Ardını oxu...
“Seçjidə iştirak edən, qalib də olsa da, məğlub da mübarizə aparan bütün namizədlərimizə təşəkkür edirəm”.

Bunu CHP sədri Özgür Özəl bələdiyyə seçkisi ilə bağlı açıqlamasında deyib.

"Namizəd olmaq və təbliğat aparmaq çox vacibdir", -deyən Özəl bu təşkilatın görünməyən qəhrəmanlarına təşəkkürünü ifadə edib.

Çıxış zamanı səsi titrəyən CHP sədri sevinc gözyaşlarına hakim ola bilməyib:

“Bu gün seçicilərimiz çox mühüm qərar qəbul etdilər. Onlar yeni siyasət qurmaq, Türkiyənin 22 illik mənzərəsini dəyişmək və ölkəmizdə yeni siyasi ab-havanın qapısını açmaq qərarına gəliblər”.

 
 
 
Ardını oxu...
Ukrayna prezidenti Volodimir Zelenski Rusiya ilə razılaşmanın şərtlərini dəyişib.

Musavat.com-un xəbərinə görə, ABŞ-ın CBS telekanalına müsahibəsində Ukrayna lideri ilk dəfə bəyan edib ki, Moskva və Kiyev arasında danışıqlar Ukrayna 1991-ci il sərhədlərinə çatana qədər başlaya bilər.

O bəyan edib ki, 2022-ci ilin fevralından sonra Ukraynanın itirdiyi ərazilərə nəzarəti bərpa edəcəyi təqdirdə Kiyevi dəstəkləməyə şübhə ilə yanaşan ölkələrin Rusiyaya dəstəyi dayandıra biləcəyinə inanır və bu, Moskvanı danışıqlar masasına oturtacaq.

Zelenski bundan əvvəl Rusiyanın 2014-cü ildə ilhaq etdiyi Krımı geri almaq və 1991-ci il sərhədlərinə qayıtmaq məqsədində israr edirdi. Hesab edilir ki, Zelenskinin əsas məqsədi Rusiyanın 2022-ci ilin payızında qondarma referendum keçirməklə ilhaq etdiyini elan etdiyi Ukraynanın Donetsk, Luqanks, Zaporojye və Xersonu geri qaytarmaqdır.

Digər tərəfdən, Washington Post-a danışan Zelenski cəbhə xəttindən geri çəkilməmək üçün yollar axtardıqlarını söyləyib.

Kremlin sözçüsü Dmitri Peskov isə Sputnik-ə açıqlamasında deyib: “Xüsusi əməliyyat başlayandan bəri geosiyasi reallıq dəyişib, Rusiya və Ukraynanın sərhədləri dəyişib və hər kəs Rusiyanın 4 yeni regionunun olduğunu nəzərə almalı olacaq."
 
Ardını oxu...
İsrail və Fələstinin radikal HƏMAS hərəkatı arasında Qəzzada atəşkəsin tətbiqi üçün dolayı danışıqlar martın 31-də Qahirədə bərpa olunacaq.

Bu barədə Misirin təhlükəsizlik güclərindəki mənbəyə istinadən “Əl-Qahirə əl-İxbariyyə” telekanalı məlumat yayıb.

İsrail və HƏMAS arasında vasitəçi kimi çıxış edən Misir və Qətərin danışıqlar prosesində irəliləyişə nail olmaq üçün səy göstərdiyi iddia edilib.

Bununla belə, Misir hakimiyyəti hələlik məsləhətləşmələrin bərpası ilə bağlı yayılan xəbərlərə rəsmi münasibət bildirməyib.
 
Ardını oxu...
Misir prezidenti Əbdülfəttah əs-Sisinin andiçmə mərasimi aprelin ikisində ölkənin yeni inzibati paytaxtı Yeni Qahirədə keçiriləcək.

Məlumata görə, çərşənbə axşamı səhər Misir Nümayəndələr Palatası (parlament) əs-Sisinin parlamentarilər qarşısında konstitusiya andı içəcəyi yeni iclas zalında toplaşacaq.

Mərasimdən sonra əsas abidələrin önünə əklillər qoyulması və dövlət bayrağının qaldırılması nəzərdə tutulur.

Rəsmi olaraq Misir hakimiyyəti hələlik bu məlumatı şərh etməyib.

Qeyd edək ki, dekabrın 18-də Misirin seçki komissiyası əs-Sisinin prezident seçkisində demək olar ki, 90 faiz səslə qalib gəldiyini açıqlayıb. Misir prezidentinin səlahiyyət müddəti altı ildir. Seçkidə əs-Sisi üçüncü, ölkənin hazırkı konstitusiyasına görə isə sonuncu dəfə namizədliyini irəli sürüb.

Xatırladaq ki, Yeni Qahirənin əsası 2000-ci ildə qoyulub.

Mənbə: TASS
 
Ardını oxu...
“İran İslam Respublikasının Azərbaycandakı səfiri Seyid Abbas Musəvinin diplomatik missiyası ötən il başa çatıb”.

Bu barədə İranın Azərbaycandakı səfirliyindən “Report”a cavab olaraq bildirilib.

“Cənab səfirin missiyası ötən il yayın sonunda başa çatmışdı. Ancaq ondan tələb olunub ki, münasibətlər normallaşana qədər və Azərbaycan Respublikasının Tehrandakı səfirliyi fəaliyyətini bərpa edənədək öz fəaliyyətini davam etdirsin.

Ona görə qeyd etmək lazımdır ki, cənab səfir Azərbaycan Respublikasının səfirliyi fəaliyyətini bərpa olanadək öz fəaliyyətini davam etdirəcək”, - məlumatda qeyd edilib.

 
Ardını oxu...
PKK terror təşkilatı Ankaranın düşmənlərinin bu günlərdə Rusiyada törədilmiş bənzər qanlı hadisələri Türkiyədə təşkil etmək üçün müraciət edəcəkləri ilk ünvandır.

TEREF modern.az xəbər verir ki, bunu Prezident Rəcəb Tayyib Ərdoğan bu gün Diyarbəkir vilayətindəki mitinqdə deyib.

Türkiyə lideri “Crocus City Hall”dakı hadisələri qəddarlıqla törədilmiş terror aktı adlandırıb.

“Biz hamımız bu günlərdə Rusiyada törədilmiş qəddar terror aktının şahidi olduq. Hər gün Türkiyədə belə hadisələr təşkil etməyə çalışanlar, ilk növbədə, əlbəttə ki, PKK terrorçularına müraciət edəcəklər”, – deyə Rəcəb Tayyib Ərdoğan bildirib.

Onun sözlərinə görə, güc strukturlarının uğurlu əməliyyatları PKK yaraqlılarının Türkiyənin sərhədləri daxilində aktiv fəaliyyət göstərmək imkanlarını minimuma endirib.

Türkiyə Prezidenti digər terror təşkilatı olan İŞİD-i isə “imperialistlərin əlində oyuncaq” adlandırıb. O əlavə edib ki, bu gün Türkiyənin yerləşdiyi bölgədə böhran və ya silahlı münaqişələrlə üzləşən bir çox dövlətlər var.

“Yaranmış vəziyyətdə Türkiyədə sabitliyin pozulmasının qarşısını almaq, ölkənin təhlükəsizliyini və inkişafını təmin etmək son dərəcə zəruridir”, – deyə Rəcəb Tayyib Ərdoğan vurğulayıb.
 
Ardını oxu...
Novruz bayramı ərəfəsində İran və Azərbaycan prezidentlərinin görüşü ilə bağlı İranın Azərbaycandakı səfiri Abbas Seyid Musəvinin məlumatı təsdiqlənməyib.

Bundan öncə səfir Azərbaycan KİV-ə müsahibəsində bildirib ki, iki ölkənin prezidentləri İran-Azərbaycan sərhədində Xudafərin körpüsü ərazisində görüşəcəklər. Orada Xudafərin və Qız Qalası su-elektrik stansiyaları hidroqovşaqlarının açılış mərasimi olacaq.

Bakı və Tehran səfərin ləğvinin səbəbini açıqlamayıblar. İrandakı bəzi mənbələrə görə, Rəisinin Azərbaycana səfərinin ləğv edilməsinin səbəbi eyni vaxtda NATO baş katibi Stoltenberqin Azərbaycana səfəri ola bilər ki, bu da Tehranın “xoşuna gəlməyə bilər”.(Turan)
 
Ardını oxu...
NATO qoşunlarının Ukraynaya göndərilməsi ilə bağlı bəyanatlar üçüncü dünya müharibəsini yaxınlaşdırır.

Musavat.com xəbər verir ki, bu barədə TASS-a müsahibəsində Macarıstanın xarici işlər və xarici iqtisadi əlaqələr naziri Peter Siyarto bildirib.

Onun sözlərinə görə, indiki geosiyasi vəziyyətdə təkcə görülən hərəkətlər deyil, həm də sözlər önəmlidir.

"NATO üzvü olan bəzi ölkələr adından Ukraynaya qoşun yeritmək imkanından söhbət gedəndə, bu, həqiqətən də təhlükəlidir", - XİN başçısı deyib.

O bildirib ki, bu cür bəyanatlar üçüncü dünya müharibəsi riskini yaxınlaşdırır, ona görə də Macarıstan həmkarlarını və müttəfiqlərini belə təhlükəli bəyanatlardan çəkinməyə çağıracaq.
 
Ardını oxu...
ABŞ prezidenti Co Bayden yeddi mühüm ştatdan altısında və ən azı ikisində Donald Trampı əhəmiyyətli dərəcədə qabaqlayır.

Qaynarinfo bu barədə “Bloomberg” “News/Morning Consult” sorğusuna istinadən xəbər verir.

Dəyişiklik, əsasən Trampın beş aylıq liderliyindən və Baydenin xalqa müraciətindən sonra baş verdi.

Dəyişiklik, Baydenin fevralda dörd bənd geridə qaldıqdan sonra Trampı bir bənd qabaqladığı Viskonsin ştatında və keçən ay Trampdan altı bənd geri qaldığı və hazırda bərabər olduğu Pensilvaniyada da əhəmiyyətli olub. Namizədlər Miçiqanda da bərabərə qalıblar.

“Bloomberg”in qeyd etdiyi kimi, yaxşılaşmanın birdəfəlik artım və ya yarışda daha uzunmüddətli dəyişikliklərin başlanğıcı olduğunu söyləmək hələ tezdir. Bayden hələ də dörd əsas ştatda Trampdan geri qalır.

Baydenin daha optimist rəqəmləri kampaniyanın dönüş nöqtəsində gəlir. Hazırda Tramp seçki kampaniyası üçün vəsait çatışmazlığından əziyyət çəkir və daha az mitinq və tədbirlər keçirir, hazırkı prezident isə yenidən seçki kampaniyasını gücləndirib və Şimali Karolinaya səfər də daxil olmaqla, qeyri-müəyyən ştatlara “hücum” edir.

Sorğu həmçinin istehlakçıların ölkə iqtisadiyyatı haqqında daha yaxşı fikirdə olduğunu göstərir.

Sorğu Baydenin Konqresdə güclü və qeyri-adi siyasi çıxışından bir gün sonra, martın 8-də keçirilib. O, Trampı xarici siyasət, abort hüquqları, sərhəd və silahlara nəzarət kimi məsələlərdə “sələfim” adlandırıb.

Seçicilərin üçdə birindən çoxu bu yaxınlarda Bayden haqqında müsbət xəbərlər gördüklərini söyləyiblər, bu, oktyabrda sorğular keçirilməyə başlayandan bəri ən yüksək rəqəmdir.

Xatırladaq ki, ABŞ-da prezident seçkiləri 2024-cü il noyabrın 5-nə təyin edilib. Proqnozlara görə, demokratlardan əsas namizəd hazırkı ABŞ lideri Co Bayden olacaq.
 
 
 
Ardını oxu...
Ermənistan Baş naziri Nikol Paşinyan bu gün İrəvana səfər edən Gürcüstan Baş naziri İrakli Kobaxidzeni qarşılayıb.

Bu barədə erməni mətbuatı məlumat yayıb.

Məlumata görə, Kobaxidze Paşinyanla yanaşı, Ermənistan Prezidenti Vaaqn Xaçatryanla da görüşəcək.

Səfəri “Sherg.az”a dəyərləndirən Beynəlxalq Münasibətlər və Diplomatiya Araşdırmaları” Mərkəzinin sədri, politoloq Samir Hümbətov bildirib ki, İrakli Kobaxidze Gürcüstan siyasətində yenidir:

“İrakli Kobaxidze əvvəllər o qədər də tanınan fiqur olmayıb və son dövrlər ortaya çıxan siyasətçilərdən biridir. Kobaxidzenin Azərbaycana daha sonra isə Ermənistana səfəri dövlət səfəri xarakteri daşıyır. Bununla məqsədi həmin dövlətlərlə münasibətlərin hansı formada qurulmasını yoxlamaqdır. Gürcüstan Azərbaycan əlaqələri xüsusilə inkişaf etmiş səviyyədədir. Azərbaycanın enerji və dəmir yolu xətləri Gürcüstan üzərindən çıxaraq Türkiyəyə oradan isə dünya bazarına daşınır. Bu gün isə Kobaxidzenin Ermənistana səfərində səbəb ikili münasibətlərin inkişaf etdirilməsinə hesablanıb. Eyni zamanda Kobaxidzenin səfəri regionda mövcud olan vəziyyətin tezliklə hansı formada həll edilməsini özündə əks etdirir. Ermənistan və Azərbaycan arasında sülh danışıqlarının aparılmasına görə vasitəçi olmaqla bağlı Gürcüstan tərəfindən dəfələrlə fikirlər səsləndirilib. Azərbaycan bu məsələyə müsbət yanaşsa da, Ermənistan tərəfindən heç bir cavab gəlməyib. Gürcüstan Baş nazirinin Ermənistan və Azərbaycana səfəri Cənubi Qazqaz regionunda baş verən münaqişənin elə Cənubi Qafqazda həllinə imkanlar yarada bilər”.

Dünyapress TV

Xəbər lenti