 |
|
|
Rusiyanın Ukraynaya genişmiqyaslı müdaxiləsinin ilk günlərindən Rusiyanın “Auchan” hipermarketlər şəbəkəsi humanitar yardım adı altında Ukraynanın işğal olunmuş rayonlarında Rusiya hərbçilərini müxtəlif şəkildə təmin edir.
TEREF.AZ musavat.com-a istinadla xəbər verir ki, bunun bağlı “The Insider”, “Le Monde” və “Bellingcat” birgə məlumat yayıblar.
Baş ofisi Fransada yerləşən “Auchan” bir çox digər xarici şirkətlərdən fərqli olaraq müharibə başlayandan sonra Rusiyanı tərk etməyib. Araşdırma nəticəsində əldə olunan informasiyaya əsasən, Ukraynada döyüşən rus hərbçilərinə həm “Auchan”ın öz anbarlarından, həm də könüllülər tərəfindən mağazalar şəbəkəsinin ərazisində toplanan ərzaq Rusiya ordusuna göndərilib. Bundan əlavə, “Auchan” hərbi komissarlıqlara işçilərini səfərbər etməkdə köməklik edib. Halbuki şirkət məhz işçilərinin “qayğısına qaldığı” üçün Rusiya bazarını tərk etmək istəmədiyini bildirmişdi.
Araşdırma müəllifləri “Auchan” menecerlərinin yazışmalarını və bəzi sənədləri dərc ediblər. Məlum olub ki, “Auchan” tərəfindən qondarma humanitar yardım adı altında kişilər üçün nəzərdə tutulan ülgüc, paltar və hətta siqaret cəbhəyə göndərilib. Burada onlara icra orqanlarının strukturları ciddi kömək göstərib. Araşdırmada “Auchan”ın öz işçiləri haqqında məlumatları toplayıb hərbi komissarlıqlara ötürdüyü, səfərbərlik zamanı çalışanlara çağırış vərəqələrini birbaşa iş yerlərində çatdırdığı təsbit edilib. “Auchan”ın Rusiya rəhbərliyi məlumata şərh verməkdən imtina edib. Fransadakı mərkəzi ofis isə şirkətin siyasətdən kənar olduğunu və orduya heç bir dəstək vermədiyini söyləməklə kifayətlənib. Ukraynadakı “Auchan” isə araşdırmadan şoka düşdüklərini bildirib və mərkəzi ofisdən izahat tələb edib.
Qeyd edək ki, beynəlxalq standartlara görə, yalnız mülki əhaliyə göstərilən kömək humanitar yardım sayılır.
Rusiyanın ilhaq etdiyi Krım yarımadasında hərbi hissədə partlayış olub.
Hadisə yarımadanın Armyansk şəhərində baş verib.
Rəsmi qurumlar hadisə ilə bağlı hələ açıqlama yaymayıb.
Rusiya lideri Vladimir Putin bu həftə ərzində NATO-nun müdafiə nazirlərinin Brüsseldə keçirilməsi planlaşdırılan görüş öncəsi, iki nüvə silahı daşıya bilən təyyarəsini havaya qaldırıb.
Putinin əmriylə havalanan Tu-160 təyyarələri Norveç dənizi üzərində, Şotlandiyanın şimalındakı neytral ərazilərdə uçuçlar həyata keçiriblər.
Xəbərdə qeyd olunur ki, NATO-la sərhəddə baş tutan uçuşun müddəti 13 saat çəkib.
Daily Mail
Ermənistanın Azərbaycanla sərhədində 15 alman polisi, 8 fransız jandarması patrulluq edəcək
Teref.az “Vestnik Kavkaza” portalına istinadla xəbər verir ki, Avropa İttifaqının Azərbaycanla sərhəddə patrulluq eləmək üçün Ermənistana göndərəcəyi uzunmüddətli missiyanın tərkibində 15 nəfər alman polisi də olacaq. Bu Barədə açıqlamanı Almaniya hökumətinin mətbuat katibi Şteffen Hebeştrayt verib. O, bu qərarı AFR Nazirlər Kabinetinin verdiyini bildirib. Onun sözlərinə görə, missiyanın heyətində Aİ-nin müxtəlif ölkələrindən olan 100 nəfər polis olacaq.
Aİ missiyasına Almaniya federal polisinin zabiti başçılıq edəcək.
Bundan əvvəl verilən xəbərlərdə Avropa parlamentinin deputatı Natali Luazonun missiyanın 20 fevral tarixində işə başlayacağını və tərkibində 8 nəfər fransalı jandarmanın olacağını bildirmişdi.
Xatırladaq ki, Ermənistanın sərhədlərini Rusiya Sərhəd Xidməti qoruyur.
Ukraynanın əks-hücum hərəkətləri ilə bağlı konsensus var: indi onları həyata keçirmək üçün alətlər əldə etmək qalır
Bu gün “Ramşteyn” formatında Əlaqə Qrupunun yeni iclası keçiriləcək. Amma məncə, bir çox qərarlar ənənəvi olaraq iclas zamanı deyil, bir gün əvvəl qəbul edilir. Yığıncaqlar yalnız bu qərarların təsdiqidir. Təkcə silah təminatı ilə bağlı deyil, həm də artıq bizə göstərilən yardımın auditi ilə bağlı suallar da həll olunur. Yəni bu cədvəldə nəyi dəyişdirmək, nəyi təkmilləşdirmək lazım olduğunu da təhlil edirlər.
“Ramşteyn” təmas qrupunun görüşü tərəfdaşların Ukraynaya dəstəyinin davamlı olduğunu nümayiş etdirir.
Silahların verilməsi ilə bağlı birbaşa qərarlara gəlincə, gündəlikdə üç məsələ var: aviasiya, 100 kilometr məhvetmə radiusuna malik uzaqmənzilli raketlər, eləcə də hava hücumundan müdafiə imkanlarımızın davamlı olaraq gücləndirilməsi. Və hər üç mövqe üzrə qərarların veriləcəyini gözləmək olar.
Biz artıq Ukraynaya 150 km və ya daha çox mənzilli raketlərin verilməsi barədə qərar haqqında eşitmişik, lakin daha çox ehtiyacımız var. Xüsusilə, ATACMS raketləri məsələsində. Həmçinin cəmiyyət indi təyyarə əldə etmək imkanı ilə bağlı aydınlıq istəyir. Xüsusilə də bu məsələlər Prezident Zelenskinin Avropaya səfəri zamanı əsas mövzulardan biri olub.
Xatırladaq ki, Ukraynaya təyyarələrin verilməsi məsələsi uzun müddətdir ki, müzakirə olunur. Tammiqyaslı müharibənin əvvəlindən Ukrayna öz tərəfdaşlarından səmanı bağlamağı xahiş etdi və təyyarənin bizə təhvil verilməsi məsələsi hələ 2022-ci ilin avqustunda gündəmdə idi. Ola bilsin ki, bu, məsələn, Ukraynaya tankların verilməsi kimi fəal şəkildə işıqlandırılmayıb, amma əslində təyyarələrlə bağlı müzakirələr yarım ildir ki, davam edir. Bu gün biz bu qərarın yekunlaşma mərhələsinə gəldik.
Aviasiya əldə etmək sürəti həm də pilotlarımızın təlim müddətindən asılıdır. Ukrayna Hərbi Hava Qüvvələrinin komandanlığı bildirir ki, pilotlarımıza təlim keçmək üçün təxminən altı ay vaxt lazımdır. Ona görə də Böyük Britaniyanın Baş naziri Rişi Sunak üç il lazım olduğunu deyəndə, Ukrayna Prezidenti zarafatla dedi ki, “biz sizə iki il yarım təcrübəsi olan pilotlar göndərəcəyik”.
Belə ki, yaxın vaxtlarda aviasiya ilə təmin olunması barədə qərar qəbul olunarsa, bu il Ukraynada ilk Qərb təyyarəsi peyda olacaq.
İndi təyyarələrin Ukraynaya verilməsi qərarını Avropa və Qərbin əksər ölkələri dəstəkləyir. ABŞ və Böyük Britaniyadan başqa, Polşa, Baltikyanı ölkələr və Hollandiyadan da dəstək var. Xatırladaq ki, Ukrayna təyyarələrin təhvil verilməsi xahişi ilə rəsmi olaraq Hollandiyaya müraciət edib.
Hətta Avropa Parlamentinin sədri Zelenskinin səfəri zamanı Ukraynaya ən qısa zamanda təyyarələrin verilməsinin vacibliyini qeyd edib. Bu gün keçiriləcək görüş ərəfəsində isə NATO-nun baş katibi Yens Stoltenberq Ukrayna üçün döyüş təyyarələrinin gözlənilməsinin mümkünlüyünü açıqlayıb. Yəni ki, Ukraynanın həqiqətən də bu məsələdə beynəlxalq dəstəyi var. Təbii ki, Ukraynaya təyyarələrin verilməsi ilə bağlı müəyyən ehtiyatları olan ölkələr var. Biz bilirik ki, bu, məsələn, silah təminatı ilə bağlı hər hansı qərar qəbul etməkdə çətinlik çəkən Almaniya ola bilər.
Bununla belə, biz tərəfdaşları bunun təkcə bizim ehtiyacımız olduğuna inandırmırıq. İlk növbədə, söhbət ondan gedir ki, bu, Qərbin hərbi doktrinalarına,hərbi əməliyyatların inkişafı və gedişi ilə bağlı ideyalarına uyğundur. Niyə? Hamı bilir ki, uğurlu əks-hücum əməliyyatları üçün ilk növbədə tanklar və zirehli texnika lazımdır. İkincisi, bizə artilleriya və uzaqmənzilli raketlər lazımdır. Artıq bu məsələ qismən həll olunub. Üçüncüsü, bu, aviasiyadır.
Bütün bunlar birlikdə uğurlu əks-hücum hərəkətlərinin açarıdır. Və mənim fikrimcə, Ukraynanın əks-hücum hərəkətləri ilə bağlı konsensus var. İndi onları həyata keçirmək üçün alətlər əldə etmək qalır.
Müəllif: Aleksandr Musienko - Hərbi-Siyasi Araşdırmalar Mərkəzinin rəhbəri
Mənbə: UNİAN
Müəllif: Ayna.az
"Ukraynanın yazda əks-hücuma keçməsini gözləyirik".
APA CNN-ə istinadla xəbər verir ki, bunu ABŞ-ın müdafiə naziri Lloyd Ostin deyib:
“Biz yazda onların əks-hücum həyata keçirməsini gözləyirik və buna görə də Ukrayna Müdafiə Kotakt Qrupundakı bütün tərəfdaşlarla onların silah-sursat imkanlarının təmin edilməs üçün çox çalışırıq…”, - deyə Ostin bildirib.
Rusiya əsgərlərinin ölüm nisbəti Ukrayna müharibəsinin ilk həftəsindən sonra ən yüksək həddə çatıb.
“AzPolitika.info” xəbər verir ki, bu barədə Britaniyanın “Daily Mail” nəşri məlumat yayıb.
Məlumatda qeyd olunur ki, fevral ayından etibarən hər gün orta hesabla 824 rus hərbçisi həlak olur. İşğalın ilk həftəsində bu göstəricinin 1140 nəfər olduğu, növbəti aylarda isə azaldığı bildirilir.
Ətraflı
Nəşr yazır ki, ötən ilin iyun ayında bu göstərici 172 nəfər olubsa, noyabrda yenidən 559-a yüksəlmişdi.
Həmçinin bildirilir ki, 2023-cü ildə ölüm nisbəti ötən ilin ikinci yarısıyla müqayisədə dörd dəfə artıb./1676346847_1.jpg[/img]
Bu cür hadisələrin Rusiyaya xeyri yoxdur, amma Alyans məsələyə reaksiyada gecikməməlidir
Fevralın 10-da Rusiyanın növbəti dəfə Ukraynanın mülki infrastrukturuna endirdiyi iki “Kalibr” qanadlı raketi Ukraynanın qonşu Moldova ilə dövlət sərhədini keçib. Bir neçə dəqiqədən sonra həmin raketlər NATO-nun üzvü olan Rumıniyanın hava məkanını da keçib.
Qeyd edək ki, bu, Rusiyanın “Kalibr” raketlərinin təkcə Ukraynanın deyil, digər dövlətlərin də hava məkanını ilk dəfə pozması halı deyil. Beləliklə, Rusiya Ukraynanın hava hücumundan müdafiə qüvvələrinin effektivliyini azaldır. Çünki biz Moldova, Polşa və Rumıniyanın hava məkanında raketləri vura bilmirik.
Və məncə, Rusiya raketlərinin budəfəki manevri operatorun səhvi ilə bağlı idi. Çünki hazırda Şimali Atlantika Alyansı ilə münasibətlərin hər hansı kəskinləşməsi Rusiya üçün sərfəli deyil. Putin indi NATO ilə münasibətləri pisləşdirməkdə maraqlı deyil. Ruslar NATO-nu təhdid edə, Berlin və Varşavaya hansısa nüvə zərbəsindən danışa bilərlər. Amma təhdid etmək başqa, addım atmaq isə tamam başqadır. Onu da xatırlatmaq yerinə düşər ki, sonuncu dəfə 4-cü maddənin tətbiqi Ukraynanın lazımi silahlarla təmin olunması səviyyəsinin artırılması ilə başa çatıb.
Yəni bu cür hadisələrin Rusiyaya xeyri yoxdur, çünki hər belə addımdan sonra Avropa ölkələri Ukraynaya yardım səviyyəsini artırır.
Lakin mən istisna etmirəm ki, ruslar NATO-nun reaksiyasını yoxlamaq üçün Alyansa üzv ölkələrə raket ata bilər. Bununla yanaşı, ruslar yoxlama planını daha asan şəkildə həyata keçirə bilərdilər. Məsələn, Belarus ərazisindən, Kalininqrad vilayətindən və ya Finlandiya və ya Baltikyanı ölkələrlə sərhəd bölgəsində bunu edə bilərdilər. Eyni zamanda, Rusiya Federasiyası NATO ölkələrinin hava məkanını pozacaq bir növ ucuz PUA-dan istifadə edə və Alyans ölkələrinin bu pozuntuya reaksiyasını öyrənə bilərdilər.
İndiki halda isə vəziyyət daha ciddidir. Axı ehtiyatı tədricən “əriməkdə olan” kifayət qədər bahalı raketlərdən danışırıq. Və bu, məhz Rumıniyanın hava məkanının pozulması daha çox bu raketlərin koordinatlarını təyin edən operatorun səhvinə bənzədiyini göstərir. Məncə, operator artıq Rumıniya ərazisində müəyyən məsafəni “kəsən” bu “künc”ün olacağını hesablamayıb. Mən onu da istisna etmirəm ki, “Kalibr” raket idarə sistemində texniki nasazlıq var...
Belə bir hadisəyə reaksiyaya gəlincə, görünür, Moldova öz hava məkanının pozulmasına qarşı mübarizə yollarını o qədər də axtarmır. Ona görə də ehtimal etmək olar ki, Moldovanın hava məkanından gələcəkdə Rusiya istifadə edəcək.
Başqa bir məsələ isə NATO ölkəsi olan Rumıniyadır. Onun ərazisindəki Rusiya raketi artıq bəzi vasitələrin istifadəsinə səbəb ola bilər. Yəni bu vəziyyətdə olan NATO ölkəsi mümkün qədər sərt reaksiya verməlidir. Ən azı NATO-nun 4-cü maddəsi işə düşməlidir. Yaxud, ən azı NATO ölkələrinin nümayəndələri fövqəladə iclasa toplaşmalı və Rusiya Federasiyası və Ukrayna ilə sərhəddə təhlükəsizliyin yaxşılaşdırılması məsələlərini razılaşdırmalıdırlar. Ona görə də hesab edirəm ki, Buxarest mümkün qədər tez reaksiya verməlidir. Bütün bunlara baxmayaraq, biz başa düşməliyik ki, Rumıniyada bu vəziyyəti diplomatik müstəviyə endirməyə çalışacaq rusiyapərəst elementlər də var.
Rumıniyanın Rusiya raketlərini vurmalı olub-olmamasına gəlincə, hesab edirəm ki, o, bunu edə bilərdi, lakin belə reaksiya üçün kifayət qədər vaxtı olmayıb. Məsələ burasındadır ki, Rumıniya yəqin ki, bu obyektlərdə raket əleyhinə müdafiə sistemlərinin tətbiqi ilə bağlı razılaşmalı olacaq. Çox güman ki, Rumıniyanın hava hücumundan müdafiə bölmələri yerdə qərar qəbul etməyə tələsmir və “yuxarıdan” verilən qərardan asılı qalıblar.
Rusiya raketlərinin trayektoriyasının uğursuzluğu və ya bir növ hədəfdən yayınması onlar üçün nadir hadisə deyil. Ona görə də məncə, hadisəni situasiyaya uyğun adlandırmaq olar. Axı biz Rusiyanın Rumıniyanın və ya Polşanın hava məkanından Ukraynanı atəşə tutmaq üçün sistemli şəkildə istifadə etməsini görməmişik. Və çox güman ki, bu, baş verməyəcək: ruslar NATO ölkələrindən mütləq reaksiya alacaqlar. Rumıniya isə belə bir hadisə təkrarlanarsa, Rusiya raketlərini vurmağa başlaya bilər.
Müəllif: Aleksandr Kovalenko – Ukrayna İnformasiya Müqaviməti qrupunun hərbi-siyasi eksperti
Mənbə: UNİAN
Polşa artıq 250 ədəd sovet istehsalı T-72 tankını Ukrayna Silahlı Qüvvələrinə təhvil verib.
Bu barədə Polşanın baş naziri Mateuş Moravetski məlumat verib.
O qeyd edib ki, Polşa gələcəkdə 60 ədəd modernləşdirilmiş T-72 və PT-91 Tvardi tankalarını da Kiyevə tədarük edəcək.
“Biz həmçinin əlavə olaraq 14 ədəd Leopard tankını da Ukraynaya çatdırmağı planlaşdırırıq”, - deyə o, əlavə edib.
Moravetskinin sözlərinə görə, Polşa Ukraynanı fəal şəkildə dəstəkləməyə davam edəcək.
Mənbə: rbc.ua
İsrailin “Dəmir qübbə” hava hücumundan müdafiə sistemi Ukraynanın işinə yaramır.
“AzPolitika.info” Ukrayna mediasına istinadla xəbər verir ki, belə bəyanatla İsrailin Kiyevdəki səfiri Mixail Brodski çıxış edib.
Səfir telemarafonda “Dəmir qübbə”nin Ukraynaya verilməsi haqda suala cavabında deyib: “Mənə elə gəlir ki, “Dəmir qübbə”nin Ukraynaya verilməsi məsələsi artıq gündəmdən düşüb. Biz hamımız çox gözəl başa düşürük ki, “Dəmir qübbə” Ukraynanın işinə yaramır. O, Ukraynanın hazırda üzləşdiyi problemləri həll etmək iqtidarında deyil”.
Səfir izah edib ki, “Dəmir qübbə” İsrailin müdafiəsində kifayət qədər effektiv durub, lakin bu sistem ölkəni “Həmas” və “Hizbulla”nın istifadə etdiyi qısa mənzilli raketlərdən qoruyur. “Təəssüf ki, o, ballistik raketlər, uzaqmənzilli raketlər problemini həll etmək iqtidarında deyil”, - Brodski qeyd edib. Səfir həmçinin bildirib ki, yaxın günlərdə İsrailin Xarici İşlər nazirinin Ukraynaya səfəri gözlənilir. “Bu, israilli nazirin müharibə dövründə ilk səfəri olacaq".
Xatırladaq ki, daha əvvəl Ukrayna Prezidenti Volodimir Zelenski İsrailə çağırış etmişdi: Demokratik dünya ilədir, yoxsa Rusiyanın terroruna göz yumacaq?
Binyamin Netenyahunun yenidən iqtidara qayıtmasından sonra İsrailin Ukraynanın tərəfində mövqe tutmaq niyyəti görünməyə başlayıb.