Müğənni Mətanət Əsədova sosial şəbəkələrdə efirdəki davranışlara sərt reaksiya verərək Fərəh Samirəqızı və Kəmalə Günəşlini tənqid edib.

"Bu nə hərəkətdir? Bu nə tərbiyədir? Utan, xəcalət çək! Ayıbdır, belə əxlaqsızları, tərbiyəsizləri efirə buraxmayın!" - deyə o bildirib.

Müğənni vurğulayıb ki, illərlə sənətdə zəhmət çəkən və müəyyən mövqe qazanan insanlara qarşı efirdə alçaldıcı münasibət sərgilənməsi yolverilməzdir. O, televiziya rəhbərlərinə də məsuliyyətlərini xatırladaraq bu cür halların qarşısının alınmasının vacibliyini qeyd edib.

Hazırda məsələ sosial şəbəkələrdə geniş müzakirə olunur və istifadəçilər mövzu ilə bağlı fərqli mövqelər səsləndirirlər.

Milli.az

Müğənni və model Müjgan Ayxan şəxsi həyatı ilə bağlı açıqlaması ilə diqqət çəkib.

Sənətçi aparıcı Nigar Fərhadın suallarını cavablandırarkən yaxın zamanda ailə qurmağa hazırlaşdığını bildirib.

İfaçı qeyd edib ki, həyatında olan şəxs azərbaycanlıdır, lakin uzun müddət ölkədən kənarda yaşayıb:

"Subaydır, Azərbaycanda yaşamayıb, burada da olmayıb. Amma azərbaycanlıdır. Milyonçudur, işləyir. Maşını 'Range Rover'dir. Mənə bahalı hədiyyələr edir və ailə qurmaq niyyətindədir. Valideynlərimiz də artıq danışıb".

Müjgan Ayxan münasibətlərə baxışının dəyişdiyini də vurğulayıb:

"Özüm təzə ağıllanmışam. Sevgi-filan boş şeydir, əsas ciddi münasibətdir. Sevən insan yanında, evində, səninlə birlikdə olar".

Sənətçi ikili münasibətləri qəbul etmədiyini də bildirib: "İkili sevgim mümkün deyil. İstər qadında, istər kişidə bu alınmır. Bir kişi səni sevirsə, necə başqa yerdə başqa qadınla ola bilər?".

Onun bu açıqlamaları sosial şəbəkələrdə geniş müzakirələrə səbəb olub. İzləyicilər sənətçinin münasibətlərə dair fikirlərini müxtəlif cür dəyərləndiriblər.

"Pul xoşbəxtlik deyil, amma insanı güclü edir. Xobəxtlik anlardır. Problem yoxdursa xoşbəxtlikdir. Problem olanda unudursan".

Bu sözləri müğənni Nadir Qafarzadə "Zarafat bir yana" proqramənda deyib. Puldan danışan sənətçi qızların imkansız oğlanla ailə qurması məsələsinə toxunub:

"Pul isə çox şeydir, insanı güclü edir. Həyat 90 faiz pul üstündə qurulub. 15 il əvvəl pul hər şey deyildi. Qızlar pulsuz insanla yaşamaq istəyir? Ömürboyu kasıb yaşayıramsa, nə edim sevgini?". (Axşam.az)

Aparıcı Zümrüd Bədəlova açıqlaması ilə diqqət çəkib.

Zümrüd "Gün ortası" verilişində şou-biznesdə danışmadığı şəxslərdən söz açıb:

"Demişəm, sürpriz edəndə demədən edin ki, təbii olsun. Amma incidiyim biri olsa... Şou aləmində 3 nəfər var ki, onların üzünü görüb, səsini eşitmək istəmirəm. Məclislərdə, ad günlərində gəldikləri məkanlardan çıxıb gedirəm. Bu gün onlardan biri gəlsə, çıxıb gedərəm"/milliaz

Aparıcı Zaur Baxşəliyev səsləndirdiyi fikirlərlə yenidən gündəmə gəlib.

O, aparıcısı olduğu "Bizimləsən" verilişində efir həyatından yorulduğunu etiraf edib.

Canlı yayım zamanı səmimi danışan aparıcı artıq uzun illərdir davam edən gərgin tempin və psixoloji yükün onu yorduğunu bildirib:

"Həqiqətən artıq yoruluram. Bu qədər əsəb-stress çəkmək çox çətindir. Bir gün bir yerdə nöqtəni qoyub çıxıb gedəcəyəm. İnanın ki, artıq səbrim çatmır".

Zaur Baxşəliyev onu tənqid və ya təhqirlərin əsəbiləşdirmədiyini də xüsusi vurğulayıb: "Mənə kimin isə tənqidi, təhqiri qətiyyən təsir etmir, o şeylərə çox dözümlüyəm. Amma insan ümumi gərginlikdən yorulur".

Aparıcının bu sözləri sosial şəbəkələrdə geniş müzakirələrə səbəb olub. İzləyicilərin bir qismi onu dəstəkləyərək çətin sosial mövzularla işləməyin ağır olduğunu qeyd edib, digərləri isə verilişin davam edib-etməyəcəyi ilə bağlı suallar ünvanlayıblar./Milli.Az

Səbinə Selcan "Tarixin bir günü" canlı efirində şəxsi həyatı ilə bağlı yayılan iddialara münasibət bildirib.

Müğənni "Ərimi əlimdən alıb" söz-söhbətlərinə ilk dəfə aydınlıq gətirib.

Səbinə Selcan qeyd edib ki, adı belə məsələlərdə hallanmayıb və yayılan məlumatlar həqiqəti əks etdirmir:

"Heç kimi əri uşaq deyil ki, konfet verib, aldadıb yanıma gətirim. O, qadının kim olduğunu, başına nə gəldiyini bilmirəm. Əri ilə ayrılıb, ya yox bilmirəm. Ərinə hörməti yoxdursa, övladlarının xatirinə belə etməz. Məni də yığdı".

Müğənni həmçinin vurğulayıb ki, Zenfiranın telefon nömrəsi şəxsən özündə yoxdu: "Bizim nömrələrimizi ona kim verib, bilmirəm".

Onun açıqlamaları sosial şəbəkələrdə marağa səbəb olub və tamaşaçılar tərəfindən geniş müzakirə olunub./Milli.az/