 |
|
|
Ukrayna Amerikanın HİMARS raket sistemlərindən istifadə etməklə "Pasxa atəşkəsi"nə əməl etməyib.
Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova Birləşmiş Ştatların “Pasxa atəşkəsi”nin davamlı olacağına ümid etdiyinə dair bəyanatını şərh edərkən bildirib.
Onun sözlərinə görə, Zelenski administrasiyası mülki enerji infrastrukturunu hədəf alıb.
Qeyd edək ki, Zelenski də Rusiyanı atəşkəsi pozmaqda ittiham etmişdi.
“Rusiya ordusu bu saatadək Vladimir Putinin Pasxa ilə bağlı qəbul etdiyi atəşkəs rejimini 2000 dəfədən çox pozub”.
“Qafqazinfo” xəbər verir ki, bunu Ukrayna Prezidenti Volodimir Zelenski teleqram kanalında yazıb:
“Artıq müxtəlif istiqamətlərdə bizim mövqelərimizə 67 hücum olunub, xüsusən Pokrovskoyedə 1355 atəş açılıb.
Əslində, bütün əsas cəbhələrdə Rusiya susmaq vədinə əməl etməyib. Rusiyanın, demək olar ki, bir gün belə, Ukraynanın Pasxa bayramından başlayaraq 30 gün ərzində tam susmaq təklifimizə cavab verməyə vaxtı yox idi”.
“Pasxa atəşkəsi bu gün gecə yarısı başa çatacaq”.
Bu barədə “TASS”a dövlət başçısının mətbuat katibi Dmitri Peskov məlumat verib.
Onun sözlərinə görə, Rusiya prezidenti Vladimir Putin Pasxa atəşkəsinin uzadılması ilə bağlı heç bir göstəriş verməyib.
Qeyd edək ki, Rusiya prezident Vladimir Putin ölkənin Silahlı Qüvvələrinin Baş Qərargah rəisi Valeri Qerasimovun döyüş təmas xəttindəki vəziyyətlə bağlı məruzəsini dinləyib və bildirib ki, Rusiya tərəfi bütün döyüş əməliyyatlarını 19 aprel saat 18:00-dan 21 aprel saat 00:00-dək (Moskva vaxtı ilə) dayandıracaq.
Aprelin 18-də axşam saatlarında Krasnodarda 100-ə yaxın hərbi qulluqçu komendantlıqdan qaçmağa cəhd etsə də, onlardan yalnız 3 nəfəri bunu bacarıb, hazırda onların axtarışları davam edir.
TEREF yada salır ki, xüsusi hasarlanmış ərazidə olan hərbçilər hasarı sındıraraq komendantlığı tərk etmək istəyiblər.
Hadisə nəticəsində itki və xəsarət alan olmayıb.Krasnodardakı komendaturanı dəmir barmaqları qıraraq kütləvi qaçmağa cəhd edənlər təkcə gənc çağırışçılar olmayıb, onların arasında müqavilə ilə xidmət edən yaşlı hərbçilər də var. yəqin ki, bir çoxunu məhkəmə və azadlıqdan məhrum etmək də gözləyə bilər. Rəsmi bilgilərə görə, əraziyə Rusiya Milli Qvardiyasının bölmələrinin və polisin vaxtında müdaxiləsi nəticəsində qaça bilən 7 nəfərdən 4-ü saxlanılıb, 3 nəfərin isə axtarışı davam edir.
Hakimiyyət dairələri hadisə ilə bağlı hər hansı açıqlama vermirlər, amma qaçmağa cəhd edənlərin yaxınları mediaya bəzi təfərrüatları danışıblar.
Bildirilir ki, komendatura saxlanılanların bəziləri pul müqabiləndə buranı müvəqqəti də olsa tərk edə bilirlər. Etirazlara da bu səbəb olub. İddialara görə, komendaturada saxlanıları qiyam qaldırmağa hələ də axtarışda olan, əvvəllər məhkum olunmuş 39 yaşlı Aleksey Girev təhrik edib.
Kamçatkadan olan Aleksey avtomobil oğurluğu, narkotik və digər cinayətlərdən həbsdə olub. Koloniyada isə Müdafiə Nazirliyi ilə müqavilə bağlayaraq müharibədə döyüşməyə gedib.
Tanışların dediyinə görə, Aleksey Girevin valideynləri artıq həyatda deyil, keçmiş həyat yoldaşı ilə münasibət saxlamır. Maraqlıdır ki, etiraza qalxan hərbçilər arasında Alekseyin ögey qardaşı da (fərqli atalardan) olub. O da müharibə zonasındakı hərbi hissənin özbaşına tərk etdiyi üçün eyni komendantdaturada saxlanılırmış.
Aleksey həbsdən buraxıldıqdan sonra təlim keçib və cəbhə bölgəsinə gəldiyi ilk gün yaralanıb. Həmin vaxt onunla birlikdə olanların çoxu ölüb, lakin Aleksey Girev sağ qalıb və Sankt-Peterburqdakı xəstəxanaya aparılıb. Oradan dostlarına telefonla deyib ki, müharibəyə qayıtmayacaq, çünki bu, qorxuludur, həm də komandirlər keçmiş məhbusları düşünmədən sağ qalmağın mümkün olmadığı döyüşlərə göndərirlər.
Buna baxmayaraq, o, xəstəxanadan çıxandan sonra hərbi hissədən yenidən qaçıb. O, bir müddət gizlənməyə müvəffəq olub, lakin tezliklə onu yenidən saxlayıblar Krasnodardakı ixtisaslaşmış komendantlığa göndəriblər. Tanışların dediyinə görə, Krasnodarda saxlanılanları burada müharibədən yayındıqları üçün incidiblər, onları alçaldıblar. Aleksey Girevlə bərabər daha iki nəfərin də axtarışı davam edir.
Musavat.com
İsrail yaxın aylarda İrandakı nüvə obyektlərinə hücum edə bilər.
Demokrat.az xəbər verir ki, bu barədə “Reuters” məlumat yayıb.
Nəşr yazıb ki, İsrail yaxın aylarda İranın nüvə obyektlərinə hücumu istisna edilmir.
ABŞ prezidenti Donald Trampın belə bir addımı dəstəkləməyə hələ hazır olmamasına baxmayaraq, İsrailin bu mövqeyi qətidir.
Məlumata görə, İsrail rəsmiləri Tehranın nüvə silahına sahib olmasının qarşısını alacaqlarına söz veriblər.
İsrailin baş naziri Benyamin Netanyahu təkid edib ki, İranla istənilən danışıqlar onun nüvə proqramının tamamilə ləğvinə gətirib çıxarmalıdır.
Azərbaycan Ordusunun 4-cü Ordu birliyinə (Bakı Korpusu) yeni komandir təyin olunub.
TEREF “Teleqraf”a istinadən xəbər verir ki, bu barədə müvafiq əmr imzalanıb.
Əmrə əsasən, general-mayor Akif Pirverdiyev 4-cü Ordu birliyinin komandiri vəzifəsinə gətirilib.
Birliyin bundan əvvəlki komandiri general-mayor Münasib Babayev idi.
Qeyd edək ki, general-mayor Akif Səməndər oğlu Pirverdiyev Goranboy rayonunun Qaramusalı kəndində anadan olub.
O, Birinci Qarabağ müharibəsində iştirak edib. 2004-cü ildən Azərbaycan Ordusunun Xüsusi Təyinatlı Qüvvələrinin (XTQ) mənsubu kimi xidmətdədir. XTQ komandanının maddi-texniki təminat üzrə müavini işləyib. Sonradan XTQ-nin Qərargah rəisi olub.
General-leytenat Hikmət Mirzəyev müdafiə nazirinin müavini - Quru Qoşunların komandanı vəzifəsinə təyin olunduqdan sonra Akif Pirverdiyev bir müddət XTQ-nin komandanı vəzifəsini icra edib.
2020-ci ilin 44 günlük Vətən müharibəsində polkovnik rütbəsində olan A.Pirverdiyev cəbhənin müxtəlif istiqamətlərində döyüşüb.
Xüsusi Təyinatlı Qüvvələrin silah, ərzaq və digər təminatını onun rəhbərlik etdiyi bölmələr həyata keçirib.
Azərbaycan Prezidenti İlham Əliyevin 2020-ci il dekabrın 9-da imzaladığı Sərəncamla A.Pirverdiyev “Zəfər” ordeni ilə təltif olunub.
O, bu ordenlə təltif olunan 33 zabitdən biridir.
A.Pirverdiyev 2022-ci ilin iyun ayının 25-də dövlət başçısının Sərəncamı ilə general-mayor rütbəsinə layiq görülüb, daha öncə isə 3-cü dərəcəli “Vətənə xidmətə görə” ordeni və “Vətən uğrunda” medalı ilə təltif olunub.
Ailəlidir, 3 övladı var.
Husilər Qırmızı dənizdə ABŞ-ın “Harry Truman” və “Carl Vinson” təyyarədaşıyan gəmilərinə zərbələr endiriblər.
Bakupost.az xəbər verir ki, bu barədə “Al Masirah” telekanalı məlumat yayıb.
Rusiya Qərblə mümkün “tammiqyaslı ilk kosmik müharibə” üçün peykləri məhv edə biləcək silahlar hazırlayır.
TEREF Musavat.com-a istinadla xəbər verir ki, bu barədə “Forbes” nəşri amerikalı kosmik təhlükəsizlik üzrə ekspert Viktoriya Samsonun açıqlamalarına istinadən məlumat yayıb.
Samson bildirib ki, Rusiya Müdafiə Nazirliyi “Nudol” tipli peyk əleyhinə raketləri nüvə başlıqları ilə təchiz etməyi nəzərdən keçirir.
Onun sözlərinə görə, bu raketlər “Starlink” sisteminin peyklərini vurmaq üçün də istifadə oluna bilər.
Ekspert əlavə edib ki, bu məlumatlar hələ tam sübuta yetirilməyib, lakin mövcud siqnallar Rusiyanın kosmik silahlanma yarışında fəal iştirak etdiyini göstərir.
Macarıstan Avropa İttifaqının Avropa Sülh Mexanizmi (APF) vasitəsilə Ermənistana əlavə 20 milyon avro hərbi yardım göstərməsinə məhdudiyyət qoyub.
"DogruXeber.az" xəbər verir ki, bu barədə Ermənistan mediasına Brüsseldəki diplomatik mənbə məlumat ötürüb.
Mənbənin sözlərinə görə, Aİ xarici işlər nazirlərinin Lüksemburqda keçirilən iclasında Budapeşt qərara veto qoymağa davam edib və Macarıstan istisna olmaqla, bütün Aİ ölkələri Aİ-nin xarici siyasət rəhbəri Kaya Kallasın Ermənistana yardım təklifini dəstəkləyib.
Xatırladaq ki, ötən ilin iyulunda Ermənistan Aİ-dən ilk dəfə 10 milyon avro dəyərində hərbi yardım alıb. Bu pul növbəti iki il yarım ərzində səhra xəstəxanasının yaradılmasına və bir batalyonluq erməni ordusu bölməsi üçün yardımçı obyektlərin yaradılmasına sərf edilməli idi.
Macarıstan Azərbaycana da analoji yardımın göstərilməsini tələb edərək, bu vəsaitin ayrılmasına mane olub. Məlumata görə, Aİ vetonu Aİ-nin Azərbaycanda minatəmizləmə işlərini başqa mənbədən maliyyələşdirmək vədi müqabilində ləğv edib.
Digər Aİ-yə üzv dövlətlərdən fərqli olaraq, Macarıstan keçmiş Qarabağ münaqişəsində Azərbaycanı açıq şəkildə dəstəkləyib. Macarıstan Xarici İşlər Nazirliyi bu dəstəyi 2020-ci ildə Vətən müharibəsi başlayandan üç gün sonra təsdiqləyib.
Qurğu standart göndərmə konteynerində daşınmasına imkan verən ölçülərdə olmalıdır
Pentaqonun Müdafiə İnnovasiyaları Agentliyi ABŞ Hərbi Hava Qüvvələri və ordu bazalarını gücləndirməkdə istifadə oluna biləcək nüvə mikroreaktorlarını inkişaf etdirmək üçün səkkiz şirkət seçib. AYNA.AZ xəbər verir ki, bu barədə “Breaking Defense” nəşri məlumat yayıb.
ABŞ Müdafiə Nazirliyi “Antares Nuclear”, “BWXT Advanced Technologies”, “General Atomics Electromagnetic Systems”, “Kairos Power”, “Oklo”, “Radiant Industries Incorporated”, “Westinghouse Government Services” və “X-Energy” kimi şirkətlərin inkişaflarında maraqlı olduğunu açıqlayəb.
Bildirilib ki, müvafiq qurğu standart göndərmə konteynerində daşınmasına imkan verən ölçülərdə olmalıdır.