“ Avropa Beynəlxalq hospitalı” nın həkimi Sevinc Babayeva icbari tibbi sığorta göndərişi olsada bizdən 1100 manat pul alıb….. Kəpəz Hospitalında Seymur Musayev 2500 manat tələb etdi. Xəstə daxili qanaxmadan vəfat edib?

Əməliyyat zamanı həkim səhlənkarlığı…..

Şikayətə görə , 71 yaşlı Ayşad Seyidəliyeva Avropa Beynəlxalq Hospitalının həkimi Sevinc Babayevanın səhv əməliyyatından vəfat edib.

XALQ -a müraciət edən Aynurə Seyidəliyeva bildirir ki, xəstə ayağında yara olduğundan, yara sağalmadığından həkimə Qax rayonundan Bakıya gətirilmişdi. Bakıya gətirilməmişdən əvvəl Şəki şəhərində dopler müayinəsindən keçdikdən sonra damarlarında quruma olduğunu, yaranında ona görə sağalmadığını qeyd etdilər. Damar əməliyyatı üçün Bakıya gətirildi. Ayşad Seyideliyeva 15.04.2025 tarixində icbari tibbi sığorta göndərişi ilə damarlarındakı problem ilə əlaqədar “Beynəxalq Avropa hospitalında” çalışan Həkim invaziv radioloq Sevinc Babayeva tərəfindən əməliyyat olundu.
Əməliyyata girəndən sonra asistenti Ramidə bizimlə telefonla əlaqə yaradıb 600 manat ödəniş tələb etdi. Biz bildirdik ki, axı bu icbari sığorta göndərişi ilə xəstə əməliyyat olunur. Bizə dedilər ki, ne olsun həkimin hörmətin etmək lazımdır…..

Püstə adlı xanım gəlib bizdən 600 manat pulu aldı. Bu xanım Avropa hospitalında müdür müavini işləyir. Biz ödənişi rəsmi qaydada ödəmə etmək istədiyimizi tələb edəndəndə, pulu əldən ödəməyimizi dedilər. Xəstəmizdə əməliyyatdadır o anda həkim deyəni etdik. Biz məcbur olub əməliyyat zamanı 600 manat ödədik. 16.04.2025-ci il tarixində xəstə evə buraxıldı və Sevinc Babayevanın koməkçisi dediyi bir necə agrıkəsici dərmanlar qəbul etdi.

Növbəti ayaq damarlarındakı əməliyatı üçün 29.04.2025 tarixində yenə də saat 17:00-də xəstə Avropa Beynəlxalq Hospitalına çağırıldı.

Heç bir analiz götürülmədən, xəstə ikinci əməliyyata alındı və gecə eyni qayda ilə zəng gəldi ki, əməliyyat edirik 600 azn ödəniş etməlisiz.

Bu sanki gizli əməliyyata bənzəyirdi. Aldıqları pulu xəstəxanadan gizli alırdılar. Dedik sığorta ilə gəlmişik, əldə pul yoxdu endirim edərdiz, bir qədər sonra dedilər 500 azn ödəyərsiz.

Yenə də çıxılmaz vəziyyətdə qalıb 500 manat ödəniş etdik deyə Aynurə Seyidəliyeva bildirir. Ümümilikdə iki əməliyyata 1100 manat ödəniş etmişik. Əməliyyatdan sonra səhər saat 10-da xəstənizi gəlib çıxararsız dedilər. Deyilən vaxtdan 30 dəqiqə gecikmişdik, gördük xəstə koridorda oturub bizi gözləyir. Rəngi ağarmış halsız vəziyyətdə,dedilər əməliyyatdan yeni çıxdığı üçündür, düzələcək. Eyni qayda ilə ilk dəfə olduğu kimi Sevinc Babayevadan xəstə haqqında heç bir məlumat almaq mümkün olmadı və asistenti dermanlar deyib xəstəni məcburən çıxartdıq.

Evə gəldikdən sonra xəstənin halı pisləşdi gecə ilə bir necə dəfə təcili yardım çağırdık və səhər həkimlə əlaqə saxladıq ki, əməliyyat etdiyiniz xəstə ölüm vəziyyətindədir. Xəstə ikinci əməliyyatdan çıxdıqdan sonra yaxınlarına bildirmişdir ki, gecə əməliyyat zamanı Sevinc Babayeva deyirdi əməliyyatı köməkçiləri Sərxan və Əfsanə edirdi. Bu hadisəni həkim Sevinc Babayeva bildrdikdə inkar etdi

Biz yenidən xəstəni Avropa Beynəlxalq Hospitalına Sevinc Babayevanın yanına gətiridik. Xəstəni MRT-yə saldılar gördülər vəziyyət yaxşı deyil. Xəstəni ikinci əməliyyat zamanı damarını zədələyiblər və daxili qanaxma baş verib.

Xəstə getdikcə ağırlaşırdı və qarnı şişirdi. Biz icbari sığortaya şikayət etdikdən sonra xəstəmizi “Kəpəz” hospitalında Seymur Musayevin yanına göndərdilər və daxili qanaxma olduğu üçün təcili əməliyyata alındı.

Biz icbari sığorta göndərişi ilə getdiyimizə baxmayaraq Seymur Musayev bizdən 2500 manat pul tələb etdi. Biz məsələni aydınlaşdırdıqda artıq Seymur Musayev skandal yaratmağa çalışdı və “xəstənizi necə sağaltmışamsa ele də öldürərəm” deyə bildirdi.

Kəpəz hospitalının rəhbəri Süleyman Muradlının yanında olduq, şikayət edəcəyimizi bidirdikdə xəstəmizi digər palataya köçürüb basqa həkim həvalə etdi. Şikayət etməyimizin qarşısını aldı və bizdən 150 manat palata pulu alındı.

Kəpəz hospitalında Pərvanə adlı icbari slğortaya baxan bu məsələni bildikdə belədir ne edə bilərik dedi. Aysel Seyideliyeva bildirir ki, necə ola bilər ki biz icbari sığorta göndərişi ilə gəlmişik lakin pula görə müxtəlif skandllar yaratdılar, heç “Kəpəz” hospitalında düz əməlli baxmadılar.

Biz məsələni Sevinc Babayeva bildirdikdə 740 manat Seymur Musayeva və əlavə qan pulu verdiyini bildirdi.

( Sevinc Babayevanın Seymur Musayeva pul ödənişi etdiyi bildirir)

4 may tarixində xəstə evə gətirildi, 5 may 2025-ci il taxində isə xəstənin halı qəflətən pisləşdi biz təcili yardın çağırsaqda artıq gec idi və anamız həkim səhlənkarlığına görə vəfat etmişdir.
Məsələ ilə bağlı Avropa Beynəlxal Hospitalı ilə əlaqə yaratmaq mümkün olmadı, Sevinc Babayeva isə açıqlama verməkdən imtina etdi.

Hadisə ilə bağlı Seymur Musayeva asistenti bildirdi ki, həkim bu barədə danışmaq istəmir.

Hadisə ilə bağlı hüquq-mühafizə orqanlarına müraciət olunub.

Məsələdə adı keçənlərin münasibətini dərc etməyə hazırıq.

Şəmkir rayonu, Duzqışlaq kənd sakini İsmayılov Şükür Rasim oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, özü və qardaşı haqsızlıqla üzləbilər:

“Mən, İsmayılov Şükür Rasim oğlu, bildirirəm ki, qardaşım Vasif Qədim Qala kənd sakini Bağırov Samir Siyavuş oğlundan iki ton işlənmiş yağ alıb. Bu yağ "parnik"in qızdırılması üçün istifadə olunur. Bağırov Samir kartdan karta köçürmə edib, vergidən yayınıb. Burada heç çek əməliyyatı olmayıb. Bu şəxsin heç vergidə qeydiyyatı belə yoxdur.

Qardaşımın mənə verdiyi etibarnamə ilə onun adından 14 saylı Vergi İdarəsinə müraciət etdim. Nazirliyin əməkdaşı İlqar bəy mənimlə əlaqə saxladı. Zəng vuraraq ilk sözü "sənin obyektinin qeydiyyatı yoxdur, sənə cərimə düşür. Sən isə hələ şikayət edirsən", - dedi. Sual verdim ki, Şəmkir rayonunda bir çox obyektlərdə neçə nəfər içi işləyir, neçəsinin sənədi var, bilirsiniz? Rayonda sahibkarlıq fəaliyyəti ilə məşğul olan demək olar ki, heç bir obyektin işçilərinin maaş kartları yoxdur. Bu zaman mənə dedi ki, "yaxşı, səndən pul istəmirəm, gəl obyekti qeydiyyata sal".

Bir sözlə, 14 saylı Vergilər İdarəsinə kartdan karta pul köçürmənin sübutlarını təqdim etsəm də, heç bir tədbir görülmür. Mənim istixanam həyətyanı sahəmin içindədir. Mən də xahiş edirəm ki, bütün istixanalar yoxlanılsın və onlar da qeydiyyata götürülsün.

Bir çox sahibkarlara güzəştlər olunub. Amma məni məcburi qaydada qediyyata göndərirlər.

Burada tikinti materialları satılan obyektlər də vergidən yayınır. İşçilər iş saatından artıq işlədilir. Nəzarət edən yoxdur. 14 saylı Vergi İdarəsinin rəis müavini Zaur müəllim də şikayətlərə laqeyd yanaşır.

Bağırov Samirin dediyinə görə, işlənmiş yağı Bak şəhərindən gətirərək, Şəmkirdə istixanalara satır. Rayonda vergi idarəsi düzgün iş aparmır. Hər kəs qanunsuzluqla məşğuldur.

Son illərdə Şəmkirdə obyektlərin sayı dəhşətli dərəcədə artıb. Dövlətə köçürülən pullar isə yəqin ki, artmır. Bütün obyektlər yoxlanılsın, alqı-satqı məlumatlarına baxılsın.

Mən səlahiyyətli qurumlardan xahiş edirəm, Şəmkirdə olan sahibkarların obyektinə nəzarət olunsun ki, kimsə vergidən yayına bilməsin. Vergi əməkdaşları bəzi maraqlar qarşılığında sahibkarlara güzəştlər edirlər. Obyektlərin hamısı vətəndaşa çek vermir.

Bu gün Şəmkirdə işçilərin hər birinin əmək kitabçası olsa, qanunsuzluq nisbətən azalar. Vergidən yoxlama gələn kimi işçiləri obyektdən qaçırdırlar".

Məsələ ilə bağlı Azərbaycan Respublikası İqtisadiyyat Nazirliyi yanında Dövlət Vergi Xidməti ilə əlaqə saxladıq. Qurumdan bildirdilər ki, şikayətçilər qarşılaşdıqları vergidən yayınma və vergi qanunvericiliyinin pozulması faktları barədə ətraflı məlumatla qeyri-anonim olaraq saytımızın “Müraciətlər” bölməsinin “Onlayn müraciətlər” alt bölməsinə, Çağrı Mərkəzinə (195-1) və ya vergi ödəyicilərinə xidmət mərkəzlərinə müraciət edə bilərlər.

Moderator.az-a şikayət daxil olub. Şikayətçi Təranə Abasova iddia edir ki, övladı iki ildir ki, Türkiyə Cümhuriyyətinin Azərbaycanda həyata keçirdiyi “Türkiye Bursları” təqaüd proqramına müraciət edir.
O qeyd edir ki, övladı iki dəfə yüksək nəticələr göstərməsinə baxmayaraq, nəinki müsahibəyə dəvət almayıb, heç bir əsas göstərilmədən imtina cavabı alıb:
“Övladım Türkiyənin keçirdiyi YÖS (Yabancı Uyruklu Öğrenci Sınavı) imtahanından 440 bal topladığı halda bu nəticə onun müsahibəyə çağırılması üçün yetərli sayılmayıb. Müraciət etdiyimiz YTB (Yurtdışı Türkler ve Akraba Topluluklar Başkanlığı) bu seçim prosesi ilə bağlı heç bir dolğun izahat təqdim etməyib. Halbuki tələbələr tanıyırıq ki, heç bu imtahanda iştirak etməyib, təkcə attestatla müraciət elədiyi halda, həm müsahibə mərhələsinə dəvət olunurlar, həm də sonra qalib elan olunurlar. Bununla bağlı təqaüd proqramını aparan Türkiyənin YTB idarəsinə müraciət edirik, ancaq onlardan dolğun cavab ala bilmirik. Bilmirəm bu qurumda məlumatları var ya yoxdur, Azərbaycanda bu təqaüd yerləri tələbələrə pulla satılır”.
Şikayətçinin iddiasına görə, pulu və tanışı olmayan, amma layiq olan tələbələr kənarda qalır, pulu və tanışı olan heç bir nəticəsi olmayanlar isə təqaüdlə təhsil alırlar:
“Mən bir ana kimi öz araşdırmamla tapdığım məlumatlar var. Sizdən də xahiş edirəm ki, peşəkar jurnalist kimi bu mövzunu gündəmdə saxlayasınız, araşdırıb daha dəqiq məlumatları lazımi qurumlara çatdırasınız. Azərbaycanda bu təqaüd proqramı ətrafında rüşvət və korrupsiya şəbəkəsi formalaşıb. Konkret olaraq bu şəbəkəni Xəzər universitetinin müəllimi Telman Nüsrətoğlu və Azərbaycan Turizm universitetinin müəllimi Araz Aslanlı idarə edirlər. Təqaüd proqramının bəzi qaliblərinin seçilməsinə YTB ilə şəxsi əlaqələri vasitəsilə təsir göstərirlər, qarşılığında da yüksək qazanc əldə edirlər. Bu şəxslər birbaşa pul almasa da, iki təhsil mərkəzi vasitəsilə tələbə seçirlər. Bakıdakı “Bilik” tədris mərkəzinin rəhbəri Rövşən Əbdülhəsənov və “Agora” təhsil mərkəzinin rəhbəri Rizvan Qənbərli vasitəsi ilə ailələrdən yüksək məbləğdə pul alırlar. Onların vasitəsilə müəyyən şəxslərin siyahılara daxil olunduğu barədə məlumatlar, valideyn və tələbə şikayətləri var”.
“Bütün bunlar Türkiyənin təhsil diplomatiyasına, şəffaflıq imicinə və minlərlə dürüst tələbənin gələcəyinə ciddi zərbə vurur. Mən bu məktubu yazmaqla sadəcə öz övladımın haqqını yox, bütün haqsızlığa uğrayan tələbələrin haqqını müdafiə etmək istəyirəm. Xahiş edirəm, bu mövzunu araşdırın. Ümid edirəm ki, səsimizi eşidən, haqqın tərəfində olan vicdanlı insanlar və jurnalistlər hələ də var”- deyə Təranə Abasova əlavə edib.

Bakı şəhəri Suraxanı rayonu, Qaraçuxur qəsəbəsi, Cəlala Qurbanov küçəsi 146 ünvanında aparılan tikinti işləri yerli sakinlərin haqlı narahatlığına səbəb olub. Məlumata görə, sözügedən ərazidə heç bir rəsmi elan, layihə pasportu, tikintiyə dair məlumatlandırıcı lövhə olmadan inşaat işləri həyata keçirilir.

Tribunainfo.az xəbər verir ki, sakinləri narazı salan, gediş-gəlişi çətinləşdirən, boş əraziləri zəbt edən bu cür qanunsuz tikililər son günlər Suraxanı rayonunda artmaqdadır. Sakinlər bildirib ki, sözügedən ünvanda aparılan tikintinin kim tərəfindən və hansı əsasla aparıldığı məlum deyil. Heç ortada tikinti ilə bağlı rəsmi açıqlama da yoxdur. Ərazidə yaşayan sakinlər isə bildirirlər ki, dəfələrlə müxtəlif instansiyalara məlumat versələr də, heç bir tədbir görülməyib.

Sakinləri narazı salan tikinti ilə nə Dövlət Şəhərsalma və Arxitektura Komitəsi, nə Suraxanı rayon İcra Hakimiyyəti, nə də Fövqəladə Hallar Nazirliyi maraqlanır.

Sakinlər bildirib ki, bu qədər açıq-aşkar aparılan və hər kəsin görə biləcəyi bir tikinti prosesinə niyə aidiyyəti dövlət qurumları səssiz qalır? Nə üçün bu prosesə hüquqi qiymət verilmir? Əgər tikinti qanunsuz deyilsə, ictimaiyyətə bu barədə niyə məlumat verilmir? Tikinti aparılan yerdə, heç bir təhlükəsizlik tədbiri görülmür, heç bir məlumat hövhəsi yerləşdirilməyib. Üstəlik tikinti aparılan ərazidə ağaclar da var ki, onların da məhv edilmə ehtimalı yüksəkdir. Bir ərazidə sakinlərin gözü önündə bir necə qanun pozuntusu – qanunsuz tikinti, ərazilərin zəbti, nəzarətsizlik və yaşıllıqların məhv edilməsi halları eyni anda baş verir. Ancaq bu qədər qanunsuzluğun baş verdiyi ərazi heç bir dövlət qurumunun diqqətini çəkmir.
Sakinlər onları narahat edən bu məsələ ilə bağlı rayonun icra başçısı Adil Əliyevə şikayət məktubu ünvanladıqlarını da bildiriblər. Ancaq edilən müraciətlərə heç bir reaksiya verilməyib.

201 nömrəli tam orta məktəbin direktoru Afaq Əliyeva vəzifə səlahiyyətlərindən sui-istifadə etməklə məktəbin müəllimi Lalə Şəfaqətovanı təhdid və şantaj edərək keçmiş direktor müavini Svetlana Hüseynovaya qarşı yalançı şahidlik etməyə məcbur edir.

Dinlənilən səs yazıları buna sübutdur.

/tehsilmedia.az

Son 7-8 aydır ki, Qənirə Ataşova adlı şəxs, tibbi sosial probemlər fonunda, özünün şəxsi maraqlarına xidmət edən qaralama kampaniyalarına start vermişdir.
O, özünün facebook və instagram sosial platforma hesablarından (Ganira Atash) paylaşımlar edərək, səhiyyə sahəsində xidmət göstərən bir çox profesional cərrahları, həkimləri və eləcə də kosmetoloqları hədəfə almışdır.
Məsələnin diqqət çəkən tərəflərindən biri də odur ki, Qənirə Ataşova demək olar ki, paylaşdığı məlumatların böyük əksəriyyətini sonradan silmiş, hətda bəzi hallarda öncə tənqid etdiyi həkimləri sonradan tərifləməyə və reklam etməyə başlamışdır.
TEREF yazır ki, bunu jurnalist Sima Babayeva yazır. Daha sonra Sima xanım fikrini davam etdirərək yazır:
Əlbətdə, illərdir media sahəsində çalışan peşəkar bir jurnalist kimi baş verən bütün bu hadisələri mən də diqqətlə izləyirdim və peşə etikası çərçivəsində araşdırırdım. Və beləcə, insanların avam yerinə qoyulması da daxil olmaqla, külli miqdarda pulların toplanılması ehtimalı, dövlət qrumları əlehinə təbliğatların aparılması kimi bir çox faktların üstünü açmağa müvəffəq oldum.
Belə ki, Bakının Səbail rayonu ərazisində fəaliyyət göstərən “Falck” klinikasında həkim – kosmetoloq işləyən Gülnar Zeynallı adlı qadın hər yerdə və eləcə də öz instagram səhifəsində özünü həkim terapevt və həkim kosmetoloq kimi təqdim edir.
Bir çox sosial media platformalarında bu ixtisas fəaliyyəti ilə məşğul olmasına və eləcə də, mənşəyi barədə dəqiq məlumatlar olmayan kosmetoloji preparatların istifadəsinin zəruriliyinə dair reklamlar verir.
Hətda hamıya fərəhlə danışır ki, səhiyyə sahəsində çalışan şəxsləri təhdid edərək barələrində paylaşımlar edən Qənirə Ataşovanın həkimidir və Qənirə Ataşovanın himayəsindədir. Qənirə Ataşovanın hansı maraqları çərçivəsində Gülnar Zeynallını qorumasını qoyaq bir kənara. Bəs bizim qanunlarımız nə deyir?
Azərbaycan Respublikası Nazirlər Kabinetinin 08 iyun 2010-cu il tarixli, 108 saylı qərarı mövcuddur və həmin qərarın 1.2- ci maddəsində qeyd olunur ki, Azərbaycan Respublikasında praktik tibb və ya əczaçılıq fəaliyyəti ilə məşğul olan, ali və orta ixtisas təhsilinə malik, müvafiq qaydada dövri ixtisasartırma kurslarını keçmiş səhiyyə mütəxəssislərinin peşəkarlıq səviyyəsinin və peşə yararlılığının yoxlanılması məqsədi ilə “Əhalinin sağlamlığının qorunması haqqında” Azərbaycan Respublikasının Qanununa müvafiq olaraq onlar beş ildə bir dəfə sertifikasiyaya cəlb edilirlər.
Qərarın 2.1-ci maddəsində isə qeyd olunur ki, Tabeliyindən və mülkiyyət formasından asılı olmayaraq, səhiyyə müəssisələrində çalışan və özəl praktik tibb və ya əczaçılıq fəaliyyəti ilə məşğul olan səhiyyə mütəxəssislərinin sertifikasiyası Azərbaycan Respublikasının Səhiyyə Nazirliyi (bundan sonra - Nazirlik) tərəfindən həyata keçirilir.
Özünü həkim kimi təqdim edən Gülnar Zeynallını araşdırarkən, bu şəxs özü də etiraf etdi ki, onun Səhiyyə Nazirliyinin müvafiq komissiyası tərəfindən verilmiş Sertifikasiya şəhadətnaməsi yoxdur. Həmçinin, bizim sorğumuzu cavablandırarkən, Səhiyyə Nazirliyindən də bildirdilər ki, Gülnar Zeynallı ilə bağlı müvafiq portalda heç bir qeyd mövcud deyil.
Bu zaman sual yaranır; bəs Gülnar Zeynallı hansı əsasla tibbi fəaliyyət göstərir? Onun hazırda işlədiyi Falck klinikası ilə əmək müqaviləsi mövcuddurmu? Hansı vəzifəni icra etməsi üçün onunla əmək müqaviləsi bağlanılıb? Əmək müqaviləsi üzrə Gülnar Zeynallının əməkhaqqı nə qədərdir?
.
Göstərdiyi xidmətlərin qarşılığında, vətəndaşlar tərəfindən ödənilən ödənişləri Gülnar Zeynallı hansı əsasla özü şəxsən qəbul edir? Hansı əsasla ödəyicilərə qəbz verilmir? Gülnar Zeynallı nə üçün vergidən yayınır?
Gülnar Zeynallı istifadə etdiyi preparatları (dolğular, botokslar və s.) qanunvericilikdə nəzərdə tutulduğu qaydada elektron qaimə əsasındamı alır? Bu preparatların ödənişini Gülnar Zeynallı satıcı şirkətlərə hansı formada həyata keçirir?
Əlbətdə, bütün bu suallara aidiyyatı qrumlar cavab axtarmalıdırlar və həm də cavab verməlidirlər. İndi isə keçək Gülnar Zeynallının sosial media hesablarından paylaşdığı reklamların hüquqi tərəfdən doğru olub olmamasına.
Reklam haqqında Azərbaycan Respublikasının qanununun (bundan sonra qanun) 29 cu maddəsi mövcuddur və bu maddə əsasən dərman vasitələrinin, tibb vasitələrinin, tibbi xidmətlərin reklamını tənzimləyir.
Qanunun 29.2.3-cü maddəsi reklam olunan dərman vasitəsindən istifadə ilə bağlı fiziki şəxslərin minnətdarlığını bildirməsini və eləcə də, 29.2.4-cü maddəsi isə, sağlam insanda reklam olunan dərman vasitəsinin istifadə edilməsinin zəruriliyi barədə təsəvvür yaratmağı qadağan edir. Həmçinin, qanunun 29.2.6-cı maddəsi də, reklam olunan dərman vasitəsinin müsbət təsirinə, təbii mənşəli olmasına, təhlükəsizliyinə, effektivliyinə və əlavə təsirlərin olmamasına təminat verməyi qadağan edir. Azərbaycan Respublikasının cinayət Məcəlləsində isə, 198-ci maddə var və bu maddənin də, bilə-bilə yalan reklam etmə barədə müvafiq sanksiyalar mövcuddur.
İndi isə 2 sual yaranır.
1. Gülnar Zeynallı daha nə qədər qayda pozmalıdır ki, müvafiq qrumlar onun fəaliyyəti ilə bağlı tədbirlər görsünlər?
2. Qənirə Ataşovanın adamı olmaq, insanları qanunların tətbiqindən qoruyurmu?
Ümid edirəm ki, ölkəmizdə qanunların icrasına nəzarət edən Azərbaycan Respublikasının Baş Prokurorluğu, səhiyyəmizə cavabdeh olan Azərbaycan Respublikasının Səhiyyə Nazirliyi, eləcə də Dövlət Vergi Xidməti və Dövlət Əmək Müfəttişliyi hamını düşündürən, mənim bu iki sualıma biganə qalmayacaqlar.
Əgər bu gün Qənirə Ataşovanın şəxsi maraqları fonunda tərtib olunan siyahılar əsasında bu qrumlar bir çox insanları araşdırmalara cəlb edərək müvafiq tədbirlər görürlərsə, deməli eyni addımlar Gülnar Zeynallıya və onun çalışdığı Falck klinikasına qarşı da atılmalıdır.
Axı bizim qanunlarımızın hamısında qeyd olunur ki, Qanun qarşısında hamı bərabərdir...
Sima Babayeva
Qarşı tərəfində mövqeyini dərc etməyə hazırıq!
TEREF

Əməkdar artist Abbas Bağırov "Azercell"dən şikayətçidir.

Axşam.az xəbər verir ki, bu barədə o, sosial şəbəkədə məlumat yayıb.

"25 ildən çoxdur bu şirkətin müştərisiyəm, məni məmnun edən bir xidmətini görmədim! 30 GB internet 4 günə necə bitə bilər?

100 GB 15 günə bitir. Bu internet trafiki yalnız siz "Azercell"də var" deyə, A.Bağırov yazıb.