 |
|
|
Sərfəli mobil operator “Nar”ın, həmçinin bp və tərəfdaşlarının dəstəyi, ADA Universiteti və ADA Universiteti Fondunun təşkilatçılığı ilə jest dili üzrə mobil tətbiqin hazırlanması istiqamətində işlər planlı şəkildə davam etdirilir. Layihənin son rübündə mühüm mərhələyə – məzmunun yaradılmasından tətbiqə inteqrasiya və test prosesinə keçid edilib. Bu təşəbbüs inklüzivliyi təşviq edərək eşitmə və nitq məhdudiyyəti olan şəxslərin digər insanlarla ünsiyyətini asanlaşdırır və onların jest dilini tamamilə ödənişsiz və müəllimə ehtiyac olmadan öyrənməsinə imkan yaradır.
Yaxın zamanda yekunlaşacaq layihə çərçivəsində “Karlara Dəstək” İctimai Birliyinin dəstəyi ilə hazırlanan tədris məzmunu test mühitinə inteqrasiya edilib, server və verilənlər bazası üzrə işlər demək olar ki, tamamlanıb, AWS platformasında yerləşdirmə prosesi icra olunub. Eyni zamanda, tətbiqin əsas funksiyaları test üçün hazır vəziyyətə gətirilib, UI/UX dizayn elementləri yekunlaşdırılıb. İlkin mərhələdə planlaşdırılandan daha çox söz və tədris səhifəsi hazırlanaraq hədəfə doğru davamlı irəliləyiş təmin olunub.
Qeyd edək ki, jest dili üzrə bu mobil tətbiqin hazırlanması layihəsinə “Nar”ın da qoşulması onun inklüziv cəmiyyətin qurulmasına yönəlmiş fəaliyyətindən irəli gəlir. Layihə bu sahədə başladığımız işlərin davamı olaraq, ölkədə işarət dilinin tədrisi və əlilliyi olan şəxslərin informasiya əlçatanlığına dəstək məqsədi daşıyır.
Avtomobildən istifadə zamanı sürücülər onun texniki vəziyyətinə daim nəzarət etməlidirlər – mexanizmlərin sazlığı, yanacaq səviyyəsi, təkərlərin vəziyyəti və s. Bütün bunlar arasında çox mühüm bir məqama əksər hallarda diqqət yetirilmir.
Qaynarinfo bu materialda təkərlərdə təzyiqin nə qədər olmalı olduğunun izahını təqdim edir.
Təkərlərdə təzyiq necə yoxlanılır – yeganə üsul
Təkərlərdəki təzyiqi "gözlə" müəyyən etmək mümkün deyil. Bunun üçün xüsusi cihaz – manometr mövcuddur. Bu cihaz hər bir sürücüdə olmalıdır və istifadəsi olduqca sadədir: onu şinin klapanına (ventilinə) birləşdirmək, sıx şəkildə basmaq və göstəricini oxumaq kifayətdir. Bu proseduru avtomobil ən azı 5 saat hərəkət etmədikdə, yəni "soyuq" təkərlərdə aparmaq vacibdir.
Təkərlərdə təzyiq nəyə təsir edir – bilməyə dəyər
Təzyiq səviyyəsi avtomobilin manevr imkanlarına və yanacaq sərfiyyatına təsir göstərir. Eyni zamanda, protektorların aşınma dərəcəsi və avtomobilin əyləcləmə məsafəsi də bundan asılıdır ki, bu da potensial qəza vəziyyətlərində həyati əhəmiyyət daşıyır. Təkərlərdə normal təzyiq insanların yolda həyatını və sağlamlığını xilas edə bilər.
Təkərlərdə hansı təzyiq olmalıdır – hər sürücü bilməlidir
Təkərlərdəki təzyiq səviyyəsi mövsümdən asılı olaraq dəyişir. Yayda yüksək temperatur səbəbindən asfalt örtüyü daha yumşaq olur və bu da avtomobilin yol ilə təmasına təsir edir.
Ekspertlərin fikrincə, ən optimal təzyiq aralığı 1,85-dən 2,8 atmosferə qədərdir. Dəqiq göstərici isə disk radiusundan və quraşdırılmış şinlərdən asılıdır. Avtomobilin modeli, ölçüləri və çəkisi də rol oynayır. Lazımi göstəricilər adətən sürücü qapısının iç tərəfində və ya benzin çəninin qapağının arxa hissəsində qeyd olunur.
Bilin ki, istilik təzyiqə güclü təsir göstərir – hər 10° C artım təzyiqi təxminən 0,1 bar artırır. Uzunmüddətli isti hava şəraiti nəticəsində təzyiq normadan artıq ola bilər. Bu isə protektorların daha sürətli aşınmasına və təkər yol çuxurlarına düşərkən zədələnmə riskinin artmasına səbəb olur.
Aşağı təzyiq də zərərlidir – yanacaq sərfiyyatı artır və disk təkəri "çəkməyə" başlayır ki, bu da onu tez sıradan çıxarır.
Bütün bu xoşagəlməz hallardan qaçmaq üçün, xüsusilə hava şəraitində kəskin dəyişikliklər zamanı, təkərlərdəki təzyiqi mütəmadi yoxlamaq tövsiyə olunur.
Modemlər, evlərimizdə səssizcə işləyən kiçik cihazlar, əslində, rəqəmsal həyatımızda ən kritik təhlükəsizlik zəifliklərindən biridir. Modemlər kiberhakerlər üçün açıq qapıya çevrilir - təkcə internetimiz deyil, həm də şəxsi məlumatlarımız təhlükə altındadır. Üstəlik, çoxumuz bu təhlükənin nə qədər geniş və məkrli olduğunun fərqində deyilik.
Musavat.com xəbər verir ki, FTB-nin xəbərdarlığı vəziyyətin ciddiliyini ortaya qoyur: Modemlər kiberhücumçuların əsas hədəfinə çevrilib!
Bəs nə etməliyik? Musavat.com diqqət etməli olduğumuz vacib məqamları təqdim edir:
Çox vaxt evlərimizdə modemlərin olduğunu ancaq internet yavaşlayanda və ya tamamilə sönəndə yada salırıq. Belə hallarda ilk reaksiyamız adətən modemi söndürüb yenidən yandırmaq və ya internet provayderinin müştəri xidmətinə zəng etmək olur.
Ancaq unutmamalıyıq ki, bu kiçik cihazlar təkcə internet bağlantısı təmin etmir, onlar, əslində, evdə bütün rəqəmsal ünsiyyətin mərkəzindədir. İngiltərədə aparılan araşdırmalar göstərir ki, ehtiyatsız istifadə edilən modemlər kiber hakerlər üçün “açıq qapı”ya çevrilə bilər. ABŞ Federal Təhqiqatlar Bürosu (FTB) da bu yaxınlarda məsələ ilə bağlı mühüm xəbərdarlıq edib.
FTB xüsusilə Linksys markasına aid olan 13 köhnə modem modelinin artıq istehsalçı tərəfindən dəstəklənmədiyini və hakerlərin əsas hədəfinə çevrildiyini açıqlayıb. Agentlik bu modemləri dərhal istehsalçı dəstəyi və təhlükəsizlik yeniləmələrini almağa davam edən modellərlə əvəz etməyi tövsiyə edir. FTB həmçinin vurğulayıb ki, “uzaqdan idarəetmə” funksiyasını söndürmək kifayət deyil.
Onlayn alış-veriş saytlarında bu modellərin hələ də satıldığını görmək mümkündür. Deməli, risk bizə çox yaxındır. Qısacası, modemlərin yaratdığı təhlükəsizlik zəiflikləri qlobal təhlükədir və bu özü ilə bir çox vacib sualları gətirir:
Modemlərimizi hər il yeniləməliyik?
İstifadəçilər Wi-Fi adını və parolunu dəyişirlər, lakin modem interfeysində defolt istifadəçi adı və parolu eyni şəkildə buraxırlar. Bu vəziyyət xaricdən müdaxiləyə şərait yaradırmı?
Bir haker modem vasitəsilə hansı məlumatı əldə edə bilər?
İstifadəçi modeminin və ya marşrutlaşdırıcısının sındırıldığını düşünürsə, nə etməlidir?
Türkiyənin Marmara Universiteti Ünsiyyət Fakültəsi Vizual Ünsiyyət Dizaynı bölməsi başçısı və informasiya texnologiyaları mütəxəssisi, professor Ali Murat Kırık bu sualları cavablandırıb.
Ali Murat Kırık təhlükənin kritikliyinə diqqət çəkib: "Modem modeli köhnədirsə və istehsalçı artıq proqram yeniləmələrini göndərmirsə, bu cihazlar bütün dünyada eyni riskləri daşıyır. Yəni təhlükə olaraq görülən bir modem kiber quldurların hədəfinə çevrilə bilər. Bu səbəbdən modemin müasir olub-olmaması, proqram dəstəyinin olub-olmaması çox vacibdir. Alış-veriş edərkən yalnız qiymətə deyil, texniki dəstəyə və təhlükəsizliyə də diqqət yetirmək lazımdır. Əks halda, evlərimizdəki internet bağlantısı bir anda nəzarət altına düşə bilər".
Modemin hər il dəyişdirilməsinin vacib olmasına gəlincə, Ali Murat Kırık deyib: "Texnologiya 3-5 il ərzində dəyişir və təhlükəsizlik boşluqları yaranır. Modem proqramı yenilənməzsə və ya istehsalçı onu dəstəkləməyi dayandırarsa, o cihaz artıq etibarlı deyil".
Ən maraqlı mövzulardan biri də budur: Haker modem vasitəsilə şəbəkəyə qoşulan hansı cihazlara və məlumatlara daxil ola bilər?
Mütəxəssis bu sualı belə cavablandırıb: “Modem oğurlandıqda, haker sözün əsl mənasında evinizin virtual qapısından daxil olur. O, şəbəkənizə qoşulmuş bütün cihazlara uzaqdan giriş əldə etməyə cəhd edə bilər. Xüsusilə ağıllı televizorlar, kameralar və ya təhlükəsizliyi zəif olan köhnə telefonlar vasitəsilə asanlıqla sıza bilər. Bu cihazlar vasitəsilə evdəki digər cihazlara da keçə bilər. Deməli, təkcə kompüter deyil, hətta yataq otağındakı televizor belə təhlükəyə çevrilə bilər. Çünki şəbəkə eyni olduğu müddətcə haker bütün cihazlara çatmağın yollarını axtarır. Bu səbəbdən şəbəkədəki hər bir cihazın parolu güclü olmalı, proqram təminatı yenilənməli, ilk növbədə modemin təhlükəsizliyi təmin edilməlidir. HTTP vasitəsilə edilən bağlantılar şifrələnmədiyi üçün modemdən keçən bu cür məlumatlar asanlıqla izlənilə bilər. Yəni istifadəçi adı, parol, ünvan, e-poçt kimi bir çox şəxsi məlumat oğurlana bilər. Əgər bir haker modemi ələ keçiribsə, bu məlumatları asanlıqla görə bilər və sui-istifadə edə bilər. HTTPS şifrəli rabitə təmin edir, lakin həmişə təhlükəsiz olmur. Modem sındırılıbsa, sizi saxta HTTPS saytına yönləndirə və məlumatlarınızı oğurlaya bilər. Bu səbəbdən modemin təhlükəsizliyi təkcə sürət baxımından deyil, həm də məlumatların təhlükəsizliyi baxımından çox vacibdir. Nə qədər diqqətli olsaq da, zəif modem hər şeyi riskə atır".
Mütəxəssisin sözlərinə görə, aşağıdakı əlamətlərdən biri və ya bir neçəsi varsa, modeminiz kiberhücumun hədəfi ola bilər:
1. İnternet bağlantınız heç bir səbəb olmadan yavaşlayırsa
2. İnternetdən istifadə etmədiyiniz zaman belə modemin işıqları daim yanıb-sönürsə
3. Qəribə və ya naməlum saytlar brauzerinizdə öz-özünə açılırsa
4. Telefonunuzda və ya kompüterinizdə quraşdırmadığınız proqramları görsəniz
5. Modem interfeysinə daxil ola bilmirsinizsə (idarə paneli)
6. DNS parametrləriniz dəyişibsə
7. Şəbəkənizə naməlum cihazlar qoşulmuş görünürsə, diqqətli olmalısınız.
Ali Murat Kırık təhlükəsiz və davamlı internet bağlantısı üçün nəzərə alınması lazım olan mühüm texniki xüsusiyyətləri aşağıdakı kimi sıralayıb:
Yeni modem alarkən cihazın hələ də istehsalçıdan proqram yeniləmələrini alıb-almadığını yoxlayın. Proqram təminatı yeniləmələri təhlükəsizlik zəifliklərinin bağlanmasında və cihazın işinin yaxşılaşdırılmasında mühüm rol oynayır.
Modem istehsalçısının etibarlılığı çox önəmlidir. Satıcının keçmiş zəiflikləri necə həll etdiyini və istifadəçi rəyinə necə cavab verdiyini yoxlayın.
WPA3 kimi aktual və təhlükəsiz protokolları dəstəkləyən modemlərə üstünlük verilməlidir. Bu protokollar cihazınızın şəbəkəsini kiberhücumlardan daha təhlükəsiz edir.
Modemin CE, FCC kimi beynəlxalq təhlükəsizlik sertifikatlarının olub-olmadığını yoxlayın. Bu sertifikatlar cihazın təhlükəsizlik testlərindən keçdiyini və bütün dünyada müəyyən təhlükəsizlik standartlarına uyğun olduğunu göstərir.
Modemin istifadəçi interfeysi başa düşülən və idarəetmə paneli istifadəçi dostu dizayna malik olmalıdır. İstifadəsi asan interfeys cihazınızı idarə etməyi və mümkün problemləri həll etməyi asanlaşdırır.
Modem güclü şifrələmə variantları təklif etməlidir (məsələn, AES-256 şifrələməsi). Güclü şifrələmə internet trafikinizi kənar müdaxilələrdən qorumağa kömək edir.
Modemin qiyməti önəmli olsa da, yalnız sürətinə və qiymətinə fikir vermək düzgün deyil. Modem seçimində təhlükəsizlik və uzunmüddətli proqram təminatı kimi amillər həlledici olmalıdır.
Musavat.com
“OpenAI” və Massaçusets Texnologiya İnstitutu (MIT) tərəfindən aparılan bir araşdırma aktiv “ChatGPT” istifadəsi ilə tənhalıq hissləri arasında əlaqə tapıb.
Bu barədə “Bloomberg” məlumat yayıb.
Təxminən min iştirakçının iştirak etdiyi eksperiment üzə çıxarıb ki, çatbotla uzun müddət ünsiyyətdə olan istifadəçilər daha çox emosional asılılıq yaşayır və digər insanlarla daha az ünsiyyətdə olurlar.
Araşdırmaya görə, çatbotlara güvənmək meyli və emosional bağlılıq istifadəçilərdə tənhalıq ehtimalını artırır. Bununla belə, AI köməkçisinin daha təbii səsli versiyasından istifadə iştirakçıların emosional vəziyyətinə mənfi təsir göstərməyib.
Tədqiqatın ikinci mərhələsi üç milyon “ChatGPT” söhbətinin təhlilindən və istifadəçilərin sorğusundan ibarət olub. Məlum olub ki, insanların yalnız kiçik bir faizi emosional dəstək almaq üçün çatbotlardan istifadə edir. Mütəxəssislər vurğulayırlar ki, süni intellekt tənhalığın səbəbkarıdır, yoxsa əksinə, təcrid olunmuş insanları özünə cəlb edirmi, sualı açıq qalır.
“OpenAI” ümid edir ki, bu işin nəticələri süni intellektin cəmiyyətə təsiri ilə bağlı gələcək tədqiqatlar üçün əsas olacaq.
ABŞ-nin Massaçusets Texnologiya İnstitutunun (MIT) alimləri süni intellektin imkanlarını bir addım da irəli apararaq 3D modellərə təkcə görüntü deyil, toxunma hissi də qazandıran yeni sistem - "TactStyle"ı yaradıblar.
Oxu.Az xəbər verir ki, bu barədə elmi məqalə "arXiv" platformasında dərc olunub.
Yeni texnologiya 3D modellərin vizual və toxunma xüsusiyyətlərini birləşdirərək dizaynerlər, mühəndislər və təhsil sahəsində çalışanlar üçün tamamilə fərqli və interaktiv təcrübə təqdim edir.
"TactStyle" istifadəçiyə təkcə obyektin forması və rəngini deyil, həm də onun səthinin toxunma xüsusiyyətlərini - məsələn, hamarlığını, kobudluğunu və ya material hissini - bir şəkil əsasında modelləşdirməyə imkan verir. Bu sistem teksturanın mikrosəviyyəli detalları, yəni səthin "hündürlük xəritəsi"ni süni intellektin gücü ilə şəkildən avtomatik generasiya edir.
Alimlər bildirirlər ki, bu texnologiya sənaye dizaynı, təhsil, prototipləşdirmə və aksesuar istehsalı kimi sahələrdə inqilabi dəyişikliklər vəd edir.
Aparılmış psixofiziki sınaqlar da bunu təsdiqləyib. İstifadəçilər "TactStyle" ilə yaradılan teksturaları real materiallara toxunurmuş kimi hiss etdiklərini bildiriblər.
Hazırda MIT komandası bu texnologiyanı daha da təkmilləşdirərək vizual-taktil uyğunsuzluqlarla eksperimentlər aparmağı planlaşdırır. Məsələn, mərmər kimi görünən, lakin toxunduqda ağac hissi verən obyektlər yaradılacaq.
Bu yenilik 3D modelləşdirmədə yalnız görmə deyil, həm də hiss etmə dövrünün başlandığını göstərir.
Ən sürətli Mobil İnternetə sahib 5 ölkə (Mbps):
BƏƏ – 324,92
Qətər – 243,95
Küveyt – 189,11
Çin – 161,56
Norveç – 153,18
İbrahim Nebioğlu
TEREF
Türkiyədə istehsal edilən və “AirCar” adı verilən ilk yerli uçan avtomobil artıq insanlı uçuşlara start verib.
Musavat.com xəbər verir ki, Kocaeli vilayətində keçirilən sınaq uçuşunda, layihənin inkişaf etdiriciləri bu texnologiyanın real istifadəyə hazır olduğunu sübut ediblər.
Layihə rəhbərlərinin sözlərinə görə, bu sahədə dünyada cəmi beş şirkət fəaliyyət göstərir və Türkiyə həmin beşliyin içində yer alır:
“Bu alanda dünyada sadəcə 5 firma var və onlardan biri bizik,” – deyə mütəxəssislər vurğulayıb.
İki fərqli model üzərində sınaqlar keçirən türk mühəndisləri, artıq hər iki vasitə ilə insanlı uçuşlara başladıq deyə açıqlayıblar.
Şirkət nümayəndələrinin bildirdiyinə görə, “AirCar”ın İstanbul Boğazı kimi şəhər içi hava marşrutlarında istifadəsi planlaşdırılır:
“İstanbul Boğazı rotası “AirCar” üçün çox uyğundur. Hündürlüyə çox çıxmadan, bir sahildən digər sahilə keçidlər mümkün olacaq. Hətta adalara servis xidməti də göstərilə bilər,” – deyə qeyd olunub.
Bununla yanaşı, Türkiyənin çətin keçilən bölgələrinə həm yük, həm də insan daşımalarının həyata keçirilməsi də yaxın gələcəkdə nəzərdə tutulur.
Bu texnoloji nailiyyət Türkiyənin innovativ nəqliyyat vasitələri sahəsində qlobal bazarda ön sıralarda yer almaq potensialını nümayiş etdirir.
Musavat.com
Azərbaycanın telekommunikasiya və poçt sahəsində tənzimləyici qurumu olan İnformasiya Kommunikasiya Texnologiyaları Agentliyinin (İKTA) mütəxəssisləri ölkədə fəaliyyət göstərən internet provayder və operatorların nümayəndələri üçün təlim keçiblər.
Məqsəd internet xidməti təchizatçıları tərəfindən İKTA-ya öz fəaliyyətləri barədə səhih statistik məlumatların verilməsinin təmin edilməsi olub.
Qeyd edək ki, məlumatların səhihliyinin avtomatik yoxlanılması üçün İKTA əməkdaşları xüsusi proqram hazırlayıblar. Təlimdə iştirakçılara bu proqramdan istifadə qaydaları və tələb edilən statistik göstəricilər izah olunub, onların sualları cavablandırılıb.
Təlimin sonunda indiyədək internet xidməti təchizatçılarının məlumatların verilməsində qarşılaşdıqları çətinliklərin müəyyənləşdirilməsi və gələcəkdə proqramdan istifadənin effektivliyinin ölçülməsi məqsədilə onlayn sorğu təşkil olunub.
Xatırladaq ki, İnformasiya Kommunikasiya Texnologiyaları Agentliyi ölkədə informasiya-kommunikasiya texnologiyaları və rabitə (telekommunikasiya və poçt) sahələrində tənzimləmə və nəzarəti, eləcə də radiospektr idarəçiliyini həyata keçirir.
Gündəlik həyatımızın ayrılmaz hissəsinə çevrilmiş smartfonlar düzgün istifadə olunmadıqda ciddi təhlükə mənbəyinə çevrilə bilər. Xüsusilə şarj zamanı edilən bəzi səhvlər cihazın sıradan çıxmasına, hətta yanğına səbəb ola bilər. Əksəriyyətimizin adi vərdiş kimi qəbul etdiyi bu davranışlar həm telefonun ömrünü azaldır, həm də həyat və əmlak üçün risk yaradır.
Aşağıda təqdim etdiyimiz siyahıda smartfonunuzu yandıra və ya zədələyə biləcək 10 təhlükəli şarj səhvi yer alıb. Bu səhvlərdən xəbərdar olmaq və onlardan uzaq durmaq telefon təhlükəsizliyi baxımından olduqca vacibdir.
Orijinal olmayan şarj cihazından istifadə
Keyfiyyətsiz və ucuz adapterlər cərəyan dəyişkənliyi yaradır, bu da batareyanın həddindən artıq qızmasına və yanğına səbəb ola bilər.
Telefonu uzun müddət şarjda saxlamaq (gecə boyunca)
Batareya dolduqdan sonra da cihazın şarjda qalması qızmaya və batareya ömrünün azalmasına səbəb olur.
Zədələnmiş və ya köhnə kabeldən istifadə
Qırıq və ya əyilmiş kabellər qısaqapanmaya gətirib çıxara bilər, bu da cihazın zədələnməsi və ya alışması ilə nəticələnə bilər.
Telefonu örtülü səthdə şarj etmək
Yastıq, yorğan və ya divanın üzərində şarj etmək istiliyin xaricə çıxmasına mane olur və yanğın riski yaradır.
Telefonu tam boşalana qədər istifadə etmək
Batareyanı sıfıra endirmək lityum-ion batareyalarda kimyəvi sabitliyi poza bilər, bu da təhlükəli nəticələr doğura bilər.
Şarj zamanı telefonu intensiv istifadə etmək
Oyun oynamaq və ya video izləmək şarj zamanı istiliyi artırır, bu da cihazın qızmasına və daxili komponentlərin zədələnməsinə yol aça bilər.
Telefonu günəş altında və ya isti mühitdə şarj etmək
Yüksək temperatur batareyanın şişməsinə, partlamasına və ya yanmasına səbəb ola bilər.
Telefonu rütubətli və ya nəm mühitdə şarj etmək
Mətbəx və vanna otağı kimi yerlərdə şarj etmək cihazda korroziya və qısaqapanmaya səbəb ola bilər.
Powerbank və ya USB portlarla səhv şarj üsulları
Standartlara uyğun olmayan powerbanklardan və ya qeyri-sabit USB portlardan istifadə batareyaya zərər verə bilər.
Şarj portunu təmiz saxlamamaq
Toz və kirlər portda qısaqapanmaya səbəb ola bilər. Şarj etməzdən əvvəl portun təmiz və quru olmasına əmin olun.**milli.az
Yer kürəsinin kosmik qonşuları haqqında müzakirələrdə Merkuri tez-tez nəzərə alınmır. Bununla belə, yeni hesablamalara görə, o, bizə ən yaxın planetdir.
Teleqraf xəbər verir ki, bu barədə “Farmingdale Observer” məlumat yayıb.
Məqalədə qeyd olunur ki, NASA alimləri planetlərin yaxınlığı ilə bağlı ənənəvi nəzəriyyəni alt-üst ediblər. Yeni “nöqtə dairəsi metodu”ndan istifadə edərək, ABŞ elm adamları yaxın yaxınlaşma nöqtələrini ölçməkdənsə, zamanla planetlər arasında orta məsafələri hesablayıblar. Nəticələr göstərib ki, Merkuri orta hesabla Yer kürəsinə Venera və ya Marsdan daha yaxındır.
Nəşr bu kəşfin Merkurinin Günəş ətrafında sürətli fırlanması əlaqəli olduğunu yazıb. Planetin sürətli fırlanması o deməkdir ki, Merkuri digər planetlərə nisbətən Günəş sisteminin Yerlə eyni tərəfində daha çox vaxt keçirir.
Planetin uzunmüddətli orbital dinamikasını nəzərə alan daha mürəkkəb ölçmə üsullarından istifadə edərək, alimlər müəyyən ediblər ki, Merkuri orta hesabla Günəş sistemindəki bütün planetlərə ən yaxın qonşudur.
Nəşr əlavə edib ki, Yerin Merkuriyə ən yaxınlaşma məsafəsi 77 milyon kilometrdir. Bəzi kosmik gəmilər, o cümlədən NASA-nın “Parker” Günəş zondu maksimum sürətlə planetə təxminən beş saat ərzində çata bilir.
Merkuri -173°C-dən 427°C-ə qədər olan əlverişsiz temperatur və atmosferinin olmaması səbəbindən birbaşa kəşfiyyat üçün əlçatmaz olaraq qalır. Amma alimlər planetə vacib məlumatları toplamağa qadir olan robot missiyalar göndərirlər.