Madrid klubu "Real" gənc oyunçularının performansından narazı qalıb.

Manset.az Qol.az-a istinadən xəbər verir ki, "Real" rəhbərliyi Arda Güler və Franko Mastantuononun tələblərə uyğun olmadığı qənaətinə gəlib.

Məlumata görə, xüsusilə Arda Gülerin vəziyyəti narahatlıq doğurur. Türkiyəli yarımmüdafiəçiyə "yeni Luka Modriç" kimi ümid bəslənilsə də, klubda bu yükün hələlik onun üçün çox ağır olduğu fikri formalaşıb. İspaniya Kubokunda "Albasete"yə qarşı keçirilən və uğursuzluqla nəticələnən matçda Ardanın statistikası da bunu təsdiqləyib. O, həmin görüşdə mərkəz müdafiəçisi Raul Asensiodan daha az ötürmə edib.

Franko Mastantuonoya gəlincə, "kral klubu"nda hesab edirlər ki, argentinalı futbolçu özünəinam hissini itirib və əsas heyətdəki yerindən uzaqlaşıb. Artıq kluba ona bəslənən inam azalmaq üzrədir.

Qaxda ölümlə nəticələnən yol-nəqliyyat hadisəsi baş verib.

Manset.az xəbər verir ki, bu barədə Daxili İşlər Nazirliyi (DİN) məlumat yayıb.

Bildirilib ki, rayon sakini Seyfəddin Əhmədov taksi xidməti göstərdiyi "VAZ-21015" markalı avomobillə Zaqatala rayonu ərazisində hərəkətdə olarkən idarəetməni itirərək yoldan çıxıb və maneəyə çırpılıb.

S. Əhmədov və müştəri qismində daşıdığı sərnişini xəstəxanaya çatdırılsa da, sürücünün həyatını xilas etmək mümkün olmayıb.

Yaxınlarının və şahidlərin bildirdiyinə əsasən hadisəyə səbəb xəstəlikdən əziyyət çəkən S. Əhmədovun səhhətinin qəflətən pisləşməsi ehtimal edilir.

"Baş Dövlət Yol Polisi İdarəsi son vaxtlar bu qəbildən olan hadisələrin sayının artmasını nəzərə alaraq, bir daha səhhətində ciddi problemlər olan sürücülərdən sükan arxasına əyləşməməyi xahiş edir.

Belə hallarla mübarizədə yaxın ətrafın rolu olduqca əhəmiyyətlidir. Xüsusilə ailə üzvlərindən xahiş olunur ki, səhhətində problem olan doğmalarının sükan arxasına keçməsinin qarşısını alsınlar", - məlumatda qeyd olunub.

"Real"ın ulduz yarımmüdafiəçisi Cud Bellinqem İngiltərə nəhənginin hədəfinə düşüb.

Manset.az Qol.az-a istinadən xəbər verir ki, jurnalist Siro Lopezin məlumatına görə, "Liverpul" "kral klubu"nun aparıcı oyunçusunu heyətinə qatmaqda maraqlıdır. İngiltərə təmnsilçisi bu keçid üçün rekord məbləğ, təxminən 207 milyon avro ödəməyə hazır olduğunu bəyan edib.

Qeyd edək ki, Bellinqem 2023-cü ilin yayında Dortmund "Borussiya"sından 127 milyon avro qarşılığında "Real"a transfer olunub. Onun Madrid təmsilçisi ilə müqaviləsi 2029-cu ilin iyununa qədər qüvvədədir.

Xatırladaq ki, cari mövsümdə bütün turnirlərdə 23 matça çıxan futbolçu 5 qol və 4 məhsuldar ötürmə ilə yadda qalıb. 

"Real"ın yeni baş məşqçisi Alvaro Arbeloanın köməkçiləri müəyyənləşib.

Manset.az Qol.az-a istinadən xəbər verir ki, bu barədə klubun mətbuat xidməti məlumat yayıb.

Məlumata görə, Xulian Karmona, Kevin Kardeyro və Rikardo da Silva Arbeloanın köməkçi məşqçiləri təyin olunublar. Onların hər biri, o cümlədən fiziki hazırlıq üzrə mütəxəssis olan Rikardo da Silva "Kastilya"da baş məşqçi ilə birgə işləyib. Texniki analitik vəzifəsi isə yenə gənclər komandasından gələn Frensis Sançesə tapşırılıb.

Qeyd edək ki, "kral klubu"nda diqqətçəkən digər geri dönüş də yaşanıb. Belə ki, Antonio Pintus yenidən komandanın fiziki hazırlıq üzrə məşqçisi vəzifəsinə qayıdıb. Qapıçıların hazırlığı isə Luis Llopisə həvalə edilib.

"Çelsi" İngiltərə Liqa Kubokunun yarımfinalı ərəfəsində ciddi itki ilə üz-üzə qalıb.

Manset.az Qol.az-a istinadən xəbər verir ki, komandanın aparıcı üzvü Kol Palmerin "Arsenal"la vacib oyunu buraxa biləcəyi məlum olub. 23 yaşlı hücumameyilli yarımmüdafiəçinin qasıq nahiyəsindəki zədəsi ona yenidən problem yaradıb. Məlumata görə, bu zədə futbolçunu əvvəllər də narahat edib.

Palmerin yenidən tibbi müayinədən keçəcəcəyi və onun derbidə iştirak edib-etməyəcəyi ilə bağlı qərarın həkim heyətinin açıqlamasından asılı olduğu bildirilib.

Qeyd edək ki, futbolçu bu mövsüm zədələr səbəbindən cəmi 12 oyunda meydana çıxıb və 4 qol vurub.

Xatırladaq ki, “Çelsi” - “Arsenal” qarşılaşması 15 yanvarda baş tutacaq.

Futbol üzrə İspaniya Superkubokunda final oyunu keçirilib.

Manset.az xəbər verir ki, həlledici qarşılaşmada “Barselona” və “Real Madrid” komandaları üz-üzə gəlib.

Səudiyyə Ərəbistanının Ciddə şəhərindəki “Kral Abdulla Sports Siti” stadionunda baş tutan oyunda “Barselona” “Real”a 3:2 hesabı ilə qalib gələrək Superkuboka sahib çıxıb. 

“Barselona” - “Real” 3:2 
Qollar: Rafinya, 36, 73, Levandovski, 45+1 - Vinisius, 45+2, Qarsiya, 45+6

Fiziki məşqlər depressiyanın müalicəsində psixoloji terapiya və hətta antidepressantlar qədər effektiv ola bilər.

Manset.az-ın Qaynarinfo-ya istinadən məlumatına görə, Lankaşir Universitetinin tədqiqatçıları bildiriblər ki, fiziki məşqlər heç bir müalicə və ya plasebo ilə müqayisədə depressiya simptomlarının azalmasında orta səviyyəli müsbət təsir göstərir.

10 klinik sınağa əsaslanan tədqiqatda qeyd olunur ki, fiziki məşqlər psixoloji terapiya və antidepressantlar qədər faydalı olub.

Bununla belə, alimlər xəbərdarlıq ediblər ki, bu sübutlar məhduddur və etibarlılıq səviyyəsi aşağıdır. Fiziki məşqlərin depressiya üzərində uzunmüddətli təsiri də aydın deyil, çünki araşdırmaların əksəriyyəti iştirakçıları yalnız müalicə dövründə izləyib.

Tədqiqatın aparıcı müəllifi, professor Endryu Kleq nəticələri belə şərh edib: "Fiziki məşqlər depressiya simptomlarının idarə olunmasına kömək etmək üçün təhlükəsiz və əlçatan seçimdir. Bu onu göstərir ki, fiziki aktivlik bəzi insanlar üçün uyğundur, lakin hamı üçün deyil və insanların istədiyi və davam etdirə bildiyi yanaşmaları tapmaq vacibdir”.

İcmal göstərib ki, yüngül və orta intensivlikli fiziki məşqlər depressiya ilə mübarizədə yüksək intensivlikli məşqlərdən daha effektiv ola bilər. İştirakçılar 13–36 məşqdən sonra nəticə görməyə başlayıblar. Güc məşqlərini aerob məşqlərlə birləşdirən şəxslər yalnız qaçış və ya velosiped sürmə kimi aerob fəaliyyətlərlə məşğul olanlardan daha yaxşı nəticələr əldə ediblər.

Yoqa, çiqonq və dartınma kimi bəzi fiziki fəaliyyət növləri analizə daxil edilməyib.

Orta səviyyəli aktivliyə nümunə kimi çox sürətli gəzinti (saatda 6,4 km və ya daha çox), intensiv ev təmizliyi (məsələn, pəncərələrin yuyulması və ya döşəmənin silinməsi), velosipedlə 16–20 km/saat sürətlə hərəkət və ya badminton göstərilir.

Yüksək intensivlikli fəaliyyətlərə isə dağ yürüşləri, saatda 6 mil (təxminən 9,6 km) və ya daha sürətli qaçış, velosiped sürmə, basketbol və ya tennis daxildir.

Bat Universitetinin sağlamlıq psixologiyası üzrə dosenti, doktor Ceff Lambert bildirib ki, fiziki məşqlərin psixoloji terapiya və ya antidepressant qəbulu qədər effektiv ola biləcəyinə dair bəzi sübutlar var, lakin bu nəticə az sayda tədqiqata əsaslandığı üçün yüksək qeyri-müəyyənlik daşıyır.

Onun sözlərinə görə, hazırda fiziki məşqlərin ağır və ya yüngül depressiyada daha yaxşı təsir göstərib-göstərmədiyini, effektivliyin məşq növündən asılı olub-olmadığını və insanların dərman və ya terapiyanı tamamilə fiziki məşqlərlə əvəz etməsinin məqsədəuyğun olub-olmadığını demək mümkün deyil.

İngiltərə Futbol Assosiasiyası “Çelsi”yə qarşı rəsmi ittiham irəli sürüb.

Manset.az Qol.az-a istinadən xəbər verir ki, bu qərar Premyer Liqada “Aston Villa” ilə oyunda baş verən xoşagəlməz hadisədən sonra qəbul olunub.

Hadisə dekabrın 27-də “Stemford Bric”də keçirilən və “Çelsi”nin 1:2 hesabı ilə məğlub olduğu matçdan sonra baş verib. Final fitindən dərhal sonra “Aston Villa”nın ehtiyat oyunçular skamyasına plastik su butulkası atılıb və nəticədə qonaq komandanın oyunçuları və heyəti islanıb. “Aston Villa” rəsmiləri butulkanın meydan sahiblərinin skamyasından rəqibin vaxt uzatmasına etiraz olaraq atıldığını bildiriblər.

Qeyd edək ki, qurumun diqqətindən yayınmayan bu hadisə fonunda London klubu oyunçu və ya digər üzvlərin qeyri-etik davranışına görə ittiham edilib. “Çelsi”nin bu ittihama cavab vermək üçün yanvarın 12-dək vaxtı var.