www.dunyapress.info

Yunanıstanın Baş naziri Türkiyəyə səfər edəcək

Yaradılıb 28.04.2024 10:31 | Baxış sayı: 4

Yunanıstanın Baş naziri Kiriakos Miçotakis yaxın zamanda Türkiyəyə səfər edəcək.

Bu barədə Türkiyə XİN-nin sözçüsü "X" sosial şəbəkə hesabında məlumat verib.

O qeyd edib ki, səfərə hazırlıq çərçivəsində Türkiyə və Yunanıstanın xarici işlər nazirləri bu gün Londonda görüş keçirib.//APA

“İYİ” Partiyasının yeni sədri məlum olub

Yaradılıb 28.04.2024 10:29 | Baxış sayı: 4

Türkiyədə müxalifətdə olan “İYİ” Partiyasının yeni sədri məlum olub. “Report” “Haber Global”a istinadən xəbər verir ki, siyasi təşkilatın bu gün keçirilən 5-ci qurultayında Türkiyə Böyük Millət Məclisində (TBMM) İzmiri təmsil edən deputatı Müsavat Dervişoğlu sədr seçilib.

Belə ki, dörd namizədin çıxışından sonra səsvermə başlayıb. 1 302 nümayəndədən 1 178-i səs verib. 7 səs etibarsız hesab edilərkən, 1 171 səs etibarlı sayılıb.

Birinci turda mütləq səs çoxluğu əldə olunmadığından seçki ikinci tura keçib. Daha sonra Tolqa Akalın namizədliyini geri götürüb. Müsavat Dervişoğlu 570, Koray Aydın isə 565 səs toplasa da, sədr üçüncü turda müəyyən edilib.
Üçüncü turda mütləq səs çoxluğu tələb olunmadığından ən çox səs toplayan namizəd Müsavat Dervişoğlu “İYİ” Partiyasının sədri olub. Üçüncü turda Müsavat Dervişoğlu 611, Koray Aydın isə 548 səs toplayıb.

Xatırladaq ki, Meral Akşener “İYİ” Partiyanın sədrliyinə namizədliyini verməməsini bələdiyyə seçkilərindəki uğursuzluqla əlaqələndirib.

Referenduma gedilir: Qanunvericilikdən bu bəndlər çıxarılır... - Son seçim

Yaradılıb 28.04.2024 10:19 | Baxış sayı: 5

Azərbaycanla Ermənistan arasında sülh müstəvisində müsbət irəliləyişlər var. İki ölkənin sərhədində sərhəd dirəklərinin basdırılması, delimitasiyanın başlaması bunun əlamətidir. Çünki delimitasiyanın başlaması sülh prosesinin bir hisəsisidir. Qonşu ölkələr arasında konkret sərhəddin olması vacibdir.

Bunu Teleqraf.com-a sabiq xarici işlər naziri Elmar Məmmədyarov deyib.

O qeyd edib ki, delimitasiya heç də asan proses deyil:

“Yollar, sərhəd, gömrük və s amillər var. İlkin olaraq Almatı razılaşması əsasında proses başlayıb. 1991-cü il dekbarın 21-də imzalanmış Almatı razılaşması ölkələr arasındakı administrativ sərhədlərin müəyyənləşməsini şərtləndirir”.

Sabiq nazir hesab edir ki, hazırda sülh mətni üzərində intensiv iş gedir:

“Hər iki tərəfdən olan komissiya bu müstəvidə əməkdaşlıq edir. Əslində qısa zamanda sülhün əldə olunması Ermənistan üçün daha sərfəli seçimdir. Qarşı tərəf bunu başa düşməlidir. Eyni zamanda Ermənistan qanunvericiliyi, konstitusiya aktında olan bəzi müddəalara düzəlişlər edilməlidir. Azərbaycana qarşı ərazi iddiaları Ermənistan qanunvericiliyindən çıxarılmalıdır”.

Elmar Məmmədyarova görə, bu qanunlarda olan iddialar sülh sazişinin prinsiplərinə uyğun gəlmir:

“Avropa İttifaqında qəbul edilmiş bəzi qanunların milli qanunlardan üstün olduğu deyilir. Bu elə də ciddi arqument deyil. Ona görə də, Ermənistan referendum yolu ilə qanunvericiliyində Azərbaycana qarşı olan iddiaları ləğv etməldiir. Erməni xalqı buna dəstək vermiş olsa, bu Nikol Paşinyana sülh sazişi imzalamaqla bağlı verilmiş imtiyaz hesab olunacaq”.

Facebook-da paylaş

Bayden Trampla debatlarda iştirak etməyə hazır olduğunu bildirib

Yaradılıb 27.04.2024 09:37 | Baxış sayı: 41

ABŞ prezidenti Co Bayden siyasi rəqibi, keçmiş Amerika lideri Donald Trampla debatlarda iştirak etməyə hazır olduğunu bildirib.

İqtisadiyyat.az xəbər verir ki, bu barədə Ağ Evin mətbuat xidməti məlumat yayıb.

"Mən onunla haradasa mübahisə etməkdə məmnun olardım, nə vaxt olduğunu bilmirəm", - Bayden qeyd edib.

Tramp aprelin 23-də "Action News"a verdiyi müsahibədə yaxın gələcəkdə Baydenlə debata hazır olduğunu söyləyib. Bundan əvvəl Amerikanın aparıcı televiziya şirkətləri və kanalları, o cümlədən ABC, CBS, CNN, NBC və Fox News, Bayden və Trampı noyabrın 5-də keçiriləcək prezident seçkiləri ərəfəsində teledebatlarda iştirak etməyə çağırıb.

Facebook-da paylaş

Bu il sülh müqaviləsi imzalana bilər? - ŞƏRH

Yaradılıb 27.04.2024 09:17 | Baxış sayı: 65

Sərhəd dirəyinin quraşdırılması o deməkdir ki, Ermənistan və Azərbaycanın bir-birinə qarşı ərazi iddiası yoxdur. Bu barədə jurnalistlərə açıqlamasında Ermənistan parlamentinin spikeri Alen Simonyan bildirib. Spiker qeyd edib ki, sərhəd dirəyinin quraşdırılmasına görə çox şaddır. A.Simonyan hesab edir ki, bu gün Tavuş vilayəti əvvəlkindən daha çox qorunur: "Mənim zəmanətim qanuni sərhəddir. Zəmanət ondan ibarətdir ki, Azərbaycan tanıyıb ki, bu sütundan sonra Ermənistan var. Dünyada heç kim bundan böyük zəmanət fikirləşməyib. Biz, ümumiyyətlə, müharibə haqqında fikirləri həm erməni, həm də Azərbaycan gündəliyindən çıxarmalıyıq - bax bu, əsl zəmanətdir". Simonyan qeyd edib ki, etirazçılar üçüncü tərəfin təhriki ilə Ermənistan və Azərbaycan arasında münaqişəni qızışdırmağa çalışır: "Dayanmadan mövqelər qura və gücləndirə bilərik, sonra onlar “Bayraqdar”ları və tankları ilə bizə hücum edəcəklər. Bu, zəmanət deyil. Zəmanət qanuni, qarşılıqlı tanınan sərhəddir. Doğrudanmı kimsə bizim yaxşı mövqelərimizdən Azərbaycana, Türkiyəyə, Pakistana qarşı döyüşə biləcəyimizi düşünür? Bu, kəmiyyət məsələsidir". Xatırladaq ki, aprelin 23-də Azərbaycanla Ermənistan arasında sərhəddə yerdəki geodeziya ölçmələrinə əsaslanaraq koordinatların dəqiqləşdirilməsi prosesi çərçivəsində ilk sərhəd dirəyi quraşdırılıb.
"Turan" İnformasiya Agentliyinin rəhbəri, politoloq Mehman Əliyev "Sherg.az"a açıqlamasında deyib ki, ümumiyyətlə, müharibədən sonra baş verənlərə nəzər yetirsək, prosesin doğru istiqamətdə getdiyini söyləmək mümkündür. Analitik hesab edir ki, proses nisbətən ləngisə də, hətta İrəvanın özü də zaman-zaman gedişatı yubatmağa çalışsa da, ümumən proses həm Azərbaycanın, həm də beynəlxalq cəmiyyətin istədiyi kimi irəliləyir: "Çox vacib məsələ odur ki, müəyyən güclər - ABŞ, Avropa Birliyi, Rusiya, Türkiyə, İran, Gürcüstan, Orta Asiya ölkələri, MDB dövlətləri bu məsələdə Azərbaycanı dəstəkləyirlər. Ermənistanın son 4 ildə manevrləri, gah Qərbə, gah da Rusiyaya tərəf yönəlməsi heç bir nəticə verməyib. Əksinə, İrəvana etimadı azaldıb. Ona görə də indi erməni tərəfi demarkasiya prosesinə başlayıbsa, bunu xoş niyyətdən daha çox məcbur qaldıqları üçün edirlər. Hesab edirəm ki, bundan sonra proses sürətli şəkildə gedəcək və məsələ öz həllini tapacaq. Açığı, mən bu prosesdə hansısa problemin yaranacağını düşünmürəm. Hətta prosesin bu il ərzində sülh müqaviləsinin imzalanması ilə nəticələnəcəyini demək mümkündür. Düzdür, Ermənistanda müəyyən aksiyalar təşkil olunur. Ötən gün qondarma soyqırımın ildönümünə həsr olunmuş aksiya keçirtdilər. Amma bunlar sonuncu cəhdlər idi və onunla da bitdi. Bundan sonra hansısa ciddi müqavimətin olacağını düşünmürəm".

M.Əliyev vurğulayıb ki, Ermənistan kənar güclərin də dəstəyindən ümidi kəsib: "Fransa Ermənistanın müttəfiqi olduğunu deyir. Erməni tərəfi Fransaya çox böyük ümidlər bağladı ki, guya, Paris hər şəraitdə İrəvanı müdafiə edəcək, onun təhlükəsizliyini təmin edəcək və s. Hadisələrin gedişatı isə göstərdi ki, Fransa Ermənistana heç nə vermək iqtidarında deyil. İrəvanın son ümidi Fransa idi və o da puç oldu. Əksinə, Fransa Ermənistana yardım məqsədilə heç nə bacarmadığını göstərmək üçün əlindən gələni etdi. Sonda dedi ki, gedin, öz probleminizi özünüz həll edin. Təxmini vəziyyət budur".

Tarixi uçuş: İlham Əliyev Füzulidən Berlinə GEDİR

Yaradılıb 26.04.2024 08:34 | Baxış sayı: 102

Füzuli Beynəlxalq Hava Limanından Almaniyanın paytaxtı Berlində uçuş baş tutacaq.

Bu barədə Azərbaycan Respublikası Prezidentinin köməkçisi - Azərbaycan Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev özünün "X" hesabında yazıb.

"Unudulmaz və tarixi uçuş: Füzulidən Berlinə! Möcüzələr inandığınız zaman baş verir!", - paylaşımda deyilir.

Qeyd edək ki, sabah Azərbaycan Prezidenti İlham Əliyevin Almaniyaya səfəri gözlənilir. Səfər çərçivəsində Almaniya kanslero Olaf Şoltsla danışıqlar aparılacaq.

Dövlət başçısının Belinə Füzulidən yola düşəcəyi ehtimal edilir.

Xatırladaq ki, Prezident İlham Əliyev bu gün Qırğız Respublikasının Prezidenti Sadır Japarovla birlikdə Füzuli və Ağdam şəhərlərində səfərdə olub.

Macarıstanın xarici işlər naziri Azərbaycana rəsmi səfərə gəlib - FOTO

Yaradılıb 25.04.2024 08:52 | Baxış sayı: 101

Macarıstanın xarici işlər və ticarət naziri Peter Siyartonun Azərbaycana rəsmi səfəri başlayıb.

Oxu.Az xəbər verir ki, bu barədə nazir sosial şəbəkə hesabında məlumat verib.

“Xüsusilə uzun bir gecə oldu, amma ən azı burada səhərə yaxındır və biz başlaya bilərik. Bir neçə saatdan sonra Bakıda Azərbaycan-Macarıstan Hökumətlərarası Komissiyasının iclası keçiriləcək”, - Siyarto vurğulayıb.

Qeyd edək ki, bu gün Bakıda Azərbaycan-Macarıstan Hökumətlərarası Komissiyasının 10-cu iclası baş tutacaq.

Facebook-da paylaş

Sülh üçün Astana formatı niyə sərfəlidir? - İNCƏLƏMƏ

Yaradılıb 25.04.2024 08:30 | Baxış sayı: 92

Yaxın zamanda Astanada Azərbaycan və Ermənistan XİN rəhbərləri Ceyhun Bayramov və Ararat Mirzoyanın görüşü keçirilə bilər.

Prezident İlham Əliyev aprelin 23-də ADA Universitetində təşkil olunan “COP29 və Azərbaycan üçün Yaşıl Baxış” mövzusunda beynəlxalq forumda çıxışında Azərbaycan və Ermənistan XİN rəhbərlərinin növbəti görüşü barədə məlumat verib. Dövlət rəhbəri qeyd edib ki, rəsmi Bakı Qazaxıstanda Azərbaycan və Ermənistan XİN başçılarının görüşünə razılıq verib. “Əgər Ermənistan da buna razılaşsa, XİN rəhbərlərinin növbəti görüşü Qazaxıstanda keçiriləcək,” – deyə Prezident vurğulayıb.

Bununla, Prezident İlham Əliyev bir daha beynəlxalq ictimaiyyətə Azərbaycanın Ermənistanla sülh sazişinin imzalanmasında və münasibətlərin normallaşmasında maraqlı olduğunu bəyan edib. Dövlət başçısı, həmçinin nəzərə çatdırıb ki, rəsmi Bakı istənilən məkanda Ermənistanla görüşə hazırdır. Rəsmi İrəvan razılıq verərsə, şübhəsiz ki, Azərbaycan və Ermənistan XİN rəhbərləri -Ceyhun Bayramov və Ararat Mirzoyan arasında növbəti görüş Astanada baş tutacaq. Eyni zamanda, hesab etmək olar ki, əgər iki ölkənin XİN rəhbərinin görüşü uğurlu keçərsə, Astanada Prezident İlham Əliyev və Baş Nazir Nikol Paşinyan arasında da görüş keçirilə bilər. Təbii ki, Astanada ikitərəfli görüşlərin keçirilməsi indiki halda İrəvandan asılıdır. Azərbaycan hər zaman nəticəyönlü danışıqlara hazırdır. Yəni həm Azərbaycan, həm də Ermənistanın birgə razılaşması əsnasında Astanada sülh prosesi üzrə mütəmadi ikitərəfli görüş və danışıqların keçirilməsi mümkündür. Hətta Azərbaycan-Ermənistan sülh prosesinin nizamlanması üzrə Astana formatının mümkünlüyündən də danışılır.

Xatırladaq ki, artıq belə bir format mövcuddur, amma başqa bir istiqamətə yönəlib.

Məlumat üçün bildirək ki, 2015-ci ildə Suriyada münaqişənin nizamlanması ilə əlaqədar Rusiya, Türkiyə və İran tərəfindən Astana formatının əsası qoyuldu. Bu format çərçivəsində Suriyada münaqişənin sona çatması, sülh və sabitliyin təmin olunması ilə bağlı bir çox məsələlər müzakirə olunur. Hər il bu formatın müntəzəm görüşləri keçirilir. Astana formatı Suriya münaqişəsinin nizamlanmasında mühüm rol oynayır və tərəflər arasında dialoqun davam etməsi üçün münasib şərait yaradır.

Eyni hal Azərbaycan-Ermənistan sülh prosesində də yaşana bilər. Xüsusilə qeyd etmək lazımdır ki, aprelin 15-də Qazaxıstan Prezidenti Kasım-Jomart Tokayev İrəvanda Ermənistanın Baş naziri Nikol Paşinyan ilə birgə keçirdiyi brifinqdə Astananın Bakı ilə İrəvan arasında sülh danışıqlarına ev sahibliyi etməyə hazır olduğunu bildirib:

“Astana İrəvanla Bakının sülh müqaviləsi bağlamaq istəyini alqışlayır və xoşməramlılıq missiyasını üzərinə götürərək danışıqlar üçün platforma təqdim etməyə hazırdır. Əsas məqsədimiz dost ölkələrimizi bir-birinə daha da yaxınlaşdırmaq, regionda sülh və davamlı sabitlik üçün yollar açmaqdır”.

Nəzərə alaq ki, Qazaxıstanın Azərbaycanla güclü, əhatəli və dərin diplomatik-siyasi, iqtisadi-ticari və hərbi münasibətləri var. Azərbaycan-Qazaxıstan münasibətlərində iqtisadi-ticari əməkdaşlıq xüsusi əhəmiyyət kəsb edir. Hər iki ölkə enerji, təhsil, elm və mədəniyyət sahələrində də əməkdaşlıq edir. Həmçinin Azərbaycan və Qazaxıstan birgə əməkdaşlıq çərçivəsində regional təhlükəsizliyin möhkəmlənməsinə də töhfə verir.

Bununla yanaşı, Azərbaycan və Qazaxıstan Müstəqil Dövlətlər Birliyi (MDB), İqtisadi Əməkdaşlıq Təşkilatı və Türk Dövlətləri Təşkilatının üzv ölkələridir. Hər iki ölkə arasında ikitərəfli münasibətlər ilbəil daha da şaxələnir və möhkəmlənir. Qazaxıstan Ermənistanla da bir çox sahələrdə münasibətlər qurub. Hər iki ölkə Kollektiv Təhlükəsizlik Müqavilə Təşkilatının və Avrasiya İqtisadi İttifaqının üzvüdür. Bu baxımdan, Qazaxıstanın Azərbaycan-Ermənistan sülh prosesi üzrə təklif etdiyi Astana platforması istənilən zaman baş tuta bilər. Qazaxıstan həqiqətən Azərbaycan ilə Ermənistan arasında daimi sülh və barışığın bərqərar olunmasında maraqlıdır. Çünki Astana çox yaxşı anlayır ki, Cənubi Qafqaz sabit və təhlükəsiz bir regiona çevriləcəyi təqdirdə “Orta Dəhliz”, o cümlədən Zəngəzur dəhlizi tam şəkildə fəaliyyət göstərəcək.

Bu da Qazaxıstana iki dəhliz vasitəsilə Cənubi Qafqaz üzərindən Türkiyəyə və Avropaya strateji məhsullarını daşımaqla yanaşı, Şərqi Aralıq dənizinə və Şimali Afrikaya da çıxış imkanları yaradacaq.

cebheinfo

Facebook-da paylaş

Qəfil Moskva görüşü və Putin-Əliyev anlaşması - Hamı Azərbaycanın nə verəcəyini gözləyirdi, amma..

Yaradılıb 24.04.2024 09:07 | Baxış sayı: 146

Gözləntilərin əksinə, Azərbaycan Prezidenti İlham Əliyevin Moskvaya işgüzar səfəri, rusiyalı həmkarı Vladimir Putinlə görüşü “sakit” keçdi. Bu, hazırda regionda baş verən hadisələrin fonunda bir qədər qəribə görünə bilər: Rusiya sülhməramlıları Qarabağı tərk edir, Ermənistanla Azərbaycan Rusiyanın iştirakı olmadan sərhədlərin delimitasiyasına başlayır, sülh danışıqlarında ciddi irəliləyişlər gözlənilir. Amma Putin-Əliyev danışıqlarının jurnalistlərin iştirakı ilə keçirilən hissəsində bunlar barədə heç nə deyilmir.

Bakıda, İrəvanda və Qərbdə “Rusiya Azərbaycanda hərbi varlığına niyə son qoydu” sualına cavab axtarılarkən İlham Əliyev və Putinin gündəmində birinci sırada başqa mövzular vardı.

Əsas gözlənti Rusiya hərbçilərinin Qarabağı tərk etməsinin qarşılığında Putinin Azərbaycandan nə qoparacağı idi. Görüşdən əvvəl Kremldən verilən açıqlamada bildirilmişdi ki, Əliyevin səfəri V. Putinin dəvəti ilə gerçəkləşib. “Rusiya-Azərbaycan strateji tərəfdaşlıq və müttəfiqlik münasibətlərinin gələcək inkişafı ilə bağlı əsas məsələlərin nəzərdən keçirilməsi, o cümlədən aktual regional məsələlər üzrə hərtərəfli fikir mübadiləsinin aparılması planlaşdırılır”, - məlumatda qeyd olunub.

İlham Əliyev rusiyalı həmkarı ilə görüşdə giriş nitqində bildirib ki, Rusiya Qafqazda regional təhlükəsizlik və daha geniş coğrafiya baxımından fundamental ölkədir: "İki ildən çoxdur, 2022-ci ilin fevralında burada, Kremldə imzaladığımız və gələcəkdə münasibətlərimizin ardıcıl inkişafını nəzərdə tutan əsas siyasi sənəd olan Müttəfiqlik qarşılıqlı fəaliyyəti haqqında Bəyannamə çərçivəsində işləyirik. Danışıqların gündəliyində "Şimal-Cənub" beynəlxalq nəqliyyat dəhlizi, habelə regional təhlükəsizlik məsələləri var. Biz şadıq ki, onlar həll olunur. Rusiya Qafqazda və daha geniş coğrafiyada regional təhlükəsizlik baxımından əsas ölkədir. Və bizim ölkələrimiz arasında qarşılıqlı fəaliyyətdən çox şey asılıdır. Biz etimad, əməkdaşlıq, qarşılıqlı anlaşma tədbirlərinin möhkəmləndirilməsini və bütün məsələlərin qarşılıqlı fəaliyyət və qarşılıqlı maraqlar daxilində həllini hədəfləmişik".

Vladimir Putin ilə Baykal-Amur Magistralının (BAM) veteran inşaatçıları ilə birgə görüşdə isə İlham Əliyev "Şimal-Cənub" dəhlizi çərçivəsində növbəti layihəni açıqlayıb. Prezident Azərbaycan-Rusiya sərhədini Azərbaycan-İran sərhədi ilə birləşdirən dəmir yolunun olduğunu xatırladıb:

"Lakin yükgöndərənlərin tələbatları bizə bu yolun yeni hissələrinin inşa edilməsinin zəruriliyini diktə edir. Biz bu yolda yük daşımalarını artıra bilək və bununla Şimaldan Hind okeanına unikal nəqliyyat yolunu təmin edək. Vladimir Vladimiroviçlə bu məsələni bir daha ətraflı müzakirə etdik. Hökumət üzvlərinə müvafiq təlimatlar verilib. Əminəm ki, yaxın vaxtlarda bütün məsələlər razılaşdırılacaq və biz daha bir möhtəşəm layihənin icrasına başlayacağıq".

Rusiya Prezidenti isə ikitərəfli münasibətlərin inkişafından danışıb və qarşılıqlı ticarət dövriyyəsinin artdığını və 4 milyard dolları keçdiyini xatırladıb:

“Rusiyanın Azərbaycan iqtisadiyyatına investisiyaları 6 milyard təşkil edir. Şübhəsiz, regionda təhlükəsizliyin təmin edilməsi nöqteyi-nəzərdən vəziyyət haqqında da danışacağıq. Burada bir çox məsələlər var, onlar çox həssas məsələlərdir. Biz Sizinlə onların hər biri haqqında danışacağıq”.

Beləliklə, prezidentlərin əsas gündəmi iqtisadi əməkdaşlığın dərinləşdirilməsi, yeni nəqliyyat dəhlizlərinin işlənməsi və genişləndirilməsi olub. Hazırda Qərbin ağır sanksiyaları altında olan Rusiya üçün əsas prioritetlər bunlardır. Prezident İlham Əliyevin Azərbaycanın "Şimal-Cənub" beynəlxalq nəqliyyat dəhlizi ilə bağlı mövqeyi də Rusiyanı təmin edir.

Azərbaycan xarici siyasətdə ikitərəfli münasibətlərə üstünlük verir və bu xətt Rusiya ilə əlaqələrdə qorunub saxlanılır. Bu kontekstdə sülhməramlıların Qarabağdan çıxarılması “Bakının Avrasiya İqtisadi Birliyinə (AİB) daxil olmasını şərtləndirə bilər” gözləntisi özünü doğrultmadı. Bu gün Prezident ADA-da bildirib ki, Azərbaycanın belə bir planları yoxdur: "Bizim belə planlarımız yoxdur, amma deyə bilmərik ki, bu, gələcəkdə müzakirə mövzusu ola bilməz. Hər şey yaxınlaşmaqdan hansı əlavə iqtisadi fayda əldə edəcəyimizdən asılı olacaq. Əgər onları görsək, qəbul edəcəyik..."

Rusiya üçün Cənub sərhədlərinin təhlükəsizliyi çox vacibdir və o cümlədən Qafqazda maraqlarından imtina etməyib. Moskva Ermənistanda və Gürcüstanda hərbi-siyasi varlığını saxlamaq üçün bütün imkanlarından istifadə edir və Qərblə rəqabət aparır. Azərbaycana gəlincə, Moskva görüşündən çıxan nəticə odur ki, Kremlin Bakı ilə bağlı belə qayğıları yoxdur. Çünki Azərbaycanın NATO və Avropa İttifaqına inteqrasiya planları mövcud deyil. Hətta Türkiyə ilə münasibətlərdə belə, ilk növbədə öz maraqlarını qorumağı bacarır. Məsələn İsrail-HƏMAS müharibəsində Azərbaycanın mövqeyi qardaş ölkədən xeyli fərqləndi.

Rusiya üçün Azərbaycan proqnozlaşdırılan ölkədir, indiki həssas dönəmdə onların prioritetləri bir-birinə ziddi deyil, əksinə qarşılıqlı maraqları var. Görünən odur ki, liderlərin şəxsi münasibəti, onlar arasında qarşılıqlı etimad bütün məsələlərin müzakirəsində, problemlərin həllində öz sözünü deyir. Sülhməramlıların Qarabağdan çıxması, Ermənistanla sərhədlərin Rusiyanın iştirakı olmadan delimitasiya prosesinə başlanılmasına da Bakı-Moskva anlaşmasının tərkib hissəsi kimi baxmaq lazımdır.

Pressklub.az

Ceyhun Bayramov Çexiyada bir sıra şəxslərlə fikir mübadiləsi aparıb - FOTO

Yaradılıb 24.04.2024 09:02 | Baxış sayı: 103

Azərbaycanın xarici İşlər naziri Ceyhun Bayramovun Çexiyaya rəsmi səfəri çərçivəsində bu ölkənin milli təhlükəsizlik müşaviri Tomas Pocarın moderatorluğu ilə keçirilən dəyirmi masa görüşündə Türkiyənin Çexiyadakı keçmiş səfiri Egemen Bağış və səfirliyin birinci müşaviri Banu Malaman, Azərbaycanın Praqadakı səfiri Adış Məmmədov və digər qonaqlarla fikir mübadiləsi aparılıb.

Bu barədə “Report”a Türkiyənin Çexiyadakı səfirliyindən məlumat verilib.

E.Bağış C.Bayramova Türkiyənin xarici işlər naziri Hakan Fidanın salamlarını çatdırıb. O, görüşdə söz alaraq, “bir millət, iki dövlət” şüarı çərçivəsində Azərbaycanı Qarabağ zəfəri münasibətilə bir daha təbrik edib və Türkiyənin ölkəmizə dəstəyini vurğulayıb.