 |
|
|
"Qida Təhlükəsizliyi Agentliyi (AQTA) davamlı şəkildə ayrı-ayrı istehsal müəssiələrində və iaşə yerlərində davamlı təftiş işi həyata keçirsə də hələ də QİDA TƏHLÜKƏSİZLİYİMİZ təmin olunmamış səviyədədədir. "DİA-AZ" xəbər verir ki, elə buna görə də əlaqədar ekspertlər də intensiv olaraq bildirirlər ki, görülən işlər və müəyyən olunan cəzalar həm yetərsizdir, həm də təsirsiz.
Əgər söhbət insanlarımızın sağlamlığından və bəzi hallarda həyatlarından gedirsə, bu kimi məsələlərə dırnaqarası yanaşmaq lazım deyil və aşkarlanan hər bir nöqsan üzrə ciddi cəza siyasəti yürüdülməlidir.
Biz isə "DİA-AZ" olaraq həmin faktları ictimailəşdirməkdə davam edəcəyik. Bu dəfə isə narazılığa səbəb olan "adı dillər əzbəri" "Nur" firmasının çörəkləridir.
Cavid Dadaşov adlı sosial şəbəkə istifadəçisi "Müştəriyəm Şikayətim Var" qrupunda sözügedən şirkətə aid çörək məhsulunun yanmış və kifli vəziyyətdə olmasından giley edir.
Narazı vətəndaş yazır: " "Nur" çörək... Alanda baxmadim.... Satıcı "klyok"a qoydu, verdi....
"Hər beşinci gün UNEC nəzdində Sosial-İqtisadi Kollecinin əməkdaşlarını təccübləndirən bir hadisə olur. Gah direktorun qanunsuz əməlinə və tələbinə etiraz edən Baş Mühasiblə dava-dalaş və sonda özünün döyülməsi, gah qanunsuz əməllərinin izini itirən ultrabənövşəyi şualar güya güzgüyə düşüb oradan da əhəmiyyətli sənədləri yandırır, gah tyutorların otağına girib qadınların üstünə qışqıraraq onları "tırkalara getməmələri" ilə hədələyir". "DİA-AZ" xəbər verir ki, bunu öz etiraz dolu müraciətində oranın müəllimi, Azərbaycan Milliyyətçi Demokrat Partiyasının sədri Qələndər Muxtarlı qeyd edib.
O daha sonra bunları əlavə edib: "Sonuncu beşinci gün də direktor Şəhriyar Laçınovun qanunazidd əməllərindən şikayət verən müəllimlərə və əməkdaşlara xəbər veriblər ki, UNEC-dən Prorektor gələcək və şikayətlərdə yer alan məsələlərlə bağlı araşdırma davam edəcək, gözləyin. Məsələnin yalan, direktor tərəfindən qurama bir iş olduğunu bilə bilə müəllimlərini aldatması isə heç yaxşı iş deyildir. Kollecin xanım direktor müavini isə gərək belə məsələlərə qarışmayaydı.
Bu azmış kimi saat 15-00-da, 202-ci otağa şikayətçi müəllimləri dəvət edirlər və məlum olur ki, otaqda UNEC-dən heç kim yoxdur, şikayətçilərə sadəcə "tor qurublar". Direktor onları otağa çağıraraq telefonlarını almaq istəyib və videokamera çəkilişi ilə niyə şikayət verdiklərini, şikayət ərizəsində “yazılanlardan xəbərlərinin olmadıqlarını” bildirən bir “etiraf” ərizəsi yazıb imzalamalarını tələb edib. (bu məsələdə isə niyyəti ya məni, ya da qeybdən bir yəqin ki, "alternativ qüvvə” icad edib günahı özündən uzaqlaşdırmaq" istəyib. Şikayətçi müəllimlər də heç nə yazmayaraq belə davranışa etiraz ediblər və otaqdan çıxıblar.
Güman ki, direktor ali təhsilli, təcürbəli müəllimləri Abdolbari Baran Gözəlin “Azərsun” sirkətinin əməkdaşları ilə və yaxud "Corc Vaşinqto"nun təlimatçılarl ilə qarışdırıb. Odur ki, kollecimizin müəllimləri, hazırlaşın,hər gün yeni bir “hoqqa”nın şahidi olacaqsınız... Dəqiq bilirəm..."
Ölkənin Gömrük sistemində qanunsuz fəaliyyət göstərən şirkətlərin sayı sürətli artmaqdadır və bu, ölkə iqtisadiyyatına, dövlət büdcəsinə və qanuni fəaliyyət göstərən sahibkarlara ciddi ziyan vurur. Əslində uzun illərdir ölkə mətbuatında bu barədə yazılır, sahibkarlar belə şirkətlərlə mübarizə aparımağın vacibliyini bildirir. Amma müsbət nəticə əvəzinə, belələrinin sayı artır.
Qeyd olunur ki, sosial sığorta ödəmələri etməyən, vergidən yayınan bu cür şirkətlər, xüsusilə məmurların yaxın adamları vasitəsilə idarə olunurlar. Bu şirkətlər ölkəyə müxtəlif adlarla idxal olunan məhsullarla məşğul olur, lakin heç bir rəsmi işçi saxlamır, anbarları yoxdur və qeyri-qanuni yollarla bazara çıxardıqları məhsulları sataraq, həm dövlətin, həm də istehlakçıların hüquqlarını pozurlar.
Tranzit yüklərin gömrük rəsmiləşdirilməsi qaydası
Artıq bu vəziyyətin ciddi şəkildə həll edilməsi lazımdır, çünki belə şirkətlər yalnız vergi ödəməməklə, ölkə büdcəsinə ciddi ziyan vurmaqla yanaşı, qanuni fəaliyyət göstərən sahibkarların inkişafına mane olur və bazarda sağlam rəqabət şəraitinin yaranmasına əngəl törədirlər.
Lakin maraqlı bir məqam budur ki, bu cür qanunsuz fəaliyyətlərə qarşı mübarizə aparmaqda Dövlət Gömrük Komitəsi və digər müvafiq qurumların səyləri hələ də nəticəsiz qalır. Nədir bunun səbəbi? Aparılan mübarizə niyə nəticə vermir və ya doğurdanmı, belə mübarizə aparılır?
Sahibkarlar bildirirlər ki, bu kimi çoxsaylı qanunsuz şirkətlərə nəzarət edən bəzi məmurlar gömrükdə “yaşıl işıq” yandırır və onlara əlavə imtiyazlar tanıyır. Ən əsası, belə şirkətlərin fəaliyyətinə nəzarət etməli olan İqtisadiyyat Nazirliyi yanında İdxal-İxrac Əməliyyatları üzrə Nəzarət Baş İdarəsinin rəisi Azər Məmmədov da illərdir bu sahədə ciddi irəliləyişə nail ola bilmir.
Bəs, məlum vəziyyətin qarşısını necə almaq olar? Qanunsuz şirkətlərin fəaliyyəti ilə mübarizə aparmaq üçün hansı üsulları tətbiq etmək lazımdır ki, həm bürokratik əngəllər yaranmasın, həm də mübarizə daha effektiv olsun?
Uzun illərdir sahibkarlıq fəaliyyəti ilə məşğul olan, bu sahədə rəqabət və şəffavlıq görmək istəyən sahibkarlar bildirir ki, bu cür şirkətlər bazarda haqsız rəqabət yaradırlar. Onlar vergi ödəməyən, işçi saxlamayan və əlavə xərcləri çıxmayan qanunsuz şirkətlər tərəfindən bazara salınan ucuz, amma keyfiyyətsiz məhsullar ilə mübarizə aparmaqda çətinlik çəkirlər. Nəticədə sağlam iqtisadi mühitin pozulmasına və sahibkarların qorunmasız vəziyyətə düşməsinə səbəb olur. Bütün bu problemlər, həmçinin, ölkədə monopoliya yaradılmasına da təkan verir. Çünki bu cür şirkətlər zaman-zaman böyük oyuncuya çevrilir və bazarda digər oyunçuları məqsədli sıxışdırırlar.
Daha bir incə məqam isə Dövlət Gömrük Komitəsi və İdxal-İxrac Əməliyyatları üzrə Nəzarət Baş İdarəsinin bu kimi şirkətlərlə apardığı mübarizənin görünməməsidir. Məlumatlarında mübarizə apardıqlarını deyən qurumların fəaliyyətini nədənsə hələ də nəticəsiz qalır. Görülən tədbirlərin effektiv olmadığı müşahidə olunur.
Hətta sahibkarlar bildirirlər ki, bu şirkətlərə "yaşıl işıq" yandıran məmurlar, gömrük prosedurlarını sürətləndirərək onlara əlavə imtiyazlar təqdim edirlər. Həmçinin, bəzi hallarda şirkətlərin qeyri-qanuni fəaliyyətləri qeydə alınsa da, ciddi cəza tədbirləri görülmür.
"Bu cür vəziyyətin yaranmasının bir çox səbəbi var, amma ən mühüm məsələ odur ki, dövlət orqanlarının fəaliyyəti daha şəffaf və effektiv olmalıdır. İdxal-İxrac Əməliyyatları üzrə Nəzarət Baş İdarəsi və digər müvafiq qurumlar qanunsuz şirkətlərin fəaliyyətini nəzarət altına almalı, onları ya qanuni fəaliyyətə məcbur etməli, ya da onların fəaliyyətini dayandırmalıdır. Ancaq bu, yalnız bürokratik əngəllər yaratmaqla mümkün olmamalıdır. Daha güclü və sistemli mübarizə aparmaq üçün müasir həll yollarına ehtiyac vardır" deyə sahibkarlar bildirir.
Xidmətə yeni qəbul olunan əməkdaşlar üçün Bakı Baş Gömrük İdarəsində təcrübə proqramı yekunlaşıb - AZƏRTAC
Belə şirkətlərin qanunsuz fəaliyyətindən cana doyan sahibkarlar dövlət qurumlarına effektiv mübarizə üsulu da təqdim edirlər. Onlar hesab edir ki, qanunsuz fəaliyyət göstərən şirkətlərlə mübarizə aparmaq üçün daha ciddi və çoxşaxəli tədbirlər görülməsi vacibdir.
Məsələn, qanunsuz şirkətlərin fəaliyyətini izləmək üçün müasir texnologiyalardan istifadə edilməsi vacibdir. Gömrük və İdxal-İxrac Əməliyyatları üzrə Nəzarət Baş İdarəsi, bütün idxal və satış əməliyyatlarını real vaxt rejimində izləyə bilən sistemlər yaratmalıdır. Bu sistemlər, Gömrük bəyannamələri, satış qiymətləri və məhsulun mənşəyi barədə məlumatların elektron şəkildə toplamalı və təhlil etməlidir.
Həmçinin idxal edilən məhsulların qeyri-qanuni yollarla bazara çıxarılmasının qarşısını almaq üçün risk qiymətləndirmələri aparılmalı, qanuni və qeyri-qanuni əməliyyatların şəffaf şəkildə izlənməsi, həm dövlət orqanlarına, həm də ictimaiyyətə açıq şəkildə təqdim edilməlidir. Vergi ödəmələri və digər sosial ödənişlər mütəmadi olaraq yoxlanmalı, hər hansı bir anomaliya müşahidə edildikdə dərhal araşdırma başlatılmalıdır. Qanunsuz fəaliyyət göstərən şirkətlərə qarşı tətbiq edilən cəzalar daha sərt və çoxmərhələli olmalıdır.
Amma təssüflər olsun ki, uzun illərdir belə qanunsuz şirkətlərin fəaliyyəti davam edir, onların məlum fəaliyyətinə kökündən son qoyulması mümkünsüzə çevirilib.
Bizimxeber.org
Azərbaycanın 2030-cu ilə qədər sosial-iqtisadi inkişafa dair beş milli prioritetindən biri “Təmiz ətraf mühit və yaşıl artım ölkəsi” kimi müəyyən edilmişdir. Həmin prioritetə uyğun olaraq, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində işlər aparılır.
XALQ.AZ xəbər verir ki, Bakı şəhərinin Nərimanov rayonunda fəaliyyət göstərən tikinti şirkətləri və müəyyən qurumlar sözügedən məsələdən xəbərsizdirlər.
Artıq Nərimanov rayonunda qanunsuz agac kəsilməsi adi hal alaraq ekokoji genosidə çevrilib. Rayonun Həsənoğlu küçəsində yerləşən “Ailə Park” MTK-nın tikint ərazisində irigövdəli yaşıl ağacı kəsilərək götürülüb.
Məsələ ilə bağlı Yaşıllaşdırma Təsərrüfatı Birliyi ilə əlaqə yaratmaq mümkün olmadı. “Ailə Park” MTK-da görüntülərə heç bir açıqlama verilmədi.
Məsələ ilə bağlı qurumların mövqeyini dərc etməyə hazırıq.
Videonu patrul.az yayımlayıb.
Xəbər verdiyimiz kimi Aristokrat Tibb mərkəzində fəaliyyət göstərən “doktor” Şölə qanunsuz Blefaroplastika (Göz qapaqlarının plastikası) Browlift(Qaş qaldırma) prosedurları həyata keçirir.
XALQ.AZ -ın məlumatına görə,sosial platformada özünü istisaslaşmış həkim kimi təqdim edən “shole-estetik” adı ilə məşhur olan “doktor” Şölə (Məmişova,Rəfiyeva) müxtəlif soyadlar yazan artıq sosial heabınında adını dəyişərək estetik_cerrahiye_ adı ilə qanunsuz fəaliyyətini davam etdirməkdədir.
Həmçinin qeyd edək ki, sosial hesablarından öz fotolarını silib. Bu kimi hal onu deməyə əsas verir ki, “doktor” Şölə qanusuz, sertifaktsız fəaliyyət göstərir və insanları aldadaraq dövlət qurumlarının yoxlamalarından yayına bilir.
Qeyd edək ki, Aristokrat klinikası rəsmisi açıqlamasında bildirmişdir ki, Şöləni tanımırıq və bizdə belə kosmetoloq işləmir. Lakin sosial şəbəkə izləyicilər Aristokra klinikasında “doktor” Şölənin qəbulunda olduqlarını yazaraq ondan şikayət ediblər: “məni bərbad vəziyyətə saldı, bu həkimin savadı yox idi necə Aristokrat klinikas ona icazə verir işləməyə” deyə qeyd ediblər.
Məlumat üçün bildirək ki, əhalinin sağlamlığının qorunması və tibbi yardımın göstərilməsi sahəsində qanunsuz halların qarşısının alınması, habelə aşkar edilmiş belə faktlara qarşı mübarizə istiqamətində Azərbaycan Respublikasının Baş Prokurorluğu və Səhiyyə Nazirliyinin aidiyyəti qurumları tərəfindən kompleks, sistemli və ardıcıl tədbirlərin görülməsi davam etdirilir.
Qeyd edək ki, araşdırmalarımız nəticəsində “doktor” Şölə (Məmişova,Rəfiyeva) Səhiyyə Nazirliyinin və Elm və Təhsil Nazirliyinin məlumat bazasında ali tibb təhsil olması barədə məlumat yoxdur həmçinin sertifikasiyası haqqında məlumat mövcud deyil. Dövlət Reyestrində sistemində onunla bağlı heç bir qeyd yoxdur. Yəni o heç bir ali tibbi təhsili, tibbi sertifikata və lisenziyaya malik olmadan fəaliyyət göstərir.
Qeyd edək ki, Səhiyyə Nazirliyi Analitik ekspertiza mərkəzinin mütəmadi xəbərdalıqlarına baxmayaraq qanunsuz fəaliyyət göstərən, estetik porosdeurları həyata keçirən, tibbi təhsili olmayan kosmetoloqlar gizlin fəaliyyətlərini davam etdirməkdədirlər.
Məsələ ilə bağlı “doktor” Şölə “shole-estetik” adı ilə müxtəlif soyadlar yazan artıq sosial heabınında adını dəyişərək estetik_cerrahiye_ əlaqə saxlamaq mümkün olmadı.
Aristokrat klinikası isə iddialara cavab vermədi. Yazıda adları keçənlərində mövqeyini dərc etməyə hazırıq.
Araşdırmalarımız davam edir.
Plastik cərrah Elçin Zodanov: Qadınların çılpaq görüntəlrin paylaşır… Pasiyentlərin hüquqlarını niyə pozulur?
Cəmiyyətimizin qarşısında yeni bir təhlükə: estetik cərrah Elçin Zodanovun qanunsuz əməlləri ictimai qınağa səbəb olub.
Son zamanlar plastik-estetik cərrah kimi fəaliyyət göstərən Elçin Zodanov barəsində çoxsaylı şikayətlər və ağır ittihamlar səsləndirilir. Onun fəaliyyəti təkcə tibbi səhlənkarlıqla deyil, həm də insan hüquqlarının kobud pozulması, şəxsi həyatın toxunulmazlığına qarşı açıq hücum və tibbdə qüsurlu halları ilə müşayiət olunur.
XALQ.AZ məlumat verir ki, Elçin Zodanov əməliyyat etdiyi qadınların razılığı olmadan onların çılpaq görüntülərini çəkir və bu fotoları özünün və əlaqəli olduğu sosial media hesablarında paylaşır. Bu addım Azərbaycan Respublikası Cinayət Məcəlləsinin 156-cı maddəsi (Şəxsi həyatın toxunulmazlığı) ilə cinayət məsuliyyəti daşıyır.
Qanunvericiliyə görə, şəxsin razılığı olmadan onun şəkil və ya video görüntüsünün çəkilməsi, paylaşılması və ictimailəşdirilməsi ciddi hüquqi nəticələr doğurur və azadlıqdan məhrumetmə ilə cəzalandırıla bilər.
Qeyd edək ki, Əhalinin sağlamlığının qorunması və tibbi yardımın göstərilməsi sahəsində qanunsuz halların qarşısının alınması, habelə aşkar edilmiş belə faktlara qarşı mübarizə istiqamətində Azərbaycan Respublikasının Baş Prokurorluğu və Səhiyyə Nazirliyinin aidiyyəti qurumları tərəfindən kompleks, sistemli və ardıcıl tədbirlərin görülməsi davam etdirilir.
Azərbaycanda 42 nəfərin plastik cərrah kimi fəaliyyət göstərməsinə icazə verilib. Ancaq sosial şəbəkələrdə hələ də bəzi həkimlərin fəaliyyətlərinə davam etmələri ilə bağlı xəbərlər yayılıb.
Əldə olunan məlumatlara əsasən, ötən zamanlarda Elçin Zodanovun keçirdiyi əməliyyatlar zamanı bir neçə pasiyentin ölüm faktı qeydə alınıb. Bu hadisələrin səbəbləri gizlədilib, rəsmi sənədlərdə isə “təbii ölüm” kimi qeyd edilib.
Plastik cərrahların etik kodeksinə görə, pasiyentlərin bədəninə aid görüntülərin razılıq olmadan paylaşılması qəti şəkildə qadağandır və belə hallar həkimin lisenziyasının ləğv olunmasına səbəb olmalıdır. Elçin Zodanovun fəaliyyəti bu baxımdan da açıq şəkildə tibbi peşə etikasına ziddir.
Onun sosial şəbəkə hesablarında qadınların çılpaq görüntülərindən istifadə etməsi cəmiyyətə əxlaqsızlıq təbliğ edir və bu, Azərbaycan Respublikası İnzibati Xətalar Məcəlləsinin 388-ci maddəsi (İctimai əxlaq normalarının pozulması) ilə inzibati və cinayət məsuliyyəti doğura bilər.
İctimaiyyət nümayəndələri belə hallara son verilməsini tələb edirlər. Məsələ ilə bağlı Elçin Zodanov bildirib ki, mən ümümi cərraham və işimi davam etdirirəm,paylaşımlara gəldikdə isə onu köməkçim edir və əməliyyat etdiyim qadınların əksəri xarici vətəndaşdır deyə qeyd bildirb.
Etik qaydalara görə Elçin Zodanovun sosial hesabında paylaşdığı fotoları üzərini bağlayıb təqdim edirik:
"Azərlotereya" ASC-nin İctimaiyyətlə əlaqələr və korporativ sosial məsuliyyət üzrə rəhbəri Seymur Teymurovun 2022-ci ildə etdiyi bir paylaşım yenidən diqqət çəkib.
32gun.az ki, Seymur Teymurov həmin dövrdə Gənclər və İdman Nazirliyinin təqdim etdiyi yeni loqonu lağa qoyaraq, sosial şəbəkədə fərqli bir paylaşım edib. O, yaşıl fon üzərində "NBM" (Novruz Bayramınız Mübarək) yazılmış sadə bir dizayn paylaşaraq, loqonun həm görünüşünə, həm də 25 min manatlıq dəyərinə istehzalı yanaşıb.
Teymurov paylaşımında "25.000 manatlıq təbrik. Kim fikirləşibsə əladır" sözlərini yazaraq, açıq şəkildə nazirliyin yeni loqosunu ələ salıb.
Xatırladaq ki, 2022-ci ilin martında Gənclər və İdman Nazirliyinin təqdim etdiyi loqo cəmiyyət arasında böyük narazılıqla qarşılanmışdı. 25 min manata başa gələn sadə dizayn sosial şəbəkələrdə geniş müzakirələrə səbəb olmuş, bir çoxları tərəfindən qeyri-peşəkar və zəif iş kimi dəyərləndirilmişdi.
Özünü həkim kimi reklam edən, “VMR Esthetic Clinic” adlı özəl tibb müəssisəsində cərrahi əməliyyatlar həyata keçirən Gülsüm Əliyevanın diplomun olmadığı öz təsdiqini tapıb. Vətəninfo.az xəbər verir ki, bu barədə ABŞ-da yaşayan həkim Qənirə Ataşova məlumat paylaşıb. Qənirə Ataşova Gülsüm Əliyevanın diplomunu nümayiş etdirdiyi Türkiyənin Diyarbakır vilayətindəki Dicle Universitetinin diplomunun saxta olduğunu aşkar edib. Verilən sorğuya cavab olaraq Dicle Universiteti belə bir məzunlarının olmadığını təsdiqləyiblər.
Qənirə Ataşovanın sosial şəbəkə hesabından yazdığı statusu təqdim edirik.
“Deyirəm ki, bu videonu hamınız görməlisiniz! Həkim olmayan, amma özünü cərrah kimi təqdim edən Gülsüm Əliyeva, bu dəfə özü etiraf edir ki, peşəkar olmaq üçün diplom vacibdir. Yaxşı, bəs haradadır o diplom?
Göstərə bilmədiyi, hər kəsdən gizlətdiyi diplom üçün deyir ki, guya Türkiyənin Diyarbakır vilayətindəki Dicle Universitetindən məzun olub. Mən də nə yedim, nə içdim, birbaşa həmin universitetə rəsmi sorğu göndərdim. Cavab da budur: “Bizdə bu adda tələbə olmayıb!”
İndi deyirəm, bu məsələyə daha da ciddi yanaşım və buna görə YÖK-ə – Türkiyənin Yüksək Öyrətim Qurumu’na da rəsmi müraciət etmişəm. Oradan gələn cavabı da səbirsizliklə gözləyirəm və sizinlə paylaşacağam. Rabitə kollecindən də gərək soruşum. Axırda isə bir şeyi deməsəm, ürəyim partlayar. Dinsiz dindən danışar, imansız imandan, elmsiz də elmindən!”
Qeyd edək ki, dünən Səhiyyə Nazirliyi Analitik Ekspertiza Mərkəzi (AEM) “VMR Esthetic Clinic” adlı özəl tibb müəssisəsinin işçisinin canlı yayımda buxaq liposaksiyası icra etməsinə münasibət bildirib.
Açıqlamada ölkə ərazisində özəl tibb fəaliyyəti ilə məşğul olan sahibkarlıq subyektlərinə lisenziyanı İqtisadiyyat Nazirliyinin verdiyi qeyd olunub:
“Ancaq “VMR Esthetic Clinic”in belə bir lisenziyası yoxdur. Analitik Ekspertiza Mərkəzinin əməkdaşları artıq iki dəfə (Gəncə və Bakı filialları) bu gözəllik mərkəzində şikayətlər əsasında plandankənar yoxlama aparıb və aşkar edilən inzibati xəta ilə əlaqədar barələrində inzibati tənbeh tədbiri seçilib. Tərtib edilən inzibati xəta haqqında protokollar aidiyyəti üzrə növbəti icraata göndərilib”, – məlumatda qeyd olunub.
Eyni zamanda bildirilib ki, mövcud qanunvericiliyə əsasən səlahiyyətlər çərçivəsində İnzibati Xətalar Məcəlləsinin 210.1-ci (Lisenziya olmadan özəl tibbi fəaliyyətlə və ya əczaçılıqla məşğul olmağa görə fiziki şəxslər iki min manatdan üç min manatadək məbləğdə, vəzifəli şəxslər beş min manatdan on min manatadək məbləğdə, hüquqi şəxslər iyirmi min manatdan otuz min manatadək məbləğdə cərimə) inzibati tədbirlər həyata keçirilir. Bundan başqa, tibb təhsili olmadan praktik tibb fəaliyyətinin göstərilməsi cinayət əməlidir və hüquq-mühafizə orqanlarının nəzarət predmetidir.
Hesablama Palatasının 2022-2023-cü illərdə “Bakı Metropoliteni” QSC-də dövlət vəsaitlərinin və əmlakının istifadə və idarə olunmasına dair apardığı uyğunluq auditi nəticəsində aşkarlanmış nöqsanlardan 10-nun aradan qaldırılması (Palatanın verdiyi təkliflərin icra edilməsi) gecikir.
Mia.az xəbər verir ki, bu barədə Palata məlumat yayyəb.
Məlumata görə, yoxlama zamanı aşağıdakı qanunsuz hallar aşkarlanıb:
- Metronun III yeni "Bənövşəyi" xəttinə daxil olan “Xocəsən” elektrik deposunun tikintisi obyekti üzrə layihə sənədlərində nəzərdə tutulmayan işlərin smeta sənədlərinə daxil edilməsi nəticəsində 272 658 manat fərq məbləğinin icra prosesində yerinə yetiriləcək işlərin dəyərindən müvafiq qaydada azaldılması;
- Metronun III yeni "Bənövşəyi" xəttinə daxil olan “Xocəsən” elektrik deposunun tikintisi obyekti üzrə “Yerinə yetirilmiş işlərin qəbulu Aktı” ilə rəsmiləşdirilmiş 559 700 manat dəyərində işlər üzrə tərtib edilmiş smeta sənədlərinin (işlərin icrası zamanı iş həcmlərinə edilmiş dəyişikliklər) ekspertizadan keçirilməsi;
- Metronun III yeni “Bənövşəyi” xəttinə aid “B04” stansiyası Konstruktiv həllər obyekti üzrə smeta sənədlərində smetada daşınma məsafəsinin faktiki məsafədən çox göstərilməsi və yığılmış qruntun qrupunun düzgün göstərilməməsi nəticəsində 663 359 manat artırılmış işlərin dəyərinin icra prosesində yerinə yetiriləcək işlərin dəyərindən azaldılması;
- Metronun III yeni “Bənövşəyi” xəttinə aid “B04” stansiyası Konstruktiv həllər layihəsi "B04" stansiyasının çıxışları obyekti üzrə "Qüvvədə olan şəhərsalma və tikintiyə dair normativ sənədlərin siyahısı”nda olan DESN-91-02-29-2021-D1 Tikinti və xüsusi tikinti işləri üzrə Dövlət Element Smeta Normaları ilə müəyyən edilmiş düzəliş əmsallarının düzgün tətbiq edilməməsi hesabına 59 713 manat, smetada daşınma məsafəsinin faktiki məsafədən çox göstərilməsi hesabına 780 13 manat, betonun vahidinin qiymətinin düzgün tətbiq edilməməsi hesabına 117 513 manat, ümumilikdə 255 238 manat artırılmış işlərin dəyərinin icra prosesində yerinə yetiriləcək işlərin dəyərindən azaldılması;
- Metronun III yeni "Bənövşəyi" xəttinə daxil olan "B03-B04" mənzil tunelləri və "B04" stansiyası (yolun üst quruluşu və təmas relsi) obyekti üzrə "Qüvvədə olan şəhərsalma və tikintiyə dair normativ sənədlərin siyahısı”nda olan DESN-91-02-29-2021-D1 Tikinti və xüsusi tikinti işləri üzrə Dövlət Element Smeta Normaları ilə müəyyən edilmiş düzəliş əmsallarının düzgün tətbiq edilməməsi hesabına 1 286 277 manat artırılmış işlərin dəyərinin icra prosesində yerinə yetiriləcək işlərin dəyərindən azaldılması;
- Metronun III yeni "Bənövşəyi" xəttinə daxil olan "B03-B4" stansiyalararası mənzil tunellərində təxliyə keçidləri və "B04" stansiyasının tikintisinin davam etdirilməsi (memarlıq hissəsi) obyekti üzrə "Qüvvədə olan şəhərsalma və tikintiyə dair normativ sənədlərin siyahısı”nda olan DESN-91-02-29-2021-D1 Tikinti və xüsusi tikinti işləri üzrə Dövlət Element Smeta Normaları ilə müəyyən edilmiş düzəliş əmsallarının düzgün tətbiq edilməməsi hesabına 276 016 manat artırılmış işlərin dəyərinin icra prosesində yerinə yetiriləcək işlərin dəyərindən azaldılması;
- Metronun III yeni "Bənövşəyi" xəttinə daxil olan “Xocəsən” elektrik deposunun tikintisində yolun üst quruluşu və təmas relsinin quraşdırılması obyekti üzrə "Qüvvədə olan şəhərsalma və tikintiyə dair normativ sənədlərin siyahısı”nda olan DESN-91-02-29-2021-D1 Tikinti və xüsusi tikinti işləri üzrə Dövlət Element Smeta Normaları ilə müəyyən edilmiş düzəliş əmsallarının düzgün tətbiq edilməməsi hesabına 64 662 manat artırılmış işlərin dəyərinin icra prosesində yerinə yetiriləcək işlərin dəyərindən azaldılması;
- Metronun III yeni "Bənövşəyi" xəttinə daxil olan “Xocəsən” elektrik deposunun abadlaşdırma və digər işləri üzrə smeta və müqavilədə daşınma məsafəsinin çox göstərilməsi və işlərin vahidinin qiymətinin yüksək qiymətlə daxil edilməsi hesabına ümumilikdə 989 272 manat artırılmış işlərin dəyərinin icra prosesində yerinə yetiriləcək işlərin dəyərindən azaldılması;
- Metronun III yeni "Bənövşəyi" xəttinə daxil olan “Xocəsən” elektrik deposunun yükləmə-boşaltma meydançasının tikintisi obyektində layihədəki həcmlərdən artıq həcmin smetaya daxil edilməsi hesabına ümumilikdə 50 723 manat artırılmış işlərin dəyərinin icra prosesində yerinə yetiriləcək işlərin dəyərindən azaldılması;
- Auditlə əhatə olunan iki obyekt üzrə yerinə yetirilməsi rəsmiləşdirilmiş tikinti-quraşdırma və abadlaşdırma işlərinin həcm və dəyərinin müvafiq layihə-smeta sənədlərindən artıq (o cümlədən, fərqli) olmasının müəyyənləşdirildiyi nəzərə alınmaqla digər obyektlərin də bu predmet üzrə daxili nəzarət qaydasında əhatə olunması, layihə-smeta sənədlərindən kənar qaydada yerinə yetirilməsi rəsmiləşdirilmiş tikinti-quraşdırma işlərinin faktiki dəyərinə əsaslanmaqla layihə-smeta sənədlərinə müvafiq düzəlişlərin edilməsi üçün səlahiyyətli dövlət qurumlarına müraciət edilməsi və yekun qərarlardan asılı olaraq qanunvericiliyə uyğun tədbirlərin həyata keçirilməsi.
Bakıda “Vialon”MMC-nin Əlibəy Hüseyinzadə 75 ünvanındakı qeyri-qanuni söküntü işləri davam edir.
Sakinlərin Bakupost.az-a verdiyi məlumata görə, söküntü işlərinin miqyası böyüyüb.
Belə ki, sözügedın ünvanda aparılan söküntü işləri zamanı həyətdə olan qadının başına daş parçaları düşüb.
Əraziyə təcili tibbi yardım çağrılıb. Halı pisləşən qadına ilkin tibbi yardım göstərilib.
Yaranmış vəziyyətə baxmayaraq söküntü işləri davam etdirilib.
Məsələni dəqiqləşdirmək üçün sözügedən şirkətlə əlaqə saxlasaq da, zəngimizə cavab verən olmadı.
Bəhs olunan görüntüləri təqdim edirik.