ABŞ ilə rəsmi olaraq ticarət müharibəsinə girən Çində investorlar qızıla kəskin maraq göstərirlər.
Bu barədə "Bloomberg" verir.

Çinli investorlar keçən həftə qızıl fondlarına 1 milyard dollar sərmayə qoyublar. İnvestisiyaların əksəriyyəti fərdi əmanətçilər tərəfindən olub.

Məlumata görə, ABŞ və Çin arasındakı ticarət müharibəsi Çinli investorları qızıl fondlarına sövq edib.

Çində qızıl ümumiyyətlə zərgərlik və ənənəvi səbəblər üçün alınsa da, fərdi investorların da qızıla tələbatı yüksəkdir. Sonuncu qızıl investisiyalarının çoxu bu investorlar tərəfindən olub. İlin əvvəlindən qoyulan investisiya ötən ilin ümumi həcminin 80 faizini təşkil edir.

Qızıl bütün dünyada böhran dövründə investorlar üçün etibarlı sığınacaq olaraq görülür və qızılın önümüzdəki günlərdə də yüksəlişinin davam edəcəyi gözlənilir.

Gəncə şəhər İcra Hakimiyyətinin sabiq başçısı Elmar Vəliyev və Azərbaycanın sabiq hərbi prokuroru Xanlar Vəliyevin qardaşı Şahmar Vəliyevin Rusiyanın Yesentuki şəhərində təsis etdiyi “Rusel” və “Rusel Park” şirkətləri ötən il üçün maliyyə hesabatlarını açıqlayıblar.
Yeniavaz.com şirkətlərin maliyyə hesabatlarına istinadən xəbər verir ki, “Rusel” şirkəti 2024-cü ili 526 min rubl (6,1 min dollar) xalis mənfəətlə, “Rusel Park” şirkəti isə 342 min rubl (4 min dollar) xalis zərərlə başa vurub.

Məlumat üçün bildirək ki, yaşayış və qeyri-yaşayış binalarının tikintisi ilə məşğul olan şirkətlərin yeganə təsisçisi Şahmar Vəliyevdir. Direktor isə Olqa Kərimovadır.

Şahmar Vəliyev 2017-ci ildə keçirilən Rusiya-Azərbaycan regionlararası forumu çərçivəsində Kislovodsk şəhərində “Rusel” sanatoriyasının tikintisi ilə bağlı müqavilə imzalayıb. Rusiya mətbuatının yazdığına görə, “Rusel” sanatoriyasının tikintisinə 2018-ci ildə başlanılıb və 2021-ci ildə başa çatdırılıb.
Qeyd edək ki, Azərbaycanda da “Rusel” adı ilə fəaliyyət göstərən və Şahmar Vəliyeva məxsus şirkət var. Şahmar Vəliyevin direktoru olduğu “Rusel” şirkəti (VÖEN-1600133861) dövlət qurumlarının keçirdiyi müxtəlif tenderlərdə qalib olub. Xətai rayonundakı “Rusel Plaza”nın da Şahmar Vəliyevə məxsus olduğu bildirilir. Bunlardan başqa Şahmar Vəliyev “Rusel” şirkəti ilə eyni ünvanda yerləşən “Azneftemaş” ASC-nin də prezidentidir.
Onu da qeyd edək ki, dünən Xanlar Vəliyevin hərbi prokuror kimi səlahiyyət müddəti başa çatıb. Bu gün isə Xanlar Vəliyevin Konstitusiya Məhkəməsinin hakimi təyin olunması ilə bağlı təqdimat Milli Məclisə daxil olub.

Son günlər Amerikanın tətbiq etdiyi tariflərlə bağlı dünya iqtisadiyyatında dalğalanmalar müşahidə olunur.

Bununla yanaşı, ABŞ-də yumurta böhranı davam edir. “Quş qripi” səbəbilə yumurta tədarükü qıtlığı yaşayan ölkənin rəsmiləri Türkiyə, Danimarka və başqa Avropa ölkələrindən kömək istəyib. Amerikada yaşanan yumurta qıtlığı onun bahalaşmasına səbəb olub.

Qeyd edək ki, ölkəmizdən də bir neçə aydır Amerikaya yumurta ixrac olunur. Ancaq bəzi məlumatlara görə, tariflərlə bağlı ölkəmizdən Amerikaya yumurta ixracı dayanıb.

Amerikanın mövcud tariflə bağlı qərarı Azərbaycandan yumurta ixracına necə təsir göstərib?

Məsələ ilə bağlı Azərbaycan Quş Əti, Yumurta İstehsalçıları və İxracatçıları Assosiasiyası İdarə Heyətinin sədri Mürvət Həsənli "Cebheinfo.az"-a bildirib ki, ötən ildən ABŞ-də “quş qripi”nin yayılması ilə əlaqədar yumurta qıtlığı və qiymətlərin bahalaşması müşahidə olunmaqdadır:

"ABŞ hökuməti bu prosesin qarşısını almaq üçün xarici ölkələrdən yumurta idxalına icazə verib. Azərbaycanın ən böyük quşçuluq təsərrüfatlarından biri olan "Giləzi Quşçuluq" ABŞ standartlarına uyğun sertifikatlaşdırmadan uğurla keçərək bu ölkəyə süfrə yumurtası ixracı icazəsi əldə edib. Hazırda ixracla bağlı problem yoxdur və ixracımız davam edir. Hətta yaxın müddətdə nəinki Amerika, Polşa, İsrail və digər ölkələrə də yumurta ixracı nəzərdə tutulub".

“Tesla” şirkətinin baş direktoru, ABŞ-nin Hökumətin Effektivliyi Departamentinin (DOGE) rəhbəri, milyarder İlon Maskın sərvəti 2024-cü ilin noyabrından bəri ilk dəfə 300 milyard dollardan aşağı düşüb.
AzVision.az “Bloomberg” agentliyinə istinadən xəbər verir ki, bu, ABŞ prezidenti Donald Trampın aprelin 2-də tətbiq etdiyi idxal rüsumları səbəbindən qiymətli kağızlar bazarlarında kotirovkaların çökməsi nəticəsində olub.

“Aprelin 7-də “Tesla”nın səhmlərinin ucuzlaşması sürətləndikdən sonra Mask 4,4 milyard dollar itirdi. NASDAQ ticarətində avtomobil istehsalçısının səhmləri 2,56% ucuzlaşaraq 223,29 dollara düşüb. Nəticədə milyarder dünyanın ən zəngin adamları arasında itkilərə görə liderlər siyahısında altıncı yeri tutub. “Bloomberg” Milyarderlər İndeksinin (Bloomberg Billionaires Index) ümumi sərvəti 271 milyard dollar azalaraq bütün tarix ərzində bir gündə üçüncü ən böyük itki olub”, - agentlik yazır.

Eyni zamanda, aprelin 3-ü və 4-də milyarder bundan bir neçə dəfə çox - ümumilikdə 31 milyard dollar itirib. Ümumilikdə, 2025-ci ilin əvvəlindən biznesmenin sərvəti 134,7 milyard dollar azalıb.

Bununla belə, sərvətinin azalmasına baxmayaraq, “Bloomberg Milyarderlər İndeksi”nə görə Mask hələ də 298 milyard dollarlıq sərvətlə dünyanın ən varlı adamları arasında birincidir. Sərvət baxımından Mask həm “Amazon” şirkətinini banisi Ceff Bezosu (196 milyard dollar), həm də kapitalı 183 milyard dollar dəyərində qiymətləndirilən “Meta” şirkətinin baş direktoru Mark Zukerberqi xeyli qabaqlayır.

- Trampın ABŞ prezidenti seçilməsindən qısa müddət sonra Teslanın səhmlərinin qiymətlərinin dəyişməsi fonunda Maskın sərvəti azalmağa başlayıb. Onun Trampın baş məsləhətçisi kimi rolu “Tesla” avtomobillərini ABŞ-də və xaricdə etirazlar və vandalizm hədəfinə çevirib”, - agentlik bildirir.

“Financial Times (FT)” qəzeti fevral ayında Avropada “Tesla” avtomobillərinin satışlarının azalması səbəbindən İlon Maskın sərvətinin gündə 22 milyard dollar azalmasına diqqət çəkərək, bunu onun Avropa siyasətinə müdaxiləsi, xüsusən də sağçı partiyaları dəstəkləməsi nəticəsində populyarlığının devalvasiyası ilə izah edib.

Digər amil milyarderin 2025-ci il yanvarın 20-də ABŞ Hökumətinin Səmərəliliyi Departamentinin (DOGE) rəhbəri vəzifəsinə təyin olunduqdan sonra həyata keçirdiyi ABŞ federal hökumətinin xərclərinin kəskin azaldılması siyasətidir. Xüsusilə də İlon Mask on minlərlə dövlət əməkdaşının işdən çıxarılmasını təklif edib ki, bu da 2025-ci ilin fevralında sosial mediada #TeslaTakedown və #TeslaTakover həsteqləri ilə Amerikada etirazlara səbəb oldu.

Xatırladaq ki, Donald Trampın 2024-cü ilin noyabrında ABŞ prezident seçkilərində qalib gəlməsindən sonra “Tesla” şirkətinin səhmləri sürətlə bahalanmağa başladı.

“Seçkidən sonrakı həftələr ərzində investorlar “Tesla” şirkətinin səhmlərinə 700 milyard dollardan çox pul xərcləyərək, Maskın ABŞ-nin yeni prezidenti ilə münasibətlərinin və iş adamının artan siyasi əhəmiyyətinin avtomobil istehsalçısına fayda gətirəcəyi mərcini bağlayıblar. Dekabrın 18-də şirkətin səhmləri 488,54 dollara çataraq tarixi maksimuma yüksəldi. Nəticədə, 2024-cü ilin dekabrında 13%-lik payla elektrikli avtomobil istehsalçısı “Tesla”nın ən böyük səhmdarı olan Mask, 400 milyard dollarlıq sərvətlə tarixdə ilk şəxsə çevrildi”, - “Bloomberg” agentliyi vurğulayır.

Marqlıdır ki, bu fonda öz mənbələrinə istinad edən “Washinqton Post (WP)” qəzeti İlon Maskın prezident Donald Trampdan 185 ölkəyə münasibətdə əlavə idxal tariflərinə yenidən baxmağı xahiş etdiyini yazıb. Onun ABŞ prezidentinə həqiqətən də belə bir müraciəti etdiyi və buna hansı cavabı aldığı barədə hələlik heç bir rəsmi açıqlama yoxdur.

"Loğman"ın külli miqdarda borcu var: Baş həkimə "stop" qoyuldu
Bakıda fəaliyyət göstərən "Loğman Klinikası"nın külli miqdarda vergi borcu var.
Qaynarinfo-nun məlumatına görə, "Loğman Klinikası" Məhdud Məsuliyyətli Cəmiyyətinin (MMC) İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 132.367,89 AZN vergi borcu yaranıb.

Əldə etdiyimiz məlumata görə, sözügedən borcun ödənişini gecikdirdiyinə klinikanın qanuni təmsilçisi və baş həkimi Quliyev İlqar Hüsü oğlunun ölkədən çıxışı məhdudlaşdırılıb.
Qeyd edək ki, 3 il əvvəl "Loğman Klinikası"nın baş həkimini İlqar Quliyev ona 58 min manat atan iş adamı ilə gündəmə gəlmişdi.

Bakı şəhərinin bəzi ərazilərində köhnə tikililərin, yaşayış və qeyri-yaşayış obyektlərinin köçürülməsi, söküntü və abadlıq işlərinin həyata keçirilməsi nəzərdə tutulur. Məlumata görə, söküntü işləri istismar müddəti başa çatan və tarixi əhəmiyyət daşımayan, əsasən, qəzalı vəziyyətdə və aşınma dərəcəsi olduqca yüksək olan bina və tikililəri əhatə edir.

Söküntü işləri paytaxtın mənzil bazarında qiymətlərə necə təsir edəcək?

Mövzu ilə bağlı Azərbaycan Qiymətləndiricilər Cəmiyyətinin (AQC) sədri, iqtisadçı-ekspert Vüqar Oruc Trend-ə açıqlamasında deyib ki, Bakı şəhərinin baş planına əsasən, paytaxtın infrastrukturu yenidən qurulacaq.

"Bunun üçün prioritet məsələlərdən biri də şəhərin yenilənməsi və yaşıllıq sahələrinin daha çox olmasına önəm verilməsidir.

Getdikcə şəhər əhalisi artır. Bununla yanaşı, şəhərdə sıxlıq da artır. Bunları aradan qaldırmaq üçün şəhər böyüməli və inkişaf eləməlidir. Bu səbəblərdən dolayı şəhərin kənar ərazilərə doğru böyüdülməsi, infrastrukturun inkişafı barədə planlar mövcuddur.

Paytaxtda aparılacaq söküntü və köçürülmə məsələləri də bu məqsədlərdən irəli gəlir. Prioritetlərdən biri də odur ki, yeni tikililər inşa edilən zaman şəhərin bu günə qədər olan memarlıq siması saxlanılmalı, tarixi binalar toxunulmaz qalmalıdır. İstismar müddəti bitmiş, yararsız binlara söküləcək. Artıq bu binalar müəyyən olunub.

İlkin mərhələdə 300-ə yaxın binanın sökülməsi gözlənilir. Bunun üçün tender elanı da verilib. Qiymtləndirici şirkətlər bu istiqamətdə fəaliyyət göstərirlər. Hazırda söküntü ərazilərində kompensasiya məbləğləri müəyyən edilir və yeni tikililərdə vətəndaşlara yeni mənzillər təqdim olunur. Bununla bağlı vətəndaşlar və müvafiq qurumlar arasında danışıqlar gedir", - o bildirib.

Cəmiyyət sədri qeyd edib ki, baş verən dəyişikliklər qiymətlərə təsir etməklə yanaşı, şəhərin abadlaşdırılmasında rol oynayacaq:

"Yeni infrastruktur dəyişiklikləri mühüm yeniliklərlə nəticələnəcək. Həmin ərazilərdə qiymətlərin artımını gözləyirik. Çünki infrastruktur inkişaf edirsə, yaşıllıq sahələri artırsa, nəqliyyata əlçatanlıq varsa, qiymətlərin artımı qaçılmaz olur. Lakin digər ərazilərdə qiymətlərin stabilləşəcəyi gözlənilir.

Ümumi kontekstdə götürdükdə, bu, bahalaşmanın miqyasında müəyyən tənzimləyici faktor rolunu oynayacaq. Qiymətlərin artımı təkcə Azərbaycanla bağlı deyil. Dünyada baş verən bahalaşmalar da birbaşa ölkəmizə təsir edir. Əgər əvvəllər vətəndaşlara mənzil almaq üçün 10 yer təqdim olunurdusa, söküntüdən sonra binalar tikildikcə seçim sayı da artacaq".

Əmlak məsələləri üzrə ekspert Orxan Rüstəmov bildirib ki, Bakı şəhərində binaların sökülməsi və yeni tikililərin inşası, adətən, mənzil bazarını birbaşa təsir edir və qiymətlərin bahalaşmasına səbəb ola bilər.

"Sökülən binaların yerində yeni və müasir tikililərin inşa edilməsi, ümumiyyətlə, daha yaxşı infrastruktur və xidmətlərlə yanaşı, daha yüksək qiymətlərə səbəb ola bilər. Yeni mənzillərin yüksək keyfiyyəti və daha yaxşı şəraiti alıcıların marağını artırır və qiymətlərin yüksəlməsinə təsir edir.

Binaların yerində yeni layihələr başlamazsa, mənzil sayı azalacaq. Bu, bazarda təklifin azalması ilə nəticələnəcək və qiymətlərin artmasına səbəb ola bilər. Xüsusilə şəhərin mərkəzi yerlərində olan binalar söküləndə, bu, daha çox hiss olunur. Binaların sökülməsi və yeni layihələrin həyata keçirilməsi ümumilikdə şəhərin infrastrukturunun inkişafını gətirə bilər. Bu, ərazinin cəlbediciliyini artırır və nəticədə, həmin ərazidəki mənzillərin qiymətləri yüksəlir", - deyə o qeyd edib.

ABŞ prezidenti Donald Trampın beynəlxalq rüsumlar tətbiq etməsindən sonra qlobal maliyyə bazarları 9,5 trilyon dollar itirib.
Apr 7, 2025 - 15:15

Bu barədə “Bloomberg” agentliyinə istinadən xəbər verir.

Məlumata görə, bazar ertəsi maliyyə bazarlarında maliyyə böhranı güclənib, əldən düşmüş investorlar ABŞ prezidenti Donald Trampın tarif siyasətini dəyişəcəyi ilə bağlı ümidlərini itiriblər.

Səhmlər çöküb və qlobal səhmlərin üçgünlük enişinin dəyəri təxminən 9,5 trilyon dollara çatıb. “S&P 500” fond fyuçersləri 3% itkidən xəbər verir, “VIX” indeksi isə 50-dən yuxarı qalxıb. Avropanın “Stoxx 600” indeksi 5% azalıb. 

“Tesla Inc”in səhmləri 10% ucuzlaşıb. “Apple Inc.”, “Amazon.com Inc.” və “Citigroup Inc”-nin səhmləri təxminən 5% ucuzlaşıb.

Asiya 2008-ci ildən bəri ən pis gününü başa vurub.

Hazırda Gürcüstanda kənd təsərrüfatı məhsullarının qiyməti belədir:
- Kartof - 1kq 1.27 GEL (0.50 sent) = 0.85 AZN
- Soğan - 1 kq 2.40 GEL (0.95 sent) = 1.62 AZN
- Pomidor 1 kq 2.31 GEL (0.91 sent) = 1.60 AZN
- Xiyar 1 kq 10.78 GEL (4.25 dollar) = 7.10 AZN
- 1 kq mal əti 14.59 GEL (5.76 dollar) = 9.80 AZN
- 1 kq toyuq əti 2.96 GEL (1.17 dollar) = 1.98 AZN
Qeyd edim bu qiymətlər 2025-ci ilin mart ayına olan qiymətlərdir.
Siyahını artırmaq olar. Maraqlıdır ki, ermənistanda da kənd təsərrüfatı məhsulları Gürcüstandan ucuzdur. Yalnlz 1 kq xiyar region ölkələrində ən ucuz Azərbaycandadır.
Eyni zamanda Gürcüstan Azərbaycanı yaz tarla səpin mövsümündə kartof sortu ilə təmin edən əsas təminatçıdır. Mal, qoyun əti idxalında da ən çox Gürcüstandan məhsul alırıq.
Azərbaycanda pərakəndə satış nöqtələrində yuxarıda qeyd etdiyim kənd təsərrüfatı məhsullarının qiymətini hamımız bilirik deyə uzun-uzadı yazmadım.
Özünüz müqayisə edin deyə ...
Razi Abasbəyli,iqtisadçı ekspert
TEREF