Mərkəzi Bankın hesabatına əsasən, Rusiya bank sektoru 2025-ci ildə 3,5 trilyon rubl (45,5 milyard dollar) xalis mənfəət əldə edib.
Yeniavaz.com xəbər verir ki, bu göstərici ötən ilin eyni dövrü ilə müqayisədə 8% azdır. Belə ki, 2024-cü ildə sektorun xalis mənfəəti 3,8 trilyon rubl (49,4 milyard dollar) təşkil edib.
Qeyd edək ki, ötən ilin rəsmi məlumatlarına görə, Rusiya əhalisinin sayı 146 milyon nəfər olub. Bu isə o deməkdir ki, Rusiyada adambaşına düşən bank mənfəəti 312 dollar təşkil edib.
Onu da qeyd edək ki, Azərbaycanda fəaliyyət göstərən 22 bankın 2025-ci il üzrə xalis mənfəəti 1 milyard 161,6 milyon manat (683,4 milyon dollar), Ermənistanda fəaliyyət göstərən 17 bankın 2025-ci il üzrə xalis mənfəəti 421 milyard dram (1 milyard 126,2 milyon dollar), Gürcüstanda fəaliyyət göstərən 19 bankın 2025-ci il üzrə xalis mənfəəti isə 3,3 milyard lari (1 milyard 262 milyon dollar) olub.
Bu ölkələrin əhalisini də nəzərə aldıqda, Azərbaycanda adambaşına düşən bank mənfəəti 67 dollar, Ermənistanda 366 dollar, Gürcüstanda isə 323 dollar təşkil edib.

Bazar ertəsi, 2 fevral, dollar yenidən yüksəlib, ən çox isə xammal qiymətlərinə həssas valyutalar qarşısında dəyər qazanıb, çünki qızıl və gümüş qiymətlərinin düşməsi bazarlara təsir edib.

"Bloomberg" xəbər verir ki, London ticarətinin başlanğıcında ABŞ dolları Avstraliya, Yeni Zelandiya və Norveç valyutalarına qarşı ən çox artıb – qızılın 30 yanvarda on ildən çox müddətdə ən böyük düşüşündən sonra qiymət itkilərinin davam etməsi fonunda. Gümüş isə bazar ertəsi 16% düşüb – cümə günü rekord sürətli daxili düşüşdən sonra.

Dolların cümə və bazar ertəsi günləri təxminən 1% möhkəmlənməsi yanvarın ikinci yarısında yaşanan kəskin zəifləmədən sonra baş verib. Bu bərpa bəzi investorları təəccübləndirə bilərdi, çünki dollar satışları keçən ayın ən populyar makro strategiyalarından biri idi. Keçən həftənin sonuna doğru ABŞ-ın Qrenlandiya ilə bağlı təhdidləri və prezident Donald Trampın valyuta satışına münasibəti uzunmüddətli dollar zəifləməsi barədə müzakirələri daha da gücləndirib.

Bərpa olunsa da, bir çox bazar iştirakçıları dolların gələcəkdə zəifləməsi barədə xəbərdarlıq edir. “DoubleLine Capital” şirkətinin baş direktoru Ceffri Qandlax keçən həftə bildirib ki, dollar artıq müəyyən müddətdir müdafiə valyutası kimi davranmır, Trampın proqnozlaşdırılmaz siyasəti və ABŞ-ın böyük defisitləri dollar üzərində təzyiqi davam etdirir.

"Redwood Heritage Group"un təsisçisi və başçısı Əhməd Saidali bildirib ki, bu yüksək volatillik hadisəsi deyil. Bu, valyutanın devalvasiyasıdır.

Fevral ticarətinin başlanğıcı ilə bir çox strateq dollar üzərində əlavə təzyiq proqnozunu saxlayır.

“Goldman Sachs Group Inc.”, “Manulife Investment Management” və “Eurizon SLJ Capital” də ABŞ valyutasının zəifləməsini gözləyir, baxmayaraq ki, bu azalma qeyri-bərabər olacaq. Üstəlik, valyuta bazarında və qiymətli metallar bazarında dalğalanmalar aksiyalardakı dalğalanmalardan daha böyükdür, süni intellektlə bağlı şirkət səhmlərindəki “balon” barədə narahatlıqlara baxmayaraq.

Ötən ilin ilk 11 ayında Ukraynadan Azərbaycana 5 min 786 ton dondurulmuş iribuynuzlu heyvan əti (mal əti) idxal edilib.
Yeniavaz.com açıqlanan rəsmi məlumatlara istinadən xəbər verir ki, idxal olunan mal ətinin 59,55 tonu bütöv cəmdəklər, 1 827,7 tonu sümüklü və parçalara ayrılmış, 3 898,9 tonu isə sümükdən ayrılmış formada olub.
Qeyd edək ki, Ukraynadan gətirilən bütöv cəmdəklərin bir kiloqramının orta gömrük dəyəri 3,5 dollar (6 manat), sümüklü və parçalara ayrılmış ətin bir kiloqramının orta gömrük dəyəri 3,8 dollar (6,4 manat), sümükdən ayrılmış ətin bir kiloqramının orta gömrük dəyəri isə 5 dollar (8,5 manat) təşkil edib.
Onu da bildirək ki, ötən ilin ilk 11 ayında dondurulmuş mal əti ən çox Ukraynadan gətirilib. Ukraynadan sonra mal əti ən çox Braziliyadan (2 956 ton) və Hindistandan (1 128,5 ton) idxal olunub. Braziliyadan gətirilən dondurulmuş ətin bir kiloqramının orta gömrük dəyəri 3,2 dollar (5,5 manat), Hindistandan gətirilən ətin bir kiloqramının orta gömrük dəyəri isə 3,4 dollar (5,7 manat) olub.