 |
|
|
Azərbaycan Milli Məclisinin deputatı Azər Badamovun Rusiya Federasiyasına girişinə qadağa qoyulmasına onun guya dəfələrlə anti-Rusiya və rusofob açıqlamalar verməsinin səbəb olduğu açıqlanıb.
Bu barədə TASS mənbəyə istinadən məlumat yayıb.
Deputat Azər Badamov Rusiyaya niyə buraxılmayıb?
Mənbə bildirib ki, Azər Badamov 2025-ci il mayın 4-də Rusiya ərazisinə buraxılmayıb.
Qeyd olunur ki, Azər Badamovun Rusiya Federasiyasının “Rusiya Federasiyasından çıxma və Rusiya Federasiyasına daxil olma qaydası haqqında” Federal Qanununun 26 və 27-ci maddələrinə uyğun olaraq Rusiyaya daxil olmasına icazə verilmir. Bunun əsas səbəbi Milli Məclisin deputatının guya dəfələrlə anti-Rusiya və rusofob bəyanatlar verməsidir.
Badamova qarşı görülən tədbirlərin “şəxsi xarakter daşıdığı” bildirilir, Rusiya tərəfinin Rusiya-Azərbaycan münasibətlərinin strateji tərəfdaşlıq və müttəfiqlik ruhunda inkişaf etdirilməsi ilə bağlı dəyişməz niyyətinə təsir göstərmədiyi vurğulanır.
“Rusiya dost ölkələrlə münasibətlərdə “stop-list” praktikasının tərəfdarı deyil. Məlum olduğu kimi, əvvəllər də bir sıra rusiyalı deputatlara qarşı Azərbaycana giriş qadağası qoyulub. Sonuncu belə hal Dövlət Dumasının deputatı Nikolay Valuyevlə bağlı olub.
Moskva hesab edir ki, bu cür məsələlərin media vasitəsilə iddialar səsləndirməklə deyil, diplomatik kanallarla həll edilməsi düzgündür”, – mənbə bildirib.
Rusiyada yaşayan azərbaycanlı milyarderlər Qod Nisanov və Zarax İliyev “Lyublinskoye Pole” ticarət mərkəzini satın alıblar.
Yeniavaz.com “Forbes” nəşrinə istinadən xəbər verir ki, bu obyektin təxmini dəyəri 2 milyard rubl (24,7 milyon dollar) təşkil edir.
Bildirilir ki, “Lyublinskoye Pole” ticarət mərkəzi Qod Nisanov və Zarax İliyevə məxsus “Kiyevskaya Ploşad” şirkətinə bağlı olan “Moskva” ticarət-yarmarka kompleksinin yaxınlığında yerləşir.
“Forbes” jurnalının 2025-ci il üzrə “Rusiya milyarderləri” siyahısında 41-ci yerdə qərarlaşan (sərvəti 3,4 milyard dollar) Qod Nisanov və 39-cu yeri tutan (sərvəti 3,4 milyard dollar) Zarax İliyevin nəzarət etdiyi “Kiyevskaya Ploşad” şirkətlər qrupu Moskvanın cənub-şərq hissəsində, sahəsi 34 min 900 kvadratmetr olan əmlakı öz balansına daxil edib.
“Kiyevskaya Ploşad” şirkətinin nümayəndəsi obyektin alındığını təsdiqləyib.
Əmlak üzrə ekspertlər ticarət mərkəzinin dəyərini 1,5-2 milyard rubl aralığında qiymətləndiriblər. Müstəqil ekspert Marina Malaxatko isə əməliyyatın məbləğinin 2 milyard rublu keçmədiyini bildirib.
Əvvəl bu əmlak “Stroytorg” MMC-yə məxsus idi. Şirkətin 2024-cü ildəki gəliri 114,3 milyon rubl, xalis mənfəəti isə 2 milyon rubl təşkil edib. Əvvəlki sahiblər arasında Yuliya Tkaçenko (40%) və Elena Kelperis (21%) əsas paya malik olublar.
Ekspertlər bildirirlər ki, əvvəlki sahiblər əraziyə qoyulan inkişaf məhdudiyyətlərinə görə aktivi satmağa qərar veriblər. Hüquqşünas Aleksey Vançuqov hesab edir ki, “Kiyevskaya Ploşad” burada ticarət və sərgi kompleksinin yeni mərhələsini həyata keçirə bilər. Marina Malaxatko isə bu ərazidə sənaye parkının salınacağını istisna etmir.
Qeyd edək ki, “Kiyevskaya Ploşad” Qod Nisanov və Zarax İliyevə məxsusdur və Rusiyada kommersiya daşınmaz əmlakının ən böyük sahibidir. Şirkət “Forbes Rusiya – 2025” reytinqində daşınmaz əmlak sahəsində birinci yerdədir. 2024-cü ilin sonuna qədər qrupun icarədən əldə etdiyi gəlir 2 milyard dollara çatıb.
“Amerika İranı təhdid edə bilməz, çünki onların regiondakı bazaları bizim nəzərimizdədir”.
“Cebheinfo.az” “Mehr”-ə istinadən xəbər verir ki, bunu İranın müdafiə naziri, briqada generalı Əziz Nəsirzadə deyib.
İranlı nazir yerli istehsal olan “Qasim Bəsir” raketinin nümayişi zamanı bu xəbərdarlığı edib:
“Bizə hücum olunarsa və ya bizi müharibəyə məcbur etsələr, güclə cavab verəcəyik. Biz onların maraqlarına və bazalarına hücum edəcəyik və bununla bağlı özümüzə heç bir məhdudiyyət qoymayacağıq”.
Nazir “Biz qonşu ölkələrlə düşmən deyilik və onlar bizim qardaşlarımızdır, lakin onların ərazisindəki Amerika bazaları bizim hədəfimizə çevriləcək”,-deyə vurğulayıb.
İran qonşu ölkələr dedikdə, konkret kimi nəzərdə tutduğunu açıqlamayıb. Ancaq Qərbi Zəngəzurda ABŞ-nin hərbi baza qurmaq imkanı barədə məlumatların yayılmasını nəzərə alsaq, hədənin rəsmi İrəvana yönəldiyini düşünmək olar.
Milli Məclisin deputatı Azər Badamov Həştərxan vilayətinə səfəri çərçivəsində Rusiyanın Moskva hava limanında saxlanılıb və ölkəyə girişinə qadağa qoyulub.
Tribunainfo.az xəbər verir ki, məsələ ilə bağlı Azərbaycan Xarici İşlər Nazirliyindən verilən açıqlamada, Azər Badamovun daxil olduğu nümayəndə heyətinin Həştərxan şəhərinə səfərinin məhz Rusiya Federasiyası Həştərxan vilayətinin vitse-qubernatoru – Hökumət sədri Denis Afanasyevin dəvəti əsasında Azərbaycan xalqının Ümummilli Lideri Heydər Əliyevin anadan olmasının 102-ci ildönümü münasibətilə keçiriləcək tədbirlərdə iştirak məqsədilə olduğu qeyd edilib.
Modern.az-a açıqlamasında səfərdə iştirak edən digər deputat Elman Nəsirov bildirib ki, ilkin olaraq sərhəd xidmətindən rahat keçiblər:
“Heç bir problem yox idi, hər şey qaydasındaydı. Daha sonra iki nəfər Sərhəd Mühafizəsinin əməkdaşları yaxınlaşdı ki, sizinlə bağlı dəqiqələşdirmə aparılmalıdır, sizə “STOP” qoyulub. Azər müəllim də söylədi ki, 10 gün qabaq Dağıstanda səfərdə olub. “Necə oldu ki, mən Dağıstana gedəndə analoji problemlə üz-üzə qalmadım, indi belə bir məsələ ilə üzləşirəm”, -o deyib. “Rusiya ilə dostluq qrupunun, MDB-də bizim nümayəndə heyətinin üzvüdür, Azər müəllim. Bu nə anlaşılmazlıqdır?”, desək də, “kompüterdə texniki səhv olmuş ola bilər”, deyə cavab verildi. Bir neçə dəqiqə sonra isə dedilər ki, təhlükəsizlik məsələləri ilə bağlı Azər Badamov geri qayıtmalıdır. Ümumi ifadə işlətdilər. “Təhlükəsizlik deyəndə siz nəyi nəzərdə tutursunuz?” sualımıza cavab verməkdən yayındılar”.
Deputat onu da deyib ki, Həştərxanda Azərbaycan nümayəndə heyətini Baş nazir səviyyəsində qarşılayıblar:
“Həştərxan hökumətinin rəhbəri bizi hava limanında qarşıladı. Baş nazir səviyyəsində qarşılama oldu. Çox böyük diqqət və qayğını hiss etdik. Bu gündən etibarən bizim burada tədbirlərimiz nəzərdə tutulub. Diaspor nümayəndələrimizlə görüşümüz olacaq, sabah Ulu Öndər Heydər Əliyevin anadan olmasının 102-ci ildönümü ilə bağlı ağacəkmə aksiyasında iştirak edəcəyik. Şəhərin meri ilə görüşümüz var, Ulu Öndər Heydər Əliyevin adına məktəbdə şagirdlərlə görüşümüz olacaq. Yəni çox yüksək səviyyədə görüşlər və hazırlıq prosesini görürük. Hər şeydən əvvəl biz bu addımları Azərbaycan-Rusiya münasibətlərinin ruhuna uyğun atırıq. Siz dediyiniz məsələ isə bir anlaşmazlıqdır və artıq Xarici İşlər Nazirliyimiz də bununla bağlı mövqeyini ifadə edib”.
E. Nəsirov Milli Məclisin atmalı olduğu addımdan da danışıb: “Hesab edirəm ki, konkret cavab olmalıdır. Çünki artıq Rusiyadakı səfriliyimiz bu ölkənin Xarici İşlər Nazirliyinə müraciət edib. Hadisə bazar gününə təsadüf etdi. Artıq bu gün yeni iş həftəsi başlayır. Hesab edirəm ki, yaxın zamanda məsələ ilə bağlı aydın, məntiqli cavab ortaya çıxacaqsa, buna adekvat reaksiya və davranış ola bilər”.
“Unibank” əməkdaşlarının kobudluğu və bankın güzəşt müddətinin az olması bankdan imtina edən müştərilərin sayını artırıb.
Tribunainfo.az xəbər verir ki, narazı müştərilərdən biri də Günay Quliyevadır. Bu problemlər səbəbindən o “Unibank”dan imtina edib:
“Unibank”da kredit kartım var idi, bağlamışam tamamilə, hətta artıq qəpik də qalıb. Amma adımda öhtəlik kimi qalıb və bank da deyir ki, gəlin filiala, ərizə yazın, tam bağlansın. İşləyən insanları da düşünmək lazımdır axı ki, bu insan necə gəlsin. Artıq uzun müddətdir ki, narazıyam bu bankdan. Həm güzəşt müddəti az, həm əməkdaşları kobud”.
Haaqa yaxınlığındakı Rijsvijk şəhərində otelin terrasında güllələnən Türkiyənin iş adam Cəmil Önal olduğunu Niderland polisi təsdiqləyib.
Musavat.com komp1.guru saytına istinadən xəbər verir ki, Hollandiya Milli Polisinin sözçüsü Mişel Molenaar “öldürülən şəxsin 41 yaşlı Cəmil Önal olduğunu təsdiqləyirik. Şübhəli şəxslərlə bağlı istintaq tam sürətlə davam edir. Bu məqsədlə istintaq qrupu yaradılıb” deyib. Məlum olub ki, Cəmil Önal öldürülməzdən əvvəl o, rəsmilərə xəbərdar edibmiş ki, türk siyasətçilərinə qanunsuz qumar sindikatı adından rüşvət ötürüldüyü barədə məlumat olduğu üçün həyatı təhlükədədir. Cəmil Önal daha əvvəl mediaya açıqlamasında qeyri-qanuni qumar sindikatı adından türk və Şimali Kipr siyasətçilərinə əhəmiyyətli ödənişlər etdiyini bildiribmiş.
Onal bu barədə sui-qəsdən cəmi bir neçə gün əvvəl “Follow the Money” nəşrinə hücuma məruz qalacağını gözlədiyini deyibmiş. Onun vəkilinin dediyindən belə anlaşılıb ki, bu barədə Niderland hakimiyyətinə məlumat veriblər. Şəxsi təhlükəsizliyi ilə bağlı adının çəkilməsini istəməyən vəkil “bu ciddi təhlükə barədə bir neçə dəfə prokurorluğa məlumat verilib” deyib. Niderland prokurorluğu Önal və vəkilindən təhdid barədə məlumat aldıqlarını təsdiqləyib.
Türkiyə rəsmiləri 2022-ci ildə qeyri-qanuni qumardan ayda təxminən 80 milyon dollar qazandığı iddia edilən türk əsilli iş adamı Halil Fəlalinin qətlinin suçlusu kimi Önalın adını çəkib.
Önal isə bildirib ki, Fəlalinin qətli ilə heç bir əlaqəsi yoxdur. Hollandiya polisi 2023-cü ilin dekabrında Türkiyədən beynəlxalq order əsasında Önalı həbs edib. Amma onu ölkəsinə ekstradisiya etməyib. Həbsxanadan 20 saatdan çox eksklüziv müsahibə verən Önal qumar biznesinin görünməmiş təfərrüatlarla jurnalistlərə açıqlayıb. Fevral ayında araşdırma dərc edildikdən bir ay sonra Önal həbsdən buraxılıb. Önal jurnalistlərə deyib ki, o, Fəlali adından Türkiyə və Şimali Kiprdə hakim partiya siyasətçilərinə ayda təxminən 15 milyon dollar ödəniş edib.
Önal bir müddət əvvəl Şimali Kiprdə çıxan “Bugün Kıbrıs” qəzetinə danışaraq, rüşvət iddialarını təkrarlamışdı. Önalın iddialarından türkiyəli müxalifəti hökumətə qarşı istifadə etməyıə cəhd edib. AKP deyilənləəri “qara kampaniyası” adlandırıb. Türkiyə Xarici İşlər Nazirliyi iddiaların "əsassız" olduğunu bildirib və hüquqi addım atmaqla hədələyib.
Musavat.com
Rusiya xarici işlər naziri Sergey Lavrov pakistanlı həmkarı İshaq Dara Moskvanın Nyu-Deli və İslamabad arasında vəziyyətin nizamlanmasına yardım etməyə hazır olduğunu təsdiqləyib.
“Report” xəbər verir ki, bu barədə Rusiya xarici siyasət idarəsinin teleqram kanalında telefon danışığının nəticələrinə dair məlumatda deyilir.
“Xüsusi diqqət Nyu-Deli və İslamabad arasında gərginliyin əhəmiyyətli dərəcədə artmasına yönəldilib. Rusiya tərəfindən İslamabad və Nyu-Delinin qarşılıqlı istəyi olduğu təqdirdə, 22 aprel tarixində Pahalqam şəhəri yaxınlığında terror aktı nəticəsində yaranmış vəziyyətin siyasi nizamlanmasına yardım etməyə hazır olduğu vurğulanıb”, – nazirlikdən bildirilib.
Pakistanın qurumunda isə öz növbəsində qeyd ediblər ki, nazir İshaq Dar telefon danışığı zamanı Hindistanın əsassız ittihamlarını və Pakistana qarşı təhrikçi ritorikasını rədd edib, Nyu-Delinin Hind Suları Müqaviləsinin fəaliyyətini dayandırmaq üçün birtərəfli və qanunsuz addımını pisləyib ki, bu da onun beynəlxalq öhdəliklərinin pozulmasıdır.
“Pakistanın regional sülhə sadiqliyini təsdiqləyərək, nazir vurğulayıb ki, Pakistan öz suverenliyini və milli maraqlarını qətiyyətlə müdafiə edəcək. O həmçinin Pakistanın beynəlxalq, şəffaf və müstəqil araşdırma aparılması təklifini çatdırıb”, – Pakistan XİN-in mətbuat xidmətindən bildirilib.
Pakistanın BMT-dəki daimi nümayəndəsi Hindistanla artan gərginlik, Cəmmu və Kəşmirdəki son hadisələr və regional təhlükəsizlik məsələləri ilə bağlı BMT Təhlükəsizlik Şurasında fövqəladə iclasın keçirilməsini tələb edib.
Bu barədə “Report”un ABŞ bürosuna Pakistanın BMT-dəki missiyasının mətbuat müşaviri Amanat Əli məlumat verib.
A. Əli bildirib ki, regional mühitin pisləşməsi və Hindistanla Pakistan arasında gərginliyin artması, xüsusilə də Cəmmu və Kəşmirdəki vəziyyətin həm regional, həm də beynəlxalq sülh və təhlükəsizliyə ciddi təhdid yaratması səbəbi ilə Pakistan BMT Təhlükəsizlik Şurasının təcili qapalı məsləhətləşmələrinin keçirilməsini rəsmi şəkildə tələb edib.
Məlumata görə, Pakistanın BMT-dəki daimi nümayəndəsi səfir Asim İftixar Əhməd bazar ertəsi günortadan sonra keçiriləcək iclasdan sonra Təhlükəsizlik Şurasının nəzarət zonasında bəyanatla çıxış edəcək.
Qeyd edək ki, aprelin 22-də Hindistanın nəzarətində olan Cəmmu və Kəşmirin Pahalqam bölgəsində silahlı şəxslərin turistlərə atəş açması nəticəsində 26 nəfər ölmüş, çox sayda insan yaralanmışdı.
Qitələrarası səyahətin ancaq piyada edilə biləcəyini sübut etmək üçün 26 il əvvəl Çilidəki evindən yola çıxan ingilis səyyah Karl Buşbi İstanbula çatıb və xüsusi icazə ilə 15 İyul Şəhidlər Körpüsü üzərindən Asiyadan Avropaya keçib.
“Sherg.az” “NTV,com.tr”yə istinadən xəbər verir ki, K.Buşbi Türkiyə Nəqliyyat və İnfrastruktur Nazirliyinin xüsusi icazəsi ilə körpünün Anadolu sahilindən təxminən 10 dəqiqəyə Avropa tərəfinə çatıb. Sonuncu mənzili Kuzqunçuk parkı olan səyyah səhər saatlarında körpüdə nazirlik səlahiyyətliləri, Karayolları Baş İdarəsi personalı və təhlükəsizlik qrupları tərəfindən qarşılanıb. K.Buşbi, "Çox uzun bir səfərdən gəldim. Bu nöqtəyə gəlmək asan olmadı. İnanılmaz dərəcədə həyəcanlıyam. Bu körpünün üstündən çox az adam keçdi. Bu nöqtəyə gəldiyim üçün çox xoşbəxtəm. Türk xalqına təşəkkür edirəm, mənə çox kömək etdilər", deyib. Üç aydır yolda olduğunu xatırladan Buşbi nəqliyyatda xaosa səbəb olduğu üçün hər kəsdən üzr istəyib. "Allaha şükür ki, heç kim ölməyib və mən hələ də sağam" deyən britaniyalı səyyah, "Səfərim zamanı çox şey öyrəndim. Dünyanın nə qədər gözəl olduğunu gördüm. Düşünürəm ki, insanlar bunu xatırlamalıdırlar və dünyanın nə qədər gözəl olduğunu düşünürəm. Dünya 24/7 xəbərlərdə gedən ölüm və dağıntıdan başqa gözəl bir yerdir. Səyahətçi kimi mən dünyanın ən yaxşısını, dünyanın ən yaxşısını gördüm", söyləyib. Karl Buşbi Meksikaya qayıdacaq, çünki vizası tezliklə bitəcək və vizası yeniləndikdən sonra səyahətə qaldığı yerdən davam edəcək.
Hər dəfə Türkiyə aktiv şəkildə inkişaf etməyə başlayanda, dünya səhnəsində mövqeyini möhkəmləndirəndə, Ankaranın rəqibləri “1915 kartı”nı ortaya qoyurlar.
TNS xəbər verir ki, bu barədə Türkiyə daxili işlər nazirinin müavini Bülənd Turan deyib.
O, qondarma “erməni soyqırımı” ilə bağlı iddiaların heç bir tarixi əsası olmadığını vurğulayıb:
“Yalanların yayılmasının yeganə səbəbi Ankaraya təzyiq göstərməkdir ki, Türkiyə “istənilən” kursa uyğun hərəkət etsin. Əgər “1915” uydurması işə yaramırsa, o zaman başqa vasitələrdən istifadə olunur”.
O, Türkiyənin tarixində, türk xalqı arasında utanc doğuracaq bir hadisənin olmadığını vurğulayaraq, Ankaranın tarix boyu dəfələrlə xəyanət və digər problemlərlə üzləşdiyini qeyd edib.
Nazir müavini bildirib ki, bu yaxınlarda Şərq - Qars, Ağrı, İğdır və Ərdahan vilayətlərində olub, burada digərləri ilə yanaşı, erməni quldur dəstələrinin qurbanı olmuş mülki əhalinin kütləvi məzarlıqlarını da ziyarət edib:
“Bu məzarlıqların arasında ermənilərə aid olan bircə dənə də məzarlıq olmayıb. Bütün bunlar Osmanlı imperiyasının kəndlərində qətlə yetirilən sakinlər - etnik türklərdir. Əgər bir milyon yarım erməninin hansısa “soyqırımı” ilə bağlı iddialar doğrudursa, heç olmasa, Anadoluda ermənilərin kütləvi şəkildə dəfn edildiyi bir yer göstərsinlər. Bunların hamısı yalandır”.
O, Türkiyə Prezidenti Rəcəb Tayyib Ərdoğanın bu məsələ ilə bağlı bütün ölkələrin, o cümlədən Ermənistanın arxivlərinin açılması təklifini də xatırladıb.