Rusiya məmurlarının və dövlət şirkətləri işçilərinin xarici pasportları zorla yığılır.

Moderator.az bu haqda İsrail mediasına istinadla xəbər verir.

Xəbərdə deyilir ki, bu barədə Rusiya KİV-i Rusiyadakı dövlət şirkətlərindən birinin rəhbərliyində olan anonim mənbəyə istinadla məlumat yayıb.

Bildirilir ki, səyahət qadağası təkcə dövlət qulluqçularına və dövlət şirkətlərində çalışanlara deyil, bəzi hallarda hətta bank işçilərinə də şamil edilir.

Almaniya Beynəlxalq Münasibətlər Şurasının ("DGAP") əməkdaşı Aleksandr Prokopenko da bəzi dövlət qulluqçularının və dövlət şirkətlərinin işçilərinin pasportlarının götürülməsi barədə yazır.

"Dövlət qulluqçularının və dövlət korporasiyalarının işçilərinin bəzilərinə xarici pasportlarını təhvil vermək tapşırılıb. Federal və regional məmurlara, eləcə də dövlət strukturlarının nümayəndələrinə Yeni il bayramları üçün Rusiyanı tərk etmək qadağan edilib. Xaricdə çalışan bir çox əməkdaş xüsusi əməliyyatlar fonunda Rusiya sənayesi və onun vəziyyəti haqqında məlumatlardan "sui-istifadə edə bilər. - Prokopenko yazır.

Anonim mənbələrin bildirdiyinə görə, pasportlar "FSB" və ya iş yerindəki xüsusi şöbə tərəfindən müsadirə olunur. Eyni zamanda bunu etməyənlərə işdən çıxmaq təklif olunur. Bəzi hallarda "FSB" rəsmiləri eyham vururlar ki, məmurlar pasportlarını verməkdən imtina edərlərsə, onlar hansısa yolla “ləğv oluna bilərlər”.
Eyni zamanda qeyd edilir ki, vətəndaşların Rusiya Federasiyasından çıxmasını qadağan edən vahid qayda və ya sərəncam yoxdur.

Ancaq bəzilərinin xaricə getməsinə ümumiyyətlə icazə verilmir.

Digər məmurlara Avrasiya İqtisadi Birliyi (Ermənistan, Belarus, Qazaxıstan, Qırğızıstan və Rusiyanın daxil olduğu Avrasiya İqtisadi Zonası) və ya KTMT (Kollektiv Təhlükəsizlik Müqaviləsi Təşkilatı) daxilində səyahətə icazə verilir.

Mənbələr mediaya bildiriblər ki, Kremlin əməkdaşlarının çoxu heç yerə getməyə “hətta cəhd də etmirlər”. Nazirliklər fərdi yanaşma tətbiq edirlər.

Sultan Laçın

Rusiya media menecerlərinin və jurnalistlərin Ermənistana girişinə qadağalar Moskva-İrəvan münasibətlərinə mane olmamalıdır.

Editor.az bildirir ki, bunu Rusiya prezidentinin mətbuat katibi Dmitri Peskov deyib. Bundan əvvəl İrəvan jurnalistlər Aram Qabrelyanov və Marqarita Simonyan, habelə rusiyalı siyasətçi Konstantin Zatulinin Ermənistana girişinə qadağa qoyub. Onlar ölkədə arzuolunmaz şəxslər siyahısına salınıblar.

Peskovun sözlərinə görə, Moskva bu cür hadisələri mənfi qarşılayır. Eyni zamanda o, belə hadisələrin ikitərəfli münasibətlərə mane olmamasının vacibliyini vurğulayaraq, Rusiya və Ermənistanın gələcəkdə belə hadisələrdən qaçacağına ümid etdiyini bildirib.

Azərbaycan Respublikasının Medianın İnkişafı Agentliyi (MEDİA) “Freedom House” təşkilatının son hesabatı ilə bağlı bəyanat yayıb.

TEREF.AZ bəyanatı təqdim edir:

“Freedom House” beynəlxalq qeyri-hökumət təşkilatı açıqladığı son hesabatında Azərbaycanda medianın vəziyyəti ilə bağlı reallıqdan uzaq, qərəzli münasibətini bir daha nümayiş etdirib.

Azərbaycanın informasiya məkanı haqqında səsləndirilmiş qərəzli münasibətə cavab olaraq bəyan edirik ki, “Media haqqında” Azərbaycan Respublikasının Qanununda hesabatda iddia oluduğu kimi xarici onlayn platformalara yerli hüquqi şəxs kimi qeydiyyatdan keçmək öhdəliyi qoyulmamışdır.

Belə ki, Qanunun müddəalarına əsasən Azərbaycan Respublikasında xarici media subyektlərinin filial və nümayəndəliklərinin açılması Azərbaycan Respublikasının tərəfdar çıxdığı beynəlxalq müqavilələrlə tənzimlənir və bunun üçün həmin subyektlərin yerli hüquqi şəxs kimi qeydiyyatdan keçməsi heç bir halda tələb olunmur.

Xüsusilə vurğulanmalıdır ki, Qanunun müddəaları video paylaşım platformaları, internet televiziyaları və bu kateqoriyadan olan digər fəaliyyət növlərinə qətiyyən şamil edilmir, heç bir halda onların fəaliyyətini tənzimləməyi nəzərdə tutmur.

Beynəlxalq yanaşma nəzərə alınmaqla, media sahəsində baş verən qanunazidd hallara məhkəmə tərəfindən hüquqi qiymət verilməsi nəzərdə tutulmuş, dövlət orqanlarının bu istiqamətdəki səlahiyyətləri tamamilə məhdudlaşdırılmışdır. Heç bir dövlət orqanının media subyektlərinin fəaliyyətini dayandırmaq və ya onların fəaliyyətinə xitam vermək yaxud hər hansı şəkildə müdaxilə etmək hüququ yoxdur. Bu sahədə yarana biləcək bütün hüquqazidd hallar məhkəmələrdə tərəflərin bərabərliyi prinsipi əsas götürülməklə həll edilir.

Qanun “media sahəsində dövlət senzurası, habelə bu məqsədlə dövlət orqanlarının (qurumlarının) və ya vəzifələrin yaradılması və maliyyələşdirilməsi qadağandır” deməklə senzuranı tamamilə istisna edir. Əlavə olaraq, media sahəsində fikir müxtəlifliyi və fəaliyyət azadlığının təmin edilməsini dövlətin vəzifəsi olaraq müəyyənləşdirir.

Həmçinin, Qanun jurnalistlərin ictimaiyyəti məlumatlandırmaq sərbəstliyini təmin etmək məqsədilə informasiyanın əlçatanlığının və operativliyinin təmin edilməsi üçün dövlət orqanları üzərinə media nümayəndələrinə hər hansı fakt və ya hadisə barədə ətraflı məlumat vermək öhdəliyi qoyur, jurnalistlərin peşəkar fəaliyyətinə müdaxiləni yolverilməz hesab edir.

Azərbaycan həqiqətlərini təhrif etməyə davam edən, münasibət bildirərkən rəsmi mənbələrlə əlaqə saxlamayan, dəfələrlə bəyan edilmiş dialoq təşəbbüslərimizi cavablandırmayan və nəhayət, öz ərazi bütövlüyünü bərpa edən ölkəni “işğalçı” adlandıran təşkilatın hesabatı hüquqi və məntiqi baxımdan tamamilə əsassız və etibarsız olmaqla yanaşı, beynəlxalq hüququn norma və prinsiplərinə də ziddir".

“Əgər Almaniya lideri Bakı və Ankaranın təzyiqi ilə geri addım atırsa, bu zaman onun sözlərinin zərrə qədər də dəyəri yoxdur”.

KONKRET.az xəbər verir ki, bu fikir erməni analitik Tevos Arşakyanın məqaləsində yer alıb. Görünən odur ki, Ermənistanın baş naziri Nikol Paşinyanın Almaniyaya bu yaxınlarda etdiyi səfər və kansler Olaf Şolzla görüş “hay”lara yamanca “od qoyub”. Elə bu səbəbdən də Arşakyan “dığa”ların etirazlarını məqalə formasına salaraq erməni mediasında dərc etmək qərarına gəlib. “Birincisi, Almaniya Avropa İttifaqının öncül iqtisadi gücə malik ölkəsidir və kiçik Ermənistanın onunla dost olması sadəcə iqtisadi baxımdan məqsədəuyğundur. İkincisi, Berlin son vaxtlar xarici siyasətdə müstəqillik əldə etməyə çalışır və Almaniyanın regionumuzdakı vəziyyətə düzgün baxışı bizim üçün son dərəcə vacibdir. Bu kontekstdə qeyd etmək lazımdır ki, Aİ-nin Ermənistandakı uzunmüddətli missiyasının onurğa sütunu məhz almanlar və fransızlardır. Xatırladaq ki, missiyanın rəhbəri vəzifəsinə Ştutqart Federal Polis İdarəsinin keçmiş rəhbəri Markus Ritter təyin edilib. Bundan başqa, Almaniya vəziyyəti sabitləşdirmək üçün Ermənistanın sərhədyanı rayonlarına daha çox müşahidəçi göndərmək niyyətindədir. Ancaq təəssüf ki, Almaniya federal hökumətinin başçısının qorxaqlığı ucbatından münasibətlərdə heç bir irəliləyiş olmadı. Bildiyiniz kimi, Paşinyanla birgə mətbuat konfransı zamanı Şolz Ermənistan-Azərbaycan məsələsinə toxunaraq, “bu münaqişə ərazi bütövlüyünün bərabər prinsipləri əsasında sülh yolu ilə həll edilməlidir” desə də, sonradan qəfil geri çəkildi və ermənilərdə məyusluq yarandı. Belə ki, Almaniya hökumətinin saytında Şolzun “Artsax” ermənilərinin öz müqəddəratını təyinetmə hüququ ilə bağlı sözləri yer almayıb. Almaniya hökumətinin sözçüsü Volfqanq Büşner kanslerin bəyanatına düzəliş edib. Aydındır ki, burada öz kanalları ilə Berlinə azərbaycanlılar və türklər təzyiq göstəriblər”, – deyə erməni analitik vurğulayıb.

Arşakyan Almaniyanın indi aktiv şəkildə nüfuzlu geosiyasi oyunçular klubuna girməyə çalışdığını bildirib: “Berlin təkcə Avropanın özündə deyil, həm də ondan kənarda, məsələn, Cənubi Qafqaz da daxil olmaqla, postsovet məkanında fəaldır. Bundan əlavə, Rusiya-Ukrayna müharibəsi fonunda Almaniya hərbi büdcəsini xeyli artırıb, faktiki olaraq genişmiqyaslı hərbiləşdirməyə başlayıb. Lakin Berlinin hələ də İkinci Dünya Müharibəsindən sonra ABŞ-ın kiçik qardaşı rolunda oynamaqdan vaz keçə bilməyib. Fransızlar isə erməniləri yalnız növbəti seçkilər ərəfəsində xatırlayacaqlar. Neft və qaza ciddi ehtiyacı olan Almaniya haqqında isə heç nə deyə bilmərik. Odur ki, artıq Qərbdən, Rusiyadan, İrandan və ya digər dövlətlərdən anlayış gözləməyi dayandırıb öz məqsədlərimizə nail olmağın vaxtıdır. Hələlik işimiz o qədər də yaxşı deyil”, – deyə Arşakyan fikirlərini tamamlayıb.

Türkiyənin Miqrasiya İdarəsi (Köç İdarəsi) Azərbaycan vətəndaşlarına turistik viza verilməsini ləğv edib.
Kommersant.az xəbər verir ki, Türkiyənin Miqrasiya İdarəsi Azərbaycan vətəndaşlarının viza tələbini geri çevirir. Belə ki, Azərbaycan vətəndaşlarının 3 aylıq Türkiyədə vizasız qalma müddətini 1 illik turistik viza ilə əvəz etmək istəyənlər rədd cavabı alaraq 10 gün ərzində Türkiyəni tərk etmə tələbi ilə üzləşirlər. Bundan sonra isə Azərbaycana geri qayıdan vətəndaşlarımıza 3 aylıq Türkiyəyə giriş qadağası tətbiq olunur.

Qardaş dediyimiz ölkənin Azərbaycandakı səfirliyinə müraciət edənlər isə “Sefa Visa” şirkətinə yönləndirilir. Bu şirkət də vətəndaşlarımıza viza seçimində yalnız iş və ya evlilik üçün qeyd olunan ailə vizasını seçilməsi tövsiyyə olunur. Çünki, geri qalan vizalarda Türkiyə tərəfinin vətəndaşlarımıza rədd cavabı verildiyi bildirilir.

Qeyd edək ki, Rusiya vətəndaşlarının Türkiyədən turistik viza alınmasına heç bir qadağa olunmayıb. Bu qadağa Azərbaycan ölkəsinə tətbiq olunub.

NATO Tbilisidə 1-ci oxunuşda qəbul edilmiş qanun layihəsindən narahatdır.

Bu barədə NATO Baş katibinin Cənubi Qafqaz və Mərkəzi Asiya regionu üzrə köməkçisi Xavier Kolomina tvitter paylaşımında bildirib.

“NATO-ya üzv olmaq istəyən Gürcüstan üçün önəmli olan ölkədə media azadlığı və vətəndaş cəmiyyəti üçün düzgün çərçivəyə malik olmaqdır. Bu qanun layihəsi geriyə addımdır və Gürcüstanın Avro-Atlantik inteqrasiya məqsədini irəliyə aparmır”, - deyə paylaşımda qeyd edilib.

ABŞ İran rejiminin qəddarlığına rəğmən İran qadınları ilə həmrəydir.

Bu barədə dövlət departamenin rəhbəri Entoni Blinken bildirib.

"Beynəlxalq Qadınlar Günündə müttəfiqlərlə koordinasiyada insan hüquqlarının pozulmasında iştirak edən İran rəsmiləri və şirkətlərinə əlavə sanksiya tətbiq etdik", - deyə Blinken bildirib.