ABŞ Prezidenti Donald Tramp Britaniya şahzadəsi Harrinin ölkədən deportasiya olunması ehtimalını istisna edib.

Bu barədə "The New York Post" qəzeti məlumat yayıb.

Mən bunu etmək istəmirəm. Onu rahat buraxacağam. Harrinin həyat yoldaşı ilə kifayət qədər problemi var. Qadın dözülməzdir", - Tramp bildirib.

Marqaret Tetçer adına mərkəzin analitiki Nayl Qardiner daha əvvəl müsahibəsində Harrinin yaxın aylarda deportasiya ediləcəyini deyib.

Britaniya şahzadəsinin viza məsələsi onun "Spare" avtobioqrafiyasının dərc olunmasından sonra yenidən aktuallaşıb. Kitabda o, yeniyetmə yaşlarında kokain istifadə etdiyini etiraf edib.

2024-cü ilin mart ayında Tramp söyləyib ki, əgər Harrinin vizası qanunsuz əldə edilibsə, o, arzuolunmaz nəticələrlə üzləşə bilər.

Xatırladaq ki, 2020-ci ilin yanvarında şahzadə Harri və həyat yoldaşı Meqan Markl Britaniya kral ailəsindəki rəsmi vəzifələrindən imtina edərək ABŞ-yə köçüblər.

Rusiyanın paytaxtı Moskvada keçmiş elektrik zavodunun binasında yanğın başlayıb.

Bu barədə TASS məlumat yayıb.

Məlumata görə, yanğınsöndürənlər 40 nəfəri xilas ediblər.

Rusiya Fövqəladə Hallar Nazirliyi qeyd edib ki, binada hələ də qalan insanlar var.

Təxminən bir ay yarım əvvəl Qroznı üzərində baş verən insidentdən sonra Qazaxıstan ərazisində qəzaya uğrayan AZAL təyyarəsi ilə bağlı xəbərlər hələ uzun müddət Azərbaycan-Rusiya ikitərəfli münasibətlərinin gündəmində qalacaq.

Bu barədə "Caliber"in "YouTube" kanalında yayımlanan yeni süjetdə bildirilir.

Qeyd olunur ki, artıq ilkin hesabat da dərc olunub və bu kədərli tarixçədə demək olar ki, heç bir qaranlıq məqam qalmayıb. Lakin bəziləri hələ də inadkar mövqeyini dəyişmək fikrində deyillər və özlərində heç bir günah olmadığını iddia edirlər.

Bildirilir ki, artıq mülki təyyarənin atəşə tutulması, radioelektron mübarizə sistemləri tərəfindən yaradılan maneələr, "Kovyor" planının gec elan edilməsi və Azərbaycan təyyarəsinin heyətinə bu barədə məlumat verilməməsi faktları şübhəsizdir. Bütün bu faktlar təkzibedilməz hala gəlib və Rusiya tərəfinin öz məsuliyyətini inkar etməsinin heç bir mənası qalmayıb.

Daha ətraflı "Caliber"in yeni süjetində:

Ukrayna və Almaniya mediası Vladimir Zelenskinin Bavariya Alplarında yerləşən və Adolf Hitlerə məxsus olmuş "Qartal yuvası" iqamətgahını satın aldığını iddia edir.
Bakupost.az xəbər verir ki, əmlakın alınması barədə "Other Ukranie" nəşri "Folge dem Plan" teleqram kanalına istinadən məlumat verilib.
Məlumata görə, Zelenski Kehlsteinhaus malikanəsinin sahibi olub. Bu iqamətgah yerləşdiyi mövqeyə görə "Qartal yuvası" adlandırılır.
Qeyd olunur ki, malikanənin alınması ilə bağlı sövdələşmə 2024-cü ilin son günlərində baş tutub. Vasitəçi Zelenskiyə məxsus San Tomaso SRL offşor şirkəti olub. Müqavilənin məbləği də açıqlanıb - 14,2 milyon avro.

ABŞ Prezidenti Donald Trampın Federal Təhqiqat Bürosunun (FTB) direktoru vəzifəsinə namizədi Keş Patel ötən il Rusiya vətəndaşına məxsus kinoşirkətdən 25 min dollar alıb.

“The Washington Post” qəzeti xəbər verir ki, söhbət həm də ABŞ vətəndaşı olan kinorejissor İqor Lopatyonokun rəhbərlik etdiyi “Global Tree Pictures” şirkətindən gedir.

Şirkət “dərin dövlət” haqqında sui-qəsd nəzəriyyələrini və anti-Qərb baxışlarını təbliğ edən proqramlara prodüserlik edir. “Prezidentin bütün adamları: Trampa qarşı sövdələşmə” adlı 6 seriyalı sənədli film noyabrda çıxıb.

FTB-nin gələcək direktoruna sənədli filmdə iştiraka görə pul ödəyiblər.

Rusya'nın Doğu Sibirya bölgesinde bulunan Baykal Gölü, 1642 metre derinliğe sahip bir göldür. Dünya'nın tatlı suyunun %20'sini barındıran dünyanın en derin gölüdür. Belçika'ya benzer bir alana yayılmış, birçok endemik türe ev sahipliği yapan, olağanüstü saf, oksijen zengini suları ile eşsiz biyolojik çeşitliliğe sahip bir göldür.
"Kutsal Deniz" ve "Sibirya'nın Mavi Gözü" olarak bilinen Baykal, Olkhon Adası’nı çevrelemekte ve çarpıcı manzaralar oluşturmaktadır.
Baykal Gölü ve etrafında yıl boyunca çeşitli aktiviteler yapılmaktadır: Yazın yürüyüş, balık tutma ve yat; kışın kayak ve buz pateni.
Irkutsk'a bir uçuş ve kısa bir araba yolculuğundan sonra ulaşılabilen Baykal Gölü; unutulmaz deneyimler sunan bir doğa harikasıdır.
Kelami Akdemir
TEREF

Böyük Britaniyada “TikTok” 4 yeniyetmənin valideynləri tərəfindən məhkəməyə verilib.

AZƏRTAC BBC-yə istinadla xəbər verir ki, valideynlər iddialarında övladlarının “Blackout challenge” adlanan trendə qoşularkən öldüyünü qeyd ediblər.

Cümə axşamı Amerika Sosial Media qurbanları Hüquq Mərkəzi uşaqların valideynləri adından “TikTok”a qarşı qanunsuz ölüm iddiası qaldırıb. Şikayət ərizəsi 3 yeniyetmənin anası, 1-nin atası adından verilib.

Bu iddialarda ölümlərin “ByteDance”ın qəsdən bağımlılıq yaradan proqramlaşdırma dizaynı əsasında” və “uşaqları “TikTok” ilə maksimum dərəcədə əlaqə qurmağa təhrik etmək məqsədi” ilə həyata keçirildiyi bildirilir. Həmçinin “ByteDance”ın hər bir uşaqda zərərli asılılıqlar yaratdığı və onları dayanmadan zərərlədiyi iddia edilir.

İki gün əvvəl az sayda miqrant ABŞ-ın hərbi təyyarəsi ilə Texasdan Kubanın Quantanamo körfəzindəki təcridxanaya köçürülüb. Təyyarə Kubaya çatmadan öncə “Amerikanın Səsi”nə adının anomim qalması şərti ilə danışan ABŞ müdafiə rəsmisi deyib ki, adminsitrasiyasının “yüksək təhlükə” hesab etdiyi 20-dən az miqrant Fort Bliss bazasından Quantanamoya ilk C-17 reysi ilə aparılıb.

ABŞ-ın Daxili Təhlükəsizlik Naziri Kristi Noem çərşənbə axşamı “X” sosial media şəbəkəsində bəzi miqrantların hərbi yük təyyarəsinə minməyə hazırlaşarkən çəkilən fotolarını yerləşdirərək, onları "pislərin ən pisi" adlandırıb və onları deportasiya etmək səylərinin yeni başladığına dair xəbərdarlıq edib.

Daha sonra Daxili Təhlükəsizlik Departamenti Texasdan Quantanamo körfəzinə hərbi təyyarə ilə aparılan miqrantların hamısının Venesuelada transmilli əhatəyə malik olan “Tren de Araqua” küçə qanqster dəstəsinin üzvləri olduğunu bildirib. Rəsmilər onların ilk dəfə nə vaxt və necə saxlandıqlarını açıqlamayıb.

Ağ Ev “Tren de Araqua”nı xarici terror təşkilatı kimi təyin etmək planlarını açıqlayıb. Prezident Donald Trampın ötən ay imzaladığı sərəncamdan bəri, Pentaqon sənədsiz mühacirlərin saxlanma əməliyyatlarını dəstəkləmək üçün Quantanamodakı müəssisələri genişləndirmək məqsədilə ora 300 dəniz piyadasını göndərib. Mətbuatda yer alan məlumatlara görə, onlar miqrantları dəniz bazasının ayrıca hissəsində hasarlanmış ərazinin içərisində yerləşdirmək üçün çadırlar qurublar.

“Fox News” isə xəbər verir ki, həmin müəssisələr hələ miqrantlar üçün hazır deyil. “Amerikanın Səsi”nə danışan ABŞ rəsmisinin sözlərinə görə, çərşənbə axşamı ora aparılan miqrantlar ABŞ təcridxanasında saxlanılacaq. Təcridxanada əsasən hərbi əsirlər və terrorda şübhəli bilinən şəxslər, o cümlədən 2001-ci il 11 sentyabr hücumlarında iştirak edənlər və “Taliban” üzvləri saxlanılıb.

Tramp ötən ay imzaladığı sərəncamda Müdafiə və Daxili Təhlükəsizlik Departamentlərinə ABŞ-ın dəniz bazasını 30 minə qədər miqrantı saxlamağa hazırlamağı tapşırıb.

"Onların bəziləri o qədər pisdir ki, hətta ölkələrin belə onları saxlamasına güvənmirik. Çünki onların geri qayıtmasını istəmirik. Ona görə də onları Quantanamoya göndərəcəyik", Tramp deyib.

Barak Obama və Co Baydenin dövründəki administrasiyalar 2001-ci il 11 sentyabr hücumlarından qısa müddət sonra ABŞ-ın Əfqanıstana müdaxiləsinin ardınca 2002-ci ildə Corc Buş administrasiyası tərəfindən tikilmiş həbs düşərgəsini bağlamağa çalışıb.

“Human Rights First” təşkilatının prezidenti və baş icraçı direktoru Sü Hendrikson açıqlamasında bildirib ki, miqrantları Quantanamoya göndərmək “insan haqları fəlakəti yaradacaq”.

"Tramp administrasiyası miqrantların Quantanamoya göndərilməsinin simvolizmini cəlbedici hesab edə bilər. Amma onun praktiki nəticəsi daha çox ədalətsizlik, israfçılıq və öz-özünə səbəb olduğu etibarın itirilməsi olacaq", Hendrikson deyib.

Terrora Qarşı Qlobal Müharibənin ən qızğın vaxtında təcridxanada 680-ə yaxın məhbus saxlanılırdı. Pentaqonun bildirdiyinə əsasən, yanvarın 6-na olan məlumata görə, müəssisədə cəmi 15 məhbus olub.

Terrorda şübhəli bilinən şəxslərin saxlanması üçün istifadə edilmədən əvvəl ABŞ-ın dəniz bazası həmçinin 1990-cı illərin əvvəllərində Kuba və Haitidən olan miqrantların yerləşdirilməsi üçün istifadə olunub.

Qərbi Azərbaycan Xronikası layihəsi çərçivəsində növbəti analitik süjet hazırlanıb.

Oxu.Az xəbər verir ki, "Paşinyan yeni müharibəyə sürüklənir" adlı süjetdə Ermənistanın sabiq prezidentlərinin vaxtaşırı öz cinayətlərini dilə gətirməsindən və erməni siyasi elitasının daşnak-faşist mahiyyətindən söz açılıb.

Bildirilib ki, erməni iqtidarlarının faşist mahiyyətinin dilə gətirilməsi İrəvanın siyasi və mətbuat mühitində növbəti isterikaya səbəb olub: "Erməni siyasətçilər, politoloqlar mahiyyət üzrə danışıb, keçmiş rəhbərlərinin faşist düşüncə və addımları, Azərbaycanın və Türkiyənin guya Ermənistanı təhdid etməsinə görə müdafiə olunmaq üçün faşistsayağı hərəkət etdiklərini deyirlər. Əslində, onlar bu çıxışları ilə tarixi gerçəyi, Qərbi azərbaycanlıların qayıdış haqqını etiraf edirlər".

Süjetdə İrəvanın mərkəzində "Qarabağ" mahnısının Güney azərbaycanlılar tərəfindən səsləndirilməsi ilə bağlı erməni isterikasına, eləcə də hərbi ekspert Hayk Nahapetyan, politoloqlar Arman Abovyan, Arutyun Mkrtçyan, Argişti Kiviryan, deputat Arsen Torosyan, təhlükəsizlik üzrə ekspert Hraçya Arzumanyanın Qərbi Azərbaycan və Zəngəzur məsələsi barədə müxtəlif səpkili fikirlərinə yer verilib.

Onların sözlərinə görə, azərbaycanlılar Qərbi Azərbaycan adlanan əraziyə qayıtsalar, ermənilər onların quluna çevriləcək: "Biz məhv olmaq istəmiriksə, silahlanmalı və döyüşməliyik. Bizim başqa seçimimiz yoxdur. Biz başa düşməliyik ki, azərbaycanlılar Qarabağda və Qərbi Ermənistanda olduğu kimi, bizim evlərimizdə də yaşamaq istəyirlər. Bu gün bizim əsas məqsədimiz Azərbaycanla sülh müqaviləsi imzalamaqdır. Azərbaycan Zəngəzur dəhlizinin açılmasını tələb edir. Azərbaycanlılar Naxçıvandan Zəngəzura getmək istəyirlərsə, Ermənistan vətəndaşları da bu yoldan istifadə etməlidirlər. Azərbaycan tərəfi bildirir ki, Ermənistan hakimiyyəti Qərbi Azərbaycanın nümayəndələri ilə görüşməlidir. Azərbaycan belə bəyanatlar verməklə bizi yolumuzdan yayındırmaq istəyir. Biz artıq Rusiyaya arxalana bilmərik. 2020-ci ildən sonra həm hakimiyyət, həm də sadə vətəndaşlar özlərini Rusiya tərəfindən xəyanətə uğramış hiss edirlər. Bu gün Ermənistanda bəzi dairələr Nikol Paşinyanı yeni müharibəyə sürükləməyə çalışır. Onların əsas məqsədi baş naziri devirmək və hakimiyyəti ələ keçirməkdir".

Sonda vurğulanıb ki, dünyanın siyasi düzəni dəyişib və Azərbaycan güclü dövlət kimi regionda öz gündəliyinə uyğun düzən yaradır: "Ermənistanda Qərbi Azərbaycan sözündən qorxu keçmiş sakinlərin qayıdışı faktının yox, sürətlə boşalan Ermənistan ərazisinin öz əzəli sahiblərinə geri dönəcəyi ilə bağlıdır".

Xatırladaq ki, Qərbi Azərbaycan Xronikası layihəsinin məqsədi tarixi qədim torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri - qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.

Həmçinin Prezident İlham Əliyevin Qərbi Azərbaycanla bağlı dediyi "XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin", - fikrini əsas tutaraq Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.

Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.

Ətraflı Baku TV-nin süjetində: