 |
|
|
“Gec-tez yeni pandemiya baş verəcək və bu nəzəri risk deyil, epidemioloji əminlikdir”.
“Report” xəbər verir ki, bunu Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bildirib.
Onun sözlərinə görə, növbəti pandemiya gözləməyəcək: “Yeni bir pandemiya 20 il və ya daha çox müddətdə baş verə bilər və ya sabah da ola bilər. Amma bu baş verəcək və hər halda hazır olmalıyıq. Rəsmi olaraq 7 milyon insan COVID-19-dan öldü, lakin biz həqiqi rəqəmin 20 milyon olduğunu təxmin edirik. İnsan itkisinə əlavə olaraq, pandemiya 10 trilyon dollardan çox qlobal iqtisadi məhsulu məhv etdi”.
O, pandemiya sazişi üzrə danışıqlarda konsensusun əldə olunmasının mümkünlüyünə əmin olduğunu bildirib. ÜST rəhbəri əmin edib ki, belə bir saziş ÜST-yə üzv olan heç bir dövlətin suverenliyinə xələl gətirməyəcək, əksinə, milli suverenliyi və beynəlxalq fəaliyyəti gücləndirəcək.
Əgər siqareti atmaq əvəzinə azaltmaqla sağlamlığınızı qoruyacağınızı düşünürsünüzsə, yanılırsınız.
Tribunainfo.az xəbər verir ki, türkiyəli həkim Dr.Muhammed Keskinin bildirdiyinə görə siqaret çəkmək qarşısı alına bilən infarktların ən çox yayılmış səbəblərindən biridir.
Muhammed Keskin qeyd edir ki, xüsusilə gənc yaşda damarlarda lövhə əmələ gəlməsini ardınca lövhələrin böyüməsini gözləmədən birbaşa qopmağa səbəb ola bilər, infarkt riskini artırır:
“Siqaretin tərkibindəki nikotin asılılıq yaradır və çəkdiyiniz hər siqaretdən sonra vücudunuz bu maddəyə can atır.
Bu yaxınlarda aparılan bir araşdırma, gündə bir siqaretin müntəzəm olaraq çəkilməsinin kişilərdə infarkt riskini 44%, insult riskini isə 41% artırdığını müəyyən edib. Qadınlarda infarkt riski 34%, insult riski isə 31% artıb.
Çəkilən siqaretlərin miqdarı azaldıqca riskin azaldığını deyə bilərik, lakin heç vaxt sıfıra yaxın bir nisbətə çatmır.
Gündəlik siqaretin nələr edə biləcəyini düşünməyin, siqareti azaldanlardan yox, buraxanlardan olun!”
“Halal Zəhmət” firmasının kolbasasından dəmir parçası çıxıb.
Bu gün ölkədə müxtəlif müəssisələrin istehsal etdiyi fərqli adda və çeşiddə kolbasa məhsulları satılır. Lakin sosial platformalarda müştərilər bu kolbasa, sosis və digər istehsal olunan məhsullardan mütəmadi yad cism çıxması ilə bağlı şikayətlər yayımlanır.
TEREF XALQ.AZ-a istinadən xəbər verir ki, bu barədə sosial şəbəkədə aparıcı Nübar Əbil şikayət paylaşıb.
Şikayətçi bildirib ki, almayın, ailənizə, uşaqlarınıza verməyin. Görün bizim kolbasalar hansı şəraitdə, necə iyrənc vəziyyətdə ərsəyə gəlir. “Bu kolbasanın artıq yarısı yeyılıb, bu məsələyə görə “Halal Zəhmət” firması heç məsuliyyət daşıyırmı kolbasanın içindən dəmir parçası çıxdı”.
Məsələ ilə bağlı “Halal Zəhmət” firmasından açıqlama almaq mümkün olmadı. Şirkətində fikirlərini dərc etməyə hazırıq.
TEREF həmin görüntüləri təqdim edir:
"Təəssüf ki, satışda olan bəzi kərə yağlarının tərkibində uyğunsuzluq aşkar edilib, bu çox xoşagəlməz və yolverilməz haldır. Biz istehlakçılar bu halların qarşısını hansısa bir yolla ala bilmərik, amma yağ alarkən bəzi məqamlara diqqət edərək özümüzü qoruya bilərik".
Bu sözləri Demokrat.az-a açıqlamasında qida mühəndisi, nutrisoloq Fərid Səfərov deyib.
"Əsl kərə yağı qaynar suya salınanda bütöv şəkildə əriyirsə onu yeyə bilərsiniz. Kərə yağı otaq temperaturunda bir müddət sonra əriyirsə təəssüf ki, əsl kərə yağı deyil.Aldığınız kərə yağını tavaya əlavə etdikdə yüksək temperaturda əriyib köpüklənirsə bu əsl kərə yağıdır. Aldığınız kərə yağı tavada əriyir və öz rəngindən daha tünd rəng alırsa təəssüf ki, aldığınız yağının tərkibi qatqılarla zəngindir. Təbii təzə süddən alınan süd yağından istehsal olunan əsl kərə yağının qiyməti yüksəkdir".
O bildirib ki, kərə yağını bıçaqla kəsəndə kiçik parçalara ayrılırsa bu əsl kərə yağıdır:
"Təəssüf ki, indi satışda etiketində düzgün məlumatlar olmayan və qiyməti həddindən artıq baha olan yağlar var. Bu halların baş verməsinin səbəbi nəzarətin zəif olmasıdır, hər halda bu cür halların araşdırılıb ortaya çıxarılmasını da müsbət hal kimi qiymətləndirmək olar".
Qeyd edək ki, AQTA bir neçə gün öncə tərkibi bitki yağlarından ibarət olan "kərə" yağları aşkar edib.
Fiziki fəaliyyət təkcə arıqlamağa deyil, həm də əlavə səy və məhdudiyyətlər olmadan formada qalmağa kömək edə bilər. Gündəlik fiziki fəaliyyət ürək-damar sisteminə müsbət təsir edir, immunitet sistemini gücləndirir və əhval-ruhiyyəni yaxşılaşdırır.
TEREF xarici mətbuata istinadən xəbər verir ki, aktiv qalmağın ən asan və ən sərfəli yolu gəzməkdir. Sağlam qalmaq üçün gündə 10 min addım atmaq lazım olduğuna dair ümumi bir inanc var.
Bəs, arıqlamaq üçün neçə addım lazımdır?
Gündəlik gəzinti maddələr mübadiləsini yaxşılaşdırır, yağların yandırılmasını sürətləndirir və çəkiyə nəzarət etməyə kömək edir. Bununla belə, nəzərəçarpacaq çəki itkisinə nail olmaq üçün tək gəzmək kifayət deyil. Nəticələrə nail olmaq üçün kalori çatışmazlığını saxlamaq da vacibdir.
Arıqlamaq üçün fərdi addımların dərəcəsi bədəndən asılıdır, lakin nə qədər aktiv hərəkət etsəniz, faydaları bir o qədər çox olar. Yalnız addımların sayını deyil, onların müddətini və intensivliyini də nəzərə almaq vacibdir.
1 kilo arıqlamaq üçün neçə addım lazımdır?
Arıqlamaq prosesi cinsdən, yaşa, fiziki hazırlıq səviyyəsindən və yeriş növündən asılıdır. Məsələn, dirəklərlə yerimək və ya pilləkənləri qalxmaq piylərin yandırılmasına fərqli təsir göstərə bilər.
Bir addımın təxminən 0,04 kkal yandırdığı təxmin edilir. Bu çox görünməsə də, gündə 10.000 addım atmaqla siz 400-500 kkal itirə bilərsiniz ki, bu da tam yeməyə bərabərdir. Bir həftə ərzində hər gün 10 min addım atsanız, 2800-3500 kkal yandıra bilərsiniz. 1 kq arıqlamaq üçün təxminən 7000 kkal sərf etməlisiniz. Bu o deməkdir ki, 1 kq arıqlamaq üçün iki həftə ərzində hər gün 10 min addım atmaq lazımdır. Və ya prosesi sürətləndirmək üçün bir həftə ərzində gündə 20 min addım gedə bilərsiniz.
Atılan addımların sayını necə artırmaq və özünüzü gəzməyə həvəsləndirmək olar?
İşə gedərkən və ya evə qayıdanda lift əvəzinə pilləkənlərlə gedin.
Avtomobilinizdən daha az istifadə etməyə çalışın, mümkünsə işə piyada gedin. Həmçinin, kiçik alış-veriş üçün bayıra çıxanda avtomobildən imtina edin. Avtomobildən istifadə etmək lazımdırsa, girişdən daha uzaqda park edin.
Telefon danışıqları zamanı masanızda və ya divanda oturmaq əvəzinə gəzin.
Atdığınız addımların sayını izləyin – bu, əla motivasiyadır. Telefonunuzda addımölçən və ya xüsusi proqramdan istifadə edin. Özünüzə məqsəd qoyun və hər gün nəticənizi yaxşılaşdırmağa çalışın.
Lent.az
İspaniyada Kataloniya səhiyyə orqanları “Choceur” markalı şokoladların metal parçaları ola biləcəyi barədə xəbərdarlıq edib.
TEREF xəbər verir ki, bu barədə İspaniya Qida Təhlükəsizliyi və Qidalanma Agentliyi (AESAN) məlumat yayıb.
ASESAN bu potensial təhlükə ilə bağlı xəbərdarlıq edərək, məhsulların geri qaytarılmasının vacibliyini vurğulayıb.
Müayinələr nəticəsində müvafiq məhsulların ağız boşluğunda xəsarət və ya daxili qanaxma kimi ciddi sağlamlıq risklərinə səbəb ola biləcəyi bildirilib. Qeyd olunub ki, geri çağırma 24.10.2025-ci il bitmə tarixi olan partiyanı əhatə edir. Məhsulu Bavariya, Baden-Vürtemberq, Hessen, Şimali Reyn-Vestfaliya, Reynland-Pfalz, Türingiya və Saarland əyalətlərində əldə etmək olar.
Məhsulun paylanmasına cavabdeh olan ALDI mağazalarında və internet saytında müştərilərini məlumatlandıraraq problemə aydınlıq gətirib və sözügedən məhsulu alan müştərilərdən məhsulları geri qaytarmasını istəyib.Qeyd edək ki, bu markanın şokoladları Azərbaycanda “Port Baku Bazar” da satışda olub və digər yerlərdə onlayn satışı həyata keçirilir. /Baku.ws
Bu barədə Qida Təhlükəsizliyi Agentliyi məlumat yayıb.
Bildirilib ki, fiziki şəxs Cəfərov Əli Telman oğlunun istehsal etdiyi kərə yağlarından götürülmüş nümunələrin müayinəsi nəticəsində məhsul partiyalarında bitki sterinləri (Kampesterin, Stiqmasterin, Beta-sitosterin), eyni zamanda normativ sənədlə bu növ məhsulun tərkibində istifadəsinə icazə verilməyən qida əlavələri (Sorbin və Benzoy turşuları) aşkarlanıb.
Faktla bağlı Agentlik tərəfindən sözügedən məhsul partiyalarının dövriyyədən çıxarılması və ticarət şəbəkələrindən geri çağırılması barədə məhdudlaşdırıcı qərar qəbul edilərək qanunvericiliyə uyğun zəruri tədbirlər görülüb.
Qeyd edilib ki, kərə yağı məhsullarının üzərində təbii inək südündən alınmış, pasterizə edilmiş qaymaqdan istifadə edilməsi bəyan edildiyi halda, faktiki tərkibində bitki yağının aşkarlanması istehsalçı tərəfindən istehlakçıların aldadılması və hüquqlarının pozulması hesab olunur.
Həmçinin tərkibində Sorbin (E200) və Benzoy (E210) turşuları olan məhsulların həddindən artıq istehlakı insanlarda allergik reaksiyaların yaranmasına səbəb ola bilər ki, qüvvədə olan normativ sənədə uyğun olaraq bəzi məhsullarda həmin qida əlavələrinin istifadəsi qadağandır.
Uyğunsuzluq aşkarlanan məhsul partiyaları aşağıdakılardır:
Nəzarət tədbirləri çərçivəsində ölkəmizə idxal olunan bir sıra ət məhsulu partiyalarından Qida Təhlükəsizliyi Agentliyinin əməkdaşları tərəfindən götürülmüş nümunələrdə uyğunsuzluq aşkarlanıb.
"32gun.az" uyğunsuzluq aşkarlanan məhsulları təqdim edir.
№
Məhsulun adı
Miqdarı
Mənşə ölkəsi
İdxalçı şirkət
Aşkar olunan uyğunsuzluq
1
Dondurulmuş mal əti
20 ton
Ukrayna
"Gourment" MMC
İnsan istehlakı üçün yararsız
2
Dondurulmuş mal əti
20 ton
Ukrayna
”Azer Land” MMC
İnsan istehlakı üçün yararsız
3
Dondurulmuş mal əti
20 ton
Ukrayna
“Halal Food” MMC
İnsan istehlakı üçün yararsız
4
Dondurulmuş mal əti
30 ton
Ukrayna
“Qafqaz Konserv Zavodu” MMC
İnsan istehlakı üçün yararsız
5
Dondurulmuş mal əti
20 ton
Ukrayna
“Qafqaz Konserv Zavodu” MMC
Parazitar sirayətlənmə
6
Dondurulmuş mal əti
6.18 ton
Ukrayna
"Hereti Bottling Company" MMC
İnsan istehlakı üçün yararsız
7
Dondurulmuş mal əti
0.55 ton
Belarus
“Halal Food” MMC
İnsan istehlakı üçün yararsız
8
Dondurulmuş mal əti
5.06 ton
Braziliya
"M & T" LTD firması
İnsan istehlakı üçün yararsız
9
Dondurulmuş sümüksüz donuz əti
22.08 ton
Rusiya
"Universal-SVS" MMC
İnsan istehlakı üçün yararsız
10
Dondurulmuş qoyun əti
8.2 ton
Monqolustan
"Eleven Group" MMC
İnsan istehlakı üçün yararsız
11
Dondurulmuş toyuq hissələri
20.4 ton
Ukrayna
"HRT Group" MMC
Salmonella
12
Hisə verilmiş balıq filesi
0.264 ton
Belarus
“Food Fish” MMC
Listeria monocytogenes
Faktla bağlı qanunvericiliyə uyğun olaraq məhsul partiyalarının gömrük ərazisinin hüdudlarından kənara çıxarılması, məhv edilməsi və ya utilizasiyası barədə qərar qəbul edilib.
Əsas təhlükə müalicə zamanı meydana gələn və xəstənin qəbulu zamanı mövcud olmayan xəstəxana infeksiyalarıdır.
Xəstəxanalar sağlamlığın qorunmasında mühüm rol oynayır, lakin onlara baş çəkmək, bilməli olduğunuz müəyyən risklərlə gəlir.
Lent.az-ın xarici mediaya istinadla xəbərinə görə, əsas təhlükələrdən biri tibbi yardımın alınması prosesi zamanı inkişaf edən və xəstə qəbulu zamanı qeydə alınmayan xəstəxanadaxili infeksiyalardır. Bu infeksiyalar müalicəni əhəmiyyətli dərəcədə çətinləşdirə, xəstəxanaya yerləşdirmə müddətini uzadır və hətta ölüm riskini artıra bilər.
Xəstəxanalar sağlamlığın qorunmasında mühüm rol oynayır, lakin onlara baş çəkmək, bilməli olduğunuz müəyyən risklərlə gəlir. Əsas təhlükələrdən biri tibbi yardımın alınması prosesi zamanı inkişaf edən və xəstə qəbulu zamanı qeydə alınmayan xəstəxanadaxili infeksiyalardır. Bu infeksiyalar müalicəni əhəmiyyətli dərəcədə çətinləşdirə, xəstəxanaya yerləşdirmə müddətini uzadır və hətta ölüm riskini artıra bilər.
Xəstəxana daxili infeksiyaları nədir?
Xəstəxana daxili infeksiyalar hər hansı bir tibb müəssisəsində – xəstəxanalar və klinikalardan reabilitasiya mərkəzlərinə və qocalar evlərinə qədər baş verə bilər. Belə halların 20 faizə qədərinin qeydə alındığı reanimasiya şöbələrində risk xüsusilə yüksəkdir.
Ən həssasları:
* körpələr və qocalar;
* zəifləmiş immun sistemi olan xəstələr;
* invaziv aparatları olan xəstələr (kateterlər, intubasiya boruları və s.);
* diabet və ya böyrək çatışmazlığı kimi xroniki xəstəlikləri olan insanlar;
* uzun müddət xəstəxanada qalan xəstələr.
Təhlükə və səbəblər
Xəstəxanada infeksiyaların yayılmasının bir çox yolu var: yoluxmuş xəstələrdən, tibb işçilərindən və ya xarici mühitdən. Bəzən mənbə xəstənin özünün fürsətçi mikroflorasıdır.
Mikroorqanizmlərin xəstəxana şəraitinə uyğunlaşması nəticəsində xəstəxana ştammları - əksər antibiotiklərə davamlı mikroorqanizmlər meydana çıxır. Onlar müalicəsi çətin olan ağır ağırlaşmalara səbəb ola bilər.
Əməliyyat zamanı xəstəxanadaxili infeksiyaya yoluxma, məsələn, xəstəxanada qalma müddətini orta hesabla 6,5 gün, yenidən xəstəxanaya yerləşdirmə riskini beş dəfə, ölüm ehtimalını isə iki dəfə artırır.
Xəstəxanalara yalnız zəruri hallarda müraciət etmək niyə vacibdir?
Tibb müəssisələrində mikroorqanizmlərin müntəzəm dövriyyəsi onların mutasiyalarına və dərmanlara qarşı müqavimətin inkişafına kömək edir. Buna görə xəstəxanalara səfərləri minimuma endirmək, oraya yalnız həqiqətən zəruri hallarda getmək vacibdir. Eyni zamanda, sağlamlığınız üçün riskləri azaltmaq üçün gigiyena qaydalarına və həkimlərin tövsiyələrinə əməl etməyə diqqət etməlisiniz.
Xəstəxana daxili infeksiyalar hər bir xəstənin yadda saxlaması vacib olan gizli təhlükədir. Xəbərdarlıq və ehtiyatlılıq təhlükəni minimuma endirməyə və sağlamlığı qorumağa kömək edəcəkdir.
"Azərbaycan Uşaqları" İctimai Birliyinin sığınacağında səkkiz uşaq virusa yoluxub.
Qaynarinfo xəbər verir ki, bu barədə "Azərbaycan Uşaqları" İctimai Birliyinin sədri Kəmalə Ağazadə bildirib.
Virusa yoluxan uşaqlar xəstəxanaya yerləşdiriliblər. Altı uşaq isə sığınacaqda müalicə alır.
K.Ağazadə yazıb: "Özünüzü virusdan qoruyun. 2 uşağımız xəstəxanada, 6 uşağımız isə sığınacaqda müalicə alır. Daha 24 uşaq yoluxmağa namizəddir. 14 uşağımız yaxşı ki, sanatoriyadadır".