Aprelin 9-da Cəlilabad sakini, 1984-cü il təvəllüdlü Mübariz Ağayev xüsusi əməliyyatla saxlanılıb və ondan 6 kiloqram narkotik maddə aşkarlanıb. O, ifadəsində həmin narkotik maddələri karqo şirkətlərdən birindən aldığını bildirib. Narkotik maddə İrandan Azərbaycana TIR-da silikonların içərisində gətirilib. M.Ağayev narkotik malları paytaxt Bakıda müəyyənləşdirilən yerlərə verdikdən sonra iranlı narkotacirə məlumat verməli imiş.
M.Ağayevin "narkotiki karqo şirkətlərin birindən aldım" deməsi, diqqətimi çəkdi və məsələ ilə bağlı qısa araşdırma apardım.
Məlum oldu ki, 6 kiloqram narkotik maddə "Fronqresen Group" adlı MMC-yə məxsus malların, 303 kq çəkisi olan silikonların içərində Azərbaycana gətirilib. Mallar 25.03.2024-cü il tarixində Bakı Şəhər Baş Gömrük İdarəsində olub, maliyyə inspektoru tərəfindən rəsmiləşdirilib, gömrük bəyannaməsi yazılıb. Gömrük əməkdaşları və rentgen aparatları narkotiki aşkarlaya bilməyib. Maraqlıdır ki, mallar bir neçə gün orada olub, yoxlanılıb, daha sonra yenidən fiziki baxışa verilib. Amma 6 kiloqram narkotiki aşkarlaya bilməyiblər.
O da məlum oldu ki, malların yoxlanılması və buraxılması BBGİ-nin inspektoru Aqil İbadovun monopoliyasındadır. Onun icazəsi, rəyi olmadan heç bir mal buraxıla bilməz.
Məsələ ilə bağlı istintaq aparılır. Ümid etmək istəyirəm ki, bu məsələ ilə bağlı təkcə M.Ağayev barədə yox, gömrük əməkdaşının məsuliyyəti də müəyyənləşdirilərək lazımı tədbirlər görüləcək.
Samir Feyruzov
TEREF

Gəncə Şəhər Birləşmiş Xəstəxanasını kim idarə edir, direktor, yoxsa “otdelkadr?” Ümumiyyətlə, 80-ci illərdən kadr məsələləri ilə məşğul olan Məlahət Bayramova, bir çox baş həkimləri yola salsa da, o, indiyə kimi öz postunda möhkəm qərarlanmağı bacarıb.

Mərhum İsa həkimdən bu günə qədər, ələlxüsus Nazim Əhmədovla, daha sonra İlkin İsmayılovla dil tapıb işləmək məharət tələb edir. Baş verənlərə diqqət yetirdikdə görürsən ki, baş həkimlər dəyişsə də, kadr məsələləri ilə bağlı yanaşma dəyişmir. 2023- cü ildə Hesablama Palatasının apardığı yoxlamalar nəticəsində bəlli oldu ki, Gəncə Şəhər Birləşmiş Xəstəxanasında vəziyyət o qədər də ürəkaçan olmayıb.... Çünki, 2023-cü ilin iş planına əsasən, Hesablama Palatasının bu Xəstəxanada həyata keçirdiyi audit yoxlamaları nəticəsində çoxsaylı nöqsanlar aşkar olunur. Hətta, Hesablama Palatasının verdiyi rəyi oxuduqdan sonra ortaya düşündürücü suallar da çıxır. Görəsən bir çox səhiyyə müəssisələrində, o cümlədən Abbas Səhhət adına xəstəxanada necə olur ki, baş həkim İlkin İsmayılov 2023-cü ildən Gəncə Şəhər Birləşmiş Xəstəxası publik hüquqi şəxsin direktor vəzifəsinə təyinat almağı bacarır? Məlumat üçün qısa şəhr verək, 02 fevral 2024-cü ildə Tibbi Ərazi Bölmələrini İdarəetmə Birliyi publik hüquqi şəxsin tabeliyində olan Gəncə Şəhər Birləşmiş Xəstəxanası publik hüquqi şəxs direktor vəzifəsinə təyinat olur. Sözügedən vəzifə isə, həmin vaxta qədər Abbas Səhhət adına xəstəxanaya az öncə baş həkim təyin olunan İsmayılov İlkin Yusub oğluna həvalə olunur.

Bəs bu gənc həkim kimdir? İlkin İsmayılovun bioqrafiyasına nəzər salaq. Bu şəxs 22 oktyabr 1985-ci ildə Bakı şəhərində anadan olub. 2003-2009-cu illərdə Azərbaycan Tibb Universitetində (Müalicə işi) təhsil alır və həmin Universitetin Onkologiya kafedrasında internatura keçərək, 2009-cu ildə Türkiyənin Qazi Universitetinin Ümumi Cərrahiyyə fakültəsində təhsilini davam etdirir. Bu Universitetdə Uzmanlıq elmi dərəcəsini alan İlkin İsmayılov, 2016-cı ildə Gəncə Beynəlxalq Xəstəxanasında ümumi cərrah, baş həkim, daha sonra baş direktor vəzifəsində çalışır. (Gəncə Beynəlxalq Xəstəxanası özəl klinikadır, çatdırılan məlumatlara görə bu xəstəxananın sahibi sabiq vergilər naziri, mərhum Fazil Məmmədovdur.) 2017-ci ildə Tibb üzrə fəlsəfə doktoru adını alır. Hal- hazırda Tibb Universitetinin Birinci Cərrahiyyə Xəstəliklər kafedrasının doktorantıdır. İlkin İsmayılov, 2021- ci ildən Gəncə Şəhər Birləşmiş Xəstəxanası publik hüquqi şəxsi direktorun müavini - Abbas Səhhət adına xəstəxananın rəhbəri olaraq fəaliyyət göstərir. Obyektivlik olsun deyə, cərrah işlədiyi müddətdə işinin peşəkarı olaraq cəmiyyətdə ad çıxarmağı bacarır və bunu heç zaman unutmaq olmaz. Bəli, artıq deyəsən problemin ən ilginc nöqtəsinə çata bildik. Xatırlatmaq üçün deyə bilərik ki, elə Abbas Səhhət adına xəstəxanadan kadrlar şöbəsinin müdiri Məlahət Bayramova ilə birlikdə çalışır. Bir məqama xüsusi diqqət edək, Məlahət Bayramova uzun illərdir ki, yəni 1980-ci ililərdən indiyə kimi kadr məsələləri ilə məşğuldur və xəstəxanada çalışanların çoxu, ələlxüsus yaxın qohum-əqrabası, qonşuları, tanışları və s. onun sayəsində iş tapa biliblər. Əgər dərindən düşünsək o halda belə bir qənaətə gəlmək olar ki, burada nə var ki?

Yəni, adətən indiki reallıqda çömçə kimin əlində olursa, yeməyin yağlı yerindən pay da həmin çömçə tutanın sülaləsinə çəkilir. Unutmaq olmaz ki, dövlət xəstəxanası olan bu səhiyyə müəssisəsində uzun illərdir ki, baş həkimlərdən biri digərini əvəz etsə də “otdelkadr”postu dəyişməz qalır, xəstəxana bu formada idarə olunur. Bunun səbəbi baş həkimdə deyil, onu bu posta dəstəkləyəndə axtarsaq, yaxud da aidiyyəti qurumlar, o cümlədən Hesablama Palatası xəstəxananı daha diqqətlə yoxlasaydı, yəqin ki, uzun illər ərzində yaşanan problemlər ortaya çıxardı. Deməyi özümüzə borc bilirik. Özünün dediyinə görə M. Bayramovanın arxasında duran qüvvənin korrupsiyaya qarşı qəti münasibət bildirənlərdən sayılan biri olsa da, hansı ki, bu da sözdə belədir, necə olur ki, simsarının əməllərindənmi xəbərsizdir? Deməzdim. Bütün dövlət qurumlarından onu hifz etməyi hələlik bacaran məmurun gözündəki eynək əcaba (rozovıy) cəhrayımı rəngdədir ? Yəqin ki, əks təqdirdə bu qədərləri görə bilmək o qədər də çətin deyil. İki nəfərdən artıq şəxsin bildiyi sirr artıq sirr deyil. Görünür onun ətəkləri də (yəni söhbət sponsordan, himayədardan gedir-müəllif) korrupsiya çamuruna artıq çoxdan batıb və yaxud da HAQQI unudub. Nə isə... uzun illər ərzində Abbas Səhhət adına Xəstəxananın kadr məsələləri ilə məşğul olan (vəzifəsi kadrlar şöbəsinin rəisi) Məlahət Bayramovanın Adil və İsmayıl adında iki oğul övladı var. Oğlanlarından biri bu Xəstəxanada texnik, digəri isə mülki müdafiə üzrə mütəxəssis kimi çalışır. Hərçəndi onların işə gəlişi belə bayramda şəkərbura, paxlamanı görmək kimi bir şeydi. Oğlunun həyat yoldaşlarından biri ümumi şöbədə katibə işləsə də, digəri Birləşmiş Xəstəxanada kadrlar şöbəsində mütəxəssisdir.

Məlahət Bayramova haqqında çoxsaylı şikayətlərin ardı, arası kəsilməsə də ,nə o,nə də rəhbərlik barəsində olan şikayətlərə əhəmiyyət vermir və özündən sonra, bugünkü vəzifəsinə gəlini Gülnarəni hazırlamaqla məşğul olur. Yəni, bu xanım kadr artıq səhiyyə idarəsini özünün deməyək, himayədarının özünküləşdirməsindən tam əmindir. (Bizsə deyil.) Haşiyə çıxaraq bildirim ki, ölkədə özəl xəstəxalar mövcud olduğundan hamımız məlumatlıyıq, amma səhiyyə idarəsinin özəlləşməsini ilk dəfədir görürük. Belə də ki, media nümayəndələrinin işi görmək, bilmək, məlumatlandırmaqdır. Qalanı Dövlətin işidir. Qayıdaq siyahımıza, siyahıda onun qardaşı qızları, yəni Əliyeva Samirə Aydın qızı və Tağıyeva Həyat Aydın qızının da adı var ki, bu iki xanım da bibiləri Məlahət Bayramovanın sayəsində iş başındadırlar. Məlahət xanım təkcə özünü deyil, həyat yoldaşının qohumlarını da ayrı seçkilik etmədən işlə təmin edə bilib. Məsələn, Aygün Qafarova - bu “otdelkadr”ın qaynı Sərxanın qızıdır və o, sığortanın təşkili və innovasiya şöbəsinin şöbə müdirinin müavini vəzifəsini daşıyır. Bundan əlavə, qaynı Sərxanın oğlu Samir İbrahimov hemodializə şöbəsində texnik vəzifəsində, baldızının oğlu Həsənov Vasif Yusif oğlu isə, xəstəxananın informasiya texnologiyaları şöbəsində çalışır. Bu xəstəxana dövlətdən maliyyələşən səhiyyə müəssisəsi olsa da, burada çalışan işçilərin demək olar ki, yarısından çoxu Məlahət Bayramovanın “bığının altından keçməklə” işlə təmin olunublar. Bəli, uzun illərdir ki, bu xəstəxana “otdelkadr” tərəfindən qoyulan şərtlər daxilində fəaliyyət göstərir desək, heç də yanılmarıq. Yada gələn baş həkimlər gərək Məlahət xanımın uşaqlıq dostları, sinif yoldaşları, yada ki, qohumları ola ki, ona bu qədər artıqlaması ilə səlahiyyət verilib? Redaksiyamıza daxil olan məlumatlarda vurğulanır ki, Məlahət xanımın həyat yoldaşı Faxrəddin İsmayıl oğlu İbrahimov I qrup əlil olduğu halda, o, avtomobil idarə edir. Bu faktın doğru olub-olmadığını aydınlıq gətirmək üçün, üz tutduq Dövlət Sosial Müdafiə Fonduna. Apardığımız araşdırmalar, əldə etdiyimiz məlumatlar, görüb bildiklərimiz və s. bizi belə bir qənaətə gətirdi ki, Gəncənin səhiyyə müəssisələrindəki korrupsiya şəbəkəsinin başında, üzdə, dünən direktor vəzifəsinə gətirilən İlkin İsmayılov olsa belə, araşdırmalarımızdan görünən idarəetmə mexanizminin başında bir başqasıdı, yəni səhiyyə tam başqa səmtdən idarə olunur. Belə bir səbəbdən də, hazırda xəstəxanalarda baş verənləri diqqətdən keçirmə zamanı yetişmiş sayılır.

Gəncə səhiyyəsinin bataqlıq dönəmindən keçdiyi yolun sonuna gəlib çıxdığımız bəlli olar. Məni heç də yalnış anlamayın və bunu “Gəncə xəstəxanalarında korrupsiya yığışdırılıb”anlamı kimi də başa düşməyin. Əksinə, Hesablama Palatasından sonra adı çəkilən bu “otdelkadr”ın “iş qabiliyyəti”ni “nəzərə aldılar və onu daha da başa çəkdilər. Yəni, Gəncənin “Qubernator”u onu daha mühüm posta təyin etdi. Hesablama Palatasının hesabatı əsasında dəyişən nə oldu? Əsasən kadr islahatında və maliyyə məsələlərində aşkar olunanlardan sonra Məlahət Bayramovanın vəzifəsinin daha da böyüdülüb başa çəkilməsi, yəni bu xanımı Gəncə Şəhər Birləşmiş Xəstəxanasının insan resursları şöbəsinin müdiri vəzifəsinə təyin etdilər. Deyilənlərə görə, işinin peşəkarı hesab olunan İlkin İsmayılovu cərrahlıq işindən ayırıb, onun təmiz adı altında baş verənləri ört-basdır etmək üçün direktor vəzifəsinə gətirilməsi kimin ağlına gəlib? Görünür “Qubernator” artıq peşəkarcasına şahmat oynamağı da öyrənib. Məlahət Bayramovanı bu vəzifəyə yüksəldən “Qubernator”un tapşırığına əsasən, İlkin həkimin bu şəxsdən icazəsiz hər hansı qərar qəbul etməsi, yaxud da işçini qəbul etməsi absurd məsələdir. Sözümüz burada bitmir, söhbət səhiyyədən getmişkən , əsas odur ki, səhhətinizdən muğayat olun və bizi izləməyi unutmayın, elə məndə .

P. S. Əziz oxucular! Bir haşiyə çıxmaqla tarixi bir faktı xatırlatmaq və ürəyimdən keçənləri sizlərlərlə bölüşmək qərarındayam. XVIII əsrin ikinci yarısında Rusiyanın dövlət idarəçiliyində hərc-mərclik yaranan vaxtlarda müəyyən qruplaşmalar, əsasəndən qazaxlar çar ordusu üzərində bir sıra uğurlu qələbələr əldə edirlər. Bütün zamanlarda xalq hərəkatlarında olduğu kimi, yəni, Puqaçovun başçılıq etdiyi kəndli üsyanında da əvvəlcədən hazırlanmış plan qurulmur və üsyançılar arasında nizam- intizama nəzarət etmək də mümkün olmur. Üsyançılar adi soyğunçu və quldurlar kimi hərəkət edirlər. Ayağında çarıq olan Yemelyan Puqaçov özünü çar elan edir və onun hökmdarlığı heç də uzun sürmür, az bir müddətdən sonra çariçanın əmri ilə onun özünü və yaxın ətrafını Moskvada tuturlar və boyunlarını da vururlar.

P.S.S Bütün bunlar hadisələri qabaqlamaq kimi çıxdı. Hələlik isə onu deyə bilərək ki, Prezident Gəncə şəhərinin statusunu dəyişməyib və bu şəhərə quberniya adı isə hələlik verilməsə də, artıq bu şəhərdə özünü Qubernator sayan şəxsin kimliyi əksəriyyətə bəllidir. Gəncədə “Qubernator” adını daşıyanın kimliyi isə... Əgər Məlahət Bayramovanın dediyi kimi, mən qubernatorun qəzəbinə düçar olmayıb sağ qala bilsəm də, bilməsəm də yenidən bu mövzuya qayıdacağıq. Ömrü yazan yazır, bəndə kimdir?

globalinfo.az

Azərbaycanda rəqabət qaydalarını kobud şəkildə pozan iaşə müəssisələrinə rast gəlinir. Bəzi hallarda ticarətlə məşğul olan vətəndaşlar haqsız rəqabətə məruz qaldıqlarını söyləyirlər.

Redaksiyamıza daxil olan məlumata görə, Quba şəhərində fəaliyyət göstərən nəhəng “Megastore” mağazasının icarəyə götürdüyü binanın sahibi fantastik üsula əl atıb. O, sahibi olduğu binanın tikili sahəsini bir qədər də genişləndirərək obyektin bir hissəsini icarəyə verdiyi “Megastore”a rəqib olan yeni “Hiperstore - ən ucuz market” mağazasını açıb. İddialara görə, sahibkarın tez-tələsik bu addıma əl ataraq biznesini genişləndirməsi iyulun 1-dən qüvvəyə minəcək Rəqabət Məcəlləsində göstərilən məsuliyyətlərdən azad olmaq məqsədi daşıyır.

Bəs belə hallarla üzləşən sahibkarlar nə etməlidir?

Haqsız rəqabəti necə müəyyənləşdirmək olar?

Amma iyulun 1-dən etibarən həmin qanunun tələblərini pozanlara qarşı ciddi mübarizələr aparılacaq və cəza mexanizmləri tətbiq olunacaq. Məlumat üçün bildirək ki, Məcəllənin 6-cı fəslində haqsız rəqabətdən bəhs olunur. 19-cu maddədə haqsız rəqabətin formaları göstərilir. Qeyd edilir ki, rəqib təsərrüfat subyektinin nüfuzdan salınması, rəqibin sahibkarlıq fəaliyyətinin təqlidi, müştərilərin çaşdırılması və aldadılması və s. qadağandır. Eyni zamanda, 25-ci maddədə haqsız rəqabətə səbəb olan digər hərəkətlərdən söz açılır. Burada haqsız, qeyri-dəqiq və ya gizli reklamdan istifadə etməklə haqsız rəqabətə yol verilməsi, rəqibin işgüzar münasibətlərinin pozulması və ya dayandırılmasına səbəb olan və ya ola bilən qanunsuz əqdlərin bağlanması və ya hərəkətlərin (hərəkətsizliyin) edilməsi, eləcə də öz xidməti vəzifələrini yerinə yetirməməyə sövq etmək və ya rəqibə digər formada zərər vurmaq məqsədilə rəqibin işçilərinə qanunsuz vasitələrlə təsir göstərilməsi haqsız rəqabətə səbəb olan qanunsuz hərəkətlər hesab edilir.

Reklamlarda bu ifadələrdən istifadə olarmı?

Məcəllənin 23-cü maddəsində isə müştəriləri çaşdırmağa, yaxud aldatmağa yönəldilmiş hərəkətlərin siyahısı göstərilib. Müştəriləri çaşdırmağa, yaxud aldatmağa yönəlmiş hərəkətlərdən biri də qanunsuz reklam yayımıdır. Təsadüfi deyil ki, Azərbaycanda reklamlarda “ən ucuz”, “ən keyfiyyətli”, “1 nömrəli” və s. ifadələrinə rast gəlinir. Kimi satdığı məhsulu ən keyfiyyətli, kimi açdığı marketi ən ucuz, kimi isə iaşə xidməti göstərdiyi restoranı bir nömrə kimi qələmə verir. Qanun isə bu cür reklamların pozuntu olduğunu deyir.

Vəkillər Kollegiyasının üzvü Rəşad Əliyev İqtisadiyyat.az-a bildirib ki, reklam – istehlakçının diqqətini reklam obyektinə müxtəlif vasitə və üsullardan istifadə olunmaqla istənilən formada cəlb etmək, marağını formalaşdırmaq və saxlamaq, əmtəəni bazarda tanıtmaq və satışını stimullaşdırmaq məqsədi ilə yayımlanan məlumatdır.

O, qanunvericiliyin tələbinə əsasən söyləyib ki, reklam əmtəə istehlakçılarının seçimini stimullaşdırmalı, onları aldatmamalı, çaşqınlıq hissi yaratmamalı, rəqiblərinin istehsal etdiyi, reklam edilən əmtəə ilə eyni, yaxud onun əvəzedicisi olan başqa əmtəələrin bazar nüfuzuna xələl gətirməməlidir.

VK-nin üzvü vurğulayıb ki, bu baxımdan reklamlarda “ən ucuz”, “ən keyfiyyətli”, “1 nömrəli” və s. formada ifadələrdən istifadə eddilməsi yolverilməzdir:

"Reklam haqqında" Qanun haqsız reklamlarla bağlı məsələni də tənzimləyir. Belə ki, reklam olunan əmtəə ilə eyni funksiyaları yerinə yetirən, yaxud yetirə bilən, başqa istehsalçıların yaxud satıcıların əmtəəsinin keyfiyyət və (və ya) kəmiyyət göstəriciləri arasında digər bazar iştirakçılarının adını çəkməklə və (və ya) əmtəəni göstərməklə müqayisə aparıldıqda, müxtəlif vasitələr və (və ya) üsullarla bazar rəqibinin şərəf və ləyaqəti, işgüzar nüfuzu aşağılandıqda, əmtəə barədə bilərəkdən həqiqətə uyğun olmayan reklam verildikdə, reklam olunan əmtəədən istifadə etməyən və ya rəqiblərin əmtəəsindən istifadə edən şəxslərə istehza olunmaqla, başqa şəxslərdə onlara qarşı mənfi rəy formalaşdırmağa cəhd olunduqda və qanunda nəzərdə tutulmuş digər hallarda haqsız reklam hesab edilir və buna yol verilmir".

Bu qanunu pozanları külli miqdarda cərimə gözləyir

R.Əliyev əlavə edib ki, reklam haqqında qanunvericliyin pozulmasına görə isə həm inzibati, həm mülki, həm də cinayət məsuliyyəti nəzərdə tutulub.

Belə ki, reklam haqqında qanunvericiliyin pozulması İnzibati Xətalar Məcəlləsinin 428-ci maddəsinə əsasən məsuliyyət yaradır və bu əmələ görə müxtəlif məbləğlərdə cərimələr nəzərdə tutulub və yuxarı həddi 40.000 manatdır:

"Cinayət Məcəlləsinin 198-ci maddəsi isə bilə-bilə yalan reklam etmə əməlinə görə məsuliyyəti müəyyən edir. Belə ki, əmtəələr, qulluq və xidmətlər haqqında, habelə onların istehsalçıları (icraçıları, satıcıları) haqqında tamah məqsədilə bilə-bilə yalan məlumatlardan reklamda istifadə etmə xeyli miqdarda (50 min manatdan artıq) ziyan vurduqda - cinayət nəticəsində vurulmuş ziyanın iki mislindən üç mislinədək miqdarda cərimə və ya iki ilədək müddətə islah işləri və ya bir ilədək müddətə azadlıqdan məhrum etmə ilə cəzalandırılır. Eyni əməllər külli miqdarda (100 min manatdan artıq) ziyan vurduqda cinayət nəticəsində vurulmuş ziyanın üç misli miqdarında cərimə və ya iki ilədək müddətə azadlığın məhdudlaşdırılması və ya iki ilədək müddətə azadlıqdan məhrum etmə ilə cəzalandırılır. Həmçinin reklam qanunvericiliyini pozmaqla vurduğu zərərə görə fiziki şəxslər, vəzifəli şəxslər və hüquqi şəxslər həm də mülki qaydada maddi məsuliyyət daşıyırlar".

ADRA monitorinqlər zamanı həmin reklamların yayımını dayandırır

Azərbaycan Dövlət Reklam Agentliyinin (ADRA) İctimaiyyətlə Əlaqələr şöbəsinin müdiri Hüseyn Azəri İqtisadiyyat.az-a deyib ki, açıq məkanda reklam yerləşdirməzdən əvvəl icazə alınmalıdır.

Onun sözlərinə görə, ən keyfiyyətli, ən ucuz, ən sürətli və s. ifadələrlə fəaliyyət göstərmək istəyənlərdən sertifikat tələb olunur.

ADRA sözçüsü bildirib ki, əgər bunu təsdiqləyən sənədlər varsa, o zaman həmin sözlərdən reklam kimi istifadəsinə icazə verilir:

"Amma icazəsiz və qanunsuz reklam yayımı fəaliyyətinə qarşı yerlərdə müfəttişlərimiz mütəmadi olaraq monitorinqlər aparırlar və onlar həmin reklamların yayımını dayandırırlar, demontaj edirlər. Yəni o reklamı sökür və sahibkarlara da xəbərdarlıq edirlər. Əgər sahibkarlar yazılı xəbərdarlığa əməl etmirlərsə, onda onları təbii ki, qanunvericiliyə uyğun olaraq cərimə gözləyir".

"Biz bundan başqa, mübarizə üsulu olaraq öz sosial platformalarımızda da adra.gov.az həştəqini əhalinin ixtiyarına vermişik ki, haradasa qanunsuz reklamlara rast gələn zaman paylaşaraq bizi işarələyə bilərlər. Biz də buna müvafiq addımlar ataraq lazımi tədbirləri görə bilərik. Agentliyin hər rayon üzrə ayrı-ayrı müfəttişlər var. Onlar bu cür pozuntu hallarına qarşı mütəmadi olaraq reydlər keçirirlər. Bundan başqa, bizdə avtomobil üzərində quraşdırılmış 360 dərəcə ətrafı təsdiq edən xüsusi qurğu var. Avtomobil küçədə və ərazidə hərəkətdə olan zaman maşın ətrafdakı bütün reklamları çəkir və bütün informasiyaları avtomatik şəkildə mərkəzi aparata göndərir və burada həmin reklamların icazəsinin olub-olmadığı müəyyən olunur", - H.Azəri əlavə edib.
Haqsız, qeyri-dəqiq və gizli reklam üsulları ilə rəqabətə yol verilmir

Antiinhisar və İstehlak Bazarına Nəzarət Dövlət Xidmətindən isə İqtisadiyyat.az-ın sorğusuna cavab olaraq bildirilib ki, reklam haqqında qanunvericiliyin tələblərinə əsasən, əmtəə barədə bilərəkdən həqiqətə uyğun olmayan reklam verilməsi qadağandır.

Qeyd edilib ki, “Reklam haqqında” Azərbaycan Respublikası Qanununun 6.1.3-cü və 6.2-ci maddələrinə əsasən, müvafiq olaraq, əmtəə barədə bilərəkdən həqiqətə uyğun olmayan reklam verilməsi haqsız reklam hesab edilir və haqsız reklama yol verilmir: "Həmin Qanunun 7.1.2-ci, 7.1.4-cü və 7.2-ci maddələrinə əsasən, əmtəənin bazarda mövcudluğu, onun göstərilən miqdarda, vaxtda və yerdə əldə edilməsi imkanları və reklam edilən vaxt əmtəənin qiyməti, qiymət güzəştləri, əldəetmə və ödəniş şərtləri barədə məlumatları təhrif edilmiş, həqiqətə uyğun olmayan şəkildə əks edən reklam qeyri-dəqiq hesab olunur və qeyri-dəqiq reklama yol verilmir. Bundan başqa “Haqsız rəqabət haqqında” Azərbaycan Respublikası Qanununun 9-cu maddəsinə əsasən əmtəənin alınması, yaxud sövdələşmə zamanı istehlakçının seçmə sərbəstliyinə təsir göstərən haqsız, qeyri-dəqiq və gizli reklam üsullarından istifadə olunmaqla istehlakçıların çaşdırılması haqsız rəqabətə səbəb olur və haqsız rəqabətə yol verilmir. Mövcud qanunvericiliyin tələblərindən göründüyü kimi, qeyd olunan ifadələrin həqiqiliyini təsdiq edən müvafiq sənəd və materiallar bazar subyektlərində olduğu təqdirdə bu ifadələrdən istifadə oluna bilər".

Məlumatda vurğulanıb ki, Dövlət Xidməti tərəfindən reklam fəaliyyətinə dövlət nəzarəti (açıq məkan istisna olmaqla) məqsədilə mütəmadi olaraq monitorinqlər və maarifləndirmə tədbirləri, habelə fiziki və hüquqi şəxslər tərəfindən daxil olmuş müraciətlərin araşdırılması həyata keçirilir: "Aparılmış araşdırmalar zamanı bazar subyektləri tərəfindən pozuntu əlamətləri aşkar edildikdə qanunvericiliyə müvafiq olaraq tədbir görülür. Məlumat üçün bildirək ki, istehlakçılar müxtəlif reklam daşıyıcılarında malların reklamı zamanı mövcud qanunvericiliyin tələblərinin pozulması halları ilə rastlaşdıqları zaman Antiinhisar və İstehlak Bazarına Nəzarət Dövlət Xidmətinə rəsmi internet səhifəsi - https://competition.gov.az/az/page/muraciet/erize-sikayet-teklif elektron poçt - office@competition.gov.az və 195-1 Çağrı Mərkəzi vasitəsilə müraciət edilə bilər".

Bir müddət əvvəl Prezident İlham Əliyevə müraciət edən Şəhid anası Ölkə başçısından köməklik istəyib. Lakin onun müraciəti təhrif edilərək icra hakimiyyəti tərəfindən təkzib edilməsi müşahidə edilməkdədir.

Çox təəsüf hissi ilə qeyd edək ki, İmişli rayon İcra Hakimiyyətinin başçısı Prezidentə Müraciət edən şəhid anasına qarşı etdiyi hörmətsizliyə davam edir. Belə ki, İcra başçısı Şəhid anası İmmi Rüstəmovanın müraciətini səhv çıxarmaq üçün nəvəsinin ev növbəsinə yazılması işlə təmin edilməsi ilə bağlı açıqlama verərək ananın müraciətinin əsassız olmasını göstərməyə cəhd edib. Lakin qeyd edək ki, İmmi Rüstəmovanın nəvəsi 44 günlük Vətən Müharibəsinin iştirakçısı həmçinin Qazi olması ilə əlaqədar ev növbəsinə yazılması ilə yanaşı işlə təmin edilib. Şəxs ayrı təsərüfat sahibidir. Amma İmişli İcra Hakimiyyətinin açıqlama sosial səhifələrdə müraciətin şərh hissəsinə yerləşdirməklə İ.Rüstəmovanın Prezidentə müraciətinin əsası olmayan addım kimi qiymətləndirilir.

Cənab Prezident media mənsubu olaraq bizdə İmmi Rüstəmovanın yaşadığı mənzilində olduq. Çəkiliş zamanı ananın yaşayışı acınacaqlı durumda olmasını real gözümüzlə gördük. İmişli rayon Sərxanlı kənd sakini Şəhid Rüstəmov İbadət Səxavət oğlunun mənzili tam dağılma ərəfəsindədir. Hazırda anası İmmi Rüstəmova yaşadığı durum heçdə ürək açan deyil. Beləki, İmmi ana iki qızı üç nəvəsi, bir oğlu və yoldaşı ilə birgə yaşadığı mənzilin dam örtüyü yağış zamanı mənzilin içərisini gölməçiyə çevirir. Evin dam örtüyü ilə yanaşı evin tam təmirə ehtiyac olduğu video çəkilişimizdən aydın müşahidə edilir. Bu gün rəhbər olaraq təyin etdiyiniz İmişli rayon İcra Başçısı Rzayev Elçin Adil oğlu ona etimadınızı göründüyü qədər doğrulda bilmir. Qeyd edək ki, həmin evdə yaşayan şəhid bacıları ilə şəhid anası şəkər xəstəsidir. Həmdə şəhid bacısının ağır şəkər xəstəsi olduğundan artıq ayaq barmaqları qanqreniya verib. Amputasiya edilən barmaqları isə onun səhhətini daha da ağırlaşdırıb. Media olaraq Prezident İlham Əliyevə Şəhid anasının istəyinin yanlış yönləndirildiyini çatırmaq istəyirik. Şəhid anası İcra başçısından iş yemək pul istəməyib. Onun müraciəti evinin abadlaşdırılması ilə bağlı olub. Hər bir şəhid ailəsinə dövlət qayğısı proqramına onunda daxil edilməsidir. Lakin icra başçısı 90-larda şəhid düşənlərin sanki şəhid hesab edilmədiyi imacı formalaşdırır. .

Digər tərəfdən isə Şəhid ailəsi yaşadığı mənzilin qapısından asdığı üç rəngli Azərbaycan Bayrağı məcburi qaydada yığışdırılıb. İmmi ana bildirir ki, Bayraq asıldığı gündən Kənd İcra nümayəndəsi Muradov İkramın əməkdaşı Bərşadın israrla bayrağın götürülməsi ilə bağlı təzyiqlə edib. Media araşdırmamızdanda məlum olur ki, İkram Muradov həbsdə olan korrupsiya, vəsifə səlahiyyətlərindən sui-istifadə edən keçmiş icra başçısı Vilyam Hacıyevin əsas kadrlarındandı. O, V.Hacıyevin dövründə ümummiyyətlə idarələrin girişində bayraqlara qarşı aqresiv yanaşması ilə əhalinin yadaşında qalıb. İ.Muradovun əməkdaşının Azərbaycan bayrağına qarşı nifrətinin ondanmı yoxsa şəxsi maraqlarındanmı qaynaqlanması isə bizə naməlumdur... Şəhid qapısında Bayraq asılması vətən uğrunda canından keçənin mənzilinin göstəricisi kimi millətimiz tərəfindən qəbul edilsədə, İcra nümayəndələri bunu həzm edə bilmir. Burdanda məlum olur ki icra hakimiyyətləri vasitəsi ilə şəhid və qazi ailələrinə Prezidentin etdiyi yardımlar heç biri tam olaraq çatırılmır.

Cənab Prezident. Bir müddət əvvəl İmişli İcra hakimiyyətində keçirilən tədbir nəticəsində aparılan həbslər köhnədən qalan qalıqlara ibrət dərs olmayıb. Bu şəxslər xalq arasında sizə olan sevgini tamamilə əleyhinə icratlar həyata keçirməsi açıq aydındır. Medianın ictimailəşdirdiyi məsələyə mediayay deyil sosial şəbəkələrə dezinformasiya yaymaqla yuxarı təbəqələrə verilən siqnalların əsasız olması imicin formalaşdırır. Lakin biz Sizin tövsiyələrinizlə həmin siqnaların Sizə çatmasını təmin etməyə davam edəcəyik.

Məqalədə adları dərc edilən şəxsləri dinləməyə, mövqeyn dərc etməyə hazırıq.

BakuNews.az