 |
|
|
Rusiya qoşunları tərəfindən işğal edilən Enerqodar sakinlərinə şəhəri tərk etmələri xəbərdarlığı edilib.
Bizimxeber.az bildirir ki, şəhər rəhbərliyi Zaporojye atom elektrik stansiyasına nəzarətin itirildiyini bildirib.
"Stansiyanın işləmə üsulundan aydın olur ki, vəziyyət hər an nəzarətdən çıxa və kritik ola bilər", - deyə məlumatda qeyd olunur.
Zaporojye Atom Elektrik Stansiyası və Zaporojye vilayətinin Enerqodar şəhəri Rusiyanın başlatdığı genişmiqyaslı müharibənin ilk həftələrindən işğal altındadır.
Sentyabr ayından etibarən AES-in enerji blokları dayanma vəziyyətindədir.
İran İslam Respublikası tarixi mövqeyinə sadiq qalaraq, Ermənistana dəstəyini davam etdirir.
Azərbaycanla Ermənistan arasında sülh danışıqlarının həlledici mərhələyə girdiyi bir vaxtda İranın bu erməni təəssübkeşliyi təsadüfi deyil. Hazırda Azərbaycan və Türkiyə, bəzi məqamlarda hətta Rusiya (öz maraqları naminə) Ermənistanın bölgədə kommunikasiyalardan kənarda qalmasından arqument kimi istifadə edərək, sülh prosesini tezləşdirməyin onun öz faydasına olacağını vurğulayırlar. Belə bir məqamda Ermənistana “nəfəs vermək”, onu alternativ kommunikasiya layihələrinə qoşmaq təşəbbüsü sülh prosesinin əngəllənməsinə xidmət edir. Rəsmi Tehran məhz bu cür təşəbbüslərə əl atmağa başlayıb.
İyunun 6-dan Ermənistanın “FlyOne Armenia” aviaşirkəti İrəvandan Tehrana və əks istiqamətdə müntəzəm reyslərə başlayıb. Bu gün İrəvandan İranın paytaxtına ilk uçuş həyata keçirilib. Uçuşlar həftədə dörd dəfə yerinə yetiriləcək. Bu, işğalçı dövlətə əlavə nəfəslik açmaq, onun danışıqlar prosesindəki qeyri-konstruktiv mövqeyini stimullaşdırmaqdır.
Cənub qonşumuzun daha bir dəstəyi Ermənistanın Sünik bölgəsi ilə bağlıdır. İranın Sünik bölgəsində konsulluğunun açılmasından sonra Ermənistan iranlı həmkarları ilə iqtisadi və sosial proqramlar ətrafında müzakirələrə başlayıb. Bunu Sünik vilayətinin qubernatoru Robert Qukasyan deyib.
“İnvestisiya, mədəni və sosial proqramlar var. Biz hələ proqramların icrasına başlamamışıq, lakin tezliklə start verilməlidir”, – Qukasyan bildirib.
O, iki ölkə arasında münasibətlərin hər zaman isti olduğunu, Sünikdə Baş Konsulluğun açılışının daha əvvəl baş verməli olduğunu, lakin bir çox texniki problemlərə, əsasən də ünsiyyətə görə təxirə salındığını vurğulayıb.
Ermənistanın bölgədəki kommunikasiya layihələrindən kənarda qalması onu sülh danışıqlarında konstruktiv mövqeyə yaxınlaşdıran əsas amillərdəndir. Baş nazir Paşinyan dəfələrlə bəyan edib ki, Ermənistan özünü saldığı blokada vəziyyətindən çıxmalı, regional layihələrə qoşulmalı, münaqişədə olduğu qonşularla münasibətləri normallaşdırmalıdır. İndi Tehran rejiminin Ermənistana investisiya vədləri verməkdə və nəqliyyat-logistika dəstəyi göstərməkdə bir məqsədi var: İrəvan sülh danışıqlarında mümkün qədər rahat davransın, alternativ variantları olduğunu əsas gətirərək, inadkar mövqeyini qoruyub saxlasın.
Press Klub
Belarus BMT Baş Assambleyasında 2024-2025-ci illər üçün dünya təşkilatının Təhlükəsizlik Şurasının qeyri-daimi üzvləri seçilərkən səsvermə zamanı lazımi sayda səs toplaya bilməyib və bu yer Sloveniyaya nəsib olub.
“Report” TASS-a istinadən xəbər verir ki, Sloveniyaya 153, Belarusa isə 38 ölkə səs verib. Qələbə qazanmaq üçün ölkə Baş Assambleyanın bütün üzvlərinin (cəmi 193 üzv var – red.) azı üçdə ikisinin səsini toplamalı idi.
2024-2025-ci illər üçün BMT Təhlükəsizlik Şurasının qeyri-daimi üzvü kimi həmçinin Əlcəzair, Qayana, Syerra Leone və Cənubi Koreya da seçilib. Onların seçimi alternativsiz əsaslarla olub.
Hakan Fidanın xarici işlər naziri təyin edilməsindən sonra Milli İstihbarat Təşkilatının sədri vəzifəsinə İbrahim Kalın təyin olunub: son illər Türkiyənin önə çıxan beyinlərindəndir, onun qurduğu SETA mərkəzi dərin araşdırmaları ilə diqqət çəkir.
İbrahim Kalın Azərbaycana xüsusi sevgisi olan şəxs kimi tanınır, lakin bu bağlılıq təkcə Ərdoğanın yürütdüyü siyasi xəttdən yox, şəxsi amillərdən də qaynaqlanır.
Bununla bağlı Cəmaləddin Quliyevin maraqlı qeydləri var: “İbrahim Kalının Azərbaycana bağlılığı ərzurumlu olması, ailə-məişət dilinin Azərbaycan türkcəsi (dadaş ləhcəsi) olmasından, ələvi-qızılbaş ənənəsinə, Azərbaycan musiqisinə yaxınlığından irəli gəlir. Özü də Şah İsmayıl irsinə müraciət edir, sözü və melodiyası İbrahim Kalına aid bəstələr “azəri türküsü” adı ilə ifa olunur”.
Hakan Fidanın XİN-ə, İbrahim Kalının MİT-ə gətirilməsi Türkiyənin “Yeni yüzillik” adlandırdıqları dövrdə regional güc rolunu daha da möhkəmləndirmək və qlobal proseslərdə təsiredici oyunçuya çevrilmək planından xəbər verir.
Asif Nerimanli
Ukrayna Rusiya ilə müharibədə qalib gələ biləcək və Britaniyanın gələcək köməyinə arxalana bilər.
"Report" "Sky News"a istinadən xəbər verir ki, bunu Böyük Britaniyanın xarici işlər naziri Ceyms Kleverli Ukrayna Prezidenti Volodimir Zelenski ilə görüşündə deyib.
Kleverlinin sözlərinə görə, səfəri zamanı o, Rusiyanın Ukraynada törətdiyi dağıntıları şəxsən görə bilib.
Qeyd edək ki, Ceyms Kleverli Ukraynaya elan olunmamış səfərlə gəlib.
Türkiyə Prezidenti Rəcəb Tayyib Ərdoğan İbrahim Kalını Milli Kəşfiyyat Təşkilatının (MİT) rəhbəri vəzifəsinə təyin edib.
Bu barədə Türkiyə Prezident Administrasiyası məlumat yayıb.
Qeyd edək ki, Kalın indiyədək Türkiyə Prezidentinin sözçüsü olub.
***
Türkiyə Prezidenti Rəcəb Tayyib Ərdoğan Türkiyənin yeni 100 ilinin nazirlər kabinetinin tərkibini açıqlayıb. Həmin siyahını bundan əvvəlki xəbərlərdə də təqdim etmişik.
Lakin nazir təyinatları qədər də maraqlı olan bir təyinat - MİT-in rəhbərliyinə kimin gətirilməsi idi.
Türkiyə mediasının məlumatına görə, R.T.Ərdoğanın Türkiyə kəşfiyyatının (MİT) başına İbrahim Kalını gətirəcək. Bununla bağlı sərəncam da artıq hazırdır.
İ.Kalın bu vəzifəyə qədər Prezident yanında Təhlükəsizlik və Xarici Siyasət Şurasının sədr müavini və prezidentin baş müşaviri vəzifəsində çalışıb.
İbrahim Kalının tərcümeyi-halını təqdim edirik:
İbrahim Kalın 1971-ci ildə İstanbulda dünyaya gəlib. 1992-ci ildə İstanbul Universitetinin Ədəbiyyat fakültəsinin Tarix bölməsində bakalavr təhsilini tamamlayıb. Malayziyada İslam düşüncəsi və fəlsəfəsi üzrə magistr təhsilini başa vurub. O, 2002-ci ildə Corc Vaşinqton Universitetində “Molla Sədranın Bilik Nəzəriyyəsi və Anti-Subyektivist Epistemologiyanın Mümkünlüyü” adlı dissertasiya işi ilə humanitar elmlər və müqayisəli fəlsəfə üzrə doktorluq dərəcəsi alıb.
Türkiyə Diyanət Vəqfinin İslam Araşdırmaları Mərkəzində akademik araşdırmalar aparıb. O, Müqəddəs Xaç Kollecində, Corctaun Universitetində və Bilkənd Universitetində İslam düşüncəsi və İslam-Qərb münasibətləri mövzusunda mühazirələr oxuyub.
2005-2009-cu illərdə Siyasi, İqtisadi və Sosial Araşdırmalar Fondunun qurucu sədri olub. 2007-ci ildə onun "İslam və Qərb" adlı kitabı nəşr olunub. Bu əsəri ilə Türkiyə Yazarlar Birliyinin İdeya Mükafatını qazandı. Makmillan Fəlsəfə Ensiklopediyası, Din Ensiklopediyası və Oksford İslam Lüğəti kimi ensiklopediyalara töhfə verib. Onun 2014-cü ildə “Ağıl və fəzilət”, 2015-ci ildə “Varlıq və idrak”, “Mən, başqası və ondan kənar: İslam-Qərb münasibətləri tarixinə giriş” adlı kitabları 2016-cı ildə nəşr olunub.
2011-ci ildə Əhməd Yəsəvi Universitetinin qəyyumlar şurasının üzvü təyin edilib. 2019-cu ildən İbn Haldun Universitetində İslam fəlsəfəsi sahəsində aspirantlara mühazirələr oxuyur. Kalın 29 may 2020-ci ildə professor adını aldı.
2009-cu ildə o, baş nazirin xarici siyasətə cavabdeh olan baş müşaviri vəzifəsinə təyin edilib. 2010-cu ilin yanvarında yaradılan Baş Nazirlik İctimai Diplomatiya Koordinatorunun ilk koordinatoru oldu. 2012-ci ildə Baş nazirlik müşaviri müavini vəzifəsini icra edib. Rəcəb Tayyib Ərdoğan prezident olduqdan sonra prezidentliyin baş katibinin müavini təyin edilib. 2014-cü ildə prezident Rəcəb Tayyib Ərdoğana səfir titulu verildi və prezidentliyin sözçüsü təyin edilib. 2018-ci ildən Prezident yanında Təhlükəsizlik və Xarici Siyasət Şurasının sədr müavini və prezidentin baş müşaviri vəzifələrində də çalışıb.
Ailəlidir, 3 övladı var.
"Çin Tayvanla bağlı status-kvonu dəyişmək üçün gücdən istifadə etməməlidir".
APA xəbər verir ki, bunu NATO Baş katibi Yens Stoltenberq NATO-nun Gənclər Sammitində çıxışında deyib.
"NATO müttəfiqlərinin "vahid Çin" siyasətində dəyişiklik yoxdur. Ona görə də Çin tərəfindən təhdidlər və müəyyən məcburedici addımların atılmasına bəraət vermək olmaz. Xüsusilə də son aylar və ötən il Çinin Tayvan ətrafındakı addımları, aqressiv hərəkətlərinə səbəb yoxdur. Bütün fikir ayrılıqları güclə deyil, diplomatik yolla həll edilməlidir. Çin yalnız Tayvanı təhdid etmir, eyni zamanda qonşularına qarşı təhdidedici davranır. Cənubi Çin dənizinə iddialar edir. Biz Çinin Rusiya ilə necə yaxınlaşdığını da görürük, onlar birgə hərbi təlimlər keçirir. Təbii ki, bütün bunlar bizim təhlükəsizliyimiz üçün ciddi məsələdir".
Baş katib xatıladıb ki, NATÖ ötən il təsdiqlənən strateji konseptində Çinin NATO müttəfiqləri üçün yaratdığı təhdidlərdən bəhs edib.
İsrailin Baş naziri Benyamin Netanyahu Atom Enerjisi üzrə Beynəlxalq Agentliyini (AEBA) İranın nüvə fəaliyyətlərinə nəzarət etməməkdə günahlandırıb və BMT-nin nəzarət orqanının siyasiləşmiş və əhəmiyyətsiz olmaq riski altında olduğunu bildirib.
Bu barədə “Reuters”agentliyi xəbər verir.
“İran Atom Enerjisi üzrə Beynəlxalq Agentliyinə yalan danışmaqda davam edir. Agentliyin İran təzyiqi qarşısında təslim olması onun tarixində qara ləkədir. Əgər AEBA siyasi təşkilata çevrilərsə, o zaman onun İrandakı nəzarət fəaliyyəti də, İranın nüvə fəaliyyəti ilə bağlı hesabatları da mənasız olacaq”-deyə, o bildirib.
ABŞ Prezidenti Donald Tramp 2018-ci ildə İranın nüvə sazişindən çıxdıqdan sonra Tehran uranın zənginləşdirilməsini artırıb.
1971-ci ildə Ermənistan Elmlər Akademiyasının “İzvestiya” qəzetində Nina Qarsoyanın “Ermənistan IV əsrdə” adlı məqaləsi dərc olunub. (“Ermənistan” və “Sadiqlik” terminlərinin aydınlaşdırılması məsələsinə dair”, WON AN Arm. SSR, 1971, No 3). Məqalə dərc olunanın ertəsi gün sözün əsl mənasında lənətləndi, çapdan çıxarıldı və yandırıldı...
Arayış: Nina Qarsoyan görkəmli amerikalı ermənişünas, Kolumbiya Universitetinin professorudur. 1958-ci ildə elmlər namizədi alimlik dərəcəsi almışdır. Prinston Universiteti Ali Məktəbiin ilk qadın dekanıdır. 1979-cu ildən ABŞ-da Ermənistanın orta əsrlər tarixinin öyrənilməsində mühüm rol oynamışdır.Bir neçə kitab, jurnal və ensiklopediya məqalələri çap etdirmişdir. Parisdəki Revue des Études Arméniennes (Erməni Araşdırmalarının İcmalı) jurnalının redaktoru, Amerika Orta Əsrlər Akademiyasının üzvü və Britaniya Akademiyasının müxbir üzvüdür.
...N.Qarsoyanın arqumentləri adətən erməni tarix yazıçılarının istinad etdikləri erməni “qədim salnamələri”nə amansız zərbə vurur. IV əsrin dövrünü təhlil edən Amerika tarixçisi, inandırıcı şəkildə sübut etdi ki, Ermənistanda 1,5 min il ərzində dövlətçilik və müstəqillik olmayıb.
Xristianlaşmanın tarixi yanlışdır; Ermənilərin erkən xristianlıq mifi də uydurulmuşdur və bütün qədim erməni və sonrakı salnamələr digər xalqlar arasında seçilmək istəyindən irəli gələn tarixi yalan ruhu ilə aşılanmışdır.
N.Qarsoyan mötəbər tarixi material əsasında Ermənistanın Qafqazdan xeyli kənarda, daha doğrusu Kiçik Asiyada, Fərat çayının sahilində yerləşməsini sübut etmişdir. Sübut bazasına 314-cü ildə kral Tiridatın başçılıq etdiyi erməni xalqının Fərat çayında baptiz olunması (xaç suyuna çəkilməsi) faktı da var.
Məqalə sübut edir ki, vahid Ermənistan tarixdə olmayıb və onun ibarət olduğu parçalar Cənubi Qafqazdan kənarda müasir Türkiyə, İran və İraq ərazisində, üstəlik, güclü Roma və Fars imperiyalarının siyasi təsir dairəsində yerləşirdi.
Аида Эйвазова
Teref.az
Türkiyə Prezidenti Rəcəb Tayyib Ərdoğanın dünən təyin etdiyi yeni nazirlər bu gün vəzifələrinin icrasına başlayıb.
Gununsesi.info xəbər verir ki, yeni nazirlər sələfləri ilə birlikdə mətbuat konfransları keçirib, bir-birilərinə gül verib.
Yeni maliyyə və xəzinə naziri Mehmet Şimşek və sələfi Nureddin Nebati
Yeni kənd təsərrüfatı və meşə naziri İbrahim Yumaklı və sələfi Vahit Kirişçi
Yeni daxili işlər naziri Ali Yerlikaya sələfi Süleyman Soylu ilə birlikdə
Yeni sənaye və texnologiya naziri Mehmet Fatih Kacır sələfi Mustafa Varank ilə
Ətraf mühit, şəhərsalma və iqlim dəyişikliyi naziri Mehmet Özhaseki silifı Murat Kurumla
Milli təhsil naziri Yusuf Tekin silifı Mahmud Özerlə
Ədliyyə naziri Yılmaz Tunç sələfi Bekir Bozdağla
Ticarət naziri Ömer Bolat sələfi Mehmet Muşla birlikdə