 |
|
|
UEFA Konfrans Liqasında 1/8 final mərhələsi bu gün başlayır.
Türkiyənin turnirdəki yeganə təmsilçisi "Samsunspor" İspaniyanın "Rayo Valyekano" komandasını qəbul edəcək.
İtaliyanın "Fiorentina" komandası Polşanın "Rakuv" kollektivinin müqavimətini qırmağa çalışacaq.
UEFA Konfrans Liqası
1/8 final, ilk oyunlar
12 mart
21:45. "Samsunspor" (Türkiyə) – "Rayo Valyekano" (İspaniya)
21:45. "Riyeka" (Xorvatiya) – "Strasburq" (Fransa)
21:45. AZ (Alkmaar, Niderland) – "Sparta" (Çexiya)
21:45. "Lex" (Polşa) – "Şaxtyor" (Ukrayna)
00:00. "Kristal Pelas" (İngiltərə) - AEK (Larnaka, Kipr)
00:00. "Fiorentina" (İtaliya) – "Rakuv" (Polşa)
00:00. "Siqma" (Çexiya) – "Maynts 05" (Almaniya)
00:00. "Sele" (Sloveniya) – AEK (Yunanıstan)
UEFA Çempionlar Liqasının 1/8 final mərhələsinə bu gün start veriləcək.
Yenixeber.org xəbər verir ki, bu gün dörd oyun keçiriləcək.
Türkiyə təmsilçisi "Qalatasaray" İngiltərənin "Liverpul" komandasını qəbul edəcək.
Almaniya çempionu "Bavariya" İtaliyada "Atalanta"nın, İngiltərənin "Tottenhem" klubu isə İspaniyada "Atletiko"nun qonağı olacaq.
Pley-offda "Qarabağ"ı mübarizədən kənarlaşdıran İngiltərənin "Nyukasl" komandası İspaniya təmsilçisi "Barselona" ilə münasibətlərə aydınqlıq gətirəcək.
UEFA Çempionlar Liqası
1/8 final mərhələsi, ilk oyunlar
10 mart
21:45. "Qalatasaray" (Türkiyə) - "Liverpul" (İngiltərə)
00:00. "Atletiko" (İspaniya) - "Tottenhem" (İngiltərə)
00:00. "Nyukasl" (İngiltərə) - "Barselona" (İspaniya)
00:00. "Atalanta" (İtaliya) - "Bavariya" (Almaniya)
Qeyd edək ki, UEFA Çempionlar Liqasının 1/8 final mərhələsinin digər qarşılaşmaları martın 11-də baş tutacaq.
Misli Premyer Liqasının XXIII turunda bu gün daha oyun keçiriləcək.
"DogruXeber.tv" xəbər verir ki, günün ilk qarşılaşmasında avrokuboklara iddialı olan “Zirə” autsayderlər sırasından qurtulmağa çalışan “Kəpəz”i qəbul edəcək.
Zirə İdman Kompleksinin stadionunda keçiriləcək matç saat 18:30-da başlayacaq.
Ardınca isə son turlar yüksəlişdə olan “Neftçi” “Palms Sports Arena”da “Turan Tovuz”u sınağa çəkəcək. Sözügedən qarşılaşmanın start fiti saat 20:30-da səslənəcək.
“Turan Tovuz” 41 xalla turnir cədəlinin üçüncü pilləsində qərarlaşıb. “Zirə” 38 xalla dördüncüdür. “Neftçi” 31 xalla yeddinci, 16 xala malik “Kəpəz” isə onuncudur.
Misli Premyer Liqası
XXIII tur
9 mart
18:30. “Zirə” – “Kəpəz”
Hakimlər: Kamal Umudlu, Namiq Hüseynov, Vüsal Məmmədov, Alik Yunusov
VAR: Elvin Bayramov
AVAR: Cavid Cəlilov
Hakim-inspektor: Zöhrab Qədiyev
AFFA nümayəndəsi: İlham Əliyev
Zirə İdman Kompleksinin stadionu
20:30. “Neftçi” – “Turan Tovuz”
Hakimlər: Əliyar Ağayev, Zeynal Zeynalov, Akif Əmirəli, Rəvan Həmzəzadə
VAR: Elçin Məsiyev
AVAR: Müslüm Əliyev
Hakim-inspektor: Anar Salmanov
AFFA nümayəndəsi: Erkin Hüseynov
“Palms Sports Arena”
Qeyd edək ki, turun əvvəlki matçlarında “Sumqayıt” “Karvan-Yevlax”la (1:1), “Şamaxı” isə “İmişli” (0:0) ilə bərabərə qalıb. “Qarabağ” isə “Araz-Naxçıvan”ı məğlub edib.
"Argentinalı hücumçu Lionel Messi "İnter Mayami" klubunda ildə 70-80 milyon dollar qazanır".
Oxu.Az xəbər verir ki, bu barədə komandanın sahibi Xorxe Mas "Bloomberg"ə müsahibəsində bildirib.
"Dünya səviyyəli sponsorlara ehtiyac duymamağımın səbəbi futbolçuların bahalı olmasıdır. Mən Messiyə pul ödəyirəm, o, ödənişin hər qəpiyinə dəyər, lakin söhbət ildə 70-80 milyon dollardan gedir" , - deyə Mas vurğulayıb.
Xatırladaq ki, Messi 2023-cü ilin yayından "İnter Mayami"də çıxış edir.
Ukraynanın "Şaxtyor" klubunu çalışdıran Arda Turan iş yerini dəyişməyə hazırlaşır.
Fanat.Az xəbər verir ki, informasiyanı İspaniyanın tanınmış "Fichajes" nəşri yayıb.
Mənbənin məlumatına görə, türkiyəli çalışdırıcı "Atletiko Madrid"in sükanı arxasına keçməyə yaxındır. Dieqo Simeonenin adının İtaliya "İnter"i ilə hallanmasından sonra Madrid klubu argentinalıya əvəzləyici axtarmağa başlayıb. Namizədlər arasında "klubun DNT-sini bilən və paltardəyişmə otağında liderlik edə biləcək" Ardanın adı ön sıradadır. Namizədlər arasında onunla yanaşı, Felipe Luis və Qabi də var.
Bu dəyişiklik baş tutsa, "Atletiko"nu çalışdıracaq Arda Turan və "Real Madrid"də oynayan Arda Gülər rəqibə çevrilə bilər. Beləliklə, Türkiyə futbolunun iki vacib fiquru olan adaşlar İspaniyada məşqçi-oyunçu rəqabətində ola bilər.
Qeyd edək ki, Arda Turan "Şaxtyor"u bu mövsümdən çalışdırır. Donetsklilər onun rəhbərliyi altında həm avrokubokda, həm də Ukrayna çempionatında uğurlu çıxış edir. Hazırda çempionatda lider olan "mədənçilər" Konfrans Liqasında 1/8 finala yüksəlib.
Qadın və kişi voleybolçular arasında Azərbaycan Yüksək Liqasında XVI turun növbəti qarşılaşmaları baş tutacaq.
Oyun günü qadın voleybolçuların dueli ilə başlayacaq.
"Gəncə" komandası Gəncə İdman Sarayında UNEC-i qəbul edəcək. Görüş Saat 14:00-da start götürəcək.
Növbəti görüş Azərbaycan Voleybol Federasiyasının idman zalında "Gənclər" və "Milli Aviasiya Akademiyası" komandaları arasında keçiriləcək. Qarşılaşma saat 17:00-da başlayacaq.
Kişi voleybolçuların mübarizəsində isə saat 17:00-da Fövqəladə Hallar Nazirliyinin idman zalında "Azərreyl" və "Murov Az Terminal" kollektivləri üz-üzə gələcəklər.
Qeyd edək ki, XVI turun oyunlarına martın 6-da yekun vurulacaq.
İspaniya Kubokunun yarımfinal mərhələsinin təkrar oyunları çərçivəsində "Barselona" - "Atletiko Madrid" matçı keçirilib.
Oxu.Az xəbər verir ki, qarşılaşma Kataloniya təmsilçisinin böyükhesablı qələbəsi ilə yekunlaşıb - 3:0.
Qeyd edək ki, tərəflər arasında ilk görüş "Atletiko Madrid"in 4:0 hesablı qalibiyyəti ilə başa çatmışdı. İki matçın yekununda (3:4) Madrid təmsilçisi finala yüksəlib. Bu cütün qalibi "Atletik Bilbao" - "Real Sosyedad" (ilk oyun 0:1) cütünün qalibi ilə finalda üz-üzə gələcək.
Bu gün futbol üzrə Azərbaycan Kubokunda 1/4 final mərhələsinin cavab oyunlarına start veriləcək.
Yenixeber.org-un məlumatına görə, günün yeganə matçında "Zirə" "Sumqayıt"ı qəbul edəcək.
Qarşılaşma Zirə İdman Kompleksinin stadionunda, saat 19:00-da başlayacaq. Tərəflər arasında baş tutan ilk matçda qapılara qol vurulmayıb.
Azərbaycan Kuboku
1/4 final, cavab oyunu
3 mart
19:00. "Zirə" – "Sumqayıt"
İlk oyun - 0:0
Hakimlər: Elçin Məsiyev, Elşad Abdullayev, Pərvin Talıbov, Rauf Cabarov.
VAR: Tural Qurbanov.
AVAR: Asiman Əzizli.
Hakim-inspektor: Rəhim Həsənov.
AFFA nümayəndəsi: Məmmədəli Məmmədov.
Zirə İdman Kompleksinin stadionu
Qeyd edək ki, 1/4 final mərhələsi martın 5-də başa çatacaq.
Cənubi Azərbaycanın tanınmış futbol klubu “Traktor” İranda davam edən hərbi gərginlik fonunda ictimaiyyətə müraciət edib.
Musavat.com xəbər verir ki, Təbriz təmsilçisi ölkədə vəziyyətin son dərəcə ağır olduğunu bildirib.
Klubun yaydığı açıqlamada internet məhdudiyyətləri səbəbindən məlumat paylaşmağın çətin olduğu vurğulanıb. Qeyd olunub ki, şəhərlərdə bombardmanlar davam edir və ümumi vəziyyət qeyri-müəyyən olaraq qalır.
Bəyanatda mövcud hakimiyyətin süqutu ehtimalına da toxunularaq, belə bir ssenaridə Cənubi Azərbaycanın müdafiəsiz qala biləcəyi bildirilib. Açıqlamada iddia olunur ki, hakimiyyət dəyişikliyi baş verərsə, bölgədə arzuolunmaz qüvvələr təsir imkanlarını genişləndirə bilər. Xüsusilə Pəhləvi tərəfdarlarının adının çəkildiyi müraciətdə Azərbaycan türklərinin bu cür ssenarini qəbul etmədiyi qeyd edilib.
“Traktor” həmçinin Türkiyə və Şimali Azərbaycana səslənərək, mümkün xaos şəraitində Cənubi Azərbaycanın təhlükəsizliyinin təmin olunmasına dəstək göstərilməsini istəyib. Klub müraciətini “Qardaşlarınızı bu çətin vəziyyətdə tək buraxmayın” çağırışı ilə tamamlayıb.
Musavat.com
İspaniyanın Mostoles şəhərində cüdo üzrə gənclər arasında Avropa Kuboku başa çatıb.
"DogruXeber.tv" xəbər verir ki, Azərbaycan milli komandası beynəlxalq yarışı bir medalla tamamlayıb.
Yığmanın heyətində 57 kq çəki dərəcəsində mübarizə aparan Vüsalə Hacıyeva gümüş medal qazanıb.
Qeyd edək ki, turnirdə ölkəmiz ümumilikdə 6 cüdoçu ilə təmsil olunub.