Avqustun 28-i saat 11:00-da ali təhsil pilləsinin magistratura səviyyəsinə boş qalan plan yerlərinə əlavə yerləşdirmə prosesinə start veriləcək.
Bu barədə Elm və Təhsil Nazirliyindən xəbər verilib.
Müraciətçilər //portal.edu.az/ vasitəsilə qeydiyyatdan keçərək “Ali və orta ixtisas təhsili müəssisələrinə təhsilalan qeydiyyatı” xidmətini seçməlidirlər. Açılan səhifədə müvafiq qəbul xətti üzrə şəxsi və qəbul məlumatlarının təsdiq edilməsi, həmçinin tələb olunan sənədlərin əlavə edilməsi mümkündür.
Qeydiyyat üçün müraciət etməyən şəxslər qəbul olunanların siyahısından xaric ediləcəklər.
Qeyd edək ki, elektron sistem üzrə qeydiyyat 4 sentyabr saat 18:00-da yekunlaşacaq.

"Məktəbli ləvazimatlarının çeşidi ötən illə müqayisədə bu il daha çoxdur. Satışda hər rəngdə, hər keyfiyyətdə məktəbli çantası var. Amma ötən illə müqayisədə bu il qiymətləri də artıb".
Bu sözləri Sputnik Azərbaycan-a açıqlamasında "28 may keçid ticarət mərkəzi"ndən övladları üçün məktəb bazarlığı edən valideyn Gülnar Səfərova söyləyib. Onun sözlərinə görə, ötən il 18 manata aldığı məktəbli formasının qiyməti 25 manata qalxıb.

Çeşid də artıb, qiymətlər də
G.Səfərova dəftələrin də qiymətində 10-20 qəpik bahalaşma olduğunu söylədi:
"Bizim evdən bir uşaq məktəbə gedir. Amma elə ailələr var ki, iki-üç övladı məktəblidir. İndiki qiymətlərdə uşaqların bütün məktəbli geyimi və ləvazimatlarını almaq belə ailələr üçün çətin olacaq. Çünki biz bu ay aldığımız əmək haqqı ilə uşağın dəftər, qələm və sair əşyalarını almağa güclə pul çatdırırıq. Gələn ayın maaşından isə məktəbli forması alacağıq".

Həmsöhbətimiz bir uşağın məktəbə getməsi üçün minimum 250 manat pul tələb olunduğunu söylədi.

Qiymətlərin bahalaşmasının səbəbi nədir?
Məktəbli ləvazimatlarının satışı ilə məşğul olan ticarətçilər də ötən illə müqayisədə bu qiymətlərin bahalaşdığını təsdiqlədilər. Bildirdilər ki, buna səbəb bu il məktəb ləvazimatlarının çoxunun Türkiyədən gətirilməsidir.
Rauf İmanov adlı satıcı Sputnik Azərbaycan-a müsahibəsində bildirib ki, əvvəllər məktəbli çantaları və digər ləvazimatlar əsasən Çindən gətirilirdi. Bu il isə bazarda əsas üstünlük Türkiyədə istehsal olunan məktəbli ləvazimatlarına verilib. Türkiyədə isə qiymətlər bahalaşıb. Bu da ölkəmizə gətirilən məhsulların qiymətinə təsir göstərib.
"Gördüyünüz çantaların hamısı Türkiyə istehsalıdır. Ötən il biz ən ucuz çantanı 12-18 manata satırdıq. İndi ən ucuzunun qiyməti 25 manatdır".

Rusiya istehsalı olan dəftərlərin qiymətində 20 qəpik bahalaşma
Satıcılar Türkiyə istehsalı olan dəftərlərlə yanaşı Rusiyanın istehsal etdiyi dəftərlərin də bahalaşdığını söylədilər. Bildirdilər ki, ötən il Rusiya istehsalı olan 96 vərəqli dəftəri 1 manat 50 qəpiyə satırdılarsa, indi qiyməti 1 manat 70 qəpikdir. Yerli və Türkiyə istehsalı olan dəftərlərin qiyməti isə 20 qəpik bundan ucuzdur.

Ən ucuz çanta 25, ən bahası 130 manatdır
Beləliklə, məktəbli ləvazimatlarının satış bazarında qiymətlər aşağıdakı kimi dəyişir.
Məktəbli çantalarının əksəriyyətinin qiyməti 25-130 manat arasındadır. Satışda 15 manata olan məktəbli çantalarının isə digərləri ilə müqayisədə keyfiyyəti aşağıdır.

Türkiyə və yerli istehsal olan dəftərlər: 12 vərəq- 35 qəpik, 24 vərəq- 50 qəpik, 48 vərəq- 80 qəpik, 60 vərəq- 1 manat 10 qəpik, 96 vərəq-1,50 qəpik. Rusiya istehsalı olan dəftərlərin qiyməti isə 20 qəpik bundan bahadır:

Sadə qələmlərin qiyməti 10-0,80 qəpik arasında dəyişir
Sadə qələm 30-90 qəpik, rəngli karandaşlar 2,50- 35 manat
Marker 60 qəpik-1 manat
Qələmyonan 50 qəpik-1.60 qəpik
Yapışqan 60 qəpik-1 manat 10 qəpik
Plastilin 3 manat 50 qəpik-7 manat
25 ədədlik dəftər üzləri 3 manat 70 qəpik
Kitab üzləri 12 ədəd 4 manat 10 qəpik
Qələm qabları 4-15 manat
Su qabları 4 manat 50 qəpik-18 manat.
Apardığımız müşahidələr zamanı Türkiyənin "President" markalı çantalarının daha baha qiymətə satıldığının şahidi olduq. Satıcı bu firmanın məktəbli çantalarının qiymətinin 98-130 manat arasında dəyişdiyini söylədi.

Rəsm albomları 2 manat 20 qəpik-5 manat 60 qəpik, pərgar- 3 manat 80 qəpik-7 manatdır.
Gündəliklərin 1iyməti 1 manat 70 qəpik-3 manatdır. Lüğət dəftərləri 1 manat 60-2 manat arasında dəyişir.

Türkiyədən gətirilən məktəbli formaları satışda
Məktəbli formaları tikiş müəssisələrinin mağazaları ilə yanaşı, pərakəndə satışda da satılır. Satıcılarla söhbət zamanı öyrəndik ki, Türkiyə istehslaı olan məktəbli köynəklərinin qısa qolu 15 manat, uzun qollusu isə 25 manatdır. Şalvarlar 25-35, ətəklər isə 20-28 manat arasında dəyişir. Məktəblilər üçün "krossoovka"ların (idman üslubunda ayqqqabı-red.) qiymətləri isə 30-65 manatdır.
Valideynlərlə söhbət zamanı öyrəndik ki, bir şagirdin məktəbə yola salınması minimum 250 manatdır. Əgər şagirdin məktəbli forması, çantası, ayaqqabısı da yenilənirsə bu xərc 300 manata çatır.

Yeni məktəbli formalarına keçid bu tədris ilindən tam baş tutacaq!
Onu da yada salaq ki, bu il tədris ilindən - respublikanın ümumtəhsil müəssisələrində yeni məktəbli formaları tətbiq edilədək. Çünki, dövlət ümumi təhsil müəssisəsi təhsilalanlarının geyim formalarının təsvirlərinin təsdiq edilməsi haqqında" qərara əsasən, orta məktəblər üçün yeni geyim formaları təsdiq edilib. Artıq məktəbli geyimlərinin qiyməti də müəyyənləşib və satışa çıxarılıb. Hazırda 26 ölçüdən 54 ölçüyə qədər həm uzunqol, həm də qısaqol polo köynəklərin qiyməti 15 manatdır. Şalvar və ətəklərin qiyməti isə 25 manatdır. Nazirlər Kabinetinin qərarında qeyd olunur ki, məktəblər üçün forma 4 rəngdə nəzərdə tutulub.
Oğlanlar üçün şalvar - rəngli (tünd-göy, tünd-boz, qəhvəyi-yaşıl (xaki), tünd-qəhvəyi) yun və poliester qarışıqlı (yun 60%, poliester 40%) iplikdən toxunulmuş parçadan düzünə və manjetsiz tikilir.Qızlar üçün ətək - rəngli (tünd-göy, tünd-boz, qəhvəyiyaşıl (xaki), açıq-qəhvəyi) yun və poliester qarışıqlı (yun 60%, poliester 40%) iplikdən toxunulmuş parçadan çoxsaylı şaquli qırçınlı, yarımdairə klyoş və ya trapesiyaşəkilli tikilir.
Qızlar üçün şalvar - rəngli (tünd-göy, tünd-boz, qəhvəyiyaşıl (xaki), tünd-qəhvəyi) yun və poliester qarışıqlı (yun 60%, 4 poliester 40%) iplikdən toxunmuş parçadan düzünə və manjetsiz tikilir.

Qısaqol köynək - rəngli (ağ, mavi, bej) və pambıq iplik tərkibli (karde və ya penye) parçadan (100% pambıq) polo tipli tikilir.
Uzunqol köynək - rəngli (ağ, mavi, bej) və pambıq iplik tərkibli (karde və ya penye), (100% pambıq) orta qalın toxunma parçadan tikilir.
Önü bağlanılan cibli jaket - rəngli (göy, boz, yaşıl, qəhvəyi-yaşıl (xaki) yarımyun (yun 50%, akril 50%) tərkibli qalın toxunma parçadan tikilir.
Təhsilalanların geyimi qış və yay formalarından ibarətdir (rənglər dəyişə bilər).

Ötən gün, daha dəqiq ötən həftənin cümə axşamından etibarən mal ətinin qiyməti qalxdı. Bunu heç bir rəsmi quruma istinad etmədən deyirəm. Avqust ayının 2-də 3 kq mal ətinə 42 manat ödədim, dünən avqust ayının 20 - də mal ətinin 15 - 16 manata olduğunu öz gözlərimlə gördüm.

Aradan cəmi 18 gün keçməsinə baxmayaraq mal ətinin qiymətinin, həm də yayda qalxması təəccüb doğurdu.
Oxucularımıza xatırladaq ki, ötən ilin yanvarında Bakıda mal ətinin bir kiloqramı 13-14 manata satılırdı. 2021-ci ildə isə mal ətinin bir kiloqramı 10,5-11 manata satılıb.
Xatırlayırsınızsa, qoyun əti isə ötən ilin dekabrından sürətlə bahalaşmağa başlamışdı. Həmin dövrdə Ağcabədi və Bərdə rayonlarında ətin ortalama qiyməti 11 manat olan halda, Bakıda 18 manat təşkil edirdi.
Elə o ərəfədə deputat Elnur Allahverdiyev Milli Məclisin İqtisadi siyasət, sənaye və sahibkarlıq və Aqrar siyasət komitələrinin birgə iclasında məsələ ilə bağlı çıxış etdi:"Səhər tezdən ət topdansatıcılardan 8 manata alınır. Belə olan halda, mənə maraqlıdır ki, niyə bu məhsul Bakıda 18 manata satılır. Ətin qiyməti hansı metodologiya ilə hesablanır? Bəlkə həqiqətən ölkə daxilində hansısa rüsum var, biz bilmirik” –deyə ətlərin qiymətinin artırılmasına etirazını bildirmişdi.


Hazırda paytaxt sakinləri çox pəjmürdədir. Mal ətinin birdən birə bu həddə çatması hamıda bir çaşqınlıq yaradıb. Hamı demək olar ki, hamı demək olar ki, ətin fantastik şəkildə bahalaşmasının səbəblərini araşdırmağa çalışır. Axı, deputatımız deyirsəki, ət topdansatıcılardan 8 manata alınır, bəs onda bu “16 manat” nə deməkdir?


Respublikada hər gün baş verən qiymət artımı: ərzağın, çörəyin, neft məhsullarının, nəqliyyat və icarə haqlarının, ümumiyyətlə, gündəlik tələbat mallarının artdığı bir vaxtda mal ətinin qiymətinin qalxması əslində təəccüb doğurmamalıdır.
Yeri gəlmişkən, iqtisadçı ekspert Natiq Cəfərli ötən il mediaya verdiyi açıqlamada bildirmişdi ki, 5-6 il öncə ictimai çıxışlarda ətin qiymətinin qalxacağını, bunun səbəblərini söyləmişdik, o zaman ət 7-8 manat idi. İqtisadçı ətin qiymətinin sürətlə qalxmasını elə ötən il proqnozlaşdırıb, səbəblərini də sıraya düzmüşdü:

1. Pambıq əkininin örüş yerlərini, yem bazasını azaltması
2. Dizelin qiymətinin 34% artması və aqrar sektorda dalğavari qiymət artımınınintensivliyi
3. Bu prosesdən sonra yem qiymətlərinin 40-50% civarında bahalaşması
4. Ölkədə qiymətlərin kəskin artması, inflyasiyanın sürətlənməsi: fermerlərin, ət istehsalçılarının gündəlik xərcləri artır, onlar da qiyməti qaldırmalı idilər ki, öz gündəlik xərclərini ödəsinlər.

Natiq müəllimin siyahısına birini də mən əlavə edim: kənd əhlinin kənd təsərrüfatı ilə məşğul olmasının qarşısını alan o qədər amillər var ki, təsərrüfatla məşğul olmaq imkansızlaşır. Bu səbəbdən kənddən şəhərə kütləvi axın var və bu da şikəst olmuş kənd təsərrüfatını "koma" vəziyyətinə salır.

Qeyd edək ki, hazırda paytaxt bazarlarında dana ətinin 1 kiloqramı 15-16, quzu ətinin kilosu isə 19-20 manata satılır.

P.S. Təəccüblənməli nə var e, qiyməti qalxmayan nə var ki, ətin də qiyməti qalxmasın! Yeganə qalxmayan bir maaşdı, bir də..................... (nöqtələrin yerini özünüz doldurun...)


Əntiqə Rəşid

“Boşanmalarda ən çox günahkar valideynlərdir. Hətta deyərdim ki, xanımların analarının mövqeyi daha çoxdur. Boşanan hər bir qızın arxasında anası dayanır. Sırf əmlaka görə düşmən olurlar. Çox vaxtı barışma ehtimalları sıfıra düşür".

Bunu Hüquq müdafiəçisi Samir Zeynalov deyib. O deyir ki, son 3 ildə boşanmaların əsas səbəbləri maddi vəziyyət yox, valideynlərin təzyiqidir:

"Qısası, bu gün insanlar bir-biri ilə uzunmüddətli evlilik üçün araya gəlmirlər. Sadəcə öz rahatlıqları üçün ailə qururlar. Gənclər maddi maraqlar üçün yox, mənəvi dəyərlər üçün ailə qurmalıdır. Nikahdan öncə xidmət yaradılsa, o zaman insanlar qeyri-rəsmi münasibətdə olacaqlar. Ölkəmizdə də bu say az deyil”.(Publika)