 |
|
|
Rusiya Prezidenti Vladimir Putin imzaladığı fərmanla dost ölkələr üçün neft məhsullarını daha aşağı qiymətlə satmağa qərar verib.
Xarici KİV xəbər verir ki, həmin dövlətlər Ukrayna münaqişəsində Rusiyanı dəstəkləyən ölkələrdir.
Qeyd edək ki, Putinin 2022-ci il dekabrın 27-də imzaladığı fərmanla Avropa İttifaqı ölkələri Rusiya neftini yüksək qiymətlə satın ala biləcəklər.
Böyük Britaniyada qeyri-adi sərgi ərsəyə gətirilib.
BAKU.WS xarici KİV-ə istinadən xəbər verir ki, kral iləsi üzvlərinin qeyri-etik fotoları çəkilib. Bəziləri fotoların süni intellektlə ərsəyə gəldiyini düşünsə də, şəkillər həqiqidir.
Fotoların çəkilməsində kral ailəsi üzvlərinə bənzəyən adamlar iştirak ediblər. Onlar ailə daxili münaqişələri və Kamillanın açıq-saçıq geyimlərini nümayiş etdiriblər.
Fotoları məşhurların oxşarlarının şəkillərini çəkən Alison Cekson lentə alıb. Şəkillərdə Kral Çarlz, kraliça Kamilla, Şahzadələr Uilyam, Harri və kral ailəsi gəlinləri Meqan Marklla Keyt Middlton yer alıblar.
"The Crown" adlı sərgi Londondakı qalereyalardan birində nümayiş olunacaq. Ziyarətçilər sərgini mayın 27-nə qədər pulsuz izləyə biləcəklər.
Ukrayna Prezidenti Volodimir Zelenski Böyük Britaniyanı Ukrayna üçün hava koalisiyasının formalaşdırılmasında liderliyi öz üzərinə götürməyə çağırıb.
Bu barədə dövlət saytında məlumat verilib.
Zelenski bu barədə Böyük Britaniya Baş nazirinin milli təhlükəsizlik məsələləri üzrə müşaviri Timoti Barrou ilə görüşündə deyib.
Zelenski Ukraynaya müdafiə dəstəyi məsələsində Böyük Britaniyanın liderlik mövqeyini qeyd edib.
“Sizdən xahiş etmək istəyirəm ki, tərəfdaşları Ukraynanı bütün lazımi silah və hərbi texnika ilə təmin etməyin zəruriliyinə inandırmağa davam edəsiniz”, - deyə o qeyd edib.
Zelenski və Böyük Britaniya baş nazirinin müşaviri Ukraynaya gələcək müdafiə yardımı ilə bağlı məsələləri müzakirə ediblər.
Zelenski xüsusilə Qərb tipli hərbi təyyarələrin, eləcə də Rusiyaya müqavimət göstərmək üçün lazım olan müxtəlif silah növlərinin Ukraynaya təhvil verilməsinin vacibliyini vurğulayıb.
O, Böyük Britaniyanı Ukrayna üçün hava koalisiyasının yaradılmasında liderliyini öz üzərinə götürməyə çağırıb.
Mənbə: UNİAN
ABŞ-ın keçmiş prezidenti Donald Tramp Respublikaçılar Partiyasından prezidentliyə namizədlərin hamısını əhəmiyyətli fərqlə qabaqlayıb.
Publika.az xəbər verir ki, bunu Emerson Kollecinin sorğusunun nəticələri sübut edir.
Trampın namizədliyini partiyanın tərəfdarları arasından sorğuda iştirak edən seçicilərin 62%-i dəstəkləyir. Seçki kampaniyasında iştirakını hələ rəsmən açıqlamayan Florida qubernatoru Ron DeSantis sorğuda cəmi 16% səs toplayıb.
Beləliklə, cəmi bir ay ərzində Trampın reytinqi yeddi faiz bəndi yüksəlib.
Respublikaçılar arasında populyarlıq baxımından üçüncü yeri 7% səslə ABŞ-ın keçmiş vitse-prezidenti Mayk Pens tutur.
Aprelin 24-25-də keçirilən sorğuda Respublikaçılar Partiyasının 445 seçicisi iştirak edib.
Qeyd edilib ki, eks prezidentə qarşı ittihamlar ona respublikaçıların rəğbətini qaytarıb.
Türkiyə Prezidenti Rəcəb Tayyib Ərdoğan Akkuyu AES layihəsini Türkiyənin Rusiya Federasiyası ilə birgə həyata keçirdiyi ən böyük sərmayə adlandırıb.
O, bu barədə cümə axşamı Ankaradan videobağlantı vasitəsilə iştirak etdiyi stansiyaya ilk nüvə yanacağının çatdırılması mərasimində bildirib.
“Akkuyu stansiyası bizim Rusiya ilə ən böyük müştərək sərmayəmizdir. Öz adımdan və xalqım adından Rusiyaya və Prezident Vladimir Putinə təşəkkür edirəm. Tikintidə əməyi olan bütün işçiləri təbrik edirəm. Bir çox belə mühüm layihələr kimi, Akkuyu layihəsi də büdcəmizə yeni yük əlavə etməyən maliyyə modelinə uyğun həyata keçirilir. Bunun sayəsində Rusiya ilə birgə tezliklə ölkəmizdə ikinci və üçüncü analoji qurğuların tikintisinə başlanacaq”, - deyə Ərdoğan qeyd edib.
Ukraynaya atəşi dayandırmaq yönündə çağırışlar sinizmdir. Rusiya lideri Vladimir Putin istəyərsə, Ukraynada sülh ola bilər.
Axar.az xəbər verir ki, bu sözləri ABŞ-ın Macarıstandakı səfiri Devid Pressman deyib.
“Ölkənizin torpaqlarının 20 faizi işğal altında olduğu halda, atəşi dayandırmaq yönündə çağırış etmək sinizmdir. Atəşin dayandırılacağı halda Putinin danışıqlar masasına əyləşəcəyi, qoşunlarını çıxaracağı inandırıcı deyil”, - deyə səfir bildirib.
Nigeriyanın Federal Paytaxt Ərazisində (FCT) silahlı şəxslərin hücumu nəticəsində 29 nəfər qaçırılıb.
Manset.az Daily Trust qəzetinə istinadən xəbər verir ki, ötən gecə FCT-nin Kvali rayonundakı Yewuti kəndinə gələn silahlı şəxslər atəş açıb.
Hücumda aralarında uşaqların da olduğu 29 nəfər qaçırılıb, 2 nəfər isə təcavüzkarların əlindən qaça bilib.
Kvali rayonunun keçmiş vitse-prezidenti Alhaji Zubairu Cibrin oğurlananlar arasında onun qardaşı və qardaşının ailəsinin də olduğunu bildirərək hücumu təsdiqləyib.
Cibrin qaçırılanların azad edilməsi üçün hökumətdən təcili yardım istəyib.
Qeyd edək ki, Nigeriyada adam oğurluğu ölüm cəzası ilə cəzalandırılır, lakin fidyə müqabilində adam oğurluğu adi hal alıb. Ölkədə artan təhlükəsizlik problemlərinə qarşı mübarizə çərçivəsində silahlı şəxslərə fidyə ödəmək qadağan edilib.
“Məhmətçik son bir həftədə Şimali İraq və Suriyada 21 terrorçunu zərərsizləşdirib”.
APA TRT Haber-ə istinadən xəbər verir ki, bunu Türkiyənin milli müdafiə naziri Hulusi Akar bildirib.
“İnşallah son terrorçunu zərərsizləşdirənə qədər mübarizə davam edəcək” – deyə Akar qeyd edib.
Rusiyanın xarici işlər nazirinin müavini Mixail Qaluzin İrəvana gedib.
O, ermənistanlı həmkarı ilə sülhməramlıların nəzarət zonasındakı vəziyyəti müzakirə edib. Həmçinin, Mixail Qaluzin və Ermənistanın xarici işlər naziri Ararat Mirzoyan İrəvanda keçirilən görüşdə üçtərəfli razılaşmalara uyğun olaraq Ermənistan-Azərbaycan münasibətlərinin normallaşmasının bütün yolları üzrə səylərin gücləndirilməsinin zəruriliyini qeyd ediblər.
Qeyd edək ki, Rusiya XİN başçısının müavinin Ermənistana yeni təkliflə getdiyi iddia olunur.
Maraqlıdır, Kremlin yeni təklifi nə ola bilər?
TEREF.AZ-ın məlumatına görə, mövzu ilə bağlı Cebhe.info-ya açıqlama verən politoloq Natiq Miri bildirib ki, Rusiyanın gündəmində və marağında olan əsas məsələ Azərbaycanla Ermənistan arasındakı sülh prosesini öz nəzarətindən çıxmağa imkan verməməkdir:
“Bunun üçün hüquqi cəhətdən Rusiyanın əlindəki yeganə təsir vasitəsi 10 noyabr 2020-ci ildə imzalanan üçtərəfli Bəyanatdır. Lakin bu məsələnin icrası məsələsi demək olar ki, tam olaraq dayandırılıb. Əlbəttə ki, bu məsələdə Ermənistan günahkar olduğu qədər, Rusiya da günahkardır. Çünki Kreml özünün geosiyasi maraqları konteksində sülh prosesini və Qarabağdakı ermənilərin Azərbaycana inteqrasiya məsələsini süni olaraq ləngitməklə elə bil vəziyyət yaratdı ki, digər qlobal güclər bundan istifadə edərək regiona müdaxilə imkanı qazandı. Nəticədə, bu gün Ermənistanda KTMT mövcud deyil, amma Avropa İttifaqının 100 nəfərlik müşahidə missiyası yerləşdirilib. Sonradan ayılan Rusiya bunu kompensasiya etmək üçün ciddi şəkildə çalışır”.
Politoloq qeyd edib ki, gələcəkdə Kremlin bu prosesdən sıxışdırılıb çıxarılması və onsuz sülh müqaviləsini imzalamaq mümkün olarsa, Rusiyanın birdəfəlik Cənubi Qafqazdan çıxmasına gətirib çıxaraq:
“Çünki artıq bu proses başlayıb və Rusiya da onun qarşısını almağa çalışır. Buna görə də Mixail Qaluzinin Ermənistana səfərinin məqsədi yenidən 10 noyabr Bəyanatının icra olunması məsələlərini müzakirə etmək və yeni müzakirə predmetləri yaratmaqdan ibarətdir. Rusiya nəinki 10 noyabr Bəyanatının icrasını, eyni zamanda öz ərazisində Azərbaycanla Ermənistan arasında görüş belə təşkil edə bilmir. Yəni Kreml o qədər zəifləyib ki, onun istəklərinə Ermənistan adekvat cavab vermir. Rusiya da yenidən bütün bunların bərpa olunmasına çalışır. Nə qədər nail olub-olmayacağını yaxın gələcəkdə görəcəyik. Həmçinin, Moskva İrəvana müəyyən vədlər də verə bilər.
Ən azından Ermənistan sərhədinin təhlükəsizliyini KTMT qoşunlarının tərəfindən təmin olunmasını da təklif edə bilər. Ancaq Ermənistan hakimiyyəti buna imkan vermək istəmir. Azərbaycanın Ermənistanla sərhəddə, Laçın-Xankəndi yolunun başlanğıcında öz nəzarət-buraxılış məntəqəsini qurması Ermənistanın Rusiyaya etimadı daha da azalıb. Ermənistan hələ də Rusiyadan Laçın-Xankəndi yolunun açılmasın da tələb edir. Əlbəttə ki, bu da mümkün deyil. Çünki Rusiya Azərbaycan və Türkiyə ilə münasibətləri pozmaq istəmir. Bütün bunlara görə Qaluzinin Ermənistana növbəti səfərinin nə qədər effektli olacağı da sual altındadır”.
Bütün İranda olduğu kimi, Güney Azərbaycanda da rejimə qarşı etirazlar davam edir və bu fonda milli kimlik məsəsləsinə artlq getdikcə daha çox diqqət edilir.
Belə bir vaxtda xüsusi diqqət çəkən hallardan biri də Təbrizin “Traktor” futbol komandasının azarkeşlərinin bir müddətdir stadionda səsləndirdikləri ənənəvi “Türk dilində mədrəsə” və “Azərbaycan var olsun” kimi şüarlardan əlavə yeni şüarlar səsləndirməyə başlamalarıdır. Belə ki, Təbrizin 70 min nəfərlik stadinonunda “Traktor” komandası ilə “Tehran Peykan” komandası arasında keçirilən matç zamanı minlərlə azarkeş milli-mədəni şüarları səsləndirmə ənənəsini davam etdirib.
Sosial şəbəkələrdə paylaşılan videolarda azarkeşlərin “Nə şahçıyam nə şeyxçi, millətçiyəm millətçi!”, “Azadlıq, ədalət, milli hökümət”, “Türk dilində mədrəsə, olmalıdır hərkəsə” və “Azərbaycan var olsun, istəməyən kor olsun!” kimi şüarların səsləndirildiyi eşidilir. 2022-23 İran proliqa oyunları çərçivəsində keçirilən matçda “Traktor” komandası “Tehran Peykan”ı 1:0 hesabı ilə məğlub edib. İranda “türk kimliyinin simvolu” kimi tanınan “Traktor” futbol komandasının azarkeşləri keçən illərdən bəri stadionlarda şüarlar səsləndirib və plakatlar nümayiş etdirərək, türk dilində təhsil tələbini gündəmə gətirib, siyasi məhbuslara dəstək bildirib, “Urmiyə gölünün qurudulması” və İranda qadınların stadiona giriş yasağına etiraz ediblər. Belə vəziyyətdə İranda ötən ildən başlayan kütləvi etiraz aksiyalarının müxtəlif yerlərdə davam etdiyi də diqqətdən yayınmır. Məlumata görə, Tehran, Kirman, Gilan, Mazandaran, İlam və başqa vilayətlərdə kütləvi aksiyalar keçirilib. Kirmanda keçirilən aksiyada etirazçıların şüarı fərqli olub. Onlar uşaqların, qızların qətlə yetirilməsinə etirazlarını bildiriblər. İranın qəhrəmanı hesab olunan və İraqda ABŞ kəşfiyyatı tərəfindən məhv edilən general Qasım Süleymaninin Kirmandakı banneri etirazçılar tərəfindən yandırılıb. Aksiya iştirakçıları “İstər edam, istər həbsxana-biz sona kimi dayanacağıq” şüarları səsləndiriblər. Bəllidir ki, Məşhəd şəhəri İranın dini mərkəzi və müqəddəs hesab olunan məkandır. İmam Rzanın mavzoleyinin bu şəhərdə yerləşməsi və hər il minlərlə dindarın şəhəri ziyarət etməsinə baxmayaraq, burada da vəziyyət gərgin olaraq qalır. Şəhərin divarlarında böyük hərflərlə və qırmızı boya ilə İslam inqilabı və hakimiyyət əleyhinə şüarlar yazılır. Sari şəhərində isə etirazçılar inqilabı dəstəkləyən və guya könüllülərdən ibarət olan “Bəsic” təşkilatının bazasını yandırıblar. Aksiyaların davam etməsinin digər səbəbi beynəlxalq sanksiyaların tətbiqi nəticəsində ölkədə yaranan iqtisadi çətinliklər, inflyasiya, qiymətlərin hər gün daha çox artması nəticəsində əhalinin səbir kasasının dolmasıdır. Yeri gəlmişkən qeyd edək ki, bu günlərdə ABŞ İrana yardım edən 6 şirkətə və 1 nəfər fiziki şəxsə qarşı sanksiyalar tətbiq edib. Bu şirkətlərin adları Amerikanın Maliyyə Nazirliyinin rəsmi saytında yerləşdirilib. Həmin şirkətlər yeni texnologiyalar əsasında istehsal etdikləri elektron cihazları İrana satıblar. İran isə bu cihazlardan istifadə edərək hərbi yönümlü pilotsuz uçan aparatlar istehsal edir. Belə bir vaxtda yenidən böyük siyasətə qayıtmaq istəyən keçmiş prezident Həsən Ruhani baş örtüyü və idarəetmə sistemi barədə referendum keçirməyi və xalqın istəyinin nəzərə alınmasını təklif edib. Ruhani növbəti parlament seçkilərində iştirak etmək niyyətini də ifadə edib.
Hazırda İranda baş verən hadisələr onu göstərir ki, vəziyyət tezliklə düzələnə oxşamır. Elə bundan irəli gəlir ki, İranın neft sənayesində çalışan işçilər ölkənin bir sıra şəhərlərində əmək haqlarının qeyri-adekvat artımına etiraz olaraq həyata keçirdikləri tətili davam etdirirlər. İranda inflyasiya səviyyəsinin artması və vətəndaşların gəlir və xərcləri arasında fərqin böyüməsinin ardınca işçilər, müəllimlər və təqaüdçülər də daxil olmaqla müxtəlif həmkarlar ittifaqları və qruplar son həftələrdə kütləvi etiraz və tətillərə başlayıblar. Tətil edən neft sənayesin işçilər bu yaxınlarda sənaye və qeyri-sənaye zavodlarında müqavilə əsasında işləyən işçilərin əmək haqqının 79% artırılmasını tələb ediblər. İran prezidenti İbrahim Rəisinin hökuməti əmək haqlarında 27% artım təklif edib və 2023-cü ildə inflyasiyanı azaltmağa söz verib. Tətil edən işçilər bu təklifi rədd ediblər. Etirazlara daha bir səbəb həbs edilənlərə qarşı tətbiq olunan işgəncələrdir. Elə bu fonda İranın tanınmış din və dövlət xadimi Hüseyn Ənsarian ölkə həbsxanalarında məhbusların mənəvi və fiziki işgəncələrə məruz qalmasına etiraz edib. Hakimiyyətə yaxın din xadimlərindən olan Hüseyn Ənsarian gözlənilmədən həbsxanalarında məhbuslara verilən işgəncələrə işarə edərək bu cür davranışları tənqid edib. O, çıxışında müxaliflərin və ya siyasi məhbusların adlarını çəkmədən İranda onların ruh və cisimlərinə verilən zülmləri tənqid edərək deyib: "Bir cinayətkar həbs olunubsa, yalandan sabah səhər edam olunacağını deməyin! Allahın bəndələrini qorxutmayın!”. H.Ənsarian İranın təhlükəsizlik qurumlarının əməkdaşlarına da müraciət edib: “Məni həbs edib zindana salsanız, mənə hörmət edin! Tələb olunan həcmdə istədiyim hər şeyi ver! Məni söymə, təhqir etmə, başıma vurma, lazımsız yerə vurma! Bütün bunlar Allah tərəfindən qadağan edilib. Bunlar yasaqlardır”. Hesab edilir ki, bütün bunlar İranın hakim elitasında artıq parçalanmaların olmasının təzahürüdür.