Azərbaycanda elə tikinti maqnatları var ki, hansı dələduzluğu edir etsin, sanki toxunulmazlıq statusu alıb. Ona görə də illərdir ki, yol verdiyi cinayətlərə, saxtakarlıqlara, fırıldaqlara baxmayaraq məsuliyyətə cəlb olunmayıb. Hətta nəinki istintaqa çağırılmayıb, bilə-bilə ki bu tikinti şirkətinin sahibi vətəndaşları aldadıb, ona yenə də şərait yaradılıb, təzə-təzə işlər götürüb, bina tikməyə yer ayrılıb.
Anaxeber.com-un araşdırmasına görə, onlardan birincisi “İnşaat Konstruksiyaları” MMC-nin rəhbəri Rauf Əliyevdir. Rauf Əliyev ölkədə yüzlərlə vətəndaşı aldadıb, bir mənzili bir neçə adama satıb, pullarını mənimsəyib, indiyə qədər problemi həll etməyib, illərdir ki, vətəndaşlar aksiyalar keçirir, şikayət edir, amma bu şəxs nə həbs edilir, nə də zərər çəkənlərin pulunu qaytarır. Və hazırda həbsdə olan MTK rəhbərlərindən fərqli olaraq, Rauf Əliyev barəsində bu qədər şikayətlərə, dəlil-sübutlara baxmayaraq azadlıqda gəzir. Onun aldatdığı vətəndaşlardan biri elə dünən mətbuata çıxıb.
Belə ki,
"İnşaat Konstruksiyaları” MMC-nin qurbanlarından olan Rafiq Əmirov zərərçəkmiş qismində tanınmır. Bu barədə Reportyor.info-ya onun özü bildirib.
Rafiq Əmirov 2017-ci ildə “İnşaat Konstruksiyaları” MMC-nin Yasamal rayonu, Abbas Mirəz Şərifəzadə küçəsi 33-də inşa etdiyi yaşayış binasından mənzil alıb. Bir müddət sonra isə məlum olub ki, onun aldığı mənzil Fətullayeva Təbərrük adlı bir xanıma satılıb.
Şikayətçi deyib ki, həmin xanımla imzalanmış müqavilələr saxtadır. Yəni üzərindən 8 il keçib, il 2025-dir, hələ də vətəndaşın problemi həll olunmayıb. Və belə qurbanların sayı "en" qədərdir. Sadəcə, Rauf Əliyev toxunulmaz birinə çevrilib.
Bu azmış kimi, ona hələ də Bakıda bina tikməyə icazə verilir. Axı onu himayə edənlər kimlərdir ki, dələduzluğa yol verdiyi göz qabağında olduğu halda, yenə də tikinti aparmasına şərait yaradılır?
Bu sektorda olanlar bilir ki, bina tikmək asan məsələ deyil. Əvvəlcə, Dövlət Şəhərsalma və Arxitektura Komitəsi icazə verməlidir, yer ayırmalıdır, sərəncam imzalanmalıdır.
İkincisi, Fövqəladə Hallar Nazirliyindən tutmuş bütün rəy verən, kommunal təchizatı təmin edən qurumlara qədər bu prosesdə iştirak edir. Bəs necə olur ki, dövlət qurumları adı dəfələrlə dələduzluqda hallanan, haqqında saysız-hesabsız şikayətlər olan Rauf Əliyevin yeni binalar tikməsinə göz yumurlar?
Ən absurd mənzərə budur ki,
"İnşaat Konstruksiyaları" MMC-nin sahibi Əliyev Rauf Rəhim oğlu, onun yaxın qohumu Əhmədov Rəsul Süleyman oğlu və Nəcəfov Zahir Vahid oğlu Cinayət Məcəlləsinin 177-189 - 178.4-cü maddələri ilə ittiham olunsalar da, bununla belə paytaxtın müxtəlif ərazilərində, hazırda Yasamal, Nəsimi rayonlarında yeni binalar tikməyə davam edərək yenə də eyni fırıldaqlarla məşğuldurlar. Onlar barəsində yekun ittiham elan edilərək cinayət işi baxılması üçün Bakı Ağır Cinayətlər Məhkəməsinə göndərilib. İşin bu yerə gəlib çıxmasına, məhkəmə prosesinin başlanmasına rəğmən, Rauf Əliyev və dəstəsi vətəndaşları aldadır, yüzlərlə belə mənzil alan şəxslərin ümidlərini puç edirlər.
O, ətrafındakılara bildirir ki, sonrakı dövrdə də ona ayrılan torpaq sahələrində tikdiyi binalarda etdiyi fırıldağın pulları ilə digər dələduz əməllərini ört-basdır etməyə, şikayətçi vətəndaşları razı salmağa çalışıb. Və belə-belə Rauf Əliyev rəhbərlik etdiyi şirkəti vasitəsi ilə minlərlə insanı aldadıb.
Qeyd edək ki, Cinayət Məcəlləsinin 177-189 - 178.4-cü maddələri ilə ittiham olunan 3 iş adamı ilə bağlı keçiriləcək istintaqa 280-dən çox zərərçəkən müraciət edib.
"İnşaat Konstruksiyaları" MMC-nin qanuni təmsilçisi, Rauf Əliyevin yaxın qohumu Əhmədov Rəsul Süleyman oğludur. "Dərəçiçək” MTK da Rauf Əliyevə məxsusdur.
Rauf Əliyevin şirkətləri 2016-cı ildə Bakının Yasamal və Nizami rayonlarında pilot layihələr çərçivəsində binalar tikib. Onlar dövlət tərəfindən icazəsi verilmiş 14 mərtəbəli binaların bəzilərini 17 mərtəbəyə kimi də yüksəldiblər. Rauf Əliyev vergidən yayınmaya görə də bir müddət əvvəl saxlanılmışdı.
Mediada gedən xəbərlərə görə, Rauf Əliyev müəmmalı yollarla tikdirdiyi binalarda əlavə mərtəbə tikilməsi ilə bağlı FHN əməkdaşlarını da “razı sala” bilib. Fövqəladə Hallar Nazirliyinin əməkdaşları bu binaların dayanıqlılığı ilə bağlı müayinələr aparıb və müvafiq texniki rəy veriblər.
Bundan başqa, Rauf Əliyev Şəhərsalma və Arxitektura Komitəsi ilə də "dil taparaq" əlavə mərtəbələr qaldırılmasına razılıq ala bilir. Beləliklə, şəhərdə toxunulmaz bir dələduz gəzir və ona "gözün üstə qaşın var" demir...


Azər Talıbov
Anaxeber.com

İcra məmurunun oğluna verilən milyonluq tenderlər

Azərbaycan Yerüstü Nəqliyyat Agentliyi (AYNA) Bakıda dayanacaq pavilyonları quraşdıracaq. Bununla əlaqədar dövlət satınalmalarının vahid internet portalında tenderin nəticəsi açıqlanıb.
Nəticələrə əsasən, AYNA Bakı şəhərinin küçə və prospektlərində sərnişinlərin avtobus gözləmələri üçün dayanacaq pavilyonlarının quraşdırılması işlərini həyata keçirəcək. Bu məqsədlə “SMCS” MMC şirkəti ilə 1 milyon 744 min 985 manatlıq satınalma müqaviləsi imzalayıb.
Bu, AYNA ilə “SMCS” MMC arasında ilk tender müqaviləsi deyil. Belə ki, ötən ilin avqustunda da AYNA eyni məzmunlu tenderin qalibi olaraq sözügedən şirkəti göstərib. Həmin vaxt isə bu işlərə 500 min 907 manat pul ayırıb.

Şirkət haqqında ətraflı

“SMCS” MMC, əvvəlki adı ilə “SM Construction Supplies” MMC, 2018-ci ildə təsis edilib. Şirkət tikinti, təmir, interyer-eksteryer dizayn və mebel istehsalı sahələrində fəaliyyət göstərir. 2023-cü ilin sentyabr ayında adını dəyişərək indiki adını alıb.
Şirkətin nizamnamə kapitalı ilkin olaraq 10 manat olsa da, 2022-ci ilin iyul ayında 49 000 manata, sentyabr ayında isə 88 500 manata qədər artırılıb.
Şirkətin hazırda qanuni təmsilçisi Cəfərov Mübariz Məhərrəm oğludur. Bundan əvvəl isə Ehtiram Etibar oğlu Heydərli olub. Ehtiram Heydərli həmçinin şirkətin rəsmi təsisçisi və rəhbəridir.
“SM Construction Supplies (SMCS)” şirkəti 2020-ci ildə Koronavirus Fonduna və Silahlı Qüvvələrin Yardım Fonduna ianələr edib.

Dövlət tenderlərində uğurlar
“SMCS” MMC dövlət qurumları tərəfindən keçirilən tenderlərdə fəal iştirak edib və bir sıra layihələrin icrasını üzərinə götürüb. 2024-cü ildə şirkət ümumilikdə 15 milyon 111 min 960 manat dəyərində 11 tenderin qalibi olub.

Azərbaycan Yerüstü Nəqliyyat Agentliyi (AYNA) ilə əməkdaşlıqdan əlavə, şirkət Müdafiə Nazirliyi ilə də 1 milyon 804 min 568 manat dəyərində müqavilə bağlamışdır.
Ümumilikdə şirkət 2020-ci ildən etibarən dövlət qurumları ilə 35-ə yaxın 24 milyon manat dəyərində tender müqaviləsi imzalayıb. Bunlar “Azergold” QSC, DİN Polis Akademiyası və Daxili Qoşunlar, Səhiyyə Nazirliyi, FHN, AzTV, Bakı Nəqliyyat Agentliyi (BNA), “Azərişıq” ASC, Müdafiə Nazirliyi və Dövlət Gömrük Komitəsi kimi mühüm dövlət qurumlarıdır.

Ehtiram Heydərli kimdir?

Şirkətin qurucusu Ehtiram Heydərli Siyəzən Rayon İcra Hakimiyyəti başçısının Sosial-iqtisadi inkişafın təhlili və proqnozlaşdırılması şöbəsi müdirinin müavini Etibar Heydərovun oğludur.
Etibar Heydərov uzun müddət Siyəzən Rayon İcra Hakimiyyəti başçısının müavini, Siyəzən rayon Məşğulluq Mərkəzinin direktoru və Yeni Azərbaycan Partiyasının (YAP) Siyəzən rayon təşkilatının sədri vəzifələrini icra edib.
Həmçinin Etibar Murad oğlu Heydərov 2015-ci ildə prezident İlham Əliyevin sərəncamı ilə “Dövlət qulluğunda fərqlənməyə görə” medalı ilə təltif olunub.
Ata və oğulun 2015/2020-ci il parlament seçkilərində iştirakı: Etibar Heydərov 2015-ci il YAP Siyəzən rayon təşkilatının Seçki Qərargahının rəhbəri olub. O zaman 54 saylı Şabran-Siyəzən seçki dairəsi üzrə YAP namizədi Tahir Süleymanov deputat seçilmişdi. Onun deputat seçilməyində həm Etibar Heydərovun, həm də oğlu Ehtiram Heydərlinin böyük rolu var. Dövrü-mətbuatda icra başçısının müavininin müğənniyə hücum etdiyi də qeyd olunub.
2020-ci il parlament seçkilərində isə Etibar Heydərov 54 saylı Şabran-Siyəzən seçki dairəsi üzrə YAP namizədi Sadiq Qurbanovun təşviqatı zamanı seçki qaydalarının pozulmasında iştirak etmişdir. Tədbirdə qanunsuz təşviqat aparıldığı üçün Mərkəzi Seçki Komissiyası (MSK) tərəfindən xəbərdarlıq edilmişdir. Bu qərar MSK-nın 30 yanvar 2020-ci il tarixli 42 saylı müraciətinə əsasən qəbul edilmişdir.
Qardaşı Heydərli Şadil Etibar oğlu isə uzun illər Bank Olmayan Kredit Təşkilatı “Falcon Finance” MMC-nin Müşahidə Şurasının üzvü olub. Hal-hazırda isə onun hansı fəaliyyətlə məşğul olduğu bizə məlum deyil.

Azərbaycan qanunvericiliyinə görə

Baş prokuror yanında Korrupsiyaya qarşı Mübarizə Baş İdarəsi bildirir ki, dövlət qulluqçusunun maddi faydaları öz qohumuna yönəltməsi ilə bağlı göstərişlərin (əmrlərin) verilməsi və təsdiqlənməsi maraqların toqquşmasına səbəb olur.
“Dövlət qulluqçularının etik davranış qaydaları haqqında” Azərbaycan Respublikasının Qanununun 15-ci maddəsində göstərilmişdir ki, dövlət qulluqçusu qulluq etdiyi dövrdə maraqların toqquşmasına yol verməməlidir və qanunsuz olaraq öz vəzifə səlahiyyətlərindən şəxsi maraqları üçün istifadə etməməlidir.(meydan tv)
Bu gün paytaxt Bakının rayonlarında ayrı-ayrı icra başçılarının yaşıllığa qənim kəsilmələri sanki bir ənənəyə çevrilib. Hər halda günbəgün açıqlanan faktlardan aydın olanı, ortaya çıxanı budur. "DİA-AZ" bildirir ki, ən bərbad durum isə Binəqədi rayonundadır.

Binəqədi icra hakimiyyəti rəsmən özbaşınalıq mühitində hiss edir özünü. Belə olmasaydı, Binəqədi hazırda səhralaşma yoluna qədəm qoymazdı.

Bu dəfə də yaşıllığa qənim kəsilənlərdən danışacağıq. "DİA-AZ" bildirir ki, bu barədə özünün "facebook" səhifəsində məlumat paylaşan jurnalist Pərvin Abışova növbəti faktı açıqlayır.

Aydın olur ki, Binəqədi rayonu, Biləcəri qəsəbəsi, Natavan küçəsi 1 ünvanında yerləşən 300 saylı məktəbin qarşısı yerli icra hakimiyyətinin HƏDƏFİNƏ ÇEVRİLİB... yəqin ki, qısa müddətə məktəbin qarşısında boy sırası ilə ticarət obyektləri düzüləcək. Hər halda aydın olanı budur. İlk hədəfsə ağaclardır. Artıq ona yaxın ağac kəsilib. Sakinləri aldadıblar ki, bəs yerinə yeni gənc ağaclar əkiləcək. Amma məlum olur ki, ağacyeyənlər yalan danışıb.

Ona görə də narazılıq edən sakinlər indi səbirsizliklə həmin yerdə hansı ticarət obyekt(lər)inin tikiləcəyini gözləyirlər...

Binəqədi icra hakimiyyətinə gəlincə isə... buradan biz yalnız bir sözü deyə bilərik: Allah heç bazarınızı verməsin...

Bu gün paytaxt Bakının rayonlarında ayrı-ayrı icra başçılarının yaşıllığa qənim kəsilmələri sanki bir ənənəyə çevrilib. Hər halda günbəgün açıqlanan faktlardan aydın olanı, ortaya çıxanı budur. "DİA-AZ" bildirir ki, ən bərbad durum isə Binəqədi rayonundadır.

Binəqədi icra hakimiyyəti rəsmən özbaşınalıq mühitində hiss edir özünü. Belə olmasaydı, Binəqədi hazırda səhralaşma yoluna qədəm qoymazdı.

Bu dəfə də yaşıllığa qənim kəsilənlərdən danışacağıq. "DİA-AZ" bildirir ki, bu barədə özünün "facebook" səhifəsində məlumat paylaşan jurnalist Pərvin Abışova növbəti faktı açıqlayır.

Aydın olur ki, Binəqədi rayonu, Biləcəri qəsəbəsi, Natavan küçəsi 1 ünvanında yerləşən 300 saylı məktəbin qarşısı yerli icra hakimiyyətinin HƏDƏFİNƏ ÇEVRİLİB... yəqin ki, qısa müddətə məktəbin qarşısında boy sırası ilə ticarət obyektləri düzüləcək. Hər halda aydın olanı budur. İlk hədəfsə ağaclardır. Artıq ona yaxın ağac kəsilib. Sakinləri aldadıblar ki, bəs yerinə yeni gənc ağaclar əkiləcək. Amma məlum olur ki, ağacyeyənlər yalan danışıb.

Ona görə də narazılıq edən sakinlər indi səbirsizliklə həmin yerdə hansı ticarət obyekt(lər)inin tikiləcəyini gözləyirlər...

Binəqədi icra hakimiyyətinə gəlincə isə... buradan biz yalnız bir sözü deyə bilərik: Allah heç bazarınızı verməsin...

'Medihol' klinikasında başına oyun açdılar
Bakıda estetik əməliyyat etdirmək istəyən qadın ağır xəstəliyə düçar olub.

Bu barədə Bakı sakini Kamilə Zeynalova redaksiyamıza müraciət edib. Kamilə Zeynalova saytımıza bildirib ki, 2023-cü ilin oktyabrın 18-də Tik-Tok sosial şəbəkəsi üzərindən özünü cərrah- estetik kosmetoloq kimi təqdim edən Lalə Mirzəyeva ilə tanış oldum.

“Onun çalışdığı “Medihol” estetik klinikasına üz tutdum. Burada özünü həkim kimi təqdim edən Lalə Mirzəyeva məndən 1800 manata ödəniş etməyimin vacib olduğunu bildirdi. Bu ödənişi etdikdən sonra Lalə Mirzəyeva mənim gözəlləşməm üçün qaşlarımın qaldırılması üçün əməliyyat keçirtdi. Lalə Mirzəyeva məni aldadaraq həmdə üzgərmə əməliyyatı həyata keçirtdi. Bu əməliyyatdan sonra ağır xəstəliyə düçar oldum. Çünki əməliyyatın 5-günü üzümdə şişkinliyi başladı. Yenidən həmin klinikaya müraciət etdim və məlum oldu ki, özünü estetik cərrah kimi təqdim edən Lalə Mirzəyeva məni əməliyyat edərkən tüpürcək vəzinin üçlü sinirini kəsib. Məhz bu səbədən mən ağır vəziyyətə düşmüşəm. Vəziyyətim ağır olduğu üçün başqa həkimə müraciət etdim və qismən sağlamlığıma qovuşdum. Amma Lalə Mirzəyevanın apardığı əməliyyatdan sonra məndə yenə ağır fəsadlar qalıb və bu fəsadların düzəlməsi mümkün deyil. Dəfələrlə Lalə Mirzəyeva və onun çalışdığı klinika ilə əlaqə saxlamağa çalışsam da onlara günahı öz üzərlərində atdılar. Mənim kimi onlarla xəstə Lalə Mirzəyevanın qurbanına çevrilib. Bu gün Lalə Mirzəyeva yenə qanunsuz olaraq əməliyyatlar həyata keçirir. Bu günə qədər, nə Səhiyyə Nazirliyi, nə də TƏBİB bu xanımın qanunsuz fəaliyyətinin qarşısını almır. Mən zərərçəkən kimi Daxili İşlər Nazirliyinə və Səhiyyə Nazirliyinə müraciət etmişəm.”

Qeyd edək ki, xəstələrinin axtardığı Lalə Mirəzyeva indi də gözdən, könüldən uzaq bir məkanda binanın zirzəmisində özünə məkan açıb.

/veteninfo.az

1(009)-195/2025 № -Lİ İŞ üzrə Xüsusi İttihamçı
Fəlsəfə elmləri doktoru, 2-ci qrup əlil
Xatirə Quliyeva tərəfindən
ETİRAZ
Səbail rayon məhkəməsinin SƏDRİ AZƏR PAŞAYEVƏ AÇIQ MƏKTUB
SURƏTİ: AVROPA VƏ ABŞ BEYNƏLXALQ HÜQUQ TƏŞKİLATLARINA

28.04.2025 tarixdə telefonumdakı e.mail ünvanıma gələn məlumatdan məlumum oldu ki, vermədiyim ərizə əsasında Ülviyyə Şükürovanın öz çirkin marağına görə baxdığı və mənm Apellyasiya Şikayətim - EYNİ İŞ ÜZRƏ 2-Cİ APELLYASİYA ŞİKAYƏTİM təmin olunduqdan sonra İş Səbail rayon məhkəməsinə daxil olduqda baxılması üçün Azər Tağıyevin icraatına verilmişdir.


Azər Tağıyevin BU İŞƏ BAXMAĞA HÜQUQİ VƏ MƏNƏVİ HAQQININ olmadığı ilə bağlı media üçün hazırladığım ETİRAZ başlıqlı tənqidi məqaləmi Məhkəmə-Hüquq sistemi Səlahiyyətlilərinin və ümum vətəndaş cəmiyyətinin, əziz oxucularımın diqqətinə çatdırıram və bildirirəm ki, mən bu yazını ingilis dilinə çevirib ölkə rəhbəri İlham Əliyevin ADA universitetindəki çıxışında əleyhimizə olan radikal beynəlxalq təşkilatlar olaraq adlarını çəkdiyi xarici qurumlara, həmçinin AŞPA-ya göndərəcəyəm.

Çünki xalq məhkəmələrdə əziyyət çəkir və Beynəlxalq qurumlar Azərbaycan məhkəmələrini ÇOX HALLARDA düzgün tənqid edirlər.
Çünki Azərbaycan hakimləri əksəriyyətlə qanuna, ədalətə yox, öz maraqlarına xidmət edirlər. Hətta dövlətçilik mövqeyi, milli mentalitet hissi məhkəmələrdə unudulmuş vəziyyətdədir. Bəzi hakimlər vətəndaş şikayətlərinə baxarkən qanunlarla bərabər vətəndaşların şərəf və ləyaqətini elə cinayətkar ünsürlər kimi taptalayırlar.
Məsələn, Azər Tağıyev – MƏTBUATDA və şikayət ərizələrimdə dəfələrlə tənqid etdiyim BU HAKİM şikayətçi olduğum - 2 soyadla yaşayan və fəaliyyət göstərən Aydın Əli-Zadə 2023- cü ildə mənimlə bağlı guya onu Dövlət əleyhinə çıxışlar etməkdə, ermənilərlə əlbir olmaqda, erməni mövqeindən əsər yazmaqda yanlış ittiham edib tənqid etmədiyimə görə barəmdə xüsusi ittiham qaydasında şikayət verdikdə mənim ünvanım Nizami rayonu, evim söküldüyünə görə faktiki ünvanım Sabunçu rayonu olduğu halda işə vəkil təyin etmiş, mənə barəmdə olan Şikayəti göndərmədən, şikayəti və s. e.portala yerləşdirmədən, məni iclasa çağırmadan HAZIRLIQ ICLASI ADI ILƏ AYDIN ƏLI-ZADƏ ILƏ GÖRÜŞMÜŞDÜR!

Sonra! mən katibi məni 2-ci iclasa çağırarkən bundan xəbər tutduqda şikayətlə tanış olmaq istədikdə katibi hakimdən soruşmuş o, "gəlib burda tanış olsun"- deməklə, bir növ məni özündən asılı etmək istəmiş, mən katib xanımdan güc-bəla ilə 11 gün sonra barəmdə olan şikayəti şəxsi e.mailimə göndərməsi ilə aldıqdan sonra dərhal mediada “Aydın Əli-Zadə Məhkəməni Aldatma. “Qaziya Tək Gedən Razı Qalar”...başlıqlı və məzmunlu 3 məqalə ilə ilk əvvəl məhkəmə aidiyyəti qanununu əsaslandırmış, həmçinin cavabdeh olaraq ünvanımın Səbail rayonu ərazisi olmadığını göstərmişəm ki, Azər Tağıyev mənə təhdidlər ünvanlamaqla İŞİ Nizami rayon məhkəməsinə göndərməyə məcbur olmuşdur. Əslində o, İşi geri qaytarmadan məhkəmə vasitəsi ilə Nizami rayonuna göndərməklə, mənim üçün çağırdığı vəkilə mənim adımdan buna Etiraz etmədiyim məzmunda ərizə yazdırıb mənə qol çəkdirməklə də Aydın Əli-Zadəyə güzəşt etdmişdir.
İş Nizami rayon məhkəməsinə göndərildikdə mən məhkəmə baxışına qədər Aydın Əli-Zadənin hər bir ittiham müddəasını 1-1 təkzib edən məqalələrlə çıxış etmişəm. Məqalənin sonunda həmin yazılarımdan bəzisinin adını və linkini əlavə edəcəyəm.
... Məhkəmə Aydın Əli-Zadənin Şikayətini mənim faktiki ünvanım barədə Arayış tələbi ilə icraata almamışdı. Mən ünvanımı desəm də və onun əvəzindən Arayış gətirməyə söz versəm də Qərarda da qeyd olunduğu kimi hakim işi icraata almamışdı.. Aydın Əli-Zadə isə İşin icraata alınacağı təqdirdə mənim fakt mənbəyi məqalələrimin də təhlil olunacağından, işin prokurorluqda araşdırılması haqda Vəsatətimin təmin olunacağından qorxduğu üçün hakimin qarşısında ikiqat əyilib ona təşəkkür etmişdi. Bununla da o, məni məhkəməyə verdiyi və mühüm olduğunu yazdığı müddəalarından “dördnala” qaçmışdı!.. Hətta o, mənim e.mailimə 2 yalvarış dola “gəl dayandıraq”- məzmunlu məktub da göndərmişdi!.. Mən ona “kişisən” geri çəkilmə" - cavabını yazdıqda mənə Facebook sosial şəbəkə üzərindən təhqirlər yağdırmağa, mənə böhtanlar atmağa başlamışdı.
Bundan sonra mən Aydın Əli-Zadənin məni Facebook sosial şəbəkəsində təhqir etməsi, mənə böhtan atması ilə (məsələn, guya mənim Cahan+ qazetim və onun internet versiyası cahanplus.com saytım qeyri-qanuni fəaliyyət göstərir) bağlı onun barəsində elə Səbail rayon məhkəməsinə Şikayət verdim. İŞ Azər Tağıyevin icraatında oldu və mən onun hazırlıq iclasında 2 dəfə “Aydın Əli-Zadənin şikayətinə baxılır” – deməsi və digər replikaları, hərəkətləri, mimikasından IŞƏ yenə öz marağına uyğun baxacağını anladım və ona ETİRAZ etdim.
2-ci qrup əliləm, 2019-cu ildə insult keçirmişəm və yüksək şəkər xəstəliyindən əziyyət çəkirəm! Hazırlıq iclasında onun qərəzli hərəkətlərindən halım pisləşmişdi. Su istəmişdim, gec də olsa katibi gətirmişdi. Mən Etirazımı heç sayan bu qərəzli şəxsin iclasından çıxıb getmək qərarına gəldim. Bu vaxt müşavirə adı ilə 5 saylı zalın çıxışında (1 addım məsafədə) olan polis postunun yanında dayanıb polislərlə söhbət edən Azər Tağıyev məni (ittihamçını) onun İclasında qərəzdən səhhəti pisləşmiş əlil vətəndaşı, ziyalı-alimi iri gövdəsi ilə zala qaytarıb, təsadüf telefonundan ucalan (Məhəmməd peyğəmbər buyurub:Azan səsində okeanda belə sular dayanar!) AZAN səsində marağı olan, təklikdə görüşdüyü Aydın Əli-Zadənin xeyrinə Qərarını elan etmişdi. Məqamı olduğu üçün suaql verirəm: Aydın Əlizadənin müşavirə otağı Polis postudur?! Konstitutsiyada, hakimlər haqqında Qanunda müşavirə otaqları polis postları yazılıb?!
Daha sonra Aydın Əli-Zadə 2 dəfə mənasız, cəfəngiyyat məzmunda – “Xatirə Quliyeva deyir, hakimlər məndən rüşvət alıb, xeyrimə qərar çıxarıblar”- məzmunda – Ülviyyə Şükürovanın 25 dekabr 2025 tarixli saxtakar, savadsız Qərarına “südqabı” (baxın, onun ziyanına Qəralar da var!- məntiqi ilə...) qoyan mahiyyətdə məndən Şikayət verdi və icraata alınmadı. Halbuki, mənim ünvanım Səbail rayonuna deyildi! Ülviyyə Şükürova niyə baxmışdı?! Həmin “südqabı” üçün... Çox böyük ehtimallarla Azər Tağıyevin təsiri altında! İndi sübut da göstərəcəyəm.

Belə ki, bu “kino-komediya” məhkəmə İclaslarından birində Azər Tağıyev – dövlətimizin nüfuazlu məhkəmə hakimi adını daşıyan şəxs onun kimi layiq olmadan hakim adlanan Ülviyyə Şükürovanın iclasında gəlib onun qarşısında dayandı və onunla sakit səslə nəsə danışdı. Mən irad bildirdikdə Azər Tağıyev keçib oturdu İTTİHAMÇI stolunda - yəni, Aydın Əli-Zadənin oturduğu – ittihamçı olan şəxs üçün nəzərdə tutulmuş stolun arxasında. Mən yenə irad bildirdikdə o, ayağa qalxıb getməyə məcbur oldu və gedərkən - Ülviyyə Şükürovaya “mən burdayam” deyib qarşıdakı otağa keçərkən mənə də asta səslə “Xatirə Quliyeva” ilə başlayan nəsə, nələrsə dedi...
Aydın Əli-Zadənin bu biabırçı cəfəngiyyat Şikayəti üzrə Ülviyyə Şükürovanın Azər Tağıyev iştirak edən İclasında daha bir absurd - əslində bizim rüşvətxor həmçinin qeyri-müstəqil hakimlərin iç üzünü göstərən məsələ, Belə ki, bu hakimin katibi bizdən şəxsiyyət vəsiqəsi istəməmişdi. Iclas bitdikdə Aydın Əli-Zadə tez çıxdı. Mən sənəd-sübutları yığdığım üçün ondan sonra çıxdım. Bu vaxt məhkəmə katibi Aydın Əli-Zadənin şəxsiyyət vəsiqəsi qalıb, dedi! Yalan deyirdi! Çünki o nə şəxsiyyət vəsiqəsi vermişdi, nə oturduğu stolun üstündə, nə də katibin stolunun üstündə sənədi qalmamışdı. Ancaq katib onu Telefonla çağırdı. Mən məhkəmə binasından çıxanda Aydın Əli-Zadə geri qayıdırdı. Hətta daim dediyi “kişi deyiləm” – sözünün mənasına tam uyğun tərzdə mənim qarşımı kəsib 1 neçə dəqiqə pilləkənləri düşməyə belə qoymamaışdı. Onun geri qayıtması mənim ehtimalıma görə, “mən burdayam” deyib qarşıdakı otağa keçən Azər Tağıyevin onu Ülviyyə Şükürova ilə görüş, haqq-hesab üçün çağırışı ilə əlaqədar idi! Axı cavabdeh – ittiham olunan şəxs olaraq mənim ünvanım Səbail rayonu olmadığı halda Ülviyyə Şükürova İŞƏ BAXMIŞDI! Hələ cümlə-vergülünə kimi eyni məzmunda olan Işə baxmışdı. Qanun əsas olsaydı, A.əli-Zadənin şikayəti Məhkəmə aidiyyəti və bu eyni məzmuna görə iclas belə təyin etmədən rədd edilməli idi! BAXIN BUNA GÖRƏ DEYİRƏM, HƏMİN 2 MƏNASIZ, CƏFƏNGİYYAT ŞİKAYƏT GÖZDƏN PƏRDƏ ASMAQ MAHİYYƏTİNDƏ İDİ! Elə deyildi, A.Əli-Zadə Apellyasiya şikayətləri verərdi. Digər tərəfdən mən onda da demişəm, indi də deyirəm, görünən dağa nə tərif, misalı – Qanunsuz qərarların əsası olur və artıq SƏBAİL RAYON MƏHKƏMƏSİNİN EYNİ İŞ ÜZRƏ 2 QƏRARI İLƏ BAĞLI APELLYASİYA MƏHKƏMƏSİNİN 2 LƏĞV QƏRARI VARSA YA RÜŞVƏT, YATAPŞIRIQ FAKTORU VAR! ƏCƏB ELƏYİB DEMİŞƏM VƏ BU GÜN DƏ SÖZÜMÜN ARXASINDAYAM!
Məhkəmələr uşaq bağçası, hakimlər 3-5 yaşlı ağılları kəsməyən körpələr deyil! Məhkəmələr heç 11 illik məktəblər, hakimlər azyaşlı, yeniyetmə- gənclər də deyil! Heç məhkəmələr Ali məktəblər, hakimlər savadlı-savadsız, “dəliqanlı” tələbələr də deyil! Məhkəmələr Dövlətin QANUN, HAQQ-ƏDALƏT etibar etdiyi qurumlar, hakimlər dövlətin, HÜQUQ etibar etdiyi dərin zəkalı, bilikli, savadlı və yüksək mənəviyyatlı şəxslərdir!

Belə isə 2 ləğv edilmiş Qərarın əsas sübutları nədən xəbər verir? Savadsızlıqdan?! O zaman həmin savadsız hakimlər - o sırada Şəhla Süleymanova, Ülviyyə Şükürova qovulmalıdır məhkəmə sistemindən! Ən azı cəzalanmalıdırlar!
Yox, savadlıdırlar, bəs o zaman niyə Qanunları, ədaləti taptalayan Qərar qəbul ediblər?! Deməli ya rüşvət alıblar, ya da “tapşırığa” boyun əyiblər! Bu hal savadsızlıqdan daha pisdir. Ölkə rəhbəri onları bu çirkin iş üçün təyin edib?! Onlara görə AŞPA-lar Azərbaycanı tut-gəldi, tənqid edirlər, əleyhimizə Qərarlar qəbul edirlər!.. Heç qınamayın mən də “qqatıq qaradır” – mənasında olan əleyhimə olan Qəralardan Avropaya Şikayət etmiş vətəndaşam və yenə edəcəyəm. Bir halda Dövlətin məhz nöqsanla işləyən hakimlərin islah edilməsi, məhkəmə sisteminin inkişafı məqsədi ilə yaratdığı Məhkəmə Hüquq Şurası Qərarları ya savadsızlıq, əslində saxtakarlıq, öz marağa görə qanunlara tüpürən vəziyyətdə olan hakimləri qətiyyən cəzalandırmırsa AŞPA-LAR DA DÜZ EDİR, “AVROPALARA” ŞİKAYƏT EDƏN VƏTƏNDAŞLAR DA!

Beləcə, Azər Tağıyevin marağında olduğu, ittihamçı yerində oturduğu Aydın Əli-Zadə Şikayətləri üzrə “narojni” Qərarlar çıxdı. Facebook səhifəsində “əsas mübarizədi, mən uduzsam da mübarizəmi aparıram, deyib, “müridlərini” aldadan “şeyx” Aydın Əli-Zadə əleyhinə olan bu qərarlardan razı qalıb yenə Apellyasiya vermədi.
Mən isə Apellyasiya məhkəməsinin (hakim Elmar Rəhimov) 29 may 2024-cü il tarixli XEYRİMƏ olan Qərarının tək bircə məhkəmə aidiyyəti müddəasının düzgün qiymətləndirilməməsindən narazı qaldığım üçün Kassasiya şikayəti verdim və Ali məhkəmə Apellyasiya məhkəməsinin XEYRMƏ OLMUŞ BU QƏRARINI QÜVVƏDƏ SAXLAYIB – hakimi “ağ yuyub, qara sərmək” – hətta saxtakarlığını vurğulamaqla İŞ MATERİALLARINI Səbail məhkəməsinə göndərdi. Ali məhkəmə hakimi Şahin Yusufovun bəlkə heç təsəvvürünə gəlməz ki, Səbail rayon məhkəməsində savadsızlığını tənqid etdiyi Şəhla Süleymanovadan qat-qat savadsız, saxtakar – onu özünü İMZASIZ işə baxan qələmə verən, qanun maddələrini dəhşət dərəcədə “kullanan” Ülviyyə Şükürova var!..
Məsələn, mən Səbail məhkəməsindən İŞƏ baxılmasını xahiş etməmişdim.Fikrim eyni motivli İşlərin məhkəmə baxışlarını gözləyib, hamısını birləşdirməklə Avropaya İnsan haqları Məhkəməsinə müraciət etməkdi. Hakim adlanan Ülviyyə Şükürova məni öz marağına görə “40 dəfə zəng” katibinə zəng etdirib - ədalətli baxış, qərar olacağına innandırıb məhkəməyə çağırdı! Bu məqamda sual yaranır: Ülviyyə Şükürovanın əgər rüşvət marağı yox idi, niyə mənə 1 gündə (telefonumdakı zənəgləri sübutdur!) 10 dəfədən çox zəng edib, məhkəməyə gəlməyimi istəyib?! Həm də 3 dəfə hazırlıq iclası təyin edib! Rüşvət almamışdı, “tapşırıq” təsiri altında deyildi, baxmayaydı! Qanunmaddəsi var- İddiaçı üzürlü səbəb olmadan məhkəmə çağırışına gəlmədi, onun ərizəsinə baxılmır... Sözsüzdür ki, rüşvət almayan belə eləməz!
Beləcə, mən Ülviyyə Şükürovanın katibinin Ali məhkəmədən gələn İŞƏ baxacaqı və ədalətlə baxacağı vədinə görə məhkəmə iclasına gəldim və onun hakim səriştəsizliyi ilə bərabər savadsızlığı ilə yanaşı Aydın Əli-Zadəyə işarələr etməsinin, onunla “göz-qaşla” danışmasının belə şahidi oldum. Məsələn, Aydın Əli-Zadə mənim üçün Ülviyyə Şükürovaya onın işarəsi ilə “bunun psixi vəziyyəti öyrənilsin” – dedi. Məhz bu işarəli təklif Ülviyyə Şükürovanı mənim yadıma saldı. Necə deyərlər, “o xatırladım gül satan qız”... Əlbəttə Ülviyyə Şükürova gül satan qız deyildi mənim yaddaşımda. O Sabunçu rayon prokurorluğunda prokuror köməkçisi işləyəndə arxivdən xitam verilmiş işi çıxarıb “satmışdı” və günahsız gəncin 4 il həbs edilməsinə səbəb olmuşdu. Həmin gənc mənim yaxın qohumum olduğu üçün “mübarizə” aparırdım, bu isə onun ziyanına idi. Çünki arxivdən xitam verilmiş İŞİ çıxaran məmur kimi söz səlahiyyət sahibinə “gəlirdi”... Bu zaman Ülviyyə Şükürova mənim üçün psixatrik briqada çağırmışdı. Mən “nə etdiyimi” bilən və əksinə çox ağıllı adam olaraq briqadanın həkiminə məni dəlixanaya aparmasını əmr etdim. O, sanki vərdişkar idi.Dedi ki, mən axmaq deyiləm ki, şikayətə gələni aparım, deyib getmişdi. Mən özümdən xəbərsiz bu saxlanılmam, hətta Xəbərdarlıq almam məsələsindən 6 saatlıq həbsimdən “azadlığa” çıxan kimi SƏS tv-də, media orqanlarında məlumatlar yaydım və prokuror köməkçisi Ülviyyə Şükürova deyil, onun əvəzindən əsas məmur “işə düşdü”. Mən Avropa məhkəməsinə Şükayət göndədim. Çox tezliklə qəbul edildi. Baş prokurorluqdan mənə ərizəmi geri götürmək təsiri oldu. Daha sonra çox-çox sular duruldu və günahsız gənc cəzadan yarıdan azad edildi.
Bu məsələni mən Ülviyyə Şükürovanın Aydın Əli-Zadəyə “göz-qaşla” işarələr etməsi və onun 2 il davam edən 10-dan çox məhkəmə proseslərindən yalnız 25 dekabrda mənim psixi durumumu ekspertiza edilməsini istəməsi ilə bağlı xatırlatdım. Onu da qeyd edim ki, Aydın əli-Zadə yaxşı bilir ki, mən dəli yox, Azərbaycan xalqının Ulu öndəri Heydər Əliyevin tədqiqatçısıyam. Elə həmin iclasdan 15 gün əvvəl - 10 dekabrda mənim Heydər Əliyev haqqında “Heydər Əliyevin Böyük Siyasət Yolu” adlı fundamental monoqrafiyamın təqdimat mərasimi olub. Geniş məruzə etmişəm. A.Əli-Zadə mənim şöbə müdiri və dolğun fəaliyyətiə malik alim olduğumu da yaxşı bildiyi və ən əsas məsələ özünün “əl-qolla” danışa-danışa küçələri gəzməsi ilə, tərbiyəsiz yazılar yazması ilə əsl mənada dəli təəssüratı yaratdığına bələd olduğu üçün heç vaxt mənim dəli olduğumu ağlından keçirməzdi. Bu Ülviyyə Şükürovanın məqsədli “işarəsi” idi!

Indi isə, elə bu istiqamətdə suallarımı verirəm, belə hakimi qoruyanlara, hakim nöqsanlarına göz yumanlara: Ülviyyə Şükürova yuxarıda göstərdiyim faktlar olduğu halda – Avropa məhkəməsinin xeyrimə olan Qərarında əsas füqur olduğu halda və üstəlik eyni adamlarla olan 2 işə - xüsusən də cavabdeh kimi mənim ünvanım Səbail rayonu ərazisi olmadan baxdığı halda 25 dekabrda ona verdiyim ETİRAZdan sonra heç olmasa “ayılıb” özünə Etiraz verməli idi, ya yox?! Əlbəttəki verməli idi! ETİRAZımı saya salmamaqla və özünə ETİRAZ Verməməyi ilə də o bu işə öz marağına görə - ya rüşvətə ya da tapşırığa görə baxdığını təsdiləmiş oldu. Bəzən Allah quluna kömək olur, qul öz marağına hərisliklə Allahın köməyindən imtina edir. Fikrimcə, Ülviyyə Şüküova məni güclə çağırdığı iclasında heç olmasa “göz-qaşla“ işarə verməməli idi. Yəni “ələ keçmməzdi”! Mən onu – arxivdən xitam verilmiş işi çıxarıb, satan “qızı” xatırlamazdım... Azər Tağıyevin onun qarşısında dayanıb nə, nələrsə diktə etməsinə də “göz-qaşla“ cavab vermişdi.
Qayıdıram bu ləğv olunmuş 2 Qərarın inisiatorçu – 19 mart – xeyrimə Qərarın məhkəmə baxışını Səbail rayon məhkəməsində sədrin yeni olması fürsətindən istifadə edib yenə icraatına almış Azər Tağıyevin mənə olan qərəzinin sübutu məsələsinə. Belə ki, o ittihamçı olduğum məhkəmə işində Aydın Əli-Zadə kimi Azərbaycan Dövlətini və Xalqını 100 dəfələrlə təhqir edən vətən xaininə “nə müqabilindəsə” tərəf olaraq məni mənim üçün CİNAYƏT İŞİ AÇACAĞI ilə də təhdid edib. BU FAKTA GÖRƏ DƏ ONUN MƏNİM XEYRİMƏ OLAN ŞİKAYƏTİMƏ BAXMAĞA HAQQI YOXDUR! BİLİRƏM, TƏKİD EDİR BAXMAĞA! ÇÜNKİ YARIMÇIQ İŞİ BİTİRMƏYƏ MARAQLIDIR. XEYRİ OLMASA İŞ QƏHƏT DEYİL Kİ?! KONVEYR ÜSULU İLƏ İŞLƏYİRLƏR...GÜNDƏ ONLARLA İŞƏ BAXIRLAR.
TƏKRAR EDİRƏM: 19 mart 2025-ci il tarixdə Bakı Apellyasiya məhkəməsi Ülviyyə Şükürovanın bu saxta və savadsız Qərarını – yəni Səbail rayon məhkəməsinin EYNİ İŞ ÜZRƏ 2-Cİ QƏRARINI LƏĞV EDİB IŞ ynidən baxılması üçün bu məhkəməyə göndərildikdə yuxarıda geniş bəhs etdiyim kimi əvvəldən Aydın Əli-Zadə ilə əlbir olan Azər Tağıyevə verilməsi bu məhkəməyə sədrin yeni təyin olunması, baş verənlərdən xəbərsiz olması ilə də bağlı ola bilər. ANCAQ BU İŞƏ AZƏR TAĞIYEVİN HƏRİSLİKLƏ “SAHİB ÇIXMASI” qanunlara da, İNSAN HÜQUQLARINA da ziddir və ölkəmizlə bağlı növbəti mənfi Rəyin yaranması ilə nəticələnəcəyi indidən bəllidir.
Aydın Əli-Zadə mənim haqqımda ona əxlaqsız təklif etdiyim barədə minlərlə üzvü olan Facebook sosial şəbəkəsində status paylaşıb. Dostları bu statusa əxlaqsız rəylər bildiriblər. Guya mən ona əxlaqsız təklif etmişəm. O da "şeyxlərin cinsiyyəti olmur, mən bunu edə bilmərəm" - məzmunda status paylaşıb. Səhəri gün də açıq surətdə ad-soyadımı yazmaqla məni nəzərdə tutduğunu bildirib. Aydın Əli-Zadə məhkəməyə verdiyimdə qorxaqcasına ""mən kişi deyiləm"- deməklə cinayətindən qaçmağa çalışır. Ülviyyə Şükürova görünür belə əxlaqsız təhqirlərdən çox edşidib ki, elə ağır təhqir üçün artıq ləğv olunmuş Qərarında təhqir yoxdur, yazır! Hər bir Azərbaycanlı anlayır ki, bu təhqirdir. Ülviyyə Şükürova ona haqq qazandırmaqla çirkin rüşvət marağının üstünü açdı. Mən Məhkəmə Ekspertiza Mərkəzinin qiymət verməsini tələb edirəm. Spartakdır, trans genderdir Aydın Əli-Zadə özü bilər, mən Ədalət tələb edirəm.

Aydın Əli-Zadə mənim üçün "AMEA-da DAĞIDICI FƏALİYYƏTLƏ MƏŞĞUL OLAN XATİRƏ QULİYEVA" MƏZMUNDA STATUS PAYLAŞIB. Halbu ki, mən 40 ildir ki, həyatımı Azərbaycan elminin inkişafına fəda etmişəm.
Başda Ulu öndər Heydər Əliyevə həsr olunmuş 3 fundamental monoqrafiya, dünya şöhrətli alim Lütfi Zadə haqqında Avropada 7 dildə çap olunmuş momoqrafiya olmaqla 9 fundamental tədqiqat əsərinin, xaricdə və ölkədə nəşr edilmiş 100-dən çox elmi məqalənin müəllifiyəm.
8 ildir ki, Prezident İlham Əliyevin Sərəncamı ilə AMEA-da yaradılmış “Multikulturalizm və Tolerantlıq fəlsəfəsi” şöbəsinin müdiriyəm.
Eyni zamanda ““Nəsimi” Suriya-Azərbaycan Dostluq Cəmiyyəti”ictimai Birliyinin sədri, Cahan+ qazetinin internet versiyası cahanplus.com saytının rəhbəriyəm.
Əsərlərimdən bəzilərinin şəkillərini paylşıram.


Aydın Əli- Zadə mənim bu və digər bütün əsərlərimin altından SAXTAKARLIQLA PROFESSORLUĞA TÖVSİYYƏ OLUNMUŞ - CÜMLƏSİNİ YAZDIRIB VƏ İNTERNETDƏ HANSI ƏSƏRİMİN ADI YAZILSA BU BÖHTAN, TƏHQİR CÜMLƏ ÇIXIR!
Həmçinin Aydın Əli- Zadə mənimlə öz ŞƏKLİNİ fotoşopla düzəldilmiş şəkildə qoşa verdirdiri bir media yazısında da mənim SAXTAKARLIQLA PROFESSORLUĞA TÖVSİYYƏ OLUNDUĞUM barədə məlumat verib. Onlarla sayt da bu yalanı yayıb. Halbuki mən professorluq üçün heç ərizə belə verməmişəm. O, bu çirkin təhqirindən, böhtanından zövq alaraq həmin saxta məlumatlarla olan yazını şəxsi saytına yerləşdirib. Baxın:

BU da bir həqiqətdir ki, İŞƏ baxıb Azər Tağıyevinn təsiri altında Qanunsuz Qərarlar qəbul etmiş və Qərarları LƏĞV edilmiş Şəhla Süleymanova və Ülviyyə Şükürova özlərinə ETİRAZ verdikləri halda mediada 1 neçə məqalədə, Inam Kərimova SAYSIZ-HESABSIZ ŞİKAYƏT ƏRİZƏLƏRİMDƏ mənə qarşı zorakılığından yazdığım, qanunsuz qərarlarını tənqid etdiyim Azər Tağıyev niyə işə baxmağa təkidlidir?! Məhz bu fakt onun bu İŞƏ baxmağa maraqlı olduğundan xəbər verir və o artıq 2 may 2025-ci il tarixinə hazırlıq iclası günü də təyin edib. Hətta o, Vəkil Mərkəzindən Aydın Əli-Zadənin hüquqlarını müdafiə etmək üçün vəkil də istəyib. Amma Ülviyyə Şükürova heç məni müdafiə etmək üçün Vəkil istəməmişdi...
Mən media ilə mənim xeyrimə olan 19 mart 2025-ci il tarixli Apellyasiya Qərarına uyğun məhkəmə baxışını Səbail rayon məhkəməsinin hakimi Azər Tağıyevin keçirməsinə ETIRAZIMI bildirirəm!



Mənim şikayətim erməni vikipediyalarında təbliğ olunan yeganə azərbaycanlı, Azərbaycanlıları “oğra – lıqda” çempion adlandıran (ey onun dostları kişilər o söyüş kişilərə aiddir və Sizi bunda çempion adlandırır!..), “Xalq şairləri Musa Yaqubun, Sabir Rüstəmxanlının, deputat Tənzilə Rüstəmxanlının, HafizHacıyevin və başqalarının onu tənqidinə “Azərbaycanlıları ancaq əzmək lazımdır”- kimi cavab verən, 100-lərlə erməninin olduğu Facebook səhifəsində “Xatirə mən erməniyəm! Məcbursan dözməyə, eyni ölkənin övladlarıyıq” yazıb- hayqıran Aydın Əli-Zadənin məni ən əxlaqsız statusla təhqir etməsi, ciddi məsələlərdə mənə böhtanlar atması ilə bağlıdır . İttihamçı qadını, ziyalı alimi, əlil qadın vətəndaşı iri gövdəsi ilə - zorakılıqla öz marağına uyğun Qərar elan etmək üçün zala qaytaran milli mentalitet hisslərinə və qanunla qorunan hüquqlara hörmət edə bilməz! Eyni zamanda Azər Tağıyev öz marağında olduğu Qərarı müqəddəs Azan səsində elan etmişdir ki, bu onun qanunlara, qaydalara və dini inanc kimi ilahi ədalətin varlığına hörmətsiz xarakterinin ifadəsidir. VAR QANUNLARDA ittihamçıya zor işlətmək?! VAR QANUNLRDA AZAN SƏSİNDƏ QƏRAR ELAN ELƏMƏK?! VAR QANUNLARDA İCLAS KEÇİRƏN HAKİMİN QARŞISINDA DAYANMAQ, SONRA İTTİHAMÇI OTURAN STOLDA OTURMAQ?! VAR QANUNLARDA ŞİKAYƏT VERƏNLƏ TƏKLİKDƏ GÖRÜŞMƏK?! VAR QANUNLARDA ŞİKAYƏTİ ŞİKAYƏT EDİLƏNƏ GÖNDƏRMƏMƏK?! YOXDUR! DEMƏLİ, AZƏR TAĞIYEV HƏM VƏTƏNDAŞA, HƏM QANUNLARA HÖRMƏTSİZDİR VƏ MƏNİM İŞİMƏ BELƏ HAKİM BAXMASIN!
Azər Tağıyev bilir ki, mən onun keçirdiyi məhkəmə iclasına gəlməyəcəyəm və bununla aldığı rüşvət və ya tapşırıq BİRDƏFƏLİK həll olunacaq... MƏN İSƏ Konstitutsion Hüququm olan məhkəmə mühakiməsi, cinayətkarın cəzalanmasını istəyirəm.
Bu media ilə ETIRAZIMDA mən Azər Tağıyevin hakimə yaraşmayan əməllərini xatırlatdım. Sonda onu da qeyd edim ki, Aydın Əli-Zadə 25.12.2025 tarixli iclasda Ülviyyə Şükürovaya müraciətlə mənə həmin təhqir-böhtanlardan xəbəri olmadığını, mənim foto-şopla düzəldib onu məhkəməyə verdiyim BÖHTANINI DA atmışdır. Mən onun digər təhqir və böhtanlar kimi bu ziyalıya yaraşmayan böhtanın da mənə atmasına məhkəmə qiyməti xahiş edirəm.
HÖRMƏTLI SƏLAHIYYƏT SAHIBLƏRI! Əgər Sizlər Azərbaycan Dövlətinin Məhkəmə-Hüquq Sisteminin gücləndirilməsi, Avropada faktlarla tənqid olunmamasını tərəfdarısızsa, Azər Tağıyevin qanunlara hörmətsizlik, qeyri-dövlətçilik mövqeyi, milli mentalitetə zidd xarakter nümayiş etdirməkə həyatını xalqın elminin tərəqqisinə fəda etmiş 40 ilin alim-ziyalısının, 2-ci qrup əlilin səhhətimə zərər vurmasını istəmirsinizsə Xüsusi İttihamçı olduğum İş № 1(009)-195/2025 üzrə başqa hakim təyin edin, ədalətin bərpa olunması üçün onun digər hakimlərə də təsirinin qarşısını alın. Bu ETIRAZIMDA yazılanlar həqiqətdir. Necə ki, EYNI IŞ ÜZRƏ APELLYASIYA MƏHKƏMƏSININ XEYRIMƏ OLAN 2 QƏRARINDAKI )tənqidlər nə qədər hakimlərin qadın olmasına bağlı yumşaq, nəzakətlə olsa da) MÜDDƏALAR HƏQIQƏTDIR!..


AYDIN ƏLİ-ZADƏ HAQQINDA FAKTLARLA TƏNQİDİ MƏQALƏLƏRİMDƏN BƏZİLƏRİ.TANIŞ OLUN VƏ GÖRÜN Kİ, AZƏR TAĞIYEV VƏ MÜSTƏQİLLİYİNİ HARAMA QURBAN VERMİŞ ÜLVİYYƏ ŞÜKÜROVA, ŞƏHLA SÜLEYMANOVA KİMİN TƏRƏFİNDƏDİRLƏR

BİZƏ ƏDALƏTLİ QƏRARLAR VERİN!..
https://cahanplus.com/gundem/5629-bize-edaletli-qerarlar-verin.html

Hakim Ülviyyə Şükürovanın YEKUN MƏHKƏMƏ AKTI: AR CPM-nin 293.3.1. və 293.3.7 maddələri – HA-HA-HA SAVADSIZLIQ YOXSA SAXTAKARLIQ?!
https://cahanplus.com/gundem/5601-hakim-ulker-sukurovanin-yekun-mehkeme-akti-ar-cpm-nin-2931-ve-29337-maddeleri-ha-ha-ha-savadsizliq-yoxsa-saxtakarliq.html

HAKİM ŞƏHLA SÜLEYMANOVANIN İKİÜZLÜ QƏRARININ AQİBƏTİ, SÜDQABI MƏSƏLƏSİ VƏ "HEÇ-HEÇƏ" PLANI
https://cahanplus.com/gundem/5471-hakim-sehla-suleymanovanin-ikiuzlu-qerarinin-aqibeti-sudqabi-meselesi-ve-hec-hece-plani.html

II HİSSƏ. HAKİM ŞƏHLA SÜLEYMANOVANIN İKİÜZLÜ QƏRARININ AQİBƏTİ, SÜDQABI MƏSƏLƏSİ VƏ "HEÇ-HEÇƏ" PLANI
https://cahanplus.com/gundem/5473-ii-hisse-hakim-sehla-suleymanovanin-ikiuzlu-qerarinin-aqibeti-sudqabi-meselesi-ve-hec-hece-plani.html

O ERMƏNİ VİKİPEDİYASINDA TƏBLİĞ OLUNUR
https://cahanplus.com/gundem/5475-o-ermeni-vikipediyasinda-teblig-olunur.html
https://cahanplus.com/gundem/5474-azerbaycan-dovletini-ve-xalqini-oniller-boyu-tehqir-eden-ermenini-bizimle-muqayisede-uca-tutan.html

AZƏRBAYCAN DÖVLƏTİNİ VƏ XALQINI ONİLLƏR BOYU TƏHQİR EDƏN, ERMƏNİNİ BİZİMLƏ MÜQAYİSƏDƏ UCA TUTAN


İKİ TARİXÇİ ALİMİN AYDIN ƏLİ-ZADƏNİN AZƏRBAYCAN ƏLEYHİNƏ MƏQALƏSİNƏ RƏY VERMƏKDƏN İMTNA ETMƏSİNİN ƏSASLARI
https://cahanplus.com/gundem/5551-iki-tarixci-alimin-aydin-eli-zadenin-azerbaycan-eleyhine-meqalesine-rey-vermekden-imtna-etmesinin-esaslari.html

TANIŞ OLUN! SAXTAKARLIQLA AAK-a PROFESSOR ADI ÜÇÜN TÖVSİYYE OLUNMUŞ AYDIN ƏLİZADƏ BUDUR
https://cahanplus.com/gundem/4898-tanis-olun-saxtakarliqla-aak-a-professor-adi-ucun-tovsiyye-olunmus-aydin-elizade-budur.html

İlham "məlimin" Aydın “MƏLIMİNİN” (A.Əli-Zadənin) AZƏRBAYCAN DÖVLƏTİNİN ƏLEYHİNƏ Yazıları və Çıxışları(çox lakonik)
https://cahanplus.com/gundem/5252-lham-melimin-ilham-melimin-aydin-meliminin-aeli-zadenin-azerbaycan-dovletinin-eleyhine-yazilari-ve-cixislari.html

AYDIN ƏLİ-ZADƏNİN ERMƏNİ MEDİASINDA AZƏRBAYCAN DÖVLƏTİNİN ƏLEYHİNƏ YAZILARI VƏ ÇIXIŞLARı
https://cahanplus.com/gundem/5258-aydin-eli-zadenin-ermeni-mediasinda-azerbaycan-dovletinin-eleyhine-yazilari-ve-cixislari.html

I HİSSƏ, Aydın Əli-Zadə ÖZÜN İTTİHAM OLUNMALISAN!.. “Qaziya Tək Gedən Razı Gələr”...
https://cahanplus.com/gundem/5231-aydin-eli-zade-ozun-ittiham-olunmalisan-qaziya-tek-geden-razi-geler.html
II HİSSƏ, Aydın Əli-Zadə ÖZÜN İTTİHAM OLUNMALISAN!.. “Qaziya Tək Gedən Razı Gələr”...
https://cahanplus.com/gundem/5232-ii-hisse-aydin-eli-zade-ozun-ittiham-olunmalisan-qaziya-tek-geden-razi-geler.html


NİZAMİ RAYON MƏHKƏMƏSİ ONUN BÖHTAN, CƏFƏNGİYYATDAN İBARƏT ŞİKAYƏTİNİ RƏDD ETDİ.. MƏN DAVAM EDƏCƏYƏM!
https://cahanplus.com/gundem/5271-nizami-rayon-mehkemesi-onun-bohtan-cefengiyyatdan-ibaret-sikayetini-redd-etdi-men-davam-edeceyem.html

ONUN DOSTLARI DÜŞMƏNLƏRİMİZ VƏ MƏHKƏMƏNİ ALDATMASI HAQQINDA
https://cahanplus.com/gundem/5268-onun-dostlari-dusmenlerimiz-ve-mehkemeni-aldatmasi-haqqinda.html


BELƏCƏ ONLARLA MƏQALƏ VƏ TƏNQİDİ STATUSUMLA ƏSLİNDƏ (AR DTX- DAN GÖZLƏNTİ HƏDDİM DEYİL), MƏN AYDIN ƏLİ-ZADƏNİ ÖMÜRLÜK HƏBS ETMİŞƏM. DAHA BİZİM XALQI VƏ DÖVLƏTİ ALÇALDAN, ERMƏNİLƏRİ İSƏ "DAĞA QALDIRAN" 1 CÜMLƏ DƏ YAZMIR.

Nərimanov Rayon İcra Hakimiyyəti Nərimanov rayonu Təbriz, Həsənoğlu və A.M.Cümə küçələrinin kəsişməsində yerləşən torpaq sahəsini eyni anda iki şirkətə satıb.

TEREF xəbər verir ki, bununla bağlı "Star City Construction" MMC şirkəti tərəfindən Publika.az-a şikayət ərizəsi daxil olub.

Bildirilib ki, Bakı Şəhər Nərimanov Rayon İcra Hakimiyyəti Başçısının 296 saylı, 16 iyul 2018-ci il tarixli "çoxmərtəbəli yaşayış binalarının layihələndirilməsi haqqında" sərəncamı ilə Nərimanov rayonu Təbriz, Həsənoğlu və A.M.Cümə küçələrinin kəsişməsində yerləşən 4,44 ha torpaq sahəsi "Star City Construction" MMC-nin daimi istifadəsinə verilib.

Bu sərəncamdan sonra, "Star City Construction" MMC tərəfindən ərazini layihələndirilmə-planlaşdırma işlərinə başlanılıb. Ərazinin tikinti-planlaşdırma eskizi və izahat yazısı Azərbaycan Respublikası Dövlət Şəhərsalma və Arxitektura Komitəsinin Bakı Dövlət Layihə İnstitutu tərəfindən hazırlanıb, təsdiq edilib. Həmçinin Dövlət Şəhərsalma və Arxitektura Komitəsinin eskiz layihəsinin razılaşdırılması barədə 14.03.2018-ci il tarixli məktub verilib.Lakin bütün bunlardan sonra məlum olub ki, eyni torpaq sahəsi "Ailə Park" MTK adlı bir şirkətə də ayrılıb. Məsələ ilə bağlı "Star City Construction" MMC tərəfindən dərhal Nərimanov Rayon və Bakı Şəhər İcra Hakimiyyətlərinə, Azərbaycan Respublikası Nazirlər Kabinetinə çoxsaylı rəsmi müraciətlər edilib. Lakin uzun müddət heç bir rəsmi cavab verilməyib.

Həmçinin qeyd edilib ki, Nərimanov Rayon İcra Hakimiyyəti əvvəlki sərəncamın (“ESRA” MMC ilə bağlı olan hissə) ləğvini nəzərdə tutan 01.10.2018-ci il tarixli, 356 saylı sərəncama “Star City Construction” MMC-yə aid 16.07.2018-ci il tarixli, 296 saylı sərəncamın da ləğv olunması barədə bənd əlavə edib. Bununla bağlı da əvvəlcədən heç bir xəbərdarlıq edilməyib.

Beləliklə, 16 iyul 2018-ci il tarixli "Star City Construction" MMC-ə aid sərəncam hazırda qanuni qüvvəsindədir. Lakin aradan 5 aydan çox vaxt keçməsinə baxmayaraq Nərimanov Rayon İcra Hakimiyyəti tərəfindən iş üzrə dərhal qanuni qüvvəsini almış Azərbaycan Respublikası Ali Məhkəməsinin 20.09.2024-cü il tarixli Qərarın icrası ilə bağlı heç bir addım atılmayıb. Ərazidə "Ailə Park" MMC tərəfindən işlərin aparılması da hələ də dayandırılmayıb.

Şirkət iddia edir ki, Azərbaycan Respublikası Prezidentinin Administrasiyası tərəfindən verilmiş tapşırıqlar belə yerinə yetirilmir.

Məsələ ilə bağlı mövqe öyrənmək üçün dəfələrlə Nərimanov Rayon İcra Hakimiyyəti ilə əlaqə saxlamağa çalışdıq, həmçinin sorğu ünvanladıq. Əvvəl mövqe bildirəcəkləri ilə bağlı vəd verilsə də, daha sonra heç bir sualımıza cavab verilmədi.

Yaqub Asadi Bakı sakini olan xanımın burnunu kosmetik əməliyyat edərkən qeyri- peşəkarlığa yol verib?

Şikayətçi Cabbarova Aygün “MedAura” klinikasında 31.05.2024-cü ildə ona ödədiyi 3000 manatını və 30.11.2024-cü ildə ikinci dəfə əməliyyat üçün ödədiyi 2800 manatı əməliyyat xərcini geri tələb edir.

Bakı şəhər sakini Cabbarova Aygün XALQ.AZ-a şikayət məktubu yazaraq məsələni ictimayyələşdirməyimizi xahiş edir.

Şikayətçi “MedAura” klinikasının həkimi Yaqub Asadini qeyri-peşəkarlıqda ittiham edir.

Aygün Cabbarovanın sözlərinə görə, adıçəkilən həkim onun burnunu düzgün əməliyyat etməyib:

Daxil olan şikayətdə bildirir ki, qəza keçirtdiyinə görə nəfəs almaq problemi var idi. “MedAura” klinikasına müraciət etdim. Lor-cərrah Yaqub Asadi 31.05.2024-ci ildə 3000 manat ödəniş alaraq məni əməliyyat etdi. Burnumda tikiş izləri və burnumda əyrilik olduğu üçün, assemetriya düz olmadığını bildirdim yenidən 30.11.2024-ci ildə 2800 manat ödənişlə məni təkrar əməliiyat etdilər. Lakin bu gün burnum çürüyür, və iltihab axır. “MedAaura” klinikasına baş həkimi Nigar Məhəmmədovaya müraciət etsəmdə heç bir tədbir görmür və məni aldadırlar.

Çox təəssüf ki, həkimin qeyri-peşəkarlığı nəticəsində burnum əvvəkindən də pis vəziyyətə düşüb”. Aygün Cabbarova deyir ki, qarşılaşdığı problemlə bağlı həkim Y.Asadiyə şəxsən etirazını bildirib. Şikayətçi deyir ki, əməliyyatdan 1 il keçməsinə baxmayaraq üzəmdə tikiş izləri qalıb, burnum da çürüyür. Mən bununla bağlı artıq Səhiyyə Nazirliyinə,Baş Prokuroluğa müraciət etmişəm. Lazımi hüquqi tədbirlər görülməsini xahiş edirəm.

Qeyd edək ki, şikayətçinin müraciəti ilə bağlı əməkdaşımız “MedAura” klinikasının həkimi Yaqub Asadi ilə əlaqə saxlayıb, o jurnalist olduğumuzu pasiyentin şikayəti əsasında ona sual verdikdə pasiyenti ağır formada təhqir edərək dəstəyi asdı. Bu kimi halla həkim peşə etikasına zidd davranış nümayiş etdirərək, Yaqub Asadinin tibbi elmləri doktoru olması belə şübhə altına alır. “MedAura” klinikasının baş həkimi Nigar Məhəmmədova ilə əlaqə yaratmaq mümkün olmadı .

Qeyd edək ki, sosial platformada və mətbuatda müxtəlif vaxtlarda “MedAura” klinikası ilə bağlı xoşəgəlməz pasiyent şikayətləri yayımlanır. “MedAura” klinikasında əməliiyatdan sonra problem yaranan minlərlə şikayətçi var.

Amma nədənsə Səhiyyə Nazirliyi bu məsləyə göz yumur.

Sonda şikayətçi xəstələrə çağırış edərək mənim kimi əziyyət çəkmək istəmirsizsə “MedAura” klinikasına müraciət edib əməliyyat olunmayın. Orada qeyri peşakar həkimlər üzünüzdə, səhhətinzdə qüsurlar yaradacaq və hayatınız, səhhətiniz məhv olacaq deyə qeyd edib.

Yazıda adları keçənlərində münasibətini dərc etməyə hazırıq

TEREF XALQ.AZ-a istinadla şikayətçinin həkim Yaqub Asadinin əməliyyatının problemlərini təqdim edir:

“AAAF Park” Yaşayış Kompleksinin girişindəki Ümummilli Lider Heydər Əliyevin posterinin və dövlət atributları olan guşənin sökülərək yerində inşa edilən obyektdə bağlı məlumat vermişdik. Bildirmişdik ki, iş adamı, qanunsuz inşa edilən obyektin sahibi Vüqar Sədibəyli Heydər Əliyevin posteri və dövlət atributlarını sökdürərək maşın dayanacağına yerləşdirib.

Qeyd edək ki, Abşeron Rayon İcra Hakimiyyəti səslənən ittihamlara reaksiya verib. Qurumun mövqeyini olduğu kimi dərc edirik: "Araşdırma zamanı müəyyən olmuşdur ki, Abşeron rayonu, Xırdalan şəhəri, H.Əliyev prospekti 167 ünvanında “AAAF-Park” yaşayış kompleksinin daxilində vətəndaş Vüqar Sədibəyli mülkiyyətində olan 0.12 ha yaşayış məntəqələri təyinatlı torpaq sahəsində tikinti işlərinin aparılması məqsədilə 15.10.2024-cü il tarixli, EDO-20756/2024 nömrəli məktubla Azərbaycan Respublikasının Dövlət Şəhərsalma və Arxitektura Komitəsinə tikinti niyyəti barədə müraciət etmiş, lakin vətəndaş tərəfindən məlumatlandırma-icraatı çərçivəsində daxil olmuş ərizənin nəticəsini gözləmədən tikinti işlərinə başlanmışdır. Abşeron Rayon İcra Hakimiyyətinin əməkdaşları tərəfindən vətəndaş V.Sədibəyliyə aparılan tikinti işlərinin dayandırılması ilə bağlıciddi şəkildə xəbərdalıq olunmuş, qanunsuzluğun qarşısının alınması və ərazinin nəzarətdə saxlanılması məqsədilə aidiyyəti üzrə qurumlara məlumat verilmişdir".

Xeberci.az xəbər verir ki, Dövlət Şəhərsalma və Arxitektura Komitəsinin rəsmi icazəsi olmadan tikilən obyektin ümumi sahəsi 700 m(2)-dir.

Digər aidiyyatı qurumlar – FHN-nin Tikintidə Təhlükəsizliyə Nəzarət Dövlət Agentliyi və Abşeron rayon İcra Hakimiyyəti də sözügedən qanunsuz obyektin tikintisinə müdaxilə etməyib.

Qanunsuz tikintinin aparıldığı dövrdə Abşeron rayon İcra Hakimiyyəti və Dövlət Şəhərsalma və Arxitektura Komitəsi heç bir qanuni addım atmayıb.

Qeyd edək ki, “AAAF Park” Yaşayış Kompleksinin girişində inşa edilən bu obyekt Şəhərsalma və Tikinti Məcəlləsinin məskunlaşma sistemi, zonalaşdırma və ərazi zonaları barədə olan müddəalarını kobud surətdə pozur.

Eyni zamanda Məcəllənin konkret olaraq 4.1-ci maddəsi – ekoloji təhlükəsizlik və ətraf mühitin mühafizəsi də burada tapdanıb.

Qarşı tərəfin mövqeyini dərc etməyə hazırıq.