Əməkdar artist Rühəngiz Allahverdiyeva efirdə səsləndirdiyi fikirlərlə diqqət çəkib.

Sənətçi geyim tərzi və illər öncəki imici ilə bağlı maraqlı məqamlara toxunub.

O, bildirib ki, səhnə fəaliyyəti dövründə müxtəlif üslublara üstünlük verib:

"Həmişə şalvar da geyinmişəm, cins şalvar da geyinmişəm. Qısa geyimlərim də olub, şəkillərimdə var. O vaxt sosial şəbəkələr yox idi, çoxları bilmir. Bilənlər bilir", - deyə sənətçi vurğulayıb.

Allahverdiyeva həmçinin zövqünün hər zaman olduğunu və xarici görünüşü ilə bağlı bir çox işi özü gördüyünü qeyd edib:

"Zövqüm də var. Saç düzümümü özüm edirəm. O vaxt geyimimi, saçımı - hər bir şeyə bacarığım var idi, özüm hazırlayırdım".

Sənətkarın bu açıqlaması sosial mediada maraqla qarşılanıb və izləyicilər tərəfindən müzakirə olunub./Milli.Az

Müğənni Sevda Kazımovanın səhhətində problem yaranıb.

Bu barədə ifaçı "Xəzər axşamı" verilişində danışıb. O, proqramların birində əsəbiləşdiyi üçün ürəyində problem yarandığını bildirib:

"Verilişlərin birində əsəbiləşdim, yəqin ki, bilmədən oldu. Amma gözləməzdim ki, məni belə əsəbiləşdirə bilərlər. Birdən oğlum və gəlinim haqqında sual verməyə başladılar. Əsəbiləşdim ki, məndən danışın. Bu, birbaşa ürəyimə təsir etdi. Açıq ürək əməliyyatı olunacaqdım, damarlarım tutulmuşdu. Amma sonra stent qoydular. İndi dərman yazıblar. Ömrümün sonuna qədər onu qəbul etməliyəm.

Çox xahiş edirəm aparıcılardan, mənim üçün hər şey ləyaqətdir. Bunu heç kim tapdaya bilməz. Bu yaşa kimi buna icazə verməmişəm. Müğənnilər də yerdən çıxmayıb, hamının ata-anası var. Elə suallar verirlər ki... Demişəm ki, etməyin. Xəbərdarlıq etmişəmsə, deməli, olmaz".(Axşam.az)

Müğənni Elvin Mirzəzadə də Dubayda qalıb.

Musavat.com xəbər verir ki, tətil üçün ora yollanan Elvin uçuşların ləğv edildiyini bildirib:

“Maraqlanan, nigaran qalan dostlar, doğmalar. Tranzit uçuşla martın 3-ü Bəə-nin Şarja şəhərinə getməliyəm. Məlum məsələlərə görə hava yolları bağlıdır. Açılıb-açılmaması sual altındadır. Ümid edirəm tezliklə atəşkəs baş tutar, içi mən qarışıq bütün xarici ölkələrdə qalan vətəndaşlarımız vətənə dönər. Diqqətiniz üçün minnətdaram”.

Könül
Musavat.com

Son günlər sosial şəbəkələrdə və şou-biznes gündəmində geniş müzakirələrə səbəb olan müğənnilərin efir qadağası ilə bağlı yayılan siyahı ətrafında yeni detallar ortaya çıxıb.

Musavat.com bildirir ki, müğənni Afət Fərmanqızı məsələ ilə bağlı açıqlama yayaraq, iddiaların həqiqəti əks etdirmədiyini bildirib.

O qeyd edib ki, adı sözügedən siyahıda hallanan ifaçılar məsələni aydınlaşdırmaq üçün bir araya gəlib və araşdırma aparıblar:

"Başda aşıq Namiq Fərhadoğlu olmaqla təxminən 20-yə yaxın müğənni toplantı keçirərək yayılan məlumatların doğruluğunu yoxlamağa çalışdıq. Məlum oldu ki, ümumiyyətlə belə bir siyahı yoxdur. Bütün televiziya kanalları ilə əlaqə saxladıq, onlar da bildirdilər ki, efir qadağası ilə bağlı heç bir rəsmi siyahı mövcud deyil”.

Müğənni bildirib ki, Namiq Fərhadoğlu məsələni dəqiqləşdirmək üçün aidiyyəti qurumlarla da əlaqə saxlayıb və müxtəlif ünvanlara müraciətlər edib. Lakin bütün sorğulara eyni cavab verilib ki, yayılan məlumatların əsası yoxdur.

Afət Fərmanqızı əlavə edib ki, televiziya nümayəndələri ona şəxsən efir qadağasının olmadığını bildiriblər:

“Mənə dedilər ki, bu gün efirə çıxmaq istəsən, verilişlərin qapısı üzünə açıqdır. Araşdırma zamanı məlum oldu ki, verilişi bağlanan aparıcılardan biri bilərəkdən belə siyahı hazırlayıb ki, gündəmi dəyişsin və diqqəti özündən yayındırsın”.

Xalidə Gəray
Musavat.com

Müğənni Ofelya Şabanova barəsində sosial şəbəkələrdə yayılan "efir qadağası" iddialarına münasibət bildirib.

Sənətçi haqqında yayılan məlumatlarda onun bəzi televiziya kanallarında efirə çıxışına məhdudiyyət qoyulduğu qeyd olunurdu. Lakin Ofelya Şabanova bu xəbərlərin həqiqəti əks etdirmədiyini açıqlayıb.

İfaçı açıqlamasında məsələyə aydınlıq gətirib. O, bildirib ki, yayılan söz-söhbətlər əsassızdır və hər hansı qadağa mövcud deyil:

"ATV, ARB və Xəzər TV-nin məsul şəxsləri ilə əlaqə saxladım. Onlar mənə bildirdilər ki, belə bir göstəriş verilməyib. Mənə qarşı məqsədli şəkildə bu cür məlumatlar yayılır. Deyilənlər tamamilə yalandır".

Müğənni qeyd edib ki, onun fəaliyyətinə hər hansı maneə yoxdur və hazırda yaradıcılıq işlərini davam etdirir. Ofelya Şabanova həmçinin izləyicilərini rəsmi açıqlamalara inanmağa və əsassız paylaşımlara aldanmamağa çağırıb./Milli.Az