Paytaxtın Nizami rayonunda yaşıllıq məhv edilidi, qanusuz tikinti aparılır.

XALQ.AZ -ın məlumatına görə, Nizami rayonu Babək prospektində hündür dəmir konstruksiylarla qanunsuz obyekt tikinti işləri aparılır.

Qeyd edək ki, Nizami rayonu ərazisində qanuszuz tikintilərin aparılması, yaşıllğın məhv edilməsi, və piyada səkillərin zəbt olunması ilə bağlı sosial paltformalarda və mətbuatda mütamadi xəbərlər yayımlanır.

Məsələ ilə bağlı Nizami rayon icra hakimiyyətinin mövqeyini öyrənmək mümkün olmadı.

Həmçinin Dövlət Şəhərsalma və Arxitektura Komitəsidəndə bu məsələyə münasibət bildirilmədi.

8 aya yaxındır ki, icra başçısı postu boş qalan Nəsimi rayonu əslində bu gün əsl XARABALIĞI XATIRLADIR... Bunu elə yerli KİV-də günü-gündən ictimailəşən neqativ xarakterli faktlardan da sezmək mümkündür. Hər halda, hər biri Nəsimi rayonuna aid olan bu faktlar icra başçısı postu boş qalmış Nəsimi rayonu ilə bağlı ictimai rəydə müsbət təəssürat yaratmır...

"DİA-AZ" xatırladır ki, elə keçən günlərdə sözügedən rayon ərazisində yaşıllığın vəhşicəsinə məhv edilməsi ölkə mediasında böyük rezonans doğurdu. Amma təbii ki məhz BAŞÇININ olmaması səbəbindən bu fakt sanki ört-basdır edilmiş kimi göründü... Əslində isə reallıq tamam başqadır...

Bu barədə "DİA-AZ"a danışan mənbə iddia edir ki, hazırda Nəsimi rayonundan sorumlu icra hakimiyyəti başçısının birinci müavini vəzifəsini tutan Gülarə Verdiyevadır. Mənbə bildirir:

"Gülarə Verdiyeva həm rayona başçı gəlmək istəyir, həm də keçmiş başçının əvəzindən rayonu rəsmən talamaqla məşğuldur. Bu gün Bakının yeganə rayonu bəlkə də Nəsimidir ki orda ağlasığmaz qanunsuzluqlar baş verməkdədir. Hətta Bakı meriyası belə bu işi durdura bilmir. Çünki bütün eybəcərliklər yenə də köhnə başıya - hazırda deputat kürsüsündə oturan Asif Əsgərova söykənməkdədir. Məhz ona güvənən Gülarə Verdiyeva Nəsimini təkcə talamır... həm də növbəti başçı olmaq niyyətindədir...."

Qeyd edək ki, bu barədə danışan mənbəmiz çox ilginc faktları ictimailəşdirib. Bu barədə növbəti yazıda... Bizi izləməyə davam edin...

Respublika Perinatal Mərkəzinin işçiləri tərəfindən redaksiyamıza şikayət daxil olub.

Yenicag.az-a danışan işçilər bildiriblər ki, 08.01.2024-cü il tarixində mərkəzdə baş vermiş yanğın səbəbindən RPM təmir adı ilə bağlanıb.

Onların sözlərinə görə, iki ay sonra yalnız binanın fasadı və təxminən 35 kv.m-lik sahə təmir olunmuşdur. Bu müddət ərzində isə tibb işçiləri müxtəlif xəstəxanalara ezam olunmuş, lakin heç bir müəssisə RPM səviyyəsində xidmət göstərə bilməmişdir.

Şikayətçilər söyləyiblər ki, Perinatal Mərkəz artıq 1 il 3 aydır ki, fəaliyyət göstərmir:

“İşçilər ezam adı ilə ucqar xəstəxanalara göndərilib, I və II səviyyəli xəstəxanalar isə vaxtından əvvəl doğuşlar və yüksək riskli hamiləlikləri qəbul etmir. Nəticədə yüksək potensiala malik tibb mütəxəssisləri işsiz qalmış, ana və uşaq ölümü halları isə kəskin şəkildə artmışdır. 15 il ərzində ağır xəstələrlə işləyərək püxtələşmiş, hər biri “qızıl qiymətində” olan ginekoloq və reanimatoloq-neonatoloq kimi ixtisaslı mütəxəssislər hazırda işsiz qalmış və ya öz potensiallarının cəmi 10 faizini belə reallaşdıra bilmirlər”.

İşçilərin iddiasına görə, ən acınacaqlısı isə odur ki, TƏBİB-in kütləvi informasiya vasitələrində “əsaslı təmir olunaraq ilin sonunda istifadəyə veriləcək” deyə açıqladığı Perinatal Mərkəzdə hazırda heç bir təmir işi aparılmır:

“Bu da işçilər arasında ciddi narahatlığa səbəb olmuşdur. Eyni zamanda, şəhərdə mərkəzin yerləşdiyi binanın otel kimi satılması, təmir üçün ayrılmış vəsaitin isə başqa məqsədlərlə istifadə olunması ilə bağlı şayiələr yayılmışdır. Ucqar rayonlardan gələn ağır patologiyalı xəstələr və Bakının qadın məsləhətxanalarının göndərişi ilə müraciət edən yüksək riskli hamilələr hal-hazırda müraciət edə biləcəkləri heç bir müəssisə tapmırlar. Onların üz tutacağı ikinci bir perinatal mərkəz isə yoxdur. Bu səbəbdən, vaxtından əvvəl doğulan uşaqlar arasında ölüm halları getdikcə artır. Bu vəziyyət həm xəstələrdə, həm də səhiyyə işçilərində ciddi narazılıq yaradıb”.

Şikayətçilər tələb edirlər ki, səsləri aidiyyəti qurumlara çatsın və Perinatal Mərkəzin fəaliyyətinin tezliklə bərpa olunsun, əvvəlki kimi ana və uşaq sağlamlığının keşiyində durmasına köməklik göstərilsin.

Qeyd edək ki, hazırda RPM-in direktor vəzifəsini müvəqqəti olaraq baş həkim Dilarə Şirinova icra edir. Kollektivin iddiasına görə, o, uşaq reanimasiya şöbəsinin müdiri Məryəm Rzayeva ilə birlikdə bütün həkimlərə təzyiq göstərərək, yuxarıda qeyd edilən problemlərlə bağlı müvafiq instansiyalara müraciətlərin qarşısını almış, hətta bəzi hallarda əməkdaşları hədələmişlər. Dilarə Şirinovanın isə bu məsələyə etinasız yanaşdığı və RPM-in fəaliyyətinin bərpa olunmasının bəzi şəxslərə sərf etmədiyi bildirilir.

Cəlilabadda Əmlak Məsələləri üzrə dövlət xidmətinin də iştirakçısı olduğ8u növbəti özbaşınalıq faktı qeydə alınıb. "DİA-AZ" xəbər verir ki, bu faktı ictimai fəal Orxan Aslanlı ictimailəşdirib. Qeyd edək ki, Azərbaycan Respublikasının Əmlak Məsələləri Dövlət Xidmətinin rəisi Mətin Eynullayevin birbaşa ittiham oldunduğu məsələ ilə bağlı konkret dəlillər də təqdim olunub.


"DİA-AZ" xəbər verir ki, bunun ardından Orxan Aslanlı bəyan edir:

"Hə, buyurun baxın: Cəlilabad rayon 8 saylı Əmlak məsələləri üzrə reyestr xidmətinin verdiyi qanuna zidd olan sənəd...

Dövlətə məxsus olan çay yatağında olan yeri satıblar özəlləşdirib.

Görəsən, Mətin Eynullayev bunları görürmü?

Nigar xanım bunları görürmü? Fərid Cəfərov bunları görürmü?

Yox təbii ki...

Çünki qanunsuz satılan torpaqların pulları deyilənə görə, elə onların ciblərinə axır... Təkcə Anar Vəliyev bu pulları özbaşına xərcləyə bilməz axı...

Redaksiyamıza Cəlilabad rayon Muğan kənd sakini Ağayev Tərlan Abbasqulu oğlu Daşınmaz Əmlakın Dövlət Reyestri və Kadastrı publik hüquqi şəxsinin 8 saylı Ərazi İdarəsinin fəaliyyətindən şikayət edib.

O, bildirib ki, adı çəkilən qurumun saxtakarlığı nəticəsində 2015-ci ildən bu günə kimi məhkəmələrdə sürünür.

T.Ağayev məsələylə bağlı Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin rəisi Mətin Eynullayeva şikayət edib.
Daha ətraflı videoda:

Cəlilabad sakini “forma 88” üçün həkimin ondan 1500 manat rüşvət istədiyini iddia edir, QARŞI TƏRƏF İSƏ... - ŞİKAYƏT
Cəlilabad rayonu, Qarazəncir kənd sakini Cəfərov Qəfər Şahverən oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, Cəlilabad Mərkəzi Xəstəxanasının həkim-pediatrı Davud Qurbanov və Könül həkim “forma 88” üçün ondan 1500 manat rüşvət tələb edirlər:

“Mən, Cəfərov Qəfər Şahverən oğlu, yazaraq bildirim ki, övladım Cəfərov Ülvi Qəfər oğlu 2017-ci ildə ürək qüsurlu doğulub. Ürəyində 2 millimetrlik deşik var. Gəzmədiyimiz xəstəxana qalmayıb. 3 dəfə M.Mirqasımov adına Respublika Klinikasının uşaq şöbəsində olmuşuq. Əməliyyatın mümkün olmadığını bildirdilər. Dedilər ki, Cəlilabad Mərkəzi Xəstəxanasına gedin, uşağı orada yatızdırın. Səhiyyə nazirliyindən göndəriş verilib.

Aprel ayının 7-də nazirlikdən gələn bildirişə əsasən uşağı xəstəxanaya yerləşdirdik. 7 gün orada qaldı. Epikriz sənədinı aldıq. “Forma 88” istəyəndə, Davud və Könül həkim məndən 1500 manat pul tələb etdilər. Mən onlara “bu qədər pulu verməyə gücüm çatmaz, fəhlə adamam, uşağım da xəstədir”, - dedikdə isə bildirdilər ki, “biz pulu almadan o sənədi vermirik, get hara istəyirsən şikayət et””.

Cəfərov Qəfər Şahverən oğlunun şikayət ilə əlaqədar yazıda adı çəkilən həkim-pediatr Davud Qurbanovla danışdıq. O, barəsində səslənən ittihamları qəbul etmədi: “Mən belə başa düşürəm ki, bu, nəsə qurma bir oyundur. 5-10 manat da yox, birbaşa 1500 manat. Vallah, bu, biraz gülməli iddiadır. Orada nə iş gedir ki, mən, yaxud da digər iş yoldaşım ondan bu qədər pul tələb edək?! Ümumiyyətlə, pul söhbəti ola bilməz. Uşaq ürək qüsurludursa, mən ona epikriz necə verə bilərəm?! Doğrusu, mən bu barədə nə deyəcəyimi bilmədim. Allah onun övladına şəfa versin.

Uşağın sənədləri ilə bağlı danışdıqları yalana gəldikdə isə, burada vəziyyət başqadır. Xəstə bizim xəstəxanada yatıb, müalicə alıb. Uşağın atası olan şəxs mənə dedi ki, Səhiyyə Nazirliyindən deyirlər, get, Davud həkimdən “forma 88” al, sənin uşağına əlillik verək.

Halbuki, bu sözü nazirlikdən heç vaxt deməzlər. Çünki mənim səhaliyyətimdə deyil. Başa saldım ki, siz yəqin nazirliyin əməkdaşını səhv anlamısınız. Biz belə xəstələri Kardiologiya İnistituna yönləndiririk, orada yoxlanılır və xəstə yaxınına möhürlü sənəd təqdim olunur. Uşağa o diaqnozu qoymaq mənim işim deyil. O sahənin özünün peşəkarları var. Mən həkim olaraq şübhələnib, mütəxəssisin üzərinə göndərə bilərəm.

Bu adam isə deyir ki, yox, elə deyil, mənə Səhiyyə nazirliyindən belə deyiblər, sən yaz ver. Dəfələrlə demişəm ki, mən sadəcə göndəriş yaza bilərəm, yenə də xeyri olmayıb. Hətta, səhv etmirəmsə, nazirlikdən də imtina cavabı alıblar. Yəni uşağın xəstəliyi əlillik meyarlarına uyğun olmadığı üçün imtina olunub. “Exo” müayinəsi zamanı vəziyyət görünə biləndir.

Bu, əlbəttə, nazirliklə sözügedən şəxsin arasında olan problemdir. Amma onun bizi belə bir çirkin iddia ilə ləkələmək istəməsi heç bir məntiqə uyğun deyil. Biz uşağı xəstəxanada yatırda bilərik. Amma sırf ürək müayinəsi üçün Kardiologiya İnistitutunda baxış keçirilməlidir.

Onu da qeyd edim ki, “forma 88” toplanmış sənədlərə əsasən yazılır. Adamın əlində yararlı sənədi yoxdur. Bakı xəstəxanalarının birində uşağın xəstəliyinə baxış keçirilib və əlillik meyarına uyğun olmadığı müəyyən olunub. Deyiblər ki, get öz xəstəxananızda biraz uşağı yatızdır. Bəlkə, ordakı həkimləri də hansısa yol bezdirib, bu məqsədlə bizim xəstəxanaya yönləndiriblər.

Mənim yanıma gələndə isə dedim ki, mən ancaq yenidən yönləndirmə edə bilərəm. Biz müayinə etdiyimiz xəstəliyə əlillik düşmür. Yəqin bu məqsədlə həmin addımı atıb. Məndən başqa həkimlər çoxdur, əgər onun uşağına əlillik dərəcəsi düşürsə, getsin sənədlərini yığsın, yenidən müayinə olunsun. O adam bizi hədələyir, yaxud şantaj edir deyə, ona o sənədi verə bilmərik”.

Sonda Davud Qurbanov onu da vurğuladı ki, qeyd olunan ittihamlarla bağlı Cəfərov Qəfər Şahverən oğlunun barəsində məhkəmə müraciət etməyi də düşünür: “Ortada pul söhbəti qətiyyən olmayıb”.

Jalə FAMİLQIZI

P.S. Redaksiyamıza müraciət edən bəzi şikayətçilər fikirləşirlər ki, nə deyəcəklərsə, onu da yazacağıq. Hətta elələri də var ki, yalan məlumat verdiyinə görə qarşı tərəf biraz sıxışdıran kimi israrla yazını silməyimizi xahiş edirlər. Amma hər bir şikayətçi bilməlidir ki, redaksiyamıza verdikləri yalan informasiya, göndərdikləri şər-böhtan xarakterli yazılar mütləq araşdırılacaq.

Təbii ki, biz “Hürriyyət”ə müraciət edən hər bir şikayətçiyə kömək etmək istəyirik. Amma, bəzi hallarda şikayətçilər verdikəri yalan məlumatlarla öz işlərini daha da qəlizləşdirirlər.

Bu baxımdan, bir daha oxuculardan xahiş edirik ki, redaksiyamıza müraciət edərkən qərəzli, yalan, şər-böhtan xarakterli məlumatlarla bizləri aldatmağa çalışmasınlar. Əks halda, onlara heç bir dəstəyimiz mümkün ola bilməz.

Teref yazır ki, Tovuz Dövlət Sosial-İqtisadi Kollecinin müəllimləri tərəfindən dəfələrlə ölkədə fəaliyyət göstərən saytlara,həmçinin dövlət orqanlarına, Azərbaycan Respublikasının prezidenti, Zati-aliləri İlham Əliyevə,Birinci Vitse prezident Mehriban xanım Əliyevaya,elm və təhsil naziri Emin Əmrullayevə məktublar ünvanlanıb.
Lakin bu günün özündə də onlar kollecin direktoru Hicran Əyyubovanın qanunsuz əməllərindən,irəli gələn mütləqi-hakimliyindən müraciət edilməkdədir.
Teref- in redaksiyasına göndərdikləri şikayət məktubunda onlar yazırlar: "Hələ ki,pozulmuş haqq və hüququmuzun bərpasına nail ola bilməmişik.Amma əminik,gün olacaq pozulmuş hüququmuzu bərpa edəcəyik,qəbul edilmiş məhkəmə qərarının təmin edilməsinə nail olacağıq. Bu gün uzaqda deyil və bu mənada nikbinliyimizi pozmadan,hissə qapılmadan,təxribata uymadan mübarizəmizi davam etdirəcəyik.

Qeyd edək ki,əvvəlki müraciətlərimizdə Tovuz Dövlət Sosial-İqtisadi Kollecində müəllimlərin qanunsuz olaraq işdən çıxarılmasını,onların yerinə bir gün, bir saat dərs tədris etməyən şəxslərin qanunsuz şəkildə işə götürülməsini,bu zaman işdən çıxardılanların əmək haqlarının ödənilmədiyini bildirmişdik.

Hazırkı mərhələdə isə bildiririk ki,direktor Hicran Əyyubovaya fəaliyyətinin ilk aylarında yol verdiyi nöqsanlara görə, Elm və Ali Təhsil üzrə Dövlət Agentliyi tərəfindən sonuncu xəbərdarlıq olmaqla şiddətli töhmət verilib. Eləcə də,direktor Hicran Əyyubova Dövlət Əmək Müfəttişliyi tərəfindən 30.12.2024-cü il tarixli MN1612925 saylı protokolla inzibati məsuliyyətə cəlb edilərək cərimələnmişdir. Bununla,Dövlət Əmək Müfəttişliyi tərəfindən direktora müəllimlərin (İsayeva Aygün Müslüm qızı və Vəliyeva Aynurə Mirzəli qızı-red biz) əmək haqlarının ödənilməsi barədə müvafiq məktub ünvanlanmışdır.

Direktor Hicran Əyyubova bu müraciətlərə,ona ünvanlanan məktublara məhəl qoymayaraq,daha bir kobud qanun pozuntusuna yol verib.Yəni Dövlət Əmək Müfəttişliyi tərəfindən bizim əmək haqlarının ödənilməsi barədə məktub ünvanlanmasından 4 ay keçməsinə baxmayaraq,direktor hələ də 2024-cü il sentyabr və noyabr aylarına dair əmək haqqlarımızı ödəməkdən boyun qaçırır.

Tovuz Dövlət Sosial-İqtisadi Kollecinin direktoru Hicran Əyyubova vaxt udmaq,digər problemlərini həll etmək siyasəti yürüdərək Dövlət Əmək Müfəttişliyinə saxta aktlar və əmrlər təqdim edib.Guya biz həmin dövrdə işə gəlməmişik və bu absurd səbəblərdən dolayı əmək haqqımızı ödəmədiyinə dair sənəd təqdim etmişdir.Direktor burada da səhvə yol vermiş, bir idarəçi kimi özünü gülünc (çətin) vəziyyətə qoymuşdur.(Bu barədə çıxarılmış məhkəmə qərarına dair növbəti yazıda ətraflı məlumat verəcəyik)

Belə ki,akt tərtib edilib,əmr verilərkən 29 sentyabr 2024-cü il tarixinin qeyri iş gününə təsadüf etdiyi nəzərə alınmamış,tədris hissə müdiri Nəsibova Türanə tərəfindən təqdimat,direktor tərəfindən əmr verilmişdir. Bununla direktor hesab etmişdir ki,Dövlət Əmək Müfəttişliyi əmrdə qeyd olunan müddətlərdə müəllimlərin (yəni bizim) işdə olmadığını nəzərə alacaq,bu səbəbdən də onların əmək haqqlarının ödənilmədiyinə bəraət qazandırılacaqdır.Lakin,direktor və onun ətrafı saxta sənəd rəsmiləşdirilməsinə yol verərəkən 29 sentyabr 2024-cü il tarxinin bazar gününə təsadüf etdiyinin fərqinə varmamışlar,özlərini ifşa etmişlər.İndi təsəvvür edilər,Tovuz Dövlət Sosial-İqtisadi Kollecinə kim rəhbərlik edir.Tovuz orta ixtisas təhsili müəissəsində nələrin baş verdiyini,hörmətli nazir Emin Əmrullayev bu kiçik epizoddan təxmin edər.Bu hələ bizim təsvir etdiyimiz bir nümunədir.

Ona görə də inanmaq istəyirik ki, Elm və Təhsil Nazirliyi,Maliyyə Nazirliyi,Dövlət Əmək Müfəttişliyi və digər qurumlar bu təhsil müəissəsində baş verənlərə seyirçi qalmayacaqlar,Tovuz Dövlət Sosial-İqtisadi Kollecinin direktoru Hicran Əyyubova barədə növbəti lazımı tədbiri görəcəklər.İzləyək!"

İsayeva Aygün Müslüm qızı (AA4312138)

Vəliyeva Aynurə Mirzəli qızı (AZE17630565)
TEREF olaraq qarşı tərəfində mövqeyini dərc etməyə hazırıq!
TEREF

Xırdalanda xaçmazlı Zaur “at oynadır”: “Pulumu verib işimi görürəm”
Abşeron rayonunda yolun hərəkəti məhdudlaşdırılıb.

Bu barədə Dosye.org-a məlumat verən əməkdaşlarımızın sözlərinə görə, Xırdalan şəhəri Abşeron Polis İdarəsi ilə üz-üzə inşa etdirilən hündür mərtəbəli yaşayış binasında aparılan işlər sakinlərin hərəkətinə mane olur.


Fotolardan da aydın görünür ki, işin aparılması qanuna ziddir və sanki belə də olmalıdır. Əfsüslər olsun ki, aidiyyəti qrumlar yolun maneəsiz hərəkəti üçün heç bir tədbir görmür.

Məsələ ilə bağlı əməkdaşlarımız ərazidə inşa edilən binanın icraçı direktoru ilə əlaqə saxlayıb. Özünü Xaçmazlı Zaur kimi qələmə verən şəxs bildirib ki, “pulumu verib işimi görürəm, ürəyiniz hara istəyir yaza bilərsiz”. Deməli, bu cür düşüncədə olan insanlar pul hesabına istənilən an vəziyyəti dəyişəcəyini düşünür.

Lakin sakinlərin narahatlığına səbəb olacaq və yaxud hər an istənilən bədbaxt hadisəni əvəz edəcək bir bəhanə ola bilməz. Qanun qarşısında hər birimiz bərabər hüquqlu olduğumuzu deyəsən Zaur bəy unudub. Ona görə də çox istərdik ki, əraziyə nəzarət edən orqanlar və qrumlar məsələni nəzarətə götürsünlər. Mövzü diqqətimizdədir.

Dosye.org

Gədəbəy İcra Hakimiyyəti növbəti tenderini elan edib.

Tribunainfo.az xəbər verir ki, Gədəbəy şəhərində küçələrin asfalt örtüyünün əsaslı təmirini əhatə edən tenderin qalibi müəyyənləşib.

Məlum olub ki, bu işləri “İS.M.M.” MMC həyata keçirəcək. Bu işlərin müqabilində isə İcra Hakimiyyəti şirkətə 309 min 246 manat ödəyəcək.

Tribunainfo.az-ın araşdırmasına görə, sözügedən İcra Hakimiyyəti “İS.M.M.” MMC ilə son bir ildə iki dəfə anlaşıb. Belə ki, 13.06.2024-cü ildə də eyni şirkətlə Gədəbəy şəhərində yolların əsaslı təmiri işlərinin satın alınmasını reallaşdırıb. Sadəcə, bu ildən fərqli olaraq, ötən il “İS.M.M.” MMC-yə 713 min 456 manat verib.

Araşdırma zamanı o da bəlli olub ki, Fədəbəy İcra Hakimiyyəti bundan əlavə ötən il daha 5 tender keçirib. Belə ki, Gədəbəy şəhərində və digər yaşayış məntəqələrində abadlıq işlərinin satın alınması ilə bağlı “M-HOUSE CONSTRUCTİON” MMC ilə anlaşan dövlət qurumunu, 416 min 507 manat xərcləyib.

Gədəbəy şəhərində abadlaşdırma işlərini isə bölgədə əksər tenderlərin qalibi olmuş “GƏNCƏ KÖRPÜ TİKİNTİ-2” ASC ilə 894 min 929 manata həyata keçirib.

“TOPXANA LAYİHƏ İNŞAAT” MMC ilə Gədəbəy Rayon İcra Hakimiyyətinin inzibati binasının arxa hissəsində olan avtomobil qarajlarında, inzibati binanın arxasında və qonaq evinin həyətində əsaslı təmir işlərinin satın alınmasını reallaşdıran sözügedən qurum bunun üçün 158 min 751 manatlıq tender keçirib.

Bu tenderlərin sonuncusu isə Gədəbəy şəhərində işıqlandırma və piyadaların hərəkəti üçün səkilərin salınması işlərindən ibarət olub. “ELVİ.M.M. SERVİCES GROUP” MMC ilə bağlaınılmış müqavilənin dəyəri 233 min 980 manat olub.

Xatırladaq ki, Gədəbəyin icra başçısı Mürsəlov Orxan Çingiz oğludur. Maraqlıdır ki, bu şəxs İcra Hakimiyyətinin rəsmi saytında (http://gedebey-ih.gov.az/az/aparatin-strukturu.html) özünü “Dövlət qulluğunun ixtisas dərəcəsi” bölməsində “siyasi rəhbər” olaraq qeyd etdirib. Hərçənd “Dövlət qulluğunun ixtisas dərəcəsi”ləri arasında “siyasi rəhbər” vəzifəsi və ya dərəcəsi mövcud deyil. Bu ixtisas dərəcələrinə yalnız “dövlət qulluğu müşaviri” mövcuddur. Görəsən, Orxan Mürsəlov bu “siyasi rəhbər” titulunu və ya ixtisa dərəcəsini haradan icad edib.