Müğənni Nüşabə Musayeva qalmaqallı açıqlamalar verib.

Milli.Az xəbər verir ki, sənət qonaq olduğu efirdə sərt atmacası ilə diqqət çəkib.

Musayeva özünü reytinq zirvəsində görüb, yaşlı sənətkarlara dil uzadan həmkarlarına yerini göstərib:

"Ağac nə qədər bar versə, başını aşağı tutar. Bu sferada yaşda və sənətdə bizim böyüklərimiz var. Gündəmdə olmaqdan ötrü, hansısa sənətkarın adını çəkib, başından böyük danışmaq olmaz. Onlar canlarını sağlamlıqlarını bu sənət yolunda veriblər.

Maşınlarını, evlərini itirib illərlə kirayələrdə yaşayıblar. Həmin sənətkarların adını çəkmək çox tərbiyəsizlikdir. O insanlara adı ölkə rəhbəri verib. Danışanda ağızdan çıxan sözə diqqət etmək lazımdır. Trend xəstəliyinə tutulublar. Mənim heç trendimdə-brendimdə yoxdur, amma mənim ayağımda olan hörmət, çoxunun heç başında yoxdur".

“Özümü tanıyan oğlanam. O pulları görəndə heç kimi onları görməmişdi. Mən o qızlar kimi əlimə dollarla yığıb video çəkdirməmişəm. Toyda gözümü yumub oxuyurdum. Həmin an cibimə pul qoydular. O pulu götürüb necə yerə ata bilərəm? Hər kişiyə, hər oxuyana da pul vermirlər. Gərək o pulu yaxşı oxuyub alasan. Müğənniyə pul verəndə nə olur? Mən əlimdə göstəriş üçün o pulu tutub oxumuram. Kişinin cibinə pul qoyarlar”.

Bu sözləri müğənni Manaf Ağayev qonaq olduğu “Gün ortası” verilişində deyib.

Sənətçi həmkarı Əməkdar artist Vasif Məhərrəmlinin proqramların birində “Manafın şabaş videosunu sildirtdim” açıqlamasına aydınlıq gətirib:

“Sənət dostum Vasif də dedi ki, cibinə arda-arda pul basırlar və bunu da görən, ehtiyacı olan var. Cavab verdim ki, necə olur ki, 10 min dollar pul verirlər heç gözləri görmür, amma cibimə 200 dollar qoyanda bu hamının gözünə görsənir. Yaxşı oxumuşam, yaxşı publika və alqış var. Dedi ki, məsləhər görürəm ki, videonu sil. Məndə onunla razılaşdım və videonu sildim. Orada böyük bir şey yoxdur. Gürcüstana toya getmişdim. Orada ayağımın altına “Xəzər” dənizi qədər ayağımın altına pul tökmüşdürlər. 40 ildir ki, bu sənətdəyəm. Məni pulla heç kim təəccübləndirə bilməz. Yaxşı oxuyana, canlı ifa göstərənə pul verərlər. Burada pis nə var ki? Məni çəkən adama deyirəm ki, gördün ki, kimsə mənə pul verir onu çəkmə, lazım deyil”.    (Olay)

Müğənni Şəbnəm Tovuzlu paytaxt məkanlarının birində səhnə alıb.

Sənətçiyə səhnədə çıxışı zamanı yaşlı kişi fanatı yaxınlaşaraq birlikdə foto çəkdirmək istəyib.

Şəbnəmi qucaqlayaraq səmimi poz vermək istəyən kişinin arzusu ürəyində qalıb. Müğənni əl hərəkəti ilə bunun qarşısını alıb.

Sözügedən görüntülər sosial şəbəkələrdə müzakirələrə səbəb olub. İzləyicilərin bəziləri ifaçının hərəkətini kişinin aztəminatlı təbəqədən olması ilə əlaqələndiriblər./Milli.az/

Müğənni Əli Mirəliyev səhhəti ilə bağlı problem yaşayır.

Musavat.com Milli.az-a istinadla xəbər verir ki, bu barədə məlumatı sənətçi özü verib.

Hətta Mirəliyev həkimlərin ona vaxt qoyduğu belə deyib.

O, göz yaşları tökərək bunları söyləyib:

"Dərmanla yaşayıram. Həkimlər vaxt qoyub. Əgər o dərmanı içməsəm, hər şey ola bilər".

Tanınmış idmançı Kamil Zeynallının şəxsi həyatı ilə bağlı məlumat diqqət çəkib.

Milli.Az xəbər verir ki, fitnes məşqçisi olan oğlu ilə birgə verilişə qatılan anası Sahilə xanım atası ilə onun münasibətlərindən danışıb.

"Kamil ilə atasının arasına girməmişəm. Münasibətlərinin yaxşı olmasını istərdim. Bu qərarı Kamil özü verib. Dedi ki, atam mənim üçün yoxdur. Əsgərlikdən gələndən sonra atası ilə görüşə getdi, amma atası oğlunu qəbul etmədi. O, birdəfəlik atasının üstündən xətt çəkdi.

Universiteti bitirəndə gördüm ki, sənədlərdə soyadına mənim soyadımı, ata adı yerinə də babasının adını yazıdırıb. Oğlum ağır həyatı keçirib, bir qarnı tox, bir qarnı ac böyüyüb. Camaat bayram edib, kabab çəkəndə, bizə vermədikləri üçün Kamil ağlayırdı. Bunlar ürəyimə dağ olub. Şükür ki, Kamilin indi hər şeyi var. Allah onu qəlbinə görə mükafatlandırdı".

Əməkdar artist Elza Seyidcahan müğənni İntiqam Kərimovu tənqid edib.

"Afaqla 10lar" verilişinə gələn sənətçiyə Vəfa Şərifovanın mahnısı səsləndirilib və kim olduğu soruşulub. O bildirib ki, bu cür ifalara qarşıdır:

"Tanımadım, belə mahnıları dinləmirəm. Belə ritmlər... Demişəm ki, mənə hörmətiniz varsa, yanımda belə mahnılar səsləndirməyin. İstəyirsinizsə kobudlaşım, özümdən çıxım belə mahnı qoyun".

Vəfanın İntiqam Kərimovun tələbəsi olduğunu eşidən Elza "Klarnet ifaçısına (Hüseyn Məhəmmədoğlunu nəzərdə tutur - red.), sənətkarın övladına "kakoy nibut tütəkçalan" deyəni tanımıram. Elə adamı tanıya bilmərəm. Tanımışamsa da, tanımamış olum" sözlərini əlavə edib.

Qeyd edək ki, İ. Kərimov "Dilbərim" ariyasını oxuyan Vəfa haqda "Heç bir opera müğənnisi bunu belə təmiz oxumur" sözlərini deyib. Bu isə bir çox sənət adamını, eləcə də klarnet ifaçısı Hüseyn Məhəmmədoğlunu özündən çıxardıb. İ.Kərimov isə Hüseynin tənqidinə "kakoy nibut tütəkçalan" deyib. (Axşam.az)

Əməkdar artist Elza Seyidcahan qalmaqallı açıqlamaları ilə diqqət çəkib.

Milli.Az bildirir ki, müğənni meyxanaçıları sərt şəkildə tənqid edərək, onları "keyxanaçı" adlandırıb.

"Meyxana mənim üçün Əliağa Vahid, Aydın Xırdalanlı, Vüqar Biləcərili, Ağasəlim Çıldaq, Ağamirzə Məmmədovdur. İndi meyxana yoxdur. Namiq Qaraçuxurlu meyxananı mahnı janrında oxuyub, sevdirib. Bu gün meyxana bir az mahnılaşıb, amma bu o demək deyil ki, bütün müğənnilər gəlib meyxana oxumalıdır. Mən bəzi meyxanaçıları "keyxanaçılar" adlandırıram. Əgər bir meyxanaçı ki, yazdığı şeiri dərk etmir və o sözləri ilə gənclərin tərbiyəsini pozur, "ç" hərfini "dzı" kimi tələffüz edir, "Jeep"ləri alıb, altına qoyur, biznes açıb, danışığını bilmir, onun adı "keyxanaçıdır". Bunu deməyə isə mənim ixtiyarım var. Bu gün mən Yazıçılar və Bəstəkarlar İttifaqının üzvü olaraq deməsəm o zaman ixtiyarım yoxdur üzvlüyü daşımağa".

Müğənni Günel Ələkbərova qalmaqallı açıqlamalar verib.

İfaçı atasından gileylənib:

"Atam dünyasını dəyişib. Bu haqda danışmaq istəmirəm. Onun həyatda olmamağı məni məyus etmir. Çünki mən ondan nə sevgi, nə də qayğı görməmişəm. Hətta həyatımda nə isə baş veribsə, bu atasızlıqdan olub. Həyatımda nə isə düz getməyəndə həmişə onu günahlandırıram. Heç vaxt onu bağışlamayacağam, baxmayaraq ki, o, dünyasını dəyişib. O, pis insandır. Yaxşı insan övladını heç vaxt atmaz".

O, atasını belə xatırladığını ifadə edib:

"Mənə zəng elədilər ki, can üstədir səni görmək istəyir. Getmədim. İndiyə qədər onu bağışlamıram. Bağışlamayacağam da. Ümumiyyətlə, uşaqlıqdan mən onu tanımırdım. Məktəbdə oxuyanda məni oğurlamaq istəyiblər. Bir də universitet vaxtlarında gəlmişdi ki, mən sənin atanam, ananla bizi ayırdılar. Anamla sevib ailə qurmuşdular. Mənim ataya ehtiyacım olan zamanlarımda yanımda olmadı, böyüyəndən sonra iki dəfə cəhd göstərdi deyə, bu o demək deyil ki, yaxşı atadır. Elə bir şey yoxdur.

Arzu edirəm ki, bütün övladlar, xüsusilə də qızlar atası ilə böyüyər. Çünki atasız qıza çətindir. Bizim cəmiyyətdə də yanaşma fərqlidir. Baxırsan ki, ağıllı, kamallı, savadlı qızdır. Ancaq atası yoxdur deyə bir az başqa cür baxırlar"./Yenisabah.az