“Niyaməddin Musayevin “Dünya sənin, dünya mənim” mahnısının başına nə oyunlar gətirirlər. Müğənnilər mahnının sözlərini düzgün oxumurlar”.

Musavat.com xəbər verir ki, bu fikirləri qiraətçi Pünhan İsmayıl “Tarixin bir günü” verilişində səsləndirib. Qiraətçi sözügedən mahnıda sözlərin yanlış tələffüz olunmasına sərt reaksiya verib.

Onun sözlərinə görə, mahnının mətnində kobud səhvə yol verilir:

“Mahnıda "cütləşmək" deyirlər. Cütləşmək heyvanlara aiddir, heyvanlar cütləşir, bunun bizə aidiyyəti yoxdur. Məmməd Araz elə söz yazmayıb. Orada "cütlənmək" sözüdür: "Bir taleyin oyununda cütlənmiş zərik". Yaxşı olardı ki, müğənnilər mahnı oxumazdan əvvəl yazarla, şairlə və yaxud onların varisləri ilə məsləhətləşsinlər”.

Xatırladaq ki, bir neçə gün öncə “Dünya sənin, dünya mənim” mahnısı ətrafında qalmaqal yaşanıb. Belə ki, müğənni Təranə Qumralın qızı Qumral bu mahnını ifa etdikdən sonra Xalq artisti Niyaməddin Musayevin qızı Röya həmin ifanı “YouTube” platformasından sildirib.
Röya varis kimi bu addımı atmaq məcburiyyətində qaldığını bildirib:

“Qumralın çıxışına baxdım və atama dedim ki, icazə verməyəcəyəm. Mahnıda "cütlənmiş" əvəzinə "cütləşmiş" dediyi üçün bunu etmişəm. O xanım ümumiyyətlə bu mahnıya görə icazə almayıb. Müəllif hüquqları qorunur və icazə alınmalıdır”.

Xalidə Gəray
Musavat.com

Musavat.com xəbər verir ki, sənətçilər Röyanın evində qonaq olub.

Görüşdən fotonu Xalq artisti instaqramda paylaşıb. Məclisdə Natavanın olub, Elnarə Xəlilovanın olmaması onların küsməsi barədə məlumatların yayılmasına səbəb olub. Daha sonra xalq artisti sosial media hesabında Elnarənin xəstə olduğunu bildirib, onun paylaşımını isə sənətçi "Qızlar, sizi sevirəm" başlığı ilə paylaşıb. 

Könül
Musavat.com 

“Elə yerlərdə oxumaq mənə ayıb olar”.

Bu sözləri Xalq artisti Niyaməddin Musayev “Öz aramızda” verilişində qonaq olarkən deyib.

Təcrübəli sənətçi həmkarı, “Elit star” ləqəbi ilə tanınan Cəmilənin onun barəsində səsləndirdiyi “Niyaməddin Musayev də gecə klublarında oxuyur” fikrinə kəskin cavab verib:

“Mən 200, 300, 400 nəfərlik auditoriyası olan böyük, ailəvi məkanlarda çıxış etmişəm. Bu şoudur gündüz saat 12-də də başlaya bilər, gecə saat 12-də də… Amma o “gece klubu” nə deməkdir, heç mən bilmirəm.

Mənim Cəmiləyə və sənətinə hörmətim var, lakin onun dediyi elə yerlərdə heç vaxt olmamışam. Mən indiyə qədər nüfuzumu qoruyub saxlamışam. Əlbəttə, insanları təbəqələrə bölmək olmaz, hər kəs məni görmək istəyə, sevə bilər. Amma Cəmilənin iddia etdiyi məkanlarda oxumaq mənə ayıb olar. Həmin verilişə baxmamışam, amma mənə çatdırıblar ki, Cəmilə barəmdə belə sözlər deyib”./ yenicag