Milli Məclisin Beynəlxalq münasibətlər və Parlamentlərarası əlaqələr Komitəsinin sədri, deputat Səməd Seyidov Teleqraf-ın suallarını cavablandırıb.

Onunla müsahibəni təqdim edirik:

- Səməd müəllim, Rusiya Prezidentinin köməkçisi Vladimir Medinskinin keçmiş Ermənistan-Azərbaycan münaqişəsi və Qarabağ bölgəsi ilə bağlı səsləndirmiş olduğu fikirlərə münasibətiniz necədir? Ukrayna ərazisində yaranmış 4 bölgə ilə Qarabağ arasında müqayisə aparmaq hansı məntiqlə izah oluna bilər?

- Azərbaycanın Xarici İşlər Nazirliyinin bu məsələ ilə bağlı bəyanatı çox düzgün, yerində və vaxtında verilib. Məhz bu bəyanatla həmin məsələlər bir daha şərh edildi, həm də ölkəmizin reaksiyası bildirildi. 2022-ci ildə Azərbaycanla Rusiya arasında Müttəfiqlik qarşılıqlı fəaliyyəti haqqında Bəyannamə imzalanıb. Bu bəyannamədə ölkələrin daxili işlərinə qarışmamaqla yanaşı, ərazi bütövlüyünü tanımaq və bu istiqamətdə hansısa işlərin görülməməsi ilə bağlı öhdəliklər öz əksini tapıb. Çox təəsüflər olsun ki, Medinski siyasi savadsızlıq göstərdi. Bu siyasi savadsızlığın adi insan tərəfindən deyil, Rusiya Tarixi Cəmiyyətinin sədri tərəfindən edilməsi təəsüf doğurur. Bu nöqteyi-nəzərdə tarixi bu şəkildə yozmaq, müqayisə olunmayan məsələləri müqayisə etmək, Azərbaycanın ədalətli şəkildə öz ərazilərini işğaldan azad etməsini mübahisəli ərazilər uğrunda mübarizə kimi təqdim etmək ən azı siyasi savadsızlıqdır.

- Son zamanlar Kremldən rəsmi Bakıya qarşı bu cür iddiaların səsləndirilməsi nə ilə bağlıdır? Rusiya bununla hansı mesajları verməyə çalışır?

- Təəsüf ki, son zamanlar Rusiya tərəfindən ölkəmizə qarşı bu kimi yanaşmalar müşahidə edilməkdədir. Bu tək Medinski ilə bağlı deyil. Rusiyanın siyasi rəhbərliyi tərəfindən Azərbaycanla normal münasibətlər sərgiləmək üçün cəhdlər edilir. Amma bununla yanaşı, bu siyasi rəhbərliyin içərisində kimlərsə, Azərbaycan-Rusiya münasibətlərinə xələl gətirmək üçün problemlər yaradır. Sanki Rusiya daxilində iki ölkə arasında münasibətləri pozmaqla bağlı bir mübarizə başlayıb. Bu çox xatalı bir yanaşmadır. Sözsüz ki, bu, Azərbaycan üçün deyil, Rusiyanın özü üçün zərərlidir. Kremlin milli maraqları Azərbaycanla normal, yüksək səviyyəli, qarşılıqlı hörmətə əsaslanan münasibətlərin formalaşmasını tələb edir. Amma biz görürük ki, Azərbaycan tərəfindən deyil, Rusiyanın içərisindən bu münasibətlərə xələl gətirən qüvvələr baş qaldırır. Bu isə ilk növbədə Rusiya üçün problemlər yarada bilər.

- Rusiya rəsmilərinin bu cür açıqlamaları Azərbaycanla Ermənistan arasında sülh prosesinə necə təsir göstərə bilər?

- Əslində, bu məsələlərə təsirdən daha çox həmin prosesin ayrılmaz bir hissəsi kimi baxmaq lazımdır. Azərbaycanla Rusiya arasındakı münasibətləri pozmaq istəyən qüvvələr Ermənistanda revanşist “hərəkata” dəstək verirlər və onların hakimiyyətə gətirmək istəyirlər. Bu heç kim üçün sirr deyil. Çox təəsüflər olsun ki, “parçala, hökmranlıq et” prinsipini həyata keçirən qüvvələr mövcuddur və onların siyasəti açıq şəkildə özünü göstərir.

- Rəsmi Bakının mövqeyinə bu cür proseslərinin təsir imkanlarını necə dəyərləndirirsiniz?

- Azərbaycan güclü dövlətdir və ölkəmiz regionda öz nüfuzunu, imkanlarını qoruyub saxlaya bilir. Ermənistan isə bu kimi təsirlər qarşısında acizdir. Hətta indiki Ermənistan iqtidarının buna qarşı cəhdləri belə effektiv deyil. Buna misal olaraq keçmiş hərbi canilər olan eks-prezidentlər Serj Sarkisyan və Robert Köçəryanın yenidən hakimiyyətə gəlməməsi və revanşistlərin onların ətrafında birləşməməsi üçün bəyanatlar səviyyəsində fikirlər bildirilsə də, real olaraq buna müqavimət göstərmək üçün təsirli addımlar atılmır. Ona görə də bu gün Ermənistanda Baş nazir Nikol Paşinyana qarşı erməni kilsəsi ilə yanaşı, revanşistlər və üçüncü qüvvələrin birlikdə hərəkəti müşahidə olunur. Düşünürlər ki, Paşinyandan başqa hər hansı bir hakimiyyət revanşist qüvvələrə dəstək verəcək. Hazırda hakimiyyətdə olan qüvvələr isə revanşistlərlə tamam başqa dildə danışır. Bunun da səbəbləri hər kəsə aydındır.

ABŞ Prezidenti Donald Tramp Rusiya həmkarı Vladimir Putindən Moskvanın Ukrayna ilə bağlı mövqeyinə dair izahat aldığını bildirib.

İndex.az “İnterfaks”a istinadən xəbər verir ki, Tramp bunu “The New York Post”a müsahibəsində deyib.

“O, nə istədiyindən və nə istəmədiyindən danışdı”, – deyə Tramp bildirib.

‌‌‌‌​​‌​‌‌​‍‌‌‌‌​​‌‌​​‌‍‌‌‌‌​​‌‌‌‌​‍‌‌‌‌​​​​‌‌‌‍‌‌‌‌‌​​​‌​‌‍‌‌‌‌‌​​​‌​‌‍‌‌‌‌​‌‌‌‌‌​‍‌‌‌‌​‌​​‌​‌‍‌‌‌‌​‌‌‌‌‌​‍‌‌‌‌​‌​​‌​‌‍‌‌‌‌​‌‌​‌‌​‍‌‌‌‌​‌​​‌​‌ ABŞ Prezidenti qeyd edib ki, 4 iyunda Putinlə söhbəti zamanı Ukrayna ilə bağlı konkret nəticələr əldə etmək mümkün olmayıb.

Türkiyənin Antalya şəhərində keçirilmiş dünya çempionatı zamanı bıçaqlanan Azərbaycan Muay Tay Federasiyasının (AMTF) prezidenti Araz Musayev hazırda müalicəsini qardaş ölkədə davam etdirir. Mayın 28-də baş vermiş hadisə ilə əlaqədar bir qrup şəxs saxlanılaraq, istintaqa cəlb olunub.

Araz Musayev Teleqraf-a müsahibəsində olayın necə baş verməsindən, qarşı tərəflə aralarında yaranan münaqişənin səbəblərindən danışıb. Onunla müsahibəni təqdim edirik:

- Hadisənin sifarişçisinin Adil Əliyev olduğunu iddia etmisiniz. Bu, kifayət qədər ciddi ittihamdır. Sübutunuz varmı? O, mediaya müsahibəsində bu iddianın yalan olduğunu, istintaqı çaşdırmaq məqsədi daşıdığını bildirib...

- Azərbaycan Kikboksinq Federasiyasını (AKF) Adil Əliyev idarə edir. 7-8 ay əvvəl AKF Gənclər və İdman Nazirliyinə məktubla müraciət edərək, AMFT-yə iddiasını ortaya qoymuşdu. Bu məqsədlə məni görüşə çağırmışdılar. Onlar mənə belə bir istəyin olduğunu bildirəndə mən "AMTF ictimai birlikdir, rəhbərliyi 4-5 ildə bir dəfə keçirilən seçki yolu ilə müəyyənləşir” formasında etiraz etdim. Adil Əliyevə “siz necə deputat seçilmisinizsə, burada da o formada seçkilər olur", - dedim. O isə deputatlıqla bunu eyniləşdirməməyimi bildirərək “Muay-tay bizim olacaq və bu məsələ də bitəcək" cavabını verdi. Bu söhbət zamanı orada 5-10 nəfər adam var idi. Ondan sonra da belə mübahisələr davam etdi. Falçı deyiləm ki, qabaqcadan məni vuracaqlarına dair məlumat verim. Türkiyəyə yollanmamışdan öncə ölkə rəhbərliyinə və hüquq-mühafizə orqanlarımıza, bir sözlə, hər yerə məlumat vermişdim. Çünki məndə müəyyən məlumatlar var idi. Məni vuranların heç birini tanımıram. O adamları saxlayıblar, içəridədirlər. Adil Əliyevin mənimlə bağlı yazışmaları, səs yazısı, sözatması var. O deyilsə, niyə adı bu olayda çəkilsin ki?! Özü də deyir ki, belə söz-söhbətlərdə niyə adım hallanır?

Mənim düşmənim yoxdur, bundan əvvəl də olmayıb. Digər tərəfdən, bu, adi bıçaqlanma deyil, sui-qəsddir, 100-dən çox ölkənin idmançılarının gözü önündə baş vermiş hadisədir. Mən əminəm ki, onlar ora göndərilmişdilər. Türkiyə polisi onları qısa müddətdə Antalya hava limanında - Rusiyaya qaçmaq istədikləri vaxt yaxaladı. Hamısı bəllidir. Onlar mayın 19-dan məni izləyiblər. Bu, mütəşəkkil cinayətdir. Əks halda, AKF-in vitse-prezidenti Elşən Abdulrəhmanovun, Azərbaycan Uşu Sanda Federasiyasının prezidenti Azər Həsənsoyun burada nə işi vardı?

- Azər Həsənsoy əvvəllər sizin məşqçi-müəlliminiz olub, deyilənə görə. Onunla nəsə probleminiz olub?

- Xeyr, o mənim müəllimim olmayıb. Amma həmişə hər yerdə “müəllim” adından istifadə edib. Yanında cəmi bir il məşğul olmuşam.

- Federasiyanı sizə Azər Həsənsoyun verdiyi bildirilir...

- Federasiya onun atasının malı deyil. AMTF ictimai birlikdir, heç kəsin deyil. Federasiya prezidenti seçki yolu ilə müəyyənləşir. Onun deyil ki, götürüb mənə versin. Hər yerdə o sözü işlədir. Məgər federasiya firma və yaxud şəxsi obyektdir?

- Bəs onun özünün rəhbərlikdən ayrılmasının səbəbi seçkidə uduzması idi, yoxsa özü getmək istədi və bu vəzifə sizə təklif olundu?

- Federasiya yaranan gündən orada vitse-prezident kimi fəaliyyət göstərmişəm. 3 il öncə seçkilər təşkil olunub və mən federasiya prezidenti seçilmişəm. Vitse-prezident olduğum vaxtlarda da prezident kimi fəaliyyət göstərmişəm. Azərin əlində isə az qala 15-20 qurum olub. Mən idmançı kimi aktiv olmuşam. Gənclərə dəstək verərək onları inkişaf etdirmək yönündə də öndə olmuşam. Federasiya kiminsə mülkü deyil ki, mənə hədiyyə etsin. Deyir “Federasiya mənim olub, mən vermişəm”. Mənimsəmənin bir yolu da budur. Federasiya Ədliyyə Nazirliyində qeydiyyatdan keçmiş ictimai birlikdir. 3 ildir ki, federasiyaya rəhbərlik edirəm.

- Sizə qarşı bunu da deyirlər ki, 9 dəfə dünya çempionluğunu harada qazanmısınız? Bunu da açıqlayardınız...

- Onu harada qazanmağımı Adil Əliyevdən soruşun. O bilir. Həmin dövrlərdə o, AKF prezidenti olub. Çoxunu kikboksinq üzrə qazanmışam.

- Böyüklər arasında?

- Bəli. Hansı illərdə qazandığım döyüş növünə, yarışın adına və Adil Əliyevin özünün imzasına qədər Gənclər və İdman Nazirliyində arxivdə var. Mənim 50 yaşım var. Bundan sonra arxivdən nəyisə tapıb kiminsə qabağına qoyan deyiləm. Həmin illərdə Adil Əliyevin təqdimatı ilə cənab Prezidentin qəbulunda olmuş, əməkdar idman ustası adı almışam. Neçə döyüş keçirməyimə qədər qeydiyyata almışdılar.

Nazirliyində rəhmətlik Tofiq Babanlının şöbəsi vardı, o vaxt keçirdiyim döyüşlər sayına qədər qeyd olunub. Bu gün onların adını “hoqqa” qoyur. Sonra dərinə gedəndə “Biz o federasiyaları tanımamışıq” deyir. Sən tanımamısansa, deməli, belə çıxır ki, 20 il ölkə rəhbərliyini aldatmısan?

- Kikboksinq üzrə dünyada tanınan bir təşkilat var - WAKO (Ümumdünya Həvəskar Kikboksinq Təşkilatı - red.). Siz bu təşkilatın versiya üzrə dünya çempionluğu qazanmısınız?

- Yalnız o təşkilat deyil. Dünyada bir çox kikboksinq federasiyası var. Azərbaycan da onların bir neçəsi ilə müqavilə bağlamışdı və nümayəndəsi idi. WAKO-da o dövrdə iştirak edən də mən və Roman Tağıyev olmuşuq. İndiyə qədər Azərbaycanda üçüncü yerə çıxan da yalnız mən olmuşam. Yalnız WAKO adı söylənilirsə, yazın ki, bu versiya üzrə neçə dünya çempionumuz var. Eduard Məmmədov WAKO versiyası üzrə bir ya iki dəfə dünya çempionu olub. Elə isə niyə yazılır ki, 28 dəfə dünya çempionu olub? O zaman yazın ki, kikboksinq əvvəl olmayıb, 2-3 ildir fəaliyyətə başlayıb. O vaxtlar federasiyaların bəziləri bağlandı, bəziləri birləşdi. Bunlar karatedə də, kikboksinqdə də, muay tayda da var. Karate 80, kikboksinq 8 federasiyadan ibarət idi. Sonra birləşdilər və bir federasiya oldu. Biz o zamanlar hər birində sərbəst olaraq döyüşürdük. Azərbaycan nümayəndəliyi olmasaydı, bizi döyüşə buraxmazdılar. Azərbaycandan çıxmaq, səfirlikdən icazə almaq üçün Gənclər və İdman Nazirliyinin xarici əlaqələr şöbəsinin möhürü olmalı idi. Olmasaydı, heç bir yarışda iştirak edə bilməzdik. Türkiyə və digər viza olmayan ölkələrlərdə iştirak edə bilərsən. Amma Avropa ölkələrinin heç birində vizasız mümkün deyil. O yarışlar da İtaliyada, Yunanıstanda və digər şengen zonası ölkələrində olub.

- Hadisəni necə xatırlayırsınız?

- Biabırçı olay kimi xatırlayıram. Burada hər kəs azərbaycanlılara nifrət oxuyurdu. İstər türklər, istər xaricilər – hamısı baş yelləyib, çıxıb gedirdi. Bundan pis nə ola bilər? İki dövlətin nümayəndəsi bir-birini qırır. Kikboksçuları yollayıb burada uduzdururlar, cavan uşaqları döydürürlər. Əlbəttə, qanunsuz bir şeydir.

- Dünya çempionatına AKF də idmançı göndərmişdi?

- Bəli. 10 nəfər idmançı göndərmişdilər. Mən orada onları qanadımın altına aldım.

- Yoxsa yarışa buraxmırdılar?

- Buraxmaya bilərdilər. Mən yaxınlaşmadım ki, cavan uşaqlardır. Gördüm, hər kəs mənə düşmən kimi baxır. Hər biri hazırlaşmışdı. Mənim üstümə gəldilər, çiyin vurdular. Vurulan an da onların idmançısı çiyin vurub məni çölə çıxartdı. Sadəcə, gənc idmançı olduğundan adını verməmişəm. Azərbaycanda istintaqda lazım olarsa, onun da adını verəcəyəm. Videosu var.

- Necə oldu ki, sizi çölə çıxardılar?

- Yarış davam edən müddətdə federasiya prezidenti kimi çəkiliş edirdim. Çəkən zaman Azər Həsənsoy telefonu əlimdən almaq istədi. Dedi ki, rəhbərliyin göstərişi var, kikboksçuları çəkməyim. Mən də "federasiya prezidentiyəm, necə yəni çəkmə?!" cavabını verdim. Sonra məni itələdi. İtələdikdən sonra o biri oğlan yaxınlaşdı ki, məni vursun. Məni bayıra çıxartdı. Çölə çıxandan sonra da başıma bu iş gəldi.

- Videoda da görünür siz kiminləsə söhbət edirsiniz. Yəqin orada mübahisə edirdiniz...

- Məni çıxaranda öz komandamıza dedim ki, bunlar mənə əl-qol atır. Söylədim ki, bunlar konkret mənə qarşı hərəkətdədirlər. Bunu deyən kimi biri mənə böyürdən zərbə vurdu.

- Sizi vuran şəxsi tanıyırdınız?

- Xeyr. Vuran adamları tanımırdım. Onları göndərən adamları tanıyıram.

- Orada Azər Həsənsoyla sizin mübahisəniz yarandı. Videodakı həmin kadrda siz bir nəfəri göndərirsiniz ki, onu çıxart çölə...

- Həmin mübahisədən bir neçə dəqiqə sonra hadisə baş verib. Videolarda da var. Mənim çəkdiyim və olayın baş vermə saniyəsi var. Heç iki dəqiqə keçmədi. Azəri çıxarıram ki, bu yarışa heç bir aidiyyatı olmayan adamdır. Rinqin kənarından göstərirəm ki, Azərbaycanda digər federasiyanın prezidenti olaraq onu kənara alın. Onu oradan kənarlaşdırırlar.

- Axı kənardan azarkeşklik də edə bilərdi...

- Azarkeş orada yox, oturacaqlarda oturur. Ora iki məşqçinin çıxmasına, heç mənim dayanmağıma icazə yoxdur. Mən federasiya prezidenti olduğuma görə yaxınlaşdım, VIP rəsmi şəxs olduğumdan, içəri keçməyə imkan yaratdılar. Azər isə belə səlahiyyətdə olmadığından, orada durmağa ixtiyarı yox idi. Vəsiqəsində də Azər Həsənsoya azarkeş olaraq VIP verilmişdi.

- Bəlkə hər şey təsadüfi baş verdi: sizi vuran adam axı haradan bilə bilərdi ki, çölə nə zaman çıxacaqsınız?

- Belə hadisələr heç vaxt təsadüfü olmur. Hamısı əvvəldən hazırlanıb. Təsadüfən Rusiyadan, məhz mayın 19-da gəlmirlər, təsadüfən məni fotolarla izləmirlər. Təsadüfən məni bıçaqlamırlar. Təsadüfən Elşən Abdulrəhimovla Azər Həsənsoy yarışlara gəlmirlər. Təsadüfən AKF-in idmançılarını yarışa yollamırlar. Bunlar hamısı faktlardır. Hamısı Azərbaycanın keçmiş idmançılarıdır. Mayın 19-dan burada olmaları, maşın icarəyə götürmələri, məni izləmələrinə dair bütün şəkillər, bilgilər Türkiyə polisində var.

- İstintaqın gedişi barədə məlumatınız varmı?

- İstintaq gedir. Məni yaralayanları tutub içəri salıblar, Azərbaycanda sorğu-sual edəcəklər. Türkiyənin üzərinə nə düşürdüsə, qardaşlarımız onu etdi. Məni vuranları tapıb həbs etdilər. Türk polislərə təşəkkür edirəm. Ona görə ki, onlar bir daha sübut etdilər ki, türk milləti dünyanın harasında olur-olsun, bir-birini qorumağı bacarır. Məni maşınla xəstəxanaya çatdırdılar. Orada lazım olan hər şeylə təmin etdilər. Bu gün Azərbaycandan mənə düzgün olmayan suallar gəlir. Türkiyənin xəbər saytlarına baxsanız, görərsiniz ki, bütün məlumatlar var. Tam dolğunluğu ilə baş verənlər əks etdirilib.

- İndi səhhətiniz necədir?

- Orta-ağır. Vurulmuş, bıçaqlanaraq sui-qəsd edilmiş adam necə olar?

- Ötən gün paylaşdığınız videodan görünür ki, başınızın arxasına tikişlər atılıb...

- Hə, yata bilmirəm. Nəfəs çatışmazlığı yaradır. Yaş da öz sözünü deyir. Beşbarmaqla vurub üzümün yarı hissəsini əziblər. Üzüm keyiyib, hələ də açılmır. Beşmarmaq da deyil, qurğuşundur, dağıdıcıdır. Onu sifətimə vururdu ki, huşum itsin, o da işini görə bilsin. Digəri də içəridən gəlib arxadan bıçaqla vurur. Sonra da yerə yıxıb üç dəfə qarnıma vurur. Birinci iki dəfə demişdilər, sonra tibbi əməliyyat vaxtı üç dəfə olduğu müəyyənləşdi.

- Qarın nahiyənizə də tikiş atılıb?

- Bütöv kəsiblər ki, içəri qansızma olmasın. Qarın əzələləri bıçağın daxili orqanlara nüfuz etməsinin qarşısını alıb. Amma kəsik olduğu üçün ağrı verir.

- Bakıya nə zaman qayıdacaqsınız?

- Qayıdış tarixi dəqiqləşməyib. Çünki hələ ağrıyıram. Ağrılarım var. Xəstəxananın da bir müddəti var, sonra isə məcburam ki, ya otelə, ya da harasa yerləşim və bir müddət həkim nəzarətində qalım. Sabahadək bilinəcək. Müalicənin müddəti barədə həkimlər məlumat verəcəklər.

- Xəstəxana xərclərini kim ödəyir?

- Türkiyə dövləti. Sağ olsunlar, özləri bütün xərcləri öz üzərlərinə götürdülər, ən yüksək səviyyədə xidmət göstərdilər. Üstəlik, xəstəxana ərazisindəki müxtəlif postlarda 20-30 jandarm növbə çəkdi. Hətta həkimlər də palataya jandarmlarla yaxınlaşırlar.

- Rəsmi şəxslərdən yanınıza kimlər gəldi?

- Türkiyədən Jandarma Qüvvələrinin komandiri, Azərbaycandan Daxili İşlər Nazirliyinin nümayəndəsi də yanıma gəldi. Hadisə ilə əlaqədar müəyyən suallar verdilər, vəziyyətimlə maraqlandılar. Azərbaycanın Türkiyədəki səfirliyinin əməkdaşları gəlmişdilər, telefonla da danışdılar.

- Rusiya ilə əlaqəniz, şəxsi münaqişədə olduğunuz şəxslər varmı?

- Əsla. Anadan olduğumdan indiyədək Rusiyada üst-üstə 3 dəfə olmamışam.

- Hadisə ilə əlaqədar yekunu necə təsəvvür edirsiniz?

- İnanıram ki, cənab Prezidentin göstərişi ilə məsələ araşdırılacaq və günahkarlar layiqli cəzalarını alacaqlar. Eləcə də Azərbaycandakılar. Bir daha bəyan edirəm ki, olay Türkiyədə baş versə də, araşdırma Azərbaycanda başladılmalıdır.

P.S. Teleqraf Araz Musayevin ittihamları ilə bağlı AKF-in də mövqeyini öyrənib. Federasiya prezidentinin müşaviri Afət Quliyevanın müsahibəsi tezliklə yayımlanacaq.

Muay-Tay Federasiyasının sədri Araz Musayevin Türkiyədə bıçaqlanması ətrafında müzakirələr intensivləşib. O, bu hadisədə birmənalı olaraq Suraxanı Rayon İcra Hakimiyyətinin başçısı Adil Əliyevi günahlandır. Belə ki, A.Musayev A.Əliyevin onu “aradan götürmək üçün” killer tutduğunu iddia edir. Lakin qarşı tərəf bunun həqiqətə uyğun olmadığını bildirib.

Adil Əliyev barəsində səsləndirilən iddialara cavab olaraq bildirib ki, onun Araz Musayevə qarşı sui-qəsdin təşkili ilə heç bir əlaqəsi yoxdur. İcra başçısı bunu özünə qarşı şər-böhtan kampaniyasının tərkib hissəsi adlandırıb.

Araz Musayevin dedikləri ilə bağlı Adil Əliyev istintaqa çağırıla bilərmi? İstintaq bu versiyanı araşdırmalıdırmı?

Globalinfo.az-a danışan vəkil Ramil Süleymanovun sözlərinə görə, məsələ araşdırılmalıdır.

O bildirib ki, ittiham olunan şəxs istintaqa dəvət olunmalıdır:

“Azərbaycan-Türkiyə arasında hüquqi yardımlaşma haqqında müqavilə mövcuddur. Tərəflər onun ərazisində vətəndaşlara qarşı törədilmiş hər hansı bir cinayətin açılmasında, araşdırılmasında müştərək qaydada fəaliyyət göstərə bilər. Qeyd edim ki, hazırkı cinayət Türkiyədə baş verdiyi üçün araşdırma həmin ölkənin hüquq mühafizə orqanları tərəfindən aparılacaq. Lakin Azərbaycan tərəfindən bununla bağlı təşəbbüs olarsa, Türkiyədə bu məsələ yoxlanıla və Azərbaycan hüquq mühafizə orqanı əməkdaşlarının cinayətin araşdırılmasında iştirakı müzakirə edilə bilər”.

Araz Musayev və Adil Əliyev

Vəkil qeyd edib ki, Araz Musayev cinayətə məruz qalmamışdan öncə və sonra şəxslə bağlı ittiham irəli sürüb:

“Burada Araz Musayevin Adil Əliyev haqqında ittiham xarakterli müraciəti var. Qeyd edim ki, Türkiyə tərəfindən Adil Əliyevin bu məsələ ilə bağlı şahid qismində çağırılması və ya Türkiyə hüquq mühafizə orqanlarına şahid kimi təqdim olunması Azərbaycan dövlətindən istənilə bilər. Azərbaycan isə təşəbbüs göstərib, cinayətin araşadırılması ilə bağlı Türkiyəyə müraciət edə və ya müştərək araşdırma ilə bağlı qoşulma barədə müraciət ünvanlıya bilər. İstənilən halda, baş verən hadisə ilə bağlı araşdırma kifayət qədər ciddi aparılmalıdır. Qanunvericiliyin tələblərindən biri ondan ibarətdir ki, KİV-də yayımlanan məsələlərlə bağlı hüquq mühafizə orqanları tərəfindən araşdırmaların aparılması şərtdir”.

Ramin Süleymanov

Müsahibimizin fikrincə, Adil Əliyev istintaq orqanına təqdim olunmalıdır:

“Adil Əliyevlə Araz Musayev arasında aparılan yazışmalar, mübahisələr aidiyyəti qurum tərəfindən ciddi şəkildə araşdırılmalıdır. Bir məsələni də qeyd edim ki, ittiham xarakterli müraciətlər hər zaman səhih olmur. İstintaq orqanı müəyyən etsə ki, Araz Musayevin məruz qaldığı cinayət adını çəkdiyi şəxs tərəfindən icra olunub, o zaman ilk növbədə şəxsin statusu şahid qismində müəyyən olunmaqla onun barəsində araşdırma aparılacaq. Sübut olunarsa ki, Adil Əliyev həqiqətən də cinayətin törədilməsində iştirak edib, onda ilk növbədə şübhəli şəxs, daha sonra isə təqsirləndirilən şəxs qismində barəsində araşdırma aparıla bilər”.

R.Süleymanovun fikrincə, Araz Musayevin dedikləri öz təsdiqini taparsa, Adil Əliyev həbs oluna bilər:

“Baş verən hadisə xüsusilə ağır cinayət hesab olunur. Əgər Adil Əliyevin günahı sübuta yetirilərsə, o, 12 ildən yuxarı azadlıqdan məhrumetmə cəzası ala bilər. Çünki burada söhbət qruplaşmadan, cinayətin sifarişindən gedir”.

“Azercell” şirkətinin Müştəri Xidmətləri Departamentinin direktoru Faiq Dadaşov “APA-Economics”a müsahibə verib.

TEREF müsahibəni təqdim edir:

– “Azercell” fakturasız (SimSim) xidmətlərində hansı əsas dəyişiklikləri həyata keçirib?

– 19 iyun tarixindən etibarən “Azercell” fakturasız xətt istifadəçiləri üçün daha rahat və müştəriyönümlü bir yanaşma tətbiq edir. Birinci dəyişiklik ondan ibarətdir ki, danışıq kartlarının istifadə müddətləri yenilənir və bununla yanaşı, yeni tarif əsaslı istifadə müddəti modeli tətbiq olunur. Bu o deməkdir ki, artıq nömrənin aktiv qalması yalnız balans yükləmə ilə deyil, tarifin ödənişi ilə də mümkün olacaq. İkinci dəyişiklik internetlə bağlıdır. Bu dəyişikliyə əsasən, saatlıq internet paketlərində tətbiq olunan 2 Mbps sürət məhdudiyyəti ləğv olunur və gündəlik internet paketlərinin həcmi artırılır. Eyni zamanda internet paketlərinin şərtləri və istifadə müddətləri yenilənir. Sonuncu dəyişiklik köhnə tariflərlə bağlıdır. Bu yenilik “Azercellim”, “Bölgə”, “GəncSim”, “Sadə6”, “GəncOl həftəlik”, “GəncOl 6” və “GəncOl 9” kimi köhnə tariflərə yeni qoşulmalar dayandırılmasından ibarətdir.

– Əsas yeniliklərdən biri nömrənin aktiv qalması ilə bağlıdır. Yeni yanaşma necə işləyir?

– Əvvəllər nömrənin aktiv qalması yalnız balansda yüklənən məbləğə əsasən müəyyən edilirdi. Məsələn, 2 AZN yüklədikdə nömrə yalnız 10 gün aktiv qalırdı. Bu müddət bitdikdə, hətta balansda istifadə olunmamış resurslar qalsa belə, xidmətlər dayandırılırdı. Yeni qaydaya əsasən, balansda tarifin abunə haqqı qədər vəsait varsa, bu məbləğ tarifin ödənişinə istifadə olunacaq və nömrə 30 gün tam aktiv qalacaq. Bundan sonra nömrə əvvəl olduğu kimi əlavə 90 gün ərzində birtərəfli açıq olacaq, yəni istifadəçi gələn zəng və SMS-ləri qəbul edə biləcək.

– Tətbiq etdiyiniz yeniliklər sosial şəbəkələrdə müəyyən çaşqınlıq yaranıb. Tariflərin qiymətləri artırmı?

– Xeyr, qiymətlər artırılmır. Danışıq tarifləri olduğu kimi qalır. Sadəcə, əvvəlki qaydada nömrəni iki tərəfli aktiv saxlamaq üçün müəyyən məbləğlər balansa yükləmək ilə mümkün idi. İndi isə əlavə olaraq tarifin haqqını ödəməklə nömrəni tam 30 gün ikitərəfli aktiv saxlamaq mümkündür.

– Köhnə tariflərin dayandırıldığını qeyd etdiniz. Bu tariflərdən istifadə edən müştərilərlə bağlı hansı addım atılacaq?

– Cari istifadəçilər üçün heç bir dəyişiklik yoxdur. Əgər abunəçi artıq “Azercellim”, “Bölgə”, “GəncSim”, “GəncOl” və “Sadə” kimi tariflərdən birinə qoşulubsa, həmin tarifdən istifadə etməyə davam edə bilər. Sadəcə olaraq, 1 iyul tarixindən etibarən yeni qoşulmalar qəbul edilməyəcək. Eyni zamanda, daha sərfəli və geniş imkanlar təqdim edən “Supersən” kimi alternativ tariflər təklif olunur. Əgər abunəçi 1 iyul tarixinədək tarifini dəyişməsə, mövcud tarifindən istifadə etməyə davam edə biləcək.

– Bəs istifadə müddəti necə tənzimlənəcək? 1 iyul 2025-dən etibarən danışıq kartının nominalı ilə nömrənin aktiv qalma müddəti arasında əlaqə olacaq. Bu o deməkdir ki, nömrənin 25 gün aktiv qalması üçün 25 manat, 50 gün üçün isə 100 manat yükləmək lazım olacaq?

– Xeyr. Daha əvvəl də qeyd etdiyim kimi, əgər müştəri hər hansı tarifdən istifadə edirsə, o zaman sadəcə həmin tarifin aylıq abunə haqqını (bu 2 AZN, 5 AZN, 10 AZN və s. ola bilər) ödəməklə nömrəsi hər zamankı kimi aktiv qalacaq. Əgər müştəri tarifini vaxtında yeniləməyibsə və nömrə artıq birtərəfli rejimə keçibsə, o zaman xəttin yenidən aktivləşməsi üçün müəyyən məbləğ yükləyə bilər. Əgər yüklənən məbləğ tarifin aylıq haqqından azdırsa, bu halda nömrənin aktiv qalma müddəti yeni qaydalara əsasən hesablanacaq. Məsələn, 1 manat 1 gün, 2 manat 2 gün və s. olacaq. Lakin bir daha vurğulamaq istəyirəm ki, əgər cari tarifiniz vaxtında və tam məbləğdə yenilənirsə, nömrəniz 30 gün ərzində ikitərəfli aktiv qalır.

– “Azercell” bu dəyişiklikləri niyə məhz indi həyata keçirir?


– Bu dəyişikliklər, həm Azərbaycanda, həm də dünyada telekommunikasiya sektorunda gedən genişmiqyaslı transformasiyanın bir hissəsidir. İstehlakçı davranışları dəyişir. İstifadəçilər artıq bizdən yalnız danışıq və ya internet deyil, inteqrasiya olunmuş və daha rahat rəqəmsal təcrübə gözləyirlər. Bu səbəbdən paket əsaslı tariflər qlobal trendlərə çevrilib. Çünki bu yanaşma həm daha sadə, həm də daha sərfəlidir.

Eyni zamanda, biz telekommunikasiya sektorunun iqtisadi reallıqlarına da uyğunlaşırıq. Bu dəyişikliklər xidmətlərimizin uzunmüddətli dayanıqlığını təmin etməklə yanaşı, müştərilərə daha geniş və ehtiyaclara uyğun seçimlər təqdim edir.

– Bu dəyişikliklərin davamı da olacaqmı və bu “Azercell”in ümumi strategiyası ilə necə uyğunlaşır?

– Bəli, dəyişikliklər davamlı və strateji xarakter daşıyır. Onlar “Azercell”in müştəri təcrübəsini təkmilləşdirmək və qlobal trendlərə uyğunlaşmaq strategiyasının tərkib hissəsidir. Məqsədimiz balans artırmaqdan tutmuş internet istifadəsinədək bütün xidmətlərin daha rahat, sürətli və şəffaf şəkildə təqdim olunmasıdır.

– Bəzi istehlakçılar fakturasız, digərləri isə fakturalı xidmətlərdən istifadəyə üstünlük verir. Hansı seçim daha əlverişlidir?

– Bu, istifadəçinin həyat tərzi və ehtiyaclarından asılıdır. Fakturasız xidmətlər çeviklik və xərclərə nəzarət imkanı verir, çünkiəvvəlcədən ödəniş etdiyiniz üçün özünüzə öncədən müəyyən limit qoyursunuz. Bu da belə xidmətləri gənclər, turistlər və büdcəsinə nəzarət edən istifadəçilər üçün cəlbedici edir. Fakturalı xidmətlər isə daha rahat müştəri təcrübəsi və əlavə dəyər yaradan fərqli üstünlüklər təqdim edir.

Qlobal tendensiyalara baxdıqda görürük ki, hər iki xidmət növü inkişaf edir. Məsələ hansınınsa daha yaxşı olması deyil, fərqli ehtiyaclara uyğun fərqli həllər təqdim etməkdir.

– Son vaxtlar tarif paketləri klassik balans yükləmələrinin yerini alır. Belə görünür ki, müştərini məhz tarif paketlərindən istifadəyə daha çox sövq edirsiz. Bunun səbəbi nədir? Bu paketlər daha əlverişlimi sayılır?

– Bəli, bu doğrudur. Telekommunikasiya sektoru artıq sadə balans yükləmələrindən tarif paketlərə keçid edir. Bu paketlər vasitəsilə istifadəçi sabit bir qiymətə internet, danışıq və digər xidmətləri bir yerdə əldə edir. Məsələn, balans yükləyəndə istifadəçi ayrıca olaraq internet və danışıq dəqiqələri almalı olur. Tariflərdə isə bunların hər ikisini və daha artığını bir paket şəklində daha münasib qiymətə əldə edə bilir. Tarif paketləri müştərilər üçün daha çox dəyər, operator üçün isə daha çox sabitlik yaradır.

– Müştərilər dəyişikliklərlə bağlı əlavə məlumatı haradan ala bilərlər?

– Müştərilər “Azercell” mobil tətbiqi, Çağrı Mərkəzi və “Azercell” mağazaları vasitəsilə istənilən sualaa cavab ala bilərlər. Bundan əlavə, rəsmi saytımızda, sosial media hesablarımızda və SMS bildirişlər vasitəsilə bütün dəyişikliklər barədə ətraflı məlumat paylaşılır. Məqsədimiz odur ki, hər bir abunəçi bu yenilikləri tam başa düşsün və dəstək hiss etsin.

Gəncədə döyülərək öldürülməsi iddia edilən Elgün İbrahimovun anası Fizzə Zeynalova oğlunun ölümü ilə bağlı TV Musavat-a danışıb.

O bildirib ki, oğlu döyülərək öldürülüb.

Gununsesi.info Fizzə Zeynalovanın müsahibəsini təqdim edir:

Xatırladaq ki, Elgün İbrahimov bir neçə gün əvvəl Azərbaycan Texnologiya Universitetinin istifadə olunmayan yataqxanasının qarşısında tapılıb. Onun iniltilərini yaxınlıqda yerləşən peşə məktəbinin gözətçisi eşidib. Daha sonra hüquq-mühafizə orqanlarının əməkdaşları hadisə yerinə gələrək Elgünü xəstəxanaya çatdırıblar.

Lakin o, ertəsi gün dünyasını dəyişib.

Faktla bağlı Gəncə Şəhər Prokurorluğunda cinayət işi açılıb, araşdırmalar davam etdirilir. /Musavat.com

Xəbər verildiyi kimi, işğalçı Rusiya diktatoru Vladimir Putinin müşaviri Anton Kobyakov SSRİ-nin hələ də mövcud olduğunu və onun dağıdılmasının hüquqi əsasının olmadığını bildirib. Kobyakov Sankt-Peterburq Beynəlxalq Hüquq Forumunun yekun mətbuat konfransında deyib ki, Sovet İttifaqı dağılanda “hüquqi prosedur pozulub, yəni SSRİ hələ də mövcuddur”. Onun sözlərinə görə, bu, Ukraynadakı müharibənin “daxili proses” olduğunu söyləməyə imkan verir. Kobyakov qeyd edib ki, SSRİ Xalq Deputatları Qurultayının qərarı ilə yaradılıb, ona görə də yalnız həmin qurumun qərarı ilə ləğv edilə bilərdi. Bunun ardınca isə Rusiya Federasiyası Kommunist Partiyasının Mərkəzi Komitəsinin üzvü, Dövlət Dumasının komitə rəhbəri Nina Ostanina “TASS”-a bildirib ki, SSRİ-nin dağılması “qanunsuz” olub, onun hüquqi statusunun nəzərdən keçirilməsinə ehtiyac var və deputatlar bu məsələni gündəmə gətirməyə hazırdır... Bunun ardınca Rusiya Hüquqşünaslar Assosiasiyasının sədri, sabiq baş nazir Sergey Stepaşin SSRİ-nin ləğvi prosedurunun hüquqi baxımdan pozulduğunu bəyan edərək bildirib ki, hüquqi baxımdan Kobyakov haqlıdır.

Bundan əvvəl də müxtəlif Kreml ideoloq və təbliğatçıları, deputatlar tərəfindən SSRİ miqyasında imperiyanın bərpasına yönəlmiş fikirlər səsləndirilmişdi. Ancaq bu dəfə daha məsələ daha ciddi və rəsmi fiqurlar tərəfindən qaldırılıb. O da maraqlıdır ki, bu gedişlər Trampla Putinin telefon danışığından sonra baş verib.

Elə məhz Putin və Trampın mayın 19-da gecəki son telefon danışığından dərhal sonra – ertəsi gün Rusiyanın baş diplomatı Sergey Lavrovun postsovet məkanının həssas nöqtələrindən olan Ermənistana səfər etməsi və onun dolayısıyla revanşist erməniləri Qarabağ ocağını yenidən körükləməyə çağırışları bəlkə də Kremlin “keçmiş Sovet məkanı bizimki olub və olacaq” mesajı verməsidir...

Məsələnin ciddiliyini həm də ABŞ-ın sabiq Dövlət katibi Entoni Blinkenin hələ 2022-ci ilin yanvarında, yəni Rusiyanın Ukraynaya təcavüzündən xeyli əvvəl “CNN” kanalına müsahibəsində söylədiyi bu fikirlər göstərir: “Rusiya Sovet İttifaqı dövründə mövcud olan nizamın bərpasına nail olmaq istəyir. Bu, Rusiya Prezidenti Vladimir Putinin məqsədlərindən biridir. Bu isə Kremlin əvvəllər Sovet İttifaqının tərkibində olmuş ölkələr üzərində təsir dairəsini bərpa etmək deməkdir...”

Aydındır ki, çağdaş geo-siyasi və geo-iqtisadi durumda gerçəkdən imperiyanın keçmiş sərhdələrinin bərpasına nail ola bilməsələr də, hər halda Kremlin başda Putin olmaqla xirtdəyəcən zibil, cinayət içində olan rəhbərləri buna cəhdləri son imkanlarınadək davam etdirəcəklər...

Bəs, görəsən, Putini keçmiş SSRİ sərhədləri çərçivəsində imperiyanı de-yure və de-fakto bərpa etməyə ruhlandıran, ona güc verən digər amillər hansılardır? Putinin, Rusiyanın imperiyanı əvvəlki sərhədlərində rəsmən bərpa etmək üçün hansı potensialı, hansı konkret resursları var?..

Mövzu ilə bağlı Moderator.az-a açıqlamasında siyasi təhlükəsizlik məsələləri üzrə ekspert Ərəstun Oruclu bunları söyləyib:

“Əvvəla, onu deyim ki, Sovet imperiyasını bərpa etmək və hətta onun sonunu gətirən Beloveşjsk anlaşmasına xitam vermək cəhdləri absurddur. Absurddur ona görə ki, artıq postsovet respublikalarının hamısı həm de-yure, həm de-fakto müstəqil dövlətlərdir. Ola bilər ki, onlar müstəqilliklərini tam həcmdə tətbiq edə bilməyiblər, tam imperementasiya edə bilməyiblər. Bununla belə, artıq həmin ölkələrin hər biri beynəlxalq hüququn subyektidir, müxtəlif beynəlxalq təşkilatların üzvüdür və dünya tərəfindən hər mənada tanınmış müstəqil dövlətlərdir. Ona görə də Putinin müşavirinin, Duma üzvlərinin və s. SSRİ-nin guya qanunsuz ləğv olunmasıyla bağlı bəyanatları bir xülyanın nəticəsidir və bunlar sadəcə populist bəyanatlardır. Bu gün Putin Ukrayna bataqlığına düşməsinə ilk növbədə öz əhalisi qarşısında bəraət qazandırmaq üçün guya məqsədinin SSRİ-ni bərpa etmək olduğunu göstərir. O bilir ki, Rusiyanın özündə bu cür imperialist sentimentlər olduqca güclüdür. Onların əksəriyyəti həmin o sovet nostalgiyasını yaşayırlar. Rusiya diktatoru da bundan istifadə edərək təbliğat aparır. Başqa bir səbəb də o ola bilər ki, Putin bununla dünyanı təhdid etməyə çalışır. Yəni demək istəyir ki, əgər Ukrayna məsələsində güzəştə getməsəniz, başqa ölkələrə də hücum edə bilərəm. O başqa nə cür SSRİ-ni bərpa edə bilər? Heç kəs gedib könüllü o ittifaqa qoşulası, o imperiyanı bərpa edəsi deyil. Belə çıxır ki, Putin dünya birliyinə alver təklif edir. Amma mən güman etmirəm ki, kimsə bu alverə gedəcək. Yəni dünyada mən bir neçə sözü keçməyən, heç bir əhəmiyyəti olmayan ölkə xaric hansısa dövlətin buna yaşıl işıq yandıracağına inanmıram. Hətta Rusiyanın guya yaxın müttəfiqi sayılan Çinin və yaxud İranın da...

Qaldı Putinin keçmiş SSRİ sərhədlərində imperiyanı bərpa etmək üçün gücünün, potensialının nə qədər olmasına... Ukraynaya 3 ildən artıq bir dövrdə genişmiqyaslı təcavüz etməsinə baxmayaraq, Rusiya həmin ölkənin maksimum 20 faizini nəzarətə götürə bilib. O ərazinin də xeyli hissəsini Moskva öncədən, 2014-cü, hətta 2012-ci ildən başlatdığı separatçı hərəkat nəticəsində faktiki olaraq nəzarətə götürmüşdü. Yəni Rusiyanın real potensialının ən obyektiv göstəricisi budur. İndi, təsəvvür edin ki, Putin Ukrayna ilə paralel başqa ölkələrin də ərazisini ələ keçirməyə çalışa, buna inanmıram. Birincisi, ona görə ki, bunu etməyə ona imkan verməzlər. İkincisi də, onun buna gücü çatmaz. Çünki Rusiya hazırda dərin böhran içərisindədir. Deyilən işğalları o dövlət həyata keçirə bilər ki, onun buna real potensialı olsun. Rusiyanın isə belə bir potensialı yoxdur, ola da bilməz və bu gedişlə olmayacaq da... Bu səbəblərdən bir daha deyirəm ki, SSRİ-nin bərpasına yönəlmiş çağırışlar, açıqlamalar yalnız populist bəyanatlardır. Və həmin bəyanatlar da Ukrayna məsələsində alverə hesablanıb. Yəni demək istəyir ki, Ukraynada mənə güzəştə gedin, yoxsa mən başqa respublikalara da hücum edərəm. Ancaq mahiyyət etibarilə bu nə baş tutacaq bir sövdələşmədir, nə də bir populist bəyanat, təbliğat kimi də uzun müddət tab gətirə bilər...”