 |
|
|
Rusiya Təhlükəsizlik Şurasının sədr müavini Dmitri Medvedev "Crocus City Hall"dakı terror aktının arxasında Fransanın dayandığını bəyan edib.
Medvedevin sözlərinə görə, Fransa Prezidenti Emmanuel Makronun və digər Qərb liderlərinin bu terrorda əli var.
"Makron və bir sıra digər Qərb liderləri bu dəhşətli terror aktının sponsorlarıdır. Bunun üçün heç bir bağışlanma yoxdur. Burada toxunulmazlığın arxasında gizlənmək mümkün deyil", - deyə Medvedev vurğulayıb.
Qeyd edək ki, terrora görə məsuliyyəti İŞİD üzərinə götürmüşdü.
Fransa özü İŞİD terrorundan əziyyət çəkən ölkə olsa da, Parisin səhnə arxasında terror təşkilatı ilə əlaqələri mövcuddur. Bu, yeni tendensiya da deyil.
Məhkəmə sənədləri ilə sübut olunub ki, Fransanın Paris şəhərində yerləşən "Lafarge" şirkəti və baş ofisi Suriyanın paytaxtı Dəməşqdə yerləşən "Lafarge Cement Syria" zavodu 2013-2014-cü illərdə İŞİD-ə külli miqdarda pul ödəyib.
Belə ki, şirkət Suriyada sement zavodunun istismarına icazə müqabilində İŞİD və "Əl-Nusra Cəbhəsi"nə pul verib. İstismara icazə veriləndən sonra "Lafarge" təxminən 70,3 milyon dollar gəlir əldə edib.
"Lafarge" və onun törəmə şirkəti törətdiyi cinayəti etiraf edib. Göründüyü kimi, terror cinayətləri Fransa şirkətinin timsalında Parisin də üzərinə şübhələr qoyur.
Çünki şübhə yeri qalmır ki, "Lafarge" məhz Fransanın xeyir-duası ilə Suriyada İŞİD-lə sövdələşməyə girib.
ABŞ Prezidenti Cozef Bayden İranın İsrailə hücumu ilə bağlı Ağ Evdə milli təhlükəsizlik komandası ilə məsləhətləşmələr aparır.
Bu barədə ABŞ administrasiyasındakı mənbəyə istinadən məlumat yayılıb.
Digər təfərrüatlar açıqlanmır.
Qeyd edək ki, daha əvvəl İrana məxsus onlarla pilotsuz təyyarənin İraqın cənub əyalətləri üzərindən İsrail ərazisinə doğru uçduğu bildirilib. İrandan buraxılan döyüş başlıqlı pilotsuz təyyarələr İordaniya ərazisi üzərində də müşahidə edilib.
Mənbə: CNN
İran İslam İnqilabı Keşikçiləri Korpusunun dəniz qüvvələri Hörmüz boğazında “MSC Aries” ticarət gəmisini ələ keçirib.
Referans.az xəbər verir ki, bu barədə İranın İRNA dövlət agentliyi məlumat yayıb.
Bundan əvvəl Kral Donanmasının Dəniz Ticarət Koordinasiya Mərkəzi BƏƏ-nin Füceyrə şəhərindən 50 dəniz mili şimal-şərqdə insident baş verdiyini bildirmişdi. “Associated Press”in məlumatına görə, Portuqaliya bayrağı altında üzən “MSC Aries” konteyner gəmisi israilli iş adamı Eyal Oferin “Zodiac Group”unun bir hissəsi olan, Londonda yerləşən “Zodiac Maritime” ilə əlaqələndirilir. Yaxın Şərq ölkələrindən birinin Müdafiə Nazirliyinin nümayəndəsinin agentliyə verdiyi məlumata görə, gəmi İran qüvvələrinin hücumuna məruz qalıb.
“MSC Aries” adlı konteyner gəmisi Hörmüz boğazında helikopter vasitəsilə həyata keçirilən əməliyyat zamanı SEPAH bölməsinin xüsusi təyinatlıları (SEPAH Hərbi Dəniz Qüvvələrinin bir hissəsi) tərəfindən ələ keçirilib. Orada İsraillə əlaqəli gəminin İran ərazi sularına çatdırıldığı bildirilib. Agentlik həmçinin gəminin “Zodiac” şirkətinə məxsus olduğunu da təsdiqləyib.
“MarineTraffic” xidmətinin məlumatlarına görə, “MSC Aries” konteyner gəmisi Əmirliyin Xəlifə limanından Hindistanın Nava Şeva limanına gedirmiş. Gəmi sonuncu dəfə yerləşdiyi yer haqqında məlumatı aprelin 12-də axşam ötürmüşdü. Sonra Dubay yaxınlığında Fars körfəzində yerləşirdi.
İRNA “MSC Aries”in tutulduğunu təsdiq etməzdən bir müddət əvvəl sosial şəbəkələrdə və mediada silahlı şəxslərin helikopterdən gəmiyə mindiyi anı əks etdirən video yayılıb. “Associated Press” qeyd edib ki, oxşar video çəkilişi öz jurnalistlərinə Yaxın Şərq ölkələrindən birinin Müdafiə Nazirliyinin nümayəndəsi təqdim edib. Daha sonra həmin videoçarx İranın dövlət qurumlarının, o cümlədən İRNA-nın resurslarında dərc olunub.
İndi Ukraynanın bir dövlət kimi mövcudluğunun ABŞ və Qərbin hərbi dəstəyinə birbaşa bağlı olduğu artıq o qədər də ciddi şübhə doğurmur.... Qərbin Ukrayna qarşısında öz tarixi borcunu ödəməsinin vaxtı çoxdan çatıb, bir qədər də zaman itirilsə, bu dövlətin xilas edilməsi üçün gec olacaq...
Beynəlxalq məkanda narahatlıq dərinləşir. Dünyada "qaynar nöqtələr"in artması bəşəriyyətin gələcək taleyi üçün böyük təhlükəyə çevrilməyə başlayıb. Ukrayna savaşına paralel olaraq, Yaxın Şərqdə də silahlı toqquşmaların intensivləşməsi dünyada yeni situasiya yaradıb. Və hazırda dünyanın idarə edilməsində ciddi problemlər müşahidə olunur.
Ona görə də, beynəlxalq siyasi iradə mərkəzləri indi ilk növbədə Ukrayna savaşı ətrafında yaranmış situasiyanın mümkün qədər tez bir zamanda aydınlaşmasına çalışırlar. Hər halda, bu savaşın Qərb ölkələrinə birbaşa təhlükə törətməsi əsas müzakirə mövzusudur. Bu baxımdan, Ukrayna savaşının sülh masası arxasına daşınması üçün müəyyən cəhdlər göstərilir. Üstəlik, bu istiqamətdə konkret addımların atılmasına hazırlıq aparılır.
Məsələ ondadır ki, İsveçrədə Ukrayna savaşı ilə bağlı geniş tərkibli müzakirələr keçiriləcək. Həmin müzakirələrdə əsas mövzu savaşdan mümkün çıxış yolları olsa da, Ukraynanın gələcək taleyi ilə bağlı da müəyyən fikir mübadiləsi aparılacağı gözlənilir. Halbuki, dünyada kifayət qədər təsir gücü olan bəzi dövlətlər İsveçrə konfransına ya çağırılmaylblar, ya da iştirakdan imtina ediblər. Xüsusilə də, ABŞ və Qərbə qarşı əks düşərgədə yer alan Çinin İsveçrəyə təmsilçi göndərməyıcəyini bəyan etməsi Qərb siyasi dairələrində təşviş yaradıb.
Digər tərəfdən, Rusiya da Ukrayna savaşı ilə bağlı İsveçrə konfransına sərt etirazla reaksiya verib. Belə ki, Rusiya prezidenti Vladimir Putin ABŞ və Qərbi riyakarlıqda və məntiqsizlikdə suçlayıb. Kreml sahibi bildirib ki, ABŞ və Qərbin Rusiyanın kənarda saxlandığı konfransda Ukrayna savaşının sülh yolu ilə həll edilməsi üçün hansı variantları müzakirə edəcəyini anlamaqda çətinlik çəkir: "Rusiya sülh danışıqlarından imtina etmir. Deməli, Qərbdə də sülh istəyirlərsə, konfransa Rusiyanı da dəvət etməliydilər. Əks halda, savaşın qarşı tərəfi olan Rusiyasız sülhə necə nail olacaqlar? Sülh sazişini kiminlə müzakirə etmək niyyətindədirlər?"
Əslində, Kreml sahibinin bu iradları müəyyən mənada, haqlı görünür. Ona görə də, Rusiya siyasi dairələri hesab edirlər ki, İsveçrə konfransında sülh prosesinə start vermək barədə düşüncələrin ön planda olma ehtimalı inandırıcı deyil. Böyük ehtimalla bu konfransda ABŞ və Qərbin Ukrayna ordusuna dəstəyi gücləndirmək variantları əsas müzakirə mövzusu olacaq. Hər halda, bunu Qərb ölkələrinin təhlükəsizlik maraqları ilə arqumentləsdirmək niyyətlərin olduğu da qətiyyən diqqətdən yayınmır.
Xatırladaq ki, bir müddət öncə NATO-nun baş katibi Yens Stoltenberq Ukrayna savaşına xərclənən maliyyə vəsaitinin xeyriyyəçilik deyil, Qərb ölkələrinin təhlükəsizlik maraqlarına yatırılan investisiya olduğunu vurğulamışdı. NATO baş katibi Ukrayna savaşı sayəsində Rusiyanın hərbi potensialının önəmli bir hissəsini məhv edə bildiklərini də böyük strateji nailiyyət kimi qabartmışdı. Və bu, onu göstərir ki, Qərbdə Ukrayna savaşının davam etməsində maraqlıdırlar.
Maraqlıdır ki, Almaniya kansleri Olaf Şolts son açıqlamasında bu reallığı etiraf edib. Onun sözlərinə görə, Ukrayna savaşının yaxın vaxtlarda sona çatacağı gözlənilmir. Bu baxımdan, kollektiv Qərb hələ uzun müddət Ukrayna savaşını maliyyələşdirilməsinə məcbur qala bilər. Halbuki, Qərbdə bu savaşa maliyyə vəsaiti sərf etmək istəyənlərin sayı o qədər də çox deyil. Və ona görə də, indi daha çox mövcud savaş xərclərinin başqalarının üzərinə yükləmək istiqamətində manevrlər diqqəti çəkir.
Onu da qeyd etmək lazımdır ki, hazırda belə manevrlər daha çox ABŞ-ın ifasında müşahidə olunur və Ukrayna üçün olduqca təhlükəli situasiya yaratmağa başlayıb. Belə ki, Ağ Ev bütün cəhdlərinə baxmayaraq, Ukraynaya yardım üçün hazırladığı 60 milyard dollarlıq dəstək paketinə ABŞ Konqresində təsdiq ala bilməyib. Ona görə də, indi Ukrayna savaşının bütün maliyyə yükü məhz Avropa Birliyinin üzərində qalıb və bu səbəbdən də, rəsmi Kiyev olduqca acınacaqlı duruma düşdüyünü gizlətmir.
Digər tərəfdən, ABŞ-ın nüfuzlu xüsusi xidmət servisi olan CİA-nin şefi Uilyam Börns ABŞ Konqresinə mövcud situasiya ilə bağlı önəmli mesajlar yönəldib. CİA şefi bildirib ki, ABŞ-ın davamlı hərbi dəstəyi ilə Ukrayna ordusu öz mövqelərini 2025-ci ilə qədər müdafiə edə bilər. Əgər, bu dəstək olmazsa, Ukraynanı yaxın gələcəkdə "çox qaranlıq bir dövr" gözləyir. Böyük ehtimalla Ukrayna öz ərazilərinin xeyli hissəsini itirəcək: "Bu, ABŞ-ın buraxa biləcəyi ən ciddi və tarixi səhv olardı. Əsas təhlükə ondan ibarətdir ki, Ukraynanın silah-sursatı, bizim isə onlara dəstək üçün zamanımız tükənir. Ukraynaya dəstəkdən imtina Çinin Tayvana yönəlik iştahını da qabara bilər".
Belə anlaşılır ki, ABŞ-ın Ukraynaya hərbi dəstəyi bərpa etmək ehtimalı o qədər də yüksək deyil. Hər halda, Bayden administrasiyası ABŞ Konqresində bu problemin həlli istiqamətində hələlik irəliləyə bilməyib. Əksinə, bu müddətdə itirilən zaman Ukraynanın gələcək taleyini böyük risk altına salmağa başlayıb. ABŞ-ın kəşfiyyat şefinin bu məsələyə müdaxilə etmək məcburiyyətində qalması da vəziyyətin ciddiliyindən xəbər verir. Hər halda, böhranlı situasiya yaranmasaydı, CİA şefi bu məsələnin ciddiliyini izah etmək məcburiyyətində qalmazdı.
Digər tərəfdən, CİA şefinin Ukrayna üçün "çox qaranlıq dövr" proqnozunu gündəmə gətirməsi də təhlükəli mərhələnin sürətlə yaxınlaşdığını düşünməyə əsas verir. Ona görə də, indi Ukraynanın bir dövlət kimi mövcud olub-olmayacağının Qərbdən veriləcək dəstəyə birbaşa bağlı olduğu o qədər də böyük şübhə doğurmur. Və bu səbəbdən də, indi Qərbin Ukrayna dövlətçiliyini qorumaqda maraqlı olub-olmadığı da böyük ölçüdə müəyyənləşməyə başlayacaq.(musavat.com)
İranın İsrailə mümkün hücumu ilə bağlı iddialara görə Almaniya səfirliyinin əməkdaşlarının ailə üzvləri Tehranı tərk edirlər.
İranı tərk edəcək Almaniya vətəndaşlarının dəqiq sayı məlum deyil.
Bundan başqa, Almaniyanın Tehran və Təl-Əvivdəki səfirlikləri əlavə təhlükəsizlik tədbirləri görür.
Daha əvvəl Almaniya Xarici İşlər Nazirliyi Almaniya vətəndaşlarına İranı mümkün qədər tez tərk etmələrinə çağırış edib.
Mənbə:Bild
Məlumatda deyilir ki, Ermənistan tərəfindən Azərbaycan ərazilərində 30 illik “qeyri-qanuni işğalı zamanı törədilən ətraf mühitin geniş şəkildə dağıdılmasına dair mövcud olan külli miqdarda dəlillər” əsasında 18 yanvar 2023-cü il tarixində Azərbaycan tərəfindən sözügedən ilk arbitraj prosesi başladılıb.
“2020-ci ildə Azərbaycan öz ərazilərinin azad olunmasından sonra Ermənistanın ətraf mühiti məhv etməsi və onu qorumaması ilə bağlı dəhşətli dəlilləri üzə çıxarıb. Ermənistanın bu addımları ərazilərimizin təbii yaşayış mühiti və növlərinə ciddi ziyan vurub, təbii ehtiyatların tükənməsinə səbəb olub, habelə mövcud biomüxtəlifliyi məhv edib. Ermənistan tərəfindən meşə ərazilərində, o cümlədən 1991-ci ildə bu ölkənin qeyri-qanuni işğalına qədər qorunan təbiət qoruqlarında ekoloji cəhətdən məsuliyyətsiz və qeyri-qanuni tikinti və mədən fəaliyyəti ilə geniş şəkildə meşələrin qırılması, davamlı surətdə ağacların kəsilməsi və çirklənməsi ilə bağlı fəaliyyət Azərbaycanda 500-dən çox canlı təbiət növünü risk altında qoyub”, – məlumatda qeyd edilib.
Məlumatda həmçinin deyilir ki, bu günədək Ermənistan öz ərazisindən Azərbaycan ərazisinə axan transsərhəd çayları çirkləndirməklə Azərbaycan ərazisində biomüxtəlifliyə və canlı təbiətə zərər vurmağa davam edir.
“Azərbaycanın Ermənistana qarşı hüquqi fəaliyyəti bütün növ vəhşi flora və faunanın populyasiyalarını saxlamaqla bağlı qanuni öhdəliklər kimi sahələrdə vəhşi flora və faunanın mühafizəsi, bərpası və yaşayış mühitinin yaxşılaşdırılmasını təmin etmək, habelə Konvensiyada sadalanan, o cümlədən köç edən növlərin qorunması üçün tədbirlər görmək kimi konkret iddiaları özündə ehtiva edir. Arbitraj çərçivəsində Azərbaycan tribunaldan Ermənistandan Bern Konvensiyasının bütün davam edən pozuntularına son qoyulmasını və ətraf mühitin dağıdılmasına görə təzminatın tam ödənilməsini tələb etməyi sorğu edib. Sözügedən arbitraj ətraf mühitlə bağlı məhkəmə çəkişmələrinin aparılmasında əlamətdar addım kimi mühüm presedent yaratmaqla yanaşı, biomüxtəlifliklə bağlı dövlətlərin üzərinə qoyulan beynəlxalq hüquqi öhdəliklərin həqiqətən effektivliyini təmin edəcək. Bu, öz növbəsində, ədaləti təmin etmək üçün ciddi səydir”, -Azərbaycan Xarici İşlər Nazirliyi qeyd edir.(Turan)
Haaqa Sülh Sarayında Avropanın Vəhşi Təbiəti və Təbii Yaşayış Yerlərinin Mühafizəsi üzrə Bern Konvensiyasına əsasən dövlətlərarası arbitraj çərçivəsində Azərbaycanın iddiası üzrə ilk rəsmi məhkəmə prosesi keçirilib. Bu barədə Azərbaycan Xarici İşlər Nazirliyindən məlumat yayıb.
Məlumatda deyilir ki, Ermənistan tərəfindən Azərbaycan ərazilərində 30 illik “qeyri-qanuni işğalı zamanı törədilən ətraf mühitin geniş şəkildə dağıdılmasına dair mövcud olan külli miqdarda dəlillər” əsasında 18 yanvar 2023-cü il tarixində Azərbaycan tərəfindən sözügedən ilk arbitraj prosesi başladılıb.
“2020-ci ildə Azərbaycan öz ərazilərinin azad olunmasından sonra Ermənistanın ətraf mühiti məhv etməsi və onu qorumaması ilə bağlı dəhşətli dəlilləri üzə çıxarıb. Ermənistanın bu addımları ərazilərimizin təbii yaşayış mühiti və növlərinə ciddi ziyan vurub, təbii ehtiyatların tükənməsinə səbəb olub, habelə mövcud biomüxtəlifliyi məhv edib. Ermənistan tərəfindən meşə ərazilərində, o cümlədən 1991-ci ildə bu ölkənin qeyri-qanuni işğalına qədər qorunan təbiət qoruqlarında ekoloji cəhətdən məsuliyyətsiz və qeyri-qanuni tikinti və mədən fəaliyyəti ilə geniş şəkildə meşələrin qırılması, davamlı surətdə ağacların kəsilməsi və çirklənməsi ilə bağlı fəaliyyət Azərbaycanda 500-dən çox canlı təbiət növünü risk altında qoyub”, – məlumatda qeyd edilib.
Məlumatda həmçinin deyilir ki, bu günədək Ermənistan öz ərazisindən Azərbaycan ərazisinə axan transsərhəd çayları çirkləndirməklə Azərbaycan ərazisində biomüxtəlifliyə və canlı təbiətə zərər vurmağa davam edir.
“Azərbaycanın Ermənistana qarşı hüquqi fəaliyyəti bütün növ vəhşi flora və faunanın populyasiyalarını saxlamaqla bağlı qanuni öhdəliklər kimi sahələrdə vəhşi flora və faunanın mühafizəsi, bərpası və yaşayış mühitinin yaxşılaşdırılmasını təmin etmək, habelə Konvensiyada sadalanan, o cümlədən köç edən növlərin qorunması üçün tədbirlər görmək kimi konkret iddiaları özündə ehtiva edir. Arbitraj çərçivəsində Azərbaycan tribunaldan Ermənistandan Bern Konvensiyasının bütün davam edən pozuntularına son qoyulmasını və ətraf mühitin dağıdılmasına görə təzminatın tam ödənilməsini tələb etməyi sorğu edib. Sözügedən arbitraj ətraf mühitlə bağlı məhkəmə çəkişmələrinin aparılmasında əlamətdar addım kimi mühüm presedent yaratmaqla yanaşı, biomüxtəlifliklə bağlı dövlətlərin üzərinə qoyulan beynəlxalq hüquqi öhdəliklərin həqiqətən effektivliyini təmin edəcək. Bu, öz növbəsində, ədaləti təmin etmək üçün ciddi səydir”, -Azərbaycan Xarici İşlər Nazirliyi qeyd edir.(Turan)
Türkiyənin 81 vilayətində təşkil edilən və dörd gün davam edən “Çember-17” əməliyyatları zamanı axtarışda olan 2 min 756 qaçaq şəxs saxlanılıb.
Bu barədə Türkiyə daxili işlər naziri Ali Yerlikaya özünün “X” hesabında məlumat verib.
Məlumata görə, saxlanılanlardan 2 min 736 nəfərin beş ilədək, 14 nəfərin beş ildən on ilədək, altı nəfərin isə on ildən artıqdır axtarışda olduğu üzə çıxıb.
Həmin şəxslərdən 456-nın oğurluq, 398-nin narkotik vasitələr, 316-nın qaçaqmalçılıq və mütəşəkkil cinayətlər, 228-nin dələduzluq, 96-nın talama, 75-nin seksual xarakterli cinayətlər, 30-nun qətl, 19-nun terrorçuluq və 1 138-nin digər cinayət maddələri üzrə axtarışda olduqları müəyyən edilib.
Avropa Komissiyasının (AK) rəhbəri Ursula fon der Leyen Almaniyanın sağçı "Almaniya üçün Alternativ" (AfD) Partiyasının nümayəndələrini Rusiya ilə qarşılıqlı əlaqədə olmaqda və Avropa İttifaqında rusiyayönlü rəvayətlər yaymaqda ittiham edib.
Qaynarinfo xəbər verir ki, bu barədə "Politico" qəzeti məlumat yayıb.
"Çexiya məxfi xidmətinin hazırda Avropa seçkilərində AfD siyahısına rəhbərlik edən iki namizədi araşdırmasına təəccüblənmirəm. Onlar uzun müddətdir ki, Avropa İttifaqına qarşı kampaniya aparırlar", deyə AK rəhbəri vurğulayıb.
Martın sonunda "Başqa Ukrayna" hərəkatının sədri Viktor Medvedçuk Avropa Parlamentinə seçkilər ərəfəsində avropalı siyasətçilərə rüşvət verməkdə ittiham olunub.
Martın 27-də Çexiyanın baş naziri Petr Fiala ölkəsinin "Avropanın səsi" radiosu Viktor Medvedçuka və prodüser Artem Marçevskiyə qarşı sanksiyalar tətbiq etdiyini açıqlayıb. Onun sözlərinə görə, "Başqa Ukrayna" hərəkatının sədri "Rusiya təsirini yaymaq məqsədilə" bir sıra təsir əməliyyatları və ya şəbəkələrinə rəhbərlik edib, Kremllə əlaqəsi var.
Aprel ayında Belçikanın baş naziri Aleksander De Kro Rusiyanın iyun ayında keçirilən Avropa Parlamenti seçkilərinə iddia edilən müdaxiləsi ilə bağlı təhqiqat elan edib və bildirib ki, Belçika kəşfiyyatı Rusiyanın Aİ-nin Ukraynaya dəstəyini sarsıtmaq cəhdlərini təsdiqləyib.
Baş nazirin parlamentdə tarixi çıxışına Rusiyadan təhdid dolu cavab
“Həqiqi Ermənistanın beynəlxalq səviyyədə tanınmış sərhədi ambisiyaları olan ölkələrin iştahını məhdudlaşdıran amildir. “Tarixi Ermənistan” anlayışı isə bir sıra ölkələrlə əlaqələrimiz üçün əsas əhəmiyyət kəsb edir. Bu, bir sıra ölkələrlə əbədi düşmənçiliyimizə zəmanətdir və bu ölkələrin bizə qarşı təcavüzkar siyasət yeritmək üçün səbəbləri və izahatlarının olacağına zəmanətdir”.
Bunu Ermənistanın Baş naziri Nikol Paşinyan aprelin 10-da parlamentdəki çıxışında bildirib. O, deyib ki, “tarixi Ermənistan” həm də bizim kənardan köməksiz yaşaya bilməyəcəyimizin və ona görə də həmişə “böyük qardaşa” ehtiyacımızın olacağına zəmanətdir:
“Bu, artıq bizim real dövlətə, həqiqi müstəqilliyə malik olmayacağımıza zəmanətdir. Çünki “tarixi Ermənistana” baxışımız bizi həmişə soyqırım tələsinə aparacaq və bu tələdə bizim onsuz mövcud ola bilməyəcəyimiz “xilaskar”a ehtiyacımız olacaq. Soyqırım təhlükəsi isə bizi həmişə “forpost” statusunda saxlayacaq, “forpost”un suverenliyə, sərhədlərə, müstəqilliyə ehtiyacı yoxdur, “forpost”un yalnız müdafiəyə ehtiyacı var”.
Baş nazirin çıxışını Pressklub.az-a şərh edən təhlükəsizlik sahəsi üzrə ekspert İlham İsmayıl bildirib ki, Paşinyan illərdir Rusiyanın forpostu olan Ermənistanın bu statusdan qurtulması üçün tarixi şəraitin yetişdiyini vurğulayıb. O, ölkənin taleyinin özlərinin müəyyənləşdirməli olduğunu bütün ermənilərin diqqətinə çatdırıb.
“Paşinyan indiyədək nə qədər tərəddüdlü və bəzən də bir-birini təkzib edən fikirlər səsləndirsə də, son mövqeyi bir daha sübut edir ki, daha çox bütövlükdə Rusiyanın caynağından qopmaq siyasətinə sadiqdir”, – ekspert əlavə edib.
İlham İsmayıl deyir ki, Ermənistan Baş naziri parlamentdəki çıxışı ilə yalnız Rusiyayönümlü siyasi rəqiblərinə deyil, yüz illərdir beyinləri “böyük Ermənistan”, “dənizdən dənizə Ermənistan” illüziyaları ilə yuyulmuş bütün dünya ermənilərinə maarifləndirici dərs verdi. “Real Ermənistanla “tarixi Ermənistan” arasında həqiqəti əks etdirən mənzərəni təsvir etməklə illüziyalarla yaşamağın bədbəxtlik gətirdiyini bütün ermənilərin diqqətinə çatdırdı”, – təhlilçi qeyd edib.
Maraqlıdır, N.Paşinyanın bu çıxışı Rusiya siyasi dairələrində necə qarşılanır?
Rusiya Ali İqtisadiyyat Məktəbinin Dünya İqtisadiyyatı və Beynəlxalq Siyasət fakültəsinin professoru, “Karnegi Moskva” Mərkəzinin keçmiş rəhbəri Dmitri Trenin Ermənistan mediasına deyib ki, Rusiya rəhbərliyinin Ermənistana qarşı addımları və davranışları son dərəcə təmkinlidir və normal, ciddi, qarşılıqlı hörmətə əsaslanan söhbətə heç bir maneə yoxdur, çünki indiki vəziyyətdə Ermənistan Rusiya üçün önəmlidir.
“Düşünürəm ki, fürsət hələ tam itirilməyib. Mənə elə gəlir ki, Ermənistan tərəfi münasibətlərin aydınlaşdırılması və bu münasibətlər üçün daha əlverişli atmosferin yaradılması istiqamətində addım ata bilərdi və atmalı idi. Amma indiyə qədər biz tam əks istiqamətdə addımlar görürük. Mən görürəm ki, Rusiya tərəfindən sosial şəbəkələrdə Ermənistanı çox kəskin və çox mənfi tənqid edən adamlar var, amma Rusiya rəhbərliyinin addımlarına və davranışlarına nəzər salsanız, bu, son dərəcə təmkinlidir. Mən deyərdim ki, normal, ciddi, qarşılıqlı hörmət əsaslanan söhbətə heç bir maneə yoxdur, çünki indiki vəziyyətdə Ermənistan Rusiya üçün önəmlidir və məncə, Rusiya sadəcə dönüb getməyəcək”, – Dmitri Trenin vurğulayıb.
Politoloqun fikrincə, Rusiya ilə Ermənistanı birləşdirən maraqlardan əlavə, Ermənistanla Rusiya arasında çox uzun, dərin və son vaxtlara qədər güclü münasibətlər ənənəsi var:
“Fikrimcə, Ermənistan tərəfinin indi müzakirəyə böyük həvəsi yoxdur. Başa düşürəm ki, Ermənistan rəhbərliyi bir sıra çox mühüm addımlar atıb, lakin bütün bu addımlar Ermənistanı Rusiyadan daha da uzaqlaşdırmağa aparır və şübhəsiz ki, Ermənistan Qərb ölkələrindən bəzi vədlər, təminatlar alır. Lakin şəxsən mənim üçün bu təminatların dəyəri şübhəlidir. Əlbəttə, Ermənistan azad ölkədir, kifayət qədər suveren hərəkət edə bilər. Amma siz azad və suverensinizsə, o zaman, əlbəttə, bu və ya digər suveren qərarlarınızın nəticələrini dərk etməlisiniz”.
“Hazırda Ermənistan Rusiyanın Cənubi Qafqazdakı prioritetləri arasında hansı yeri tutur və onun əhəmiyyəti azalıbmı” sualına cavab verən rusiyalı politoloq deyib ki, onun əhəmiyyəti dəyişdiyi qədər azalmayıb.
Onun sözlərinə görə, Rusiyanın Ermənistanla münasibətləri ənənəvi olaraq müttəfiqlik, çox sıx tərəfdaşlıq səviyyəsində olub.
“İndi bu tərəfdaşlığın tərkib hissələrindən biri ciddi təhlükə altındadır. Bu, təhlükəsizlik tərəfdaşlığıdır. Tərəfdaşlığın digər ayağı iqtisadi sahə ilə bağlıdır, Ermənistanın Avrasiya İqtisadi İttifaqına üzv olmasıdır. Burada əməkdaşlıq kifayət qədər uğurla işləyir, Rusiya bunu xüsusilə də indiki sanksiyalar şəraitində yüksək qiymətləndirir. Amma qaçılmaz olan bu sahədə Qərbə dönüşdür: Rusiyanın Ermənistan vasitəsilə dünya bazarında bəzi əşyalar, mallar və sair əldə etmək imkanlarının azalması Rusiyanın da Ermənistana marağına böyük zərər vuracaq. Rusiya Ermənistanın nəinki formal olaraq Avrasiya İqtisadi İttifaqında qalmasında, həm də bu üzvlüyün hər iki tərəf üçün məhsuldar olmasını təmin etməkdə maraqlıdır. Təbii ki, Rusiya çalışır ki, təhlükəsizlik münasibətləri də qorunsun və Azərbaycanla münaqişə üçtərəfli saziş çərçivəsində həll edilsin”, – rusiyalı politoloq qeyd edib.
Gürcüstanın baş naziri İrakli Kobaxidze brifinq zamanı sinxron tərcüməçini Almaniya kansleri Olaf Şoltsun Gürcüstanın xarici agentlər haqqında qanun layihəsi barədə danışarkən sözlərini qəsdən təhrif etməkdə ittiham edib.
Qeyd edək ki, Kobaxidze və Şolts ikitərəfli görüşdən sonra Berlində birgə mətbuat konfransı keçiriblər. Şolts Gürcüstan hakimiyyətinin təşəbbüsü ilə irəli sürülmüş “Xarici təsirin şəffaflığı haqqında” qanun layihəsi haqqında danışarkən, alman dilindən gürcü dilinə tərcümə edən Zaal Andronikaşvili Almaniyanın agentlər haqqında qanuna tənqidi yanaşdığı barədə ifadə işlədib. Kobaxidzenin sözlərinə görə, Şolts əslində “agent” sözünü işlətməyib.
Tərcümə səhvi Gürcüstanda qalmaqala səbəb olub.
Baş nazir tərcüməçinin əməllərinə görə cavab verəcəyinə ümid etdiyini bildirib. O qeyd edib ki, tərcüməçi radikal müxalifət partiyalarından birinin nümayəndəsidir.
Mənbə: TASS