 |
|
|
Martın 21-22-də Strasburq şəhərində müharibə cinayətləri səbəbilə Rusiya üçün xüsusi tribunalın yaradılması üzərində işləyən 33 dövlətdən ibarət koalisiya toplanır.
Bu barədə Ukraynanın xarici işlər naziri Dmitri Kuleba “Twitter”də məlumat verib.
O bildirib ki, tribunal bütün sonrakı Rusiya vəhşiliklərinə səbəb olan ilk cinayətə görə məsuliyyəti təmin etmək üçün çox vacibdir.
Qeyd edək ki, Ukrayna apreldə BMT Baş Assambleyasının Rusiya Federasiyası üzrə tribunalla bağlı qətnaməyə baxacağına ümid edir.
Beynəlxalq Cinayət Məhkəməsinin qərarlarının Rusiya üçün heç bir əhəmiyyəti yoxdur, o cümlədən hüquq nöqteyi-nəzərindən.
APA-nın Moskva müxbirinin məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova Telegram kanalında yazıb.
"Beynəlxalq Cinayət Məhkəməsinin qərarlarının ölkəmiz üçün, o cümlədən hüquqi nöqteyi-nəzərdən heç bir mənası yoxdur. Rusiya Beynəlxalq Cinayət Məhkəməsinin Roma Statutunun iştirakçısı deyil və ona görə də öhdəlik daşımır. Rusiya bu qurumla əməkdaşlıq etmir. Beynəlxalq məhkəmədən gələn mümkün həbs “reseptləri” isə bizim üçün hüquqi cəhətdən etibarsız olacaq”, - deyə Rusiya XİN sözçüsü qeyd edib.
Bu gün Beynəlxalq Cinayət Məhkəməsi Ukraynadakı vəziyyətlə əlaqədar Rusiya prezidenti Vladimir Putin və Rusiya Ombudsmanı xanım Mariya Alekseyevna Lvova-Belovanın həbs edilməsi barədə qərar çıxarıb.
Beynəlxalq Cinayət Məhkəməsi izah edir ki, Putin və Lvova-Belova ukraynalı uşaqları qanunsuz deportasiya etməkdə şübhəli bilinirlər.
Beynəlxalq Cinayət Məhkəməsi Putindən əvvəl 4 ölkə başçısının həbsi haqqında qərar verib:
Sudan prezidenti Ömər əl-Bəşir. 2008-ci ildə həbsinə qərar verilib, 11 il hakimiyyətdə qalıb, 2019-da devrilib. Hazırda ölkədə həbsdədir, amma Haaqa Tribunalına təhvil verilməyib;
Liviyanın keçmiş lideri Müəmmar Qəddafi. 2011-ci ildə həbsinə qərar verilib, az sonra linc edilərək öldürülüb;
Cot Di Var prezidenti Laurent Gbagbo. 2011-ci ildə seçkini uduzsa da hakimiyyəti təhvil verməyib, bunkerdə gizlənərək müqavimət göstərib. Qısa müddət sonra həbs edilərək Haaqa Məhkəməsinə ekstradisiya edilib. 2019-cu ildə bəraət alıb.
Keçmiş Yuqoslaviya lideri Slobodon Miloşoviç. Haaqa Məhkəməsi tərəfindən mühakimə olunub, bir müddət sonra həbsxanada ölüb.
gununsesi
Beynəlxalq Cinayət Məhkəməsi (BƏM) Rusiya Prezidenti Vladimir Putinin həbsinə order verib.
APA xəbər verir ki, bu barədə Haaqa məhkəməsinin saytında yerləşdirilmiş məlumatda qeyd olunub.
Bildirilib ki, BƏM Ukraynadakı müharibə kontekstində iki nəfərin - Rusiya Prezidenti Vladimir Vladimiroviç Putinin və Mariya Alekseyevna Lvova-Belovanın həbsinə order verib.
Əlavə edilib ki, Rusiya Prezidenti Vladimir Putin 24 fevral 2022-ci il tarixindən sonra Ukraynanın işğal edilmiş ərazilərindən əhalinin (uşaqların) qanunsuz deportasiyası və qanunsuz olaraq Rusiyaya köçürülməsi kimi hərbi cinayətə görə məsuliyyət daşıyır.
Ətraflı
Açıqlamada vurğulanıb ki, Rusiya Prezidenti Vladimir Putinin yuxarıda qeyd olunan cinayətlərə görə fərdi cinayət məsuliyyəti daşıdığını düşünmək üçün ağlabatan əsaslar var.
Məhkəmə, həmçinin analoji ittihamlarla Rusiyanın Uşaq Hüquqları üzrə Müvəkkili Mariya Alekseyevna Lvova-Belovanın həbsinə order verib.
Vladimir Putin və Mariya Lvova-Belova
Polşa Daxili təhlükəsizlik agentliyi (ABW) Rusiyanın xeyrinə casusluqda şübhəli bilinən 9 nəfəri saxlayıb və onlardan 6-sı məhkəmə tərəfindən həbs edilib.
Qaynarinfo “Polsat News”a istinadən xəbər verir ki, bu barədə Polşanın daxili işlər naziri Mariuş Kaminski bildirib.
Kaminskinin sözlərinə görə, şübhəlilər Rusiya xüsusi xidmət orqanları ilə əməkdaşlıq edərək Polşaya qarşı kəşfiyyat fəaliyyəti həyata keçirib və Rusiya kəşfiyyatının maraqlarına uyğun təxribat aktları hazırlayıblar.
“Saxlanılanlar şərq sərhədindən gələn əcnəbilərdir”, – xüsusi xidmət orqanlarının işini koordinasiya edən nazir bildirib.
“Məhkəmə onlardan 6-sı barəsində müvəqqəti həbs qərarı verib. Prokurorluq Rusiyaya casusluq və mütəşəkkil cinayətkar qruplaşmada iştirak ittihamı irəli sürüb”, – Kaminski bildirib.
Dünən saxlanılan 3 nəfərlə bağlı əməliyyat-istintaq tədbirləri davam etdirilir.
“Dəlillər göstərir ki, qrup dəmir yolu marşrutlarının monitorinqi ilə məşğul olub. Onun vəzifələrinə Ukrayna adından həyata keçirilən silahların ötürülməsini müəyyənləşdirmək, monitorinq etmək və sənədləşdirmək daxildir”, – Kaminski bildirib.
Onun sözlərinə görə, şübhəlilər həm də Ukraynaya texnika, silah və yardımın çatdırılmasını iflic etməyə yönəlmiş təxribat aksiyalarına hazırlaşırmış.
ABW əməkdaşları Ukraynaya humanitar yardım göndərilərkən quraşdırılmalı olan kameralar, elektron avadanlıqlar və GPS ötürücüləri ələ keçiriblər.
“Qrupa həmçinin Polşa-Ukrayna münasibətlərinin sabitliyini pozmağa, Polşada NATO ölkələrinə qarşı düşmənçilik əhval-ruhiyyəsini qızışdırmağa və Polşa hökumətinin Ukraynaya qarşı siyasətinə zərbə vurmağa yönəlmiş təbliğat fəaliyyəti həyata keçirmək tapşırılıb”, – nazir deyib.
Onun sözlərinə görə, rusların qrup üzvlərinə fəaliyyətlərinə görə qonorar ödədiyinə dair sübutlar var.
“ABW-də şübhəlilərin Rusiya xüsusi xidmət orqanlarından davamlı olaraq pul aldığına dair sübutlar var”, – Kaminski bildirib.
O əlavə edib ki, istintaq davam edir. Onun sözlərinə görə, indiki vəziyyətdə informasiya “ciddi şəkildə dozalanmalıdır”.
“Hazırda xidmət və prokurorluq orqanlarının əməliyyat tədbirləri davam etdirilir. Çərşənbə günü saxlanılan daha 3 nəfərin işi yaxın vaxtlarda məhkəməyə veriləcək və onlar da həbs olunacaqlar”, – nazir bildirib.
Bundan əvvəl Polşa baş nazirinin müavini və milli müdafiə naziri Mariuş Blaşçak Daxili Təhlükəsizlik Agentliyinin əməkdaşlarının ölkədə Rusiyanın xeyrinə fəaliyyət göstərən casus şəbəkəsini aşkar etdiyini təsdiqləyib.
“Türk Dövlətləri Təşkilatı (TDT) ölkələrinin köməyilə zəlzələnin nəticələrini qısa müddətdə aradan qaldıracağıq”
Report-un məlumatına görə, bu sözləri Türkiyə Respublikasının Prezidenti Rəcəb Tayyib Ərdoğan Türk Dövlətləri Təşkilatının Dövlət Başçılarının Fövqəladə Zirvə görüşünün yekunları ilə bağlı yerli və xarici jurnalistlər üçün keçirdiyi brifinqdə bildirib.
“Türk dünyası kədərdə də, sevinc də birgə olduğunu bir daha sübut etdi. Dünyanın 90 fərqli ölkəsindən gələn xilasedicilər də bizə dəstək verdilər. İlk dəstək də Türk dünyasından oldu. Türkiyə bu dəstəyi heç bir zaman unutmayacaq”.
Qeyd edək ki, fevralın 6-da Türkiyədə yaşanan böyük zəlzələlərlə bağlı Türkiyə ilə həmrəylik məqsədilə keçirilən toplantı Azərbaycan Respublikasının Prezidenti İlham Əliyevin təşəbbüsü ilə baş tutub.
Ankarada keçirilmiş Türk Dövlətləri Təşkilatının Dövlət Başçılarının Fövqəladə Zirvə görüşündə Bəyannamə qəbul olunub.
Xocalı qatili Seyran Ohanyanın cinayət işi araşdırılarkən saxlanılıb
Hurriyyet.az “Yerevan Today” nəşrinə istinadla xəbər verir ki, KTMT-nin keçmiş baş katibi Yuri Xaçaturovun oğlu, general-mayor Qriqori Xaçaturov iki ay müddətinə həbs olunacaq.
Baş Prokurorluğun mətbuat xidmətindən verilən məlumata görə, Apellyasiya Məhkəməsi Baş prokurorun vəsatətini təmin edib.
Bundan əvvəl Baş Prokurorluq Qriqori Xaçaturovun həbsindən imtina edən Korrupsiyaya Qarşı Mübarizə Məhkəməsinin qərarından Apellyasiya Məhkəməsinə müraciət etmişdi.
Baş prokuror Anna Vardapetyan Ermənistanın keçmiş müdafiə naziri Seyran Ohanyanın cinayət işinin araşdırılması üçün parlamentdən icazə aldıqdan sonra 3-cü Ordu Korpusunun keçmiş komandiri saxlanılıb. Xaçaturova qarşı cinayət işinin tərkibində iki hərbi hissənin ərazisinin satılması ifaktları da var. Lakin vəkillər həbs üçün heç bir əsas olmadığını iddia edirlər.
"Suriyada fəaliyyət göstərən terrorçular əsasən birbaşa Vaşinqtonun nəzarətindədir".
Redaktor.az xəbər verir ki, bunu Suriya prezidenti Bəşər Əsəd “Solovyov Live” telekanalına müsahibəsində deyib.
"Qərb bunu dayandırmayıb. Suriyadakı bütün terrorçular birbaşa ABŞ vasitəsilə idarə olunur.r",- deyən Əsəd "Mümkündürmü ki, Qərb Suriyada döyüşləri bərpa etmək üçün terrorçuları yenidən "qızdırmağa" başlasın?" sualına belə cavab verib: "Onlar bunu nə vaxt dayandıracaqlar? Heç vaxt dayanmayacaq, çünki terror Qərbin ordularından biridir”.
Əsəd qeyd edib ki, Qərbin dağıdıcı hərəkətlərini ancaq “onun qarşısını ala biləcək çox böyük qüvvə” dayandıra bilər.
"Onlar əvvəllər Əfqanıstanda SSRİ-yə qarşı bu terrordan istifadə ediblər. Ukraynada və Çeçenistanda da bu terrordan istifadə ediblər. Qərb bütün bunları dəstəkləyib. Mənim fikrimcə, onlar terroru uzun illər dəstəkləməkdə davam edəcəklər", - Suriya lideri fikrini yekunlaşdırıb.
"Donbas məsələsində məlum oldu ki, bizi aldatdılar".
Bunu Rusiya Prezidenti Vladimir Putin Buryatiya Respublikasına işgüzar səfəri zamanı deyib.
Səfər zamanı Putin Ukraynadakı müharibə ilə bağlı açıqlamalar verib.
“Rusiya səkkiz ildir ki, öz tərəfdaşlarını Donbas məsələsini sülh yolu ilə həll etməyə inandırmağa çalışır. Lakin Donbas məsələsində məlum oldu ki, bizi aldatdılar", - deyə Putin vurğulayıb.
“Lukoil”in ortaq sahibi Leonid Fedun, “Crocus Group”un rəhbəri Araz Ağalarov və Sibir İstehsalat Şirkətinin direktorlar şurasının rəhbəri Stepan Soljenitsın Rusiya Sənayeçilər və Sahibkarlar İttifaqının (RSSİ) idarə heyətini tərk etməyi planlaşdırırlar.
Məlumata görə, cümə axşamı, martın 16-da qurumun keçiriləcək qurultayında 15-dən çox iş adamının birliyin idarə heyətindən çıxarılması nəzərdə tutulub.
Əksər biznesmenlər üçün idarə heyətini tərk etmələrinin əsas səbəbi Rusiyaya və ya şəxsən onlara qarşı beynəlxalq sanksiyaların tətbiqidir.
Xatırladaq ki, hələ yanvarın sonunda daha bir rusiyalı milyarder Əlişir Usmanov RSSİ-nin idarə heyətinin bürosunu tərk etmək barədə bəyanat verib. Onun “təqaüdə çıxması və aktiv işdən ayrılması ilə əlaqədar” belə qərara gəldiyi bildirilib.