"Bolt Azərbaycan" Şuşanın küçələrini erməni adları ilə göstərir
Bununla bağlı məlumatı sosial şəbəkə istifadəçisi Xatirə Sərdarqızı paylaşıb. Belə ki, Şuşa şəhərində Bolt taksisi sifariş verdikdə küçənin adı erməni adları kimi qeydi çıxır.
Şuşa istiqamətində Bolt tətbiqindən taksi sifarişi axtarışı verdikdə də küçə adlarını erməni adları ilə göstərildi.

Xatırladaq ki, Şəhər 1992-ci ilin mayın 8-də erməni silahlı qüvvələri tərəfindən işğal olunmuşdu.
Azərbaycan Ordusunun 2020-ci il sentyabrın 27-də başladığı əks-hücum nəticəsində 2020-ci il noyabrın 8-də Şuşa şəhəri işğaldan azad edilib.

Şuşa şəhərinin işğaldan azad edilməsi müjdəsini Azərbaycan Prezidenti, Müzəffər Ali Baş Komandan İlham Əliyev Bakıda Şəhidlər xiyabanından xalqa müraciətində açıqlayıb.

Sosial şəbəkələrdə “İlanlı qız” ləqəbi ilə tanınan müğənni Günəş estetik cərrah Əmiraslan Əmiraslanovla bağlı qalmaqallı paylaşım edib.

Musavat.com xəbər verir ki, ifaçı əməliyyatdan sonrakı görüntülərini yayımlayaraq bildirib: “Həkim mənə iki dəfə bədənşəkilləndirmə əməliyyatı etdi. Hər iki prosedur uğursuz alındı və bədənimdə ciddi çapıq izləri qaldı”.

Günəşin sözlərinə görə, o, həkimə 14 min manat ödəyib, lakin bu məbləğə dair heç bir çek və ya rəsmi sənəd təqdim olunmayıb. İfaçı daha sonra pulunu geri tələb etdikdə isə, cərrah onun əməliyyatdan əvvəl çəkilmiş geyimsiz fotosunu üzünü bağlamadan sosial şəbəkələrdə yayımlayıb.

Adı müxtəlif qalmaqallarda hallanan və əsasən müğənnilərə, əyləncəyə maraq göstərməsi ilə diqqətə gələn İsmayıllı rayon icra hakimiyyətinin başçısı Nahid Bağırovla bağlı yaxın günlərdə qərar veriləcək. Xatırladaq ki, bu barədə xəbəri keçənlərdə yayınlamışdıq və məsələ ilə əlaqədar "DİA-AZ"ın əldə etdiyi son bilgilərdən aydın olur ki, artıq Bağırovu kimin əvəz edəcəyi də məlumdur.

Mötəbər mənbə iddia edir ki, bu dəfə İsmayıllıya İsmayıllı camaatı ilə dil tapa biləcək şəxsin rəhbər təyin olunacağı gözlənilir: "Həmin şəxs hazırda RİH-də yüksək vəzifə tutur və əslən İsmayıllıdandır..."

Bu arada "DİA-AZ"a yerli sakinlər də öz başçıları ilə bağlı fikirlərini yollayamaqdadırlar. Biz də Nahid Bağırov haqqında sıravi vətəndaşların nə düşündüyünün maraqlı olacağını təxmin edərək həmin rəylərdən bəzilərini olduğu kimi təqdim edirik:

***

Araz Shukur:
NƏ??? YEYİNTİ???? BİZDƏ???? OLAAAA BİLMƏƏƏƏZZZZZZZ!

user46629860678354:
Bir defe iwle bagli qebulunda oldum. Getmeyime pewman oldum.

Abbasov:
heç bunu görən olub ki 5ildi bizi aldadır yeyib icirde bizde yayda susuz qlrlrlq

Elşən Vüqarlı:
Nahid özünə hörmət qoyan adam deyil. ... həyat tərzi keçirən qadınlarla əylənir...

***

Hər halda bu rəylər ciddiyə alınmalıdır və görünəni odur ki, gərəkən qurumlar da nəhayətdə Bağırovun fəaliyyətinə uyğun qiyməti verəcək...

Bakının Binəqədi rayonunda yerləşən 151 saylı uşaq bağçasında özbaşınalıqlar baş alıb gedir. Anaxeber.com-a verilən məlumata görə, körpələr evinin rəhbəri Venera Xəlilovanın idarəçiliyi altında qanunsuzluqlara və haqsızlıqlara yol verilir. Uzun müddətdir ki, körpələr evinə direktorluq edən Venera Xəlilovanın "ənənəvi" üsullarla uşaq bağçasını öz bildiyi şəkildə idarə etdiyi deyilir. Məlumata görə,
Venera Xəlilova 151 saylı uşaq bağçasında bir tərəfdən "ölü canlar" saxlayır, bir yandan xəbərdarlıq etmədən işçiləri uzaqlaşdırır, digər tərəfdən isə kimə hansı vəzifəni oldu tapşırır. Nəticədə uşaq bağçasında anarxiya hökm sürməklə Xəlilovanın yazılmamış qanunları işləyir.
O da xəbər verilir ki, bağçada uşaqlara verilən qidaların keyfiyyətində problemlər var. Hətta məhsulların istifadə müddətinə diqqət yetirilmir. Bu da əslində cinayət məsuliyyəti yaradır. Yəni Azərbaycan Qida Təhlükəsizliyi Agentliyi kiçik araşdırma ilə 151 saylı uşaq bağçasında nələr baş verdiyini təsbit edə bilər. Üstəlik, məsələnin mənəvi tərəfi var. Axı hər şey bir yana, Xəlilovanın vicdanı necə yol verir ki, uşaqlara keyfiyyətsiz, vaxtı ötmüş məhsullardan yeməklər hazırlanmasına şərait yaradır?
Anaxeber.com-a deyilib ki, hazırda uşaq bağçasında heç nə yerində deyil: adı işdə keçən, özü işə gəlməyən "canlı ölü"lər var, qidalar keyfiyətsizdir, müddətsiz çalışanlar isə qanunsuz şəkildə işdən uzaqlaşdırılır. Ancaq heç bir tədbir görülməyib.
Xəbərö görə, elə ki, nazirlikdən yoxlama gəlir, 151 saylı uşaq bağçasının müdiri Venera Xəlilova onları işə çağırır. Guya onlar daimi çalışırlar. Halbuki onların adları gedir, maaş kartları Venera Xəlilovanın cibindədir.
Nazirlikdən komissiya gələndə isə Xəlilovanın "ölü canları" çağırması ilə ört-basdır edor ki, qanunsuz hərəkətlərini gizlədə bilsin. Əslində, Baş Prokurorluq yanında Korrupsiya ilə Baş Mübarizə İdarəsinin əməliyyatı nəticəsində burada ciddi qanun pozuntuları aşkarlana bilər.
Eyni zamanda, bağçanın rəhbəri müddətsiz müqaviləsi olanları xəbərdarlıq etmədən işdən çıxarır. Yəni onlara əvvəlcədən bildirmir ki, işdən azad olunacaqlar. Bununla da Əmək Məcəlləsinin tələblərini pozur. Ondan başqa, bağça rəhbərliyi aşpazı tərbiyəçi, xadiməni nəzarətçi edir. Bu minvalla uşaq bağçasında həm anarxiya hökm sürür, həm də körpələrə qeyri-peşəkar səviyyədə xidmət göstərilir.
Bu azmış kimi, uşaq bağçasında vaxtı keçmiş məhsulların istifadə edilməsi həddi aşıb. Bütün bu özbaşınalıqların isə həyata keçirilməsində bağça müdirinin "sağ əli" sayılan Elmira Kərimovanın əli və rolu olduğu iddia edilir. Artıq Xəlilova barəsində Elm və Təhsil Nazirliyinə, Baş Prokurorluğa, Əmək və Əhalinin Sosial Müdafiəsi Nazirliyinə şikayət edilib. Yazıda adı keçən tərəflərin isə mövqeyini dərc etməyə hazırıq.

"DİA-AZ" xəbər verir ki, Ağdam rayonunun 1-ci Yüzbaşı kənd sakini Ümid Nəsibov deyir ki, bacısı oğlu 10-cu sinif şagirdi olan Elsevər Əhmədovu sözügedən məktəbin direktoru Polad Zeynalov tərəfindən məktəbə buraxılmır.

Onun iddiasına görə, məktəbdə yoxlama aparılan zaman Elsevər Əhmədov direktor Polad Zeynalovun özbaşnalıqları barədə məlumat verdiyi üçün, drektor qərəzli şəkildə onu məktəbdən uzaqlaşdırıb.

Şikayətçinin iddiasına görə 1-ci Yüzbaşlı kənd orta məktəbində yalnız Polad Zeynalovun qohumları işləyir, məktəbdə özbaşınalıq baş allb gedir, tədrisin səviyyəsi sıfır dərəcədədir. Vətəndaş deyir ki, direktorun qanunsuz hərəkətlərinə etiraz etdiyi üçün adıçəkilən məktəbdə gözətçi işləyən direktorun anası şagirdə zor tətbiq edərək, onu təhqir edib və məktəbin qapısından girməsinə icazə verməyib.

O da mətbuat vasitəsi ilə təhsil naziri Emin Əmrullayevə və aidiyyatı qurumlara müraciət edərək bu məsələnin araşdırılmasını, 1-ci Yüzbaşlı kənd mətəbinin drektoru Polad Zeynalov barəsində qanuni tədbir görülməsini və Elsevər Əhmədovun dərslırinə davam etməsi üçün şərait yaradılmasını xahiş edir.

Samux rayon Mərkəzi Xəstəxanasının 145 min manatlıq tenderinin adı var özü yoxdur.

Vəzifəli şəxslər müxtəlif tenderlərdə pul silmə prosesi həyata keçirilməsi adi hal alıb.

Hüquq-mühafizə orqanları bu gizli əməlləri aşkar edərək lazımi tədbirlər görür. Hesablama Palatası müxtəlif vaxtlarda dövlət qurumlarında çatışmamzlıqlar və nöqsanlarla bağlı öz hesabtlarında məlumatları ictimayyətin nəzərinə çatdıraraq hüquq -mühafizə orqanlarına sənədləri təqdim edib huquqi qiymət verilməsi üçün işlər aparılmaqdadır. İddialara görə belə proseslərdən biridə Samux rayonu Mərkəzi xəstəxanasında baş verib.

Belə ki, tender keçirilsdə amma işlər görülməyib. və dövlət büdcəsində ayrılan vəsait hara xərcləndiyi məlum deyil.

Məsələ ilə bağlı Samux rayon Mərkəzi Xəstəxanasından heç bir açıqlama almaq mümkün olmadı.

Qeyd edək ki, 2023-cü ildən Samux rayon Mərkəzi Xəstəxanasının direktoru Loğman Hacı Bədllidir.







xalq.az

Ölü heyvan ətlərindən dönər düzəldib insanlara sırıyan kimlərdir?

Azərbaycan Respublikası Prezidentinin yürütdüyü daxilisi yasətdə hər zaman insan faktoru əsas amil olub. Cənab Prezidentin “ölkəmizin ən böyük resursu insan resursudur” fikri bütün islahatlarda başlıca faktor kimi ön plandadır. Təəssüflər olsun ki, bəzi işbazlar öz maddi maraqlarını düşünürək bu məqamı diqqətə almırlar. İnsan faktorunda əsas prinsipin sağlamlıq olduğunu nəzərə alsaq, sağlam qidalanmanın vacibliyini də diqqətdə saxlamlıyıq.

Azərbaycan xalqı qida rasionunda ət məhsullarının xüsusi önəm verdiyindən bu məsələdə ət istehlakı ayrıca önəm kəsb edir. Məhz bunu nəzərə alaraq ölkə rəhbəri Qida Təıhlükəsizliyi Agentliyi kimi qurumlar yaradıb və bu məsələni diqqətdə saxlayır. Amma yuxarıda da qeyd etdiyimiz kimi, öz gəlirlərini milli maraqlardan üstün tutan bəzi şəxslər məhz qida məsələsində millətə xəyanət edirlər. Bərdə rayonunda bir qrup şəxs ölü heyvan, eşşək və at ətlərini bazara soxmaqla sözün həqiqi mənasında insanları xəstəliklərə düçar edir. Bizə daxil olan məlumata görə, Bərdədə məskunlaşmış bir qrup alverçi ətraf rayonlardan da ölü və xəstə heyvanları, at və eşşək ətlərini bazara sağlam qida məhsulu kimi çıxarır. Ən pisi isə budur ki, AQTA istisna olmaqla, bu problemlə mübarizə aparmalı olan qurumların aktivliyi hiss olunmur. Bu isə həmin qurumlarla bağlı müəyyən şübhələrə və inamsızlıqlara yol açır. Növbəti yazılarımızda bunu konkret faktlarla ortaya qoyacağıq. Bu gün isə məlum olan budur ki, ətin kilosu 18-20 manata olduğu halda Bərdədə 1 manatlıq dönər əlindən tərpənmək olmur. Bu fakt bir daha sübut edir ki, Bərdədə genefondumuza divan tutulur. Bu rayonda məktəblilərin dönərdən zəhərlənməsi kimi faktlar digər rayonlarla müşahidə də daha çox rast gəlinir.

Bu gün Bərdə və ətraf rayonlarda ucuz qiymətə ət məhsullarını və ətdən hazırlanan digər qida məhsullarını normal maya dəyərindən aşağı satılması məntiqi baxımdan şübhələr yaradır. Bu haqda bizi məlumatlandıran mənbənin sözlərinə görə, Bərdədə insanların sağlamlığına təhlükə yaradan ət məhsullarını paytaxt bazarına yol tapması böyük bir şəbəkənin əlindədir. Mənbəmiz həmin şəbəkədə Bərdə rayonunun müvafiq qurumlarının da xəbərdar olduğunu bildirdi. Bütün bu əlaqələr haqqında növbəti yazımızada ətraflı bəhs edəcəyik.
TEREF

Əslində peşə məktəbləri təhsil sisteminin ARXA BAĞÇASI kimi xarakterizə olunduğundan bura hər zaman daha çox yeyinti, maxinasiya, fırıldaq ünvanı kimi yanaşılıb. Elə "DİA-AZ"a daxil olan müraciətdən belə anlaşılır ki, barəsində giley olunan Göygöl Peşə məktəbi də eyni qaydada ehtiva olunmaqdadır. Yəni ağla gələn bütün çirkin işlər burada çevrilir.

Bu barədə yazan narazı valideynlər iddia edir ki, Göygöl Peşə məktəbi əslində quru ad olaraq var. Müraciətdə deyilir:

"Göygöl Peşə məktəbinin quruca adı var. Diqqət yetirsəniz hətta bir zamanlar sosial şəbəkələrdə belə aktiv olan bu qurum indi ADİ YEYİNTİ YERİDİR...

Bütün bu qara işlərin başında isə hansısa kənra şəxs dayanmır. Bu məktəbin direktoru və baş mühasibi əlbir olarsq dövlət malını aşkar şəkildə talıyırlar. Əgər Elm və Təhsil nazirliyinin başında oturanları bu dövlətin malı və bu millətin gələcəyi zərrə qədərində maraqlandırırsa, o zaman Göygöl Peşə məktəbindəki özbaşınalıqlara təcili müdaxilə etməlidir..."

Qeyd edək ki, araşdırmalarımız zamanı Göygöl Peşə məktəbinin sosial şəbəkələrdəki səhifələrinin3 ilə yaxındır yenilənmədiyinə şahidlik etdik. Bu isə o deməkdir ki, artıq 3 ilə yaxındır ki, burlarda təhsilin başı buraxılıb...

Məsələ diqqətimizdədir...

Bakıda İzmir klinikasında estetik əməliyyat etdirən qadın ağır xəstəliyə düçar olub.

Özünü həkim kimi təqdim Sadiq Durmuşov şikayətçinin üzündə qüsürlar yaratdı?

XALQ.AZ-a müraciət edən Bakı sakini Bakdəmirova Nərgiz sosial şəbəkədə estetik prosedurlarla bağlı reklam görərək Nərimanov rayonu, İ.Həsənoğlu 120 ünvanında yerləşən “İzmir klinikası” na müraciət edib. İzmir klinikasında estetik həkim kimi özünü təqdim edən Sadiq Durmuşov 500 manat məbləğində şikayətçini üzgərmə proseduru edib.

Prosedurdan sonra Nərgiz Bakıdəmirova üzündə şiddətli agrılar və şişkinlik olması ilə bağlı Sadiq “doktora” yenidən müraciət edib, Sadiq Durmuşovun ona müəyyən dərmanları qəbul olumasını və agrılar və şişkinlik bir müddət sonra kecəcyini bildirib. Daha sonra “doktor” Sadiqlə və asistenti Minayə adlı xanıla davamlı əlaqə saxlasamda telefon zənglərimə cavab vermədilər.

Şikayətçi qeyd edir ki, bu günədək üzümdəki yaranan qüsürlar və ödəm olduğu kimi qalıb. Məsələ ilə bağlı hüquq-mühafizə orqanlarına şikayət olunduqdan sonra Sadiq Durmuşov şikayətçiyə ödədiyi 500 manatı qaytarıb və əlavə 200 manat pul verib ki, şikayət etməsin.Lakin bu günədək Bakdəmirova Nərgiz bildirir ki, üzümdə olan qüsürlar keçməyib və digər həkimlərin bildirdiyinə görə, üzdə sinirə toxunulduğundan qüsürlar yaranıb. Sadiq Durmuşovun apardığı estetik əməliyyatdan sonra məndə ağır fəsadlar qalıb və bu fəsadların düzəlməsi mümkün deyil deyə şikayətçi bildirib. Bununla bağlı tibbi ekspertizasının rəyində qeyd olunub ki, üzün sol tərəfində ödəm, aseptik iltihab qeyd olunur.

Məsələ ilə bağlı İzmir klinikası ilə əlaqə yaratdıq, klinikadan bildirilib ki,belə pasiyentimiz olmayıb və Sadiq Durmuşov adlı şəxs bizdə işləməyib.

Şikayətlə bağlı Sadiq Durmuşovla əlaqə saxlasaqda o açıqlama vemək istəmədiyini bildirərək telefonunu qapatdı.

XALQ.AZ araşdırma apararaq məlum olmuşdur ki Sadiq Durmuşov Nərimanov rayonu, İ.Həsənoğlu 120 ünvanında yerləşən “İzmir” klinikasının rəhbəridir və hüquq-mühafizə orqanlarına verdiyi izahatında özü bunu təsdiq edib.

Qeyd edək ki, Sadiq Durmuşovun Səhiyyə Nazirliyinin və Elm və Təhsil Nazirliyinin məlumat bazasında ali tibb təhsil olması barədə məlumat yoxdur həmçinin sertifikasiyası haqqında məlumat mövcud deyil. Dövlət Reyestrində sistemində onunla bağlı heç bir qeyd yoxdur. Yəni o heç bir ali tibbi təhsili, tibbi sertifikata və lisenziyaya malik olmadan estetik prosedur həyata keçirib.

Bəs görəsən İzmir klinikasında həkim olmayan rəhbər necə estetik prosedur həyata keçirir. Bu məsələ isə hüquq-mühafizə orqanlarının işidir.

Qeyd edək ki, məsələ ilə bağlı hüquq-mühafizə orqanlarında araşdırma aparılır.