“Megaupload” şəbəkəsinin yaradıcısı Kim Dotcom hesab edir ki, Kamala Harris ABŞ prezident seçkilərində qalib gəlsə, X (keçmiş Twitter) sosial platformasının sonu çatacaq.

APA xəbər verir ki, Dotcom bu barədə X-də yazıb.

O bildirib ki, Kamala qalib gəlsə, X öləcək.

Qeyd edək ki, X-in sahibi İlon Mask daha əvvəl Harrisin qələbəsinin ABŞ-da media senzurasının ciddi şəkildə sərtləşdirəcəyini irəli sürmüşdü.

Xatırladaq ki, ABŞ-da prezident seçkiləri noyabrın 5-də keçiriləcək. Respublikaçılar Partiyasını keçmiş prezident Donald Tramp, Demokratlar Partiyasını isə ölkənin hazırkı vitse-prezidenti Kamala Harris təmsil edəcək.

...Moldovada prezident seçkiləri üçün saat 13:00-a seçici fəallığı 25 faizi ötüb.

SİA-nın əldə etdiyi məlumata görə, bu barədə jurnalistlərə Mərkəzi Seçki Komissiyasının rəhbəri Angela Karaman məlumat verib.

...Bu saata qədər səsvermədə 717 minə yaxın insan iştirak edib (bu, seçicilərin 25 faizdən çoxudur. – Red.). Saat 12:00-a olan məlumata görə, referendumda 442 331 seçici iştirak edib ki, bu da seçicilərin 16,14 faizini təşkil edib.

Ölkənin Mərkəzi Seçki Komissiyasının məlumatına görə, saat 16:33-ə olan məlumata görə, seçicilərin 41,17 faizi səs verib ki, onların da demək olar ki, 54 faizini qadınlar, 45faizini isə kişilər təşkil edib.

Qeyd edək ki, bazar günü Moldovada prezident seçkiləri keçirilir. Dövlət başçısı postu uğrunda 11 namizəd mübarizə aparır, o cümlədən respublikanın hazırkı rəhbəri, hakim Fəaliyyət və Həmrəylik partiyası tərəfindən irəli sürülən və Moldovanı Avropa İttifaqına yaxınlaşdırmağın tərəfdarları olan Maia Sandu...

Bundan əlavə, ölkədə Avropaya inteqrasiya ilə bağlı referendum keçirilib. Sakinlər “Moldova Respublikasının Avropa İttifaqına daxil olması üçün Konstitusiyanın dəyişdirilməsinin tərəfdarısınızmı?” sualına cavab verməlidirlər.

Onu da qeyd edək ki, həm seçkilərin, həm də referendumun baş tutmuş sayılması üçün onların hər biri üzrə seçici fəallığı 33,3 faizdən çox olmalıdır. Səsvermə saat 21:00-a qədər davam edəcək - bundan sonra seçki məntəqələri bağlanacaq.

“Hindistan, Braziliya və Afrika nümayəndələri BMT Təhlükəsizlik Şurasının daimi üzvləri olmalıdırlar”.

Globalinfo.az xəbər verir ki, bunu Rusiya xarici işlər naziri Sergey Lavrov deyib.

O, dünya çoxluğunun təmsilçiliyinin BMT Təhlükəsizlik Şurasında təmininin önəmli olduğunu söyləyib.

Qeyd edək ki, BMT TŞ-nin hazırda 5 daimi üzvü var. Bunlar Rusiya, Çin, ABŞ, Fransa və Böyük Britaniyadır. Bir çox ölkələr bu siyahının genişləndirilməsini istəyirlər. Onların bir qismi siyahıya Yaponiya, Almaniya, Hindistanın daxil edilməsini istəyirlər. BMT TŞ-nin genişləndirilməsini ABŞ və Fransa da dəstəkləyib. Bununla belə tərəflər növbəti üzvlərin kim olacağı fikrində ortaq nöqtə tapa bilməyiblər. Fransa BMT TŞ-nin daimi üzvlüyününü Almaniya, Yaponiya, Hindistan və Braziliyaya verilməsini istəyib, lakin ABŞ bu ölkələr sırasında Afrika ölkələrini də görmək istədiyini açıqlayıb.

Türkiyə də son illərdə BMT TŞ ilə bağlı iddialarını artırıb. Ankara bu təşkilatın daimi üzvü olmaq haqqına sahib olduğunu bildirsə də onun bu məsələdə mövqeyini yetərli dəstək verənlərin sayı kifayət qədər deyil. Maraqlıdır ki, Türkiyə ilə münasibətlərin sıxlığına önəm verən Moskva da bu məsələdə Türkiyəni dəstəkləmir.

NATO-dan müttəfiqimiz olan Almaniya ilə iki böyük dövlət arasında ola biləcək ən sıx əlaqələrimiz var.

Son dövrdə ölkələrimiz arasındakı yüksək səviyyəli ziyarətlər bunun açıq göstəricisidir. Bu əlaqələrin lokomotivi insan bağlarımız və ortaq maraqlarımızdır.

Almaniyada 3,5 milyondan çox insanı əhatə edən bir türk icması yaşayır. Hər il ölkəmizi 6 milyondan çox alman turist ziyarət edir. Təbii ki, biz bu sayın daha da artmasını arzulayırıq. Bugünkü görüşlərimizi bu kimi əhatəli gündəm məsələləri üzərində qurduq. Ölkələrimiz arasındakı əlaqələri bütün ölçüləri ilə geniş şəkildə müzakirə etdik. İki ölkə arasında ticarət həcmi 50 milyard dollara çatıb. Hədəfimiz bu rəqəmi 60 milyard dollara çatdırmaqdır. Bu hədəfi həyata keçirmək üçün səylərimizi artırmışıq.

Bu fikirləri Prezident Rəcəb Tayyib Ərdoğan Türkiyədə səfərdə olan Almaniyanın Federal Kansleri Olaf Şolts ilə keçirdiyi görüşdən sonra mətbuata açıqlamasında bildirib.

Avropada islamofobiya və irqçiliyin artdığına diqqət çəkən Türkiyə Prezidenti bu məsələnin xaricdə yaşayan soydaşlarını narahat etdiyini vurğulayıb.

Almaniyanın da dövlət təhlükəsizliyinə ciddi təhdidlər yaradan PKK və FETÖ başda olmaqla bütün terror təşkilatları ilə birgə mübarizə istiqamətində razılığa gəldiklərini qeyd edən Ərdoğan bu sahədə atılacaq konkret addımlara dair gözləntilərini Federal Kansler ilə bir daha bölüşdüyünü deyib.

Olaf Şolts Türkiyə Prezidenti ilə görüşdə ikitərəfli, regional və qlobal məsələləri müzakirə etdiklərini bildirərək, regionda baş verən son hadisələrə toxunub.

İsrail ilə Fələstin arasında davam edən münaqişəyə diqqət çəkən Şolts mövcud gərginliyin azaldılması və atəşkəsin bu münaqişənin yayılmasının qarşısını almaq üçün şərt olduğunu bildirib və qarşıdurmada ikidövlətli həllin zəruriliyini ifadə edib.

İran prezidenti Məsud Pezeşkian Kazanda keçirilən BRİKS sammitində iştirakı çərçivəsində Rusiya prezidenti Vladimir Putin və Çin sədri Si Cinpinlə ikitərəfli danışıqlar aparacaq.

Bu barədə "Mehr" agentliyi İran hakimiyyətinə istinadən məlumat yayıb.

"BRICS sammitində çıxış etməklə yanaşı, Pezeşkian digər ölkələrin liderləri, o cümlədən Rusiya prezidenti Vladimir Putin və Çin sədri Si Cinpinlə ikitərəfli görüşlər keçirmək niyyətindədir", - deyə məlumatda bildirilir.

Qeyd edək ki, BRİKS sammiti oktyabrın 22-dən 24-dək keçiriləcək.

G7 ölkələrinin müdafiə nazirlərinin İtaliyada keçiriləcək görüşündə Kiyevə daha çox hərbi yardımın göstərilməsi məsələsi müzakirə olunacaq.

İqtisadiyyat.az xarici mediaya istinadən xəbər verir ki, bu barədə NATO-nun baş katibi Mark Rutte bildirib.

"Biz Ukraynaya yardımı genişləndirmək, müdafiə istehsalının həcmini artırmaq və tərəfdaşlarımızla əməkdaşlığı gücləndirmək üçün nə edə biləcəyimizi müzakirə edəcəyik", - deyə Rutte bildirib.

Azərbaycan-Ermənistan arasında danışıqlar dayandırılmayıb. Bütün fikir ayrılıqlarına rəğmən, bu danışıqlar davam etdirilir. Həmçinin razılaşdırılmayan məqamların həlli üçün üsullar axtarılır. Ermənistan parlamentinin spikeri Alen Simonyan sıradan bir şəxs deyil. O baxımdan düşünürəm ki, o, dediklərinin məsuliyyətini anlayır və buna görə danışır. Ona görə də əgər bütün məqamlar razılaşdırılıb iddiası orta da varsa, demək ki, mövqelərdə yaxınlaşmaq var.
TEREF xəbər verir ki, bunu Teleqraf.com-a açıqlamasında politoloq Natiq Miri deyib.
Onun sözlərinə görə, bu razılaşdırma, yaxınlaşma konkret Azərbaycanın şərtlərinin yerinə yetirilməsi kontekstində mümkündür: vakansiyalar
“Bunun yolları haqqında məlumat verilməyib. Ancaq hər halda əgər razılaşdırılıbsa, demək ki, ortada Azərbaycanı qane edəcək məsələ var. Türkiyədə 3+3 regional platformasının görüşü baş tutacaq. Ermənistan xarici işlər naziri Ararat Mirzoyan da İstanbulda keçiriləcək görüşə qatılacaq. Düşünürəm ki, burada da bir çox məsələlərin razılaşdırılması kontekstində irəliləyişlər ola bilər.
Bu, regional platformadır. Həmçinin burada iştirak edən bütün dövlətlər regionda olan problemlərin məhz region çərçivəsində həll olunmasının tərəfdarıdır. Ona görə də düşünürəm ki, Türkiyədə keçiriləcək növbəti görüş regiona sülh gətirmək adına çox əhəmiyyətli bir imkandır. Bu imkanı fürsətə çevirə bilərlərsə, inanılmaz müsbət nəticələr olacaq. Yəni sülh yaxın kimi görünür. Əgər hər hansı bir xarici müdaxilə və təxribat olmasa, Ermənistanı hansısa təxribatçı addımlara vadar etməsələr, üfüqdə sülh görünür. Ancaq bunun həyata keçirilməsi üçün konkret şərtlər var ki, bu da Ermənistan Konstitusiyasında ərazi iddiasının aradan qaldırılmasıdır. Paralel olaraq ATƏT-in Minsk qrupu institutunun ləğvi ilə bağlı birgə müraciətdir. Əslində ikinci məsələ ilə bağlı elə bir ciddi problem yoxdur. Sadəcə, Ermənistanı bu addımı atmağa imkan vermirlər. Ancaq Ermənistan bu addımı ata biləcək səviyyədədir.
Paşinyan baxmayaraq ki, bir neçə qlobal güc mərkəzləri arasında manevr etməklə, hələlik bu vaxta qədər Ermənistanı sağ saxlaya bilibsə, bundan sonra da bu vəziyyəti davam etdirmək üçün yollar və imkanlar tapacaq. Üstəlik, Paşinyan hansı güc mərkəzi olur-olsun, gələcək perspektiv nöqteyi nəzərindən Ermənistanı müstəqil subyekt görmək istəyir. Doğrudur, indiki vəziyyətdə daha çox Qərbin tezislərini, əmrlərini yerinə yetirmiş kimi görünür. Ancaq Rusiyanın orbitindən uzaqlaşmaq üçün mütləq mənada hansısa gücə sığınmağa ehtiyac var. Ancaq Ermənistan zaman-zaman müəyyən addımlarla müstəqil olduğunu nümayiş etdir. Bu baxımdan sülh sazişi və Zəngəzur dəhlizi ilə bağlı belə qərarların verilmə ehtimalını istisna etmirəm”.
Politoloq bildirib ki, Azərbaycan-Ermənistan arasında sülh sazişi üçün əsas hüquqi təminatdır:
“Bu da Konstitusiyanın müstəqillik aktı, yəni preambulasında qeyd olunan ərazi iddialarının aradan qaldırılması ilə bağlıdır. Əgər Simonyanın dediyi həqiqəti əks etdirirsə, demək ki, bu müddəaların aradan qaldırılması ilə bağlı razılaşma var. Bunun hansı şəkildə olmasına gəlincə bu barədə heç bir məlumat yoxdur.
Simonyanın iddiası Ermənistanın digər rəhbər şəxsləri tərəfindən nə təsdiq, nə təkzib olunur. Eyni şey Azərbaycana da aiddir. Müəyyən danışıqlar əsasında konkret hansısa razılaşmalar ola bilər. Simonyan sadəcə erməni hiyləsi ilə bu cür qeyri-ciddi açıqlama verə bilməzdi. Demək ki, ortada əsaslar var. Ancaq bu əsaslar Azərbaycana veriləcək təminatla bağlı ola bilər. Bu təminatın forması və zamanı hələlik bəlli deyil. Ancaq əgər belə bir iddia həqiqətə söykənirsə və Azərbaycan buna razılıq veribsə, düşünürəm ki, sülh heç də uzaqda deyil. COP29 sammiti ərəfəsində və yaxud da sammitin gedişatında sülh müqaviləsi yeni çərçivə sazişi imzalana bilər. Yaxud da ki, razılaşdırılmış məqamlar paraflana bilər. Hər bir halda belə bir sənədin ortalığa çıxması COP29 və Azərbaycanın nüfuzunu bir az daha artırardı”.

Bərzani parlament seçkilərindən əvvəl Ankaraya gələrək yalnız təhlükəsizlik və enerji mövzularını müzakirə etməyib.

İraq Kürd Muxtariyyətinin sədri Nəçirvan Bərzani bu həftə Türkiyəyə səfər etdi. Bərzani Ankarada xarici işlər naziri Hakan Fidan, Milli Kəşfiyyat Təşkilatının rəisi İbrahim Kalın və prezident Ərdoğanla görüşdü.

Medianın məlumatına görə, görüşlərdə enerji və regional təhlükəsizlik məsələləri müzakirə edilib. Görüşlərin xarici siyasət və kəşfiyyat rəhbərliyi ilə baş tutması da əsas mövzunun təhlükəsizlik və regional siyasət olduğunu göstərir.

Bu görüşün diqqətçəkən tərəfi iki ildir təxirə salınan kürd muxtariyyəti parlament seçkilərindən dörd gün əvvəl baş tutmasıdır.

Yeri gəlmişkən, Bərzani və Ərdoğan arasında sonuncu dəfə görüş Ərdoğanın bu ilin aprelində İraqa səfəri zamanı baş tutub. Bu səfər zamanı Türkiyə və İraq arasında mühüm razılaşmalar əldə olunub.

Qeyd edək ki, İraqın şimalında kürd administrasiyasında iki əsas siyasi qüvvədən biri olan Bərzanilərin Kürdüstan Demokrat Partiyası ənənəvi olaraq Türkiyə ilə yaxın münasibətdə olub. Cəlal Təlabaninin qurduğu və hazırda oğlu Bafilin rəhbərlik etdiyi Kürdüstan Vətənpərvərlər Partiyası isə daha çox İrana yaxın siyasi qüvvə kimi çıxış edir. Bu mənada Bərzaninin Ankaraya gəlişi həm də yaxınlaşan seçkilərlə əlaqədardır.

Türkiyə artıq 20 ildən çoxdur ki, İraqın şimalı ilə əlaqələrini inkişaf etdirir. Bununla həm İraqda siyasi əlaqələri və təsir dairəsini gücləndirməyi, həm də İraqın şimalında məskunlaşan PKK terror qruplaşmasına qarşı davamlı təzyiq siyasətini davam etdirməyi planlayır. Çünki İraqın şimalında, xüsusən də Qəndil dağları və Sincar düşərgələrində məskunlaşmış PKK Türkiyə üçün hələ də ciddi təhdid olaraq qalır. Xüsusilə, “İnkişaf Yolu” layihəsi üçün PKK-nın şimalı İraqda mövcudluğu təhlükə yaradır. Ankara və Bağdad ehtimal edir ki, gələcəkdə PKK vasitəsilə düşmən qüvvələr bu layihəyə təhlükə törədə bilərlər. Bu səbəbdən də indi Şimali İraq Türkiyə üçün ciddi əhəmiyyət kəsb edir.

Şimali İraq Türkiyə üçün həssas bir bölgədir və bu ərazidən gələn terror təhdidi təxminən 100 ilə yaxındır ki, mövcuddur. Bundan başqa, Türkiyə və İraq hökuməti hazırda “İnkişaf Yolu” nəqliyyat dəhlizi layihəsi üzərində işləyir. Bəsrə (Fav) limanı ilə Türkiyəni birləşdirəcək bu dəmir yolu və avtomobil yolundan ibarət dəhliz Şərqi Asiya ilə Avropanı birləşdirəcək ən yaxın marşrutlardan biri hesab olunur. Lakin bu layihənin həm ciddi regional rəqibləri, həm də onların yerli alətləri var. Xüsusilə də, “İnkişaf Yolu”nun İraqın şimalından keçən hissəsi PKK təhlükəsi səbəbindən riskli ərazi hesab olunur. Türkiyə burada PKK-nı sıradan çıxarmaq və layihənin təhlükəsizliyini təmin etmək üçün indi Bağdadla yanaşı kürd administrasiyası ilə də əməkdaşlığı gücləndirir.

Digər tərəfdən, son illərdə İraq mərkəzi hökuməti ilə müəyyən anlaşmazlıqlar səbəbi ilə fəaliyyəti dayandırılmış Kərkük-Yumurtalıq (Adana) boru xəttinin yenidən fəaliyyətə başlaması da Türkiyənin gündəmindədir.

Son illərdə İranla münasibətlərində soyuqluq yaşayan İraq kürd muxtariyyəti Türkiyə və Azərbaycanla yaxınlaşmağa çalışır. Prezident İlham Əliyevlə Bərzani arasında ötən ilin əvvəlində Almaniyada baş tutan görüşdən sonra iyun ayında Bərzani Bakıya səfər edərək yüksək səviyyəli görüşlər keçirib. Həmin vaxt Azərbaycanın Ərbildə konsulluq açacağı ilə bağlı xəbərlər yayılıb. Azərbaycan və Ərbil arasında ticarət dövriyyəsi artmaqdadır. Rəsmi Bakı Bağdadı narazı salmadan kürd muxtariyyəti ilə əlaqələri yaxşı vəziyyətdə saxlamağa çalışır.

Kənan Rövşənoğlu,
Musavat.com

Almaniya kansleri Olaf Şolts oktyabrın 19-da Türkiyəyə səfər edəcək.

Almaniya kanslerinin İstanbulda türkiyə Prezidenti Rəcəb Tayyib Ərdoğanla görüşü planlaşdırılır.

Liderlər ikitərəfli münasibətləri və regional məsələləri müzakirə edəcəklər.

Görüşdən sonra mətbuat konfransı da təşkil ediləcək.