 |
|
|
Evlər kirayə verilən zaman vətəndaş və ev sahibi arasında müqavilə bağlanır. Bu müqaviləyə əsasən də ödənişin vaxtı və məbləği müəyyən olunur.
Bəs kirayəçi ödənişi vaxtında ödəməsə evdən çıxarıla bilər?
Hurriyyet.Az xəbər verir ki, ekspertlərin sözlərinıə görə, ölkəmizdə kirayə müqaviləsi imzalayan şəxslər çox azdır. Bu isə tərəflər arasında bir çox problemlərə, mübahisələrə səbəb olur. Bunlardan biri də ödənişin gecikdirilməsi məsələsidir.
Daha ətraflı video-materialda:
Yüksək bal toplayan abituriyentlərin sayının çox olması subbakalavrların şansını azaldıb.
Xezerxeber.az-ın məlumatına görə, bu il tələbə olmaq istəyən abituriyentlərin sayı 85 mindən çoxdur.
Bu göstərici ötən illə müqayisədə beş min nəfər artıb.
Təhsil eksperti Kamran Əsədov bildirib ki, subbakalavrların ali məktəblərə qəbulu ilə bağlı yanaşma düzgün deyil.
Onun sözlərinə görə, bəzi ixtisaslar üzrə məhdudiyyətlər aradan qaldırılmalıdır.
Ekspert qeyd edib ki, hər il təxminən 20 minə yaxın şəxs kolleci bitirsə də, onlardan cəmi altı mini universitetlərə qəbul imkanı qazanır.
Kamran Əsədov onu da əlavə edib ki, subbakalavrlar üçün ali təhsil müəssisələrində xüsusi plan yerlərinin ayrılmasına ehtiyac var. Çünki kolleci bitirən tələbələrin əksəriyyəti sonradan iş tapmaqda ciddi çətinliklərlə üzləşirlər.
Ətraflı süjetdə:
Azərbaycan Prezidenti Konstitusiya ilə ona verilmiş hüquqlara görə, müxtəlif məhbusların azad olunması barədə əfv sərəncamı imzalayır. O bunu adətən bayram ərəfələrində edir. Geniş məhbus sayını əhatə edən sərəncamlar isə adətən, Novruz və ya 28 May Müstəqillik günü kimi önəmli bayramlar ərəfəsinə təsadüf edir. Bu səbəbdən hazırda əhv fərmanının verilməsi aktual mövzular sırasındadır. Maraqlıdır, kimlərə bəraət verilməsi nəzərdə tutulur?
Beynəlxalq İnsan Hüquqları Cəmiyyəti Azərbaycan Milli Bölməsinin rəhbəri, hüquq müdafiəçisi Səadət Bənənyarlı "Sherg.az"a bildirib ki, Respublika günündə əfv fərmanının verilməsi hamı tərəfindən səbirsizliklə gözlənilir:
"Ümid edirik ki, bir çox şəxsə bəraət veriləcək. Əfv Komissiyası bu məsələlərə diqqətlə yanaşır. Məhkum haqda komissiya üzvlərinin, müəsisənin rəyləri öyrənilir. Əfvlə bağlı çox müraciətlər var. Hazırda isə konkret rəqəm söyləmək hələ tezdir. Bir aydan çoxdur ki, daha intensiv şəkildə fəaliyyətlərini davam etdirirlər. Gözləntilərimiz böyükdür. Xüsusi ilə "amonçular", siyasi motivlərlə həbs olunanlar barədə qərarın verilməsini istərdik. Bizi narahat edən bir çox məsələlər mövcuddur. Lakin bunların hələ ki, Əfv Komissiyasında baxılması mümkün deyil".
Hüquq müdafiəçisi Novella Cəfəroğlu da böyük ümidlərlə əfv fərmanının verilməsini gözlədiyini deyib:
"Əlavə olaraq, qazilər haqda yeni qərarlar qəbul oluna bilər. Belə ki, veteranların, qazilərin təqaüdlərinin artırılacağı müzakirələr arasındadır".
Son günlər Bakıda fərdi yaşayış və bağ evlərinin satış qiyməti 18 % artıb.
Ümumiyyətlə, paytaxt sakinlərinin mövsümlə bağlı, yay fəslində fərdi həyət evlərinə marağı daha da artır. Eyni zamanda zəlzələ təhlükəsi ilə əlaqədar da bəzi vətəndaşlar həyət evlərinə üstünlük verirlər.
Maraqlıdır, əgər fərdi yaşayış evlərinin qiyməti artıbsa, o zaman ev bazarında bina evlərinin ucuzlaşmasına təsir göstərəcəkmi?
Əmlak məsələləri üzrə ekspert Elnur Fərzəliyev “Cebhe.info”-ya bildirdi ki, ümumilikdə evlərlə bağlı mövsüm başlayandan qiymət artımı olub:
“Məhz qiymət artım mövsümün sonunadək davam edir. Ancaq maksimum 10 faiz artım özünü göstərə bilər. Fərdi evlərə marağın artması əsasən yay aylarının gəlməsi ilə bağlıdır.
Mövsümi olaraq bağ evləri, həyət evləri, torpaq sahələri daha çox yay aylarında satılır. Ancaq birdən-birə kəskin qiymət artımı baş vermir. Qiymət artımı yalnız fərdi yaşayış evlərinin tikintisi üçün yararlı olan, çıxarışı, təyinatı, yaşayış məntəqələri və torpaqları olan boş torpaq sahələrində baş verir.
Ümumilikdə isə fərdi yaşayış evlərinin qiymət artımı bina evlərinin qiymətlərinə təsir etməyəcək. Çünki həm həyət evlərinin, həm də bina evlərinin öz alıcıları var. Həyət evinin alıcıları müxtəlifdir. Bəzi hallarda vətəndaşlar bağ evi alır, yaxud da torpaq sahəsi alır, bütün bunlar başqa-başqa sahələrdir.
Belə ki, fərdi həyət evləri hər mövsümdə alınır. Ancaq kütləvi formada alış may ayından başlayır və avqustun sonunadək davam edir. O da yenə havalarla əlaqədar olaraq baş verir. Tələbat və qiymət ümumilikdə artır.
Zəlzələ təhlükəsi ilə bağlı fərdi həyət evlərinə marağın artmasına gəldikdə isə, əslində zəlzələ Türkiyədə, eləcə də Azərbaycanın Xəzər dənizinin şimal hissəsində olub. Məhz baş verən zəlzələr dağıntı və tələfata səbəb olmayıb. Bakıda zəlzələ o qədər də hiss olunmayıb. Bu baxımdan fərdi həyət evlərinə güclü axın özünü göstərməyib”.
“Deputat Siyavuş Novruzovun belə bir fikir səsləndirməsi heç də təsadüfi deyil”.
Bunu Yenicag.az-a açıqlamasında Milli Məclisin deputatı Siyavuş Novruzovun mənzilə ehtiyacı olan jurnalistlərin Qarabağa köçürülən məcburi köçkünlərin boşalmış mənzilləri ilə təmin edilməsi ilə bağlı səsləndirdiyi fikirlərə münasibət bildirən media eksperti Azər Həsrət deyib.
Onun sözlərinə görə, məsələnin gündəmə gətirilməsi mənzilə ciddi ehtiyacı olan jurnalistlər üçün ümid işığı ola bilər.
“Çünki təxminən on il öncə ölkədə jurnalistlərin mənzil ehtiyaclarının qarşılanması üçün atılan addımlar təqdir edilirdi. Bəzi həmkarlarımız bu baxımdan ümidlənmişdilər. Ancaq jurnalistlər üçün tikilən üçüncü bina başqa kateqoriyadan olan vətəndaşlara verilməsi üstün tutuldu. Təbii olaraq, bu, müəyyən narazılıq və narahatlıqlara səbəb oldu”, – deyə media eksperti bildirib.
Azər Həsrət torpaqların işğaldan azad edildiyini, keçmiş məcburi köçkünlərin öz yurd-yuvalarına qayıtdığını diqqətə çatdırıb:
“Dövlətimiz məcburi köçkünlər üçün on illər ərzində Bakıda və ətraf ərazilərdə mənzillər tikib. Həmin mənzillər isə artıq boşalmağa başlayıb. Hətta həmin evlərin ucuz qiymətə satışı da təşkil olunur. Belə olan təqdirdə, mənzilə ehtiyacı ciddi şəkildə olan jurnalistlərin evlə təmin edilməsi üçün əlavə addımlar atmağa imkan yaranıb.
Deputat Siyavuş Novruzovun belə bir fikir səsləndirməsi heç də təsadüfi deyil. Nəzərə almaq lazımdır ki, o, hakim Yeni Azərbaycan Partiyasının parlamentdəki təmsilçilərindən biridir. Yəni onlar bir fikir səsləndirərkən mütləq ən üst rəhbərliklə razılaşırlar. Bir sözlə, ümidlər var.
Qarşıdan isə Milli Mətbuat Günü yaxınlaşır. Həmin ərəfədə belə bir addımın atılması yerinə düşərdi. Mənzilə ehtiyacı olan jurnalistlərin evlə təmin edilməsi təqdirlayiq addımdır”.
Beyləqan rayonu, Birinci Şahsevən kənd sakini Teymurlu Fərid Mahir oğlu tərəfindən “Hürriyyət” qəzetinin redaksiyasına şikayət məktubu daxil olub. O, sosial yardımının kəsilməsindən şikayətçidir:
“Mən, Teymurlu Fərid Mahir oğlu, yazaraq bildirirəm ki, ailədə 4 nəfərik - mən, həyat yoldaşım, 2 yaşlı oğlum və 1 yaşlı qızım. Kirayədə yaşayırıq. Ailədə təkcə mən işləyirəm və 595 manat əmək haqqı alıram. Övladlarımız azyaşlı olduğu üçün yoldaşımdan işləməsi tələb olunmur.
Adıma torpaq, ev və maşın yoxdur. Keçən ilə kimi sosial yardım alırdım. Bu ilin aprel ayında vaxtı bitdiyi üçün 15.04.2024-cü il tarixində yenidən müraciət etdim. 01.05.2024-cü ildə sistem üzərindən yoxladım və gördüm ki, imtina cavabı gəlib. Səbəb isə çox gülməlidir, deyirlər ki, “Azərişıq” və “Azərqaz” abonent kodlarında uyğunsuzluq var.
Məsələ ilə bağlı 142 "qaynar xətt"inə zəng vurub, operatorla danışdım. Sual verdim ki, imtinanın səbəbi nədir? Mənə bildirdilər ki, bizlik deyil, “Azərişıq” və “Azərqaz” abonent kodunda uyğunsuzluq var, bu səbəbdən də sizə imtina verilib.
Mənə bildirdilər ki, probleminiz olan qurumlarla məsələni həll etməyə çalışın. Mən də problem yaradan qurumlarla əlaqə saxladım. Abonent kodunu onlara bildirdim, yoxladılar və dedilər ki, heç bir problem yoxdur. "Əgər sayğacda problem olarsa, ümumiyyətlə işləməz", - deyə bildirdilər.
Yenidən 142-yə, yəni Əmək və Əhalinin Sosial Müdafiəsi Nazirliyinə zəng vurdum. Ordakı operatorların hər biri eyni sözü deyirlər ki, imtinaya səbəb "Azəriqaz" və "Azərişıq" abonent kodlarındakı uyğunsuzluqdur. Lakin onlar isə, "bizlik bir şey yoxdur" deyirlər.
Mən belə başa düşürəm ki, bu, Əmək və Əhalinin Sosial Müdafiə Nazirliyinin yeni bir oyunudur. Bu nazirlik "qara camaat"ın başına oyun açır.
Qeyd etdiyim kimi, özüm kirayədə yaşayıram, maddi durum çox pisdir. Bu qurum "yardım" adı altında insanlara işgəncə verməklə məşğuldur".
Ən çox istifadə olunan sosial şəbəkə “Facebook”dur.
İndex.az xəbər verir ki, “Global İndex”in araşdırmasına görə, “Facebook”un istifadəçilərinin 76%-i aktiv istifadəçidir.
İndex.az ən çox istifadə olunan sosial şəbəkələri sizə təqdim edir:
Facebook: 76%
YouTube: 65%
Instagram: 56%
TikTok: 45%
Snapchat: 34%
I, II, III və IV ixtisas qrupları üzrə qəbul imtahanının II mərhələsinin I cəhdində iştirak etmək istəyən abituriyentlərin ərizə qəbulu başa çatıb.
“Report” xəbər verir ki, bu barədə Dövlət İmtahan Mərkəzi (DİM) məlumat yayıb.
Dünən saat 09:00-a olan məlumata əsasən I ixtisas qrupu üzrə 29 230, II qrup üzrə 23 163, III qrup üzrə 24 499, IV qrup üzrə isə 5 804 abituriyent elektron ərizəsini təsdiq edib.
Qeyd edək ki, abituriyentlər dünən saat 23:59-dək şəxsi kabinetinin istifadəçi adı və parolundan istifadə etməklə DİM-in müvafiq internet səhifəsinə daxil olaraq imtahan vermək istədikləri ixtisas qrupunu seçib qeydiyyatdan keçməli idilər.
Əmək müqaviləsinə xitam verilməsi barədə işəgötürənin: Əmrinin surəti, İşçinin əmək kitabçası və işəgötürənin son haqq-hesabı (istifadə edilməmiş əmək məzuniyyətinə görə pul əvəzi, işçiyə ödənilməli əmək haqqı və digər ödəmələr) ilə birlikdə - sonuncu iş günü işçiyə verilməlidir.
Azərbaycan Respublikası Əmək Məcəlləsinin bu tələbinə əməl etməyən işəgötürən üçün:
aşağıda göstərilən maddi, mənəvi və inzibati məsuliyyət nəzərdə tutulur:
1. İşəgötürən hər gecikdirilmiş gün üçün-bu pul ödənilən günə kimi işçiyə əmək haqqının azı bir faizi məbləğində ödənc verməlidir.
2. Əmək kitabçasının sonuncu iş günü işçiyə verilməsi - işəgötürənin təqsiri üzündən ləngidildikdə, işçiyə işə düzələ bilmədiyi bütün müddət üçün orta əmək haqqı ödənilir.
3. İşçinin son haqq hesabının, son iş günündə verilməməsinə görə - vəzifəli şəxslər üçün yeddi yüz manatdan - min beş yüz manatadək məbləğdə cərimə nəzərdə tutulur.
4. Birinci 2 halda bu ödənişlər işçinun özünə,
üçüncü haldaisə Dövlət Əmək Müfəttişliyinin qərarı əsasında Dövlət büdcəsinə ödənilir.
5. İşçilərə ödənilməli olan dəymiş zərər və s. ödənişlər işəgötürən tərəfindən könüllü olaraq ödənilməzsə, hüququ pozulmuş işçinin məhkəməyə müraciət etməklə öz hüququnu bərpa etmək hüququ vardır.
Azər Quliyev.
TEREF
Daxili İşlər Nazirliyi (DİN) valideynlərə müraciət ünvanlayıb.
Oxu.Az xəbər verir ki, müraciətdə deyilir:
“Övladlarınızın internetdə təhlükəsizliyini təmin etmək üçün yalnız sizin nəzarətiniz altında internetdən istifadəsinə icazə verin. Uşaqlarınızın internetdə oynadıqları oyunlar haqqında məlumatlı olun.
Şifrə olaraq, mürəkkəb şifrə seçməkdə uşaqlara yaxından kömək edin” , - deyə müraciətdə bildirilib.