 |
|
|
Son dövrlərdə Bakı şəhərinin Sabunçu rayonunda qanunsuz tikinti halları misli görünməmiş şəkildə artıb. Bu artım sadəcə təsadüfi və ya nəzarətsiz fəaliyyət deyil – bu, sistemli bir biganəliyin, şəxsi maraqların və vəzifə səlahiyyətlərinin sui-istifadəsinin nəticəsidir. Bu xaotik vəziyyətin mərkəzində isə Sabunçu Rayon İcra Hakimiyyətinin başçısı Adil Vəliyev dayanır.
Qanunların açıq-aşkar tapdanması:
"DogruXeber.az" bildirir ki, Sabunçu və Zabrat qəsəbələrində, o cümlədən Elşən Mehdiyev küçəsində heç bir sənədi olmayan, hüquqi statusu bilinməyən evlər kütləvi şəkildə inşa olunur. Daha dəhşətlisi isə odur ki, bu proses neft şirkətinə məxsus və dövlət mülkiyyətində olan ərazilərdə, eləcə də kənd təsərrüfatı təyinatlı torpaqlarda həyata keçirilir. Bu, təkcə torpaq qanunvericiliyinin pozulması deyil – bu, Azərbaycanın dövlət mülkiyyətinə qarşı açıq hücumdur.
Ramanı kəndində baş verənlər isə artıq hüquqi anarxiyanın bariz nümunəsidir. Kənd təsərrüfatı təyinatlı torpaqlarda ev tikintisinə icazə verilməsi torpaq məcəlləsinin kobud şəkildə pozulması deməkdir. Bu ərazilər yalnız kənd təsərrüfatı məqsədləri üçün istifadə olunmalı olduğu halda, indi orada yaşayış məskənləri salınır. Sual yaranır: bu qədər açıq qanunsuzluq necə və niyə baş verir?
Adil Vəliyevin məsuliyyətsizliyi – yoxsa şüurlu göz yumması?
Bütün bu qanunsuz proseslərin Sabunçu Rayon İcra Hakimiyyətinin bilgisi xaricində baş verdiyini düşünmək sadəlövhlük olardı. Bu miqyasda tikinti fəaliyyəti, torpaq bölgüsü və obyekt tikintisi yerli hakimiyyətin tam bilgisi və razılığı olmadan mümkün deyil. Bu isə o deməkdir ki, Adil Vəliyev ya bu qanunsuzluqlara şərikdir, ya da onları dayandırmaq iradəsinə malik deyil. Hər iki halda, bu, dövlət məmuru üçün qəbuledilməzdir və cinayət məsuliyyəti daşıyır.
Bəzi mənbələrə görə, bu qanunsuz tikintilərin arxasında icra strukturlarına yaxın şəxslərin dayandığı, bu proseslərdən böyük pullar qazanıldığı iddia olunur. Əgər bu iddialar doğrudursa, onda Sabunçu rayonunda təkcə inzibati nəzarətsizlik deyil, həm də korrupsiya şəbəkəsi fəaliyyət göstərir.
Sakinlərin faciəsi: sənədsiz evlər, xidmətlərsiz həyat
Qanunsuz tikililərdə yaşayan sakinlər isə hüquqsuz və müdafiəsiz vəziyyətdədirlər. Sənədsiz evlərdə yaşayan ailələr qaz, su və elektrik kimi ən əsas kommunal xidmətlərdən məhrumdurlar. Onlar dövlətin sosial və inzibati xidmətlərinə çıxış əldə edə bilmirlər, çünki yaşadıqları ünvan qanunvericilikdə mövcud deyil. Bu isə vətəndaş hüquqlarının sistemli şəkildə pozulması, insanların faktiki olaraq “qeyri-leqal” mühitə məhkum edilməsi deməkdir.
Sabunçunun gələcəyi sual altındadır
Sabunçu rayonunda bu şəkildə davam edən qanunsuz tikintilər şəhərsalma prinsiplərini tamamilə məhv edir. Rayonun infrastruktur yükü artır, ətraf mühitə ziyan vurulur, sosial gərginlik yüksəlir. Planlaşdırılmamış urbanizasiya və sənədsiz məhəllələrin çoxalması gələcəkdə nəqliyyat, təhsil, səhiyyə və təhlükəsizlik sistemləri üçün ciddi problemlər yaradacaq.
Nəticə və tələb: Təcili istintaq və məsuliyyət
Adil Vəliyev və rəhbərlik etdiyi icra strukturları bu vəziyyətə görə məsuliyyət daşımalıdır. Hüquq-mühafizə orqanları, dövlət nəzarət qurumları bu qanunsuz tikintilərlə bağlı təxirəsalınmaz şəkildə araşdırma aparmalı, məsul şəxsləri cinayət məsuliyyətinə cəlb etməlidirlər. Qanunsuz tikintilərə yol verənlərə qarşı sərt tədbirlər görülməlidir ki, dövlətin qanunları heç kim üçün "göz yumula bilən" bir kağız parçası olmasın.
Bu, sadəcə Sabunçunun deyil, bütövlükdə dövlətin hüquqi nüfuzunun, vətəndaşların inamının və ədalətin təntənəsinin məsələsidir.
DogruXeber.az
“Məşhur plastik cərrah-onkoloq Könül Ağamirova məni 3 dəfə əməliyyat etdi, hamısı uğursuz alındı”.
"DogruXeber.az" xəbər verir ki, bu şikayətlə “Qafqazinfo”ya Aybəniz Zeyn adlı vətəndaş müraciət edib.
O bildirib ki, ötən il adıçəkilən cərrah tərəfindən sinə kiçiltmə əməliyyatından sonra həmin nahiyədə nekroz (canlı toxumalarda hüceyrələrin erkən ölümü) əmələ gəlib: “Əməliyyatım “Milana Hospital”da baş tutdu. Bundan sonra fəsadlar ortaya çıxdı. Sinəmdə nekroz əmələ gəldi və zamanla daha da pis vəziyyətə düşdüm. İkinci dəfə həkim məni əməliyyata götürərək nekrozu təmizlədi. Ancaq bu dəfə çox kobud tikişlər atıldı. Bir müddət sonra həmin tikişlər açıldı”.
İngiltərədə yaşayan Aybəniz Zeynin sözlərinə görə, bu əməliyyat üçün ümumilikdə 7 min manat ödəniş edib: “Artıq üçüncü dəfə məcbur qalıb yenidən eyni həkimin əməliyyatına girdim. Bu dəfə isə öz qarın bölgəmdən yağ alıb sinəmə vurdu. O da bir ay sonra töküldü. Bu həkim məni pis vəziyyətə qoyub. Sinəmdə fəsadlar yaranıb. Bu, bir cinayətdir. Mənə vurulmuş ziyanın qarşılığının ödənilməsini istəyirəm. Hazırda pis vəziyyətdəyəm, ödənişim geri qayıtsın ki, İngiltərədə müayinəyə başlayım. Digər şəxslər də bilməlidir ki, bu həkim düzgün seçim deyil. Məsələ ilə bağlı Səhiyyə Nazirliyinə və digər aidiyyəti qurumlara müraciət etmişəm”.
Məlumat üçün bildirək ki, bu ilin aprelində Səhiyyə Nazirliyi, Baş Prokurorluq, Daxili İşlər Nazirliyi və Elm və Təhsil Nazirliyinin səlahiyyətli nümayəndələrindən ibarət Xüsusi Təftiş Komissiyası fəaliyyətinə icazə verilən plastik cərrahların siyahısını açıqlayıb. Sözügedən həkimlərin siyahısında Könül Ağamirovanın adı yoxdur.
Şikayətçi saytımıza prosedurdan sonra bədənində yaranan yaraların, irinləmələrin və açılan tikişlərin fotosunu da göndərib. Oxucuların həssaslığını nəzərə alaraq, həmin şəkillərdən yalnız ikisini üstüörtülü formada yerləşdiririk:
İddialarla bağlı qarşı tərəfin mövqeyini öyrənmək üçün Könül Ağamirova ilə əlaqə saxladıq. O bu şikayətin reputasiyasına zərər gətirəcəyini deyərək ittihamlarla əlaqədar açıqlama vermək istəmədi.
Səhiyyə Nazirliyi Analitik Ekspertiza Mərkəzinə ünvanladığımız sorğuya cavab olaraq isə bildirildi ki, məsələ ilə bağlı həkim Könül Ağamirovanın aidiyyəti üzrə rəsmi izahatı götürülüb: “Özəl tibb fəaliyyəti haqqında” Azərbaycan Respublikasının Qanununa əsasən özəl tibb müəssisələrində xəstələrə göstərilən tibbi xidmətlərin tarifləri tibb müəssisələri ilə xəstələr arasında razılaşma yolu ilə müəyyənləşdirilir və tibbi xidmətin göstərilməsi tərəflər arasında bağlanmış müqavilənin şərtləri ilə tənzimlənir. Müraciətdə qeyd olunan faktın eyni zamanda mülki iş olduğunu, insan sağlamlığında yaranmış problemin məhkəmə-tibbi ekspertizası tərəfindən qiymətləndirilməsinin zəruriliyini və dələduzluq faktının araşdırılması məsələsinin Mərkəzin səlahiyyətlərinə aid olmadığını nəzərə alaraq, vətəndaşın təsdiqedici sənədlərlə birlikdə hüquq-mühafizə orqanlarına və ya bilavasitə məhkəməyə müraciət etmək hüququ olduğu Aybəniz Zeynalovaya bildirilib.
Aybəniz Zeynalovanın Bakı şəhərində yerləşən “Milana Hospital”ın həkimi Könül Ağamirova tərəfindən göstərilən tibbi xidmətdən sonra səhhətində yaranmış problem və əməliyyata görə ödənilmiş məbləğin geri qaytarılması ilə bağlı Səhiyyə Nazirliyinə daxil olan müraciətinə nazirliyin Analitik Ekspertiza Mərkəzində aidiyyəti üzrə baxılıb. Müraciətdə qeyd edilən faktın 2024-cü ilə təsadüf etməsi, eyni zamanda da şikayətçi tərəfindən ərizəyə müvafiq təsdiqedici sənədlərin (həkim Könül Ağamirova tərəfindən keçirilmiş əməliyyata dair rəsmi tibbi qeydiyyat sənədləri, xəstəlik tarixindən çıxarış və ya epikriz) əlavə edilmədiyindən, aidiyyəti müəssisədə qanunvericiliklə müəyyən olunmuş qaydada uyğun nəzarət tədbirinin keçirilməsi məqsədəmüvafiq hesab edilməyib. Əlavə olaraq bildirilir ki, Mərkəz tərəfindən həkim Könül Ağamirovanın vəzifə səlahiyyətləri araşdırılan zamanı onun müəssisədə direktorun müalicə işləri üzrə müavini vəzifəsinə təyin edilməsi müəyyən edilib. Könül Ağamirovanın aidiyyəti üzrə rəsmi izahatı götürülüb. Əldə olunan sənədlər araşdırma materiallarına əlavə edilib”.
Son günlər Bakıda yerləşən 201 nömrəli orta məktəb və onun direktoru Afaq Əliyeva haqqında səslənən fikirlərin ardı-arası kəsilmir. Belə ki, direktorun adı vəzifə səlahiyyətlərindən sui-istifadədə, bir sıra qanun pozuntularında, rüşvət və korrupsiyada, eləcə də öz işçilərini təhdiddə hallanır. Bütün bu sadalananları təsdiq edən maddi sübutlar, səs yazıları və digər sənədlər artıq mediada və sosial şəbəklərdə yayılıb. Hətta Afaq Əliyeva haqqında Bakı şəhər Təhsil İdaərsində araşdırılmalara başlanıldığına dair məlumatlar da var.
Lakin bu da son deyil. Afaq Əliyevanın adı indi də dövlət əmlakının talan edilməsində hallanır. Bu barədə ilginc məlumatlar TəhsilMedia.az saytının redaksiyasına daxil olub. Daxil olan məlumatlara görə, 30.08.2022-ci il tarixli əmrlə 201 nömrəli məktəb üzrə yaradılan inventarizasiya komissiyası təhsil ocağında 70 min 693 manat çatışmazlıq müəyyən edib. Məktəb üzrə məsul şəxs isə təsərrüfat işləri üzrə direktor müavini Sevil Fətəliyeva olub. O, pulun xərcləndiyi İKT avadanlıqlarının 2017-ci ildə məktəbdən oğurlandığını və ya yoxa çıxdığını deyib. Fətəliyeva izahatında bildirib ki, o, həmin vaxt məktəb rəhbərliyindən hüquq mühafizə orqanlarına məlumat verilməsini tələb etsə də, direktor buna qarşı çıxıb. Belə ki, rəhbərlik Sevil Fətəliyevanı hədələyib və onu susmağa məcbur edib.
2018-2022-ci illərdə direktor vəzifısini icra edən Nəriman Vəliyev və Rəhilə Məmmədova komissiyaya verdikləri izahatlarında məktəbdə illərlə inventarizasiyanin aparılmadığını, Bakı Şəhər üzrə Təhsil İdarəsinin (BŞTİ) mühasibatlığı tərəfindən tərtib olunan aktlara formal imza atdıqlarını bildiriblər. Ona görə də əvvəlki illərdə çatışmazlıq haqqında məlumat müəyyən edilməyib. Ancaq 30 sentyabr 2022-ci ildə inventarizasiya komissiyasının 5 üzvü və sədr Hüseynova askar edilən catışmazlıqlar barəsində inventarizasiya aktını və hesabatı tərtib edib imzalayıblar. Bundan sonra isə direktor Afaq Əliyevaya təqdim ediblər. Bu hadisədən 10 gün sonra, yəni 10 oktyabr 2022-ci ildə Afaq Əliyeva BŞTİ-nin 80 N-li əmri əsasında yaradılmış komissiya sədri kimi adıçəkilən idarənin mühasibatlığının nümayəndələri ilə birlikdə Maliyyə Nazirliyinin inventarizasiyanın aparılması qaydalarının ziddinə olaraq müəyyən edilmiş formada deyil, fərqli variantda yeni inventarizasiya aktı tərtib edib. Beləcə həmin aktda 70693 min manatlıq çatışmazlıgın 53000 min manatını qanunsuz şəkildə heç bir təsdiqedici sənəd olmadan (heç bir qüsur aktı, ləgvetmə aktı olmadan yeni sütunlar əlavə etməklə ) imzaları ilə rəsmiləşdirərək balansdan silib.
S.Hüseynovanın adı BŞTİ-nin 80 N-li əmrində olmamasna baxmayaraq qanunsuz şəkildə inventarizasiya aktına salınıb və imza etdirilib. Maliyyə Nazirliyinin müəyyən etdiyi qanunlara əsasən inventarizasiya müəssisələrdə 5 N-li əlavədə göstərilmiş forma üzrə aparılmalıdır. Afaq Əliyeva isə özündən icad etdiyi "QALIQ DƏYƏRİ", "SİLİNMƏ" sütunları olan forma yaradıb. Bu yolla da vəsaitin silinməsini həyata keçirib. Afaq Əliyevanın bu hərəkəti qaydaların ziddinə aparılan qanunsuz bir əməliyyatdır. Nəticədə 2017-ci ildən məktəbdən yoxa çıxan, lakin var olan kimi göstərilən 53000 min manatlıq vəsaitlər əsassız olaraq silinmə, qüsur və ləğv etmə aktı tərtib edilmədən balansdan silinib. Bu isə ciddi maliyyə pozuntusudur. İlkin dəyəri 53000 min manatlıq dövlət əmlakının talanmasının rəsmiləşdirilməsidir. Afaq Əliyeva oğurluq faktı barəsində rəsmi hesabat aldığı andan hüquq mühafizə orqanlarına dərhal məlumat verməli idi. O isə bu faktı gizlətməyi qərara alıb və məlumat vermək əvəzinə həmin əmlakı qanunsuz şəkildə məktəbin balansından silib. İnventarizasiyanın aparılması qaydalarında dəqiq göstərilib ki, çatışmazlığın dəyəri cavabdehlərdən avadanlığın ilkin alınma dəyəri ilə deyil, avadanlığın çatışmazlıq barəsində müəyyən edildiyi tarixdəki bazar qiyməti ilə tutulmalıdır. Yəni 2017-ci ildə 53000 min manat çatışmazlığın 2022-ci ildə bazar qiyməti təxminən 150-200 min manat məbləğində olub və bu qaydada hesablanmalıdır. Nazirlər Kabinetinin əsas vəsaitlərin silinməsi haqda Qaydalarında müəyyən edilib ki, 10 il ərzində oğurlanan, itən vəsaitlər haqda Daxili İşlər Nazirliyinin arayışı olmadan heç bir silinmə aparıla bilməz. Yəni 2022-də DİN-ə məlumat verilsəydi, silinmə 2032-də aparılmalı idi. Görünən odur ki, Afaq Əliyevanın qanunsuz əməlləri saymaqla bitmir və bütün bunlar onun haqqında ciddi araşdırılmalara başlamağı və vacib ölçü götürməyi tələb edir. Əks halda bu şəxsin vəzifədə qalması nəinki sözügedən məktəbin imicinə, eləcə də Təhsil Nazirliyinin və ümumilikdə dövlətin mənafeyini ciddi zərbə vurur. Bu səbəbdən də yuxarıda qeyd olunan faktların araşdırılması, dövlətə vurulmuş ziyanın dəqiq məbləğinin müəyyən edilməsi məqsədilə maliyyə yoxlamasının, maliyyə ekspertizasının təyin edilməsi zəruridir.
P.S. Yazıda adı keçən şəxslərin mövqeyini dərc etməyə hazırıq!
TəhsilMedia.az
Lerik rayon sakini Nuriyev Əlibala Təzəxan oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi bildirir ki, icra nümayəndələri oğlunu aldadaraq, obyektini söküblər:
“Mən, Nuriyev Əlibala Təzəxan oğlu, 3 övladım var. Hazırda 3-cü övladım müddətdən artıq hərbi xidmətdədir.
İkinci övladım Nurili Elsevər Alibala oğlu 2020-ci il sentyabrın 30-da könüllü olaraq Lerik rayon Hərbi Komissarlığından hərbi xidmətə yola salındı. Müharibədən qayıdandan sonra - 2021-ci ildə Xəzər rayon İcra Hakimiyyəti başçısının qəbulunda olarkən, bizim xahişimizlə oğluma Binə qəsəbəsində, "Mehriban Qonşular" adlanan yerdə, Şəhidlər bulağının qabağında bir balaca meyvə-tərəvəz dükanı açmaq üçün yer vermişdi. Oğlumun özünün də 2 uşağı var.
2025-ci ildə, yəni 20-25 gün bundan qabaq, möhtərəm Prezidentimiz İlham Əliyev zavodun açılışı ilə əlaqədar Binə qəsəbəsinə gələcəkdi. İcra Hakimiyyətinin işçiləri bildirdilər ki, sizin o dükanınızın görünüşü yaxşı deyil, sökülməlidir. Dedilər ki, söküb, yerində yenisini tikəcəyik. Hətta dəqiqliklə bildirdilər ki, cənab Prezident qayıdandan sonta tikinti üçün başlanılacaq.
Prezident gedəndən sonra Binə qəsəbəsinin icra nümayəndəsi Ərəstun adlı şəxs həmin əraziyə iki-üç ağac əkdi. Bu, bizi aldadıb, icra başçısının verdiyi yeri mənimsəmək deyilmi?!
Məsələ ilə bağlı Xəzər rayon İcra Hakimiyyətinə getdim. Ərəstun orada mənə imkan vermədi ki, başçının qəbuluna girim. Oradakı polislər də mənə dedilər ki, siz gedin Ərəstunla razılaşın...
Oğlum Elsəvər də bildirdi ki, siz mənim çörək ağacımı əlimdən aldınız. Amma yenisinin tikilməsi ilə bağlı bizə söz vermişdiniz. O isə deyir ki, sən get, həyətində balaca bir köşk düzəlt, çörək pulunu qazan.
Bəs bizim ora çəkdiyimiz əziyyət, xərclədiyimiz pulları kim verəcək? Bizə 7-8 min manat ziyan vurulub.
Bir övladım müddətdən artıq hərbi xidmətdədir, biri isə ikinci qrup əlildir, psixi durumu da yerində deyil. Yəni bəzi problemlərimiz də var. Düzdür, o problemlər bizim şəxsi işimizdir, amma ən azından qazinin evini dolandırmasına mane olmamalı idilər...
Oğlum Elsevər dəfələrlə intihara əl atmış uşaqdı. Mən oğlumu itirmək istəmirəm. Zərər verilən şəxs qazidir.
Yenidən icra başçısının qəbuluna girməyə çalışacam. Amma buna imkan vermirlər...
Hesab edirəm ki, şikayətim işıqlandırılsa, Prezidentimiz də olanlardan xəbər tutar. O, dəfələrlə deyib ki, qaziyə hörmət olunsun. Bu qazinin də valideyni mənəm. Mən bütün borca, kreditə düşürəm ki, bu uşaq yaşasın, onu yaşadıram. Arxasınca düşmüşəm, narahatam ki, bir səhv addım atar, özünə qəsd edər. Başını aşağı salıb az-çox ruzisini qazanırdı. İmkan vermədilər. Prezidnetin adından istifadə edib, oğluma aid olan balaca bir mağazanı dağıtdılar.
Sizin sayt vasitəsilə icra başçısından da xahiş edirəm ki, bizi qəbul etsin".
Jalə FAMİLQIZI
Redaksiyadan: Yazıda adları çəkilən qurumun və şəxslərin mövqeyini dərc etməyə hazırıq.
DogruXeber.az: - Tanınmış hüquqşünas Aslan İsmayılov özünün “İnstagram” hesabında bu günlərdə biabırçı videosu yayılan Toğrul Allahverdiyev haqqında maraqlı yazı paylaşıb.
“Bu günlərdə videosu yayılan üzdəniraqlardan kimlər ölkənin tanınmışları düzəldib?!” sərlövhəli yazını oxucularımıza təqdim edirik:
“Elə bir neçə gün öncə yazımda bildirmişdim ki, bu günə qədər mənə qarşı aparılan murdar qarayaxma kampaniyalarına yüzlərcə dəfə izahat vermişəm və axırıncı yazım da bu məzmunda sonuncudur. Ancaq son günlər yayılan biabırçı video bu mövzuya qayıtmağa məcbur etdi. Çünki söhbət artıq şəxsimdən yox, dəyərlərimizdən, küçə pozğunlarının hakimiyyət rəsmiləri tərəfindən cəmiyyətimizə “ictimai xadim”, “ekspert”, “Türk Dünyası fədailəri” kimi təqdim edilməsindən, belə pozğunları Prezidentin qarşısına çıxaranlardan gedir.
Təxminən 2017-2018-ci illərdə o vaxtkı Prezident Administrasiyasının rəhbəri Ramiz Mehdiyev və Prezident Administrasiyasının İctimai-siyasi məsələlər şöbəsinin müdiri Əli Həsənovun birbaşa rəhbərliyi ilə ölkədə olan əxlaqdan uzaq əlatılarını üstümə göndərdilər. Adı çəkilənlər vəzifədən gedəndən sonra hesab etdim ki, bu murdarları ictimai həyatdan uzaqlaşdırılarlar və yeni gələn gənc komanda belə məxluqlarla işləməz. Həmin murdar tayfa ilə bağlı yeni gələn ən yüksək vəzifələr tutan, sırf bu sahəyə cavabdeh olan şəxslərə kimliklərini konkret faktlarla bildirmişəm. Əvəzində, təəssüflə bildirməliyəm ki, tam əksi ilə üzləşdim. Həmin tayfa nəinki uzaqlaşdırıldı, əksinə onlara olan dəstək daha da artırıldı, bu əxlaqsızları Prezident İlham Əliyevin qarşısına vətənpərvər, dövlət keşikçiləri kimi çıxardılar, onlara dövlət tərəfindən mənzillər, qrantlar, fəxri adlar, orden-medallar verildi. Bu əxlaqsızlardan biri də, şəxsən məni öz saytlarında, səhifələrində açıq şəkildə təhqir edən Toğrul Allahverdili adlı birisi idi.
Sizi əmin edirəm ki, yayılan biabırçı video aysberqin görünən az bir hissəsidir. Bu adını bir daha çəkmək istəmədiyim üzdəniraq, Prezident Administrasiyasının yetirməsi, “interpress.az” və “diaspor.az” media qurumlarının rəhbəri, “Azərbaycan-Türkiyə evi”nin icraçı direktoru, Azərbaycan-Slavyan Gəncləri Assosiasiyasının Rusiya nümayəndəliyinin rəhbəri kimi tanınıb. Son olaraq “Gənclərin Təşəbbüsünə və İnkişafına Dəstək” İctimai Birliyinin sədri və "Biznes TV”-nin yeni direktoru kimi fəaliyyət göstərib. Kanal Azərbaycan Respublikası Audiovizual Şurasının qərarı ilə platforma yayımçısı lisenziyasını da alıb.
Son günlər onun yayılan videogörüntüləri bir daha məndə əminlik yaratdı ki, Allah böyükdür və hər kəsin bəlasını elə özünə layiq olduğu formada bu dünyada yetirir. Məni dəhşətə gətirən başqa faktdır ki, bu cür murdar, iyrənc adamları bu gün də rəhbərlikdə kimlər himayə edir və kimlər bu murdarları Azərbaycan dövlətinin adından danışdırır, Prezident İlham Əliyevin qarşısına çıxarır.
Bu günlər o sahəyə rəhbərlik edənlərin heç biri “xəbərimiz olmayıb” deməsin, çünki onların hər birinə bu murdarların kimliyini şəxsən bildirmişəm. Yayılan videolarla ifşa olunan heç də onlardan ən tanınmışı, vəzifəlisi deyil. Bu gün də cürbəcür resurslardan başqa, həm də yüksək vəzifə tutanları da var.//Yenixeber.org
Aslan İSMAYILOV
Hüquqşünas
Nəsimi rayonunda binanın zirzəmisində qanunsuz tikinti işləri aparılır.
Görüntülərdən aydın olur ki, Nəsimi rayonu Alı Müstafayev 14 ünvanında binasının zirzəmisi qazılaraq tikitni işləri aparılır.
Normativ tikinti qaydalarına zidd olaraq binanın zirzəmisi qazılaraq həmin yerdə qanunsuz tikinti işləri aparılmasına kim icazə verib?
Məsələ ilə bağlı Nəsimi rayon icra hakimiyyətindən heç bir açıqlama almaq mümkün olmadı.
Dövlət Şəhərsalma və Arxitektura Komitəsindən münasibət bildirmədi.
Qurumların mövqeyini drəc etməyə hazırıq.
Həmin görümtüləri təqdim edirik:
Xalq.online
Coşqun Sifahanov bildirir ki,
4 iyun 2025-ci il tarixdə təyinatla bağlı Füzuli və Xocavənd rayonları üzrə təhsil sektorunun binasına dəvət olunmuşam. İçəri daxil olan kimi müdir Ramella Məmmədova mənə qərəzli şəkildə Qayıdış qəsəbə 4 və 5 nömrəli məktəbləri şifahi şəkildə təqdim etdi. Digər vakansiyaları isə mənə bildirilmədi. “Sən də Qayıdış məktəbi uzaqdır, getmirsən, imtina yaz, vaxtımızı alma” – dedi, mən isə “Belə vakansiya təqdim edilmir, vakansiya siyahısı vətəndaşa təqdim olunur, şəxs özü seçir” – dedim. Etirazımı bildirdim. 146 çağrı mərkəzinə zəng vurdum, özbaşınalıqları barədə məlumat verdikdən sonra səhhətim pisləşdi, ondan sonra sanki təşvişə düşərək mənə digər vakansiyalardan biri olan Qarabağ kənd tam orta məktəbini təklif etdilər, düzdür, razılıqla qəbul etdim. Amma ilk öncə, dedim ki, bildiyim qədəri ilə həmin məktəbin təşkilati işlər üzrə müavini tədris işləri üzrə müavin keçməsi ilə bağlı məsələ var, əgər elə bir məsələ varsa, mən həmin məktəbə getməyim, dedilər ki, xeyr, elə söhbət yoxdur. Mən də bunların sözünə inanaraq ərizə yazdım, sevinə-sevinə getdim. Sən demə, oyun bundan sonra başlayırmış, deyilənlər düz imiş, həmin məktəbin müavinin yerini dəyişərək tədris işləri üzrə direktor müavini olması üçün təqdimatı lap fevral ayından gedib. Deməli, burada da məqsəd var imiş ki, mən gedim o məktəbə, istər-istəməz problemlə qarşılaşım, kiminsə işinə mənəvi problem yaradan şəxs kimi olum, yəni bu cür anlaşılım. Mən məktəbə direktor müavini təyin olunmaq istəyirəm, həmin məktəbə işlərində kömək olmağa gedirəm, problem yaratmağa, kiminsə arzularının qarşısına sədd çəkən şəxs olaraq getmirəm. Hər şeydən öncə insanlıq gəlir, mən kiməsə maneə ola bilmərəm, o mənə yaddır. Müdir həmin məktəbin direktoruna da, mənə də bildirir ki, sən get, sonra həll olunar, sən ikinci müavin olarsan, o da birinci müavin təyin olunar. Mən də onda dedim ki, elə isə mənə ən yaxın olan, maşınla 5-10 dəqiqəlik məsafədə olan qonşu məktəb-Füzuli rayonu 26 nömrəli tam orta ümumtəhsil məktəbinin təşkilati işlər üzrə direktor müavini yerini verin, gedib sakitcə işləyim. Yoxsa Qarabağ kənd tam orta ümumtəhsil məktəbinə birinci müavin gedib sonra ikinci olmaq mənə lazım deyil.
Mən lap əvvəldən dedim ki, Füzuli rayonu 26 nömrəli tam orta ümumtəhsil məktəbinin müavinliyini niyə təklif etmirsiniz? Axı cənab Nazirimiz brifinqdə də bildirirdi ki, rəhbər şəxslər yaxın ərazidən təyin olunmalıdır. Yaxın məktəbdir də. Həmçinin 26 nömrəli tam orta ümumtəhsil məktəbində 3 il pedaqoji fəaliyyətlə məşğul olmuşam, ona görə də pedaqoji heyətlə, valideynlərlə, şagirdlərlə də tanışam, yad deyiləm. Mənim həmin məktəbə təyin olunmağım daha doğru olar. Bunu dedikdə sektor əməkdaşı mənə bildirdi ki, oranı sizə təklif edə bilmərik. Müavinin artırma müqaviləsi bitməyib. Budur bunların gənclərə verdiyi önəm?
Belə etdikləri halda pilləkənlə enərkən halım pisləşdi, huşumu itirdim, təcili tibbi yardım gəlib müdaxilə etdikdən sonra özümə gəlmişəm.
Artıq ikinci dəfədir ki, mən sektora getdikdə məni əsəbləşdirərək bu vəziyyətə salırlar. Yəqin ki, mənim səhhətim onlara sərf edir.
Mənə Ramella Məmmədova deyir ki, “Sənin məqsədin bilinmir”.
Sual verirəm: Rahatlığını istəmək, problemdən uzaq qaçmaq, yaxın məktəbdə fəaliyyət göstərmək arzusu nə vaxtdan məqsədsizlik olub?
Amma onların məqsədi artıq bəllidir ki, mənim sağlamlığımla oynayaraq, məni öldürmək istəyir.
Coşqun Sifahanov isə əsl vakansiya siyahısına uyğun olaraq 26 nömrəli məktəb və ya 39 nömrəli məktəbə təyinat almaq istəyir. Məlum olub ki, 26 nömrəli məktəbin direktoru Coşqun Sifahanovu müavin kimi istəmədiyi üçün ora təyin edilmir. Coşqun müəllim isə haqlı olaraq bildirir ki, axı direktorun belə bir haqqı yoxdur. Məktəb dövlətindir və dövlətin imtahanı isə müavin olmuşam. İndi niyə məktəbə müavin təyin olunmayım?! Axı məktəb direktorun şəxsi mülkü deyil?!
Bir gənc müəllimi bu qədər incitmək, hüquqlarını tapdalamaq təhsil sektoruna yaraşan hərəkət deyil. Təəsüflər olsun ki, yersiz ədavət və prinsiplərin olması vəziyyəti bu hala gətirib.
Ümid edirik ki , aidiyyatı qurumlar məsələnin həlli ilə məşğul olar. Qeyd edək ki, Coşqun Sifahanov məsələ ilə bağlı cənab nazir Emin Əmrullayevin də qəbulunda olmuş və məsələnin mütləq həll ediləcəyi bildirilmişdir.
Son dövrlərdə Bakı şəhərinin Sabunçu rayonunda qanunsuz tikinti halları misli görünməmiş şəkildə artıb. Bu artım sadəcə təsadüfi və ya nəzarətsiz fəaliyyət deyil – bu, sistemli bir biganəliyin, şəxsi maraqların və vəzifə səlahiyyətlərinin sui-istifadəsinin nəticəsidir. Bu xaotik vəziyyətin mərkəzində isə Sabunçu Rayon İcra Hakimiyyətinin başçısı Adil Vəliyev dayanır.
Qanunların açıq-aşkar tapdanması:
"DogruXeber.az" bildirir ki, Sabunçu və Zabrat qəsəbələrində, o cümlədən Elşən Mehdiyev küçəsində heç bir sənədi olmayan, hüquqi statusu bilinməyən evlər kütləvi şəkildə inşa olunur. Daha dəhşətlisi isə odur ki, bu proses neft şirkətinə məxsus və dövlət mülkiyyətində olan ərazilərdə, eləcə də kənd təsərrüfatı təyinatlı torpaqlarda həyata keçirilir. Bu, təkcə torpaq qanunvericiliyinin pozulması deyil – bu, Azərbaycanın dövlət mülkiyyətinə qarşı açıq hücumdur.
Ramanı kəndində baş verənlər isə artıq hüquqi anarxiyanın bariz nümunəsidir. Kənd təsərrüfatı təyinatlı torpaqlarda ev tikintisinə icazə verilməsi torpaq məcəlləsinin kobud şəkildə pozulması deməkdir. Bu ərazilər yalnız kənd təsərrüfatı məqsədləri üçün istifadə olunmalı olduğu halda, indi orada yaşayış məskənləri salınır. Sual yaranır: bu qədər açıq qanunsuzluq necə və niyə baş verir?
Adil Vəliyevin məsuliyyətsizliyi – yoxsa şüurlu göz yumması?
Bütün bu qanunsuz proseslərin Sabunçu Rayon İcra Hakimiyyətinin bilgisi xaricində baş verdiyini düşünmək sadəlövhlük olardı. Bu miqyasda tikinti fəaliyyəti, torpaq bölgüsü və obyekt tikintisi yerli hakimiyyətin tam bilgisi və razılığı olmadan mümkün deyil. Bu isə o deməkdir ki, Adil Vəliyev ya bu qanunsuzluqlara şərikdir, ya da onları dayandırmaq iradəsinə malik deyil. Hər iki halda, bu, dövlət məmuru üçün qəbuledilməzdir və cinayət məsuliyyəti daşıyır.
Bəzi mənbələrə görə, bu qanunsuz tikintilərin arxasında icra strukturlarına yaxın şəxslərin dayandığı, bu proseslərdən böyük pullar qazanıldığı iddia olunur. Əgər bu iddialar doğrudursa, onda Sabunçu rayonunda təkcə inzibati nəzarətsizlik deyil, həm də korrupsiya şəbəkəsi fəaliyyət göstərir.
Sakinlərin faciəsi: sənədsiz evlər, xidmətlərsiz həyat
Qanunsuz tikililərdə yaşayan sakinlər isə hüquqsuz və müdafiəsiz vəziyyətdədirlər. Sənədsiz evlərdə yaşayan ailələr qaz, su və elektrik kimi ən əsas kommunal xidmətlərdən məhrumdurlar. Onlar dövlətin sosial və inzibati xidmətlərinə çıxış əldə edə bilmirlər, çünki yaşadıqları ünvan qanunvericilikdə mövcud deyil. Bu isə vətəndaş hüquqlarının sistemli şəkildə pozulması, insanların faktiki olaraq “qeyri-leqal” mühitə məhkum edilməsi deməkdir.
Sabunçunun gələcəyi sual altındadır
Sabunçu rayonunda bu şəkildə davam edən qanunsuz tikintilər şəhərsalma prinsiplərini tamamilə məhv edir. Rayonun infrastruktur yükü artır, ətraf mühitə ziyan vurulur, sosial gərginlik yüksəlir. Planlaşdırılmamış urbanizasiya və sənədsiz məhəllələrin çoxalması gələcəkdə nəqliyyat, təhsil, səhiyyə və təhlükəsizlik sistemləri üçün ciddi problemlər yaradacaq.
Nəticə və tələb: Təcili istintaq və məsuliyyət
Adil Vəliyev və rəhbərlik etdiyi icra strukturları bu vəziyyətə görə məsuliyyət daşımalıdır. Hüquq-mühafizə orqanları, dövlət nəzarət qurumları bu qanunsuz tikintilərlə bağlı təxirəsalınmaz şəkildə araşdırma aparmalı, məsul şəxsləri cinayət məsuliyyətinə cəlb etməlidirlər. Qanunsuz tikintilərə yol verənlərə qarşı sərt tədbirlər görülməlidir ki, dövlətin qanunları heç kim üçün "göz yumula bilən" bir kağız parçası olmasın.
Bu, sadəcə Sabunçunun deyil, bütövlükdə dövlətin hüquqi nüfuzunun, vətəndaşların inamının və ədalətin təntənəsinin məsələsidir.
Mövzunu davam etdirəcəyik.
Redaksiyamız hər kəsin söz haqqını tanıyır.
DogruXeber.az
Dövlət Su Ehtiyatları Agentliyində hələ də “daşlar yerinə oturmur”. Sədr Zaur Mikayılovun təyinatından sonra az da olsa, ümüd var idi ki, bəzi özbaşınalıqlara və xoşagəlməz olaylara son qoyulacaq. Təəssüf,… Nəinki, dərəbəylik bitmir, əksinə daha betər hadisələrin şahidi olmaqdayıq.
Məlum olduğu kimi, Dövlət Su Ehtiyatları Agentliyi ilə müvafiq müqavilə ilə “Sudan İstifadəedənlər Birliyi” (Birlik) də fəaliyyət göstərir. Xatırladaq ki, Birlik müqaviləyə uyğun olaraq ərazidə yerləşən dövlət mülkiyyətində olan meliorasiya və irriqasiya sistemlərinə xidmət göstərir.
Belə Birliklərdən biri ilə bağlı Yenixeber.org-a ilginc məlumatlar daxil olub.
Söhbət Abşeron bolgəsində fəaliyyətdə olan Birlikdən və bu Birliyin sədri Hidayət Rəcəbovun fəaliyyətindən gedir.
Məlumatlarda yer alan iddianın birinə görə, sədr Hidayət Rəcəbov Birliyi əməlli-başlı ailə podratına çevirib. Görünür hörmətli Hidayət müəllim ya müvafiq qanunlardan bixəbərdir, ya da “Dərəni xəlvət görür”…Biz hələ ki, cənab sədrə Birliyin yaradılması və fəaliyyətini tənzimləyən qanunu xatırlatmaq niyyətindən uzağıq. İnanmırıq ki, buna kəskin ehtiyac olsun...
Lakin H. Rəcəbovun oğlunu, iki qızını, həyat yoldaşını və kürəkənini Birliydə müxtəlif vəzifə ilə təmin etməsi, iki ay əvvəl həqiqi hərbi xidmətdən dönən oğlunu da unutmaması sübüt edir ki, bu istiqamətdə nələrsə qaydasında deyil…
Hələ bu harasıdır, Yenixeber.org-a daxil olan məlumatlarda Hidayət Rəcəbovun "Bizon" zavodu ilə də əməkdaşlığından bəhs edilir. Məlumata görə bu əməkdaşlıqda Ceyranbatan gölündən süzgəcdən keçirilməyən su əsas gəlir mənbəyinə çevrilib. Ki, bunun da qanunsuzluğu bir yana, törətdiyi və törədəcəyi fəsadları düşünmək belə istəmirsən…
Bu yollarla Birlik sədrinin Sumqayıt şəhərində 2 mərtəbəli restoran da daxil, müxtəlif kommersiya obyektlərinə sahib olduğu da bildirilir…
Biz inanmaq istəmirik ki, Dövlət Su Ehtiyatları Agentliyinin sədri cənab Zaur Mikayılovun baytar diplomlu Birlik sədrinin bu “özfəaliyyət”indən məlumatı olmuş olsun.
Elə bu səbəbdən və məlum mənada aktuallığını nəzərə alıb, müəyyən araşdırmalarla mövzunu davam etdirəcəyik.
Yenixeber.org
Özbəkistan Xarici İşlər Nazirliyi ölkə vətəndaşlarının Rusiya ərazisində yoxlanılması ilə bağlı narahatlığını bildirib.
Bu barədə nazirliyin mətbuat katibi Axror Burxanov özünün "Telegram" kanalında məlumat yayıb.
Onun sözlərinə görə, ölkənin Moskvadakı səfirliyi Rusiya Xarici İşlər Nazirliyinə müvafiq nota təqdim edib.
"Biz qanunsuz yoxlamalar, hörmətsizlik və kobud rəftar halları ilə bağlı məlumatlardan narahatıq", - Burxanov qeyd edib.