Müğənni Şəbnəm Tovuzlu son fotosessiyası ilə izləyicilərin diqqətini çəkib.

Sənətçi kamera qarşısına krem rəngli plaşla çıxıb və geyimin üstündən qırmızı korset seçib. Obrazını qırmızı dəri əlcəklər və eynəklə tamamlayan Şəbnəm fərqli üslubu ilə seçilib.

Sosial şəbəkə istifadəçiləri müğənninin yeni görünüşünü çox bəyəndiklərini yazıblar.

Qeyd edək ki, sənətçi geyim seçiminə görə dəfələrlə tənqidlərlə üzləşib. (Axşam.az)

107 gün reanimasiyada müalicə alan və 59 yaşında vəfat edən türkiyəli müğənni Fatih Ürek bazar günü son mənzilə yola salınıb. Sənətçinin ölümündən sonra bu dəfə onun ailəsi ilə bağlı səsləndirilən iddialar ictimaiyyətin gündəminə gəlib.

Musavat.com "Haber Global"a istinadən xəbər verir ki, “Gel Konuşalım” proqramında çıxış edən aparıcı Nur Tuğba Namlı Fatih Ürekin bacıları ilə bağlı diqqətçəkən açıqlamalar verib.

“O insan həyat uğrunda mübarizə aparırdı. İstanbul və Bodrumdakı evlərini talan ediblər. Çox konkret və etibarlı bir mənbədən eşitməsəydim, bunu əsla dilə gətirməzdim”, - deyə o bildirib.

Aparıcı Fatih Ürekin daim taxdığı bilərziklərin hazırda başqa şəxslərin qolunda olduğunu, kürklərin isə İzmirə aparıldığını iddia edib:

“Kürklərin hamısı İzmirə aparılıb. Lazım gələrsə, İzmirdəki həmin kürk evinin adını da açıqlayaram”.

Namlı Fatih Ürek hələ sağ ikən İstanbul və Bodrumdakı evlərə girildiyini və əşyaların götürüldüyünü iddia edərək baş verənlərin qəbuledilməz olduğunu vurğulayıb:

“Bir daha soruşuram: o kürklər götürülüb İzmirə aparıldımı? Kürk mağazalarına satılmağa çalışıldımı?
Qolundakı, seyfdə olan bilərziklər hazırda sizin qolunuzdadırmı? Bu necə düşüncə tərzidir?”.

Musavat.com

“Survivor”a qatılan müğənni Doğuş həyat yoldaşı Xoşqədəm Hidayətqızından məktub alıb.

O, məktubu oxuyarkən gözyaşlarına boğulub:

X.Hidayətqızı məktubunda yazıb: 

“Əziz həyat yoldaşım, sənsiz keçən hər gün çətin olsa da, ürəyimizdə ümid və səbrlə səni gözləyirik. İnanırıq ki, hər şey yaxşıdır. Sən də yaxşısan. Arda və Arın sənə sürpriz hazırlayırlar. Mənim dediyimi bilməsinlər. “Qəmsiz” mahnını pianoda ifa etmək üçün müəllimləri ilə məşqlərə başlayıblar. Hər an səni düşünürük. Sənsiz darıxırıq. Özünə yaxşı bax. Bil ki, səni sevən və həsrətlə gözləyən ailən var”.

Xatırladaq ki, Türkiyənin “TV8” kanalında yayımlanan “Survivor” yarışmasının builki proqramına bir neçə keçmiş iştirakçı qatılıb. 51 yaşlı Doğuş 14 ildən sonra yarışmada yenidən iştirak edir.//Yeni sabah

Müğənni Elit Star Cəmilə səmimi etirafı ilə gündəmə gəlib.

Sənətçi "Rəngarəng"də açıqlamasında Xalq artisti Aygün Kazımova ilə uzun illərdir çox yaxın rəfiqə olduqlarını bildirib. Cəmilə qeyd edib ki, Aygünlə çox yaxın dostluqları 5 il davam edib və bu müddət ərzində demək olar ki, bütün günlərini birlikdə keçiriblər.

Müğənni xatirələrini bölüşərək bildirib ki, Aygün Kazımovanın qızı İlqarəni ilk dəfə birinci sinfə məhz onlar birlikdə aparıblar. Bu anın onun üçün xüsusi olduğunu deyən Cəmilə Aygünə ən böyük arzusunu da dilə gətirib:

"Aygünə hər zaman deyirəm ki, ən böyük arzum onun toyunu görməkdir. Ona qayınana, nənə olmağı arzulayıram".

Hazırda da münasibətlərinin davam etdiyini vurğulayan Elit Star Cəmilə bildirib ki, Aygün Kazımova ilə indi də danışırlar.

Müğənninin bu səmimi etirafı sosial şəbəkələrdə maraqla qarşılanıb./Milli.Az