 |
|
|
Trampın dünyanın ən qlobal məsələləri ətrafında sağa-sola etdiyi solaxay gərdişi gündəmi nə qədər zəbt etsədə unutmamalıyıq ki, təhsil də cəmiyyət həyatının vacib məsələsi olduğundan bu mövzuları da daimi müzakirə etməliyik. Odur ki,
1. Kollecə təzə təyin edilən direktor pedaqoq deyil,müəllim işləməyib. Kollecdə işə başlayarkən ilk əvvəl görəcəyi işlərin təqribi bir planı tutulmalı idi, (əslində tutmuşdu amma başqa həyati əhəmiyyətli məsələlərin) tədrisin keyfiyyəti, imtahanın qaydası, forması, biliyin qiymətləndirilməsi kompanentləri,fənlər üzrə dövlət standartları nədir? Münaqişə komissiyası nəyi necə həll etməli idi? Hansı meyarları əsas götürməli idi ?. Bu məsələlər əsasnamə şəklində işlənməli, pedaqoji şurada müzakirə edilib təsdiq olunmalı, tələbələrə elan edilməli idi. Lakin bunlar edilmədi, Yeni direktorun bu cür məsələlərə deyil, kollecin ərazisində olan maşın təmiri sexlərindən, icarəyə verdiyi kollecin idman zalından, kollecin bufetinin arendasını 1000 manata qaldırmaqdan başı açılmadığı üçün bu mənzərə yarandı. Necə olur ki, yuxarıda sadaladığım məsələlər həmən həllini tapdı, amma Kollecin əsas vəzifəsi olan məsələlər təhsil imtahan kimi həyati əhəmiyyətli məsələlər öz həllini tapmadı? Bu qədər kəsir yarandı? Ən maraqlısı da odur ki pedaqoji heyətə bu biabırçılığı uğur kimi təqdim edə biləsən. Odur ki, bu qədər tələbənin əsassız yerə kəsilməsinin səbəbləri araşdırılmalı və onun nəticələrinə görə kimin necə və hansı məsuliyyət daşıdığı müəyyən edilməlidir.
Bildirilməlidir ki, imtahan prosesi hər şeydən əvvəl tələbənin bilik, bacarıq və potensialını müəyyənləşdirmək,onun inkişafını izləmək kimi məsələri qarşısına məqsəd qoyur. Tələbələrə hər şey yaxşı olacaq vədi verib sonra bu qədər kəsir yaradaraq keçirilən dərsin, müəllimin, bütövlükdə kollecin nüfuzunu sıfırlamaq böyük qəbahətdir, təcürbəsizliyin, səriştəsizliyin, mənəm-mənəmliyin biabırçı bir təzahürüdür.
TEREF yazır ki, bu özbaşınalığa öz etirazını UNEC nəzdində Sosial-İqtisadi Kollecinin müəllimi , Azərbaycan Milliyyətçi Demokrat Partiyasının sədri Qələndər Muxtarlı bildirərək daha sonra yazır:
Kollecin direktoru eyni zamanda :
-Tələbələrə bir fənndən 15 mövzuya, yəni 30 saata 500,550 test tapşırığını hansı əsaslarla verdiyinə?
-Bu cür imtahan forması və qaydasını tələbələrə məlumatın və tapşırıqların imtahana bir aydan da qalmış müddətdə verilməsinə
-5- 6 fənn üzrə bu qayda ilə kollec tələbəsi 2500-3000-dən çox test tapşırığını necə hazırlaşıb uğurlu imrahan verə biləcəyinə?
-396 nəfər apelyasiya vermis tələbələrin şikayətləri hansı qaydaya və təlimata uyğun olaraq yoxlanılmasına?
-Nə qədər tələbənin təqaüdünün kəsilməsinə?
-sonuncu kürsü bitirə bilməyən tələbələrin sayına?
-Xüsusən də Kollec direktoru təkbaşına qəbul etdiyi bu qərarları hansı pedaqoji təcürbəsinə əsaslanmasına cənab nazir özü bilavasitə aydınlıq gətirməlidir. Bu kollecin tələbələri bəlkə İqtisad Universitetinin, Ada və BDU-nun tələbələridir xəbərləri yoxdur? Millətin övladlarının taleyi heç bir halda kimsənin özbaşınalığının qurbanı olmamalıdır.
Qələndər Muxtarli
TEREF
“Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti” publik hüquqi şəxsi Xocalı rayonunda ilkin mərhələdə 13 hektar ərazidə Tut tinglərinin gətirilməsi, əkin sahəsinə köçürülməsi və aqrotexniki qulluq işləri xidmətlərin satın alınması üzrə bir mənbədən satınalama metodu tətbiq etməklə ″AQROTARIM″ Məhdud Məsuliyyətli Cəmiyyəti ilə 693.607,2 manat məbləğində satınalma müqaviləsi bağlayıb. Məlumat dövlət satınalmalarının portalına 19.04.2025-ci ildə yerləşdirilib.
Bu satınalmada ″AQROTARIM″ MMC-nin bir mənbədən satınalma metodu ilə qalib seçilməsi bizi daha ətraflı araşdırma aparmağa sövq etdi.
Qeyd edək ki, Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin Satınalma Komissiyası “Dövlət Satınalmaları Haqqında” Qanununun tələblərini elə bir mənbədən satınalma metodu ilə keçirdikdə pozub. Sözügedən qanunun 49-cu maddəsinə görə: 49.1.1. satınalma predmeti yalnız hər hansı konkret təchizatçıda olduqda və ya hər hansı konkret təchizatçı həmin satınalma predmeti üzərində xüsusi hüquqlara malik olduqda və satınalma predmetinin əvəzedicisi və alternativi olmadıqda; 49.1.2. satınalma predmetinə təcili tələbat yarandıqda.
Göründüyü kimi Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti heç bir xüsusi hüquqlara malik olmayan bir MMC ilə satınalma müqaviləsi bağlamışdır ki, bu əsaslı şübhələrə yol açır. Qeyd edək ki, Aqrar Kredit və İnkişaf Agentliyinin rəsmi portalına yerləşdirilmiş toxum- ting təchizatçılarının siyahısında ″AQROTARIM″ MMC toxumçuluq təsərrüfatı kimi göstərilir. Bu isə MMC-nin tingçilik üzrə xüsusi hüquqlara malik olmadığını bir daha təsdiq edir.
Bundan əlavə Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin Satınalma Komissiyası satınalma proseduru zamanı Nazirlər Kabenitinin 30 dekabr 2023-cü il tarixli Qərarı ilə müəyyən edilmiş uyğunluq göstəricilərini nəzərə almamış, ″AQROTARIM″ MMC-nin satınalma müqaviləsinin icrası üçün peşəkarlıq və təcrübə meyarını, oxşar analoji xüsusiyyətli işlərin görülməsi təcrübəsinin olmamasını nəzərə almamış, satınalma müqaviləsinin icrası üçün texniki imkanlarının və maddi-texniki bazasının olması meyarı üzrə nəqliyyat vasitələri və xüsusi texnikaları, “işçi qüvvəsi” meyarları ilə bağlı tələblərə uyğun olmadığı açıq aydın görsənməkdədir.
Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında ″AQROTARIM″ (VÖEN- 6200118521) Məhdud Məsuliyyətli Cəmiyyətinin 11 saylı Ərazi Vergilər İdarəsində 04.04.2011-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanının AĞCABƏDİ RAYONU, TAXTA KÖRPÜ, qanuni təmsilçisinin isə Şükürov Firuz Famil oğlu oğlu olduğu göstərilir.
Göründüyü kimi MMC 2011-ci ildə dövlət qeydiyyatın alınıb və AKİA-nın məlumatlarında toxumçuluq təsərrüfatı kimi göstərilir. Maraqlıdır “Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti” publik hüquqi şəxsi ″AQROTARIM″ MMC ilə bir mənbədən satınalma metodu ilə müqavilə bağlayarkən təchizatçıdan satınalma müqaviləsinin icrası üçün maliyyə imkanlarının və ödəmə qabiliyyətinin olması barədə müvafiq hesabatlar, təchizatçının satınalma predmeti üzrə müəyyən edilmiş ehtimal olunan qiymətin 30%-i həcmindən çox olmayaraq maddi vəsaitə çıxışının olması, satınalma müqaviləsinin icrası üçün müvafiq sahədə peşəkarlığının və təcrübəsinin olmasına dair son 3 il ərzində icra olunmuş və ya icrasının 80%-dən çoxu tamamlanmış oxşar xidmətlər üzrə 3 müqavilə tələb edibmi? Tələb edibsə, ″AQROTARIM″ MMC qurumun Satınalma Komissiyasına son 3 il ərzində icra olunmuş hansı analoji xidmətlər barədə sənədlər təqdim edib?
Bütün bu kimi suallara aydınlıq gətirilməsi məqsədi ilə əlaqə saxladığımız MMC-nin səlahiyətli nümayəndəsi Babaxan Qasımlı AKİA-da toxumçuluq təsərrüfatı kimi qeydiyyatda olmalarına baxmayaraq tingçiliklə də məşğul olduqlarını bildirdi. Artıq sözügedən ərazidə işlərə başladığlarını bildirən Babaxan Qasımlı əlavə etdi ki, bütün sənədlər qaydasında olmasaydı nəzarət orqanı buna icazə verməzdi. Müqavilə bağlanıbsa deməli hər şey qaydasındadı.
Amma biz nədənsə ″AQROTARIM″ MMC-nin son üç il ərzində icra etdiyi yüzminlərlə manat dəyəri olan analaoji işlərlə bağlı heç bir məlumat tapa bilmədik. İndi “Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti” publik hüquqi şəxsi açıqlasın. ″AQROTARIM″ MMC bu analaoji işləri nə vaxt və harada görüb?
Qeyd edək ki, “Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti” publik hüquqi şəxsin icraçı direktoru Telman Kərimlidir. O, daha əvvəllər “Azərbərpa Elmi-Tədqiqat Layihə İnstitutu” MMC-nin direktoru olub. Memarlıq üzrə fəlsəfə doktoru olan Telman Kərimli bu vəzifəyə ötən ilin avqust ayından təyin edilib.
Aktualinfo.org
Amerikada yaşayan jurnalist Qənirə Ataş “VMR Estetik Klinikası”nın keçmiş kosmetoloqu? “Gül Əliyeva” adı ilə tanınan Gülsüm Əliyeva ilə şəxsi yazışmalarını yayıb.
Jurnalist bu barədə sosial şəbəkə hesabında paylaşım edib.
“Oxuyun. Detalları öz gözlərinizlə görün və insanların necə saxtakarlığa əl atdığını şahid olun. 2024-cü ilin oktyabr ayının sonundan etibarən, xalqımızın sağlamlığı və təhlükəsizliyi naminə başladığım araşdırmalar zamanı müxtəlif sahələrdə ixtisası olmadan fəaliyyət göstərən “həkimlər” haqqında məlumatlar toplamağa başladım. Xüsusilə VMR Estetik Klinikası ilə bağlı saysız şikayətlər gəlirdi. Mən bu insanları tanımırdım, özləri mənimlə instagram üzərindən əlaqə saxladılar. Hələ onların bu qədər qanunsuz fəaliyyətlərini bilmirdim. Düşünürdüm lisenziyalı klinikadır. Lakin deyilmiş. Onlara tövsiyə etdim ki, əhaliyə qarşı təhqiramiz ifadələr işlətməkdən çəkinsinlər. O zaman özlərini təmiz və dürüst insan kimi təqdim edirdilər. Ancaq hadisələrin inkişafı göstərdi ki, onların nə müqəddəs dəyərlərə, nə də insan ləyaqətinə hörməti var. Hələ araşdırmaların əvvəlində belə şikayətlər gəlirdi ki, VMR Klinikada tibbi təhsili olmayan Gülsüm Əliyeva insanlara cərrahi müdaxilə edir, fəsadla qarşılaşan insanlara isə cavab vermək əvəzinə təhqir edirdi.
Mənimlə əlaqə saxlayan Azərbaycanlı qadınlar — hansı ki, bu klinikada səhv müalicə alıb, daha sonra isə yenidən təhqir, təhdid və hədə ilə qarşılaşıblar — yaşadıqları ədalətsizliyi mənə ağlayaraq danışırdılar. Onlar təkcə səhv tibbi müdaxilənin deyil, həm də şəxsiyyətlərinin tapdanmasının ağrısını daşıyırdılar. Polisə çağrılıb orda əzilməkdən danışırdılar. Bu qadınlar artıq birləşib whatsap qrupu yaradıblar. Böyük ehtimalla bu həftə onların bir neçəsi ilə canlı yayım da olacaq.”
Jurnalist bildirib ki, şəxsi yazışmalar zamanı Gülsüm Əliyevaya qadınlara qarşı təhqiramiz davranışa son verməyi tələb edib, lakin qarşı tərəf bu çağırışa məhəl qoymayıb:
“O dövrdə şəxsən ona dedim ki, ər dediyin adamdan qadın kimi bunu tələb et. Təəssüf ki, o, bu çağırışa məhəl qoymadı. İlk dəfədir ki, belə bir yazışmanı skrin edərək paylaşmaq məcburiyyətində qalıram. Ola bilsin ki, texniki səhvlərim olsun, amma əsas məsələ odur ki, faktlar buradadır. Oxuyun, görün. Mənəviyyatın, qanunun və insan sağlamlığının necə ayaq altına atıldığını öz gözlərinizlə görün”.
Qeyd edək ki, bundan əvvəl Qənirə Ataş “VMR Klinikası”nın rəhbəri Vüsal Həsənovun bir neçə dəfə həbs həyatı yaşadığını bildirib. O, əlində bu faktları təsdiqləyəcək sənədlərin də olduğunu bildirib:
“Əldə etdiyimiz məlumata görə, Vüsal Həsənov Ermənistanda, Krasnoselsk rayonunda anadan olub, hazırda Bakı şəhəri, Nəsimi rayonunda qeydiyyatdadır. Onun rəsmi lisenziya olmadan klinika fəaliyyəti göstərdiyi və qeyri-rəsmi münasibətdə olduğu Gülsüm Əliyevanın isə həkimlik təhsili olmadan insanlara cərrahi əməliyyatlar apardığı müəyyən edilib.
Məsələ burasında maraqlıdır ki, Həsənov Vüsalın cinayət keçmişi də kifayət qədər zəngindir. Rəsmi məhkəmə qərarlarına əsasən, o, müxtəlif illərdə bir neçə dəfə məhkum olunub:
13.05.2004-cü il – Bakı Suraxanı RPİ tərəfindən dələduzluq işi üzrə məhkumluq,
16.10.2004-cü il – Mingəçevir Məhkəməsinin qərarı ilə dələduzluq,
30.09.2005-ci il – Apellyasiya Məhkəməsinin qərarı ilə dələduzluq,
11.11.2007-ci il – Yasamal RPİ tərəfindən xuliqanlıq faktı üzrə məhkumluq.
Bu qədər açıq faktlardan sonra bu adam istəsə belə məni məhkəməyə versin! Qoy sübut etsin ki, barəsindəki bu rəsmi cinayət qeydləri uydurmadır! Hər şey sübutlarla, sənədlərlə ortadadır. Dələduzluqda məhkum olunan indi insanlara şəfa verməyə çalışır”./bakupost.az
Jurnalist bu barədə sosial şəbəkə hesabında paylaşım edib.
“Oxuyun. Detalları öz gözlərinizlə görün və insanların necə saxtakarlığa əl atdığını şahid olun. 2024-cü ilin oktyabr ayının sonundan etibarən, xalqımızın sağlamlığı və təhlükəsizliyi naminə başladığım araşdırmalar zamanı müxtəlif sahələrdə ixtisası olmadan fəaliyyət göstərən “həkimlər” haqqında məlumatlar toplamağa başladım. Xüsusilə VMR Estetik Klinikası ilə bağlı saysız şikayətlər gəlirdi. Mən bu insanları tanımırdım, özləri mənimlə instagram üzərindən əlaqə saxladılar. Hələ onların bu qədər qanunsuz fəaliyyətlərini bilmirdim. Düşünürdüm lisenziyalı klinikadır. Lakin deyilmiş. Onlara tövsiyə etdim ki, əhaliyə qarşı təhqiramiz ifadələr işlətməkdən çəkinsinlər. O zaman özlərini təmiz və dürüst insan kimi təqdim edirdilər. Ancaq hadisələrin inkişafı göstərdi ki, onların nə müqəddəs dəyərlərə, nə də insan ləyaqətinə hörməti var. Hələ araşdırmaların əvvəlində belə şikayətlər gəlirdi ki, VMR Klinikada tibbi təhsili olmayan Gülsüm Əliyeva insanlara cərrahi müdaxilə edir, fəsadla qarşılaşan insanlara isə cavab vermək əvəzinə təhqir edirdi.
Mənimlə əlaqə saxlayan Azərbaycanlı qadınlar — hansı ki, bu klinikada səhv müalicə alıb, daha sonra isə yenidən təhqir, təhdid və hədə ilə qarşılaşıblar — yaşadıqları ədalətsizliyi mənə ağlayaraq danışırdılar. Onlar təkcə səhv tibbi müdaxilənin deyil, həm də şəxsiyyətlərinin tapdanmasının ağrısını daşıyırdılar. Polisə çağrılıb orda əzilməkdən danışırdılar. Bu qadınlar artıq birləşib whatsap qrupu yaradıblar. Böyük ehtimalla bu həftə onların bir neçəsi ilə canlı yayım da olacaq.”
Jurnalist bildirib ki, şəxsi yazışmalar zamanı Gülsüm Əliyevaya qadınlara qarşı təhqiramiz davranışa son verməyi tələb edib, lakin qarşı tərəf bu çağırışa məhəl qoymayıb:
“O dövrdə şəxsən ona dedim ki, ər dediyin adamdan qadın kimi bunu tələb et. Təəssüf ki, o, bu çağırışa məhəl qoymadı. İlk dəfədir ki, belə bir yazışmanı skrin edərək paylaşmaq məcburiyyətində qalıram. Ola bilsin ki, texniki səhvlərim olsun, amma əsas məsələ odur ki, faktlar buradadır. Oxuyun, görün. Mənəviyyatın, qanunun və insan sağlamlığının necə ayaq altına atıldığını öz gözlərinizlə görün”.
Qeyd edək ki, bundan əvvəl Qənirə Ataş “VMR Klinikası”nın rəhbəri Vüsal Həsənovun bir neçə dəfə həbs həyatı yaşadığını bildirib. O, əlində bu faktları təsdiqləyəcək sənədlərin də olduğunu bildirib:
“Əldə etdiyimiz məlumata görə, Vüsal Həsənov Ermənistanda, Krasnoselsk rayonunda anadan olub, hazırda Bakı şəhəri, Nəsimi rayonunda qeydiyyatdadır. Onun rəsmi lisenziya olmadan klinika fəaliyyəti göstərdiyi və qeyri-rəsmi münasibətdə olduğu Gülsüm Əliyevanın isə həkimlik təhsili olmadan insanlara cərrahi əməliyyatlar apardığı müəyyən edilib.
Məsələ burasında maraqlıdır ki, Həsənov Vüsalın cinayət keçmişi də kifayət qədər zəngindir. Rəsmi məhkəmə qərarlarına əsasən, o, müxtəlif illərdə bir neçə dəfə məhkum olunub:
13.05.2004-cü il – Bakı Suraxanı RPİ tərəfindən dələduzluq işi üzrə məhkumluq,
16.10.2004-cü il – Mingəçevir Məhkəməsinin qərarı ilə dələduzluq,
30.09.2005-ci il – Apellyasiya Məhkəməsinin qərarı ilə dələduzluq,
11.11.2007-ci il – Yasamal RPİ tərəfindən xuliqanlıq faktı üzrə məhkumluq.
Bu qədər açıq faktlardan sonra bu adam istəsə belə məni məhkəməyə versin! Qoy sübut etsin ki, barəsindəki bu rəsmi cinayət qeydləri uydurmadır! Hər şey sübutlarla, sənədlərlə ortadadır. Dələduzluqda məhkum olunan indi insanlara şəfa verməyə çalışır”./bakupost.az
DogruXeber.az: - Xəbər verdiyimiz kimi, Binəqədi Rayon İcra Hakimiyyətinin Mənzil-Kommunal Təsərrüfatı Birliyinin əməkdaşları ötən ay yaşıl soyqırım həyata keçirib.
XALQ.AZ -a daxil olan məlumata görə Binəqədi rayonu Biləcəri qəsəbəsi, Natavan küçəsində yaşıl ağaclar yerindən çıxarılır və ərazi qanunsuz obyekt tikintisi üçün hazır vəziyyətə gətirilməsi ilə bağlı videogürüntülər yayılmlanmışdır.
Yeni görüntülərdə də məluma olur ki,ağaclar çıxarıldıqdan sonra Natavan küçəsində səkidə yeni obyekt tikintisi üçün ərazi hazırlanır.
Məsalə ilə bağlı Binəqədi icra Hakimiyyəti ilə əlaqə yaratmaq mümkün olmadı. Heç bir aidiyyatı qurumdan açıqlama verilmədi.
Hadisə ilə bağlı qurumların açıqlamasını dərc etməyə hazırıq.
Məsələ diqqətimizdədir.
Qeyd edək ki, Binəqədi rayonunda qanunsuz tikintilərin aparılması ilə bağlı məlumat dərc olunmuşdur.
Abşeron rayonu, Xırdalan şəhərində yerləşən “Tamstore” mağazalar şəbəkəsində döyülmə hadisəsinin baş verdiyi iddia olunur.
"DogruXeber.az" xəbər verir ki, bununla bağlı milli.az-a şikayət daxil olub.
Şikayətçi Elmira Aslanovanın sözlərinə görə, mağazada onu döyüblər:
“Rəhbərlikdən dəfələrlə xahiş etdim ki, mümkündürsə, yerimi dəyişsinlər.İşlədiyim 1 il ərzində bu baş tutmadı. Birlikdə işlədiyim xanım mənə kömək etmirdi. Bununla bağlı ona irad bildirəndə deyirdi ki, müdir mənim daydayımdı, arxamda durub. Bu durum məndə əsəb yaradırdı. Bütün işləri tək görürdüm.Yerdəyişmə ilə bağlı mağaza müavininə müraciət etdim, mənə ofisə yaxınlaşmalı olduğumu dedi. Ofisə yaxınlaşıb şikayətimi bildirdim. Ofisdən dedilər ki, bu, mağazadaxili məsələdir. Bundan sonra hər şey daha da pisləşdi.Müdir şikayət etdiyimi biləndən sonra məni təhqir etdi, nalayiq ifadələr işlətdi. Onun səsini yazmağa başladım.Bildi, səs tonunu aşağı saldı. Telefonu əlimdən alıb videonu, səsi silmək istədilər. Telefonumu götürüb qaçmağa çalışdım. Müdir o anda boğazımdan tutaraq mənə xəsarət yetirdi.Telefonum da yerə düşdü. Həm özüm zədələndim, həm də telefonum yararsız hala düşdü”.
Məsələ ilə bağlı sayta açıqlama verən mağaza müdiri Mirdamət Məmmədov baş verənləri təkzib edib:
“Elmira xanım mühafizəçinin üstünə hücum çəkirdi. Ona mane oldum. Mübahisənin nəyə görə olduğunu bilmirəm,sadəcə Elmira xanım elə düşünürmüş ki, onu işdən çıxarmaq istəyirəm. Ona xəsarət yetirməmişəm. O xanıma mağazada heç kim xəsarət yetirməyib. Sadəcə onu tutub saxlamışam. Videogörüntülərdə də bu var. Sonra Elmira xanım yıxıldı, mən də ehtiyatsızlıqdan onun üstünə yıxıldım”.
Qeyd edək ki, polis faktla bağlı araşdırmalara başlayıb.
Azərbaycanda estetik cərrahiyyə sahəsində yaşanan qalmaqallar cəmiyyətin diqqət mərkəzindən düşmək bilmir. Son illər bu sahədə çalışan bəzi şəxslərin tibbi səlahiyyətlərinin olmaması, lisenziyasız fəaliyyət göstərməsi və nəticədə insan sağlamlığını təhlükə altına atması ilə bağlı çoxsaylı faktlar üzə çıxıb. Bu hallarla bağlı rəsmi qurumlar dəfələrlə açıqlama versələr də, yeni hadisələr ard-arda baş verir və ictimai qınaq daha da güclənir.
Son günlər medianın və sosial şəbəkələrin gündəmində "Gül Əliyeva" adı ilə tanınan Gülsüm Əliyeva var. O, rəsmi tibbi təhsilə malik olmadan estetik əməliyyatlar aparmaqda ittiham olunur. İddialara görə, Gülsüm Əliyevanın rəhbərlik etdiyi "VMR Estetik Klinika”da liposaksiya əməliyyatı olunan Gülbəniz Bayramova adlı qadın həyatını itirib. Bundan əlavə, paytaxt sakini Zarina Minkovskaya klinikada ayağına yeridilən maddədən sonra bədənində uzun müddət irin axını və çürümə ilə qarşılaşdığını bildirir. O, bu prosedurun illər öncə Gülsüm Əliyeva tərəfindən həyata keçirildiyini deyir.
Səhiyyə Nazirliyinin Analitik Ekspertiza Mərkəzindən (AEM) verilən rəsmi açıqlamaya əsasən, Gülsüm Əliyevanın adı həkim kimi qeydiyyatda yoxdur. AEM əməkdaşları 2024-cü ildə "VMR Estetik Klinika"da plandankənar yoxlama aparıb və nəticədə müəssisənin lisenziyasız fəaliyyət göstərdiyi müəyyən edilib. Bu səbəblə, İnzibati Xətalar Məcəlləsinin 210.1-ci maddəsinə əsasən, klinikaya qarşı protokol tərtib olunub və məsələ müvafiq instansiyalara yönləndirilib.
Gülsüm Əliyeva ilə bağlı qalmaqallar bir başqa tanınmış və mübahisəli estetik prosedur icraçısı - Rəna Soltanovanı da yenidən diqqətə gətirib. Sosial mediada paylaşılan foto və məlumatlara əsasən, Gülsüm Əliyeva və Rəna Soltanova arasında yaxın münasibətlər olub. Rəna Soltanova sözügedən klinikada istifadə olunan və çoxsaylı sağlamlıq problemlərinə yol açdığı iddia edilən Auqafilling adlı preparatın təbliğatını aparan və təlimlərini keçirən əsas fiqurlardan biri olub.
Məlumatlara görə, Auqafilling adlı bu maddənin istifadəsi nəticəsində xəstələrdə bədənin müxtəlif nahiyələrində çürümə, irinləmə və deformasiya halları müşahidə olunub. Rəna Soltanova isə bu preparatı sosial şəbəkələrdə dəfələrlə tərifləyib, hətta "bu məhsula hər gün bir az daha aşiq olduğunu" qeyd edib. Lakin son hadisələr göstərir ki, onun "aşiqliklə" təbliğ etdiyi bu məhsul əslində bir sıra insan faciələrinə yol açıb. Bütün bunlar Rəna Soltanovanın bəyəndiyi preparatın əvəzolunmaz "bəhrəsidir".
Bundan əlavə, sosial şəbəkələrdə bir qadın açıq şəkildə bildirib ki, Rəna Soltanova tərəfindən ona da Auqafilling maddəsi vurulub və hazırda ayağında çürümə və çirk axını müşahidə olunur. Qadın həmçinin vurğulayıb ki, bu vəziyyətə baxmayaraq, Rəna Soltanova məsuliyyətdən yayınmağa çalışır və iddiaların ona qarşı "böhtan" olduğunu söyləyir.
Bu arada, qeyd edək ki, Rəna Soltanova mediada və sosial şəbəkədə haqqında ən çox şikayət olunan estetik kosmetoloqdur. Onunun pasiyentlərinin müxtəlif bədən üzvlərinin çürüməsi, çirk gəlməsi ilə bağlı onlarla fakt var.
Mövcud vəziyyət bir daha sübut edir ki, estetik sahədə fəaliyyət göstərən şəxslərin peşəkarlığı və tibbi səlahiyyətləri ciddi şəkildə yoxlanmalı, insanların sağlamlığına cavabdeh olan bu sahədə nəzarət tədbirləri daha da sərtləşdirilməlidir. Həm pasiyentlərin hüquqları, həm də cəmiyyətin ümumi sağlamlığı naminə bu məsələ diqqətlə izlənilməli və cavabdehlik mexanizmləri daha təsirli şəkildə tətbiq olunmalıdır.
/Qaynarinfo.az
"Qida Təhlükəsizliyi Agentliyi (AQTA) davamlı şəkildə ayrı-ayrı istehsal müəssiələrində və iaşə yerlərində davamlı təftiş işi həyata keçirsə də hələ də QİDA TƏHLÜKƏSİZLİYİMİZ təmin olunmamış səviyədədədir. "DİA-AZ" xəbər verir ki, elə buna görə də əlaqədar ekspertlər də intensiv olaraq bildirirlər ki, görülən işlər və müəyyən olunan cəzalar həm yetərsizdir, həm də təsirsiz.
Əgər söhbət insanlarımızın sağlamlığından və bəzi hallarda həyatlarından gedirsə, bu kimi məsələlərə dırnaqarası yanaşmaq lazım deyil və aşkarlanan hər bir nöqsan üzrə ciddi cəza siyasəti yürüdülməlidir.
Biz isə "DİA-AZ" olaraq həmin faktları ictimailəşdirməkdə davam edəcəyik. Bu dəfə isə narazılığa səbəb olan "adı dillər əzbəri" "Nur" firmasının çörəkləridir.
Cavid Dadaşov adlı sosial şəbəkə istifadəçisi "Müştəriyəm Şikayətim Var" qrupunda sözügedən şirkətə aid çörək məhsulunun yanmış və kifli vəziyyətdə olmasından giley edir.
Narazı vətəndaş yazır: " "Nur" çörək... Alanda baxmadim.... Satıcı "klyok"a qoydu, verdi....
"Hər beşinci gün UNEC nəzdində Sosial-İqtisadi Kollecinin əməkdaşlarını təccübləndirən bir hadisə olur. Gah direktorun qanunsuz əməlinə və tələbinə etiraz edən Baş Mühasiblə dava-dalaş və sonda özünün döyülməsi, gah qanunsuz əməllərinin izini itirən ultrabənövşəyi şualar güya güzgüyə düşüb oradan da əhəmiyyətli sənədləri yandırır, gah tyutorların otağına girib qadınların üstünə qışqıraraq onları "tırkalara getməmələri" ilə hədələyir". "DİA-AZ" xəbər verir ki, bunu öz etiraz dolu müraciətində oranın müəllimi, Azərbaycan Milliyyətçi Demokrat Partiyasının sədri Qələndər Muxtarlı qeyd edib.
O daha sonra bunları əlavə edib: "Sonuncu beşinci gün də direktor Şəhriyar Laçınovun qanunazidd əməllərindən şikayət verən müəllimlərə və əməkdaşlara xəbər veriblər ki, UNEC-dən Prorektor gələcək və şikayətlərdə yer alan məsələlərlə bağlı araşdırma davam edəcək, gözləyin. Məsələnin yalan, direktor tərəfindən qurama bir iş olduğunu bilə bilə müəllimlərini aldatması isə heç yaxşı iş deyildir. Kollecin xanım direktor müavini isə gərək belə məsələlərə qarışmayaydı.
Bu azmış kimi saat 15-00-da, 202-ci otağa şikayətçi müəllimləri dəvət edirlər və məlum olur ki, otaqda UNEC-dən heç kim yoxdur, şikayətçilərə sadəcə "tor qurublar". Direktor onları otağa çağıraraq telefonlarını almaq istəyib və videokamera çəkilişi ilə niyə şikayət verdiklərini, şikayət ərizəsində “yazılanlardan xəbərlərinin olmadıqlarını” bildirən bir “etiraf” ərizəsi yazıb imzalamalarını tələb edib. (bu məsələdə isə niyyəti ya məni, ya da qeybdən bir yəqin ki, "alternativ qüvvə” icad edib günahı özündən uzaqlaşdırmaq" istəyib. Şikayətçi müəllimlər də heç nə yazmayaraq belə davranışa etiraz ediblər və otaqdan çıxıblar.
Güman ki, direktor ali təhsilli, təcürbəli müəllimləri Abdolbari Baran Gözəlin “Azərsun” sirkətinin əməkdaşları ilə və yaxud "Corc Vaşinqto"nun təlimatçılarl ilə qarışdırıb. Odur ki, kollecimizin müəllimləri, hazırlaşın,hər gün yeni bir “hoqqa”nın şahidi olacaqsınız... Dəqiq bilirəm..."
Ölkənin Gömrük sistemində qanunsuz fəaliyyət göstərən şirkətlərin sayı sürətli artmaqdadır və bu, ölkə iqtisadiyyatına, dövlət büdcəsinə və qanuni fəaliyyət göstərən sahibkarlara ciddi ziyan vurur. Əslində uzun illərdir ölkə mətbuatında bu barədə yazılır, sahibkarlar belə şirkətlərlə mübarizə aparımağın vacibliyini bildirir. Amma müsbət nəticə əvəzinə, belələrinin sayı artır.
Qeyd olunur ki, sosial sığorta ödəmələri etməyən, vergidən yayınan bu cür şirkətlər, xüsusilə məmurların yaxın adamları vasitəsilə idarə olunurlar. Bu şirkətlər ölkəyə müxtəlif adlarla idxal olunan məhsullarla məşğul olur, lakin heç bir rəsmi işçi saxlamır, anbarları yoxdur və qeyri-qanuni yollarla bazara çıxardıqları məhsulları sataraq, həm dövlətin, həm də istehlakçıların hüquqlarını pozurlar.
Tranzit yüklərin gömrük rəsmiləşdirilməsi qaydası
Artıq bu vəziyyətin ciddi şəkildə həll edilməsi lazımdır, çünki belə şirkətlər yalnız vergi ödəməməklə, ölkə büdcəsinə ciddi ziyan vurmaqla yanaşı, qanuni fəaliyyət göstərən sahibkarların inkişafına mane olur və bazarda sağlam rəqabət şəraitinin yaranmasına əngəl törədirlər.
Lakin maraqlı bir məqam budur ki, bu cür qanunsuz fəaliyyətlərə qarşı mübarizə aparmaqda Dövlət Gömrük Komitəsi və digər müvafiq qurumların səyləri hələ də nəticəsiz qalır. Nədir bunun səbəbi? Aparılan mübarizə niyə nəticə vermir və ya doğurdanmı, belə mübarizə aparılır?
Sahibkarlar bildirirlər ki, bu kimi çoxsaylı qanunsuz şirkətlərə nəzarət edən bəzi məmurlar gömrükdə “yaşıl işıq” yandırır və onlara əlavə imtiyazlar tanıyır. Ən əsası, belə şirkətlərin fəaliyyətinə nəzarət etməli olan İqtisadiyyat Nazirliyi yanında İdxal-İxrac Əməliyyatları üzrə Nəzarət Baş İdarəsinin rəisi Azər Məmmədov da illərdir bu sahədə ciddi irəliləyişə nail ola bilmir.
Bəs, məlum vəziyyətin qarşısını necə almaq olar? Qanunsuz şirkətlərin fəaliyyəti ilə mübarizə aparmaq üçün hansı üsulları tətbiq etmək lazımdır ki, həm bürokratik əngəllər yaranmasın, həm də mübarizə daha effektiv olsun?
Uzun illərdir sahibkarlıq fəaliyyəti ilə məşğul olan, bu sahədə rəqabət və şəffavlıq görmək istəyən sahibkarlar bildirir ki, bu cür şirkətlər bazarda haqsız rəqabət yaradırlar. Onlar vergi ödəməyən, işçi saxlamayan və əlavə xərcləri çıxmayan qanunsuz şirkətlər tərəfindən bazara salınan ucuz, amma keyfiyyətsiz məhsullar ilə mübarizə aparmaqda çətinlik çəkirlər. Nəticədə sağlam iqtisadi mühitin pozulmasına və sahibkarların qorunmasız vəziyyətə düşməsinə səbəb olur. Bütün bu problemlər, həmçinin, ölkədə monopoliya yaradılmasına da təkan verir. Çünki bu cür şirkətlər zaman-zaman böyük oyuncuya çevrilir və bazarda digər oyunçuları məqsədli sıxışdırırlar.
Daha bir incə məqam isə Dövlət Gömrük Komitəsi və İdxal-İxrac Əməliyyatları üzrə Nəzarət Baş İdarəsinin bu kimi şirkətlərlə apardığı mübarizənin görünməməsidir. Məlumatlarında mübarizə apardıqlarını deyən qurumların fəaliyyətini nədənsə hələ də nəticəsiz qalır. Görülən tədbirlərin effektiv olmadığı müşahidə olunur.
Hətta sahibkarlar bildirirlər ki, bu şirkətlərə "yaşıl işıq" yandıran məmurlar, gömrük prosedurlarını sürətləndirərək onlara əlavə imtiyazlar təqdim edirlər. Həmçinin, bəzi hallarda şirkətlərin qeyri-qanuni fəaliyyətləri qeydə alınsa da, ciddi cəza tədbirləri görülmür.
"Bu cür vəziyyətin yaranmasının bir çox səbəbi var, amma ən mühüm məsələ odur ki, dövlət orqanlarının fəaliyyəti daha şəffaf və effektiv olmalıdır. İdxal-İxrac Əməliyyatları üzrə Nəzarət Baş İdarəsi və digər müvafiq qurumlar qanunsuz şirkətlərin fəaliyyətini nəzarət altına almalı, onları ya qanuni fəaliyyətə məcbur etməli, ya da onların fəaliyyətini dayandırmalıdır. Ancaq bu, yalnız bürokratik əngəllər yaratmaqla mümkün olmamalıdır. Daha güclü və sistemli mübarizə aparmaq üçün müasir həll yollarına ehtiyac vardır" deyə sahibkarlar bildirir.
Xidmətə yeni qəbul olunan əməkdaşlar üçün Bakı Baş Gömrük İdarəsində təcrübə proqramı yekunlaşıb - AZƏRTAC
Belə şirkətlərin qanunsuz fəaliyyətindən cana doyan sahibkarlar dövlət qurumlarına effektiv mübarizə üsulu da təqdim edirlər. Onlar hesab edir ki, qanunsuz fəaliyyət göstərən şirkətlərlə mübarizə aparmaq üçün daha ciddi və çoxşaxəli tədbirlər görülməsi vacibdir.
Məsələn, qanunsuz şirkətlərin fəaliyyətini izləmək üçün müasir texnologiyalardan istifadə edilməsi vacibdir. Gömrük və İdxal-İxrac Əməliyyatları üzrə Nəzarət Baş İdarəsi, bütün idxal və satış əməliyyatlarını real vaxt rejimində izləyə bilən sistemlər yaratmalıdır. Bu sistemlər, Gömrük bəyannamələri, satış qiymətləri və məhsulun mənşəyi barədə məlumatların elektron şəkildə toplamalı və təhlil etməlidir.
Həmçinin idxal edilən məhsulların qeyri-qanuni yollarla bazara çıxarılmasının qarşısını almaq üçün risk qiymətləndirmələri aparılmalı, qanuni və qeyri-qanuni əməliyyatların şəffaf şəkildə izlənməsi, həm dövlət orqanlarına, həm də ictimaiyyətə açıq şəkildə təqdim edilməlidir. Vergi ödəmələri və digər sosial ödənişlər mütəmadi olaraq yoxlanmalı, hər hansı bir anomaliya müşahidə edildikdə dərhal araşdırma başlatılmalıdır. Qanunsuz fəaliyyət göstərən şirkətlərə qarşı tətbiq edilən cəzalar daha sərt və çoxmərhələli olmalıdır.
Amma təssüflər olsun ki, uzun illərdir belə qanunsuz şirkətlərin fəaliyyəti davam edir, onların məlum fəaliyyətinə kökündən son qoyulması mümkünsüzə çevirilib.
Bizimxeber.org
Azərbaycanın 2030-cu ilə qədər sosial-iqtisadi inkişafa dair beş milli prioritetindən biri “Təmiz ətraf mühit və yaşıl artım ölkəsi” kimi müəyyən edilmişdir. Həmin prioritetə uyğun olaraq, ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində işlər aparılır.
XALQ.AZ xəbər verir ki, Bakı şəhərinin Nərimanov rayonunda fəaliyyət göstərən tikinti şirkətləri və müəyyən qurumlar sözügedən məsələdən xəbərsizdirlər.
Artıq Nərimanov rayonunda qanunsuz agac kəsilməsi adi hal alaraq ekokoji genosidə çevrilib. Rayonun Həsənoğlu küçəsində yerləşən “Ailə Park” MTK-nın tikint ərazisində irigövdəli yaşıl ağacı kəsilərək götürülüb.
Məsələ ilə bağlı Yaşıllaşdırma Təsərrüfatı Birliyi ilə əlaqə yaratmaq mümkün olmadı. “Ailə Park” MTK-da görüntülərə heç bir açıqlama verilmədi.
Məsələ ilə bağlı qurumların mövqeyini dərc etməyə hazırıq.
Videonu patrul.az yayımlayıb.