O, Çin və digər dövlətlərlə nüvə təhlükəsizliyi arxitekturasının qurulmasının zəruri olduğunu vurğulayıb .
“Zaporojye AES-ə hücumlar və Ukraynaya qarşı kollektiv sanksiyaların tətbiqi ilə bağlı aydın araşdırmalar aparılmalıdır: ticarət, iqtisadi, siyasi” - deyə o bildirib.
Onun sözlərinə görə, Atom Enerjisi üzrə Beynəlxalq Agentlik (MAQATE) kimi beynəlxalq təşkilatların qərəzli münasibətinə görə onların obyektiv reaksiyasına ümid etmək olmaz .
Bundan əvvəl Beynəlxalq Atom Enerjisi Agentliyinin (BAEA) baş direktoru Rafael Qrossi Rumıniyanın energetika naziri Sebastyan Burduja ilə görüşdən sonra keçirdiyi mətbuat konfransında Zaporojye Atom Elektrik Stansiyasında (ZNPP) vəziyyətin sabitləşdiyini bildirib . lakin agentlik ekspertləri hələ də baş verənləri qiymətləndirirdilər.
Almaniyanın müdafiə naziri Boris Pistorius Almaniya kontingentinin Litvaya uçmaq üçün hərbi təyyarəyə minməsini “tarixi an” adlandırıb.
Tribunainfo.az “Financial Times”a istinadla xəbər verir ki, Pistorius briqadanı iki il əvvəl Rusiyanın Ukraynaya genişmiqyaslı işğalından sonra elan etdiyi Almaniya kansleri Olaf Şoltsun geosiyasi dönüş nöqtəsinin “flaqmanı” adlandırıb. Xüsusilə, strategiya Rusiya Federasiyası ilə həmsərhəd ölkələrdə Qərb dövlətlərindən minlərlə hərbçinin yerləşdirilməsidir.
Pistorius “Bundesver üçün vacib bir gündür” deyib və planlaşdırılan bazanın müasir Almaniya tarixində ilk olacağını qeyd edib.
Nəşr aydınlaşdırıb ki, Almaniya Soyuq Müharibə bitdikdən sonra NATO və digər tərəfdaşlarla xaricdə çoxmillətli missiyalarda və hərbi əməliyyatlarda iştirak etsə də, heç vaxt öz ərazisindən kənarda daimi olaraq qoşun yerləşdirməyib.
“Hələ görüləsi işlər çoxdur, o cümlədən yerli səviyyədə. İnfrastruktur yaxşı olmalıdır, kazarmalar… yaşayış, mənzillər olmalıdır. Biz ilk gündən briqadanın lazım olduğu kimi təchiz olunması üçün əlimizdən gələni edəcəyik”, – deyə Pistorus bildirib.
“Lakin bu, təvazökar başlanğıcdır. İlk 20 nəfər otellərdə yaşayacaq, sonra isə mənzil kirayə edəcək. Yayın sonuna qədər Almaniya ümumilikdə 150 hərbçinin Baltikyanı ölkələrdə yeni həyata başlayacağını gözləyir”, – nəşr yazıb.
Alman qoşunları NATO-nun Kremlə qarşı yeni qabaqcıl müdafiə planlarının əsas hissəsi kimi 2027-ci ilə qədər Baltikyanı ölkələrdə daimi yerləşdiriləcək 4800 əsgərdən ilkidir. Alman ordusu 45-ci Tank Briqadasına çevriləcək və nəticədə bir Leopard 2 tank batalyonu, bir Puma motoatıcı batalyonu, bir çoxmillətli döyüş batalyonu və dəstək qoşunlarından ibarət olacaq.
Litva Almaniyanın Estoniyadakı ingilis əsgərlərini, Latviyadakı kanadalıları və Polşadakı amerikalıları tamamlamaq üçün mümkün qədər tez qoşun göndərməsinə can atırdı.
Rusiyanın Ukraynaya genişmiqyaslı müdaxiləsindən sonra NATO-ya üzv olan şərq ölkələri qoşunlarını gücləndirmək zərurətindən danışmağa başlayıb. Beləliklə, Birləşmiş Ştatlar öz kontingentini Polşaya köçürüb və o, indi daimi olaraq orada olacaq.