Zaqatala təbiəti, əhalinin etnik tərkibinin zənginliyi və turizm potensialına görə Azərbaycanın ən cəlbedici bölgələrindən biridir. Ancaq təəssüflər olsun ki, son 15 ildə rayonda hansısa inkişafdan danışmaq çətindir. Bu günlərdə Zaqatalada səfərdə olarkən, bunun bir daha şahidi oldum. Nəinki inkişaf, hətta bir çox cəhətlərə görə, Zaqatalanın xeyli gerilədiyi açıq-aydın hiss olunur. Şəhər sanki qocalıb. İcra başçısı Mübariz Əhmədzadə kimi. 1947-ci ildə anadan olan Mübariz Əhmədzadə Azərbaycanda ən yaşlı icra başçısıdır, 77 yaşlı iki icra başçısından biridir. Bu gün Zaqatala da elə Mübariz Əhmədzadə kimi yorğun görünür...

İcra başçısının mərkəzi mətbuatda "rayonda dinamik inkişaf", "yeni iş yerlərinin açılması" kimi nağıllarla zəngin məqalələr dərc etdirməsinə rəğmən, Zaqatalada olarkən, bunun əksini müşahidə etdim. Digər rayonlarda olduğu kimi, burada da gənclərin əksəriyyəti iş üçün paytaxta və ya Rusiyaya üz tuturlar.

Əvvəllər abadlığı, səliqə-səhmanı ilə seçilən Zaqatalada bu gün səliqəsizlik, bərbad vəziyyət hökm sürür. Şəhərin mərkəzində - Bayraq meydanına yaxın yeraltı keçid günlərlə yığışdırılmır. Bu bir yana, burada dilənçi əlindən tərpənmək mümkün deyil. Düzü, əvvəllər Zaqatalada dilənçilərlə rastlaşmamışdım. Bu dəfə isə onlar hər addımda qarşıma çıxırdılar.
Rayona gələn turistlərin ən çox baş çəkdiyi məkanlardan biri də Zaqatala bazarıdır. Burada illərdir xaos davam edir. Bazara gedən yoldakı asfalt örtüyü son 15 ildə bir dəfə də olsun, dəyişdirilməyib. Ərzaq, xüsusən də, ət, ədviyyat və meyvə-tərəvəz satılan örtülü bazarda isə tam bir antisanitariya şəraiti hökm sürür. Kəsif qoxu adamı oradan qaçmağa məcbur edir.
Yeri gəlmişkən, yerli sakinlər Mübariz Əhmədzadədən fərqli olaraq, 2006-2009-cu illərdə Zaqatalanın icra başçısı olmuş Asif Əsgərovun fəaliyyətindən hələ də razılıq edirlər. Söhbət zamanı sakinlərdən biri dedi ki, Asif Əsgərov rayona icra başçısı gələndə elektrik enerjisi ilə bağlı ciddi problemlər olub:
"O ilk növbədə bu problemi aradan qaldırdı. Zibilin daşınması ilə bağlı problem də onun dövründə tam həll edildi. İndi isə şəhəri inək və qoyunlar zəbt eləyib. Əvvəllər şəhərdə yaşıllaşmaya və təmizliyə ciddi nəzarət var idi. İndi hər yeri zibil basıb. Zibil qabları dolub-daşır, şəhərin küçələri günlərlə yığışdırılmır, zibil daşınmır".

Zaqatalanın kəndlərində yaşayan sakinlərin üzləşdiyi ən ciddi problemlərdən biri də marşrut məsələsidir. Bu, onlara öz məhsullarını bazara çıxarmağa, yaxud da alış-veriş üçün şəhərə gəlməyə çətinlik yaradır. Kəndlərə işləyən "Qazel"lər o qədər köhnədir ki, çox vaxt yarı yolda xarab olur və sakinlərin saatlarla vaxt itirməsinə səbəb olur. Kənd avtobuslarının dayanacağında, hətta Nuh əyyamından qalma "Ural" yük-sərnişin avtobusu ilə də qarşılaşdım. Rayon icra başçısı kənd yollarını təmir etdirməkdənsə, onları hələ də, ötən əsrdə tarixin arxivinə verilən "Уral 3255"-dən istifadə etməyə məcbur edir. Sakinlər yayın istisində də şəhərə sovet dövrünün məhbus daşıyan avtomobillərini xatırladan "Ural" avtobusu ilə gəlib-gedirlər.
Yol məsələsindən söz düşmüşkən, Mübariz Əhmədzadə icra başçısı təyin olunduqdan sonra Bakı-Zaqatala və Zaqatala-Bakı marşrutlarının yolu da dəyişdirilib. Əvvəllər Zaqataladan birbaşa Şəkiyə (şəhərə daxil olmadan) işləyən marşrutlar 10 ildən artıqdır ki, Şəki və Qaxdan keçməyə məcbur edilir. Yollar dar olduğundan qəzaların sayının artdığı deyilir. Xüsusən də, yolun Qaxın Güllük kəndindən keçən hissəsi dar və dolanbac olduğundan burada hərəkət etmək çox təhlükəlidir. Sakinlər yolun dəyişdirilməsinin səbəbini icra başçısının biznes marağı ilə əlaqələndirirlər. İddia edirlər ki, Mübariz Əhmədzadənin obyektləri Qaxda olduğu üçün Zaqatalaya giriş yolunu oradan etdirib. Belə ki, indiki halda Bakıdan gələn turistlər birinci Qaxa gəlməli olur. İcra başçısının öz turizm obyektlərinə görə "köhnə bazara təzə nırx" qoyması nəticəsində neçə ildir baxımsız qalan 100 km-dən artıq yolun tamamilə yarasız vəziyyətə düşdüyü bildirilir.
Yollardan söz düşmüşkən, Azərbaycanın ilk qadın mexanizatoru Sevil Qazıyeva və "Qarabağ" futbol klubunun baş məşqçisi Qurban Qurbanovla tanıdığımız Aşağı Tala kəndinin yolları da bərbad vəziyyətdədir. Mübariz Əhmədzadə "Qarabağ"ın hər qələbəsindən sonra hamıdan qabaq Qurban Qurbanova zəng edib onu təbrik etsə də, icra başçısının bu "təəssübkeşlik və vətənpərvərliyi" deyəsən, elə bir telefon zəngindən artıq deyil. Hə, bir də o, futbolçunun evinin olduğu küçəyə (100-150 metr hissəyə) asfalt örtüyü çəkdirib. 7 min nəfərə yaxın əhalinin yaşadığı kəndin digər küçə və yolları isə çala-çuxurlarla doludur. Sakinlər sonuncu dəfə yolun nə vaxt təmir edildiyini belə xatırlamırlar.
7 min nəfərə yaxın əhalinin yaşadığı kəndin digər küçə və yolları çala-çuxurlarla dolu olsa da, məhz hamımızın böyük hörmət bəslədiyi, bütün Azərbaycanın və zaqatalalıların fəxri olan Qurbanovun evinə qədər olan hissənin asfaltlanması məyusedici faktdır. Həmişə sadəliyi, təvazökarlığı ilə seçilən adamı bir asfaltla hamıdan fəqləndirmək heç də Qurbanovu sevmək, ona hörmət etmək deyil. Əksinə, onu da yolundan tutmuş goruna qədər hər şeyi ilə sadə xaldan fərqlənmək istəyən harınlar təbəqəsinə transfer etmək cəhdidir.

Yeri gəlmişkən, bu, icra başçısının ilk belə ayrı-seçkiliyi deyil. Bir müddət əvvəl mətbuatda icra başçısı Mübariz Əhmədovun şəhidlər arasında ayrı-seçkilik etdiyi üçün narazılıq yarandığına dair xəbərlər yayılmışdı. Qeyd olunurdu ki, başçı və İcra Hakimiyyətinin rəsmiləri Novruz Bayramı ilə əlaqədar rayonda 44 günlük Qarabağ müharibəsi zamanı şəhid olmuş qəhrəmanların məzarlarını ziyarət ediblər. Məzarlıqda olarkən, müavinlərindən biri ona Birinci Qarabağ müharibəsi şəhidlərinin məzarlarını da ziyarət etməyi təklif edib. Mübariz Əhmədov isə “Onlar köhnə şəhidlərdir, ziyarətə ehtiyac yoxdur”, deyib. Onun bu sözlərinin şəhid ailələri arasında ciddi narazılıq doğurduğu, icra başçısının bu ayrı-seçkiliyə görə qınandığı qeyd olunurdu.
Zaqatala sakinlərinin əsas narazılığı icra başçısının rayonun problemlərini həll etmək əvəzinə öz biznesinin qayğısına qalması, şəhər və kəndlərdəki torpaq sahələrini satması, gəlirli obyektlərə nəzarəti öz əlinə keçirməsi, sahibkarlara ciddi problemlər yaratması ilə bağlıdır. On beş ildir Zaqatalaya rəhbərlik edən Mübariz Əhmədzadənin hətta bir müddət öncə Zaqatalanın Bəhmətli kəndində Vətən müharibəsi qazilərinə aid torpağı da satdığı iddia edilirdi.
Onun həmçinin rayonunun Əliabad kəndinin də ümumi istifadədə və bələdiyyə fondunda olan torpaq sahələrini 49 illiyinə məmurlara satdığı da yayılan iddialar arasındadır.

Bütün bunlardan sonra keçmiş Meliorasiya və Su Təsərrüfatı ASC-nin rəhbəri Əhməd Əhmədzadənin qardaşı, Qaxda yüksək vəzifələrdə çalışan, bir neçə il icra başçısı işləyən, 15 ildir isə Zaqatalaya rəhbərlik edən Mübariz Əhmədzadənin biznes imperiyasına dair söylənilənlərin həqiqət olduğuna inanmaya bilmirsən. Yeri gəlmişkən, bir müddət əvvəl dərc olunan həmin siyahını bir daha təqdim edirik:
Qaxda "El Resort” otel kompleksi, Qaxın İlisu kəndində "Yurd Hotel" istirahət kompleksi, İlisu kəndində "Yaşıl Park” otel kompleksi, "Səngər Qala” otel kompleksi, "Ulu Dag” oteli, Qax Fındıq Zavodu, Qax rayon taxıl məhsulları kombinatı, Eden Park Hotel Qax, Qaxbaş kəndində 54700 kv metrlik (5.5 hektar) ərazisi olan "Residence” ailəvi istirahət mərkəzi, Bakıda Koroğlu Rəhimov küçəsindəki "Növbahar" və "Zakura Yapon mətbəxi" restoranı.
Bu əlbəttə, bir neçə il əvvəl tərtib edilən və Mübariz Əhmədzadənin bütün biznesini əhatə edən tam siyahının yalnız bir hissəsidir. Onun müxtəlif adlarla qeydiyyatdan keçən xeyli şirkəti və bir sıra xarici ölkələrdə biznesinin olduğu da bildirilir.
Maraqldır, zaqatalalılar bu sömürgəçiliyə nə vaxta qədər dözməlidirlər? 77 yaşlı qocanı pensiyaya göndərməyin vaxtı çatmayıbmı?

Zaqatala təbiəti, əhalinin etnik tərkibinin zənginliyi və turizm potensialına görə Azərbaycanın ən cəlbedici bölgələrindən biridir. Ancaq təəssüflər olsun ki, son 15 ildə rayonda hansısa inkişafdan danışmaq çətindir. Bu günlərdə Zaqatalada səfərdə olarkən, bunun bir daha şahidi oldum. Nəinki inkişaf, hətta bir çox cəhətlərə görə, Zaqatalanın xeyli gerilədiyi açıq-aydın hiss olunur. Şəhər sanki qocalıb. İcra başçısı Mübariz Əhmədzadə kimi. 1947-ci ildə anadan olan Mübariz Əhmədzadə Azərbaycanda ən yaşlı icra başçısıdır, 77 yaşlı iki icra başçısından biridir. Bu gün Zaqatala da elə Mübariz Əhmədzadə kimi yorğun görünür...

İcra başçısının mərkəzi mətbuatda "rayonda dinamik inkişaf", "yeni iş yerlərinin açılması" kimi nağıllarla zəngin məqalələr dərc etdirməsinə rəğmən, Zaqatalada olarkən, bunun əksini müşahidə etdim. Digər rayonlarda olduğu kimi, burada da gənclərin əksəriyyəti iş üçün paytaxta və ya Rusiyaya üz tuturlar.

Əvvəllər abadlığı, səliqə-səhmanı ilə seçilən Zaqatalada bu gün səliqəsizlik, bərbad vəziyyət hökm sürür. Şəhərin mərkəzində - Bayraq meydanına yaxın yeraltı keçid günlərlə yığışdırılmır. Bu bir yana, burada dilənçi əlindən tərpənmək mümkün deyil. Düzü, əvvəllər Zaqatalada dilənçilərlə rastlaşmamışdım. Bu dəfə isə onlar hər addımda qarşıma çıxırdılar.
Rayona gələn turistlərin ən çox baş çəkdiyi məkanlardan biri də Zaqatala bazarıdır. Burada illərdir xaos davam edir. Bazara gedən yoldakı asfalt örtüyü son 15 ildə bir dəfə də olsun, dəyişdirilməyib. Ərzaq, xüsusən də, ət, ədviyyat və meyvə-tərəvəz satılan örtülü bazarda isə tam bir antisanitariya şəraiti hökm sürür. Kəsif qoxu adamı oradan qaçmağa məcbur edir.
Yeri gəlmişkən, yerli sakinlər Mübariz Əhmədzadədən fərqli olaraq, 2006-2009-cu illərdə Zaqatalanın icra başçısı olmuş Asif Əsgərovun fəaliyyətindən hələ də razılıq edirlər. Söhbət zamanı sakinlərdən biri dedi ki, Asif Əsgərov rayona icra başçısı gələndə elektrik enerjisi ilə bağlı ciddi problemlər olub:
"O ilk növbədə bu problemi aradan qaldırdı. Zibilin daşınması ilə bağlı problem də onun dövründə tam həll edildi. İndi isə şəhəri inək və qoyunlar zəbt eləyib. Əvvəllər şəhərdə yaşıllaşmaya və təmizliyə ciddi nəzarət var idi. İndi hər yeri zibil basıb. Zibil qabları dolub-daşır, şəhərin küçələri günlərlə yığışdırılmır, zibil daşınmır".

Zaqatalanın kəndlərində yaşayan sakinlərin üzləşdiyi ən ciddi problemlərdən biri də marşrut məsələsidir. Bu, onlara öz məhsullarını bazara çıxarmağa, yaxud da alış-veriş üçün şəhərə gəlməyə çətinlik yaradır. Kəndlərə işləyən "Qazel"lər o qədər köhnədir ki, çox vaxt yarı yolda xarab olur və sakinlərin saatlarla vaxt itirməsinə səbəb olur. Kənd avtobuslarının dayanacağında, hətta Nuh əyyamından qalma "Ural" yük-sərnişin avtobusu ilə də qarşılaşdım. Rayon icra başçısı kənd yollarını təmir etdirməkdənsə, onları hələ də, ötən əsrdə tarixin arxivinə verilən "Уral 3255"-dən istifadə etməyə məcbur edir. Sakinlər yayın istisində də şəhərə sovet dövrünün məhbus daşıyan avtomobillərini xatırladan "Ural" avtobusu ilə gəlib-gedirlər.
Yol məsələsindən söz düşmüşkən, Mübariz Əhmədzadə icra başçısı təyin olunduqdan sonra Bakı-Zaqatala və Zaqatala-Bakı marşrutlarının yolu da dəyişdirilib. Əvvəllər Zaqataladan birbaşa Şəkiyə (şəhərə daxil olmadan) işləyən marşrutlar 10 ildən artıqdır ki, Şəki və Qaxdan keçməyə məcbur edilir. Yollar dar olduğundan qəzaların sayının artdığı deyilir. Xüsusən də, yolun Qaxın Güllük kəndindən keçən hissəsi dar və dolanbac olduğundan burada hərəkət etmək çox təhlükəlidir. Sakinlər yolun dəyişdirilməsinin səbəbini icra başçısının biznes marağı ilə əlaqələndirirlər. İddia edirlər ki, Mübariz Əhmədzadənin obyektləri Qaxda olduğu üçün Zaqatalaya giriş yolunu oradan etdirib. Belə ki, indiki halda Bakıdan gələn turistlər birinci Qaxa gəlməli olur. İcra başçısının öz turizm obyektlərinə görə "köhnə bazara təzə nırx" qoyması nəticəsində neçə ildir baxımsız qalan 100 km-dən artıq yolun tamamilə yarasız vəziyyətə düşdüyü bildirilir.
Yollardan söz düşmüşkən, Azərbaycanın ilk qadın mexanizatoru Sevil Qazıyeva və "Qarabağ" futbol klubunun baş məşqçisi Qurban Qurbanovla tanıdığımız Aşağı Tala kəndinin yolları da bərbad vəziyyətdədir. Mübariz Əhmədzadə "Qarabağ"ın hər qələbəsindən sonra hamıdan qabaq Qurban Qurbanova zəng edib onu təbrik etsə də, icra başçısının bu "təəssübkeşlik və vətənpərvərliyi" deyəsən, elə bir telefon zəngindən artıq deyil. Hə, bir də o, futbolçunun evinin olduğu küçəyə (100-150 metr hissəyə) asfalt örtüyü çəkdirib. 7 min nəfərə yaxın əhalinin yaşadığı kəndin digər küçə və yolları isə çala-çuxurlarla doludur. Sakinlər sonuncu dəfə yolun nə vaxt təmir edildiyini belə xatırlamırlar.
7 min nəfərə yaxın əhalinin yaşadığı kəndin digər küçə və yolları çala-çuxurlarla dolu olsa da, məhz hamımızın böyük hörmət bəslədiyi, bütün Azərbaycanın və zaqatalalıların fəxri olan Qurbanovun evinə qədər olan hissənin asfaltlanması məyusedici faktdır. Həmişə sadəliyi, təvazökarlığı ilə seçilən adamı bir asfaltla hamıdan fəqləndirmək heç də Qurbanovu sevmək, ona hörmət etmək deyil. Əksinə, onu da yolundan tutmuş goruna qədər hər şeyi ilə sadə xaldan fərqlənmək istəyən harınlar təbəqəsinə transfer etmək cəhdidir.

Yeri gəlmişkən, bu, icra başçısının ilk belə ayrı-seçkiliyi deyil. Bir müddət əvvəl mətbuatda icra başçısı Mübariz Əhmədovun şəhidlər arasında ayrı-seçkilik etdiyi üçün narazılıq yarandığına dair xəbərlər yayılmışdı. Qeyd olunurdu ki, başçı və İcra Hakimiyyətinin rəsmiləri Novruz Bayramı ilə əlaqədar rayonda 44 günlük Qarabağ müharibəsi zamanı şəhid olmuş qəhrəmanların məzarlarını ziyarət ediblər. Məzarlıqda olarkən, müavinlərindən biri ona Birinci Qarabağ müharibəsi şəhidlərinin məzarlarını da ziyarət etməyi təklif edib. Mübariz Əhmədov isə “Onlar köhnə şəhidlərdir, ziyarətə ehtiyac yoxdur”, deyib. Onun bu sözlərinin şəhid ailələri arasında ciddi narazılıq doğurduğu, icra başçısının bu ayrı-seçkiliyə görə qınandığı qeyd olunurdu.
Zaqatala sakinlərinin əsas narazılığı icra başçısının rayonun problemlərini həll etmək əvəzinə öz biznesinin qayğısına qalması, şəhər və kəndlərdəki torpaq sahələrini satması, gəlirli obyektlərə nəzarəti öz əlinə keçirməsi, sahibkarlara ciddi problemlər yaratması ilə bağlıdır. On beş ildir Zaqatalaya rəhbərlik edən Mübariz Əhmədzadənin hətta bir müddət öncə Zaqatalanın Bəhmətli kəndində Vətən müharibəsi qazilərinə aid torpağı da satdığı iddia edilirdi.
Onun həmçinin rayonunun Əliabad kəndinin də ümumi istifadədə və bələdiyyə fondunda olan torpaq sahələrini 49 illiyinə məmurlara satdığı da yayılan iddialar arasındadır.

Bütün bunlardan sonra keçmiş Meliorasiya və Su Təsərrüfatı ASC-nin rəhbəri Əhməd Əhmədzadənin qardaşı, Qaxda yüksək vəzifələrdə çalışan, bir neçə il icra başçısı işləyən, 15 ildir isə Zaqatalaya rəhbərlik edən Mübariz Əhmədzadənin biznes imperiyasına dair söylənilənlərin həqiqət olduğuna inanmaya bilmirsən. Yeri gəlmişkən, bir müddət əvvəl dərc olunan həmin siyahını bir daha təqdim edirik:
Qaxda "El Resort” otel kompleksi, Qaxın İlisu kəndində "Yurd Hotel" istirahət kompleksi, İlisu kəndində "Yaşıl Park” otel kompleksi, "Səngər Qala” otel kompleksi, "Ulu Dag” oteli, Qax Fındıq Zavodu, Qax rayon taxıl məhsulları kombinatı, Eden Park Hotel Qax, Qaxbaş kəndində 54700 kv metrlik (5.5 hektar) ərazisi olan "Residence” ailəvi istirahət mərkəzi, Bakıda Koroğlu Rəhimov küçəsindəki "Növbahar" və "Zakura Yapon mətbəxi" restoranı.
Bu əlbəttə, bir neçə il əvvəl tərtib edilən və Mübariz Əhmədzadənin bütün biznesini əhatə edən tam siyahının yalnız bir hissəsidir. Onun müxtəlif adlarla qeydiyyatdan keçən xeyli şirkəti və bir sıra xarici ölkələrdə biznesinin olduğu da bildirilir.
Maraqldır, zaqatalalılar bu sömürgəçiliyə nə vaxta qədər dözməlidirlər? 77 yaşlı qocanı pensiyaya göndərməyin vaxtı çatmayıbmı?

Kimsə məni məhkəməyə vermək fikri varsa ,buyursun.Qorxum yox, ürküm yox.Mən nə edirəm Sizlər ücün edirəm.
Kürdəmir rayonun 110 min əhalisi var. Bu cəkiliş onlara xidmət edən səhiyyə ocağından cəkilib. Peşkqr olmadığım ücün guya cəkmişəm, amma telefonu qaydasında işlətməmişəm.Heyf o kadrlara, heyf o dialoqlara.Bu da bəs edər ki, insanlar başa düşər ki, dövlətin büdcəsin mənasız layihələrə sərf edib pul silməkdənsə, hec olmasa 110 minlik əhaliyə layiq xəstəxana tikilsin.
Yeni səhiyyə ocağına təzə rəhbər gəlib.Elcin həkim. Bu necə ayda həm yenilik etmək istəyir, həm də etmir. Yeniliyi odur ki, kabinetlərin yerin dəyişir.Xəstələrin gur saatlarında stol - stul bir otaqdan o biri otağa daşınır.Texniki işçilərin " yol verin" sədaları dar kolidorlarda güclə eşidilir və avadanlıqlar xəstələri əzə- əzə kecir. Qan köçürmə otağı geniş yerdən dar koridoru olan yerə kecirilib.
XƏSTƏXANA koridoru o qədər kiçikdir ki, müsəlmanlıq arada itib gedir.Hicablı bir xanım məni çəkmə ,Tik toka qoyarsan , deyir.Halbuku bəlkə on dəfə çiyninə yad əl dəyib " xanım yol ver" deyib. Onlara narazılıq etmir, mənə söz deyir.Mənə !!!
( Mehriban Zeynalova , bacı, gərək özümə Tik-tok səhifəsi acım.Xalq istəyir)
Söhbətimiz harada qaldı
Xəstəxananın dəhlizlərində.
O qədər dardır ki, adam avtobus şöferləri kimi qışqırmaq istəyir." Mehriban olun, sıxlaşın, kecək" .
Arada səs gəlir.
-" Ay xanım , divarın icinə girim?
- Yox , yanpörtü dur, keçim"
Bu arada Cin xalqından üzr istəmək istəyirəm.Karona Cin bazarından yox, bizdə yaranıb.Xəstə bir xəstəliklə gəlib,100 xəstəliklə evinə qayıdır.
Düzdür, sığorta işləyir.Həkimlər , analizlərə görə pul istənilmir.Amma həkimin qəbuluna gələnə kimi xəstələr sinir krizis keçirir.
Növbələr, növbələr.
Əvvəl cek yazdırmaq ücün uzun növbə tutmalısan.Adam cox.Ham
ı qışqırır.Bu arada ağbirçək, ya da vor zakon kimi bir-iki " razborka "nı( bunu da bacarıram) sakitləşdidim.Növbəm şəkər həkinə 73 cü, nevropotoloqa 43, qan analizlərində 63 cü oldum.
EVƏ zəng:
-Anadan muğayat olun, işin axırına qədər buradayam.
- Orada nə edirsən?
- 73 cü adamam.
Bəzən həkimlərə cox yazığım gəlir.
Bu qədər xəstəyə necə baxa bilirlər? Havasızlıqdan necə dözürlər?( Gələn dəfə oksigen balışı ilə gələcəyəm.Ya da əleyqaz.)Hər həkimin qəbulunda 10 larla yox, bəlkə 50 yə yaxın xəstə dayanıb.Qohumlada onları müşayiət edir.
Arada kolidorlarda firmaların papkalı nümayəndələri dolaşır.
Polislər də var. SƏS küy veclərinə deyil.Bir polis xəstənin reseptinə baxıb məsləhət verir, o biri isə xəstələri qan vermə otağına keçirmək ücün siyahıya alırdı.

Orada olduğum müddətdə əlbəyaxa dava da olmadı ki , polislərin başqa qabiliyyətlərinə şahid olum.
İndi sözüm əlaqədar təşkilatlardır.
Xəstəxana rəhbərliyini dəyişməklə iş bitmir.
İnsanlar normal tibbi xidmət almaq ücün şərait yaratmaq lazımdır.Bu insanların haqqı, Sizlərin isə vəzifəsidir.
Xəstəxana yolları bərbad və natəmizdir. Zibil maşınları deyəsən reanimasiya gəlmək ücün dayanıb.
Bilsəniz nə qədər nöqsan var...Zaman- zaman yazacağam.
Latafat Malikova
TEREF

Gəncə şəhəri, Sevinc qəsəbəsi 31-ci küçənin sakini Həsənov Təbriz Fəxrəddin oğlu tərəfindən “Hürriyyət” qəzetinin redaksiyasına şikayət məktubu daxil olub. Şikayətçi qəzetimiz vasitəsilə Baş Dövlət Yol Polisi İdarəsinin rəhbəri Ramiz Zeynalova müraciət edir:

“Cənab Ramiz Zeynalov!

Mən, Həsənov Təbriz Fəxrəddin oğlu, ildirirəm ki, 24.02.2024-cü il tarixdə etibarnamə əsasında idarə etdiyim 10-KE-544 dövlət qeydiyyat nişanlı “Qaz 31105” markalı minik avtomobili ilə Samux rayonundan Gəncə şəhərinə qayıdarkən, saat 19:30 radələrində Samux rayon Polis Şöbəsinin yanında Samux RPŞ-nin DYPB-nin YPX-nin inspektoru, polis serjantı Rüstəmli Çingiz Kərim oğlu mənim avtomobilimi saxladı və avtomobilə əlavə avadanlıq quraşdırıldığını bildirdi. Avtomobilimə əlavə işıqlar qurraşdırılmadığını, bu markalı bütün avtomobillərdə həmin işıqların olduğunu dedim. Lakin polis serjantı Rüstəmli Çingiz Kərim oğlu mənimlə razılaşmayaraq, avtomobilin Samux RPŞ-nin duracağına getməli olduğunu dedi və avtomobili idarə edərək Samux RPŞ-na apardım.

Daha sonra dayım Mehman Qasımovla əlaqə saxlayaraq, həmin işıqların qadağan olub-olunmamasını soruşdum və o, qadağan olunmadığını bildirdi. Bu vaxt telefonu polis serjantı Rüstəmli Çingiz Kərim oğluna uzadaraq dayımla danışmasını istədim. Lakin Çingiz telefonu yerə ataraq danışmaqdan imtina etdi və avtomobilin açarını zorla əlimdən aldı. Qeyd edim ki, həmin vaxt Samux RPŞ-nin DYPB-nin YPX-nin inspektoru, polis serjantı Elnur Əliyev də bizim yanımızda idi. Çingiz Rüstəmli avtomobili Samux RPŞ nin həyətinə salan zaman Samux RPŞ-nin DYPB-nin YPX-nin inspektoru, polis serjantı Abbasov Zaur Rəhim oğlu mənə yaxınlaşaraq "niyə polisə müqavimət göstərirsən" deyib baş və göz nahiyəmə yumruqla zərbə vurdu. Zərbənin təsirindən yerə yıxıldım. Yerdə uzanıqlı vəziyyətdə olanda Zaur ayaqqabısının dabanı ilə əlimin üstünə çıxdı, məni ayağa qalxmağa qoymadı və digər polis əməkdaşlarına “nəyə baxırsınız, gəlin tutun qoyun içəri” sözlərini dedi.

Polis əməkdaşları məni şöbənin içərisinə apardılar və gözümün altı göyərdiyi üçün iki gün məni Samux rayon polis şöbəsinin müvəqqəti saxlama kamerasında saxladıqdan sonra, barəmdə Azərbaycan Respublikası İXM-nin 535.1-ci maddəsi ilə protokol tərtib edib məhkəməyə göndərdilər. Məhkəmədə hadisə yerində olmayan polis əməkdaşı üzümə duraraq, guya polisə müqavimət göstərdiyimi bildirdi. Beləliklə, məhkəmə qərarı ilə 150 manat məbləğində cərimə olundum.

Məhkəmədə mənə bildirdilər ki, döyülməyimlə bağlı məsələnin araşdırılması üçün Samux rayon Prokurorluğuna məktub ünvanlayacaqlar.

Məhkəmədən sonra maşını götürmək üçün cərimə meydançasına getdim və işıqların sökülmədiyini gördüm. Əgər həmin cərimə İXM-nin tələblərinə uyğun tərtib edilmişdirsə, həmin işıqlar söküldükdən sonra avtomobil mənə təhvil verilməli idi. Qeyd edirəm ki, 24.02.2024-cü il tarixdə saat 19:20-da Samux RPŞ- nin DYPB-nin YPX-nin inspektoru, polis serjantı Abbasov Zaur Rəhim oğlu məni döymüşdür və polis şöbəsinin müvəqqəti saxlama yerində olduğum müddət ərzində aldığım xəsarət və ağrılarla bağlı həkim müayinəsindən keçirilməmişəm. Yalnız 26.02.2024-ci il tarixdə məhkəmədən sonra həkimə müraciət etmişəm və Gəncə şəhərində yerləşən 3 nömrəli xəstəxanadan mənə xəsarətlərimlə bağlı arayış təqdim edilmişdir”.

Cənab Ramiz Zeynalov!

Özüm müharibə iştirakçısı olmuşam, əmim Həsənov Natiq Nəsrəddin oğlu I Qarabağ döyüşlərində şəhid olub. 2 azyaşlı övladım var.

Sizdən xahiş edirəm ki, 24.02.2024-cü il tarixdə saat 19:40 radələrində mənə yumruqla zərbə vuran Samux rayon Yol Polisinin əməkdaşı Abbasov Zaur Rahim oğlunu məsuliyyətə cəlb edəsiniz. Dediklərimin təsdiqi üçün Şöbənin kamerasının görüntülərini açdırmaq yetərli olacaq”.

Qeyd edək ki, Həsənov Təbriz Fəxrəddin oğlu məsələ ilə bağlı Samux Rayon Prokurorluğunda da izahat verib.

Jalə FAMİLQIZI

Redaksiyadan: Yazıda adları qeyd olunan şəxslərin mövqeyini dərc etməyə hazırıq.

"Qobu Park-3" yaşayış massivində məcburi köçkünlər üçün tikilən binanın əyilməsi ilə bağlı məlumat vermişdik.

Qeyd edək ki, kompleksə daxil olan 26-cı binada bərkitmə işləri aparılması ilə bağlı görüntülər də yayımlanıb. Görüntülərdən məlum olur ki, ərazidə iş aparılarkən heç bir təhlükəsizlik qaydalarına riayət olunmur. Lakin məsələ ictimailəşdikdən sonra binanın həyətində, azyaşlıların mütəmadi oynadığı ərazidə qazılan quyunun ətrafına təhlükəsizlik lenti çəkilib. Eyni zamanda, hadisə yerindən "İctimai" TV-nin hazırladığı reportajda binada əyilmənin aidiyyatı qurumların nümayəndələri tərəfindən adi hal kimi təqdim edilməsi də diqqət çəkir. Belə ki, Lökbatan Mənzil İstismar Sahəsinin rəis müavini Xaqani Həsənov bildirib ki, yaşayış massivində 26-cı binada iki blok arasında "bir balaca" fərq yarandığı üçün bərkitmə işləri aparılır: "Bunun qarşısını almaq məqsədilə, gələcəkdə problemlər yaranmasın deyə maili müstəvi şəklində bərkitmə işləri aparılır".
Onu da xatırladaq ki, bundan əvvəl eyni problem "Qobu Park-1" və "Qobu Park-2" yaşayış massivində də yaşanıb. "Qobu Park-3"-ün tikintisində isə problem daha əvvəldən mövcud idi. Diqqətli oxucular xatırlayar ki, həmin yaşayış kompleksində binaların üstü tam tollanmamış açılışı edilmişdi və ölkə başçısı da həmin açılışa dəvət edilmişdi. Elə həmin vaxtlarda binanı tikən şirkətin - "Kristal Abşeron"un ölkə rəhbərliyini aldatdığını yazmışdıq. Görünən odur ki, adıçəkilən şirkət aldatma məsələsində lap ağını çıxarıb.

Belə ki, "Qobu Park" yaşayış kompleksinin sifarişçisi "Paşa Holdinq"dir. Kompleksin təməli 2017-ci il mayın 30-da qoyulub. Təməlqoyma mərasimində Birinci vitse-prezident Mehriban Əliyeva da iştirak edib. Cəmi bir il sonra – 2018-ci ilin 24 mayında isə Prezident İlham Əliyev kompleksə daxil olan "Qobu Park 1"-in açılışını edib. 2019-cu ilin oktyabrında yenə ölkə başçısının iştirakı ilə "Qobu Park 2"-nin açılış mərasimi keçirilib. Bu yaşayış komplekslərinin inşası Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın təşəbbüsü ilə həyata keçirilib.
Bəs şirkəti bu rəzilliyə getməyə nə vadar edib? Axı "Kristal Abşeron" şirkətinin faktiki sahibi Ağalar Vəliyev 2010-cu ildən parlamentdə təmsil olunur. Baxmayaraq ki, halallıqla mandat sahibi olması böyük sual altındadır. Milli Məclisin stenoqramlarını incələyən hər kəs Ağalar Vəliyevin mandat sahibi olduğu 14 ildə 14 dəfə çıxış edib-etmədiyinə dair məlumat tapmaqda çətinlik çəkər. 2020-ci ilin fevral ayından bəri Milli Məclisin meclis.gov.az saytında yerləşdirilən stenoqramlarda A.Vəliyevin yalnız bir çıxışı var: 09.04.2020 – tarixində keçirilən iclasda o, 2019-cu il üzrə dövlət büdcəsinin icrasına dair çıxış edərək mövzu ilə bağlı uzun bir mədhiyyə səsləndirilib. Vəssalam!

Belə olan halda, ortaya haqlı olaraq və maraqlı sual çıxır: səni müftə yerə mandat sahibi edən, Milli Məclis kimi tribunadan susqunluğunla istifadə etmənə göz yuman hakimiyyətə niyə nankorluq edirsən? Təbii ki, Ağalar Vəliyev açıqlama verib deyə bilər ki, "Kristal Abşeron" onun şirkəti deyil. Lakin ictimai rəyi çaşdırmaq üçün tez-tez əl atdıqları bu variant təbii ki, hakimiyyət yanında keçərli deyil. Çünki "Kristal Abşeron" şirkətinin məhz A.Vəliyevə məxsus olduğunu hakimiyyətdəkilər çox gözəl bilirlər. O üzdən də artıq Ağalar Vəliyev üçün yolun sonu göründü demək olar. Artıq bu il keçirilməsi gözlənilən parlament seçkilərində ona yenidən mandat haqqının tanınıb-tanınmayacağını demək çətindir. Elə Qaçqınların və Məcburi Köçkünlərin İşləri üzrə Dövlət Komitəsindən də bildirilib ki, məsələ ilə bağlı araşdırmalar başlanacaq. Buna qədər isə aidiyyatı qurumlar belə halların olmadığını qeyd edirdilər və problemin üstünün ört-badır edildiyi açıq-aşkar ortada idi.

Bütün iddialarla, səsləndirilən hallarla bağlı "Kristal Abşeron" şirkətinin mövqeyini verməyə çalışdıq. Lakin şirkətin mətbuat xidmətinə dəfələrlə ünvanladığımız sorğular cavabsız qalıb. Eləcə də "Kristal Abşeron"un icraçı direktoru Məhayət Nəbiyevə etdiyimiz zənglərə cavab ala bilmədik. Hər bir halda qarşı tərəfin mövqeyini verməyə hazırıq.

Sonxeber.az

“Dünyada elə bir ölkə yoxdur ki, orada qida təhlükəsizliyi 100 faiz təmin olunsun. Dünyanın hər yerində qida təhlükəsizliyinə görə yüz faizlik cavabdeh sahibkardır”.

Bunu Azərbaycan Qida Təhlükəsizliyi Agentliyinin (AQTA) sədri Qoşqar Təhməzli aprelin 18-də parlamentin Aqrar siyasət komitəsində keçirilən ictimai dinləmədə deyib. Onun dediyinə görə, qida təhlükəsizliyi qurumlarının vəzifəsi sahibkarla istehlakçı arasında münasibətləri tənzimləməkdir...

Bununla da qida təhlükəsizliyinə görə məsuliyyəti bir növ öz boynundan atan AQTA sədri Azərbaycanda qida təhlükəsizliyi səviyyəsinin yüksək olduğunu, hətta Avropanı da üstələdiyini iddia edib: “Bizdə nədənsə elə təəssürat yaranıb ki, digər ölkələrdə qida həddindən artıq sağlamdır, bizdə isə ona qarşı münasibət həddindən artıq kritikdir. Bu, belə deyil. Tam məsuliyyətlə bildirmək istəyirəm ki, Azərbaycan dünyada qidası təhlükəsiz olan ən öndəgedən ölkələrdən biridir".

Təhməzli bunu da ölkədəki zəhərlənmə hallarının sayı ilə əlaqələndirib: "Azərbaycanda 100 min nəfərə görə zəhərlənmə 4 hadisə, Avropa Birliyi ölkələrində isə 10 hadisədir”.

Birincisi, Azərbaycanda bütün rəsmi statistikalar kimi zəhərlənmə statistikasının da obyektivliyi, yumşaq desək, şübhə doğurur və təbii ki, gerçək mənzərəni əks etdirə bilməz.

İkincisi, AQTA sədrinin dediyindən belə çıxır ki, hətta yaşayış səviyyəsi və standartları qat-qat yüksək olan avropalılar bizdən pis qidalanır, bizdən keyfiyyətsiz məhsullar istehlak edirlər və ona görə də bizdən daha çox zəhərlənirlər. Yəqin, bunu iddia edərkən Qoşqar müəllimin özünün də öz dediklərinə gülməyi gəlib...

Zəhərlənmə statistikasına gəlincə, bu, kifayət qədər mübahisəli yanaşmadır. Çünki Azərbaycanda insanlar qidalardan dərhal deyil, tədricən zəhərlənir və bu, özünü xərçəng xəstəliyi başda olmaqla, bir çox digər ağır xəstəliklərin, sonsuzluğun və s. artmasında göstərir.

Məsələyə bu rakursdan yanaşmaq əvəzinə, Q.Təhməzli nəinki avropalıların, dünyanın əksər sivil ölkələrinin yaxın buraxmadıqları və çox ehtiyatla yanaşdıqları palma yağının guya təhlükəsiz olduğu barədə ağız dolusu danışıb. AQTA sədrinin dediyinə görə, bugünədək ölkədə palma yağında aparılan müayinələrdə heç bir uyğunsuzluq aşkar edilməyib. O, deyib ki, digər bitkilərlə müqayisədə yüksək məhsuldarlığa malik olduğundan və maliyyə baxımından ucuz başa gəldiyindən palma yağından qida sənayesində geniş istifadə olunur: “Palma yağ tərkib xüsusiyyətlərinə və daha yüksək sabitliyə malik olduğundan qızardılma və bişirilmə üçün yararlı hesab edildiyindən daha geniş istifadə olunur”.

Maraqlıdır, görəsən Q.Təhməzlinin özü, yaxud başqa bir məmur evində həmin bu “tərifli” palma yağından istifadə edirmi? Təbii ki, qətiyyən yox! Amma “qara camaata” can-başla məsləhət görür. Yəqin, bu yağı ölkəyə gətirən inhisarçılar, məmur-oliqarxlar və s. belə məsləhət bilir. Onların maraqlarını tapdalamaq olmaz!

Hər halda, əhaliyə kərə yağı adı altında satılan yağların, eləcə də bir çox qida məhsullarının tərkibində palma yağının olduğuna dair iddialar da əsassız deyil. Q.Təhməzlidən fərqli olaraq, qida mütəxəssisi Ağa Salmanov mətbuata açıqlamasında deyib ki, palma yağı insan orqanizmi üçün olduqca zərərlidir və onun ölkəyə gətirilməsi qadağan olunmalıdır. O, bildirib ki, palma bitkisindən hazırlanan yağ ən ucuz və orqanizm üçün təhlükəli məhsuldur: “Avropa Qida Təhlükəsizliyi Agentliyi də palma yağının orqanizm üçün zərərli olduğunu təsdiq edib. Bu yağ texniki emal zamanı hidrogenlə doydurulur və nəticədə transyağa çevrilir. Buna görə də insan orqanizmində müəyyən şişlərin, xəstəliklərin meydana gəlməsinə səbəb olur”.

Deməli, Avropa Qida Təhlükəsizliyi Agentliyi palma yağının zərərli olduğunu təsdiqləyir, Q.Təhməzli isə başqa fikirdədəir və belə hesab etmir. Ümumiyyətlə, paradoksal vəziyyət yaranır. Məsələn, Ümumdünya Səhiyyə Təşkilatı artıq bir ildir COVİD-19-un bitdiyini elan etsə də, Azərbaycanda bu epidemiya hələ də guya “yaşayır” və biz ÜST-ün artıq “gorbagor olmuş” tələblərinə hələ də riayət edirik, hətta sərhədlər də bu adla bağlı saxlanılır. Ancaq digər beynəlxalq qurum - Avropa Qida Təhlükəsizliyi Agentliyi palma yağının zərərli hesab etdiyi halda, biz onu tam yararlı və zərərsiz kimi qəbul edib, əhaliyə “yediririk”. Hər halda, heç də Q.Təhməzlidən zəif mütəxəssislərin toplaşmadığı Avropa Qida Təhlükəsizliyi Agentliyi bildirir ki, palma yağı insan orqanizmində şişlərin, digər ağır xəstəliklərin meydana gəlməsinə səbəb olur. Təhməzli isə bu arqumenti yox, ölkəmizdə zəhərlənmə hallarının statisikasını əsas götürərək, ölkəmizin qida təhlüksizliyi səviyyəsini bu kriteriya əsasında ölçür. Hansı ki, bu cür qidalar öz təsirini dərhal zəhərlənmələrin deyil, müxtəlif ağır xəstəliklərin say artımında göstərir və yaxşı olar ki, Q.Təhməzli bu statistikadan da danışsın.

Ancaq yox, AQTA rəhbəri üçün prioritet mövzu tamamilə başqadır. Milli Məclisdəki çıxışı zamanı Q.Təhməzli ölkənin qida təhlükəsizliyi səviyyəsinin az qala idealın üzərində olduğunu bildirməklə yanaşı, onun qurumunun sahibkarlıq subyektlərində istədiyi vaxtda, istədiyi kimi yoxlamalar apara bilməməsindən gileylənib. O, deyib ki, hazırda Qida Təhlükəsizliyi Agentliyi qəfil yoxlamalar həyata keçirə bilmir: “Qanunvericilikdə olan maneə bizə imkan vermir ki, plandankənar yoxlama həyata keçirək”. Yəni, əhaliyə palma yağı da daxil olmaqla hər cür yararsız qidalar yedirtmək olar, dərd bu deyil, dərd yoxlama dərdidir! Sahibkarlarımız isə bu yoxlamaların nəyə və neçəyə başa gəldiyini yaxşı bilirlər...

“AzPolitika.info”

Tibb Universitetinin Tədris Stomatoloji Klinikasında müəmmalı olaylar baş verir. Elektron media yazır ki, rəsmi olaraq Klinikanın direktoru tibb üzrə fəlsəfə doktoru Mahir Səfərovdur. O, həm də Klinikada Universitetin rektoru Gəray Gəraybəylinin qeyri-leqal işlərinin başında durur. Onun rektoun ən yaxın adamlarından biri olduğunu da yazır mətbuat. Məlumata görə Mahir Səfərov burada rektor Gəray Gəraybəyliyə göstərişlərinə uyğun qaydalar qoyub.

Klinikaya girən kimi hər pasientdən 5 manat tələb olunur. Qapıya xüsusi nəzarətçi təyin edib ki, klinikaya daxil olan pasientlərin dəqiq sayını hesablayır. Hətta pullu pasientləri birbaşa Mahir Səfərovun yanına aparırlar. Mahir Səfərov da diroktor olduğu xidməti otağında diş kabineti yaradaraq pasientləri müalicə edir. Yəni, pul yığır. Məlumatlara görə Klinikada şəxsi stomatoloji kabinetlər fəaliyyət göstərir. Nə mənada? Dövlət tərəfindən vəsait ayırmasına baxmayaraq kabinetlərin bütün avadanlıqları, təmiri həkimlər tərəfindən toplanan pullar hesabına həyata keçirilir. Burada hər bir həkimə, diş texnikinə aylıq 500-1000 manat civarında “stavka” müəyyən edilib. Klinikanın direktoru Mahir Səfərov heç kimdən çəkinməyərək, bu “stavka”nı yuxarıların, yəni Gəray Gəraybəylinin göstərişi ilə təyin edildiyini bildirir.

Mediada da qeyd olunduğu kimi dövlət tərəfindən Stomatoloji Klinikanın saxlanılmasına külli miqdarda vəsaitlər xərclənir. Bu vəsaitlər Klinikaya tabeliyində olduğu Tibb Universiteti tərəfindən ayrılır. Elektron medianın Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatları üzərindən apardığı araşdırmada məlum olub ki, Stamatoliki Klinika 23.06.2017-ci il tarixdə dövlət qeydiyyatına alınıb. Tibb Universitetinin rəsmi portalında isə Stomatoloji Klinikanın 2002-ci ildə açıldığı göstərilir. İndi təsəvvür edin klinika fəaliyyətə başladığı dövr ilə dövlət qeydiyyatına alındığı gün arasında, yəni 15 il ərzində buraya nə qədər pullar daxil olub və Klinika sosial və vergi ödənişlərindən nə qədər yayınıb. Yazılanlara görə bununla bağlı hətta nazirliklər səviyyəsində danışıqlar aparılıb. İqtisadiyyat Nazirliyinin Dövlət Vergi Xidməti İlə Səhiyyə Nazirliyi arasında aparılan danışıqlardan sonra Tibb Universitetinin Tədris Stomatoloji Klinikasında yaranmış külli miqdarda vergi borcunun müəyyən hissəsi ödətdirilib. Məlumatlara görə həmin borcun bir hissəsi hələ də ödənilməmiş olaraq qalır.

Bəs indi Tibb Universitetinin Tədris Stomatoloji Klinikasında nələr baş verir?

Aktualinfo.org-un dövlət satınalmalarının vahid internet portalı üzərindən apardığı araşdırmada məlum oldu ki, Azərbaycan Tibb Universiteti ATU – nun Tədris Stomatoloji Klinikasının 4-cü mərtəbəsinin cari təmir işlərinin satınalınması üzrə açıq tender müsabiqəsi elan edib. Tenderin şərtlər toplusunda müsabiqənin dərc edilmə tarixi və vaxtı: 07.01.2024 17:37; Tələb olunan sənədlərin təqdim edilməsinin son tarixi və vaxtı: 10.01.2024 12:00; Təkliflərin son təqdim olunma tarixi və vaxtı: 18.01.2024; Zərflərin açılış tarixi və vaxtı: 19.01.2024 12:00 müəyyən edilib.

Lakin dövlət satınalmalarının vahid internet portalında üstündən 3 ay keçməsinə baxmayaraq hələ bu açıq tenderin nəticələri barədə heç bir məlumat yoxdu. Amma qanuna görə Tibb Universitetinin Satınalmalar Komissiyası zərflər paketinin açılışından 5 bank günü ərzində satınalmanın nə qədər vəsait təklifi ilə hansı şirkətin qalib olduğunu elan etməli, gözləmə müddəti bitdikdən sonra satınalma müqaviləsinin bağlanılması barədə satınalmalarının portalında məlumat yerləşdərməli idi.

Dövlət satınalmalarının vahid internet portalı üzərindən apardığımız hərtərəfli araşdırmalar zamanı Azərbaycan Tibb Universitetinin Satınalmalar Komissiyası tərəfindən Stomatoloji Klinikasının 4-cü mərtəbəsinin cari təmir işlərinin satınalınması üzrə elan etdiyi açıq tender müsabiqəsinin nə ləğv olunması barədə, nə də hansısa səbəbdən baş tutmaması barədə heç bir bildirişin yerləşdirilmədiyini müəyyən etdik.

Buradan suallar yaranır:

Azərbaycan Tibb Universitetinin Satınalmalar Komissiyası Stomatoloji Klinikasının 4-cü mərtəbəsinin cari təmir işlərinin satınalınması üzrə elan etdiyi açıq tender müsabiqəsinin nəticələrini nə üçün açıqlamayıb?

Açıq tender baş tutmayıbsa və ya ləğv edilibsə tədris müəssisəsinin Satınalmalar Komissiyası nə üçün qanunla müəyyən edilmiş qaydada səbəbini göstərməklə bildiriş verməyib?

Qeyd edək ki, burada daha bir müəmmalı məsələ var. Qeyd etdiyimiz kimi tenderin şərtlər toplusunda müsabiqənin dərc edilmə tarixi və vaxtı: 07.01.2024-cü il tarixə müəyyən edilib. Amma Tibb Universitetinin Satınalmalar Komissiyası tərəfindən tender və kotirovkaların keçirilməsi məqsədi ilə iddiaçılara verilən elektron dəvət elanlarının sıralamasında Stomatoloji Klinikasının 4-cü mərtəbəsinin cari təmir işlərinin satınalınması üzrə elan etdiyi açıq tender müsabiqəsi yanvar ayında deyil, lap aşağıda, 2019-2021-ci illərdə elan olunmuş satınalmaların sırasına yerləşdirilib. Maraqlıdır niyə?

Aydın məsələdir elan satınalmaların portalına bir prosedur qaydası kimi formal olaraq yerləşdirilib. Müqavilə Tibb Universitetinin rəsmilərinə yaxın şirkətlərin biri ilə bağlanılıb. Bəlkə də Klinikanın 4-cü mərtəbəsində cüzi kosmetik təmir işləri çoxdan aparılıb. İndi də büdcədən pul çıxarmaq üçün formal tender elan ediblər. Nə qədər büdcə vəsaitin ayrıldığını gizlətmək məqsədi ilə də tenderin qalibini açıqlamayıblar. Bu qədər sadə. Yoxsa, qanunla yanvar ayında elan olunmuş açıq tenderin nəticələri bu vaxta qədər açıqlanmalı, ya da baş tutmamasının səbəbləri göstərilməli idi. Necə ki, Tibb Universitetinin Satınalmalar Komissiyası baş tutmayan, ləğv edilən başqa satınalmalarda bu prosedura ciddi əməl edir, bildirişlər verir. Stomatoloji Klinikasının 4-cü mərtəbəsinin cari təmir işlərinin satınalınması üzrə elan edilmiş açıq tender müsabiqəsində bu qaydalara nə üçün əməl edilməyib, çox müəmmalıdır.

Qeyd edək ki, elektron mediada həmçinin yazırlar ki, bir müddət əvvəl Səhiyyə Nazirliyinin xüsusi komissiyası Tibb Universitetinin Tədris Stomatoloji Klinikasında yoxlamalara başlayıb. Səbəb Universitetin Stomatoloji Klinikasında yol veilən maliyyə pozuntuları olub. Amma elektron medianın yazdığına görə bu gün Tibb Universitetinin rektoru Gəray Gəraybəyli ilə Səhiyyə naziri Teymur Musayev arasında bir gərginlik yaşanmaqdadır. Bu gərginlik heç də Stomatoloji Klinikada yol verilən maliyyə pozuntuları ilə bağlı deyil. Əksinə, Klinikada gün ərzində qeyri-leqal olaraq toplanan pullara sahiblənmək üstündədir.

Maraqlıdır görəsən Səhiyyə naziri Teymur Musayevin bu ilginc faktlardan, Tibb Universiti tərəfindən Stomatoloji Klinikada cari təmir işlərinin satınalınması üzrə formal tender keçirməsindən, bu məqsədlə nə qədər büdcə vəsaiti ayrıldığından, həmin vəsaitlərin necə silindiyindən xəbəri varmı?

Tədris Stomatoloji Klinikasının doktoru Mahir Səfərova gəlincə. Onun artıq çoxdan Səhiyyə naziri Teymur Musayevin hədəfində olduğu bildirilir. Hazırda onun vəzifəsindən kənarlaşdırılması prosesi gedir. Tibb Universiteti tərəfindən Stomatoloji Klinikanın 4-cü mərtəbəsinin cari təmir işlərinin satınalınmasına ayrılan vəsatlərin silinməsində onun da əlinin olduğu üzə çıxarsa, durum bu prosesi bir az da sürətlənə bilər.

Xırdalanda yerləşən “AAAF Park” yaşayış kompleksində “arxeoloji qazıntılar” aparılır. Yaşayış kompleksinin rəhbərliyinə deyəsən, məxfi məlumatlar sızıb ki, binaların altında, zirzəmilərində “xəzinə” var. Əgər belədirsə, möcüzə uzaqda deyil. Amma belə iddialar da səslənir ki, şirkət sahibi Tofiq Heydərov bunkerlər hazırlayır. Hazırda ən güclü bunkerlərin olduğu yerlərdən biri Qəzza zolağında HƏMAS-a aiddir. Məlumdur ki, onlar İsrail qüvvələrinə qarşı hazırlıq görür. Bəs, Tofiq Heydərov bu bunkerləri hansı hücumlara qarşı tikdirir?
Başqa bir versiya da, ondan ibarətdir ki, Xırdalanda olan bu binaların zirzəmilərində “azıx mağarası” aşkarlana bilər. Lakin Tribunainfo.az-a məlumat verən sakinlər səslənən bu üç variantın heç birinə inanmır. Onların sözlərinə görə, yaşayış binalarının altını qazıq-qazıq edərək böyük deşiklər açan “AAAF Park” rəhbərliyi iaşə obyektləri üçün yeni məkanlar hazırlayır. Bu da tikinti normativlərinin kobud pozulmasıdır. Sakinlər qeyd edirlər ki, bir neçə binanın özülü qazılaraq xırdavat, ərzaq satılan dükanlara çevrilib.

Əhalinin şikayətinə isə məhəl qoyulmayıb. İndisə başqa binalara da keçiblər. Sakinlərin dediyinə görə, iş orasıdır ki, Tofiq Heydərov və komandası Fövqəladə Hallar Nazirliyi, Arxitektura və Şəhərsalma Komitəsinin yoxlamalarından da çəkinmir. Onlar yenidən FHN rəhbəri Kəmaləddin Heydərova müraciətində bu qanunsuzluğu dayandırmağı xahiş edirlər. Sakinlər deyirlər ki, hətta hər bir qanunsuz işin də öz həddi, əndazəsi var, bu şirkət isə “qırmızı xətləri” də keçməkdədir. “Əlbəttə, bu ölkədə binaların manstarının satılmasından tutmuş az qala həyətlərində ağacların doğranıb çayxana tikilməsini də görmüşük. Bu ölkədə səkilərin, dayanacaqların, yaşıllıqların məhv edilib yerində xəngəlxana, dönərxana tikilməsinə qədər görmüşük, di gəl, belə həyasızlığı kimsə görməyib.

Faktiki olaraq, binaların altını qazırlar, özülünü dağıdırlar, qəza, faciə riski, yaradırlar, zəlzələyə dözümlülük təhdidi meydana çıxarırlar. Nə var – nə var, bu “yeraltı dünya”dakı obyektlərdən də hər ay icarə haqqı çıxarsınlar. Bəs, sakinlər necə olsun? İnsanların hüquqlarını belə pozmaq olarmı?” – deyə kompleksdə yaşayanlar ritorik sual edirlər. Sakinlər deyirlər ki, ən böyük” qırmızılıq” isə bu qədər qanunsuz hərəkətlərin yiyəsi olan “AAAF Park” və onun rəhbəri Tofiq Heydərovun “qoçu dəstəsi” hələ azmış kimi, qayda-qanundan, müqavilə şərtlərindən dəm vurub, hər ay sakinlərdən kommunal xidmət haqqı tələb edir: “Məgər sən özün qaydalara riayət edirsən ki, kommunal ödəniş də tələb edirsən?! Üstəlik, ödəniş olmayanda gah liftlərin jetonları bloklanır, gah hansısa məhdudiyyətlər yaradılır… Və yığılan bu qədər kommunal vəsaitin əvəzində yaşayış kompleksində heç bir abadlaşma, səliqə-sahman yoxdur. Bəs bu pullar hara xərclənir? Şirkət bu vəsaitlərdən vergi ödənişini şəffaf şəkildə edirmi? Kompleksin həyətini
“vosmoy bazarı”na çevirən, həyətin tən ortasında boranı, kələm, badımcan, xiyar satmağa şərait yaradan, eybəcər bir mənzərə yaradan, xaos, intizamsızlığa səbəb olan, ərazini tör-töküntü edən şirkət sahibi, həm kommunal xidmət haqqı tələb edir, həm də binaların altını qazır… Bu ölkədə utanmadan oynamağa nə var ki?! Utanmayın, oynayın!!!” – sakinlər FHN rəhbərinə səslənərək kömək istəyirlər…


Tribunainfo.az
Afiq

Bakının Nərimanov rayonu ərazisində yerləşən “Dədə Qorqud” parkında acınacaqlı vəziyyət hökm sürür.

KONKRET.az-ın redaksiyasına göndərilmiş və özündə sözügedən parkın son durumunu əks etdirən fotolardan da göründüyü kimi, bura istirahət məkanından daha çox zibil qalaqlarının toplandığı kimsəsiz məkan təəssüratı yaradır.

Prezident İlham ƏIliyevin 2013-cü ildə açılışını etdiyi, 6 hektarlıq ərazini əhatə edən parkın baxımsızlığı vətəndaşların haqlı narazılığına səbəb olur. Əslində parkın son durumunu əks etdirən fotolar özü “danışır” və əlavə sözə yer qoymur.

Həmin fotoları təqdim edirik: