Prezidentin "ABŞ-ın dost olmayan hərəkətləri ilə əlaqədar Rusiya və RF Mərkəzi Bankına dəymiş zərərin xüsusi kompensasiya qaydası haqqında" Fərmanı hüquqi aktların rəsmi portalında dərc edilib.
Rusiya Prezidenti Vladimir Putin Rusiya şirkətlərinə ABŞ-ın Rusiyada yerləşən əmlakından istifadə edərək, Amerika Birləşmiş Ştatlarındakı əmlaklarının ələ keçirilməsi nəticəsində dəymiş ziyanı kompensasiya etmək imkanı verib.
Rusiya lideri artıq müvafiq sənədi imzalayıb.
"Aif.ru" saytı bu barədə məlumat verib.
Prezidentin 23.05.2024-cü il tarixli 442 nömrəli "Amerika Birləşmiş Ştatlarının dost olmayan hərəkətləri ilə əlaqədar Rusiyaya və Rusiya Federasiyasının Mərkəzi Bankına dəymiş zərərin xüsusi kompensasiya qaydası haqqında" Fərmanı hüquqi aktların rəsmi dərc portalında dərc edilib.
Orada ABŞ-ın qeyri-dost hərəkətləri ilə əlaqədar Rusiyaya və Rusiya Federasiyası Mərkəzi Bankına dəymiş zərərin ödənilməsi üçün xüsusi prosedurun müəyyən edilməsi ilə bağlı hökumətə göstərişlər var.
Xüsusilə, sənəddə qeyd olunub ki, Rusiya Federasiyasından olan hüquq sahibi öz ölkəsinin qanunlarına əsasən ABŞ tərəfindən əmlakının qanunsuz ələ keçirilməsini müəyyən etmək üçün məhkəməyə müraciət edə bilər.
Eyni zamanda, Rusiyadakı Məhkəmələr Rusiya Federasiyasının ərazisində yerləşən ABŞ şirkətlərinə və vətəndaşlarına məxsus daşınar və daşınmaz əmlak, qiymətli kağızlar və Rusiya şirkətlərinin nizamnamə kapitalındakı paylardan Rusiya aktivlərinin ələ keçirilməsindən dəyən ziyanı kompensasiya etmək hüququ əldə ediblər.

Məşhur “Forbes” nəşri rusiyalı milyarderlərin ən zəngin varislərinin növbəti reytinqini dərc edib.

Yeniavaz.com xəbər verir ki, ötən illərdə olduğu kimi bu il də siyahıya “Lukoyl”un təsisçisi azərbaycanlı milyarder Vahid Ələkbərovun oğlu Yusif Ələkbərov rəhbərlik edir.

34 yaşlı Yusif Ələkbərov ailənin yeganə övladı olduğu üçün Vahid Ələkbərovun bütün sərvətinin də yeganə varisi hesab olunur.

Qeyd edək ki, açıqlanan son məlumatlara görə Vahid Ələkbərovun ümumilkdə 28,6 milyard dollar sərvəti var.

Reytinqdə ikinci yeri “Novatek” və “Sibur” şirkətlərinin sahibi olan Leonid Mixelsonun övladları yer alır.

Leonid Mixelsonun ümumilkdə 27,4 milyard dollar sərvəti var. Bu sərvətin yarısı – 13,7 milyard dolları Mixelsonun 32 yaşlı qızı Viktoriyaya, digər yarısı isə Mixelsonun adı açıqlanmyan 9 yaşlı oğluna çatacaq.

Dünyanın 10 ölkəsində insanlar gəlir vergisindən azaddır.

İndex.az xəbər verir ki, “World Index”in araşdırmasına görə, bu ölkələrin əksəriyyəti ərəb ölkələridir.

İndex.az gəlir vergisinin olmadığı ölkələri sizə təqdim edir:

Bakıda fəaliyyət göstərən ictimai nəqliyyatlarda gedişhaqqı stabil olaraq 0,40 AZN hesablanır.

Lakin bəzi marşrut avtobuslarının getdiyi məsafə uzaq olduğu üçün həmin marşrut avtobuslarında gedişhaqqı məsafəyə uyğun olaraq 0,45, 0,50, 0,60 AZN təşkil edir.

Bəs sərnişinlər marşurut ilə qısa məsafə qət etdikdə niyə gedişhaqqı məsafəyə görə hesablanmır?

Məsələn, gedişhaqqı qiyməti 0,60 AZN təyin edilmiş marşrutlarda 1 dayanacaq belə getsəniz yenə də, 0,60 AZN ödəməli olacaqsınız.

İndex.az məsələ ilə bağlı deputat Vüqar Bayramov ilə əlaqə saxladı.

İndex.az-a danışan Vüqar Bayramov bildirdi ki, nəqliyyat sektorunda ödəniş sisteminə yenidən baxılmasına və təkmilləşdirilməsinə ehtiyac var:

“Dünya praktikasına nəzər salsaq görərik ki, bir sıra ölkələrdə gedişhaqqı üçün günlük, həftəlik və aylıq kartlardan istifadə olunur. Bu kartlar vasitəsi ilə sərnişinlər nisbətən daha az ödəniş edirlər. Bununla yanaşı məsəfayə uyğun olaraq ödənişin müəyyənləşdirilməsi də, məqsədəuyğundur. Belə olduqda, daha az məsafə qət edən sərnişinlər daha az ödəniş edə bilərlər”.

Deputat bildirdi ki, ödəniş sisteminin təkmilləşdirilməsi nəqliyyat sektorunda ödənişlərin sistemləşdirilməsinə şərait yaradacaq:

“Ödəniş sisteminin təkmilləşdirilməsi nəqliyyat sektorunda ödənişlərin sistemli şəkildə cəlb edilməsini asanlaşdıracaq. Bununla yanaşı, mütəmadi olaraq ictimai nəqliyyatdan istifadə edən insanların daha ucuz qiymətlərlə səyahət etməsinə imkan verəcək”.

Milli Məclisin növbədənkənar sessiyası çağırılacaq.
Bununla bağlı deputatlar arasında imza toplanılmasına başlanılıb.
Milli Məclisin Daxili Nizamnaməsinə əsasən, növbədənkənar sessiyasının çağırılması üçün müvafiq qaydada imzalar toplanmalıdır.
Milli Məclisin sədri 42 deputatın tələbi əsasında parlamentin növbədənkənar sessiyasını çağırır.
Qeyd edək ki, növbədənkənar sessiyada hansı məsələlərin müzakirə olunacağına dair hələlik heç bir açıqlama verilməyib.
Məlumata görə, sessiyada Milli Məclisin indiki tərkibinin özünü buraxması barədə qərar qəbul edilə bilər.
Məsələ ilə bağlı Referans.Az-a deputat Elman Nəsirov danışıb:
"Əvvala onu qeyd edim ki, fevral ayının 1-dən may ayının 31-dək Parlamentin yaz sessiyasının müddətidir. Mayın 31-i yaz sessiyası bitir. Hər il deputatların imzası ilə növbədənkənar sessiya çağırılır. Bu sessiya müddəti iyul ayının ortalarına qədər fəaliyyət göstərir. Təxminən 45 gün ərzində yeni-yeni qanunlar qəbul edilir və bu da Parlamentin fəaliyyətinin daha səmərəli təşkil edilməsi üçün çox önəmli məsələdir. Bu il də oxşar proses baş verməkdədir. Həmişə olduğu kimi növbədənkənar sessiya çağırılır, təsdiqini gözləyən qanunların müzəkirəsi bu sessiya çərçivəsində təmin ediləcəkdir".
Millət vəkili qeyd edir ki, növbədənkənar sessiya iclasları hər il baş verir və yeni qanunlar gəlir: "Yəqin ki, biz büdcənin dürüstləşdirilməsi məsələlərinə baxacağıq. Büdcəyə bu və ya digər dəyişikliklər ola bilər. Bu məsələlər indi aktualdır".
Parlament üzvü Parlament seçkilərində yenidən iştirakı ilə bağlı sualı da cavablandırıb: "Bilirsiniz ki, mən hakim partiyanı Parlamentdə təmsil edən deputatlardanam. Hakim partiya növbəti seçkilərdə öz siyahısını müəyyəm edir və həmin siyahı təsdiqəndikdən sonra müvafiq dairələr üzrə namizədlər seçki prosesinə qatılır. Səsverən xalqdır. Xalqın seçdiyi insan isə Parlamentdə təmsil olunur".

Şəlalə Babayeva

“Qiymətləndirmə fəaliyyəti ilə məşğul olmaq üçün ixtisas imtahanlarının təşkili və keçirilməsi, qiymətləndiricinin ixtisas şəhadətnaməsinin forması və verilməsi Qaydaları” təsdiqlənib.
Bununla bağlı Baş nazir Əli Əsədov qərar imzalayıb.
Eyni zamanda ixtisas imtahanlarında iştirak etmək üçün ödənişin məbləği də müəyyən edilib. Ödənişin məbləği 98 manat müəyyən edilib.

Yay fəslində vətəndaş rayonlara üz tutur. Amma bir çox insan rayonlarda yerləşən otellərin qiymətindən şikayətçidir. Onlar qiymət artımından narazıdırlar. Bəs Azərbaycanda otellərin qiymətlərinin baha olmasının səbəbi nədir?

Məsələ ilə bağlı turizm ekspert Göydəniz Qəhrəmanov Sonxeber.az-a açıqlama verib.

Ekspert qiymətlərin baha olmasının səbəbini otellerın az olması ilə əlaqələndirib. O bildirib ki, elə rayonlarımız var ki, orada otellerin sayı o qədər də çox deyiı:

"Təəssüflər olsun ki, elə rayonlarımız var ki, orada otellerin sayı o qədər də çox deyil. Bu da öz növbəsində qiyməti təsir edir. Əgər otellerin sayı artsa, həm qiyməti təsir edəcək, həm də hər büdcəyə uyğun təkliflər olacaq. Amma hazırda otellerin sayı az olduğu üçün, həm qiymət baha, həm də seçim azdır. Elə rayonlarımız var ki, orada sadəcə 1 otel var. Bu zaman da qiymət baha olur. Otellərin sayı çoxalsa, reqabet də artacaq. Yerli iş adamlarının bu məsələyə maraq göstərməsi çox yaxşı olardı. Bu zaman yerli vətəndaş işlə təmin olunar. Otellerinin sayının artması qiymətin düşməsinə təsir edəcək. Eyni zamanda rəqabət olaraq xidmət sahəsi də qalxacaq".