 |
|
|
Xəbər verdiyimiz kimi, siyasi şərhçi Elxan Şahinoğlu da sosial şəbəkə hesabında rusiyalı deputatların azərbaycanlıların Rusiyadan qovulması çağırışları ilə bağlı paylaşım edib.
O bildirib ki, rusiyalı parlamentarilər hətta “azərbaycanlıların diaspora təşkilatlarını dağıtmaq lazımdır” kimi ifadələr səsləndirir:
“Bu arada, Rusiyadakı azərbaycanlı biznesmenləri də hədəf göstərir, Araz Ağalarov və Qod Nisanov kimi tanınmış iş adamlarına problem yaratmağı Kremlə “məsləhət” görürlər. Halbuki Rusiyadakı azərbaycanlı iş adamlarının mütləq əksəriyyəti yaşadıqları ölkənin vətəndaşlarıdır, Rusiya pasportunun daşıyıcılarıdır. Azərbaycan əleyhinə danışan Rusiya Dövlət Dumasındakı deputatların əksəriyyəti bu ölkənin hakim partiyasının üzvləridir. Deməli, elə Kremldəkilər də bunlar kimi düşünürlər. Bu kimi açıqlamaların ardınca, azərbaycanlı miqrantlara qarşı zorakılıq hallarının artacağını proqnozlaşdırmaq olar, hətta Rusiyadakı şovinist qüvvələrin yatmış hücrələrdən çıxaraq təxribatlara əl atacaqları da istisna deyil. Bütün bunlar ona görə baş verir ki, Kreml raketlə vurulan təyyarəyə və öldürülən insanlara görə məsuliyyət daşımaq istəmir”.
Əldə etdiyimiz məlumata görə, Rusiyada yaşayan azərbaycanlı milyarderlər hərəkətə keçib. Onlar hökumətin yüksək eşalonunda təmsil olunan şəxslərə müraciət edirlər. Məqsəd bu günə qədər azərbaycanlılara qarşı aparılan kampaniyaya etiraz etmək və situasiyanı dəyişdirməkdir.
Bu və gündəmdəki bir çox xəbərləri bu gün saat 11.15-də aparıcı Sevinc Telmanqızının təqdimatındakı “Canlı debat” verilişində müzakirə edəcəyik. Qonağımız tanınmış jurnalist, siyasi ekspert Fuad Abbasovdur. Müzakirədə tamaşaçılarımız da iştirak edə bilər.
https://www.facebook.com/tvmusavat
https://www.youtube.com/@musavattv
Böyük Qafqaz sıra dağlarının cənub ətəyində üç il əvvəl itkin düşən hindistanlı turistdən xəbər var.
APA-nın Şimal-qərb bürosunun məlumatına görə, 09.02.2025-ci il tarixdə Zaqatala RPŞ-nin əməkdaşları tərəfindən keçirilmiş əməliyyat-axtarış tədbirləri nəticəsində 12.05.2022-ci il tarixdə Zaqatala rayonu ərazisində itkin düşmüş 28.08.1993-cü il təvəllüdlü Hindistan Respublikası vətəndaşı Kondaveti Maniqanta məxsus olması ehtimal edilən meyitin qalıqları, ona məxsus əl çantası, bank kartları, mobil telefon və digər şəxsi əşyalar Böyük Qafqaz dağlarının Zaqatala rayonu Car kəndi yaxınlığında "Şamilovka" meşə massivində aşkar edilmişdir.
Meyitin qalıqları və digər əşyalar yüksəklik ərazidə götürülərək, müvafiq ekspertizalar keçirilməsi üçün adiyyəti üzrə Zaqatala rayon prokurorluğuna təqdim olunmuşdur.
Faktla bağlı Zaqatala rayon prokurorluğunda araşdırma aparılır.
Türkiyənin İstanbul şəhərinin Sabiha Gökçen hava limanından xeyli sayda uçuş ləğv olunub.
"Yeni Şafak" xəbər verir ki, buna səbəb kimi gözlənilən əlverişsiz hava şəraiti göstərilib.
Bildirilib ki, fevralın 11-i üçün nəzərdə tutulan uçuşların beş faizi, növbəti gün üçün nəzərdə tutulan uçuşların isə on faizi ləğv edilib.
Səfərlərlə bağlı son durumu öyrənmək üçün sərnişinlərə hava yolu şirkətlərinin internet səhifələrini izləmələri tövsiyə olunub.
Çili hökuməti cənub Araukaniya bölgəsində şiddətli meşə yanğınları səbəbindən 860 000-dən çox insanın təcili təxliyəsi barədə elan edib.
Bu barədə kp.ru məlumat verir.
Bildirilib ki, faciə artıq azı bir nəfərin həyatına son qoyub.
O da vurğulanıb ki, hazırda regionda müşahidə olunan 40°C-dən yuxarı temperatur, güclü küləklər və davamlı quraqlıq alovun sürətlə yayılmasına səbəb olub.
Hakimiyyət orqanları sakinləri dərhal evlərini tərk etməyə və təhlükəsiz ərazilərdə sığınacaq axtarmağa çağırır.
İsrailin müdafiə naziri Yisrael Katz hərbçilərə Qəzzada baş verə biləcək hər hansı ssenariyə hazır olmağı tapşırıb.
AzerVoice-un məlumatına görə, bu haqda İsrail Müdafiə Nazirliyi bəyanat yayıb.
Bəyanata əsasən Katz, HƏMAS-ın İsrailli məhbusları azad etməyi dayandıracağını açıqlamasının atəşkəs və əsir mübadiləsi razılaşmasını tamamilə pozduğunu iddia edərək, İsrail ordusuna Qəzzada baş verə biləcək hər hansı ssenariyə tam hazır olma təlimatı verdiyini açıqlayıb.
Xatırladaq ki, HƏMAS-ın İzzəddin əl-Qəssam Briqadalarının sözçüsü Əbu Ubeydə fevralın 15-də baş tutması gözlənilən məhbus mübadiləsinin İsrailin atəşkəs razılaşmasındakı öhdəliklərini yerinə yetirmədiyi səbəbiylə dayandırıldığını açıqlayıb.
Qarşılaşdığımız təhlükələr hiss olunur, böyükdür və hamımıza təsir edəcək.
Bunu Ermənistanın sabiq xarici işlər naziri Vardan Oskanyan deyib.
Sabiq nazir qeyd edib ki, bu gün Ermənistanın nə bir etibarlı müttəfiqi, nə də dostu var. “Xarici siyasət arenasında heç bir ölkə Ermənistanı ciddi qəbul etmir. Bizim heç bir xarici investisiyamız və iqtisadi siyasətimiz yoxdur. Bu da nəticədə istər-istəməz iqtisadi iflasa gətirib çıxaracaq. Bizim diasporla münasibətlərimiz minimaldır. Diaspor təşkilatları daxilində ciddi parçalanmalar mövcuddur”, - o qeyd edib.
Oskanyan vurğulayıb ki, bundan sonra da çox böyük təhlükələrlə üz-üzə qalacaqlar: “Bu da Ermənistanın hazırkı hakimiyyətin səriştəsizliyi ucbatından zəifliyini daha da dərinləşdirəcək”.
Onun sözlərinə görə, əgər Ermənistanda minimal diplomatik imkanları olmasa, o zaman sərhədin demarkasiyası adı altında ən azı anklavlar şəklində əlavə ərazilərini itirəcəklər: “Ermənistanın sərhədləri dəyişəcək. Türkiyə tərəfinin tələbi ilə konstitusiyaya dəyişiklik ediləcək. Ermənistanın beynəlxalq məhkəmələr qarşısındakı qanuni iddiaları geri alınacaq, 300 min azərbaycanlı Ermənistana qayıdacaq, ən təhlükəlisi isə Zəngəzurun bir hissəsi Azərbaycana veriləcək”.
ABŞ-nin Zəngəzur dəhlizi ilə bağlı mövqeyini şərh edən Oskanyan bildirib ki, Dövlət Departamentinin sənədlərinin ən praktik tərəfi həmin sənədin Ermənistanın Azərbaycana istənilən ərazi, dəhliz, hətta yolun verilməsində danışıqlar mövqeyini əhəmiyyətli dərəcədə gücləndirməkdən ibarətdir./Ölkə.Az
Egey dənizində 4,6 bal gücündə zəlzələ baş verib.
Axar.az xəbər verir ki, bu barədə AFAD məlumat yayıb.
Zəlzələ yerin 7 kilometr dərinliyində meydana gəlib.
Qeyd edək ki, son günlər Egey dənizi akvatoriyasında ardıcıl yeraltı təkanlar qeydə alınmaqdadır.
Nazir müavini rüşvətə görə saxlanıldı. Rusiya Federasiyasının Udmurtiya Respublikasının səhiyyə nazirinin müavini Natalya Kropoçeva saxlanılıb.
AzPost xəbər verir ki, bu barədə Udmurtiya məhkəməsinin mətbuat xidməti məlumat yayıb.
Nazir müavini 1.3 milyon rubl məbləğində rüşvət almaqda ittiham olunur.
İstintaqın məlumatına görə, əvvəllər 2 saylı Şəhər Xəstəxanasının baş həkimi vəzifəsini tutan Kropoçeva cəsədlərin tibb müəssisəsindən daşınması ilə bağlı müqavilənin bağlanmasına köməklik göstərdiyi üçün dəfn xidməti göstərən təşkilatın nümayəndəsindən 1,3 milyon rubl məbləğində rüşvət alıb.
Onun barəsində aprelin 6-dək həbs qətimkan tədbiri seçilib.(Axar.az)
Xatırladaq ki, Ağsu rayonu S.Mikayılov adına tam orta məktəbin direktoru həbs edilib.
Direktor Fəxrəddin Həsənov məktəbdəki qanun pozuntuları ilə bağlı cinayət məsuliyyətinə cəlb edilib.
Ağsu Rayon Prokurorluğunda F.Həsənova Cinayət Məcəlləsinin 311.3.3-cü (rüşvət alma-külli miqdarda törədildikdə) maddəsi ilə ittiham elan edilib, barəsində həbs qətimkan tədbiri seçilib.
İş üzrə ilkin istintaq tamamlanıb.
Toplanmış materiallar baxılması üçün məhkəməyə göndərilib.
İsrail və Fələstin HƏMAS hərəkatı arasında atəşkəs Qəzzada aclığın qarşısını almağa kömək etdi. Lakin vəziyyət qeyri-sabit olaraq qalır.
Bu barədə BMT baş katibinin humanitar məsələlər üzrə müavini və fövqəladə hallar üzrə koordinatoru Tom Fletçer "Associated Press" agentliyinə müsahibəsində bildirib.
“Hesab edirəm ki, aclıq təhlükəsinin qarşısı böyük ölçüdə alınıb. Qidalanma səviyyəsi atəşkəsdən əvvəl olduğundan aşağıdır. Vəziyyət hələ də dəhşətlidir və insanlar hələ də acdırlar”, - deyə o bildirib.
Fletçer xəbərdarlıq edib ki, atəşkəs pozularsa, aclıq tezliklə Qəzzaya qayıdacaq.
Bu il yanvarın 19-da Qəzza zolağında atəşkəs qüvvəyə minib. 42 gün davam edəcək atəşkəsin birinci mərhələsi çərçivəsində HƏMAS-ın bütün qadın və uşaqlar da daxil olmaqla 33 israilli girovu azad edəcəyi gözlənilir. İsrail buna cavab olaraq azad edilmiş hər mülki şəxs üçün 30, hər əsgər üçün isə 50 fələstinli məhbusu azad edəcək.
Trampın qeyri-adi qərarları Putini buna apara bilər.
ABŞ prezidenti Donald Tramp çox güman ki, Qəzza zolağında Putini təşvişə sala biləcək vəziyyəti həll etmək üçün gözlənilməz həllər təklif edəcək. Qərb diplomatları hələ də bu təşəbbüslərin Ukraynaya necə təsir edəcəyinə əmin olmasalar da, Kreml rəhbərinin ələ keçirdiyi bir sıra əraziləri “verməli” olması ehtimalı var.
Lent.az-ın xəbərinə görə, bu barədə “The Telegraph” yazır.
Trampın təklif edəcəyi Ukrayna üçün sülh planının variantlarından biri Donbasın bərpası üçün Qərb investisiyalarından istifadəni əhatə edə bilər. Bunun müqabilində Rusiya sanksiyalardan azad ola bilər və Tramp ABŞ və Avropanın köməyi ilə regionun bərpasına başlaya bilər. Bu, Ukrayna və Rusiyaya yeni təkan verəcək, Putini ölkə iqtisadiyyatının gələcəyinə təsir edəcək seçim etməyə məcbur edəcək.
Bu cür həllər Moskva üçün absurd görünən Qəzzadan daha təsirli ola bilər. Axı Avropaya qayıtmaq həvəsində olan rus oliqarxları Trampın təkliflərini dəstəkləməyə daha çox meylli ola bilərlər. Rusiyanın iqtisadi tənəzzülünü nəzərə alsaq, hətta Putinin tez-tez məhəl qoymadığı işçi qüvvəsi də narazılıq göstərməyə başlaya bilər. Bu, Trampın ilkin göründüyündən daha təsirli oyunçu olduğunu sübut edə biləcəyi bir vəziyyət yaradacaq.
Təbii ki, Trampın Ukraynada sülhlə bağlı təklifləri həm Kiyevdə, həm də Moskvada rədd ediləcək, lakin onun bəzi ideyaları artıq mümkün həll yolları kimi qəbul edilməyə başlayıb. Trampın Ukraynadakı vəziyyəti dəyişdirə biləcək sülh prosesini təklif etmək üçün kifayət qədər gücü və dəstəyi ola bilər.
İndi Putin çox güman ki, Trampın planlarının mümkün nəticələrindən narahatdır, xüsusən də onların ABŞ və Avropa üçün faydalı ola biləcəyini nəzərə alsaq, Rusiya üçün Ukrayna ilə ərazi mübadiləsi proqnozlaşdırıla bilər.
Ola bilsin ki, Tramp Amerikadan kənarda xarici siyasətə getdikcə daha az diqqət ayırdığı üçün Avropanın müdafiəçisi rolunu öz üzərinə götürməli olan Avropa liderlərinə də məsuliyyəti təhvil verməyə hazırdır.