Son vaxtlar manatın məzənnəsi ilə bağlı müzakirələr yenidən aktivləşib. Tanınmış iqtisadçı Əkrəm Həsənovun sözlərinə görə, dolların dünya bazarlarında ucuzlaşması və ya bahalaşması manatın digər valyutalara nisbətdə devalvasiya və ya revalvasiyaya məruz qalmasına səbəb olur.

Mövcud vəziyyət manat üçün devalvasiya riski yaradırmı?

Globalinfo.az-a danışan iqtisadçı Emin Qəribli deyib ki, bu günlərdə dolların dəyərdən düşməsi təbiidir.

Onun sözlərinə görə, belə hallar əvvəllər də olub:

“1990-cı illərdə də kritik enişlər müşahidə olunub. Yəni bu, iqtisadiyyat üçün normal prosesdir. Əgər məzənnəyə baxsaq – həm nominal, həm də real baxımdan görərik ki, dolların dəyərinin azalması qaçılmazdır. Bu proses inflyasiya və indeksasiya ilə birbaşa əlaqəlidir. İnsanlar bunu gündəlik həyatlarında da müşahidə edirlər. Prosesin qarşısını almaq mümkün deyil. İqtisadiyyatın təbiəti elədir ki, pul dəyərdən düşür və buna qarşı durmaq mümkünsüzdür. Hər hansı bir valyutada pul saxlasanız da, onun alım qabiliyyəti zamanla azalacaq. Buna görə də pulunuzu sadəcə saxlamaqla deyil, onu kapitala çevirərək gəlir gətirəcək şəkildə yatırım etmək vacibdir. Bu, pulun iqtisadi dövriyyədə faydalı olması üçün ən düzgün yoldur”.

İqtisadçının sözlərinə görə, Azərbaycanda devalvasiya ilə bağlı ciddi əlamətlər hələlik görünmür:

“Valyuta ehtiyatlarımız davamlı artır. Əlbəttə, dünya iqtisadiyyatında problemlər mövcuddur, dolların da dəyəri dəyişir, neftin qiymətində dalğalanmalar var, neft hasilatı və ixracatı bəzən azalır. Amma bütün bunlara baxmayaraq, hökumətin maliyyə imkanları kifayət qədər güclüdür, ehtiyatlar artır və maye likvidlik təmin olunub. Bugünkü gündə müəyyən təzyiqlər var, lakin hökumət bunlara qarşı adekvat tədbirlər görür və iqtisadi stabilliyi qoruyur”.

Məlum olduğu kimi, Azərbaycan Respublikası Konstitusiyasının 89-cu maddəsinin 1-ci hisssəsində deputatın hansı hallarda mandatından məhrum ediləcəyi göstərilib.
Tribuna.az yeniavaz.com-a istinadən xəbər verir ki, Konstitusiyanın 89-cu maddəsinin 1-ci hisssəsinin 4-cü bəndində açıq şəkildə yazılır ki, deputat dövlət orqanlarında vəzifə tutduqda, din xadimi olduqda, sahibkarlıq, kommersiya və başqa ödənişli fəaliyyətlə məşğul olduqda (elmi, pedaqoji və yaradıcılıq fəaliyyəti istisna olmaqla) mandatından məhrum edilir.


Məlumat üçün bildirək ki, Dövlət Vergi Xidmətinin məlumatına görə, hazırda (28.01.2026) adları aşağıda qeyd olunan millət vəkilləri aktiv vergi ödəyicisi (fərdi sahibkar) hesab olunurlar:
Akimova Elnarə Seydulla qızı (VÖEN – 2902851642) – 46 saylı Sumqayıt beşinci seçki dairəsi;
Seyidzadə Şahin Kamil oğlu (VÖEN – 1700147382) – 87 saylı Qobustan-Şamaxı-İsmayıllı seçki dairəsi;
Nəsirov Elman Xudam oğlu (VÖEN – 1501283972) – 42 saylı Cəlilabad kənd seçki dairəsi;
Qədirli Erkin Toğrul oğlu (VÖEN – 1301471522) – 16 saylı Yasamal ikinci seçki dairəsi;
Əliyev Bəxtiyar Həmzə oğlu (VÖEN – 0900411502) – 119 saylı Ağdam seçki dairəsi.