Bakının Nizami rayonu, Tofiq Abbasov küçəsində MTK-nın gecə saatlarında apardığı söküntü işləri sakinlərin narazılığına səbəb olub.
TEREF-in xəbərinə görə, bu barədə Gələcək Azərbaycan Partiyasının sədri Ağasif Şakiroğlu məlumat verib.

"Burada hansısa MTK ərazi alıb, bina inşa edəcək. Kiminsə və ya kimlərinsə pul qazanması vətəndaşlarımızın istirahətindən üstün deyil. Gecənin bu saatında, hamının istirahət etdiyi, yatdığı bir zamanda söküntü işləri aparmaq nə deməkdir?! Kimsə pul qazanacaq deyə vətəndaşlarımız şəxsi mənzillərində rahat istirahət etməməlidirmi?! Bunun uşağı var, xəstəsi var… İnsanları bu qədər heçə saymağa nə ad vermək olar?! Nizami rayon İcra Hakimiyyəti nəyə baxır, hara baxır?! Buradan mənə ünvanlanmış vətəndaş müraciətlərini nəzərə alaraq, aidiyyatı dövlət qurumlarına səslənirəm: Tədbir görün! Sabah 100-200 vətəndaş çıxıb yol bağlayanda, etiraz edəndə, aksiya keçirəndə kimlərə xoş olacaq? Yalnız dövlətimizin düşmənlərinə xoş ola bilər!Hesab edirəm ki, vətəndaşlarımızda süni narazılıq yaradıb da ölkə rəhbərliyinə qarşı yönəltməklə yerli icra hakimiyyətinin rəhbərliyi kimlərə xidmət edir? Bunlar araşdırma mövzusu olmalıdır. Heç bir iş vətəndaşın huzurundan önəmli deyil", - o qeyd edib.(Pravda.az)

Xırdalan şəhəri ərazisində ağaclar gecə ilə qanunsuz olaraq kökündən çıxarılaraq aparılıb.

Bu barədə məlumat Baku.ws-in "qaynar xətti”nə daxil olub.

Bildirilib ki, hadisə ötən gecə saat 2-də, Misir parkı ilə üzbəüz ərazidə qeydə alınıb.

Şikayətçinin sözlərinə görə, ərazidə obyekt tikintisi aparılır. Bu səbəbdən də ağacları çıxarıblar. Daha sonra ağaclar çıxarılan hissəni torpaqla örtüblər.

Məsələ ilə bağlı Dövlət Ekoloji Təhlükəsizlik Xidmətindən bildirilib ki, ağaclar sözügedən ərazidəki qeyri-yaşayış obyektinin sahibi Abbas Yusifov tərəfindən götürülüb:

"Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı Abşeron rayonu, Xırdalan şəhəri, M.Hüseynzadə ilə Qalibiyyət küçələrinin kəsişməsində, Misir parkı ilə üzbəüz ərazidə ağacların götürülməsi faktı müəyyən edilib.

Araşdırma zamanı ağacların sözügedən ərazidəki qeyri-yaşayış obyektinin sahibi Abbas Yusifov tərəfindən götürüldüyü məlum olub.

Təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi məqsədilə toplanmış materiallar hüquq-mühafizə orqanlarına göndərilməsi üçün hazırlanır”.

Hadisə yerindən görüntüləri təqdim edirik:
Qlobal.az

"ANC GROUP" MMC-yə məxsus olan "Rahat" marketlər şəbəkəsi, deyəsən müştərilərinin sağlamlığında "narahatlıq yaratmağı qarşısına məqsəd qoyub".

Belə ki, zaman-zaman "süni qiymət artımları", "vaxtından əvvəl bahalaşma", "şokolad oğurlayan yaşlı insanı döyməsi", "piştaxtada başqa qiymət göstərib, kassada bir başqa qiymət çıxarmas"ı və sair ilə gündəmdə olan, "Rahat" marketlər şəbəkəsi insanların elə müştərilərin dili ilə desək, "əsəblərini gərən" yenilikləri ilə öz işini davam etdirir.

"DogruXeber.az" qeyd edir ki, hələ 2016-cı ilin oktyabr ayında gözdən pərdə asmaq üçün "xalq günü" aksiyasına start verən bu marketlər şəbəkəsi güya xalqı düşündüyünü göstərmək üçün bəzi məhsullara bu aksiya çərçivəsində "endirim" edirdi. Xalqın əksər hissəsinin şəbəkə marketlər arasında "Rahat" marketin ən bahalı olduğunu demələrindən belə görünür ki, sözügedən şəbəkə xalqı yalnız "aksiya günləri" düşünür. Amma, biraz diqqətli olduqda isə onların xalqı deyil, yenə də özlərini düşündükləri, daha çox qazanc əldə etmək üçün bu vasitələrə əl atdıqları aydın görünür.

Baxın, "bir şokolada görə yaşlı insanın vəhşicəsinə döyülməsi" barəsində xəbər yayılır, çox qısa zamanda həmin xəbər bütün saytlardan silinir və yerini şəbəkənin "açıqlama"sı alır ki, "adam oğurluq edib qaçanda, yıxılıb, xəsarət alıb".

Tamam, deyək ki, buna "inandıq". Keçək "xalq günü" aksiyası xəbəri ilə birlikdə saytlarda yayılan digər "yenilik" məlumatlarına.

Yazıya diqqət edin!

"Son zamanlar bir sıra marketlərdə eyni malın rəfdə və kassada fərqli qiymətə olma problemi haqlı olaraq ictimaiyyətin narahatlığına səbəb olur. Bu cür xoşagəlməz halların aradan qalxması üçün “Rahat” market rəhbərliyi bir sıra qətiyyətli addımlar atıb.
Belə ki, şəbəkənin bütün filiallarında “eyni barkodda və eyni adda olan məhsulun rəf və kassa qiymətlərində fərq yaranarsa, müştəri daha ucuz olanı ödəyir” mətnli elan diqqətimizi çəkdi."

Qeyd edək ki, bu yazı dərc edildikdən qısa müddət sonra Zaur Əkbər adlı facebook istifadəçisi öz şəxsi profilində bir neçə dəfə "Rahat " marketdə piştaxtada gördüyündən artıq ödəniş etdiyini bildirir. Fərqinə vardığında və etiraz etdiyində, çalışanların araşdırıb, fərqi təsdiqlədiklərini deyir".


Qeyd edək ki, bu kimi hallar bu gün də "Rahat " qarışıq bütün marketlər şəbəkəsində yaşanmaqdadır.

"Qiymət artımı gözlənilir" sözünü eşidər-eşitməz bunu ilk reallaşdıran marketlər şəbəkəsi də məhz "Rahat" marketlər şəbəkəsidir ki, bunu vətəndaşlar özləri deyirlər.

Keçmiş "neft kralı" Rövnəq Abdullayevin şərikli bizneslərindən biri olduğu və müavinlərindən birinin nəzarətində olduğu deyilən bu marketlər, bəzi "yeniliklər"i ilə deyəsən bu "nəzarətdən kənara çıxa biliblər". Ya bəlkə də elə "nəzarət altında" insanların, nəinki "cibinə girməyin", hətta "girdikləri cibləri axırına kimi soymağın" da "çəmini tapıblar".

Belə ki, alıcıların redaksiyamızın əməkdaşlarına bildirdiklərinə, eləcə də əməkdaşlarımızın bu bilgilər əsasında apardıqları müşahidələrə əsasən deyə bilərik ki, sözügedən marketlər şəbəkəsində, alınmış məhsulları yığmaq üçün xəzinədarın (kassa) yanında yalnız marketin adı yazılmış ödənişli salafan paketlər qoyulub. Alınmış məhsulların hamısı - yəni sabun, şampun və digər kimyəvi tərkibli məhsullar, çörək və sair ərzaq məhsulları bir paketə yığılır. Yəni kimyəvi tərkibli yuyucu vasitələri ayrıca qoymaq üçün sadə salafan paketlər istifadə olunmur. Müştərilər tərəfindən dəfələrlə iradlar bildirilsə də, Qaradağ rayon Müşfiqabad filialında mağaza müdiri, "bizə belə tapşırılıb, icazə yoxdur" cavabını verir.

Bütün məhsulları hər yerdən daha baha qiymətə satan "Rahat" marketə deyəsən "aclıq üz verib" ki, "yumurtadan yun qırxmağa" başlayıb.

El sözüdür, "yeməklə doymayıb, yalamaqla doymağa çalışır". Piştaxta ilə xəzinədar arasındakı qiymət fərqləri və yuxarıda da qeyd etdiyimiz kimi "əl yandıran" bahalıq azmış kimi, paketlərə də "qənaət rejimi" tətbiq olunur.

P.S: Qarşı tərəfin də mövqeyini dinləməyə və dərc etməyə hazırıq.

DogruXeber.az

Internet üzərindən Səhiyyə Nazirliyinin Tikilməkdə olan Müəssisələr Müdriyyətinin direktoru Elşad Hacıyev haqqında araşdırma apardıqda,onun qanunazidd əməlləri barədə dəfələrlə yazıldığına rast gəlmək olar.Yazıların məzmununa və faktlara nəzər saldıqda aydın olur ki,Elşad Hacıyev rəhbəri olduğu müəssədə "isdədiyi kimi" hərəkət edir.Mətbuatda bu qədər yazılanlara baxmayaraq heç bir yuxarı instansiyadan və yuxarı orqanlardandan Elşad Hacıyev haqqında cavab tədbiri görülməyib.Bu günlərdə Mediatv.az-ın redaksiyasına daxil olmuş məlumata görə axır ki, Hesablama Palatası Səhiyyə Nazirliyinin TOMM-da yoxlamalar aparmağa başlayıb. Ehtimal olunur ki, aparılan yoxlamanın nəticəsi olaraq TOMM-dan işdən çıxarılan işçilərin hüquqları bərpa olunacaq və Elşad Hacıyevin özü gətirdiyi işçilərə nə səbəbə ikiqat əmək haqqı verdiyini araşdıracaq.

Mediatv.az-a daxil olmuş məlumatda bildirilir ki, Hesablama Palatası 2023-cü ildə eyni tərkibdə yoxlama aparmışdır. O nəticəyə gəlmək olar ki, burada şübhəli əməliyyatlar olduğunu yəqinləşdiriblər və bu il də təkrar yoxlama aparılır.Hesablama Palatası həm də 90 çarpayılıq Şuşa MRX-nın yarımçıq tikintisinin başa çatmamasının səbəblərini araşdırır.Şuşa MRX-si bu il təhvil verilməlidir. 1-ci mərhələ üzrə tender qiyməti 40,8 milyon manatdır. Tikintinin təhvil vaxtının azalmasına baxmayaraq 2-ci mərhələ üzrə hələ tender keçirilməyib. Çünki, o işçiləri ora-bura göndərir ki, qiymətləri qaldırıb 2-ci mərhələni də 40,0 milyona çatdırsın. Bu da 90 çarpayılıq xəstəxananın qiymətini 80,0 milyona çatdırır. Yəqin ki, bu vəsaitə əvəllər belə 4-5 xəstəxana tikmək olardı. Görəsən, Ağdam MRX-sı nın tikintisi, Maştağa qəsəbəsində Narkoloji dispanserin tikintisi, və Cəlilabad rayonu Göytəpə Şəhərində xəstəxana binalarının tikintisi işləri başlanılıbmı, halbuki, 4-7 ay ərzində bu işlər yekunlaşmalı idi.
Elşad Hacıyevin bu işləri vaxtında tamamlaya bilməsinin səbəbi kimi bu işdə səriştəsi olmayan və "özünə yaxın" olan şirkətləri tenderin qalibi etməsi gösdərilir. Xüsusi ixtisas və təcrübə tələb edən bu işləri görmək üçün bir neçə ildə yaranan, nəinki rəsmi veb-səhifəyə, hətta sosial şəbəkə hesabına sahib olmayan bu şirkətlərin hansı peşəkarlığa və təcrübəyə sahib olacağı aydın deyil.Qeyd edək ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır. Aparılan yoxlamanın nəticəsi olararaq hər-halda bir neçe dəfə mətbuatda işıqlandırılmış nöqsanların aradan qaldıracağına ümüdvarıq.
Redaksiyamızı məlumatlandıran mənbənin bildirdiyinə görə Səhiyyə Nazirliyinin Tikilməkdə olan Müəssisələr Müdriyyətinin direktoru Elşad Hacıyev bir neşə gün əvvəl, Bakı şəhərində ən bahalı şadlıq evlərindən hesab edilən “Halikarnas Bahkçısı” restoranında bütün idarə işçilərini, podratçıları və digər şəxsləri yığaraq 1000 nəfərə yaxın adamlarla oğluna dəniz kənarında dəbdəbəli toy etmişdir. Bakının elit və ən bahalı restoranlarında biri olan “Halikarnas Bahkçısı” restoranında bir yerin qiyməti 300 manatdan başlayır.Toyda ağ balıq kababından tutmuş ən bahalı içkilərə qədər masalara düzülüb. Habelə, qonaqlara qara kürü də verilib.Toya dəvət olunan şou-biznes nümayəndələrinə böyük məbləğdə qonorar ödənildiyi bildirilir.Prezident dəfələrlə məmurlara xəbərdarlıq edib ki, dəbdəbəli toy-nişan, ad günü ziyafətləri etməsinlər, israfçılığa yol verməsinlər.Təbii ki, hər kəs övladına gözəl məclis təşkil etmək istəyir. Amma məmurlar gərək təvazökar olsunlar.Çox təəsüflər olsun ki Elşad Hacıyev deyilən tövsiyələrə və edilən qadağalara belə məhəl qoymur. Bununla belə,E.Hacıyevin oğluna xoşbəxtlik arzulayırıq.Deyilənələrə görə Elşad Hacıyev etdiyi əməllərə görə Bakı şəhərini tərk etməyə hazırlaşır.

Davamı var..
TEREF olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!

Azəriqaz İB Lənkaran RQİS, Lerik XS-dən yazdılar:
Problem
- Azəriqaz İB Lənkəran RQİİ-nin 7 xidmət sahəsi var, Lənkəran, Masallı, Astara, Yardımlı, Lerik, Cəlilabad və Biləsüvar xidmət sahələri, Bildiyimiz kimi, vətəndaşların fərdi elərində kütləvi surətdə texniki baxışlar aparılır. və bu texniki baxış aktları bir bir skan olunaraq abonentin yeni yaradilmiş müayinə aktlar bazasına işlənilir. Umumiyyətlə bu xidmət sahələrinin əmlakinda olan kompyuter vasitələri coxda yaxşı vəziyyətdə olmamasini nəzərə alib Birlik tərəfindən hər xidmət sahəsinə 1-ədəd HP markalı yeni nəsil kompyuteri ayrılıb. Lakin Lerik XS-nin rəisi tərəfindən öz istifadəsində olan köhnə kompyuteri satış xidmətinə verib özü isə təzəni götürüb otaqda film seyr edir. Onu da qeyd edirik ki, təzə kompyuterdə 2 dəqiqə ərzində 1 akt müayinə bazasina işlənilməsi mümkün olsa da köhnə kompyuterdə bu proses 6-8 dəqiqəyə başa gəlir.
Təklif və xahiş!
Azəriqaz İB rəhbərliyi ayrilan kompyuterlərin paylama cədvəlinə uygun kompyuterləri paylayin əgər bu kompyuterlər müayinə aktlarının işlənməsi üçün gəlibsə onu icra edən işciyə verin və nəzarət edin
Mirvari Gahramanli
TEREF

“Masallı Elektrik Şəbəkəsinin əməkdaşları qanunsuz olaraq obyektimə gələn elektrik xəttini kəsmək istəyirlər”

Bu sözləri Masallı rayonu Ərkivan qəsəbə sakini Əliyev İbrahim Nağı oğlu tərəfindən Azərbaycan Respublikasının prezidenti İlham Əliyevə, nüsxəsi - Azərbaycan Respublikasının Birinci vitse-prezidenti Mehriban xanım Əliyevaya, Azərbaycan Respublikasının Energetika naziri Pərviz Şahbazova, “Azərişıq” ASC-nin sədri Vüqar Əhmədova göndərilən şikayət məktubunda yazılıb.

Bir nüsxəsi də Asiya.az-a daxil olan şikayət məktubunu təqdim edirik:

“Cənab Prezident! Şikayətim Masallı Elektrik Şəbəkəsindəndir. Çıxarışla mülkiyyətimdə olan qeyri yaşayış sahəsinə qonşuluqda yerləşən sahibkara məxsus transformatordan üç fazalı 15 kVt-luq elektrik xətti çəkdirmişəm. Obyektimdə elektrik enerjisi təminatında “güc çatışmazlığı”, işıqların yanıb-sönməsi barədə məlumat almaq üçün 14.02.2024-cü il tarixdə “Azərişıq” ASC-nin Masallı ASAN Xidmət Mərkəzində yerləşən nümayəndəliyinə rəsmi müraciət etdim. Mənə bildirdilər ki, müraciətiniz qeydə alındı. Sizə cavab məktubu gələndən sonra yaxınlaşarsınız. Mənə SMS gəldi və mən yenidən “Azərişıq” ASC-nin Masallı ASAN Xidmət Mərkəzində yerləşən nümayəndəliyinə yaxınlaşdım. Burada mənə bildirdilər ki, 995 manat pul ödəyəcəyim təqdirdə tranformatora baxış keçirə bilərlər. Maddi imkanım olmadığından bu istəyimdən imtina etdim. Üzərindən üç ay keçdikdən sonra Masallı Elektrik Şəbəkəsinin əməkdaşları mənə təhdid və təziq altında həmin 995 manat pulu zorla ödətdirmək istəyirlər. Ödəməyəcəyim təqdirdə obyektimə gələn elektrik xəttinin kəsiləcəyi ilə məni hədələyirlər. Açıq-aşkar bildirirlər ki, hara istəyirsən şikayət et, qorxumuz yoxdur. 23.04.2024-cü il tarixində mən təkrarən “Azərişıq” ASC-nin ASAN Xidmət Mərkəzində yerləşən nümayəndəliyinə rəsmi ərizə ilə müraciət edərək 14.02.2024-cü il tarixdəki ərizəmin nəzərə alınmamasını xahiş etdim. Həmin ərizəm dərhal portala yerləşdirilmişdir. Lakin yenə də Masallı Elektrik Şəbəkəsinin əməkdaşları öz qanunsuz əməllərindən əl çəkməyərək mənə əsassız və qanunazidd olaraq obyektimə gələn elektrik xəttinin kəsiləcəyi barədə bildirişlər göndərirlər.

Cənab Prezident! Belə məmurlar sizin siyasətinizin əksinə “xidmət” edən şəxslərdir. Sizdən bir vətəndaş, bir sahibkar olaraq xahiş edirəm, qanun bilməyən, rayonumuzda reket fəaliyyəti göstərərək sahibkarları bezdirən, onları şantaj edən “Azərişıq” ASC-nin əməkdaşları barədə qanuna müvafiq ölçü götürülməsi üçün tapşırıq verəsiniz."

TEREF olaraq sahibkar tərəfindən ittiham edilən “Azərişıq” ASC-nin mövqeyini dərc etməyə hazırıq.