“Qardaşımın keçmiş həyat yoldaşı Əzizə və bacım Şəfəq arasında qalmaqal yaranıb. Keçmiş gəlinimiz bacım haqqında polis bölməsinə müraciət etməyə hazırlaşırdı”.

Tribunainfo.az xəbər verir ki, bu fikirləri Oxu.Az-a mərhum Xalq artisti Ramiz Novruzun oğlu aktyor Cavidan Novruz deyib. O bildirib ki, bacısı Şəfəq Novruz sosial şəbəkələrdə ailədaxili söz-söhbətləri ictimailəşdirərək, səhvə yol verib:

“Şəfəq dəfələrlə paylaşım etdi, məsələnin bağlanmasına imkan vermədi. Əzizə polis bölməsinin qarşısına gedəndə mənə zəng etmişdi, Lənkəranda səfərdə idim, ona bildirdim ki, sakitləşsin, söz-söhbət böyüməsin. Niyyətim sadəcə keçmiş gəlinimizi fikrindən daşındırmaq, ailəmizin adını, birliyini qorumaq idi. O isə mənim səsimi qeyd edərək, öz lehinə istifadə etməyə çalışıb. Bundan sonra Şəfəqlə də aramızda inciklik yarandı, bacım keçmiş gəlinimizi guya müdafiə etdiyimi düşünüb. Halbuki mən kimin günahkar olduğunu çox yaxşı bilirəm. Əzizənin səhvləri var, bunu hamımız yaxşı bilirik, amma qardaşımın övladlarını da düşünməliyik, onların gələcəyi vacibdir. Özü həssas dönəmdədir, mənəvi çöküb, artıq məsələnin bu qədər böyüməsini həzm edə bilmir. Belə məqamlarda kimsə daha müdrik davranmalıdır ki, hər iki tərəf sakitləşsin, Əzizənin başqa səhvlərinin də üstü açılmasın, söz-söhbət uşaqlara da mənfi təsir etməsin”.

Cavidan Novruz onu da bildirib ki, Şəfəq Novruz atasının vəfatından sonra psixoloji gərginlik içərisindədir:

“Biz ona çox yalvardıq ki, ailədaxili məsələləri ictimailəşdirməsin, sosial şəbəkələrdə paylaşıb, daha da böyütməsin. Amma o bizi dinləmədi. Hər birimiz onun yanında olmağa çalışdıq, bizə qapını belə açmadı. Məni isə son məqamdan sonra, ümumiyyətlə, görmək istəmir. Bundan sonra nə deyə bilərəm. Allah Əzizəyə də kömək olsun, ümid edirəm, bundan sonrakı addımlarını düzgün atar”.

Qeyd edək ki, mərhum Xalq artisti Ramiz Novruzun qızı stilist Şəfəq Novruz özünün sosial şəbəkə hesabında qardaşı Cavidan Novruz haqqında “bundan sonra düşmənimdir” şəklində paylaşım edib.

“Bu gün nə Siyavuş Aslan, nə Nəsibə Zeynalova, nə Həsən Turabov, nə Yusif Vəzirov, nə Fazil Salayev, nə Ədil İsgəndərov var. Artıq Ramiz Məlik də yoxdur! Biz gedirik, bir-bir gedirik, başa düşürsünüz?! Niyə gedirik? “Qara yeşik” bizi bu günə qoyduğuna görə gedirik, hamısı televiziyaya görə oldu. Telekanallar musiqimizi də, ədəbiyyatımızı da məhv etdi!”

Yenisabah.az xəbər verir ki, Bu sözləri aparıcı Kamran Həsənli “Müsavat” TV-dəki verilişində deyib.

O, vaxtilə çalışdığı telekanaldan necə çıxdığından, telekanal rəhbəri ilə mübahisəsindən danışıb:

“Adını çəkmək istəmədiyim televiziya rəhbərlərindən biri ilə telekanaldan çıxanda üzbəüz bir söhbətim oldu. Məni televiziyadan çıxardılar, özüm çıxmadım. Bəziləri yazır ki, yaxşı edib səni çıxarıblar. Təbii ki, ekranda ədəbsizliyin, mənəviyyatsızlığın göstərilməsini istəyənlər bizi istəməzlər. Televiziya rəhbərliyi ilə son söhbətimdə sual verdim ki, axı niyə bizi bu hala salırsınız?! Axı sən də azərbaycanlısan. İclas zamanı idi, elə telekanal da televizorda açıq idi, dedim ki, o efirdəkinə bax, onun danışığına, intellektinə bax, a kişi, ayıb deyilmi Seyid Əzim Şirvaninin ruhundan?!

Mənə qayıdıb bilirsiniz nə dedi? Dedi ki, Kamran müəllim, indi evdar qadınlar evində ət çəkə-çəkə televizorun qarşısında oturub baxırlar, ona sənin ciddi danışığın lazımdır?

İndi kim evində əllə ət çəkir, hamıda elektrikli maşındır. İkincisi sən milləti arxanca çəkib irəli aparmaqdansa, bilə-bilə bu milləti arxaya dürtürsən? Bu sözlər iclasda həmin telekanal rəhbərinin üzünə deyilib. Amma təəssüf ki, sonradan rəhbərliyə ondan da pisləri gəldi. Sən demə, o adam hələ yaxşı imiş”.

K. Həsənli bu gün gənclərin örnək götürə biləcəyi proqramların olmamasından gileylənib:

“Bu gün rep hanı? Bizim vaxtımızda Hüseyn Dəryanı dartıb efirə çıxarırdıq ki, gəl rep de, Elşad Xoseylə bir meydana çıx, gənclərə enerji ver. Həmin replərlə böyüyən gənclər 44 günlük savaşda qəhrəmancasına döyüşdülər. Onlar nənələrin efirdə ərə getməsi ilə, Baboşlarla, şapoşlarla, mamoşlarla böyüməmişdilər. Hansı ki, bu gün həmin şapoşlar gözümüzün önündə varlanırlar, şəhərin mərkəzində ev sahibi olurlar. Bilmirəm, bunların cibinə kimsə pul basır, ya necə. Bunu kim edir?!

Biz millət olaraq səfərbər olmalıyıq. Biz müharibədəki qələbədən sonra bu problemlərimizi həll etməliyik. Bəziləri yazacaq ki, Kamran, problemi yaradanlardan danış. Problemi yaradan elə bizik!

Telekanallarda işləyənlər - redaktorlar, bədii şura, departament rəhbərləri bizlərik”.

Ermənistana səfəri səs-küy doğuran türkiyəli bloger Alper Rende Azərbaycana səfər edib.
Bakupost.az xəbər verir ki, Şuşaya da baş çəkən bloger səfəri ilə bağlı bunları bildirib:
"Əvvəlki videomuzda mən Ermənistana getmişdim və oradakı insanlardan çox da müsbət reaksiya almamışdım. Bu günlərdə isə Azərbaycanda oldum. Əziz azərbaycanlı türk qardaşlarım sayəsində bizi çox səmimi qarşıladılar. Təbii ki, mən də işğaldan azad edilmiş Qarabağa, Şuşaya getdim, müharibənin izlərinin şahidi oldum. Ümid edirəm ki, bundan sonra sülh hökm sürəcək və hamımız birlikdə sülh içində yaşayacağıq".
Qeyd edək ki, türkiyəli bloger Alper Rende dostları ilə birlikdə İrəvanda olarkən erməni qadınla mübahisə etmişdi. Bu mübahisə sosial şəbəkələrdə geniş müzakirələrə səbəb olmuşdu. Alper Rende səfər zamanı irqçiliklə üzləşdiyini bildirmişdi.

Şou-biznes dünyasında ad davası son vaxtların gündəm olan mövzularındandır. Son dəfə müğənni Şəbnəm Tapdıq həmkarı Şəbnəm Tovuzlunu onunla eyni ad daşıdığına görə məhkəməyə verdiyini açıqlayıb.

Bu yaxınlarda Xalq artisti Zaur Rzayev də oxşar fikir səsləndirmişdi. Tanınmış sənətçi onunla eyni - Zaur adı daşıyan aparıcıları məhkəməyə vermək istədiyini demişdi.

Maraqlıdır, bu məsələ qanunvericilikdə necə tənzimlənir? İnsan onunla eyni adı daşıyan şəxsi bu səbəbdən məhkəməyə verə bilər? Şəxs adlarına patent, yaxud müəllif hüququ almaq mümkündürmü?

Mövzu ilə bağlı danışan vəkil Əkrəm Həsənov bir sıra məqama aydınlıq gətirib:

“Adların patentləşdirilməsi yalnız biznes sahəsi ilə bağlı məsələdir. Hüquqi şəxslərə məxsus olan adlarla bağlı məhkəməyə müraciət etmək mümkündür. Yəni hər hansı mağaza, ticarət obyekti, şirkət, yaxud brend məhsulun patentini almaq olar. Bu zaman həmin adı kimin istifadə edib-edə bilməyəcəyinə patent sahibi özü qərar verir.

Bu hallar əsasən biznes sektorunda yaşanır və həmin sahəni əhatə edir. Hüquqi şəxs onun adını icazəsiz daşıyan digər bir hüquqi şəxsi məhkəməyə verə bilər. Bu qanun pozuntusu sayılır”.

Ə. Həsənov sözügedən hüququn şəxs adlarına aid olmadığını bildirib:

“Hər hansı bir adam onunla eyni adı daşıyan şəxsi məhkəməyə verə bilməz. Belə bir şey dünyanın heç bir ölkəsində mümkün deyil. Hesab edirəm ki, belə iddialarla çıxış etmək ən azı əcaiblikdir. Patentləşdirmənin şəxsi adlara heç bir aidiyyatı yoxdur. Burada hər hansı pul, yaxud qazancdan söhbət getmir ki, ona məhdudiyyət də tətbiq edilsin. Kimsə özündən insan adı icad etsə belə, heç kəsə deyə bilməz ki, bu ad mənə məxsusdur və başqalarına ondan istifadə etmək qadağandır”. \\Yenisabah.az

“Bir siz qalmışdınız, siz də soyundunuz, heç yaraşdırmadım”.

Bu günlərdə Türkiyədə keçirilən “Altın Kələbək” müsabiqəsində “Azərbaycanın parlaq ulduzu” nominasiyasında qalib olan aparıcı və aktrisa Kəmalə Piriyevanın yeni imici müzakirələrə səbəb olub.

Sənətçi dərin sinə dekoltesində çəkdirdiyi fotolarını “Instagram” hesabında paylaşıb.

Onun geyimi sosial şəbəkə izləyiciləri tərəfindən sərt tənqidlərə məruz qalıb. Əksəriyyət soyunmağı ona yaraşdırmayıb:

“Sənə yaraşmır belə obraz. Nümunəvi, məşhur xanımlardan biri deyirdim, bu da başladı sinəsini reklam etməyə. Bir siz qalmışdınız, siz də soyundunuz, heç yaraşdırmadım. Sizi həmişə abırlı görmüşdüm. Sən də trendə qoşuldun? Belə etmə, sən sadə, məsum gözəlsən…”, – deyə yazan izləyicilərin çoxu onu qınayıb.

Fotoları təqdim edirik:



referans.az

Həmkarım Aygün Muradxanlı dünən müğənni adaşı Aygün Kazımova haqqında bir status paylaşıb, adam istəyir ki, bu, düz söhbət olmasın, təkzib olunsun.

Statusun duzlu hissəsini ixtisar etsək, yerdə qalanı belədir: “Aygün Kazımovaya deyiblər, Qarabağda yurda dönənlər üçün yeni il keçiririk, sən də gəl, deyib, 45 min özümə, 75 səhnə dekoru-işıq, 85 min də heyətimə”.

Belə şey ola bilərmi? Əlbəttə, Aygün Muradxanlı yazıbsa, şəkk etmək mümkün deyil. O, belə şeyləri həmişə yazır, başı bəlaya girir, amma sonra anlaşılır ki, yalan yazmayıb. Jurnalistə bu məsələni təşkilatçılardan, yəni müğənni Aygünü Qarabağa dəvət etmək istəyənlərdən biri deyib. Deyib və belə bir cavab alıb.

Belə baxanda, bu, fantastik qiymətdir, toplamda 205 min manat edir. Hansı dövlət qurumu yeni-yeni bərpa olunan yurd yerində bir şənlikdə oxumaq üçün müğənniyə 205 min verər? Oralarda 205 minin 205 dərdi var.

Hələ ona da baxaq ki, bu 5 min haradan çıxıb? Prinsipcə, müğənni birdəfəlik yuvarlaq rəqəm – 200 min tələb etməliydi. Güman etmək olar ki, o, bu 5 mini bazarlıq etmək, minnət qoymaq üçün nəzərdə tutulub: “Yaxşı, sizə endirim edərək, köçkün olduqları üçün 5 min keçərəm”.

Bu, işin zarafat tərəfidir, amma xalq artistinin belə bir qonorar tələb etməsi gerçəkdən absurddur.

A.Kazımova ya hansı ölkədə yaşadığını unudub, ya da hesab edir ki, insaların pul kəsən maşını var. Unudubsa, biri ona desin ki, bura Brodvey deyil, sən də Beyons, Şakira, Rihanna deyilsən. Heç Hadisə və ya Sibel Can da vətən, xalq söhbəti olan yerdə 200 min adı tutmazdılar.

Dünənə qədər televiziya ekranlarında “əhd etmişəm, torpaqlar alınsın, Cıdır düzündə ayaqyalın oynayacam”, “Arzu edirəm ki, gələn il bu vaxt işğaldan azad olunan torpaqlarda əsgərlərimiz, camaatımız qarşısında yeddi gün konsert verək” deyənlər bunlar deyildimi?

Bu söhbəti təkrar edə-edə çürüyünü çıxarıb, lətifəyə döndərmişdilər, hamısı “işğaldan azad olunan torpaqlar” üçün necə fədakarlıqlar edəcəklərini deyir, tamaşaçılar qarşısında ucuz xal toplayırdılar. İnsanlar onlara baxır, “halal olsun, necə vətənpərvərdirlər” deyirdi. Əyninə bayraqlarımızın rənglərindən ibarət əlbisə, hərbi mundir geyənlər vardı, öz aləmlərində gəncləri hərbi-vətənpərvərlik ruhuna kökləyirdilər.

aybay.jpg (23 KB)

Nə oldu bəs? İş real xidmətə gələndə “200 min verin, gəlim”, hə?

O gün bu üzdə olan “ulduz” müğənnilərə dair bir preyskurant da açıqlanmışdı. Guya Aygün və Röya şənliklərdə yarım saatlıq ifa üçün 50 min manat tələb edirlər. O birilərin də adının qarşısında 10 min, 20 min, 30 min yazılmışdı. İçlərində eləsi vardı ki, gəlib adamların eyvanının altında fonoqramsız oxusa, pərdəni çəkər, o səmtə baxmazlar. O da özünü o dairəyə saldırıb, qiymət qoydurmuşdu.

Bu, özünə məzənnə kəsməkdir. Bu ölkədə onlara o pulu verəcək adamlar ya bir olar, ya iki. Onlar da kimlərləsə bəhsləşdikləri üçün verərlər. Gedib Türkiyədən Ebru Gündəşi gətirər, ona üçqat artıq qonorar ödəyərlər, amma adları çəkilənlərin yarım saat disk oxutmasına o qədər pul verməzlər.

Əsas məsələ heç bu müğənnilərin toyda-şənlikdə 10-15 il əvvəl yazdırdıqları mahnıları səsləndirib, ağızlarını açıb-yumub, özlərini oxuyurmuş kimi göstərmələri deyil, əsas məsələ odur ki, onlar xalqa qiymət oxuyurlar, “məni öz məclislərində görmək istəyirlərsə, canları çıxsın, çox pul ödəsinlər” ədası sərgiləyirlər.

Günah, əlbəttə ki, bu “ulduz”ları öz bağrından qoparıb göylərə qaldıranlardadır. Onlara layiq olduqlarından qat-qat artıq hörmət qoya-qoya, qonorar ödəyə-ödəyə bu mərtəbəyə çıxarıblar. Onlar da özlərini bir şey zənn edirlər, elə bilirlər ki, Altay dağlarını bunlar yaradıblar.

İstənilən mədəni, qanunun aliliyinə hörmət qoyulan ölkədə bu cür ərşlə-gürşlə əlləşən, özünün toya çox baha qiymətə getdiyini açıqlayan şəxsi ortalığa çəkir, deklarasiya və vergi tələb edirlər. Deyirlər, bir halda ki, ayda azı 20 toya gedir və hərəsindən 50 min manat alırsan, demək, ayda 1 milyon qazanırsan, gəl, vergini ödə.

Bax, elə olsa, bunlar da öz qınlarına qayıdar və “ayda 3-5 min manat zorla qazanırıq” deyib and içərlər.

Müəllif: Xalid KAZIMLI - Mənbə: musavat.com
Teref. Xocanın Blogu
Səhifəmiz hamnın üzünə açıqdır

Jurnalist Məhəmmədəli Qəribli TikTok üzərində bir müddət araşdırmalar apardıqdan sonra həyəcan təbili çalmağa başlayıb. O həmin sosial şəbəkədə canlı yayım açaraq, çoxlu izləyicisi olan tiktokerlərin səhifələrinin nəzarətə alındığını vurğulayıb. Qeyd edək ki, Qəribli bir müddət öncə tiktoker Ləmanın bəzi oliqarxlar tərəfindən ona qarşı hücum silahı kimi istifadə edildiyini demişdi.

Lent.az-a açıqlama verən jurnalistin fikrincə TikTok-un Azərbaycan seqmentində çirkli pulların yuyulması prosesi tanınmış blogerlərin əli ilə aparılır.

“Tiktok-da əsas pullar qurulan oyunlar zamanı atılan jetonlardan gəlir. Bu jetonların hamısı pul ekvivalentindədir. Balansa oturur və sən pul çıxarırsan. Son zamanlar çirkli pulların yuyulması istiqamətində TikTok-un aldadılması ilə məşğuldurlar. Eyni adama hər gün minlərlə dollar hədiyyə göndərilir. Atanlar da eyni adamdır, qəbul edənlər də. Bu sevgidirsə sevgi də deyil. Araşdırmalardan sonra məlum oldu ki, bu çirkli pulların yuyulmasıdır. Blogerlər öz aralarında da sövdələşmə edirlər. Oğurluq kartlardan jetonlar alınır və ucuz satılır. Blogerlər pulları çıxarandan sonra bir hissəsini geri qaytarırlar. Maaşa işləyirlər. Orda isə yalnızca görüntü yaradırlar. Camaat da həvəslənib baxır. Bu təqdim etdiyimiz şəkil hesabları dondurulmuş azərbaycanlı blogerlərin siyahısıdır. Ötən həftə 1 milyon jetondan cəmi 5000 dollar çıxarıla bilib. Çoxu yalandan deyir “profilim işləyir”, amma ehtiyat səhifələrini işlədirlər, jetonları çıxara bilmirlər.

Bunu sübut edən video yayılıb. Jetonları Azərbaycan seqmentində satan Rəşad və Emin qardaşları var. Onlar da Azər Zahidlə buna görə canlı yayımda dava edirlər. Azər Zahid deyir ki, sizdən jeton atıblar, bloka düşüb,çıxara bilmirik.

Məhəmmədəli Qəribli bildirib ki, TikTok səhifəsində hesabı bloklananlardan biri aktrisa Pərvin Abıyevadır. Bundan əlavə, Tosu, Gülüm Gəncə, Azik kimi böyük səhifələri olan TikTokerlərin hesablarına blok qoyulub. Siyahını təqdim edirik.