 |
|
|
ABŞ və Ukrayna arasında Rusiya təcavüz müharibəsinin mümkün bitməsi ilə bağlı fikir ayrılıqları yenidən üzə çıxıb. ABŞ Prezidenti Tramp gec saatlarda verdiyi açıqlamada bildirib ki, Rusiya razılaşmaya hazırdır və o, artıq belə bir razılaşmanın olduğunu düşünür. O, təfərrüatları açıqlamayıb. Tramp Ukrayna barədə deyib ki, Prezident Zelenskiylə razılığa gəlmək onun əvvəl düşündüyündən daha çətindir.
Qısa bir müddət əvvəl Tramp “Truth Social” platformasında yazmışdı ki, Zelenskiyin Krımın Rusiya tərəfindən işğalını qəbul etməməsi sülh danışıqları üçün zərərlidir. Bu, müharibəni bitirməyi çətinləşdirir. Zelenski isə ölkə Konstitusiyasına istinad edərək Krımın və ya digər Ukrayna ərazilərinin Rusiyaya verilməsini qəti şəkildə istisna edib. Daha sonra o, Trampın birinci prezidentliyi dövründə ABŞ hökumətinin Krımın ilhaqını rədd edən bəyanatının linkini paylaşdı.
ABŞ-dan yenidən hədələmə
Bu arada ABŞ-ın vitse-prezidenti Vens hökumətinin Ukraynada atəşkəslə bağlı danışıqlardan çıxmaqla hədələdiyini yenidən bəyan edib. O bildirib ki, öldürməyə son qoymağın və ərazi sərhədlərini bu günkü vəziyyətə yaxın dondurmağın vaxtıdır. Həm ukraynalılar, həm də ruslar hazırda nəzarət etdikləri bəzi ərazilərdən imtina etməlidirlər.
London konfransından müsbət nəticə
Çərşənbə günü Londonda Ukraynanın Qərbli müttəfiqlərinin nümayəndələri yenidən görüşdülər. ABŞ dövlət katibi Rubionun – rəsmi olaraq vaxt çatışmazlığı səbəbilə – son anda iştirak etməməsinə görə görüşlər yalnız məsləhətçi səviyyəsində baş tutdu, xarici işlər nazirləri səviyyəsində yox. Bununla belə, Britaniya hökuməti müsbət nəticə açıqladı. Bildirildi ki, mühüm irəliləyiş əldə olunub. Ukrayna üzrə ABŞ xüsusi nümayəndəsi Kellogg da nikbin açıqlama verib. Ukraynanın müdafiə naziri Umerov isə Kelloggla məhsuldar danışıqlar apardıqlarını deyib. Danışıqlarda mümkün atəşkəslə yanaşı Ukraynaya təhlükəsizlik təminatları məsələsi də müzakirə olunub.
Rutte Vaşinqtona gedir
NATO Baş katibi Rutte cümə axşamı Vaşinqtona səfər edəcək. O, orada ABŞ dövlət katibi Rubio və müdafiə naziri Hegsethlə görüşəcək. Danışıqların əsas mövzusunun Ukraynada atəşkəs səyləri olacağı gözlənilir. Digər mövzu isə iki aydan sonra Haaqada keçiriləcək NATO sammitinə hazırlıqlardır.
Sarvan Səmədoğlu
TEREF
Azərbaycanın BMT-dəki daimi nümayəndəsi Tofiq Musayev dünya təşkilatının Baş katibi Antonio Quterreşə ünvanladığı məktubda Ermənistan nümayəndəsinin qızışdırıcı ritorikasına diqqət çəkib.
Musavat.com xəbər verir ki, bu barədə Azərbaycan diplomatik missiyasının mətbuat xidməti məlumat yayıb.
Məktub BMT Baş Assambleyasında və Təhlükəsizlik Şurasında rəsmi sənədi kimi yayılıb.
Qeyd olunub ki, xüsusilə, beynəlxalq terrorçuların, hərbi cinayətkarların və irqçi ideoloqların alqışlandığı, milli qəhrəman kimi təbliğ edildiyi uzunmüddətli və dərin köklü etnik eksklüzivlik və dözümsüzlük siyasətini həyata keçirən monoetnik dövlət olan Ermənistanın İrqi ayrı-seçkiliyin ləğv edilməsi uğrunda beynəlxalq mübarizə günü münasibətilə keçirilən anım sessiyasında könüllü olaraq çıxış etməsi olduqca ironikdir:
“Əslində, gözlənildiyi kimi, belə bir çıxış Ermənistana tamamilə əks təsir bağışlayıb. Çünki bir tərəfdən onun rəhbərliyinin barışdırıcı bəyanatları, digər tərəfdən isə eyni ölkənin BMT-dəki nümayəndəsinin qızışdırıcı ritorikası arasında açıq-aşkar uyğunsuzluq üzv dövlətləri çaşqın və anlaşılmaz vəziyyətə salır”,- məktubda qeyd olunub.
Bu gün İstanbulda qeydə alınan güclü zəlzələdən sonra bölgədə afterşoklar davam edir.
Bu barədə Türkiyənin Təbii Fəlakət və Fövqəladə Halların İdarə Edilməsi Agentliyi (AFAD) açıqlama yayıb.
Bildirilib ki, yerli vaxtla saat 17:55-də (Bakı vaxtı ilə 18:55-də) 3,5 maqnitudalı daha bir afterşok qeydə alınıb.
Yeraltı təkanların episentri 14,58 kilometr dərinlikdə yerləşib.
Hazırda aidiyyəti qurumlar vəziyyəti izləməyə davam edir və əhaliyə ehtiyatlı olmaq tövsiyə edilir.
Qeyd edək ki, İstanbulda 6,2 maqnitudalı zəlzələ baş verib. Bu səbəbsən şəhərdə bütün məktəb və universitetlərdə 2 gün tətil elan edilib.
Çinlə Azərbaycanın iqtisadi olaraq yaxınlaşması çox mühim hadisədir. Azərbaycan iqtisadiyyatının böyüməsi, Çin mallarının Azərbaycan üzərindən Avropa bazarlarına daşınması baxımından kifayət qədər önəmlidir. Azərbaycan Prezidentinin Çinə səfəri və mühim sənədlərin imzalanması, ölkəmiz üçün son dərəcə mühim uğurdur.
Rəsmi statistikaya görə 2023-cü ilin ilk on ayında Çindən Azərbaycana idxal 2,5 milyard dollar təşkil edib. Bu rəqəm ümumi ticarət dövriyyəsinin böyük hissəsini əhatə edir. Lakin eyni dövrdə Azərbaycandan Çinə ixrac isə 73,7 milyon dollar olub.
Azərbaycandan Çinə əsasən neft koksu, ilkin polietilen, yod, avadanlıq və komponentlər (hava və qaz kompressorları daxil olmaqla), reaktiv yanacaq, üzvi kimyəvi maddələr, pambıq lifi, dərman bitkiləri, ətir məhsulları, şokolad, siqaret, nar şirəsi, bal və şərab sənayesi məhsulları ixrac edilib.
Bu illər ərzində Azərbaycan, Çindəki müxtəlif şəhərlərdə ticarət evləri açıb.
Ən mühim məqam Azərbaycan, Çinlə ticarət əlaqələrini gücləndirərək, "Bir Kəmər, Bir Yol" təşəbbüsündə mühüm tərəfdaş kimi çıxış edir. Ölkəmizin strateji coğrafi mövqeyi Çin məhsullarının Avropaya çatdırılmasında əhəmiyyətli rol oynayır. Lakin nəqliyyat infrastrukturunun qurulması istiqamətində aparılan işlər hələ ki, yekunlaşmayıb. Gəlin bu məqama diqqət edək: 2024-cü ildə Azərbaycanın dəmiryolu ilə yükdaşımaları 18 500 000 ton təşkil edərək 2023-cü illə müqayisədə 1,4 % artıb. Lakin bu artım Çin kimi nəhəng iqtisadiyyatı olan ölkə ilə iqtisadi əlaqələri genişləndirib Avropaya körpü rolunu oynamaq üçün kiçik imkanlar deməkdir.
Daha vacib məqam Zəngəzur dəhlizinin açılmasıdır. Əgər Ermənistanla Azərbaycan arasında sülh sazişi imzalansa və bu dəhliz açılsa, o zaman nəinki Azərbaycan region ölkələrinin də iqtisadi həyatında bir iqtisadi sıçrayış baş verəcək.
Xüsusilə Çin “Bir kəmər, bir yol” (BRI) layihəsi çərçivəsində Qərb–Şərq xəttinin diversifikasiyası və təhlükəsizliyini önə çəkir. Zəngəzur dəhlizi bu təşəbbüsə mühüm töhfə olaraq, Çin mallarının Avropaya çatdırılmasında Bakı limanı, Bakı–Tbilisi–Qars (BTQ) dəmiryolu ilə bərabər alternativ və daha etibarlı routelar təqdim edir.
Əgər dəhliz açılarsa, yükdaşımaların həcmini əhəmiyyətli dərəcədə artacaq və logistika xərcləri azalacaq. Süveyş kanalı üzərindən aparılan ticarətin 12 %-ni əvəzləyən quru xəttinin mövcudluğu, həm dəniz nəqliyyatının, həm də hava yolu şəbəkəsinin yükünü yüngülləşəcək.
Prezident İlham Əliyevin “Sinxua” müsahibəsində vurğuladığı kimi, bu marşrut Pekin üçün Avropaya çıxışda “alternativ və təhlükəsiz yol” deməkdir ki, bu da iki ölkənin ticarət dövriyyəsinin artırılmasına birbaşa təsir edəcək .
Bəli məhz Zəngəzur dəhlizi Naxçıvanla birləşdirən yol vasitəsilə Şimal–Cənub Beynəlxalq Nəqliyyat Dəhlizinin (Rəşt–Astara xətti) da fəaliyyətini gücləndirəcək, beləliklə həm Asiya–Avropa, həm də Şimal–Cənub marşrutları üzrə ticarət həcmləri artacaq.
Deməli Prezidentin Çinə səfəri mühim tarixi əhəmiyyət kəsb edir və bu təkcə iqtisadi baxımdan deyil, eyni zamanda regionun siyasi gələcəyi baxımdan çox mühim hadisədir.
P.S əqli mülkiyyətdən istifadə edərkən istinad vacibdir.
İndex.az 2025-ci ilə olan məlumatlara görə, dünyanın ən bahalı 5 villasını sizə təqdim edir:
1. Bukinqem Sarayı, – 5 milyard $
– İngiltərə kral ailəsinin rəsmi iqamətgahı olan bu saray, texniki olaraq satılmasa da, dəyəri ilə dünyanın ən bahalı evi hesab edilir. 77,000 m² sahəsi, 775 otağı (52 kral və qonaq yataq otağı, 78 vanna otağı, 92 ofis) və 40 hektarlıq bağçası ilə misilsizdir. Barok və rokoko üslublu daxili dizaynı və tarixi əhəmiyyəti malikanəni daha da möhtəşəm edir.
2. Antili – 2 milyard $
– Hindistanın ən zəngin iş adamı Mukeş Ambaniyə məxsus 27 mərtəbəli bu göydələn tipli malikanə 400,000 m² sahəyə malikdir. Üç helikopter meydançası, 168 avtomobillik qaraj, spa, sinema, balo salonu, kar otağı və 600-dən çox personalı ilə lüksün zirvəsini təmsil edir. Zəlzələyə davamlı dizaynı və kristal, mərmər kimi materialları ilə unikaldır.
3. Villa Leopolda – 750 milyon $
– Monako və Nitsa arasında yerləşən bu tarixi villa 1902-ci ildə Belçika kralı II Leopold üçün tikilib. Hazırda Lili Safraya məxsus olan 20 hektarlıq ərazidə yerləşən villa 14 yataq otağı, geniş bağçalar, olimpik hovuz və möhtəşəm Aralıq dənizi mənzərəsi ilə tanınır. Alfred Hitçokun “To Catch a Thief” filmi burada çəkilib.
4. The One – 500 milyon $
– “Bel Air”də yerləşən bu ultra müasir malikanə 105,000 m² sahəyə malikdir. 7 yataq otağı, 11 vanna otağı, beş hovuz, 36 nəfərlik sinema salonu, gecə klubu və 360 dərəcə mənzərəli terasları ilə diqqət çəkir. Əmlak inkişaf etdiricisi Nail Niami tərəfindən tikilən bu ev ABŞ-ın ən bahalı evlərindən biridir.
5. Odeon Tower Penthouse – 330 milyon $
– Monakonun ən prestijli binalarından biri olan “Odeon Tower”in ən üst beş mərtəbəsini əhatə edən bu penthaus 360⁰ Aralıq dənizi mənzərəsi təqdim edir. Xüsusi hovuza sürüşən su atraksionu, 500 nəfərlik amfiteatr, şəxsi aşpaz və 7/24 xidmət edən personal kimi xüsusiyyətləri ilə ultra lüks həyat tərzi vəd edir.
Rusiyadan Avropaya təhlükə artmaqda davam edir - Hollandiya kəşfiyyatı təxribatların hədəflərini açıqladı
Rusiya Hollandiya və digər Avropa ölkələrində daxili sabitliyi pozmağa yönəlmiş hibrid hücumları gücləndirir.
TEREF xəbər verir ki, bu barədə Hollandiyanın hərbi kəşfiyyat və təhlükəsizlik xidmətinin (MIVD) çərşənbə axşamı dərc olunmuş illik hesabatında bildirilib.
“Biz görürük ki, Rusiyadan Avropaya təhlükə artmaqdadır, o cümlədən Ukraynaya qarşı müharibənin mümkün sona çatmasından sonra”, - MIVD direktoru Peter Reisink bildirib. Onun sözlərinə görə, sülh və müharibə arasında “boz zona” adlanan münaqişə reallığa çevrilib. "Dövlət aktorları getdikcə daha çox hibrid hücumlar vasitəsilə cəmiyyətimizi sarsıtmağa çalışırlar. Xüsusilə Rusiya", - Reisnik əlavə edib.
Hollandiya kəşfiyyatı bildirir ki, rus hakerləri dövlət qurumlarından birinin (onun adı açıqlanmır) rəqəmsal əməliyyat sisteminə hücum həyata keçiriblər. Bundan əlavə, ehtimal ki, mümkün təxribata hazırlıq məqsədilə ölkənin kritik infrastrukturunu hədəf alan Rusiya kiber əməliyyatı qeydə alınıb.
Hibrid təhdidlərə həm infrastruktura fiziki hücumlar, həm də dezinformasiya kampaniyaları daxildir. MİVD vurğulayıb ki, bu cür hərəkətlər casusluğun ənənəvi formalarını kiberhücumlar və cəmiyyətə təsir və zərbə vurmaq cəhdləri ilə birləşdirir. Hollandiya kəşfiyyatı bir daha Şimal dənizində infrastrukturun xəritəsini çəkən Rusiya təşkilatlarının fəaliyyətindən, o cümlədən casusluq və internet kabellərinə, su təchizatı sistemlərinə və elektrik şəbəkələrinə qarşı mümkün təxribatdan narahatlığını ifadə edib.
Noyabrın əvvəlində Britaniya kəşfiyyatının rəhbəri Rusiyanı Moskva ilə əlaqəli olduğu iddia edilən çoxsaylı kiberhücumlar və yandırma aksiyaları da daxil olmaqla, Avropada təxribat kampaniyaları təşkil etməkdə ittiham etmişdi.
Rusiya tərəfi bütün ittihamları rədd edir.
AzPolitika.info
ABŞ İrana yeni sanksiyalar tətbiq edib
Bu barədə ABŞ Maliyyə Nazirliyi məlumat yayıb.
ABŞ Maliyyə Nazirliyi İranın milli və mayeləşdirilmiş neft, qaz maqnatı Seyid Əsədullah İmamcümə və onun korporativ şəbəkəsinə yüz milyonlarla dollarlıq İran maye qazı və xam neftini xarici bazarlara ixrac etdiyinə görə sanksiya tətbiq edib.
“Birləşmiş Ştatlar İranın regionda və dünyada sabitliyi pozan hərəkətlərini maliyyələşdirməyə kömək edənləri məsuliyyətə cəlb etməyə sadiqdir”, - ABŞ maliyyə naziri Skott Bessent qeyd edib.
Sosial şəbəkələrdə azərbaycanlı azyaşlıların İranın dini lideri Əli Xamenei üçün 86 yaşı münasibətilə səsləndirdikləri təbrik videosu ciddi etirazla qarşılanıb. Belə ki, 19 apreldə 86 yaşını qeyd edən Xameneinin şərəfinə hazırlanmış və Azərbaycan bayrağı ilə bəzədilmiş tortu kəsən azyaşlılar videoda bunları deyiblər: “Ağa can, 96, 100 yaşını qeyd edəsən, Allah sənə uzun ömür, cansağlığı versin, Allah düşmənlərimizi zəlil etsin, ağa can”. Onlar Allahın adı ilə tortu kəsib, “Ləbbeyk, ya Xamenei” şüarını səsləndiriblər. Sosial şəbəkədə sözügedən görüntülərlə bağlı aidiyyəti orqanlara ciddi çağırışlar edilib.
Milli Məclisin İctimai birliklər və dini qurumlarla iş komitəsinin üzvü Ceyhun Məmmədov Pravda.az-a açıqlamasında deyib ki, bu məsələyə sıradan hadisə kimi yanaşmaq olmaz.
“Prosesi təhlil edəndə bir daha bu qənaətə gəlirik ki, Azərbaycanda dini sahədə xarici təsirlər hələ də aktualdır. Bir sıra dövlətlər Azərbaycanda öz məqsədlərinə çatmaq üçün müəyyən layihələrə başlayıblar, həmin layihələr bu gün də davam edir. Söhbət Azərbaycan gənclərinin fərqli dini ideologiyalara yönəldilmələrindən gedir. Bu gün Azərbaycan üçün ən önəmli, ciddi məsələlərdən biri din məsələsidir. Zərərli dini təbliğat, təriqətçilik, məzhəbçilik Azərbaycan üçün çox ciddi təhlükələr və təhdidlər yaradır. Bu proseslərin qarşısı indidən alınmasa, qabaqlayıcı tədbirlər həyata keçirməsək, gələcəkdə çox ciddi problemlərlə üz-üzə qalacağıq. İdeologiyanın qarşısını ideologiya ilə almaq mümkündür. Yəni burada söhbət hətta uşaqlara yönəlmiş güclü təbliğatdan, fəaliyyətdən gedir. Azərbaycan dövləti güclü olduğu üçün dini qüvvələr o qədər də açıq şəkildə fəaliyyət göstərmirlər, amma alt qatda çox ciddi proseslər gedir. Biz bunu məscidlərdə də, sosial şəbəkələrdə paylaşılan videolarda da görürük. Söhbət kimin hansı inanca mənsub olmasından getmir. Azərbaycanda tarixən şiəlik də, sünnilik də olub. Bu gün də var və olacaqlar. Lakin sırf bir məzhəbin hansısa dövlətlə əlaqələndirilməsi, dəvətə bağlı olduğunun təlqin edilməsi qəbuledilməzdir. Paylaşılan video mövcud olan çoxlu sayda faktlardan biridir ki, üzə çıxıb. Ola bilər, məqsədli şəkildə paylaşılıb. Bu, ciddi SOS siqnalıdır və bizi narahat etməli məsələdir. Biz nəsə deyəndə bunu yalnız dinlə əlaqələndirməyə çalışırlar, amma belə deyil. Bu həm də siyasi məsələdir. Düşünürəm, din siyasətimizə yenidən baxmalıyıq. Dini sahədə sistemli, ardıcıl tədbirləri davam etdirməli, özümüzü kənar təsirlərdən qorumalıyıq. Hansısa dinə etiqad edib-etməmək hər bir insanın haqqıdır. Ölkəmizdə dini etiqad azadlığı var. Burada söhbət sırf kənar dövlətlərin Azərbaycanın dini mühitinə müdaxiləsindən gedir. Məsələni daim diqqətdə saxlamalıyıq. Güclü ideoloji iş apara bilməsək, gələcəkdə bizi çox çətin günlər gözləyir. Bu gün cənab Prezident İlham Əliyevin və Birinci vitse-prezident Mehriban Əliyevanın din sahəsinə böyük diqqəti var. Qarabağda məscidlər tikilir. Azərbaycanda dinə olan diqqət və qayğı dünyanın çox az ölkəsində var. Kənar təsirlərə imkan verməməliyik", - deputat bildirib.
Rusiya Prezidenti Vladimir Putin tammiqyaslı işğaldan sonra ilk dəfə Ukraynaya ikitərəfli danışıqlar təklif edib.
Bu barədə “Röyters” qeyd edib.
Nəşr yazıb ki, Zelenski Putinin təşəbbüsünə cavab verməsə də, Ukraynanın atəşkəslə bağlı istənilən danışığa hazır olduğunu vurğulayıb:
“Putinin bəyanatı heç bir irəliləyiş əldə olunmasa, sülh səylərindən əl çəkəcəyi ilə hədələyən ABŞ-ın təzyiqi fonunda baş verib”.
"Bizim istənilən sülh təşəbbüslərinə müsbət münasibətimiz var. Ümid edirik ki, Kiyev rejiminin nümayəndələri də belə hiss edəcəklər", - Putin deyib.
Kremlin mətbuat katibi Dmitri Peskov daha sonra prezidentin sözlərini belə izah edib:
“Putin mülki obyektlərin vurulmaması məsələsini, o cümlədən ikitərəfli əsasda müzakirə etməyin mümkün olduğunu deyəndə, Ukrayna tərəfi ilə danışıqlar və müzakirələri nəzərdə tuturdu”.
O əlavə edib ki, Rusiya Federasiyası sülh yolu ilə həll tapmağa açıqdır. Peskov hətta Amerika tərəfi ilə iş aparıldığını xatırladıb və bunun “nəticə verəcəyinə” ümid etdiyini bildirib.
Siyasi şərhçi Kazım Kazımov "Sherg.az"a deyib ki, Kreml müharibə dövründə də belə sülh çağırışları edirdi, lakin bu bəyanatlar real barışa xidmət göstərmirdi:
"Rusiyanın irəli sürdüyü şərtlər maksimalist və qeyri-realist idi. Eyni zamanda, Ukrayna da öz mövqeyini açıq şəkildə ortaya qoyaraq, Moskvanın təkliflərinə qarşı konkret tələblər irəli sürürdü. Hər iki tərəf sülh istəyini bəyan etsə də, mövcud şərtlər ortaq nöqtəyə gəlməyə imkan vermir. Rusiya və Ukraynanın mövqeləri bir-birindən kəskin şəkildə fərqlənir. Reallıq isə odur ki, Ukrayna işğala məruz qalan və ərazi itkiləri yaşayan tərəfdir. Lakin indiki mərhələdə 2014-cü il sərhədlərinə qayıtmaq praktik olaraq mümkün görünmür. Çünki Rusiya işğal etdiyi ərazilərdə güclü hərbi mövqe qurub və hərbi-siyasi resurs baxımından Ukraynanı üstələyir. Digər tərəfdən, Qərb də artıq bu münaqişədən yorulub. ABŞ-da administrasiya dəyişikliyi ilə yanaşma da dəyişib – Prezident Donald Tramp və komandası müharibəyə əvvəlki rəhbərlikdən fərqli yanaşır. Belə bir vəziyyətdə Ukrayna üçün əlverişli olmayan, lakin döyüşləri dayandıra biləcək bir atəşkəs gündəmə gələ bilər".
Şərhçi qeyd edib ki, Kiyev əlavə ərazi itkisi və ağır siyasi nəticələrə gətirib çıxaracaq bir sülh razılaşmasına imza atmaq istəmir:
"Ukrayna artıq üç ildir müharibə şəraitindədir, ağır itkilər verib. Buna görə də hər iki tərəfin tam razı qalmasa belə, ən azı silahlı qarşıdurmanı dayandıracaq və itkilərin qarşısını alacaq bir sülh formuluna ehtiyac var".
Rusiya prezidenti Vladimir Putin tammiqyaslı işğaldan sonra ilk dəfə Ukraynaya ikitərəfli danışıqlar təklif edib.
Publika.az xəbər verir ki, bu barədə “Reuters” qeyd edib.
Nəşr yazıb ki, Zelenski Putinin təşəbbüsünə cavab verməsə də, Ukraynanın atəşkəslə bağlı istənilən danışığa hazır olduğunu vurğulayıb: “Putinin bəyanatı heç bir irəliləyiş əldə olunmasa, sülh səylərindən əl çəkəcəyi ilə hədələyən ABŞ-ın təzyiqi fonunda baş verib”.
"Bizim istənilən sülh təşəbbüslərinə müsbət münasibətimiz var. Ümid edirik ki, Kiyev rejiminin nümayəndələri də belə hiss edəcəklər", - Putin deyib.
Kremlin mətbuat katibi Dmitri Peskov daha sonra prezidentin sözlərini belə izah edib: “Putin mülki obyektlərin vurulmaması məsələsini, o cümlədən ikitərəfli əsasda müzakirə etməyin mümkün olduğunu deyəndə, Ukrayna tərəfi ilə danışıqlar və müzakirələri nəzərdə tuturdu”.
O əlavə edib ki, Rusiya Federasiyası sülh yolu ilə həll tapmağa açıqdır. Peskov hətta Amerika tərəfi ilə iş aparıldığını xatırladıb və bunun “nəticə verəcəyinə” ümid etdiyini bildirib.
Maraqlıdır ki, 2022-ci ilin fevralında Rusiyanın Ukraynaya genişmiqyaslı müdaxiləsinin ilk günlərindən bəri tərəflər arasında birbaşa danışıqlar aparılmayıb.
Ötən həftənin sonunda ABŞ prezidenti Donald Tramp və dövlət katibi Marko Rubio bir neçə gün ərzində heç bir irəliləyiş olmasa, sülh danışıqlarından uzaqlaşa biləcəklərini bildiriblər.
Bu və gündəmdəki bir çox xəbərləri bu gün saat 13.00-də aparıcı Sevinc Telmanqızının təqdimatındakı “Canlı debat” verilişində müzakirə edəcəyik. Qonağımız politoloq Əlimusa İbrahimovdur. Müzakirədə tamaşaçılarımız da iştirak edə bilər.
https://www.facebook.com/tvmusavat