 |
|
|
Ermənistan parlamentində deputatlar arasında dava düşüb
Bu barədə erməni mətbuatı məlumat yayıb.
Ermənistan parlamentində keçirilən sessiyada müxalifət bloku ilə hakim "Vətəndaş Müqavilə" partiyası arasında gərginlik yaşanıb.
Mübahisə "Ermənistan" fraksiyasının qondarma "erməni soyqırımı"nın inkarına görə cinayət məsuliyyətini nəzərdə tutan qanun layihəsinin tətbiqi ilə bağlı bəyanatından sonra başlayıb.
Deputatlardan biri xəsarət alıb.
Həmin görüntüləri təqdim edirik:
Milli.az
1923-ci ildən 1928-ci ilə qədər Dağıstanda rəsmi dil Azərbaycan türkcəsi olub.
Kult.az xəbər verir ki, bu barədə tarixçi alim Zaur Əliyev bildirib.
O qeyd edib ki, Abdulqadir Alqədərinin müəllif olduğu "Yeni türk əlifbası və ilk qiraət" adlı kitab da orta məktəblərdə tədris edilib:
“Bu qərar qəbul edilən zaman Dağıstanda çox mübahisələr gedib. Moskvaya xidmət edənlər “rusca Leninin dilidir, inqilabın dilidir” deyərək Azərbaycan türkcəsinin qəbul edilməsinə qarşı çıxış ediblər.
Halbuki Azərbaycan türkcəsinin qəbul edilməsi elə Moskvanın tələbi idi. 1923-cü ildə Dağıstanda Moskvanın tövsiyəsi ilə güclü bir din əleyhinə hərəkat başladı. Bu hərəkatın ən vacib hissəsi ərəb dilinə qarşı kampaniya idi. Beləcə, 1923-cü ildə Dağıstanın yeganə rəsmi dili Azərbaycan türkcəsi elan edildi.
Dağıstan rəhbərlərindən N.Samurskinin fikrincə, rus dili Dağıstan xalqlarının dili ola bilməzdi. Onun fikrincə, bu, dağ cəmiyyətində rus dilinə mənfi münasibətlə, çarizmin zülm və zorla ruslaşdırma siyasəti ilə bağlı idi və eyni zamanda Dağıstanda bu, müsəlman din xadimləri arasında qəzəbli narazılıq yarada bilərdi. Azərbaycan türkcəsi isə müsəlmanların dili olaraq belə maneələrlə qarşılaşa bilməz. Dağlarda dünyəvi təhsilə nail olmaq üçün silah kimi istifadə edilən Azərbaycan türkcəsi ərəb sxolastikasının və fanatizminin hökmranlığını sarsıtmağa qadir olan yeganə dildir”.
1928-ci ildə mübarizədə rus dili və əlifbası qalib gəlsə də, 1952-ci ilə qədər rutul və saxurlar yaşayan ərazilərdə tədris Azərbaycan türkcəsində davam edib”.
Papa Fransisk çox çalışan və sülhü sevən yaxşı insan idi.
Demokrat.az xəbər verir ki, bu barədə ABŞ prezidenti Donald Tramp bildirib.
Tramp Ağ Evdə keçirilən tədbirdə bildirib ki, mən indicə bütün federal bayraqlarımızın və əyalət bayraqlarımızın Papa Fransiskin şərəfinə yarıya qədər endirilməsi haqqında sərəncam imzaladım.
2020-ci ilin 44 günlük savaşından bu yana ara-sıra belə fikirlər səslənir ki, guya “Bir kəmər- bir yol” və Orta Dəhliz layihələri çərçivəsində Çin və Böyük Britaniya da Zəngəzur dəhlizinin açılqmasında maraqlıdır. Bu günlərdə Böyük Britaniyanın Ermənistandakı səfiri Con Qallegerin tarixi Zəngəzur ərazisinə səfərini də bu istəklə əlaqələndirənlər var. Görəsən, belə iddialar nə dərəcədə gerçəyə uyğundur?..
Mövzu ilə bağlı Moderator.az-a açıqlamasında “Şərq-Qərb” Araşdırmalar Mərkəzinin rəhbəri, təhlükəsizlik məsələləri üzrə ekspert Ərəstun Oruclu bunları nəzərə çatdırıb:
“Sözün düzü, mənə elə gəlir ki, Zəngəzur dəhlizi artıq öz əhəmiyyətini itirməkdədir. Özəlliklə də məhz o “Bir yol-bir kəmər” layihəsi çərçivəsində. Düzdü, Çinin bu dəhlizə marağı tam itməyib. Amma Avropa Birliyi ilə Mərkəzi Asiya ölkələri arasında imzalanan son saziş onu istisna eləmir ki, “Şərq-Qərb” dəhlizinin İran üzərindən Ərəbistan dənizinə çıxmaqla icrası da mümkündür. Və xatırlayırsınızsa, iki il öncə Avropa Birliyi, Hindistan, ABŞ və Səudiyyə Ərəbistanı belə bir saziş imzalamışdılar ki, Ərəbistan dənizindən Hindistan-Yaxın Şərq-Avropa dəhlizi keçiriləcək və bunun ardınca “HƏMAS”-İsrail savaşı başladı. Məlum məsələdir ki, həmin savaşla o memorandumun imzalanması arasında birbaşa əlaqə var idi...
Çin adətən dənizlərə yol axtarır. Çünki dənizlər daşımalar baxımından daha təhlükəsizdir. Və ümumiyyətlə, yalnız Çin deyil, bu gün biz baxsaq, görərik ki, istər ABŞ-ın Panama kanalı iddiası, istər Qrenlandiya iddiası – hamısı məhz dəniz daşımalarına üstünlük verilməsilə əlaqəlidir. Amerika ilə Çin arasında Cənubi Çin dənizi yolları uğrunda yarışma, yaxud mübarizə də- bunlar hamısı göstərir ki, dənizlərə üstünlük verilir. Və bu da təbiidir, dəniz daşımaları həm daha az təhlükəli, həm də daha ucuz başa gələndir. Bu mənada əgər Çin-Avropa yolu Mərkəzi Asiya-İran üzərindən çəkilərsə, bu halda Orta Dəhlizin rolu xeylu dərəcədə azalır. Üstəlik də, bütün bu prosesin iştirakçıları bir şeyi də yaxşı anlayır ki, Azərbaycan-Ermənistan sülh sazişi imzalanmayınca Orta Dəhlizin işləməsi mümkün deyil və bundan başqa onun bir parçası kimi Zəngəzur dəhlizinin açılması da ləngiyəcəkdir. Düzdü, Orta Dəhliz Gürcüstan üzərindən də keçə bilər. Amma burada Rusiya faktoru var. Çünki Rusiya bütün bu yolların onun nəzarəti, onun iradəsindən kənar keçməsini heç cür qəbul etmək fikrində deyil. Və çox güman ki, məhz bu səbəbdən Orta Dəhliz üzərindəki mübahisələr davam etməkdədir...
Böyük Britaniyanın Zəngəzur dəhlizinin açılmasını istəyib-istəməməsinə gəlincə, bunu söyləmək bir qədər çətindir. Ona görə ki, Şərq-Qərb yolunun açılmasında Böyük Britaniyadan daha çox Avropa Birliyi maraqlıdır. Böyük Britaniyanın Ermənistandakı səfirinin tarixi Zəngəzur ərazisinə gəlişi isə, hesab edirəm ki, birbaşa Orta Dəhliz- Zəngəzur dəhlizi məsələsi ilə bağlı deyil. Bilirik ki, Cənubi Qafqaza təsir uğrunda mübarizə aparan bütün qlobal güclər özlərini məhz Zəngəzurda göstərməyə çalışır. Və Zəngəzur da hal-hazırda Cənubi Qafqazda ən ciddi əhəmiyyət kəsb edən açar nöqtədir. Diqqət edirsizsə, son dövrdə İran da, Amerika da Zəngəzurda təlimlər keçir. Türkiyə ilə Ermənistan arasında Zəngəzur yoluyla bağlı danışıqlar gedir. Və s. Ancaq Cənubi Qafqazda Rusiya faktoru var. Hesab edirəm ki, məhz bu faktora görə Orta Dəhlizin əhəmiyyəti önə çəkilmir. Çünki Rusiya istənilən halda həmin layihəyə mane ola bilər. Yəni burada hər şey qeyri-müəyyəndir. Ona görə də Zəngəzur dəhlizi haqda birmənalı fikir söyləmək çox çətindir...”
Ötən həftənin sonlarından iş adamı İsfəndiyar Axundovun (Şərurlu İsfəndiyar) oğlu Şahin Axundovun saxlanılması ilə bağlı məlumat yayıldı.
Lakin İ.Axundov saytımıza xəbəri təkzib etdi.
Sitat: “Gecə saat 00:30-da mənə jurnalist zəng edib ki, bəs oğlun saxlanılıb. Deyirəm, ay vicdansızlar, oğlum evində yatır. Bu xəbəri özlərini idarə edə bilməyənlər yayıblar. Xəbəri yayan jurnalistə sözümü dedim. Bildirdim ki, sübut etməsə onu məhkəməyə verəcəm. Təkzib edəcəyini dedi. Məşhur iş adamı olduğum üçün mənə şər atırlar”.
Globalinfo.az-a daxil olan məlumata görə isə hadisə belə olub: İsfəndiyar Axundov mediaya çıxmazdan əvvəl onun oğlu Türkiyədə saxlanılaraq Azərbaycana gətirilib. Buna onun hansısa qanunsuz əməlinin səbəb olduğu deyilir. Sonra isə məsələni fərqli istiqamətlərə yönləndirmək üçün Şərurlu İsfəndiyar mediaya fərqli açıqlamalar verib. Mənbə iddia edir ki, iş adamı açıqlamanı o məqsədlə verib ki, oğlunun həbsini onun açıqlaması ilə əlaqələndirsinlər”.
Xatırladaq ki, tikinti maqnatının oğlu Şahin Axundov illər əvvəl Bakının mərkəzində avtomat silahdan atəş açmağa görə gündəmə gəlmişdi. O bu qanunsuz əmələ görə həbs edilmişdi.
İsfəndiyar Axundov və Şahin Axundovun mövqeyini dərc etməyə hazırıq.
XX əsrin 80-ci illərində İtaliyada, xüsusən Siciliyada mafiya ən qüdrətli çağını yaşayırdı. Ölkədə hər gün qətllər baş verir, cəmiyyət qorxu içində yaşayırdı. Hüquq-mühafizə orqanlarının gücsüz qaldığı, siyasətçilərin bəzilərinin mafiya ilə əlaqədə olduğu bir zamanda 2 prokurorluq əməkdaşı - Covanni Falkone və Paolo Borsellino mafiyaya müharibə elan etdi.
Öz mübarizələri və faciəli ölümləri ilə İtaliyada mafiyanın sonunun başlanğıcını qoyan hadisə barədə yazını təqdim edirik.
Covanni Falkone və Paolo Borsellino 1980-1990-cı illərdə Siciliya mafiyası "Koza Nostra" ilə qətiyyətli mübarizəyə başladılar. Onların taleyi 20-ci əsrin sonlarında mafiyaya qarşı mübarizədə ən əsas epizod oldu. Paolo Borsellino bilirdi ki, mafiya onu hədəfə alıb və onun qətli an məsələsidir. Borsellinonun ölümü tarixə "Via D'Amelioda qırğın" (La strage di via D'Amelio) kimi düşdü. 1992-ci il iyulun 19-da prokuror həyat yoldaşı və uşaqları ilə nahar etdikdən sonra anasının yanına getdi. O, saat 16:58-də görüşə gedərkən yol kənarında dayanmış avtomobildə baş verən partlayış nəticəsində həlak olur.
Borsellinonun özü ilə yanaşı, hadisdə zamanı 5 polis əməkdaşı da həlak olur. Onlardan biri, Emanuela Loi İtaliyada xidməti vəzifələrini yerinə yetirərkən həlak olan ilk qadın polis kimi tarixə düşür. Daha sonra onun haqqında "Borsellinonun mələkləri" filmi çəkildi. Falkone və Borsellinonun ölümü İtaliya cəmiyyətində mafiyaya qarşı əsl nifrət partlayışına səbəb oldu. 23 iyul 1994-cü ildə ölən polis məmurlarının dəfn mərasimində qəzəbli izdiham İtaliya prezidenti Oskar Luici Skalfaronu geri itələyərək "Mafiya şəhərdən getsin!", deyə şüarlar səsləndirir. İctimai qınaq hakimiyyəti mafiyanın fəaliyyətinə daha sərt reaksiya verməyə məcbur etdi. "Kosa Nostra"nın rəhbəri Salvatore Riina Falkone və Borsellinonun qətlini təşkil etdiyinə görə həbs edilir və həyatının qalan hissəsini dəmir barmaqlıqlar arxasında keçirir. "Koza Nostra" lideri 2017-ci ildə həbsxanada 87 yaşında ölür. Covanni Falkone və Paolo Borsellinonun o dövrdə İtaliyadakı fəaliyyəti əsl şücaət sayıla bilər.
Onların sayəsində o vaxta qədər ümumilikdə Siciliyada və xüsusən Palermo şəhərində sözün əsl mənasında "ikinci güc" olmuş bir neçə yüz mafioz dəmir barmaqlıqlar arxasına salındı. Bu iki cəsur insanın ölümü İtaliyada mafiyaya qarşı mübarizədə köklü dəyişikliklərin katalizatoru oldu. Bir neçə ildən sonra mafiyaya himayədarlıq edən Xristian-Demokrat Partiyası öz fəaliyyətini dayandırdı. Falkone və Borsellino bu gün İtaliyada tez-tez xatırlanır, hətta Palermo şəhərinin hava limanına onların adları verilib.
Bugün İtaliya mafiyası əvvəlki qüdtərinin kölgəsində yaşayır və bu uğur 2 cəsur şəxsin katalizatoru olduğu hadisələr sayəsində yaşanıb. /Lent.az
.jpg)
.jpg)
.jpg)
Rusiyanın Buryatiya bölgəsində Okinski və Barquzinski rayonlarında səmada uçan naməlum obyekt görünüb.
Musavat.com axar.az-a istinadən bildirir ki, görüntülər aprelin 20-də axşam saatlarında qeydə alınıb.
Kadrlarda qaranlıq səmada parlayan obyekt görünür.
“Bu həftə Rusiya və Ukrayna arasında Ukraynadakı münaqişəyə son qoyacaq bir razılaşma əldə olunacağına ümid edirəm”.
APA xəbər verir ki, bu sözləri ABŞ prezidenti Donald Tramp öz “Truth” hesabında yazıb.
"Hər iki tərəf sonra bərpa olunan və çiçəklənən bir ölkə olan Amerika Birləşmiş Ştatları ilə böyük ticarətə başlayacaq və sərvət qazanacaq!", – Tramp əlavə edib.
APA xəbər verir ki, bu sözləri ABŞ prezidenti Donald Tramp öz “Truth” hesabında yazıb.
"Hər iki tərəf sonra bərpa olunan və çiçəklənən bir ölkə olan Amerika Birləşmiş Ştatları ilə böyük ticarətə başlayacaq və sərvət qazanacaq!", – Tramp əlavə edib.
Rusiyanın energetika naziri Sergey Çivilevin Qazaxıstan Prezidenti Qasım-Jomart Tokayevlə görüşü zamanı dedikləri diqqət çəkib. Çivilev Prezident Vladimir Putinin şəxsi mesajını Qazaxıstan liderinə çatdırdığını söyləyib.
Həmçinin rusiyalı nazirin Tokayevlə görüşünün Kreml rəhbəri ilə razılaşdırıldığı qeyd olunur. Görüş zamanı Qazaxıstan və Rusiya arasında əməkdaşlığın əsas sahələrindən biri olan enerji sektorunda tərəfdaşlığın perspektivləri müzakirə edilib. Lakin Putinin mesajının nə olduğu açıqlanmayıb.
Son olaraq Qazaxıstan, Qırğızıstan, Türkmənistan və Özbəkistan kimi MDB üzvü olan Mərkəzi Asiya ölkələrinin Avropa İttifaqı (Aİ) ilə razılaşması fonunda Astanaya çatdırılan mesaj maraq doğurub.
Politoloq Zeynal Əmrəliyev deyib ki, Mərkəzi Asiya ölkələrinin Aİ ilə imzaladığı 12 milyard avroluq saziş 3 dövlətin – Türkiyə, Rusiya və Çinin mənafeyinə ziddir:
“Türkiyə ilə bağlı Şimali Kipr məsələsi var. Bu dövlətlər Brüsselə xoş gəlmək üçün faktiki olaraq türklərin Kipr adasındakı mövqeyini heçə sayıblar. Son zamanlar Çin də bölgəyə yüksək dərəcədə investisiya qoyurdu. Yəni nəticə olaraq Pekinin də mövqeyi heç sayıldı. Aİ ilə imzalanan saziş Çinin Mərkəzi Asiyadakı biznes maraqlarına zərbə vuracaq.
Digər zərbə alan ölkə isə, şübhəsiz, Rusiya oldu. Bu ölkənin energetika nazirinin Qazaxıstana səfəri və Putinin şəxsi mesajını Tokayevə çatdırması göstərir ki, Kreml Astmanın Avropa ilə yaxınlaşmasından narahatdır. Mərkəzi Asiya ölkələri arasında Rusiya ilə münasibətləri ən güclü olan məhz Qazaxıstan idi. Buna görə də sözügedən hal Kremli narahat edir”.
Politoloqun sözlərinə görə, Moskva Tokayevdən məsələ ilə bağlı həm izahat, həm də təminat tələb edəcək:
“Qazaxıstanın enerji sahəsində Rusiyanın təsiri böyükdür. Moskvada yaxşı bilirlər ki, Avropanın əsas maraq göstərdiyi də məhz qazax qazıdır. Rusiya bu məsələdə Qərbə güzəştə getmək fikrində deyil. Çünki Kreml təbii qaz məsələsi üzərindən Avropaya təzyiq edir. Əgər Astana qoca qitəyə yardım edəcəksə, bu, Rusiya tərəfini qəzəbləndirə bilər. Tokayevin Qərb dünyası ilə geniş əlaqəsi var. O, uzun müddət BMT Baş katibinin müavini olub. Sonradan keçmiş prezident Nursultan Nazarbayev tərəfindən Qazaxıstanın xarici işlər naziri təyin edilmişdi. Tokayevin Rusiyanın mənafeyinə zidd siyasəti Astana-Moskva münasibətlərində yüksək gərginliyə səbəb ola bilər”.
ABŞ hesab edir ki, Ukrayna münaqişəsinin həllinə töhfə verə biləcək şərtlərdən biri Zaporojye atom elektrik stansiyasının ətrafındakı ərazilərə Vaşinqtonun nəzarət etməsi ilə neytral statusun verilməsi ola bilər.
“Report” xəbər verir ki, bu barədə “Wall Street Journal” mənbələrə istinadən məlumat yayıb.
Nəşr Vaşinqtonun “AES”in ətrafındakı hansı əraziləri neytral elan etməyi təklif etdiyini və ABŞ-nin bu ərazilər və stansiya üzərində nəzarəti hansı formatda həyata keçirə biləcəyini göstərməyib.
Mənbələr bildiriblər ki, bu ideya gərginliyin azaldılması üçün kompromislərin tapılması kontekstində müzakirə edilir, lakin texniki və siyasi detallar hələ də qeyri-müəyyən olaraq qalır.
“Wall Street Journal” qeyd edib ki, Vaşinqton bu addımı gərginliyi azaltmaq üçün fürsət hesab edir, lakin təklifin əsas aspektləri hələ işlənib hazırlanmayıb.
Aprelin 17-də Ukraynanın energetika naziri Herman Qaluşenko bildirib ki, Kiyev ABŞ-la birlikdə Zaporojye atom elektrik stansiyasına nəzarət etməyə hazırdır, çünki Rusiya qurğuya nəzarəti saxlasa, bu, nüvə enerjisinə inamı məhv edəcək və yeni fəlakəti yaxınlaşdıracaq.