BMT-nin Beynəlxalq Ədalət Məhkəməsində Ermənistanın Azərbaycana qarşı işi üzrə dinləmələrdə iddia edilib ki, guya Azərbaycan Qarabağ ermənilərinə qarşı etnik təmizləmə həyata keçirib.

Tələblər isə budur ki, ermənilərin öz evlərinə qayıtmaq haqqını, həmçinin təhlükəsiz yaşayışını təmin etmək üçün Azərbaycan hərbi qüvvələri Qarabağdan çıxarılmalı, üstəlik bölgədə daimi fəaliyyət göstərəcək beynəlxalq mexanizm yaradılmalıdır.

Halbuki BMT Azərbaycan əraziləri işğala məruz qalanda qətiyyətsizlik göstərərək işğal olunmuş ərazilərə gəlməyib. Şəhərlərimizin kəndlərimizin milli, dini və tarixi abidələrimizin vandallıqla dağıdılmasına şahid olmaq istəməyib.

Oktyabrın 12-də Rusiya prezidenti Vladimir Putinin azərbaycanlı həmkarı İlham Əliyevlə Bişkekdə görüşü olub. Görüşdən əvvəl Rusiya prezidentinin köməkçisi Yuri Uşakov demişdi ki, iki prezident Qarabağ ətrafındakı vəziyyəti müzakirə edəcəklər: “Gündəlikdə Qarabağ ermənilərinin beynəlxalq səviyyədə tanınmış hüquq və azadlıqlara əməl etməklə Azərbaycanın hüquqi məkanına dinc inteqrasiyası var”.

Uşakov əlavə edib ki, Rusiya sülhməramlı kontingenti buna töhfə verməyə hazırdır.

Dünən, oktyabrın 12-də görüş zamanı V.Putin də bildirib ki, “bir nömrəli məsələ Qarabağ ətrafındakı vəziyyətdir”.

Bir neçə gün öncə İ.Əliyev MDB dövlətlərinin təhlükəsizlik və xüsusi xidmət orqanlarının rəhbərlərini qəbul edərkən demişdi ki, rəsmi Yerevan Rusiya vasitəçiliyindən imtina edərsə, buna alternativ Ermənistan və Azərbaycanın xarici işlər nazirlərinin birbaşa danışıqları ola bilər: “Hər hansı digər meydançalar bizim tərəfimizdən öz xidmətlərini təklif edən ölkələrin həqiqətə və beynəlxalq hüquqa yanaşmaları baxımından qiymətləndiriləcək”.

Hakim Yeni Azərbaycan Partiyası (YAP) İdarə Heyətinin üzvü, deputat Elşad Mirbəşiroğlu Turana deyib ki, hazırda Qərb Azərbaycan-Ermənistan münasibətlərini özlərinin geosiyasi maraqlarına uyğun tənzimləməyə çalışır: “O maraq da ondan ibarətdir ki, gələcəkdə Cənubi Qafqaz regionunda geosiyasi ambisiyalarını reallaşdırmaq imkanları olsun. Bunun üçün də hansısa məsələni açıq saxlayacaqlar və Paşinyanın missiyası ondan ibarətdir ki, proseslər Qərbin istədiyinə uyğun olsun”.

Deputat V.Putinin “birinci əsas müzakirə məsələsi Qarabağ olacaq” söyləməsinə də toxunub: “Azərbaycan öz torpaqlarını işğaldan azad etdi, Ermənistan özü də dəfələrlə Azərbaycanın ərazi bütövlüyünü tanıdığını bildirib. Qarşıda bir addım qalıb, bu da Azərbaycanla Ermənistan arasında sülh müqaviləsinin imzalanmasıdır”.

O, sülhməramlıların gələcək taleyinə də toxunub: “Sülhməramlıların gələcək taleyinə gəlincə, Rusiya-Azərbaycan arasında bu məsələ müzakirə olunacaq və dövlətimiz, həmişəki olduğu kimi, ən doğru addımları atacaq”.

Yeri gəlmişkən, son günlər Rusiya sülhməramlılarının gələcək taleyi Azərbaycan hakimiyyətinə yaxın medialarda da müzakirə edilir. Hətta bəzi hakimiyyətə yaxın icmalçılar üç il əvvəl Ağdamda yaradılan Rusiya-Türkiyə Monitorinq mərkəzinin rolunun hansısa mərhələdə artırılması variantından da bəhs edirlər.

Siyasi şərhçi Vaqif Hacıbəyli isə AzadlıqRadiosuna bildirib ki, Rusiya “sülhməramlılar” adı altında öz qoşunlarını Azərbaycanda saxlamaq istəyir və bu məsələ iki prezident arasında müzakirə olunur: “Həmin qoşunların Azərbaycana gətirilməsi özü çox böyük tarixi səhv idi. Düzdür, indi Ermənistanın mövqeyi ilə bağlı vəziyyət xeyli dərəcədə dəyişdi. Putin də bu məsələdə, Paşinyanın Azərbaycan ərazi bütövlüyünü tanıdığına görə çox qəzəblidir”.

O vurğulayır ki, Rusiya sülhməramlıları Azərbaycanda bəyanat əsasında yerləşdirilib: “İndi Rusiya istəyir ki, Azərbaycanın qanunverici orqanı onların mandatını təsdiqləsin. İlham Əliyevlə danışıqlarda, şübhəsiz ki, bu məsələ qaldırılıb. Tələb qoyulub ki, bu qoşunlar bu və ya digər şəkildə burada saxlanılsın. Amma buna ehtiyac yoxdur və çox yaxın bir zamanda bu məsələ öz həllini tapacaq”.(Turan)

Rusiya sülhməramlılarının Şuşadakı daha bir müşahidə məntəqəsi bağlanıb.
Tribunainfo.az xəbər verir ki, bu barədə Rusiya Müdafiə Nazirliyi məlumat yayıb.

Ümumilikdə sentyabrın 19-dan Əsgəran, Şuşa, Xocavənd və Ağdərə rayonlarında sülhməramlılların 7 müşahidə və 15 müvəqqəti müşahidə məntəqəsi bağlanıb.

Prezident İlham Əliyev Bakıda MDB ölkələrinin kəşfiyyat şeflərini qəbul edərkən Qarabağda hələ də gizlənən silahlı qrupların olduğunu açıqladı.

“Bizdə olan məlumatlara görə, hələ ərazimizdə gizlənməyə davam edən müəyyən qruplar mövcuddur. Sentyabrın 20-dən sonra Qarabağda hərbi təxribatlar törədildi. Ərazi kifayət qədər böyükdür, dağlıqdır, meşəlikdir, buna görə də bizə ərazini quldur birləşmələrindən tamamilə təmizləmək üçün vaxt lazım olacaq”, – Əliyev qeyd edib.

Antiter tədbirlərindən sonra Qarabağda başlanan erməni qruplaşmaların tərki-silah edilməsi prosesi hələ də davam edir. Son rəsmi məlumatda qeyd olunur ki, qanunsuz erməni silahlı birləşmələrin anbarlarından indiyə qədər 66,1 milyon döyüş sursat, 92 ədəd zirehli texnika, 142 ədəd avtomobil, 124 ədəd hava hücumundan müdafiə texnikası, 112 ədəd səhra artilleriya silahı, YARS və minaatan, 1 ədəd PUA, 7 min ədəddən çox atıcı və tank əleyhinə silah götürülüb.

Lakin proses hələ başa çatmayıb. Bunun ilkin səbəbi erməni separatçıların bölgəni böyük ölçüdə silahlaşdırmasıdır. Təhvil alınan silah-sursatın miqdarı da bunu təsdiq edir. Digər səbəb Prezident İlham Əliyevin açqlamasında ortaya çıxdı: hələ də müəyyən qruplar gizlənir;

– Qarabağda gizlənən silahlı qruplar kimlərdir?

– Bu qruplar harada gizlənirlər?

– Onların məqsədi nədir?

Əliyevin açıqlaması bu sualları da ön plana çıxardı.

Bu qruplaşmaların kimlər olduğuna dair bir neçə versiya var.

1. Erməni terror təşkilatlarının üzvləri: 44 günlük müharibədən sonra ASALA terrorçularının Qarabağa gizli şəkildə sızdığına dair məlumatlar var idi, istisna deyil ki, terrorçular hələ də gizlənirlər;

2. Adları Bakının “qara siyahısı”nda olan cinayətkarlar: o da istisna deyil ki, gizlənən qruplar I və II Qarabağ müharibəsində azərbaycanlılara qarşı qətliamlar, soyqırımlar törədən şəxslərdir;

Erməni terrorçuların gizlənə biləcəyi yerlər dağlar və meşələr, o cümlədən, işğal dövründə hazırlanmış gizli bunkerlər ola bilər. Hələ işğal dövründə bunkerlərə bir, yaxud bir neçə illik ərzağın toplandığı bəllidir.

Bu qrupların əsas məqsədi gizlənmək və bacardıqca sağ qalmaqdır. Çünki təslim olacaqları təqdirdə həbs ediləcəkləri təhlükəsi də var. Lakin mümkündür ki, gizlənən silahlı dəstələr müəyyən müddətdən sonra Azərbaycan ordusuna qarşı terror hücumlarının törədilməsini də planlaşdırırlar.

Oktyabrın 3-də Xankəndidə Azərbaycan hərbçiləri və Rusiya sülhməramlılarının birgə patruluna snayperdən açılan atəş də erməni terrorçuların hələ də gizləndiyini təsdiq edən faktlardandır.

Bölgədə davam edən təmizləmə əməliyyatında silahların təslim edilməsi prosesi həyata keçirilir, bu proses başa çatdıqdan sonra gizlənən qrupların zərərsizləşdirilməsi mərhələsinin başlanacağı gözləniləndir./axar.az

Xəbər verdiyimiz kimi, separatçı rejimə məxsus "lider”lərin həbs olunması fonunda Vitali Balasanyanın da həbs edilməsi ilə bağlı Azərbaycan xüsusi-xidmət orqanları tərəfindən cinayət işinin başlandığı qeyd olunub.

Lakin Vitali Balasanyanın Ermənistana qaçdığı iddia olunur. Bu barədə Ermənistanın "Past” qəzeti məlumat yayıb. "Vitali Balasanyan Ermənistandadır, ürəyində ciddi problem var və hazırda həkimlərin nəzarəti altındadır. Digər təfərrüatlar hələlik məlum deyil”, - məlumatda deyilib.

Bəs Balasanyan Azərbaycan tərəfindən həbs oluna bilər? Onun İrəvandan Bakıya gətirilməsi mümkündür?

Məsələ ilə bağlı AZXEBER.COM-a danışan politoloq Məhəmməd Əsədullazadə deyib ki, Balasanyanın Azərbaycana təhvil verilməsi yalnız iki dövlət arasında sülh müqaviləsi imzalanacağı halda baş verə bilər:

"Birinci Qarabağ müharibəsində Azərbaycana qarşı hərbi cinayətlər törətmiş Vitali Balasanyanın həbs olunması istiqamətində addımlar atılsa da, onun həbs olunması mümkün olmadı. O, müəyyən yollarla Ermənistana qaçmağı bacardı. Digər separatçılar Arayik Arutyunyan, Ruben Vardanyan, Davit Babayan, Bako Saakyan, Arkadi Qukasyan həbs edilsə də, Vitali Balasanyan bu həbslərdən yayına bildi. Düşünürəm ki, baş verən bu həbslərlərdən xəbər tutan Balasanyan ermənilərlə birgə Ermənistana gedə bilib. Onun Azərbaycana təhvil verilməsi istiqamətində ilk növbədə Ermənistanla Azərbaycan arasında bir sülh müqaviləsi olmalıdır. Tərəflər arasında sülh müqaviləsi bağlandıqdan sonra hüquqi müstəvidə razılaşmalar olmalıdır və onun həbsi həyata keçirilməlidir.

Hesab edirəm ki, Ermənistan tərəfi onu Azərbaycana qəti şəkildə təhvil verməyəcək, yalnız Azərbaycanın təhlükəsizlik orqanları onu zərərsizləşdirə bilər. Əgər Balasanyan hansısa bir üçüncü ölkəyə getməyə cəhd edərsə, bu zaman onun həbsi mümkün olar. Düşünürəm ki, o, Ermənistan ərazisində olduğu müddətdə onun həbsi və onu mühakimə etmək mümkün olmayacaq”.

Zəngəzur Dəhlizinin Azərbaycan hissəsi 2024-cü ildən fəaliyyətə başlayacaq.

Hurriyyet.Az xəbər verir ki, bunu "Azərbaycan Dəmir Yolları” (ADY) QSC-nin Kommunikasiya departamentinin rəhbəri Aybəniz İsmayılova deyib.

A.İsmayılovanın sözlərinə görə, artıq Füzuli-Ağbənd dəmiryolu xəttinin 60 %-dən çoxu hazırdır:

"3 ildən az bir müddətdə multimodal Zəngəzur dəhlizinin 110,4 kilometrlik birxətli dəmir yolu seqmentinin üçdə ikisindən çoxu artıq döşənib.

Dəhliz boyu 3 tunel, onlarla körpü və 9 dəmir yolu stansiyası tikiləcək. Türkiyə şirkətləri tərəfindən Həkəri çayı üzərindən 418 metrlik dəmir yolu körpüsünün tikintisi yaxın vaxtlarda yekunlaşaraq istifadə üçün hazır olacaq".

Qeyd edək ki, Azərbaycan Prezidentinin 2021-ci ilin febralın 15-də Füzuliyə səfəri zamanı Horadiz-Ağbənd dəmir yolu xəttinin təməli qoyulub.

Ötən həftə Şərqi Zəngəzur dəhlizi adlandırılan, Araz çayının sol sahili boyu uzanıb Azərbaycanı Naxçıvanla birləşdirən nəqliyyat kommunikasiyalarının həyata keçirilməsi üçün Zəngilanda ilk təməlqoyma mərasimi keçirilib. İranın yollar və şəhərsalma naziri Mehrdad Bazrpaşın və Azərbaycanın Baş nazirinin müavini Şahin Mustafayevin iştirak etdiyi mərasimdə Horadiz-Ağbənd dəmir yolunu və çoxzolaqlı avtomobil yolunu İrana birləşdirmək üçün Araz çayı üzərindən salınacaq yeni dəmir yol və avtomobil yolu körpüsünün təməli qoyulub.

2020-ci il sentyabrın 27-də Ermənistan silahlı qüvvələrinin cəbhəboyu törətdiyi genişmiqyaslı təxribatlara cavab olaraq Azərbaycan Ordusu “Dəmir yumruq” adlı əks-hücum əməliyyatına başladı. 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi. Müzəffər Ali Baş Komandan İlham Əliyevin rəhbərliyi ilə qazanılmış möhtəşəm zəfər tariximizə qızıl hərflərlə yazıldı.

Vətən müharibəsinin 13-cü gününün xronikasını təqdim edirik.

Hadrut qəsəbəsi, Çaylı, Yuxarı Güzdək, Gorazıllı, Qışlaq, Qaracallı, Əfəndilər, Süleymanlı və Sur kəndləri işğaldan azad olunub. Azərbaycan Prezidenti, Ali Baş Komandan İlham Əliyev bununla əlaqədar xalqa müraciət edib.

Prezident İlham Əliyev “CNN International” televiziya kanalının “Connect the World“ verilişində müsahibə verib.

“Sky News” telekanalı Azərbaycan Prezidenti İlham Əliyevin müsahibəsini yayımlayıb.

Müdafiə Nazirliyinin məlumatına görə, Azərbaycan Ordusunun bölmələri cəbhənin mühüm istiqamətlərində düşmənə ağır zərbələri endirərək onun hərəkət fəaliyyətini tam məhdudlaşdırıb və aktivliyinin qarşısını qətiyyətlə alıb. Ümumilikdə düşmənin 13 ədəd T-72 tankı, iki ədəd PDM-i, dörd ədəd BM-21 “Qrad” yaylım atəşli reaktiv sistemi, iki ədəd 2S3 “Akasiya” özüyeriyən artilleriya qurğusu, üç ədəd D-30 haubitsa topu, iki ədəd radar sistemi və xeyli sayda avtomobil texnikası məhv edilib. Ermənistan silahlı qüvvələrinin 49-cu tank briqadasına məxsus altı ədəd T-72 tankı tam işlək vəziyyətdə ələ keçirilib.

Müdafiə Nazirliyi Cəbrayıl rayonunun işğaldan azad olunan ərazilərində Azərbaycan bayrağının dalğalanmasını əks etdirən görüntüləri paylaşıb.
Ermənistan silahlı qüvvələrinin yaşayış məntəqələrimizi ağır artilleriya qurğularından və raket sistemlərindən intensiv atəşə tutması nəticəsində 9 oktyabr saat 17:00-a olan məlumata görə, 31 mülki şəxs həlak olub, 168 nəfər isə xəsarət alıb. Həmçinin 1 091 ev, 143 mülki obyekt və 45 çoxmənzilli yaşayış binası yararsız vəziyyətə düşüb. Bu barədə Baş Prokurorluq məlumat yayıb.

Şanlı Azərbaycan Ordusunun daha bir uğurlu əməliyyatı nəticəsində Ermənistan silahlı qüvvələrinin 30-a yaxın tankı və piyada döyüş maşını ələ keçirilib.

Baş Prokurorluq: “Döyüşlərdə Ermənistan tərəfindən iştirak etmiş Fransa vətəndaşı Artur Oqanisyan və Gürcüstan vətəndaşı Vaaqn Çaxalyan barəsində cinayət işi başlanıb”.

Azərbaycan Ordusu bölmələrinin keçirdiyi döyüş əməliyyatları nəticəsində düşmənin xeyli sayda “Qrad” yaylım atəşli reaktiv sistemi sıradan çıxarılıb.

Müdafiə Nazirliyi: “Ermənistan ərazisindən Mingəçevir şəhəri istiqamətində atılan ballistik hədəf Azərbaycanın hava hücumundan müdafiə sistemləri tərəfindən aşkarlanaraq 20 kilometrdən artıq hündürlükdə məhv edilib”.

Müdafiə Nazirliyi düşməndən azad edilən Suqovuşan yaşayış məntəqəsinin görüntülərini paylaşıb.