 |
|
|
İran İslam Şurası (Parlament) xarici işlər naziri Hüseyn Əmir Abdullahianı İran İslam Respublikasına qarşı tətbiq edilən sanksiyalara görə məsuliyyətə cəlb etməyi planlaşdırır.
Bunu İranın Sistan-Bəlucistan vilayətinin Zabol şəhərinin İran İslam Şurasındakı (Parlament) nümayəndəsi Həbibullah Dahmardeh deyib.
O xarici işlər naziri Hüseyn Əmir Abdullahiana qarşı tədbir görülməsinə çağırıb.
Deputat bildirib ki, Nüvə proqramına görə rejimə qarşı sanksiyaların davam etdiyi bir vaxtda İran dərin iqtisadi böhran içərisindədir.
“İrana qarşı sanksiyalar xarici işlər naziri ilə bağlıdır və nazirliyin idarəçiləri və səfirlərinin təyinatlarını şübhə altına alır” , - deputat vurğulayıb.
O əlavə edib ki, Abdullahianın impiçmenti tələbi həm də Talibanın Əfqanıstandan quraq Sistan-Bəlucistan əyalətinə ortaq su axınını məhdudlaşdırmaq üzrə addımları ilə bağlıdır.
Xarici işlər nazirinin impiçmentində imzaların sayı lazım olandan üç dəfə çoxdur.
Bu gün fevralın 6-da Türkiyədə baş vermiş və minlərlə insanın ölümünə səbəb olmuş dəhşətli zəlzələdən sonra yardım göndərən ölkələr arasında Ermənistan da oldu. Qos-qocaman Türkiyə Ermənistanın “boy-buxununa”, on illərdir sərgilədiyi düşmənçiliyə, saxta iddialarına fikir verməyərək, bu ölkənin yardım karvanının illərdir qapalı saxlanılan Alıcan sərhəd qapısından keçməsinə şərait yaratdı, bitsin bu düşmənçilik məqsədi ilə.
Düzdür, bundan əvvəl Türkiyə və Ermənistan arasında məhz Kəlbəcərin işğalından sonra dondurulan münasibətlərin bərpası istiqamətində danışıqlara başlanılmışdı, bir neçə dəfə görüşlər keçirilmişdi. Amma maşa erməniçiliyin qulağını doldurub, “türk sənin düşmənindir, nə edirsən?!” yanaşması sərgiləyənlərin fitnə-feli və uşaqlıqdan beyinləri zəhərlənmiş ermənilərin sərgilədiyi davranışlar nəticəsində bu prosesdə fasilə yaranmışdı. Üstəlik, Ermənistan rəhbərliyi sərsəmcəsinə hesab edir ki, Türkiyə-Ermənistan münasibətlərinə Türkiyə-Azərbaycan münasibətlərindən kənarda baxmaq lazımdır. Yəni Qarabağa iddialar davam etdirilsin, separaçılar, terrorçular Azərbaycanın bir bölgəsində at oynatmağa cəhd göstərsin, Ermənistan fürsət düşən kimi, Azərbaycan əsgərinin, mülki sakininin qanını axıtsın, mina terroru davam etdirilsin, ölkəmizin ərazi bütövlüyü tanınmasın, sərhədlər dəqiqləşdirilməsin, amma ermənilər Türkiyə ilə münaisbətləri yaxşılaşdırıb, sərhəd qapılarını açıb, istədikləri vaxt əllərini sallayaraq, Türkiyəyə gedib-gəlsinlər, orada rahat yaşasınlar, işləsinlər...
Hələ də anlamırlar ki, bu, mümkün deyil. Hətta ortada Şuşa əhdi, Şuşa Bəyannaməsi olmasa belə, hətta Qars müqaviləsi imzalanmasa belə, Türkiyə və Azərbaycanı bir-birindən uzaq tutmaq mümkünsüzdür, bu ölkələrin sevinci də, kədəri də birdir! Anlamaz yerinə qoyublar özlərini!
Elə bildilər ki, 28 nəfərlik xilasedici, 100 ton yüklə köməyinə getdikləri Türkiyəni ovsunlayıb, Azərbaycandan uzaqlaşdırmağı bacaracaqlar! Ay siz öləsiniz!!!
Türkiyə prezidenti Rəcəb Tayyib Ərdoğan Ermənistanın baş naziri Nikol Paşinyanın telefon zənginə böyüklük nümayiş etdirərək cavab verdi, guya onun xislətinə bələd deyildimi? Yaxud baş diplomat Mövlud Çavuşoğlu Türkiyənin Ağrı dağına iddia edib, “Ararat” yarılığı yapışdırmaq istəyənlərin xarici işlər naziri Ararat Mirzoyanı ona görə qəbul etdi ki, nəhayət, bölgəyə hüzur gəlməsini istəyir, təkcə yurdda deyil, bölgədə deyil, cahanda sülh istəyən dövlətdir Türkiyə dövləti! Ermənistan, erməniçilik bütün bunları yetərincə dərk edə, qiymətləndirə, özlərinə düzən verə bildilərmi?
“Ögey ana” filmində bir epizod var: İsmayıl hərəkətindən kor-peşman olaraq dəftərində yazdığı “Ögey ana” yazısını gizlədir... Türkiyənin bu qədər uca könüllülük nümayişindən sonra Ermənistan hökuməti və cəmiyyəti gərək dərhal hərəkətə keçəydi, etdiyi pisliklərə görə üzrxahlıq istəyə, siyasətində, münasibətində ciddi dəyişikliklər edəydilər. Amma yox, zəlzələ fəlakətinə düçar olan türklərə zəhərli ərzaq göndərməyi təklif edəcək qədər alçaqlıq sərgiləyən ermənini də gördük... Yunanıstan dövləti və yunanlar qədər olmadılar!
Ermənistanda bəziləri anlayır ki, belə davam etmək mümkün olmayacaq, əks təqdirdə məhvə məhkumdurlar! 2018-ci ildə İrəvana gələn Con Bolton demişdi axı, qonşulara qarşı şablon iddialardan əl götürün! Baxmadılar, onu da eşitmədilər. Sonrası bəlli. Bugünəcən revanşçılar meydan sulayır, hesab edirlər ki, Türkiyə və Azərbaycanla normal münasibətlər yaransa, ermənilər sıradan çıxacaqlar, Ermənistan türk iş adamlarının əlinə keçəcək, daha nə nağıllar... Amma artıq bıçağın sümüyə dirəndiyini də qəbul edirlər. Budur, Ermənistan hökuməti Türkiyə ilə sərhəddə keçid məntəqəsinin layihəsinin bərpasına 72 min dollara yaxın vəsait ayırıb.
Ermənistan Nazirlər Kabinetinin qərarında qeyd edilib ki, tikinti qısa müddətdə başa çatdırılmalıdır. Ona görə də layihələndirmə və tikinti paralel aparılacaq. Bundan əvvəl Ermənistan spikerinin müavini Ruben Rubinyan bəyan etmişdi ki, Ermənistan-Türkiyə sərhədinin yaya qədər - üçüncü ölkə vətəndaşları, eləcə də diplomatik pasport sahibləri üçün açılması planlaşdırılır.
Bu xəbəri oxuyandan sonra düşünə bilərdik ki, artıq Ermənistan daşı ətəyindən tökməyə qərarlıdır. Bunun ardınca digər qapının, Zəngəzur dəhlizinin də açılması istiqamətində qərar veriləcəyi haqda nikbin düşüncələrə dalmaq istərkən... Amma yox, bu qənaət üçün tələsməyək. Çünki sonrakı xəbər qapının açılmasını yox, bir daha erməniçiliyin sifətinə bərk çırpılmasını zəruri edir.
Buyurun, erməni mətbuatı yazıb ki, İstanbul rəhbərliyi aprelin 24-də qondarma “erməni soyqırımı qurbanları”nın xatirəsinə həsr olunmuş tədbiri qadağan edib. Ermənistanın “Akos” qəzeti yazır ki, qadağanın heç bir obyektiv səbəbləri yoxdur. Və xatırladır ki, ötən il də eyni səbəbdən tədbir keçirilməyib. Şair deyir adamın üzündə həya gərəkdir. İndi ölkənin də, millətin də üzündə həyanın olması yaxşı şeydir. Bunca həyasızlıq ola bilərmi?! Sən bir tərəfdən Türkiyə ilə münasibətləri normallaşdırmaq üçün addım atdığın görüntüsü yarat, sərhəd qapısı üçün maliyyə ayır, o biri tərəfdən də şikayətlən ki, Türkiyə olmayan hadisənin olmayan qurbanlarını yad eləməyə imkan vermir. Bu, nə turşu, o nə pəhriz?! Özü də saxta iddia ilə bağlı tədbiri Türkiyənin öz ərazisində keçirməyə cəhd elə. Bəlkə elə sərhəd qapısını ona görə təmir etmək istəyirlər ki, sabah İstanbulda keçirmək istədikləri “soyqırım” tədbirinə Ermənistandan heyət göndərilsin? Kəsəsi, faktiki olaraq Ermənistan Türkiyəyə deyir “aç qapını, gəlim, səninlə düşmənçilik edim!”
Hələ bu nədir ki?.. Daha bir xəbər oxuyuruq: Ermənistan “erməni soyqırımı” qurbanlarının və sağ qalanların elektron məlumat bazasının yaradılması üzərində işləyir. Erməni Soyqırımı Muzey-İnstitutunun direktoru Arutyun Marutyan yerli mediaya bildirib ki, bu, ən mühüm vəzifələrdən biridir və əsas məqsədi bütün adları bioqrafik məlumatlarla bir araya gətirməkdir. Hətta deyib ki, proses 10-15 il çəkə bilər. Eyni zamanda, orta məktəb şagirdləri və tələbələri üçün Erməni Soyqırımı tarixinin öyrənilməsi kursunun tətbiqi üzərində iş aparılır: bu mövzunun tədrisinə ehtiyac var, lakin bütün məsələ necə və nəyə diqqət yetirməkdir, Marutyan qeyd edib. Ermənistan dilənçi kökündə yaşayır, amma saxta iddialara milyonlar xərcləyir. Buyurun: saxta “soyqırım”la bağlı kompleksin təmiri üçün hökumət səviyyəsində 2 milyon dollara yaxın vəsait ayrılıb. 2023-cü ilin iyulunda inzibati binanın və MİGA muzeyinin təmiri, 2024-cü ilin iyulunda isə Tsitsernakaberdin özünün təmiri planlaşdırılır. Bax, belə... Türkiyə ilə qapıya 72 min dollar, düşmənçiliyə 2 milyon dollar!!!
Bunlar düşmənçiliyə son qoymaq fikrində deyillər. Hələ Azərbaycan və türk dillərini tədris etmək üçün müəllimlər axtarırlar, düşmənçiliyi daha “effektli” aparmaq üçün. Bölgənin qarayarasıdırlar, xərçəngidirlər, bunlarla birgə yolçuluq alınmayacaq! Odur ki, humanizmə yer olmamalıdır, ən sərt rəftarı haqq ediblər! Bakı və Ankara qəti şəkildə tələb qoymalıdır: Ermənistan Konstitusiyasından ərazi bütövlüyü ilə bağlı müddəalar dərhal və qeyd-şərtsiz çıxarılmalı, Ermənistan gerbindəki Ağrı dağının əksi silinməlidir!!! Rəsmi İrəvan Azərbaycan və Türkiyə ərazilərinə iddiaya birdəfəlik son qoyduğunu təsdiqləyən sənədə imza atmalı, tövbə etməlidir! Beləsi üçün nə qapı, nə pəncərə?! Türkiyəyə açılan qapıya ayrılan vəsaitlə düşmənçiliyə sərf olunacaq vəsait arasındakı fərq hər şeyi deyir...
musavat.com
İtaliyanın təhlükəsizlik qüvvələri Venesiyada Yunanıstanın “Laskaridis Shipping” şirkətinə məxsus gəmidə təxminən 850 kiloqram kokain aşkar ediblər.
AZƏRTAC xəbər verir ki, Liberiya bayrağı ilə üzən “Atlas” adlı gəminin martın 23-də Braziliyadan yola düşdüyü və aprelin 17-də Venesiya limanına yan aldığı bildirilib. İtaliya polisi gəmidə araşdırmalara aprelin 18-də başlayıb. Ümumilikdə 570 bağlamaya yığılan narkotik vasitə gəminin gövdəsində, ekipaj üçün əlçatmaz olan və yalnız dalğıcların girə biləcəyi hissədə aşkarlanıb. Narkotik vasitənin bazar dəyəri təxminən 150 milyon avrodur.
İtaliya rəsmiləri gəmiyə ticarət fəaliyyətini davam etdirməyə icazə verib. Gəmi ekipajının həbs olunmadığı da bildirilib.
Paşinyan Minsk qrupunun böhran içərisində olduğunu etiraf edib: Bir-biri ilə danışmırlar
Ermənistan Baş naziri Nikol Paşinyan ATƏT-in Minsk qrupunun böhran içərisində olduğunu etiraf edib.
Paşinyan bu gün parlamentdə müxalif deputatların suallarına cavab olaraq bildirb ki, "Mən onunla danışmayacağam, mən onunla eyni masada oturmayacağam" deyirlər", - Paşinyan qeyd edib.
“Cənub qonşumuz - İrandan hər an istənilən təxribatı gözləmək olar”.
TEREF.AZ bildirir ki, bu sözləri Azərbaycan Demokratik İslahatlar Partiyasının sədri, Milli Məclisin deputatı Asim Mollazadə Cebhe.info-ya açıqlamasında İsrailin xarici işlər naziri Eli Kohenin rəhbərliyi ilə geniş nümayində heyətinin Azərbaycana rəsmi səfərini şərh edərkən bildirib:
“İran adlanan ölkə Ermənistanın bacısıdır. İrandakı molla rejimi öz bacısı Ermənistan üçün çox narahatlıq keçirir. Təcavüzkar ölkəyə hərtərəfli dəstək verir.
Eyni zamanda həm İran, həm də Ermənistan terrorçuluq və digər qeyri-qanuni işlərin həyata keçirilməsi istiqamətində çox fəal əməkdaşlıq edirlər. Hər iki ölkə Azərbaycana təhlükədir. Azərbaycanın erməni işğalçıları üzərində möhtəşəm qələbəsi İranı çox sarsıdıb.
Ona görə ki, Azərbaycanın qələbəsinə İsrailin çox böyük töhfələri olub. 44 günlük Vətən müharibəsində Azərbaycan Ordusu Türkiyə ilə yanaşı İsrail istehsalı müasir silahlarla erməni ordusunu darmadağın edib. Bununla bərabər, istər İsraildə, istərsə də dünyanın müxtəlif ölkələrində azərbaycanlılar və yəhudilər əl-ələ verib Azərbaycanın şanlı qələbəsini qeyd etdilər.
Təbii ki, bacısı üçün narahatlıq keçirən İran istənilən zaman Ermənistan vasitəsilə təxribat və təhlükə törədə bilər. Buna heç kəs şübhə edə bilməz. Amma Azərbaycan kifayət qədər güclü dövlətdir və bütün təxribatları qarşısını almaq iqtidarındadır”.
Deputatın sözlərinə görə, Ermənistan Azərbaycanla hesablaşmaq məcburiyyətindədir:
“Ermənistan Azərbaycanın ərazi bütövlüyünü və Qarabağ üzərində suverenliyini tanımalı, həmçinin Azərbaycanla beynəlxalq hüquq çərçivəsində sülh müqaviləsi imzalamalıdır. Əksi təqdirdə Ermənistanın mövcudluğu sual altında olacaq”.
Rusiya Dövlət Dumasının İnformasiya siyasəti komitəsinin sədri Oleq Matveyçev Azərbaycana qarşı təxribatçı bəyanatla çıxış edib.
APA-nın Moskva müxbiri xəbər verir ki, Dumanın hakim Vahid Rusiya Partiyasından olan deputatı "rusarminfo" saytına açıqlamasında Azərbaycanın və Türkiyənin ünvanına təxribatçı fikirlər səsləndirib.
Belə ki, Rusiya ermənilərinin informasiya saytının Kremlin sözçüsü Dmitri Peskovun bu gün yayılan "Rusiya, Azərbaycan və Ermənistanın Qarabağ üzrə üçtərəfli razılaşmaları vəziyyətin həlli üçün yeganə real əsasdır, onların həyata keçirilməsi zəruridir. Rusiya tərəflərin gərginliyin azaldılmasına gətirib çıxara biləcək və üçtərəfli razılaşmaların həyata keçirilməsi istiqamətində gələcək irəliləyişə töhfə verəcək istənilən addımını alqışlamağa hazırdır” bəyanatı ilə bağlı sualını cavablandıran Matveyçev guya Azərbaycan və Türkiyənin münaqişənin davam etdirilməsində maraqlı olduqlarını deyib. O, Bakı və Ankaranın münaqişəni davam etdirmək üçün Ermənistanı təxribata çəkdiklərini qeyd edib.
Rusiya parlamentində informasiya siyasətinə cavabdeh olan komitə sədri indiyə kimi əldə olunan üçtərəfli razılaşmaların və münaqişənin dayanmasının guya Azərbaycan və Türkiyəni qane etmədiyini bildirib. "Onlar hesab edirlər ki, tamamilə hər şeyi əldə edə bilərdilər. Lakin Rusiya ilə hesablaşmaq məcburiyyətində qaldılar. Buna uyğun olaraq dayandılar”, - deyə rusiyalı ermənipərəst parlamentari Azərbaycan ilə Rusiya arasında olan strateji tərəfdaşlıq və müttəfiqlik münasibətlərinin ruhuna uyğun olmayan açıqlama verib.
Rusiya ermənilərinin saytında Matveyçevin səs yazısı olan videoçarx yerləşdirilib. Səs yazısında rusiyalı deputat Cənubi Qafqazda sülhün Azərbaycan, Türkiyə və Qərbi qane etmədiyini iddia edir. "Ona görə də, onlar əllərindən gələni edəcəklər ki, münaqişəni təxribat etsinlər. Haradasa, əldə olunan hansısa razılaşmaları icra etməyəcəklər, haradasa hansısa insidentlər törədəcəklər ki, ya Ermənistan, ya da Rusiya sazişdən çıxsın. Belə olan halda, vəziyyət müharibə statusuna qayıdır və onlar irəliyə gedirlər və müharibə aparırlar. Ona görə də vəzifə bu cür təxribatlara cavab verməməkdən, dialoq aparmaqdan və razılaşmaları reallaşdırmaqdan, o cümlədən bu razılaşmaları imzalayanları onları reallaşdırmağa məcbur etməkdən ibarətdir", - deyə rusiyalı deputat fikrini tamamlayıb.
P.S. Rusiya parlamentində informasiya siyasətinə cavabdeh olan Matveyçevin diqqətinə çatdırırıq ki, Azərbaycan 44 günlük müharibədən keçən 29 ay ərzində işğaldan azad edilən ərazilərdə iki beynəlxalq hava limanı (Füzuli və Zəngilanda) tikərək istifadəyə verib. Bundan əlavə, Şuşa, Ağdam, Kəlbəcər, Laçın, Qubadlıda inşaat və quruculuq işləri tam sürətlə davam edir.
Ermənistan isə 28 il ərzində işğal altında saxladığı həmin əraziləri xarabalığa çevirməkdən başqa heç nə etməyib. 29 ay və 28 il... Yoldaş Matveyçev, özünüz müqayisə edin! 29 ayda iki beynəlxalq hava limanı inşa edib istifadəyə verən, ağıllı kəndləri sıfırdan qurub xalqa qaytaran Azərbaycan sülhdə maraqlı deyil, yoxsa 28 ildə həmin torpaqlarda səngər qazıb və hərbi kazarmalardan savayı heç nə tikməyən, işğal altında saxladığı əraziləri xarabaya çevirən Ermənistan
Rusiya sanksiyalardan yan keçərək, müdafiə sənayesində istifadə olunan Qərb elektron məhsullarını üçüncü ölkələr vasitəsilə idxal edir.
TEREF.AZ Axar.az-a istinadla xəbər verir ki, bu barədə “Nyu York Tayms” məlumat yayıb.
Nəşrin məlumatına görə, ötən ayın sonunda ABŞ və Avropa Birliyi rəsmiləri sanksiyalardan yayınaraq Rusiyaya daxil olan milyonlarla dollarlıq qadağan olunmuş məhsullar barədə müzakirələr aparıblar.
Qərbin vergi və ticarət orqanlarının məmurları Ermənistan, Qazaxıstan və digər ölkələr vasitəsilə Rusiyaya mikrosxemlərin və digər elektron komponentlərin satışının kəskin artdığını qeyd ediblər.
Onların məlumatlarına görə, Rusiya Ukraynada tətbiq etdiyi qanadlı raketlər də daxil olmaqla, silahların hazırlanması üçün kritik hesab edilən yüksək həssas kateqoriyalı mikroçiplər və digər elektron cihazları əldə edə bilib.
“ABŞ və Avropa rəsmiləri Rusiyanın Qərb məhsullarını Ermənistan, Qazaxıstan və digər Mərkəzi Asiya ölkələri vasitəsilə əldə etməsindən getdikcə daha çox narahatdır”, - nəşr bildirib.
Bu gün – aprelin 18-də Kremlin mətbuat xidməti Prezident Vladimir Putinin Ukraynanın Rusiya ordusunun nəzarətində olan ərazilərinə - Xerson və Luqansk vilayətlərinə səfər etdiyini açıqlayıb. Məlumatda bildirilir ki, Putin Xerson istiqamətində “Dnepr” qoşun qrupunun və Luqansk vilayətində “Vostok” Milli Qvardiyasının qərargahına baş çəkib. Səfərin nə zaman həyata keçirildiyi barədə məlumat yoxdur, onun baş verdiyinə dair müstəqil mənbələrin təsdiq etdiyi informasiya yoxdur.
Kremlin hesabatında prezidentin səfərlərinin əvvəlcədən hazırlanmadığı iddia edilir.
Video görüntülərdə - gündüz saatlarında Putin Mi-8 helikopterindən çıxır, bundan sonra kortej Xerson vilayətinin Rusiya ordusunun nəzarətində olan hissəsinin mərkəzinə çevrilmiş Geniçesk şəhərinə daxil olur.
“Dnepr” qoşun qrupunun qərargahında Prezident Hərbi Hava Desant Qüvvələrinin (VDV) komandanı, general-polkovnik Mixail Teplinskinin, “Dnepr” qoşunlar qrupunun komandanı, general-polkovnik Oleq Makareviçin və digər hərbi rəhbərlərin məruzələrini dinləyib.
Bir gün əvvəl amerikalı hərbi ekspertlər və Britaniya kəşfiyyatı Teplinskinin yanvarda təxribatdan sonra cəbhəyə qayıtdığını bildirib.
Teplinskiyə müraciət edən Putin vurğulayıb ki, onun üçün hava-desant qoşunları komandanının vəziyyətin necə inkişaf etdiyi barədə fikrini eşitmək, məlumat mübadiləsi aparmaq vacibdir. Prezident Zaporojye və Xerson istiqamətlərində vəziyyət barədə məlumat verməyi xahiş edib və general-polkovnik Teplinskini fikirlərini bildirməyə çağırıb.
Ətraflı
“Vostok” Milli Qvardiyasının Luqansk vilayətindəki qərargahında Vladimir Putin general-polkovnik Aleksandr Lapin və digər yüksək rütbəli zabitlərdən bu sektordakı vəziyyətlə bağlı hesabatlar alıb.
Mətbuat xidməti həmçinin bildirib ki, Putin hərbçiləri Pasxa bayramı münasibətilə təbrik edib və onlara ikonaların surətlərini təqdim edib.
İkonanı təhvil verərkən, Putin deyir: "İndi Pasxa burada olacaq, elə deyilmi?" Agentliyin məlumatına görə, Putinin bu sözləri belə qənaətə gəlməyə imkan verir ki, görüş Rusiyada Pasxa bayramının qeyd olunduğu aprelin 16-dək baş tutub və Prezident Moskvada Xilaskar Məsihin kilsəsində Pasxa mərasimində iştirak edib. Daha sonra Kremlin saytında yerləşdirilən videoda “burada” sözü kəsilib.
2023-cü ilin martında, Rusiyanın Ukraynaya təcavüzü başlayandan bəri ilk dəfə Vladimir Putin, keçən may ayında Rusiya tərəfindən ələ keçirilən, dağıdılmış Mariupol şəhərinə gedib.
Kremlin mətbuat xidməti bildirib ki, Prezident şəhərə helikopterlə gəlib, daha sonra avtomobili idarə edərək şəhərin bir neçə rayonunu gəzib. Yayımlanan görüntülərdə Putinin gecə vaxtı avtomobillə şəhərdə gəzdiyi və insanlarla danışdığı əks olunub.
“AzPolitika.info”
Bazar ertəsi Ermənistanın keçmiş Baş naziri Vazgen Manukyanın işi üzrə keçirilən məhkəmə iclasında prokuror Armen Gevorqyan ittiham aktını elan edib.
O, müharibədən sonra yaradılan müxalif “Vətəni Xilasetmə Hərəkatı”na rəhbərlik etmiş müxalifətçinin minimum əmək haqqının 500 misli miqdarında cərimələnməsini təklif edib.
Manukyan hakimiyyətin ələ keçirilməsinə və konstitusiya quruluşunun zorla devrilməsinə açıq çağırışlar etməkdə ittiham olunur. Lakin müxalifətçi ona qarşı irəli sürülən ittihamları qəbul etmir.
Prokuror bildirib ki, Manukyanın yaşı və keçmişdə tutduğu vəzifələr yüngülləşdirici hallardır. Armen Gevorqyan həmçinin məhkəmədən hökm qanuni qüvvəyə minənədək təqsirləndirilən şəxsə qarşı tətbiq edilmiş həbs-qətimkan tədbirinin dəyişdirilmədən saxlanmasını tələb edib. Manukyan yaşadğı yeri tərk etməmək barədə yazılı öhdəliyi var.
İttiham tərəfi ittihamın sübuta yetirildiyini bəyan etsə də, müdafiə tərəfi iddia edir ki, Manukyanın açıqlamaları hakimiyyəti ələ keçirməyə və konstitusiya quruluşunu zorla devirməyə yönəlmiş ictimai çağırışlar sayıla bilməz.
Hüquqşünas Erik Aleksanyanın sözlərinə görə, bunlar zorakılığa çağırışlar deyil, siyasi tənqiddir. Müdafiə tərəfi Vazgen Manukyana bəraət verilməsini istəyib.
“ABŞ-Azərbaycan-İsrail üçtərəfli əməkdaşlığı ölkəmizin təhlükəsizlik imkanlarını gücləndirir”.
TEREF.AZ teleqraf.com-a istinadla xəbər verir ki, bunu politoloq Məhəmməd Əsədullazadə deyib.
Ekspert Azərbaycanın ABŞ və İsraillə münasibətlərinin yeni mərhələyə qədəm qoyduğunu söyləyib:
“Azərbaycan Hərbi Hava Qüvvələrinin komandanının ABŞ səfəri və Pentaqonda keçirdiyi yüksək səviyyəli görüşlər iki dövlət arasında hərbi əməkdaşlıq müstəvisində yeni imkanlar yaradır. Demək olar ki, ABŞ İkinci Qarabağ Müharibəsindən sonra Cənubi Qafqazdakı yeni reallığı qəbul edərək, Azərbaycanla hərbi əməkdaşlığı inkişaf etdirmək strategiyasına üstünlük verir.
Bu çərçivədə ABŞ-ın Azərbaycanı kəşfiyyat və müasir hərbi avadanlıqlarla təchiz etməsi mümkündür. ABŞ rəsmilərinin hər həftə Azərbaycan rəsmiləri ilə telefon əlaqələrinə və Vaşinqtondan Bakıya artan səfərlərə əsaslanaraq deyə bilərəm ki, Amerika İranın təhdidlərinə qarşı Azərbaycanı dəstəkləyir. ABŞ Dövlət Departamenti və Ağ Evin son bəyanatlarında da bu öz əksini tapır.
Hərbi Hava qüvvələri komandanının ABŞ ordusunun Baş Qərargah rəisi və amerikalı həmkarı ilə görüşləri Azərbaycana verilən dəstəyin əyani göstəricisidir. Bu xüsusdə ABŞ-la Azərbaycan arasında Silahlı Qüvvələrimizin havadan müdafiə sisteminin təkmilləşdirilməsi məsələlərinin razılaşmdırıldığı istisna deyil”.
Məhəmməd Əsədullazadənin fikrincə, təkcə ABŞ yox, İsrail də Azərbaycanla hərbi-texniki və müdafiə sahələrində əməkdaşlığı gücləndirir:
“Hesab edirəm ki, bu da ABŞ-la sinxron həyata keçirir. Zənnimcə, İsrail müdafiə nazirinin Bakıya son səfərində bu kimi məsələlər razılaşdırılıb. İsrail xarici işlər nazirinin Azərbaycana səfəri də bu baxımdan önəmlidir.
Görünən budur ki, ABŞ-Azərbaycan-İsrail üçtərəfli əməkdaşlıq formatı yaranır. Hesab edirəm ki, Cənubi Qafqazda ABŞ və İsrailin Azərbaycanla əməkdaşlığı kənar təhdidləri neytrallaşdıracaq. Bu, xüsusən də İran təhdidlərinin artması fonunda önəmlidir.
Vaşinqtonun bölgə ilə bağlı strateji hədəfində Ermənistanla Azərbaycan arasında sülh müqaviləsinin bağlanması məsələsi var. Bu xüsusda ABŞ-ın Ermənistana təzyiq edərək, regionda dəyişən geosiyasi nizamda Tehranın İrəvanla əməkdaşlığının qarşısını alması mümkündür. Çünki İranın Cənubi Qafqaz siyasəti ABŞ-ın regional maraqlarını təhdid edir. Bir sözlə, ABŞ-Azərbaycan-İsrail üçtərəfli əməkdaşlığı ölkəmizin təhlükəsizlik imkanlarını gücləndirir”.