 |
|
|
Göygöl rayonunda Qərbi Azərbaycan torpaqlarından qaçqın düşmüş fermerlər Göygöl Dövlət Aqrar İnkişaf Mərkəzinin direktorundan şikayətçidir...
“Azər Hacıyev Göygöl Dövlət Aqrar İnkişaf Mərkəzinə direktor təyin edildikdən sonra onun inzibati amirlik metodu ilə işləməyi səbəbindən qüvvədə olan qanunvericilik aktların və normativ sənədlərin tələblərinin ciddi şəkildə pozulması üzündən bu məmurun qapıları sahibkarların, fermerlərin üzünə birdəfəlik bağlanıb”.
"DİA-AZ" xəbər verir ki, bu barədə fermer-qazi olan Məmmədov Yolçu Telman oğlunun Poliqon-a ünvanlandığı şikayət məktubunda bildirilir. Fermer yazır ki, rayonda dövlətin qanunları və prezidentin fərmanları işləmir:
“Rayonda aqrar sektorun dövlətimizin və Cənab Prezidentin sərəncamları, tapşırıqları əsasında inkişaf etdirilməsi, idxaldan asılılığı azaltmaq, ölkədə ərzaq bolluğu yaratmaq istiqamətində fəaliyyət proqramı çərçivəsində işlərimiz dalana dirənib. Çünki Azər Hacıyevə etdiyimiz müraciətlər kağız üzərində qalıb”, deyə sahibkar yazır.
Kənd təsərrüfatı nazirliyində kadrların müdiri İlham Süleymanov və Azər Hacıyev Gəncə bazarında səbət yığarkən
Yolçu Məmmədov qeyd edir ki, Göygöl Dövlət Aqrar İnkişaf Mərkəzi sahibkarların və fermerlərin daimi müraciət etdiyi yeganə idarədir.
“Buna baxmayaraq nə qədər səylərimiz olsa da, ötən bir il ərzində Azər Hacıyev bizə nəyinki qayğı göstərmir, hətta mülkiyyətimizdə olan əkin torpaqlarımızın gündən-günə talan olunmasına münbit şərait yaradır. Demək olar ki, Azər Hacıyevin özbaşınalığı səbəbindən Göygöl rayonunda kənd təsərrüfatının inkişafı iflic vəziyyətə düşüb. Dövlət proqramı çərçivəsində heç bir iş görülmür”.
Şikayətçi vurğulayır ki, Azər Hacıyevin bu cür qanunsuz hərəkətləri barədə dəfələrlə ölkənin aidiyyəti qurumlarına, o cümlədən Kənd Təsərrüfatı Nazirliyinə müraciət etsə də, heç bir cavab almayıb.
“Qeyd edim ki, Daşkəsən rayonunda yaylağa köç edən fermerlərdən rüşvət aldığına görə İcra Hakimiyyətinin sabiq başçısı Əhəd Abıyev tərəfindən Daşkəsən Dövlət Aqrar İnkişaf Mərkəzinin direktoru vəzifəsindən Azər Hacıyev və dostu heyvandarlıq sektorunun müdiri, birinci qrup gözdən əlil Səttar Hacıyev ilə birlikdə qovulublar. Bundan sonra Azər Hacıyev nazirlikdə kadr idarəsinin müdiri İlham Süleymanova yol taparaq Samux rayonu Dövlət Aqrar İnkişaf Mərkəzinə müdir təyin olunur. Samuxda Azər Hacıyev işçiləri haqsız işdən azad edib, əmisi oğlu Araz Hacıyevi sürücü, dostu Ruslanı hüquqşunas təyin edib. Eyni zamanda Azər Hacıye orada qadın işçiləri incidib.
Bu hərəkətlərinə görə Samuxdan da işdən azad olunan Azər Hacıyev Göygöl Dövlət Aqrar İnkişaf Mərkəzinə direktor gəlib. Azər Hacıyev digər rayonlarda etdiyi haqsızlıqları, qadın işçilərə qarşı əxlaqsız hərəkləri burada da edir. Həmçinin o, özü və oğlu qazi olan Hacıyev Əliaslanı da işdən çıxarıb.
Eyni zamanda Cənab Prezidentinmiz tərəfindən qəbul olunub ad günü təbriki olunan və hədiyyələr alan Ümid Həbibov atası Eldar Həbibov şərlənərək işdən azad olunub. Altun Məmmədov adlı müavini də şərlənərək işdən azad olunub. Göygöl rayonu Zod kəndində qaziyə məxsus əkin torpaq sahəsinə dair subsidiya ödənilməyib.Qazi olan vətəndaş işlə təmin olunmaları üçün Azər Hacıyevə müraciət etsələr də müraciətlərinə baxılmayıb”.
Yolçu Məmmədov şikayət məktubunda bildirir ki, Azər Hacıyev Kənd Təsərrüfatı Nazirliyinin mətbuat xidmətinin rəhbəri Vüqar Hüseynov və kadrlar idarəsinin müdiri İlham Süleymanov tərəfindən müdafiə edilir.
“Son olaraq vurğulayım ki, havardarları, yəni Kənd Təsərrüfatı Nazirliyinin mətbuat xidmətin rəhbəri Vüqar Hüseynov və kadrlar idarəsinin müdiri İlham Süleymanov tərəfindən müdafiə edilən Azər Hacıyevin bur cür özbaşına fəaliyyət mexanizminə yiyələnməsi dövlətimizə arxadan vurulan zərbədir. Azər Hacıyevin Göygöl rayonundakı özbaşınalıqlarının analoqu yoxdur”, deyə şikayətçi yazır.
Onu da qeyd edək ki, Yolçu Məmmədovun sözlərinə görə, Göygöl fermerlərinin şikayəti üzrə Azər Hacıyevin əməlləri ilə bağlı Göygöl rayon Prokurorluğunda araşdırmaya başlanılıb.
Qeyd edək ki, əməkdaşımız Azər Hacıyevlə əlaqə saxlayıb. Azər Hacıyev onun haqqında səsləndirən iddiaların yalan olduğunu və rəsmi sorğu göndərəcəklərini deyib. Ancaq göndərilən sübutlarla tanış olandan sonra heç bir cavab verməyib.
***
Qeyd edək ki, şənbə günü yazı dərc onunduqdan sonra Azər Hacıyev əməkdaşımıza növbəti dəfə zəng edərək bildirib ki, o, öz mövqeyini birinci gün saat 11-ə qədər rəsmi olaraq göndərəcək. Biz də qarşı tərəfə hörmət nümayiş etdirərək, xəbəri söndürdük. Bu gün isə Azər Hacıyev yenidən əməkdaşımıza zəng edib və xahiş edib ki, şikayətçilərin iddalarının yalan və böhtan olduğunu yazaq. Biz də ondan rəsmi münasibət bildirməyi bir daha xahiş etdik. Buna baxmayaraq, qarşı tərəfdən cavab ala bilmədik. Bir daha bildiirik ki, Azər Hacıyevin rəsmi mövqeyini dərc etməyə hazırıq.
Eyniz zaamanda şikayətçi tərəflər bizimlə yenidən əlaqə saxlayıb bildiriblər ki, onlar öz iddalarını isənilən yerdə sübut etməyə hazırdırlar.
Mənbə: Poliqon.info
Hesablama Palatası (HP) İpoteka vә Kredit Zәmanәt Fondunda güzəştli ipoteka kreditlərinin verilməsində bəzi nöqsanlar aşkarlayıb.
Bu barədə Palatadan XALQ.AZ-a verilən məlumatda qeyd olunub.
Məlumata görə, güzәştli ipoteka kreditlәrinin verilmәsindәn geri qaytarılan vәsait tam olaraq tәkrar maliyyәlәşdirmәyә yönәldilmәyib, bir hissәsi ipoteka örtüyü ilә tәmin edilmiş ipoteka istiqrazlarının bağlanmasına vә digәr istiqamәtlәrә yönәldilib.
” 2009-2023-cü illәr әrzindә ümumilikdә 185,5 mln. manat vәsait daxil olub ki, onun da 44,4 mln. manatı güzәştli ipoteka kreditlәrinin yenidәn maliyyәlәşdirilmәsinә, 129,4 mln. manatı Fondun emissiya etdiyi ipoteka istiqrazlarının ödәnişinә yönәldilib, 11,7 mln. manatı isә hesablaşma hesabının qalığında qalıb. Fondun Nizamnamәsinә әsasәn fәaliyyәtinin әsas mәqsәdi ölkә әhalisinin yaşayış sahәsi ilә tәmin edilmәsi olsa da, 2023-cü ildә verilmiş ipoteka kreditlәrinin әksәriyyәti Bakı şәhәrindә cәmlәnib, regionlarda eyni mәqsәdlә hәyata keçirilәn fәaliyyәtin yetәrincә genişlәnmәdiyi müşahidә edilib”.
Palata qeyd edib ki, dövlәt büdcәsindәn Mәnzil İnşaatı Dövlәt Agentliyinin sәrәncamında olan mәnzillәrin güzәştli ipoteka kreditlәri vasitәsilә satışını dәstәklәmәk üçün ayrılmış vәsait tam istifadә edilmәyib, qalıq vәsait Fond tәrәfindәn digәr likvid aktivlәrin alınmasına yönәldilib. Belә ki, 25,4 mln. manat vәsait Fondun istiqrazlarının geri alınması üçün istifadә edilib. Dövlәt büdcәsindәn subsidiya üçün ayrılmış vәsaitin öhdәlik kimi 3 il qәbul edilmәsi vә proqnozlaşmanın tam әsaslı olmaması ayrılmış vәsaitin bir hissәsinin Fondun hesabında qalmasına şәrait yaradıb.
Qeyd edək ki, İpoteka vә Kredit Zәmanәt Fondunun idarə heyətinin sədri Fəxri Kazımovdur.
Auditin aparıldığı dövrdə quruma rəhbərlik edən Şahin Seyidzadə ötən il keçirilən parlament seçkilərində deputat seçilib
Hesablama Palatası “İçərişəhər” Dövlət Tarix-Memarlıq Qoruğu İdarəsi publik hüquqi şəxs və tabeliyindəki təşkilatlarda yoxlama (kənar dövlət maliyyə nəzarəti) aparıb.
Audit prosesi 29.02.2024-cü il tarixindən 13.04.2024-cü il tarixinədək aparılıb və 01.01.2022-ci il tarixindən 31.12.2023-cü il tarixinədək olan dövrü əhatə edib.
Audit zamanı milyonlarla manarlıq pozuntu aşkarlanıb. Qeyd edək ki, auditin aparıldığı dövrdə quruma Şahin Seyidzadə rəhbərlik edib. O, 2022-2024-cü illədə qurumun İdarə Heyətinin sədri vəzifəsində çalışıb. Ötən il keçirilən parlament seçkilərində isə deputat seçilib və hazırda parlamentdə fəaliyyətini davam etdirir.
Audit nəticəsində aşağıdakı faktlar aşkarlanıb:
- 2022-2023-cü illərdə “İçərişəhər” Dövlət Tarix-Memarlıq Qoruğu İdarəsi tərəfindən “Mənzil və kommunal təsərrüfatı” və “Mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət” funksional bölmələri üzrə dövlət sifarişləri xərclərinin maliyyələşdirilməsinə görə tələbat hazırlanarkən “Dövlət büdcəsinin tərtibi və icrası Qaydaları”nın 2.2-ci bəndinin tələbləri gözlənilməmiş, bölmələr üzrə müvafiq olaraq 1735336 manat və 863661 manat məbləğində vəsait artıq proqnozlaşdırılaraq təqdim edilib, bununla yanaşı, İdarənin hesablaşma hesabında təsərrüfat gəlirləri üzrə 2 il üzrə müvafiq olaraq 320551,24 və 1405448,02 manat qalıq vəsaitlər də büdcə vəsaitinə təlabatın hesablanmasında nəzərə alınmayıb.
- İdarə tərəfindən “Yaşanıla bilən və Dayanıqlı İrs Şəhərləri” mövzusunda keçirilmiş beynəlxalq konfrans çərçivəsində xarici qonaqlar üçün aviabiletlərin alınması xərcləri üzrə 33012,4 manat, mehmanxana xərcləri üzrə 16138,0 manat satınalma proseduru keçirilmədən xərc edilib. Eyni zamanda, İdarənin Elmi Mədəni Mərkəzi tərəfindən 2022-ci ildə “Dövlət satınalmaları haqqında” Qanunun 1-ci maddəsinin tələblərinə əməl edilmədən “Nəqliyyat vasitələrinin cari təmiri” xərc maddəsindən 14000,0 manat, “İcarə və muzdlu xidmətlər” xərc maddəsindən 6440,0 manat turekskursiya xidmətinə görə təchizatçıya ödənilib.
- “Multani” və “Buxara” karvansaraylarının təmir-bərpa işlərinə görə ayrılmış vəsaitlər üzrə bir mənbədən satınalma metodundan istifadəyə Azərbaycan Respublikasının İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin məktubunda vergilər daxil 14968961,72 manat məbləğində müqavilənin bağlanmasına razılıq verilsə də, “Dövlət satınalmaları haqqında” Azərbaycan Respublikası Qanununun 1-ci maddəsinin tələblərinə əməl edilmədən qeyri-rezidentlə bağlanmış müqavilələrin dəyəri AVRO-nun müqavilə tarixinə olan məzənnəsinə görə 20292853,8 manat təşkil edib. Müqavilə üzrə ümumilikdə 19950722,02 manat, auditlə əhatə olunan dövrdə isə 13498515,9 manat məbləğində vəsait xərc edilib.
- İdarənin Muzey Mərkəzi tərəfindən təlim dərslərinin həyata keçirilməsi məqsədilə bağlanılmış müqavilə üzrə vəsaitin icraçıya tam ödəniməsinə baxmayaraq müqavilə öhdəliyi üzrə işlər (xidmətlər) sifarişçiyə təhvil verilməyib, müqavilələrin gecikmə ilə yerinə yetirilməsinə görə isə cərimələr tətbiq edilməyib.
- 2022-2023-cü illərdə mənzil fondu üzrə cəmi hesablanmış gəlirlər 23990,4 manat olduğu halda, idarənin Mənzil-kommunal və Təmir Xidməti tərəfindən hüquqi aktların tələblərinə əməl edilmədən cəmi 2 il üzrə 16011,4 manat məbləğində gəlirlərin az hesablandığı müəyyən olunub. Eyni zamanda Mənzil-kommunal və Təmir Xidmətinin əsas gəlir mənbəyi olan bağlanmış xidmət müqavilələri üzrə müvafiq dövr üzrə 48200,7 manat daxilolmalar üzrə debitor borcun xidmətin hesabına ödənilməsi üçün tədbirlər görülməyib.
- İdarənin Aparatının və strukturuna daxil olan qurumlarının ştat cədvəllərinin təsdiq edilməsi haqqında İdarə Heyətinin qərarında ştatdankənar işçilər üzrə təsdiq edilmiş ştat cədvəlində “ştatdankənar təhlil üzrə ekspert” və “İdarə Heyəti sədrinin ştatdankənar innovasiyalar üzrə müşaviri” vəzifəsi olmadığı halda, 2023-cü ildə bu vəzifələrə işçilər götürülüb və vəsait ödənilməyib. Modern.az-ın məlumatına görə, idarənin İdarə Heyətinin qərarı əsasında Elmi Mədəni Mərkəzin təsdiq edilmiş ştat cədvəli Azərbaycan Respublikası əmək və əhalinin Sosial Müdafiəsi Nazirliyi Kollegiyasının 30.08.2017-ci il tarixli Qərarı ilə təsdiq edilmiş “Elm və elmi xidmət sahəsinə aid olan qulluqçu vəzifələrinin Vahid Tarif-İxtisas Sorğu Kitabçası” ilə müəyyən edilmiş nomeklaturaya uyğun tərtib ediməyib. Belə ki, ştat cədvəlində direktorun ticarət və elmi işlər üzrə iki müşavir vəzifəsi təsis edilmiş və audit dövründə bu vəzifələrin əməkhaqqı və əməkhaqqının ödənişi ilə bağlı digər xərclər edilib. Xidməti ərazidə cəmi 1,5 ha yaşıllıq sahəsi olduğu halda yaşıllıq sahələrinə qulluq edilməsi xərclərinin “Müvəqqəti Normaları”nın və “Vahid Tarif Cədvəli”nin tələbinə əməl edilməyib, 2 ştat vahidi əvəzinə yaşıllıq sahəsinə qulluqla bağlı 14 ştat vahidi ştatdankənar işçilər saxlanılıb.
- İdarənin tabeliyindəki bir sıra təşkilatlarda ştat üzrə bir sıra vəzifələrin ödəniş dərəcələri müvafiq sahəni tənzimləyən “Vahid Tarif-İxtisas Sorğu Kitabçası” ilə nəzərdə tutulan əməkhaqqı ödəniş dərəcəsindən yuxarı təyin edilib. 2022-2023-cü illər ərzində ayrı-ayrı vaxtlarda əmək məzuniyyəti əmrlərinin və təqdim olunmuş xəstəlik vərəqələrinin mühasibatlıqda düzgün nəzərə alınmaması səbəbindən iş günü olmayan işçilərə əməkhaqqı artıq olaraq köçürülüb.
- İdarə tərəfindən tikinti obyektləri üzrə təsdiqlənmiş smeta sənədlərində “Nəzərdə tutulmayan xərclər”in müqavilə dəyərinin 3%-i həcmində nəzərdə tutulduğu halda, podratçı şirkət ilə bağlanmış müqaviləyə 1 saylı əlavədə həmin xərclərin 5,6% nəzərdə tutulması səbəbindən 18426,2 manat məbləğində vəsait artıq ödənilib.
- Audit çərçivəsində alışı rəsmiləşdirilmiş müxtəlif mal-material qalığına faktiki baxış keçirilən zaman bəzi çatışmazlıqlar müəyyən olunub.
- 31.12.2022-ci il tarixinə hazırlanmış “Maliyyə vəziyyəti haqqında hesabat”da “Qeyrimaddi aktivlər” bölməsində 1417874,0 manat dəyərində vəsaitin uçotu düzgün göstərilməyib, 54 ədəd müxtəlif növdə ümumi dəyəri 44246,4 manat məbləğində lisenziyalar uçota alınmayıb.
“Yeni Müsavat”
Naxçıvan şəhər icra Hakimiyyətinin başçısının müavini İmran Məmmədov Bakıda ticarət mərkəzi tikdirib.
Qlobal.az xəbər verir ki, İmran Məmmədovun ticarət mərkəzi Bakıda Ceyhun Hacıbəyli 41A ünvanında yerləşir.
Obyekt 3 mərətəbli və mansardlıdır.
Obyektin ümumi sahəsi 300 kvadrat metrdən artıqdır.
Qeyd edək ki, bu ərazidə qeyri-yaşayış binalarının, ticarət obyektlərinin 1 kvadrat metrinin satış qiyməti 7 min manatdan başlayır.
Xatırladaq ki, İmran Məmmədov Naxçıvan şəhər icra hakimiyyətinin başçısının müavini olmaqla yanaşı, həm də İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdiridir.
Cahandar Laçınlı
Nərimanov rayon ərazisində qanunsuz tikinti işləri aparılıb.
Xalq.az -ın məlumatına görə, Nərimanov rayonu ərazisində bəzi işbazlar fürsət bilib, qanunsuz tikinti işləri aparır, və obyektlərə artırmalar edirlər. Məlumdur ki, belə hallar rayon icra hakimiyyətinin "xeyir- duası” ilə həyata keçirilir.
Qeyd edək ki, müxtəlif vaxtlarda obyekt sahibləri bunu fürsət bilib öz işlərini gizlincə görürlər.
Həmçinin Nərimanov rayonu ərazisində yaz-yay aylarında kafe-restoranların səkilərdə fəaliyyət göstərmələri ilə bağlı məlumatlarda var.
Araşdırmlarımz davam edir.
Məsələ ilə bağlı Nərimanov rayon icra hakimiyyətində heç bir açıqlama almaq mümkün olmadı.
2022-ci ildən Nərimanov rayon icra hakimiyyətinin başçısı Elgin Həbibullayevdir.
Onlarında fikirlərini dərc etməyə hazırıq.
İki gündür intensiv yağan yağışların dəhşətli fəsadları daha çox paytaxtın Binəqədi, Suraxanı, Sabunçu və Xəzər rayonlarında yaşanmaqdadır. Səbəbinə görə isə vətəndaşlar dövlət qurumlarını qınayır, qurumlar vətəndaşları.
"DogruXeber.az" qeyd edir ki, Xəzər rayonunun Binə qəsəbəsi Şah İsmayıl Xətai küçəsinin sakinləri evlərinin içinin belə çirkab sularla dolmasından gileylənir.
Videoda gördüyünüz kimi Xəzər sakinlərinin problemi dünən, bu gün yağan yağışlardan yaranmayıb, onlar ötən payızdan bəri bu cür əziyyətlərlə yaşamağa məhkumdurlar. Səbəbi odur ki, ərazidə kanalizasiya xətti olmadığı üçün qurunt və çirkab suları evlərinin zirzəmisinə, birmərtəbəli həyət evlərinin isə birbaşa içərisinə dolur. Özləri öz vəsaitləri hesabına nə qədər suları çəkib təmizləməyə çalışsalar da məsələ kökündən həll olunmadığı üçün hər dəfə yenidən təkrar olunur.
Ərazidə yaşayışın olması nəzərdə tutulmadığından orada kanalizasiya xətti çəkilməyib. Elə qurumlar da çox vaxt vətəndaşların bu kimi çətinliklərlə üzləşdikləri zaman, məhz onların özünü günahlandırıb, qanunsuz olaraq orada yerləşməkdə qınayır, həmin ərazidəki yaşayış evlərini "gecəqondu" adlandırırlar. Halbuki, birinci növbədə yerli icra hakimiyyətinin, daha sonra isə Fövqəladə Hallar Nazirliyinin (FHN) Şəhərsalma və Arxitektura Komitəsinin (ARXKOM) və Əmlak Məsələləri Dövlət Xidmətinin (ƏMDX) xəbəri olmadan haradasa nə gecə qonmaq mümkündür, nə də gündüz. Bunu vətəndaşların özləri də gözəl bilirlər.
Yeri gəlmişkən siravi vətəndaşlardan biri - Xəzər rayon Buzovna qəsəbəsinin sakini Seyfulla Azər adlı şəxs öz "TikTok" sosial hesabında paylaşdığı videosunda ona mane olmağa çalışsalar da İcra başçısı Elşən Salahovun "gizlin" keçirdiyi vətəndaş qəbulunda demək olar ki, zorla iştirak etdiyini deyir.
Vətəndaşın sözlərinə görə, Elşən Salahovun qarşısında əyləşənlərə verdiyi, "Sualı olan varmı?" sualı ona biraz baha başa gəlib. Belə ki, o, Seyfulla Azərin qanunsuz tikintilərin qarşısının niyə alınmadığı barəsindəki sualına cavab verə bilmədiyi üçün, hətta, "Sən otur, başqaları sual versin" ifadəsini işlədib.
Vətəndaş sualının qarşısında aciz qaldığı, dili topuq vurduğu deyilən Elşən Salahovun, Xəzər rayonu ərazisində aparılan qanunsuz tikintilərlə bağlı bizim göndərdiyimiz rəsmi sorğuları niyə cavabsız qoyduğu tam bəlli oldu.
Hamının makler kimi tanıdığı, yerli icra hakimiyyətində "xüsusi hörməti" olan bəzi şəxslər qeyri-yaşayış sahələrini "dəvə belində olan qiymətlərlə" bələdiyyə sənədi, yaxud 99 illik icarə müqaviləsi ilə insanlara satırlar.
Həmin ərazilərdə yaşayış evləri inşa edib yaşayan insanlar demək olar ki, rayon icra hakimiyyəti tərəfindən taleyin ümidinə buraxılmışlardırlar.
Normal yaşam üçün vacib olan kommunal xidmətlərə gəldikdə isə ya ötən yazılarımızda təqdim etdiyimiz Binə qəsəbə sakinlərinin bəziləri kimi məhrum olurlar, ya da özləri min bir əziyyətlə, özü də qanunlardan xəbərsiz kustar üsulla hardansa çəkib gətirmək məcburiyyətində qalırlar. Amma normal təbiət hadisələri zamanı daha da qabaran problemlərin qarşısını heç nə ilə almaq mümkün deyil. Günahkarsa "gecəqondu" kürsülü, yaxud ikimərtəbəli evlər tikən vətəndaşların özləri olur.
Elşən Salahovun "boğazını qurudan" sual deyil, sualın cavabı - daha dəqiq desək, "gecəqondu" salınmış əsaslı tikintilərin onun oliqarx həyatındakı roludur. Vətəndaşa dediyi, "öz problemindən danış" ifadəsinin arxasında isə, "kimsəyə dəxli yoxdur, rayon mənimdir, mən bilərəm" iç səsi dayanır.
Bəli, Elşən Salahov Xəzər rayonundan məhz öz şəxsi mülkü kimi yararlanır. Qanunlardan kənar saxlanılan qanunsuz tikintilər və rayonda rəhbər vəzifələrdə çalışan yaxınlar, tanışlar bunun bariz nümunəsidir.
Elşən Salahovun bu idarəçilik üsulunu, onun gəncliyinə və potensialına güvənib, ona etimad göstərən ölkə başçısına xəyanəti kimi dəyərləndirmək olar.
Bunun başqa adı yoxdur.
Son dövrlər sosial şəbəkələrdə və bəzi xəbər portallarında “Uğur 777” estetik klinikası ilə bağlı yayılan narazılıqlar ictimaiyyətin diqqətini cəlb edib. Xüsusilə klinikanın rəhbəri, estetik və cərrahiyə sahəsində fəaliyyət göstərən Xəyalə xanımın fəaliyyəti ilə bağlı ortaya çıxan iddialar, həm peşəkar tibbi yanaşma, həm də pasiyent hüquqları baxımından ciddi suallar doğurur.
Müxtəlif vətəndaşların verdiyi ifadələrdə bir neçə ortaq məqam var: qeyri-peşəkar müdaxilələr, prosedur sonrası ağırlaşmalar, vədin verilib yerinə yetirilməyən nəticələr və şikayətləri dinləmək yerinə, susdurulmağa çalışılmaları.
“Özümü güvənli əllərdə hiss etmişdim, amma nəticə dəhşət idi”
Heqiqixeber.az xəbər verir ki, adının açıqlanmasını istəməyən bir pasiyentin sözlərinə görə, klinikada burnuna estetik müdaxilə edilib, lakin əməliyyatdan sonra burnunda ciddi çökəklik və nəfəsalma problemi yaranıb. Müraciət etdikdə isə cavab olaraq “adaptasiya dövrüdür” deyilib. Pasiyent deyir ki, bu cavab bir neçə ay çəkdi, amma vəziyyəti daha da pisləşdi: “Nəfəs ala bilmirdim. Digər həkimlərə getdim, dedilər ki, struktur bərbad formadadır. İndi düzəlməsi üçün ikinci dəfə əməliyyata getməliyəm. Həm mənəvi, həm maddi sarsıntı yaşadım.”
“Dodaqlarımda sinir zədələnməsi oldu”
Başqa bir pasiyent isə dolğu proseduru zamanı sinir sisteminə zədə vurulduğunu iddia edir. “Dodağımın bir tərəfi 6 aydır hərəkət etmir. Gülə bilmirəm, danışanda hiss edirlər. Bu problemi izah etməyə çalışanda isə məni qınadılar ki, bədənim uyğunsuz reaksiya verib. Bəs bu zaman diaqnoz niyə düzgün qoyulmayıb?”
Tənqidlərə cavab əvəzinə təhdidmi edilir?
Şikayətçilərin bir çoxu onu da qeyd edir ki, narazılıqlarını sosial mediada bildirmək istədikdə onlara təhdid dolu mesajlar göndərilib və hüquqi məsuliyyətlə qorxudulublar. Bəzi şəxslərə isə 147-148-ci maddələr (böhtan və təhqir) ilə məhkəməyə veriləcəkləri bildirilib.
Bəs sual yaranır: əgər vətəndaşlar doğrudan da sağlamlıqlarında problem yaşayıblarsa, niyə səs qaldırdıqları üçün susdurulurlar? Prezident İlham Əliyev dəfələrlə vurğulayıb ki, sahibkarlara şərait yaradılır ki, onlar xalqa keyfiyyətli xidmət göstərsinlər, yoxsa millətin sağlamlığını təhdid altına alsınlar deyə yox!
Dövlət nəzarəti və cavabdehlik
Məsələnin digər tərəfi isə aidiyyəti qurumların nəzarət mexanizmidir. Estetik və cərrahiyə xidmətləri göstərən klinikaların lisenziyası, çalışan həkimlərin diplomu, təcrübəsi, prosedurların standartlara uyğunluğu ciddi şəkildə yoxlanılmalıdır. Bu kimi narazılıqlar artdıqca, Səhiyyə Nazirliyi, İcbari Tibbi Sığorta Agentliyi və digər nəzarət qurumları hərəkətə keçməli, yoxlamalar aparmalıdır.
“Həkim andı harada qaldı?”
Pasiyentlər onu da qeyd edir ki, Xəyalə xanım özünü mediada “xeyriyyəçi həkim”, “ictimaiyyətin etimadını qazanmış peşəkar” kimi təqdim edir, lakin gerçək təcrübələr tamam başqa mənzərə yaradır. “Həkim andı var: birinci xəstəyə zərər vermə. Əgər bu prinsip pozulursa, peşəkarlıqdan danışmaq olmur,” – deyə bir şikayətçi bildirir.
Jurnalistlərin mövqeyi və obyektivlik problemi
Şikayət edənlər arasında medianın da bəzi nümayəndələrinə irad var. Onlar deyirlər ki, bəzi jurnalistlər klinikanın adını təmizə çıxarmağa çalışır, ya da şikayətləri görməməzlikdən gəlir. “Bəlkə özləri də orada xidmət alıblar, amma biz zərər görmüş insanlarıq. Səsimizi çatdırmağa çalışanlar niyə susur?” – deyə bir qadın vurğulayır.
Sonda: məsələ ciddidir, araşdırılmalıdır
“Uğur 777” klinikasında baş verənlərlə bağlı ortada real narahatlıqlar, faktlar və etiraflar var. Bu kimi halların ictimailəşdirilməsi nə kiminsə imicinə zərər vurmaq üçün, nə də sensasiya yaratmaq üçündür. Bu, birbaşa insan sağlamlığı ilə bağlı məsələdir. Dövlət qurumları və media bu məsələyə obyektiv yanaşmalı, həm klinika rəhbərliyinin mövqeyini dinləməli, həm də zərərçəkmişlərin səslərinə səs verməlidir.
Əgər ortada heç bir problem yoxdursa, obyektiv araşdırma aparılsın, hər iki tərəf danışsın. Amma əgər şikayətlər doğru çıxarsa, o zaman həm hüquqi, həm də etik müstəvidə ciddi məsuliyyət ortaya çıxacaq.
Unutmayaq ki, səhiyyə sahəsi insan həyatını əhatə edir və burada səhvlərin “üzr istəyirik”lə bağlanması mümkün deyil. Hər bir vətəndaşın sağlamlığı dövlətin və cəmiyyətin maraq dairəsində olmalıdır.
“Zülfəli İsmayılov dedi ki, içəridə ola-ola evini sökəcəm, səni də içində öldürəcəm”
Bakının Yasamal rayonunda baş verən qalmaqallı söküntüdən sonra paytaxtın mərkəzində daha bir mənzil qanunsuz olaraq dağıdılıb. Söhbət Xətai rayonu, Sergey Senyuşkin 34 ünvanında yerləşən mənzilin sahibindən icazəsi sökülməsindən gedir. Ev sahibi deyir ki, xəbəri olmadan ona məxsus qeyri-yaşayış sahəsi bir neçə saatın içində elə dağıdılıb k, daş daş üstündə qalmayıb, hətta içindəki əşyalar da bütünlüklə yoxa çıxıb.
Bu haqda “Hürriyyət” qəzetinə müraciət edən Bakı sakini, hazırda Bakı şəhəri, Xətai rayonu, M.Hadi küçəsi, ev 41, mənzil 3-də kirayədə yaşayan Musayeva Gülgəz Yunis qızı deyir ki, sözügedən mənzil qızı Xuraman Nağıyevaya məxsus olub. Onun sözlərinə görə, qanuni şəkildə qeyri-yaşayış sahəsi kimi istifadə olunan mənzili birbaşa Bakı Şəhər İcra Hakimiyyətinin Nəzarət-təftiş şöbəsinin müdiri Zülfəli İsmayılov göstərişi ilə yerlə-yeksan edilib. G.Musyaveva başına gələnləri əməkdaşımıza danışıb:
“Qeyd edim ki, 2018-ci ildə Xətai rayonu, Sergey Senyuşkin 34 ünvanında olan 1 otaqlı 24.08 kv olan həyət evini qızıma almışdım. Sonradan maddi vəziyyətim çətin olduğuna görə, həmin evi obyektlə əvəzləyib, özüm kirayədə yaşamışam.
Bu yaxınlarda həmin ünvanda söküntü işləri aparılıb. Bundan əvvəl Bakı Şəhər İcra Hakimiyyətinin Nəzarət-təftiş şöbəsinin müdiri Zülfəli İsmayılov məni çağırıb bildirdi ki, ərazidə söküntü olacaq, mənzillərin hər kv.metrinə 2700 manatdan ödəniş ediləcək. Mən buna razılıq vermədim. Çünki həmin ərazidəki fərdi yaşayış evlərinə də həmin məbləğ təklif olunmuşdu. Mənim evim isə qeyri-yaşayış sahəsi kimi sənədləşdirilib və sökülən tarixədək qanuni şəkildə icarədə idi.
Mən təklif olunan məbləğlə razılaşmadığım üçün Zülfəli İsmayılov dedi ki, “sən razı olsan da, olmasan da mən həmin ünvanı uçurdacam. Heç yerə getmədən, kimsəyə şikayət etmədən razılaş”. Hətta onu da əlavə etdi ki, harasa şikayət etsən, sənə 1 qəpik belə verməyəcəm.
Bu zaman dedim ki, gedib evimdə yaşayacam, içərisində də əşyalarım var. Yenə dedi ki, “sən evdə ola-ola söküb, səni də içində öldürəcəm”.
Ərazidə söküntü başlayandan sonra kirayəyə verdiyim şəxslər çıxdı, ev boş qaldı. Mən arada imkan tapdıqca gedib evimə baxırdım. Təxminən 1 həftə qabaq yenə gedib evimə baş çəkəndə gördüm ki, yerlə-yeksan edilib, evdə daş daş üstündə qalmayıb. Hətta içərisində olan əşyalarım da yox idi. Hansı ki, söküntüdən əvvəl evin içərisində soyuducu, televizor, çarpayı, divan və s. əşyalarım var idi.
İcra Hakimiyyətinin əməkdaşlarında əlaqə telefonlarım olsa da, evim sökülən gün mənə heç bir məlumat verilməyib.
Onu da deyim ki, 2,5 sot torpaq sahəsinin içində tikilən obyektin sahəsi 24.08 kv.metr olsa da, qeyri-yaşayış sahəsi kimi sənədləşdirilndə 22.08 kv.metr hesablamışdılar. Bundan əlavə, həyədə sanitar qovşaq və hamam var idi. Bunları da nəzər almadan, mənə cəmi 22 kvadrat metr üçün pul təklif olunurdu.
Hər kəsə bəllidir ki, həmin ərazidə obyektlərin hər kv.metrinin qiyməti 8-9 min manatdır. Onların verdiyi məbləğə isə mən heç şəhərin kənarında da evə ala bilməzdim. Bu səbəbdən təklif etdim ki, ərazidə obyektimin kvadratına uyğun yeni bir obyekt versinlər. Lakin dedilər ki, ən yaxşı halda hər kvadratına 3000 manat verə bilərik. Mən razılaşmadım və indiyədək heç bir məbləğ də almamışam.
Obyektimin qanunsuz olaraq sökülməsinə, işindəki əşyalarımın yoxa çıxarılmasına rəğmən, mən yenə də artıq heç nə istəmirəm, ya obyektimi alıb versinlər, ya da ərazidəki qiymətlərə uyğun pulumu versinlər”.
Məsələ ilə bağlı Bakı Şəhəri Nəzarət-təftiş şöbəsinin müdiri Zülfəli İsmayılovla əlaqə saxlamağa çalışsaq da, telefon zənglərimizi cavabsız qoydu.
Jalə FAMİLQIZI
Redskiyadan: Yazıda adları qeyd olunan şəxslərin və qurumların mövqeyini dərc etməyə hazırıq.
Azərbaycan Dövlət Aqrar Universitetində (ADAU) mühafizə xidməti əməkdaşlarının əmək hüquqları ciddi şəkildə pozulub. Universitet rəhbərliyi tərəfindən gözətçilər üçün nəzərdə tutulmuş mühafizə xidməti otağı bağlanaraq onların normal iş şəraitinə müdaxilə edilib.
14 aprel 2025-ci il tarixində baş verən hadisə nəticəsində soyuq hava şəraitində açıq havada işləməyə məcbur edilən əməkdaşlardan birinin halı pisləşib və ona təcili tibbi yardım göstərilib.
Mühafizəçilər bildirir ki, bu vəziyyət onların əmək haqlarının düzgün hesablanması ilə bağlı haqlı tələblərindən sonra baş verib. Onların sözlərinə görə, otaqların bağlanması və digər təzyiqlər bu tələbə cavab olaraq həyata keçirilib.
Məsələ ilə bağlı redaksiyamıza təqdim edilən video sübut hadisənin ciddiliyini əyani şəkildə təsdiqləyir. Kadrlarda gözətçilərin qeyri-insani şəraitdə işləməyə məcbur qaldıqları və təcili tibbi yardım maşınının əraziyə gəldiyi açıq şəkildə görünür.
Məlumat Bakunews.az xəbər portalına daxil olub. Hazırda hadisə ictimaiyyətin və müvafiq dövlət qurumlarının diqqətinə çatdırılıb. Zərərçəkən əməkdaşlar ədalətli yanaşma və əmək şəraitlərinin bərpasını tələb edirlər.
“Azərbaycan Dəmir Yolları” Qapalı Səhmdar Cəmiyyətinin (QSC) İnfrastrktur Departamentinin böyük mexaniki Eldar Güləliyev tərəfindən “Hürriyyət”in redaksiyasına şikayət məktubu daxil olub. Rəhbərlikdən şikayətçi olan E.Güləliyevin məktubunu olduğu kimi dərc edirik:
“Diqqətinizə çatdırım ki, mən “Azərbaycan Dəmir Yolları” QSC-nin İnfrastrktur Departamentinin 1 nömrəli işarəvermə və rabitə sahəsinin XAZ sexinin böyük mexaniki işləyirdim. Tərəfimdən istifadə olunması üçün mühafizə olunan dəmir yolu keçidi üçün 900 metr kabel lazım idi. Bu barədə idarənin rəisi Elxan İsmayılova müraciət etdim. O bildirdi ki, kabel yoxdur. Halbuki idarə dövlətimiz tərəfindən izolyasiya olunmuş külli miqdarda qiyməti olan kabellərlə təmin olunub.
İnsanların həyatı təhlükədə olduğu üçün, məcbur qalıb, bu barədə ölkə başçısına şikayət ünvanladım. Bundan sonra Elxan İsmayılov məni kabellərlə təmin etdi. Lakin iclasda dedi ki, “nə olsun Prezidentə şikayət etmisən, istəyirsən lap Səddam Hüseynə şikayət et, burda qanun mənəm...”. Bundan sonra şikayət etdiyim üçün məni işdən azad etdilər. Üstəlik, mənə düşən əmək haqqımın 5 misli miqdarında kompensasiyanı da vermədilər.
Bununla əlaqədar müraciət etdikdə, İnsan Resursları şöbəsinin əməkdaşları Sevinc Məmmədova və Nahid Bədirov mənə dedilər ki, get hara istəyirən şikayət et, sənə kompensasiya verilməyəcək.
Hətta 2 ay ərzində mənim əmək kitabçamı da qaytarmadılar. Halbuki, əmrin surəti, işçinin əmək kitabçası və işəgötürənin son haqq-hesabı (istifadə edilməmiş əmək məzuniyyətinə görə pul əvəzi, işçiyə ödənilməli əməkhaqqı və digər ödəmələr) ilə birlikdə sonuncu iş günü işçiyə verilməlidir. Lakin Sevinc Məmmədovanın bu sahədə savadı çatmadığı üçün və ya digər səbəblərdən əmri təqdim etmiş, lakin əmək kitabçasını 2 ay təqdim etməmişdir. Mən Əmək Müfəttişliyinə şikayət etdikdən sonra əmək kitabçam qaytarıldı.
Bildirim ki, 42 il iş stajı olan dəmiryolçulayam, işim daimi olsa da, məcburiyyət qarşısında mənə müddətli müqavilə imzalatdırmışdılar. Və işəgötürən Elxan İsmayılovun yaxın dostu Qəzənfər Abduləzimov bundan sui-istifadə edərək, mənim müqaviləmə xitam verdi.
31.01.2025-ci il tarixində Rəqəmsal İnkişaf və Nəqliyyat naziri Rəşad Nəbiyevin qəbuluna getdim, ona hər şeyi izah etdim. Cənab nazir mənə bildirdi ki, sizin kompensasiyanız ödəniləcək və bu iş nazirliyin insan resursları şöbəsinin rəisi Renat Rüstəmova tapşırıldı. Həmin şəxs mənimlə əlaqə saxlayıb soruşdu ki, sizə nə qədər pul ödənilməlidir? Mən də dedim ki, əmək haqqımın 5 misli, yəni 5000 manat. Dedi yaxşı, Elxanla danışaram. 2 gündən sonra isə mən ondan məktub aldım. Məktubda qeyd olunurdu ki, bunun bizə aidiyyatı yoxdur, get məhkəməyə müraciət et(Həmin məktubu da sizə təqdim edirəm).
Mən ona zəng edib soruşdum ki, bu nə məktubdu mənə göndərmisiz, bəyəm nazir bilmir bunun kimə aidiyyatı var, axı o, mənə camaatın içində söz verdi ki, pulun ödəniləcək. Renat Rüstəmov dedi ki, o məktubu ele-belə göndərmişəm, sənin pulun ödəniləcək.
Qeyd edim ki, 03.02.2025-ci il tarixində Həmkarlar İttifaqları Konfederasiyasının sədri Sahib Məmmədovun qəbulunda da olmuşam. O da mənə söz verdi ki, 42 il stajlı dəmiryolçu olduğun üçün biz tərəfədən sənə 1000 manat ödəniləcək. Deyildiyi kimi, mənə 1000 mənə ödənildi və bildirildi ki, bu, sırf AHİK tərəfindən ödənilir və nazirin vəd etdiyi 5 misli əməkhaqqı ilə əlaqəsi yoxdur.
Sonradan Renat Rüstəmov AHİK-dən verilən pula şərik çıxmaq istədi. Zəng edib məndən soruşdu ki, nə oldu ,sənə pul ödənildi? Dedim, o pul 1000 manatdır, AHİK tərəfindən ödənilib, onun sizə aidiyyatı yoxdur. Dedi ki, yox, əslində sənə heç o da düşmür, müraciət etmisən deyə sənə onu veriblər. Dedim ki, nazir özü mənə söz verib, siz adi işçisiniz, necə qərar verə bilərsiniz ? Həm də əgər mənə pul düşmürdüsə, göndərdiyiniz məktubda elə yazardınız da, niyə yazırsınız ki, bizə aidiyyatı yoxdur?! Həm də əgər qanunla mənə o pul düşmürsə, bəs 1000 manat niyə verilib?! O, sualıma cavab verə bilmədi. Ondan sonra mənim zənglərimi də cavabsız qoydu. Görünür, nazirin sözünə əhəmiyyət verən yoxdur, onun tapşırıqları yerinə yetirilmir. Bu səbəbdən, istəyirəm məsələni işiqlandırım ki, söhbət cənab Rəşad Nəbiyevə çatsın. O, nə cür işçiləri olduğunu görsün”.
Jalə FAMİLQIZI
Redaksiyadan: Yazıda adları çəkilən şəxslərin mövqeyini verməyə hazırıq.