Müğənni Vüqar Muradov şəxsi həyatı ilə bağlı səmimi etirafı ilə diqqət çəkib.

Yenixeber.org-un məlumatına görə, sənətçi bildirib ki, bir müddət evlilik mövzusu ona qorxulu görünüb və hətta ümumiyyətlə ailə qurmamaq barədə də düşünməyə başlayıb. Onun sözlərinə görə, bu düşüncələr müəyyən psixoloji gərginlik yaradıb.

Müğənni qeyd edib ki, əsas qorxularından biri gələcəklə bağlı olub. O, ailə quracağı halda illər sonra başına nəsə gələ biləcəyi və övladının atasız böyüyə biləcəyi ehtimalını düşündüyünü deyib.

Bununla yanaşı, sənətçi özünü ailəcanlı insan hesab etdiyini də vurğulayıb. Muradov bildirib ki, əgər ailə qursa, məsuliyyətli həyat yoldaşı və yaxşı ata olacağına inanır. Muradov əlavə edib ki, xarakterində keçilə biləcək qüsurlar ola bilər. 

Müğənninin bu açıqlaması sosial şəbəkələrdə geniş müzakirələrə səbəb olub.