 |
|
|
ATV televiziyasında yayımlanan ”Rəngarəng səhər” proqramında qonaq olan müğənni Nazənin, saatının qiymətinin 52.000 dollar olduğunu deyən Təranə Qumralı yalançılıqda ittiham etmişdi.
Hurriyyet.Az xəbər verir ki, Təranə Qumral "Tarixin bir günü” verilişində bir neçə gün öncə ona söz atan Nazəninə cavab verib.
Həyat yoldaşı Musa Musayevin sağlamlığına qovuşmasından sonra ilk dəfə birlikdə efirə gələn cütlük haqqlarında deyilən sözləri önəmsəmədiyini bildiriblər.
Daha sonra Təranə Qumral sözlərinə davam edib: "Bu gün Azərbaycanda neçə manatlıq maşın almaq istəsən, kreditlə də olsa onu alıb sürə bilərsən. Ay səviyyədən aşağı, çox aşağı, İlhamə Quliyeva demiş, ay topuqdan belə aşağı olan insan. Sən get hələ bir özünə aynada bax, gör nə gündəsən. Sən mənim gözəlliyimə bax, özünə də bax. Gözəlliyimi qoyub saatımdan danışmaq sənə düşməz. Siz bilirsiniz mən kimdən danışıram. Əsas odur ki, mən geyimim ilə gözəl görsənirəm. Özümə baxıram. Ağzımı, gözümü sənin kimi dartdırmamışam. Get çəp gözlərinlə mənə yaxşı bax, sonra danış”.
Xatırladaq ki, Nazənin Təranə Qumrala məsləhət verərək " O qiymətə saatı varsa, satsın özünə maşın alsın” ifadələrini işlətmişdi.
“Bu gün Azərbaycan şou-biznesində oxuyanlar səsi olmayanlardır”.
Bunu Sfera.az-a açıqlamasında Xalq artisti, kinorejissor, ssenarist və aktyor Şeyx Əbdül Mahmudbəyov deyib.
“Hazırda çox danışan müğənnilər əmələ gəlib. Sanki bu bir sənayedir, biz də gecə-gündüz müğənni istehsal edirik. Bu gün ölkəmizdəki şou-biznesdəkilərdə Allah verdiyi simadan heç bir əlamət qalmayıb. Burun, dodaq, çənə, yanaq düzəldirlər, korsetlərlə sıxırlar əndam düzəldirlər, aşağı bir ölçüdə, yuxarı bir ölçüdə. Bunların məqsədi nədir? Nəyə xidmət edirlər?”
Xalq artisti indiki müğənnilərin musiqi təhsili olmamasından şikayətlənib:
“Aydın məsələdir ki, əsas səbəb gündəmdə olmaqdır. Axı bu ən eybəcər yollardır. Azərbaycanın nəhəng, dahi şəxsiyyətləri, sənət adamları olub. Onlar məgər bu yollarla tanınıblar? Xeyr, birmənalı şəkildə, öz sənətləri, mədəniyyətləri, əxlaq və estetikaları ilə gündəmdə qalıblar. Dünya səsdən, sözdən yaranıb. Oxumağın da şərti milyonların içində qeyri-adi səsinin olmasıdır. Necə ki Polad Bülbüloğlu, Rəşid Behbudov, Şövkət Ələkbərova, Müslüm Moqamoyev və bu kimi digər sənətkarlarımız oxuyanda seçilirdi ki, kimdir. Bugünküləri nə qədər dinləsən də, sabah yenidən soruşsan, yadda qalmır. Əksəriyyətinin sənəti, musiqi duyumu, musiqi təhsili yoxdur. Xalq da belələrini toyuna çağırır saatına 10-15 min pul verir. Artıq xalqın da müəyyən zümrəsini tərbiyə etmək lazımdır”.
Ə.Mahmudbəyov ölkəmizi dünya ölkələri ilə müqayisə edənlərə də münasibət bildirib:
“Deyirlər ki, dünyanın bir çox ölkəsində açıq-saçıq geyinilir. Bizim düşüncəmizdə ən açıq-saçıq olan fransızlar bu gün də rəsmi dövlət televiziyalarında sinəsi və qolu açıq insanları efirə buraxmırlar. Biz Avropa barədə bizə təqdim olunan “TikTok”da və bu kimi sosial şəbəkələrdə gördüklərimizdən çıxış edərək danışırıq, amma əsl Avropanı tanımırıq. Ona görə də belə düşüncələr formalaşır”.
Reper Orxan Zeynallı (Aid) “Altın Kelebek” mükafatlandırma mərasimində ödül almaqdan imtina edib.
Olay.az-ın əldə etdiyi məlumata görə, sənətçiyə mükafatalandırılma mərasimində “Azərbaycanın parlayan ulduzu” nominasiyasında ödül almağı təklif edilib.
Lakin Orxan bu təklifi geri çevirib.
Qeyd edək ki, bu il ödül mərasimində aktrisa və aparıcı Kəmalə Piriyeva, “Avroviziya” təmsilçimiz Samirə Əfəndi və influenser Nəcibə Əhmədidir (Nadjiba) mükafat alacaq.
Onu da xatırladaq ki, mükafatlandırma mərasimi dekabrın 3-də İstanbulda baş tutacaq.
Xəbər verdiyimiz kimi, müğənni Leyla Rəhimova və həyat yoldaşı Zaur Cəlil ayrılıb. Ailə qurduqdan sonra həyat yoldaşı ilə Amerikaya köçən Leyla uzun müddətdir ki, Bakıya qayıdıb.
Axşam.az bildirir ki, Leyla boşanmaq üçün rəsmi olaraq məhkəməyə müraciət etdiyini açıqlayıb. Bu haqda "Rəngarəng səhər" proqramında danışan ifaçı barışmaq istəmədiyini söyləyib.
O bildirib ki, həyat yoldaşı onu Azərbaycana valideynlərini ziyarət etməyə gətirib:
"Hər zamankı kimi məni gətirdi və özü Amerikaya qayıtdı. Aramızda söz-söhbət olmuşdu. Amma bu cür edəcəyini bilmirdim. Sosial şəbəkədə yazdı ki, ayrılmışıq. Heç cür onunla barışmayacağam. Məhkəməyə də müraciət etmişəm".
Qeyd edək ki, Zaur "Evliliyimizin yeddinci ilində ayrılmaq qərarına gəldik. Bu da son" deyə, o, paylaşımında yazıb.
Leyla tamaşaçılara "O səs Türkiyə" yarışmasından tanışdır. Leyla və Zaur 2016-cı ildə ailə qurub. Müğənninin həyat yoldaşı həm musiqi, həm də idmanla məşğul olur və uzun illərdir xaricdə yaşayır. Leyla da ailə qurduqdan sonra Amerikaya köçüb və sənətdən uzaqlaşıb. Cütlüyün 3 övladı var.
Məqaləyə dair fotomateriallar:
Müğənni Şəbnəm Tovuzluya efirdə gözlənilməz sürpriz olunub.
Bizim media xəbər verir ki, sənətçi qonaq olduğu "Xəzər axşamı" verilişində ona pərəstişkarı tərəfindən ağ rəngdə "Hundai" markalı avtomobil hədiyyə olunduğunu öyrənib.
Proqramın aparıcısı Mətanət Əliverdiyeva sənətçini studiyadan çıxardaraq "Xəzər" televiziyasının həyətində dayanan həmin hədiyyənin yanına aparıb.
Şəbnəm maşını görər-görməz hədiyyədən məəttəl qalıb. Avtomobilin üzərində yazılan "Ələddin baba can sağlığı ilə sür" sözlərini oxuyan müğənni bir anlıq fikrə dalıb və kədərlənərək bu sözləri dilə gətirib: "Prodüserimlə birgə Azərbaycandan kənarda toyda olduq. Məni illərdir sevən və pərəstiş edən bir xanım var. O xanım mənim üçün çox dəyərlidir. Ayaqüstü söhbətimiz oldu. O zaman prodüserim dedi ki, bəlkə buradan atanız üçün avtomobil alıb Bakıya aparaq. Çünki, atam üçün bu yaxınlarda maşın almaq istəyirdim.
Düzdür onun avtomobili olsa da, ona daha yaxşısını almaq istəyirdim. Amma bu söhbət elə də orada da qaldı, davamı olmadı. Əgər öncədən belə bir şeyin olacağını bilsəydim qətiyyən razı olmazdım. O xanım pərəstişkarım mənə bu hədiyyəsi ilə çox böyük xəcalət verdi. Həqiqətən də gözləməzdim.
Ola bilər ki, o xanım prodüserimlə danışıb və bu işi birgə görüblər. Səni az müddət içində tanısam da sən mənim böyük bacımsan. Adını və hansı ölkədə olduğunu deməyəcəyəm. Allahdan bir arzum var və bu arzumun nə olduğunu özün çox yaxşı bilirsən. Sadəcə o arzum yerinə yetsin mən o qurbanları bu şəhərdə sayla bütün məscidlərdə kəsəcəyəm. Hər ikimizin o arzularımız yerinə yetsin. Deyirsən ki, mənim atam Ələddin bəy sənin də atandır. Sən atamızı sevindirdin. Çox sağol, əziz bacım".
Bizim media xəbər verir ki, sənətçi qonaq olduğu "Xəzər axşamı" verilişində ona pərəstişkarı tərəfindən ağ rəngdə "Hundai" markalı avtomobil hədiyyə olunduğunu öyrənib.
Proqramın aparıcısı Mətanət Əliverdiyeva sənətçini studiyadan çıxardaraq "Xəzər" televiziyasının həyətində dayanan həmin hədiyyənin yanına aparıb.
Şəbnəm maşını görər-görməz hədiyyədən məəttəl qalıb. Avtomobilin üzərində yazılan "Ələddin baba can sağlığı ilə sür" sözlərini oxuyan müğənni bir anlıq fikrə dalıb və kədərlənərək bu sözləri dilə gətirib: "Prodüserimlə birgə Azərbaycandan kənarda toyda olduq. Məni illərdir sevən və pərəstiş edən bir xanım var. O xanım mənim üçün çox dəyərlidir. Ayaqüstü söhbətimiz oldu. O zaman prodüserim dedi ki, bəlkə buradan atanız üçün avtomobil alıb Bakıya aparaq. Çünki, atam üçün bu yaxınlarda maşın almaq istəyirdim.
Düzdür onun avtomobili olsa da, ona daha yaxşısını almaq istəyirdim. Amma bu söhbət elə də orada da qaldı, davamı olmadı. Əgər öncədən belə bir şeyin olacağını bilsəydim qətiyyən razı olmazdım. O xanım pərəstişkarım mənə bu hədiyyəsi ilə çox böyük xəcalət verdi. Həqiqətən də gözləməzdim.
Ola bilər ki, o xanım prodüserimlə danışıb və bu işi birgə görüblər. Səni az müddət içində tanısam da sən mənim böyük bacımsan. Adını və hansı ölkədə olduğunu deməyəcəyəm. Allahdan bir arzum var və bu arzumun nə olduğunu özün çox yaxşı bilirsən. Sadəcə o arzum yerinə yetsin mən o qurbanları bu şəhərdə sayla bütün məscidlərdə kəsəcəyəm. Hər ikimizin o arzularımız yerinə yetsin. Deyirsən ki, mənim atam Ələddin bəy sənin də atandır. Sən atamızı sevindirdin. Çox sağol, əziz bacım".
Əməkdar artist Elnarə Abdullayeva növbəti açıqlaması ilə gündəmə səs salıb.
Sənətçi qonaq olduğu “Həmin Zaur” verilişində həmkarlarının məclislərdə xoş olmayan davranışlarından danışaraq onları tənqid edib.
“Gedirsən, oturursan bir məclisdə. Baxırsan ki, bu müğənnilər nələr edir... Ağlıma gəlməyən şeyləri görürdüm. Dedim bunlar nə edirlər. Bu müğənnilərin yiyəsi yoxdur? Onlar arasında içən kim, ağzının danışığını bilməyən kim... Bunları görəndən sonra dedim yox Elnarə, sən bütün millətə, xalqa, hər kəsə sübut edəcəksən ki, bu sənət yaxşıdır. Sübut eləməyə çalışdım ki, heç kimə baş qoşmaq lazım deyil və bunu bacardım”, - deyə Elnarə vurğulayıb.
Vaxtilə Kanadanın ən varlı adamlarından biri kimi tanınan iş adamı və moda imperatoru Peter Nigardın davam edən məhkəmə prosesində qərar verilib.
82 yaşlı iş adamı çıxarıldığı məhkəmədə təqsirli bilinib.
Nigardın qadınları otaqda tələyə saldıqdan sonra onlara hücum etdiyi iddia edilib.
Altı həftə davam edən məhkəmə prosesinin sonunda məhkəmə heyəti Nigardın “öz statusundan istifadə edərək” beş qadına cinsi təcavüz etdiyi qənaətinə gəlib.
Onun 1980-ci illərin sonundan 2005-ci ilə qədər beş qadına hücum etdiyi məlum olub və cinsi təcavüz ittihamı üzrə təqsirli hesab edilib.
Nigard bu ittihamları rədd edib, vəkilləri isə bu iddiaların “pul qoparmaq” üçün irəli sürüldüyünü bildiriblər.
Prokurorların sözlərinə görə, Nigard o dövrlərdə 16-28 yaşlarında olan qadınları Torontoda şəxsi lüks yataq otağına cəlb edib. Prokuror Ana Serban yataq otağı ilə bağlı təfərrüatlar barədə açıqlama verib. “Nəhəng bir çarpayı və bar var idi. Qapıların qulpu yox idi və Peter Nigard tərəfindən idarə olunan avtomatik qıfıllar var idi”, - deyə o qeyd edib.
Nigardın qadınları otağa həbs etdiyi və daha sonra onlara hücum etdiyi ittihamı irəli sürülüb.
Mənbə: Haber Global
Masallıda keçirilən toy mərasimində bəy öz toyuna 2 saat gecikib.
Hurriyyet.az xəbər verir ki, qeyri-adi hadisə Space TV-də yayımlanan "Banu" verlişində baş verib.
Bəyin toya gecikməsinə səbəb isə əmisi oğlu olub.
Təfərrüatı videodan izləyə bilərsiniz:
“Quran oxumağa çəkinirəm. Özümü nəinki ona layiq bilmək, hətta əlimə alıb oxumaq üçün çirkli hesab edirəm. Mənim üçün Quran, din o qədər önəmlidir ki... Bəlkə yanlış düşüncədəyəm, amma bu, belədir”.
Aktrisa Pərvin Abıyevanın sosial şəbəkə hesabında açdığı son canlı yayımlardan birində dinlə bağlı dediyi bu fikirlər müzakirələrə səbəb oldu.
O Quran və dini qaydalar haqqında çox ehtiyatla danışıb:
“Bəzən içki içirəm, axmaq hərəkət edə bilərəm, əlim istər-istəməz kirlənir. Əgər Quran oxuyursansa, namaz da qılmalısan. İçki içməməlisən. Necə, Quranı oxuyum, sonra açıq geyinim, kluba gedim, çimərlik geyimi ilə dənizə yollanım. Düşünürəm ki, Quran oxuyanda başqa olmalısan.
Başımı bağlayım, Quran oxuyum, sonra gedib başqa şey edim... Adam tanıyıram ki, Quran oxuyur, gedib içki də içir, namaz da qılmır. Mən o vaxt oxuyacağam ki, bütün qaydalara əməl edə bilim. Dediklərim, bir az da indiki saxta hacılara aiddir. Həccə gedib, başqası ilə gəzir, arvadı evdə gözünün yaşını tökür. Özü isə restoranda qoluna taxıb müğənniləri... Elə olur ki, iki sevgilisini bir stolda əyləşdirir. Gözümlə şahidi olmuşam. Hacıdır, iki müğənni sevgilisidir”. Məsələyə ilahiyyatçı Turan İrfanın fikirlərini öyrəndik.
O, Bizim.Media-ya açıqlamasında bildirib ki, Pərvin Abıyeva əslində düz deyir:
“Görünür səmimi adamdır. Başqası olsaydı, yalandan deyəcəkdi “gecələr qalxıb namaz qılıram, Məşhədə 5 dəfə getmişəm, 18 adamı da Həccə göndərmişəm və s.”
Yəni, adamın bir mövqeyi var.
Haçansa özünü hazır hesab etsə, ola bilsin ibadət də etsin.Yəni dünya malı üçün, yaxud reklam üçün ibadət edib ziyarətə getməkdənsə elə Pərvin xanım kimi etmək yaxşıdır. Çünki din riyakarlığı, göstərişi sevmir. Göstəriş üçün edənlər bir vaxt ifşa olurlar. Peyğəmbər bir hədisində buyurur ki, "bir çox Quran oxuyanlar var ki, Quran onlara lənət oxuyur."
Quran oxuyub ev yıxmaqdansa, oğurluq etməkdənsə, insanlara ziyan vurmaqdansa, oxumayıb düz olmaq, halal yaşamaq daha yaxşıdır. Çünki elə Quranın dediyi və tələb etdiyi də məhz düzlükdür”. İlahiyyatçı təəssüflə qeyd edib ki, bəziləri şan-şöhrət üçün, yaxud pulları çox olduğundan gəzmək üçün Həcc ziyarətinə gedib, özlərinə titul taxdılar və sonra da xoşagəlməz işlər görüb o adı ləkələdilər:
“Əvvələr "hacı" deyəndə rəhmətlik xeyriyyəçi Hacı Zeynəlabidin Tağıyev yada düşərdi, indi isə "hacı" deyəndə müğənni saxlayan oliqarxlar yada düşür. Onu da demək lazımdır ki, dində "hacı, kərbəlayi, məşədi..." kimi rütbə və ya titullar yoxdur. Bunu həmin ziyarət əsnasında insanlar adlarını bilmədikləri ziyarət yoldaşlarına xitab edəndə deyirlər.
Məsələn, "Hacı, zəhmət olmasa mənə yol verin", "Məşhədi, siz də Bakıdan gəlmisiniz?" Ancaq ziyarətdən döndükdən sonra bu kimi təbirlər dinimizdə yoxdur. Ona qalsa ilk "hacı" Həzrət Peyğəmbərimiz özü olub. Yaxud İmamlar olub. Hardasa eşitmisiniz ki, yazsınlar yaxud desinlər "Hacı Məhəmməd əleyhissəlam?" ya da "Hacı İmam Əli əleyhissəlam?" Bunu görə bilməzsiniz.
Deməli, belə nümunə tarixdə yoxdur.
Həccə gedib gələn adam gərək bütün davranışlarına diqqət etsin. Çünki Həcc kiçik Qiyamət hesab olunur. İnsanların yaradanı ilə sanki görüşməsi timsalındadır. Həccə gedib, hələ o adı da üzərinə götürüb aşkarda günah işləri reklam etmək yalnız dini hörmətdən salmaqdır. Din arvadbazlıq, eşqbazlıq vasitəsi deyil. Din əxlaqdır, mənəviyyatdır.
Adam həm namaz qılıb, Quran oxuyub, həm də pis işlərlə məşğul olursa, günahını reklam edirsə o mömin yox, münafiqdir. Yəni, ikiüzlüdür. Adamın yolu bir olar. Ya o tərəfə keç, ya bu tərəfə. Quranı oxumaqdan çox, əməl etmək lazımdır. Bəlkə adam elə bir xeyirxah iş görür ki, hər gün oturub Quran oxumaqdan daha çox savab qazanır. Yəni din təkcə namaz qılıb, Quran oxumaqdan ibarət deyil”.
Türkiyədə yaşayan Azərbaycan əsilli müğənni Tuğba Ekinçi həmkarı Seda Sayan haqqında şok ifadələr işlədib.
Türkiyə mediasının xəbərinə görə, Tuğba Seda Sayanın istifadə olunan qadın olduğunu, ərinin onu pulu üçün sevdiyini bildirib.
“Kişinin pulu, imkanları qadınınkından çox olmalıdır. Qadın varı, şöhrəti, pulu ilə kişidən üstündürsə, kişi o qadının yanında ondan istifadə etmək üçün dayanıb. Üstəlik aralarında çox böyük yaş fərqi var. Seda Sayanı çox sevirəm, amma inciməsin, o, istifadə olunan qadındır, evliliyinin sevgi üzərində qurulmasına inanmıram”,- deyib.
Qeyd edək ki, Seda Sayanın yeddinci əri Çağlar Ötken özündən 25 yaş kiçikdir.
Türkiyə mediasının xəbərinə görə, Tuğba Seda Sayanın istifadə olunan qadın olduğunu, ərinin onu pulu üçün sevdiyini bildirib.
“Kişinin pulu, imkanları qadınınkından çox olmalıdır. Qadın varı, şöhrəti, pulu ilə kişidən üstündürsə, kişi o qadının yanında ondan istifadə etmək üçün dayanıb. Üstəlik aralarında çox böyük yaş fərqi var. Seda Sayanı çox sevirəm, amma inciməsin, o, istifadə olunan qadındır, evliliyinin sevgi üzərində qurulmasına inanmıram”,- deyib.
Qeyd edək ki, Seda Sayanın yeddinci əri Çağlar Ötken özündən 25 yaş kiçikdir.