 |
|
|
"Aprelin 16-da general-mayor Apti Alaudinov Putinin fərmanı ilə Rusiya Müdafiə Nazirliyi Hərbi-Siyasi İşlər üzrə Baş İdarəsinin rəis müavini təyin edilib, bu, onun gələcək möhtəşəm karyerasında tramplindir..."
Kreml, ehtimal ki, Çeçenistan Respublikasının rəhbəri Ramzan Kadırovun varisini müəyyən edib. Bu, "Ahmat" çeçen xüsusi təyinatlılarının komandiri Apti Alaudinov olacaq.
Moderator.az xəbər verir ki, bunu "Novaya qazeta Yevropa" nəşrinin apardığı geniş araşdırmanın nəticələri göstərib.
Dekabrın 18-də Moskvada "Vahid Rusiya" partiyasının 21-ci qurultayı keçirilib və qurultay nümayəndələri Vladimir Putinin beşinci prezidentlik müddətinə namizədliyinə dəstək verib.
"Bu tədbir əvvəlkilərindən bir məqamdan başqa heç nə ilə fərqlənməyib. Az qala ilk dəfə olaraq qurultayın mərkəzi spikerlərindən biri milliyyətcə çeçen olub.
Bu, Ramzan Kadırov deyil,
çeçen xüsusi təyinatlılarının "Ahmat" könüllü birliyinin komandiri, Ukrayna səngərlərində hərbi rütbə və Rusiya Qəhrəmanı ulduzunu alan general-mayor Apti Alaudinov olub", - nəşr qeyd edir.
Yanvar ayında Alaudinovun Putinin prezident seçkilərində etibarlı şəxsi olacağı barədə xəbər yayılıb. Mart ayında Alaudinov "Vaqner qrupu" özəl hərbi şirkətinin 3 min döyüşçüsünün özünün rəhbərlik etdiyi "Ahmat" xüsusi bölməsinə keçməsi barədə danışıqları uğurla başa çatdırıb.
Aprelin 16-da Putin Alaudinovun Rusiya Müdafiə Nazirliyi Hərbi-Siyasi İşlər üzrə Baş İdarəsinin rəis müavini vəzifəsinə təyin edilməsi barədə fərman imzalayıb. Nəşrin tədqiqatçıları bu təyinatı "Apti Alaudinovun gələcək möhtəşəm karyerasında" tramplin adlandırıb.
Redaksiya güman edir ki, ötən ilin sentyabr ayından Rusiya prezidenti administrasiyasında Çeçenistanda məcburi hakimiyyət dəyişikliyi üçün ssenari işləyib hazırlanmağa başlanılıb.
Bu arada isə nəşrin iddiasına görə Çeçenistan lideri Ramzan Kadırov ağır xəstədir, həkimlər ona mədəaltı vəzin nekrozu diaqnozu qoyub.
Həmçinin məlumat verilir ki, 2023-cü ildə Kadırov güclü ağrılar və yuxusuzluq üçün qəbul etdiyi trankvilizatorun artıq dozası səbəbindən medikamentoz komaya salınıb.
Nəşrin mənbələri iddia edir ki, o zaman həkimlər Kadırovun vəziyyətini sabitləşdirməyə nail olub, lakin onun beyninin müayinəsinin nəticələri "Kadırovun yaxınlarını məyus edib".
Pankreonekroz cərrahi patologiyadır, kəskin pankreatitin fəsadıdır, bu zaman mədəaltı vəzin toxumaları məhv olur, bu da həyatı əhəmiyyətli orqanların fəaliyyətinin pozulmasına gətirib çıxarır.
Nəticədə pasiyentin vəziyyəti tez bir zamanda və xeyli dərəcədə pisləşir, həyatı üçün təhlükə yaranır və təxirəsalınmaz intensiv terapiya, sonradan cərrahi müdaxilə tələb olunur.
Rusiyada Çeçenistan rəhbərinin sağlamlığı ilə bağlı problemlər barədə məlumat rəsmən təsdiq edilməyib.
Rusiya Xarici İşlər Nazirliyinin rəsmi nümayəndəsi Mariya Zaxarova Kiyevə Amerika yardımının ayrılmasını şərh edib.
APA-nın xəbərinə görə, Zaxarova deyib ki, Vaşinqtonun münaqişənin faktiki tərəfi kimi hərəkətləri qeyd-şərtsiz və qəti cavab alacaq.
Ukrayna İkinci dünya müharibəsində ən çox dağıntılara məruz qalan və canlı itki verən ərazilərdən biri olub. Çerniqov vilayətində isə faşistlər əhaliyə qarşı daha amansız rəftar ediblər. 1941-ci ilin sentyabr ayından 1943-cü ilin sentyabr ayına qədər alman və macar qoşunlarının işğalı altında qalan vilayətdə faşist qoşunları 103 min 600 nəfər dinc əhalini və 25 minə yaxın hərbi əsiri vəhşicəsinə qətlə yetiriblər. Şəhər, qəsəbə və kəndlər qarət edilib. Nisbətən cavan olan şəxslər qul kimi işlədilmək üçün Almaniyaya göndərilib.
Bu amansız qətliamla bağlı müharibədən sonra, 1947-ci ilin 17-25 noyabr tarixlərində Çerniqovda məhkəmə prosesi keçirilib. Məhkəmənin müttəhimlər kürsüsündə 13 nəfər yüksək rütbəli macar hərbçisi və 3 nəfər yüksək vəzifəli alman zabiti əyləşib. Məhkəmə prosesində ittiham olunanların cinayət əməlləri tam sübuta yetirilib. Proses zamanı o da aydın olub ki, bu şəxslər təkcə Ukrayna ərazisində deyil, həmçinin Belarusiya və Rusiya ərazilərində də bir çox hərbi cinayətlərə başçılıq ediblər.
Müttəhimlər kürsüsündə əyləşən əsas simalardan biri Macarıstan generalı Zoltan Pap prosesdəki ifadələri ilə özünü müdafiə etməyə çalışmayıb, “biz Hitlerin başkəsən dəstəsi idik” deyə törətdiyi cinayətləri bütün təfərrüatları ilə danışıb:
“Əvvəlcə onu qeyd etmək istəyirəm ki, mən müharibə zamanı öz vəzifəmi yerinə yetirmişəm. Bununla bağlı mənə rəsmi sənəd də təqdim olunmuşdu. Macarıstan silahlı qüvvələrinin baş qərargahı tərəfindən mənə, 105-ci diviziyanın komandiri kimi 10 saylı direktiv göndərilmişdi. Həmin direktivdə alman və macar qoşunlarının ərazidə maneəsiz və rahat dislokasiya olunması üçün istənilən yolla, istənilən vasitə ilə yerli əhalinin, o cümlədən partizan dəstələrinin, girov və əsirlərin məhv edilməsi tapşırığı verilmişdi. Mən bir general kimi əmri müzakirəsiz yerinə yetirməli idim. Vaxta və silah sursata qənaət etmək üçün mən ən optimal variantı seçdim. Yerli sakinləri, əsirləri, girovları taxta evlərə doldurub yandırdım, xəndəklər qazdırıb onları diri-diri basdırdım...”
Məhkəmədə sübuta yetirilib ki, təkcə 1943-cü il 1-2 mart tarixlərində, iki gün ərzində Çerniqov vilayətinin Kryukov qəsəbəsində və ona bitişik olan kəndlərdə 6700 nəfər dinc əhali, o cümlədən uşaq, qadın, qoca və 1290 fərdi ev yandırılıb. Bu faktı prosesdə iştirak edən şahidlər də təsdiq ediblər.
Daha bir qəsəbədə, Alekseyevkada 24 fevral 1943-cü ildə 700-dən artıq məktəb yaşlı uşaqlar və 200-dən artıq yaşlı qadınlar köhnə məktəb binasına doldurularaq yandırılıb, vəhşicəsinə qətlə yetiriliblər. Qəsəbədə yaşayanların mal-qarası, ərzaq ehtiyatları, geyimləri, ev əşyaları əllərindən alınaraq alman və macar qoşunlarının istifadəsinə verilib.
Məhkəmə 25 noyabr 1947-ci ildə müttəhimlər kürsüsündə əyləşən 16 nəfər macar və alman cəlladlarına hökm oxuyub. Onların hamısı ən ağır cəzaya, 25 il azadlıqdan məhrumetmə cəzasına məhkum ediliblər. Həmin dövrdə ölüm hökmü ləğv olunduğundan bu cəza ən ağır cəza sayılıb.
Son söz demək hüququndan istifadə edən Zoltan Pap məhkəməni “mərhəmətli” olmaqda ittiham edib:
“Məhkəmənin mənə qarşı qaldırdığı bütün ittihamları, çoxsaylı şahidlərin ifadələrindəki haqqımda səslənən fikirləri qəbul edirəm. Ancaq söylədiklərinizdə kiçik bir düzəlişə ehtiyac var. Məhv etdiyim dinc əhalinin və sovet hərbçilərinin sayını az göstərmisiniz. Bu rəqəm daha böyükdür. Yəqin ki, rəqəmləri azaltmağınız mərhəmətinizdən irəli gəlir ki, mənim cinayət əməlimi bir az yumşaldasınız. Buna ehtiyac duymuram. Ümumiyyətlə mən kommunistlərdən nəyi isə xahiş etməyi bir general kimi özümə şərəfsizlik sayıram. Buna görə də sizdən əfv xahiş etməyəcəyəm, apelyasiya şikayəti də verməyəcəm. Hansı cəzaya layiqəmsə, artıqlaması ilə qəbul edirəm, hökmümü verin...”
Cəllad faşistlər cəzalarını Vorkuta düşərgəsində çəkiblər. 1955-ci ildə Almaniya və SSRİ arasında qarşılıqlı razılaşma əldə olunduqdan sonra onlar azadlığa buraxılıb.
General-leytenant Zoltan Pap cəzadan azad olunduqdan sonra Macarıstana qayıtmayıb. O, Hindistana mühacirət edib, keşiş kimi fəaliyyət göstərib, xeyriyyəçiliklə məşğul olub. Amma bu geçikmiş xeyriyyəçiliklə Zoltan Pap öz günahlarını yuya bilməyib. Ömrünün son illərində onun gözləri tutulub. Dünya işığına həsrət qalan faşist generalın ömrünün sonu böyük əzablar içində keçib və o, 1987-ci ildə ölüb.
İlham Cəmiloğlu, Musavat.com
Düşünürəm ki, Ərdoğan və onun partiyası Ermənistanla münasibətlərin normallaşdırılmasının Türkiyə üçün zəruri olduğuna əmin ola bilər: çünki bu, uzunmüddətli perspektivdə onlar üçün faydalıdır - bütün Cənubi Qafqazı Türkiyə və Qərbin daha böyük nüfuz dairəsinə daxil edəcək və həm də maliyyə nöqteyi-nəzərindən sərfəli olacaq.
Axar.az xəbər verir ki, bu sözləri ABŞ-ın “Stratfor” kəşfiyyat-analitik mərkəzinin analitiki Metyu Orr erməni mediasına müsahibəsində deyib.
O iddia edib ki, Türkiyədə siyasi dəyişikliklər olarsa, bu məsələ irəliləyəcək:
“Müxalifət partiyalarının erməni məsələsində bir qədər təmkinli mövqeyi var. Ona görə də 2028-ci ildə Ərdoğanın prezidentliyi başa çatdıqda bu mövzu daha aktuallaşacaq”.
ABŞ Rusiya əmlakının müsadirə edilməsi qərarına görə cavab verəcək.
APA xəbər verir ki, bunu Kremlin sözçüsü Dmitri Peskov "TASS" agentliyinə açıqlamasında deyib.
Onun sözlərinə görə, Moskva cavab tədbirlər görəcək.
“Rusiya aktivlərinin müsadirəsi ABŞ-nin imicinə xələl gətirəcək və bu ölkədəki investorları qorxutacaq”, - Peskov vurğulayıb.
“Azərbaycanın dörd kəndinin işğaldan azad edilməsi barədə razılıq Prezident İlham Əliyev diplomatiyasının uğurudur”.
Bu sözləri “Report”a müsahibəsində gürcü politoloq Badri Naçkebiya deyib.
Onun sözlərinə görə, bu, əslində iki ölkənin - Azərbaycan və Ermənistanın beynəlxalq vasitəçilər olmadan razılıq əldə etdiyi və müsbət nəticə verən ilk uğurudur.
“Ötən əsrin 90-cı illərində Ermənistan silahlı qüvvələri tərəfindən işğal edilən kəndlərin qaytarılması çox böyük nailiyyətdir. Bu, təkcə Azərbaycan və Ermənistan üçün deyil, ümumilikdə Cənubi Qafqaz regionu üçün mühüm əhəmiyyət kəsb edir”, - deyə politoloq qeyd edib.
B.Naçkebiya bildirib ki, gürcü siyasətçilər 2020-ci ildəki 44 günlük müharibədən sonra sülh müqaviləsi istiqamətində aparılan danışıqları maraqla izləyirlər:
“Danışıqlar prosesində əldə olunan hər bir uğur gürcüləri də sevindirir. Danışıqların bu cür uğurla nəticələnməsi regionda davamlı sülhə nail olmaq imkanlarını artırır”.
“Düşünürəm ki, Zəngəzur dəhlizinin də açılıması ilə bağlı danışıqlar prosesində tez bir vaxtda müsbət nəticələr əldə olunacaq”, - deyə politoloq vurğulayıb.
Fransa paytaxtında İran səfirliyinin konsulluq bölməsini bombalamaqla hədələyən şəxs psixi problemlərdən əziyyət çəkirmiş.
Bu barədə "Tasnim" agentliyinə İslam Respublikasının Parisdəki diplomatik nümayəndəliyi məlumat verib.
Səfirliyin məlumatına görə, hücum edən şəxs daimi olaraq Fransada yaşayan iranlıdır. Həmin şəxs ruhi xəstəlikdən əziyyət çəkir və özünü yalnız partlayıcı maddə kimi göstərib. Onun özü danışıqlardan sonra konsulluq binasını tərk edib, bundan sonra Fransa hüquq-mühafizə orqanlarının əməkdaşları tərəfindən saxlanılıb.
Səfirlik agentliyə təsdiqləyib ki, hadisənin günahkarı keçmişdə diplomatik nümayəndəliyin binasının düz qarşısında rezin təkəri yandıran həmin şəxsdir.
Bundan əvvəl "Europe 1" radiostansiyası naməlum şəxsin partlayıcı ilə İranın Parisdəki konsulluğuna daxil olması barədə məlumat vermişdi. Hadisə yerinə gələn polis diplomatik nümayəndəliyin ətrafını mühasirəyə alıb və bir müddət sonra hücum edən şəxsi saxlayıb. BFMTV digər təfərrüatları açıqlamadan “qardaşının qisasını almaq istədiyini” bildirib. Paris prokurorluğundan verilən açıqlamaya görə, həmin şəxs daha əvvəl 2023-cü ilin sentyabrında eyni binanı yandırdığına görə həbs edilib və iki il sınaq müddəti olmaqla 8 ay həbs cəzasına məhkum edilib.
Gün ərzində yemək və içməyə ən çox vaxtı Fransa əhalisi sərf edir.
İndex.az xəbər verir ki, “Stativerse”nin araşdırmasına görə, Fransa əhalisi gün ərzində ortalama 133 dəqiqə yemək yerir.
İndex.az müxtəlif ölkələrdə yemək üçün sərf edilən vaxtı sizə təqdim edir:
Fransa: 133 dəqiqə
İtaliya: 127 dəqiqə
İspaniya: 126 dəqiqə
Portuqaliya: 107 dəqiqə
Cənubi Koreya: 105 dəqiqə
Çin: 96 dəqiqə
Almaniya: 96 dəqiqə
Yaponiya: 95 dəqiqə
Avstraliya: 89dəqiqə
Finlandiya: 81 dəqiqə
G7 ölkələri Ukraynanın Moskva yaxınlığındakı “Crocus City Hall”dakı terror aktında iştirakını etiraf etməkdən imtina ediblər”.
Bunu G7 üzvləri üç günlük məsləhətləşmələrdən sonra birgə bəyanatda bildiriblər. Sənəddə qeyd edilib ki, G7 ölkələri Kiyevin terror aktına görə məsuliyyət daşıdığını göstərən heç bir əsas tapmayıblar.
“Biz Rusiya hakimiyyətinin martın 22-də Moskva yaxınlığında baş vermiş faciəvi terror aktında Ukraynanı günahlandırmaq üçün əsassız cəhdlərini qətiyyətlə rədd edirik”, - sənəddə deyilir.
Nəşrin məlumatına görə, G7 ölkələri israrla vurğulayıblar ki, terror aktında İŞİD qruplaşması günahkardır. Həmçinin görüş iştirakçıları Rusiyaya, eləcə də onun müttəfiqlərinə qarşı sanksiyaların genişləndirilməsinə dair razılığa gəliblər.
Nyus.ru
Avropa İttifaqı Rusiyadan gələn mühacir axınına görə Finlandiyaya kömək etməlidir.
Tribunainfo.az xarici KİV-ə istinadla xəbər verir ki, bunu Finlandiyanın baş naziri Petteri Orpo bildirib.
O, keçən il Suriya və Somali kimi ölkələrdən gələn miqrantların artması səbəbindən Finlandiyanın Rusiya ilə sərhədi bağladığını, Moskvanı immiqrasiyadan silah kimi istifadə etdiyini vurğulayıb.
P.Orpo deyib ki, Finlandıya bu məsələni tənzimləmək üçün qanunlar hazırlayır, lakin Avropa İttifaqı da tədbir görməlidir:
“Avropa İttifaqı Komissiyası miqrantların olduğu ölkələrlə sıx əməkdaşlıq edir və Finlandiyanın mövqeyini dəstəkləyir. Görünür, bir dövlət yoxsul insanlardan başqa bir dövlətə qarşı təzyiq aləti kimi istifadə edir”.
Onun sözlərinə görə, Rusiyadan gələn mühacirlərlə bağlı görüləcək tədbirlər sərhədlərin təhlükəsizliyinin qorunması ilə beynəlxalq öhdəliklər arasında balansı təmin etməlidir.