 |
|
|
Madrid meri Xose Luis Martinez Almeyda elektrik enerjisinin kəsilməsi nəticəsində yaranan fövqəladə vəziyyətin aradan qaldırılması üçün hərbçilərin şəhərə göndərilməsini xahiş edib.
Demokrat.az xəbər verir ki, bu barədə El Mundo qəzeti yazır.
Nəşrin məlumatına görə, İspaniya paytaxtının şəhər şurası axşam saatlarına qədər elektrik enerjisi bərpa olunmasa, vəziyyət daha da pisləşə biləcək təhlükəsizlik vəziyyətindən narahatdır.
Xəbərdə deyilir ki, merə yaxın mənbələrin bildirdiyinə görə, o, bölgə rəhbəri İzabel Diaz Ayusonun Madridə ordu yeritmək xahişinə qoşulub.
İspaniya hökuməti ölkə daxilində geniş yayılmış elektrik kəsintiləri fonunda Red Ectrica-nın baş qərargahında toplaşan antiböhran komitəsi yaradıb.
Pakistan Hindistan Hərbi Hava Qüvvələrinin genişmiqyaslı manevrləri fonunda Yeni Dehlini Pakistanın hava məkanına müdaxilə etməməsi barədə xəbərdarlıq edib.
Bununla bağlı Pakistanın müdafiə naziri Xavaca Asif açıqlama verib.
Xatırladaq ki, aprelin 22-də Hindistanın cənubunda yerləşən Kəşmir vilayətində turistlərə silahlı hücum edilib. Hücum zamanı azı 25 turist həlak olub, 24-ü yaralanıb. Hindistan hadisəyə görə Pakistanı günahlandırıb və ölkənin Nyu-Dehlidəki Səfirliyinin müdafiə, hərbi-dəniz və hərbi-hava qüvvələri üzrə müşavirlərini “arzuolunmaz şəxs” elan edib. Həmin şəxslər həftə ərzində Hindistanı tərk etməlidirlər. Bundan sonra iki ölkə arasında gərginlik artıb.
Araz dəhlizi layihəsi böyük diqqət cəlb edir, həm bölgəmizdə, həm dünyada. Bu layihə ilə bağlı müxtəlif fərziyyələr, müxtəlif şayiələr gəzir. Əslində, buna heç bir əsas yoxdur. Çünki bu, sadəcə olaraq, yeni bir nəqliyyat, bağlantı layihəsidir.
Bu fikirləri Azərbaycan Prezidenti İlham Əliyev Bakıda keçirilən Azərbaycan-İran biznes forumunda söyləyib.
Dövlət başçısı deyib ki, bu, Azərbaycanı, onun əsas hissəsini Naxçıvan Muxtar Respublikası ilə İran üzərindən birləşdirən layihədir. Burada, eyni zamanda, böyük tranzit imkanları yaranacaq.
Bu gün İran prezidenti Məsud Pezeşkian Bakıya səfər edəcək. Səfər zamanı bir çox məsələlərin müzakirəsi gözlənilir. Artıq hamıya məlumdur ki, İranla Azərbaycan arasında uzun müddətdir ki, bir gərginlik hökm sürür. İranın Ermənistan yanlısı olması, Zəngəzur dəhlizini qırmızı cizgisi adlandırması, Azərbaycanın İrandakı səfirliyində törədilmiş terror aktı və s. bu kimi neqativ halların baş verməsi İranla münasibətlrimizi sözün əsl mənasında zədələmişdi. Məsud Pezeşkian əslən azərbaycanlıdır və müxtəlif kürsülərdə Azərbaycan dilində danışır, şeirlər səsləndirir.
Bəs xarici siyasətdə Məsud Pezeşkian Azərbaycanın tərəfindədirmi?
Məsud Pezeşkianın səfəri iki ölkə arasında olan münasibətə necə təsir edəcək?
Milli Məclisin deputatı Hikmət Babaoğlu Bizimyol.info xəbər portalına açıqlamasında bildirib ki, istənilən halda, qonşu ölkə İranın prezidenti Məsud Pezeşkianın Azərbaycana səfəri müsbət bir hadisədir: “Azərbaycanda və İranda bu səfər uzun müddətdir gözlənilən bir səfər idi. Çünki İranın regionda Azərbaycana qarşı aqressiv davranışlarından, Zəngəzur dəhlizini qırmızı xətti elan etməsindən, İran İslam Respublikasının paytaxtı Tehran şəhərində yerləşən Azərbaycan səfirliyinə edilən hücumlardan sonra və bu gün də İran ərazisindən Ermənistana Hindistanda istehsal olunan silahların daşındığı bir vaxtda, əlbəttə ki, bu səfər mühüm əhəmiyyət kəsb edir.
Deputatın fikrincə, bütün baş verənlərin müzakirə olunması üçün bu səfər yaxşı fürsətdir: “Məsələ ondadır ki, gözlədiyimiz nəticə əldə olunacaqmı? İran prezidenti Məsud Pezeşkian Azərbaycan televiziyasına verdiyi qısa müsahibədən sonra aydın oldu ki, İran prezidenti İranın Azərbaycan siyasətində köhnə tezisləri yenidən təkrar etmiş oldu. Bəlli oldu ki, çox təəssüf ki, siyasət Şəhriyarın şeirləri qədər aydın, gözəl və birmənalı deyil”-deyən deputat hesab edir ki, belə mövqedən sonra, yəni İran prezidentinin Azərbaycan televiziyasına verdiyi müsahibədə səsləndirdiyi fikirlərdən sonra Azərbaycan və İran münasibətlərində yeni və fövqəladə nəyinsə baş verəcəyini gözləmir.
Hikmət Babaoğlu vurğulayıb ki, bütün hallarda müzakirə olunmalı çoxlu məsələlər var. Deputat ümid edir ki, bu məsələlər müzakirə ediləcək və hər iki ölkə üçün konkret nəticələr üçün zəmin yaradacaq
Respublikaçı senator Con Kennedi ABŞ prezidenti Donald Trampı Rusiya lideri Vladimir Putini öz yerinə oturtmağa çağırıb.
AzVision.az xəbər verir ki, senator Con Kennedi “Fox News Sunday” verilişinin son buraxılışında Putinin Trampa verdiyi bütün vədlərindən imtina etdiyini və Rusiya liderinin son təklifinin heç nə olmadığını bildirib. Putin, sadəcə, ələ keçirdiyi bütün əraziləri saxlamaq istəyir.
“Putin Ukraynanın NATO-ya üzvlüyünü qadağan etmək, Amerika və Avropanın Ukraynaya yardımını dayandırmasını istəyir. Putin elə bilir ki, biz ondan qorxuruq. O, hər addımda prezident Trampı ələ salır və prezidentimizə qarşı hörmətsizlik edib. Biz Putinə onu və ölkəsini balıqlar üçün yemə çevirməyə hazır olduğumuzu bildirməyincə, vəziyyətin yaxşılaşacağını düşünmürəm”, - senator vurğulayıb.
Onun fikrincə, Rusiyanı diz çökdürmək lazımdır, əks halda Moskva danışıqlar masasına oturmayacaq.
Xatırladaq ki, ABŞ prezidenti Donald Tramp Kiyevə raket zərbəsi endirilməsi ilə bağlı Kreml lideri Vladimir Putinin hərəkətindən məyus olduğunu və Rusiya liderinin müharibəni bitirmək üçün ciddi niyyətlərinə əmin olmadığını bildirib. ABŞ prezidenti rusiyalı həmkarının müharibəni bitirməyə hazır olduğunu nümayiş etdirməli olduğunu vurğulayıb.
"Krım məsələsi Ukraynada davamlı sülhə nail olmaq üçün aparılan danışıqlarda və fikir mübadiləsində mərkəzi yer tutur".
Teleqraf xəbər verir ki, bu barədə Fransa hökumətinin sözçüsü Sofi Prima bildirib.
“Krım məsələsi danışıqların əsasını təşkil edir. Əlbəttə, Ukraynanın rəyi və yekun mövqeyi olmadan bu problem həll edilə bilməz”, - o vurğulayıb.
Xatırladaq ki, ABŞ Prezidenti Donald Tramp bundan əvvəl ukraynalı həmkarı Volodimir Zelenskinin Krımı Rusiyaya güzəştə getməyə hazır olduğunu açıqlayıb. Rusiya xarici işlər naziri Sergey Lavrov da bu gün bəyan edib ki, Krımla yanaşı, Donetsk, Luqansk, Xerson və Zaporojye vilayətlərinin mülkiyyətinin (Rusiya ərazisi kimi – red.) beynəlxalq səviyyədə tanınması münaqişənin həlli üçün zəruridir.
Ukyrayna sözügedən bölgələrindəki Rusiya işğalını tanımır.
“Qarabağ Azərbaycanın ayrılmaz hissəsidir”.
"DogruXeber.az" xəbər verir ki,bunu İran prezident Məsud Pezeşkian İran və Azərbaycan nümayəndə heyətlərinin birgə görüşündə bildirib.
“Ümid edirəm ki, bizim mövcudluğumuz və ekspertlərimiz arasında artıq keçirilmiş görüşlərlə mütləq imzalanacaq sazişlər Azərbaycanla münasibətlərimizdə daha böyük addımlar üçün hərəkatın başlanğıcı olacaq”, – deyə o vurğulayıb.
Məsud Pezeşkian sözünə belə davam edib: “Qarabağ Azərbaycan ərazisinin ayrılmaz hissəsidir. Qarabağ Azərbaycana məxsus olmalıdır və biz buna hörmətlə yanaşırıq”.
“Təbii ki, bizim burada olmağımız və burada olan əzizlərimizin mövcudluğu aramızda olan əlaqənin, birliyin, həmrəyliyin möhkəmlənməsinə xidmət edəcəkdir”.
Hazırda bütün diqqət Ukraynadakı müharibəyə yönəlsə də, bəzi qitə ölkələri Rusiya ordusunun Avropa ilə sərhədləri boyunca artan fəallığından narahatdır.
GUNDEM.İNFO.AZ Teleqraf-a istinadən xəbər verir ki, bu barədə “Wall Street Journal” məlumat yayıb.
Qərb kəşfiyyatı bildirir ki, Kreml hərbçilərin orduya cəlb edilməsini genişləndirir, silah istehsalını artırır və sərhəd bölgələrində dəmir yol xətlərini modernləşdirir. Xüsusilə Finlandiya ilə sərhəddəki aktivlik Kremlin NATO ilə potensial toqquşma hazırlığının tərkib hissəsi kimi səciyyələndirilir.
Kəşfiyyat məlumatına görə, Ukraynada müharibənin başlamasından əvvəl Rusiya 40-a yaxın T-90M döyüş tankını istehsal edib. İndi ildə təxminən 300 tank istehsal edir. Qeyd olunur ki, bunların heç biri Ukraynaya göndərilmir, sonrakı istifadə üçün Rusiya ərazisində saxlanılır.
Rusiyanın artilleriya, sursat və PUA istehsalının bu il ciddi şəkildə artacağı gözlənilir.
Fevralda Danimarka kəşfiyyatı xəbərdarlıq etmişdi ki, Rusiya NATO-nu zəif hesab edərsə, beş il ərzində Avropada genişmiqyaslı müharibəyə başlaya bilər. Avropalı kəşfiyyat rəsmisi nəşrə deyib ki, Rusiya NATO-nun kiçik bir ölkəsini, məsələn, Rusiya əhalisinin sayının əhəmiyyətli dərəcədə olduğu Estoniyanı işğal edərək alyansın birliyini sınamağa cəhd edə bilər.
Amerikalı analitik Maykl Koffmanın fikrincə, Rusiya 7-10 il ərzində üç keçmiş sovet ölkəsinə (Baltikyanı) - Litva, Latviya və Estoniyaya hücum edəcək.
Materialda vurğulanır ki, Rusiya yenidən silahlanma planlarını NATO ilə sərhədi boyunca yerləşdiriləcək yeni qoşunların ehtiyaclarını ödəmək üçün uyğunlaşdırır. Bu bölmələr yeni avadanlıqlarla təchiz ediləcək.
ABŞ prezidenti Donald Tramp və ukraynalı həmkarı Volodimir Zelenski arasında Vatikanda keçirilən görüşdə üçüncü stul tərcüməçi üçün nəzərdə tutulub.
"DogruXeber.az" xəbər verir ki, bu barədə Britaniyanın “The Telegraph” qəzeti Fransadakı diplomatik mənbələrə istinadən məlumat yayıb.
“O tərcüməçi üçün nəzərdə tutulmuşdu, lakin sonda görüş formatı təkbətək görüşə çevrildi”, - deyə məlumatda qeyd edilir.
Əlavə edilib ki, Trampın Zelenski ilə söhbətinə Fransa prezidenti Emmanuel Makron kömək edib.Məlumata görə, Fransa lideri ukraynalı həmkarını Ağ Evin rəhbəri ilə şəxsən görüşməyə təşviq edib.
Qeyd edək ki, Vatikanda keçirilən görüş zamanı üçüncü stulun Makron üçün qoyulduğu, lakin Trampın Fransa prezidentinə görüşdə iştirakına icazə vermədiyi bildirilirdi.
Ukrayna və ABŞ Ukraynanın mineral ehtiyatlarının birgə işlənməsinə dair sazişdə artıq Kiyevə verilmiş yardımı borc kimi hesablamamaq barədə razılığa gəliblər.
Musavat.com xəbər verir ki, bu sözləri Vaşinqtonda səfərdə olan Ukraynanın baş naziri Denis Şmıxal deyib.
Nazir öz Telegram kanalında qeyd edib: "ABŞ-ın maliyyə naziri Skott Bessent ilə mühüm görüş, burada ayrıca söhbətin mövzusu ölkələrimiz arasında razılaşma olub. Razılıq əldə olunub ki, sənəd imzalanana qədər göstərilən yardımı əhatə etmir”.
Şmıxalın sözlərinə görə, Ukrayna 2025-ci il üçün beynəlxalq tərəfdaşlardan tam maliyyə təmin edib, o cümlədən 39 milyard dollarlıq büdcə kəsirinin ödənməsi üçün. O bildirib ki, Beynəlxalq Valyuta Fondu (BVF) və Dünya Bankının yaz sessiyası üçün Vaşinqtona səfəri zamanı 2026-2027-ci illər üçün Ukraynaya yardımla bağlı “qismən razılaşmalar” əldə olunub. Gələcək yardımın əsas mənbələri BVF proqramı, Aİ-nin Ukrayna Mexanizmi planı və dondurulmuş Rusiya aktivlərindən əldə edilən gəlir olmalıdır.
Musavat.com